| Library / Tipiṭaka / तिपिटक • Tipiṭaka / जातकपाळि • Jātakapāḷi |
३९२. सिङ्घपुप्फजातकं (६-२-७)
392. Siṅghapupphajātakaṃ (6-2-7)
११५.
115.
एकङ्गमेतं थेय्यानं, गन्धथेनोसि मारिस॥
Ekaṅgametaṃ theyyānaṃ, gandhathenosi mārisa.
११६.
116.
न हरामि न भञ्जामि, आरा सिङ्घामि वारिजं।
Na harāmi na bhañjāmi, ārā siṅghāmi vārijaṃ;
अथ केन नु वण्णेन, गन्धथेनोति वुच्चति॥
Atha kena nu vaṇṇena, gandhathenoti vuccati.
११७.
117.
योयं भिसानि खणति, पुण्डरीकानि भञ्जति।
Yoyaṃ bhisāni khaṇati, puṇḍarīkāni bhañjati;
एवं आकिण्णकम्मन्तो, कस्मा एसो न वुच्चति॥
Evaṃ ākiṇṇakammanto, kasmā eso na vuccati.
११८.
118.
आकिण्णलुद्दो पुरिसो, धातिचेलंव मक्खितो।
Ākiṇṇaluddo puriso, dhāticelaṃva makkhito;
तस्मिं मे वचनं नत्थि, तञ्चारहामि वत्तवे॥
Tasmiṃ me vacanaṃ natthi, tañcārahāmi vattave.
११९.
119.
अनङ्गणस्स पोसस्स, निच्चं सुचिगवेसिनो।
Anaṅgaṇassa posassa, niccaṃ sucigavesino;
वालग्गमत्तं पापस्स, अब्भामत्तंव खायति॥
Vālaggamattaṃ pāpassa, abbhāmattaṃva khāyati.
१२०.
120.
अद्धा मं यक्ख जानासि, अथो मं अनुकम्पसि।
Addhā maṃ yakkha jānāsi, atho maṃ anukampasi;
पुनपि यक्ख वज्जासि, यदा पस्ससि एदिसं॥
Punapi yakkha vajjāsi, yadā passasi edisaṃ.
१२१.
121.
त्वमेव भिक्खु जानेय्य, येन गच्छेय्य सुग्गतिन्ति॥
Tvameva bhikkhu jāneyya, yena gaccheyya suggatinti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [३९२] ७. सिङ्घपुप्फजातकवण्णना • [392] 7. Siṅghapupphajātakavaṇṇanā
