| Library / Tipiṭaka / తిపిటక • Tipiṭaka / జాతకపాళి • Jātakapāḷi |
౩౯౨. సిఙ్ఘపుప్ఫజాతకం (౬-౨-౭)
392. Siṅghapupphajātakaṃ (6-2-7)
౧౧౫.
115.
ఏకఙ్గమేతం థేయ్యానం, గన్ధథేనోసి మారిస.
Ekaṅgametaṃ theyyānaṃ, gandhathenosi mārisa.
౧౧౬.
116.
న హరామి న భఞ్జామి, ఆరా సిఙ్ఘామి వారిజం;
Na harāmi na bhañjāmi, ārā siṅghāmi vārijaṃ;
అథ కేన ను వణ్ణేన, గన్ధథేనోతి వుచ్చతి.
Atha kena nu vaṇṇena, gandhathenoti vuccati.
౧౧౭.
117.
యోయం భిసాని ఖణతి, పుణ్డరీకాని భఞ్జతి;
Yoyaṃ bhisāni khaṇati, puṇḍarīkāni bhañjati;
ఏవం ఆకిణ్ణకమ్మన్తో, కస్మా ఏసో న వుచ్చతి.
Evaṃ ākiṇṇakammanto, kasmā eso na vuccati.
౧౧౮.
118.
ఆకిణ్ణలుద్దో పురిసో, ధాతిచేలంవ మక్ఖితో;
Ākiṇṇaluddo puriso, dhāticelaṃva makkhito;
తస్మిం మే వచనం నత్థి, తఞ్చారహామి వత్తవే.
Tasmiṃ me vacanaṃ natthi, tañcārahāmi vattave.
౧౧౯.
119.
అనఙ్గణస్స పోసస్స, నిచ్చం సుచిగవేసినో;
Anaṅgaṇassa posassa, niccaṃ sucigavesino;
వాలగ్గమత్తం పాపస్స, అబ్భామత్తంవ ఖాయతి.
Vālaggamattaṃ pāpassa, abbhāmattaṃva khāyati.
౧౨౦.
120.
అద్ధా మం యక్ఖ జానాసి, అథో మం అనుకమ్పసి;
Addhā maṃ yakkha jānāsi, atho maṃ anukampasi;
పునపి యక్ఖ వజ్జాసి, యదా పస్ససి ఏదిసం.
Punapi yakkha vajjāsi, yadā passasi edisaṃ.
౧౨౧.
121.
త్వమేవ భిక్ఖు జానేయ్య, యేన గచ్ఛేయ్య సుగ్గతిన్తి.
Tvameva bhikkhu jāneyya, yena gaccheyya suggatinti.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / ఖుద్దకనికాయ (అట్ఠకథా) • Khuddakanikāya (aṭṭhakathā) / జాతక-అట్ఠకథా • Jātaka-aṭṭhakathā / [౩౯౨] ౭. సిఙ్ఘపుప్ఫజాతకవణ్ణనా • [392] 7. Siṅghapupphajātakavaṇṇanā
