| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੩੯੨. ਸਿਙ੍ਘਪੁਪ੍ਫਜਾਤਕਂ (੬-੨-੭)
392. Siṅghapupphajātakaṃ (6-2-7)
੧੧੫.
115.
ਏਕਙ੍ਗਮੇਤਂ ਥੇਯ੍ਯਾਨਂ, ਗਨ੍ਧਥੇਨੋਸਿ ਮਾਰਿਸ॥
Ekaṅgametaṃ theyyānaṃ, gandhathenosi mārisa.
੧੧੬.
116.
ਨ ਹਰਾਮਿ ਨ ਭਞ੍ਜਾਮਿ, ਆਰਾ ਸਿਙ੍ਘਾਮਿ વਾਰਿਜਂ।
Na harāmi na bhañjāmi, ārā siṅghāmi vārijaṃ;
ਅਥ ਕੇਨ ਨੁ વਣ੍ਣੇਨ, ਗਨ੍ਧਥੇਨੋਤਿ વੁਚ੍ਚਤਿ॥
Atha kena nu vaṇṇena, gandhathenoti vuccati.
੧੧੭.
117.
ਯੋਯਂ ਭਿਸਾਨਿ ਖਣਤਿ, ਪੁਣ੍ਡਰੀਕਾਨਿ ਭਞ੍ਜਤਿ।
Yoyaṃ bhisāni khaṇati, puṇḍarīkāni bhañjati;
ਏવਂ ਆਕਿਣ੍ਣਕਮ੍ਮਨ੍ਤੋ, ਕਸ੍ਮਾ ਏਸੋ ਨ વੁਚ੍ਚਤਿ॥
Evaṃ ākiṇṇakammanto, kasmā eso na vuccati.
੧੧੮.
118.
ਆਕਿਣ੍ਣਲੁਦ੍ਦੋ ਪੁਰਿਸੋ, ਧਾਤਿਚੇਲਂવ ਮਕ੍ਖਿਤੋ।
Ākiṇṇaluddo puriso, dhāticelaṃva makkhito;
ਤਸ੍ਮਿਂ ਮੇ વਚਨਂ ਨਤ੍ਥਿ, ਤਞ੍ਚਾਰਹਾਮਿ વਤ੍ਤવੇ॥
Tasmiṃ me vacanaṃ natthi, tañcārahāmi vattave.
੧੧੯.
119.
ਅਨਙ੍ਗਣਸ੍ਸ ਪੋਸਸ੍ਸ, ਨਿਚ੍ਚਂ ਸੁਚਿਗવੇਸਿਨੋ।
Anaṅgaṇassa posassa, niccaṃ sucigavesino;
વਾਲਗ੍ਗਮਤ੍ਤਂ ਪਾਪਸ੍ਸ, ਅਬ੍ਭਾਮਤ੍ਤਂવ ਖਾਯਤਿ॥
Vālaggamattaṃ pāpassa, abbhāmattaṃva khāyati.
੧੨੦.
120.
ਅਦ੍ਧਾ ਮਂ ਯਕ੍ਖ ਜਾਨਾਸਿ, ਅਥੋ ਮਂ ਅਨੁਕਮ੍ਪਸਿ।
Addhā maṃ yakkha jānāsi, atho maṃ anukampasi;
ਪੁਨਪਿ ਯਕ੍ਖ વਜ੍ਜਾਸਿ, ਯਦਾ ਪਸ੍ਸਸਿ ਏਦਿਸਂ॥
Punapi yakkha vajjāsi, yadā passasi edisaṃ.
੧੨੧.
121.
ਤ੍વਮੇવ ਭਿਕ੍ਖੁ ਜਾਨੇਯ੍ਯ, ਯੇਨ ਗਚ੍ਛੇਯ੍ਯ ਸੁਗ੍ਗਤਿਨ੍ਤਿ॥
Tvameva bhikkhu jāneyya, yena gaccheyya suggatinti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੩੯੨] ੭. ਸਿਙ੍ਘਪੁਪ੍ਫਜਾਤਕવਣ੍ਣਨਾ • [392] 7. Siṅghapupphajātakavaṇṇanā
