| Library / Tipiṭaka / തിപിടക • Tipiṭaka / ജാതകപാളി • Jātakapāḷi |
൩൯൨. സിങ്ഘപുപ്ഫജാതകം (൬-൨-൭)
392. Siṅghapupphajātakaṃ (6-2-7)
൧൧൫.
115.
ഏകങ്ഗമേതം ഥേയ്യാനം, ഗന്ധഥേനോസി മാരിസ.
Ekaṅgametaṃ theyyānaṃ, gandhathenosi mārisa.
൧൧൬.
116.
ന ഹരാമി ന ഭഞ്ജാമി, ആരാ സിങ്ഘാമി വാരിജം;
Na harāmi na bhañjāmi, ārā siṅghāmi vārijaṃ;
അഥ കേന നു വണ്ണേന, ഗന്ധഥേനോതി വുച്ചതി.
Atha kena nu vaṇṇena, gandhathenoti vuccati.
൧൧൭.
117.
യോയം ഭിസാനി ഖണതി, പുണ്ഡരീകാനി ഭഞ്ജതി;
Yoyaṃ bhisāni khaṇati, puṇḍarīkāni bhañjati;
ഏവം ആകിണ്ണകമ്മന്തോ, കസ്മാ ഏസോ ന വുച്ചതി.
Evaṃ ākiṇṇakammanto, kasmā eso na vuccati.
൧൧൮.
118.
ആകിണ്ണലുദ്ദോ പുരിസോ, ധാതിചേലംവ മക്ഖിതോ;
Ākiṇṇaluddo puriso, dhāticelaṃva makkhito;
തസ്മിം മേ വചനം നത്ഥി, തഞ്ചാരഹാമി വത്തവേ.
Tasmiṃ me vacanaṃ natthi, tañcārahāmi vattave.
൧൧൯.
119.
അനങ്ഗണസ്സ പോസസ്സ, നിച്ചം സുചിഗവേസിനോ;
Anaṅgaṇassa posassa, niccaṃ sucigavesino;
വാലഗ്ഗമത്തം പാപസ്സ, അബ്ഭാമത്തംവ ഖായതി.
Vālaggamattaṃ pāpassa, abbhāmattaṃva khāyati.
൧൨൦.
120.
അദ്ധാ മം യക്ഖ ജാനാസി, അഥോ മം അനുകമ്പസി;
Addhā maṃ yakkha jānāsi, atho maṃ anukampasi;
പുനപി യക്ഖ വജ്ജാസി, യദാ പസ്സസി ഏദിസം.
Punapi yakkha vajjāsi, yadā passasi edisaṃ.
൧൨൧.
121.
ത്വമേവ ഭിക്ഖു ജാനേയ്യ, യേന ഗച്ഛേയ്യ സുഗ്ഗതിന്തി.
Tvameva bhikkhu jāneyya, yena gaccheyya suggatinti.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / ജാതക-അട്ഠകഥാ • Jātaka-aṭṭhakathā / [൩൯൨] ൭. സിങ്ഘപുപ്ഫജാതകവണ്ണനാ • [392] 7. Siṅghapupphajātakavaṇṇanā
