| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[392] 7. син̇гхабубпаж̇аад̇агаван̣н̣анаа
[392] 7. Siṅghapupphajātakavaṇṇanā
яамзд̇анд̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ бхигкум̣ аараб̣бха гат̇зси. со гира ж̇зд̇аванаа нигкамид̇ваа госаларадтз ан̃н̃ад̇арам̣ аран̃н̃ам̣ ниссааяа вихаранд̇о згад̣̇ивасам̣ бад̣̇умасарам̣ од̇арид̇ваа субубпид̇абад̣̇умам̣ д̣̇исваа ад̇ховаад̇з тад̇ваа убасин̇гхи. ат̇а нам̣ д̇асмим̣ ванз ад̇хивад̇т̇аа д̣̇звад̇аа ‘‘маариса, д̇вам̣ г̇анд̇хат̇зно наама, ид̣̇ам̣ д̇з згам̣ т̇зяяан̇г̇а’’нд̇и сам̣взж̇зси. со д̇ааяа сам̣взж̇ид̇о буна ж̇зд̇аванам̣ ааг̇анд̇ваа сад̇т̇аарам̣ ванд̣̇ид̇ваа нисинно ‘‘гахам̣ бхигку нивуд̇т̇осий’’д̇и будто ‘‘асугаванасан̣д̣з наама, д̇ад̇т̇а жа мам̣ д̣̇звад̇аа звам̣ наама сам̣взж̇зсий’’д̇и ааха. ат̇а нам̣ сад̇т̇аа ‘‘на ко бхигку бубпам̣ убасин̇гханд̇о д̇вамзва д̣̇звад̇ааяа сам̣взж̇ид̇о, бораан̣агабан̣д̣ид̇ааби сам̣взж̇ид̇абуб̣б̣аа’’д̇и вад̇ваа д̇зна яаажид̇о ад̇ийд̇ам̣ аахари.
Yametanti idaṃ satthā jetavane viharanto aññataraṃ bhikkhuṃ ārabbha kathesi. So kira jetavanā nikkhamitvā kosalaraṭṭhe aññataraṃ araññaṃ nissāya viharanto ekadivasaṃ padumasaraṃ otaritvā supupphitapadumaṃ disvā adhovāte ṭhatvā upasiṅghi. Atha naṃ tasmiṃ vane adhivatthā devatā ‘‘mārisa, tvaṃ gandhatheno nāma, idaṃ te ekaṃ theyyaṅga’’nti saṃvejesi. So tāya saṃvejito puna jetavanaṃ āgantvā satthāraṃ vanditvā nisinno ‘‘kahaṃ bhikkhu nivutthosī’’ti puṭṭho ‘‘asukavanasaṇḍe nāma, tattha ca maṃ devatā evaṃ nāma saṃvejesī’’ti āha. Atha naṃ satthā ‘‘na kho bhikkhu pupphaṃ upasiṅghanto tvameva devatāya saṃvejito, porāṇakapaṇḍitāpi saṃvejitapubbā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ гаасигаг̇аамз б̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилааяам̣ уг̇г̇ахид̇асиббо абарабхааг̇з исибаб̣б̣аж̇ж̇ам̣ баб̣б̣аж̇ид̇ваа згам̣ бад̣̇умасарам̣ ниссааяа убавасанд̇о згад̣̇ивасам̣ сарам̣ од̇арид̇ваа субубпид̇абад̣̇умам̣ убасин̇гхамаано адтааси. ат̇а нам̣ згаа д̣̇звад̇хийд̇аа ругкагканд̇хавиварз тад̇ваа сам̣взж̇аяамаанаа батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto ekasmiṃ kāsikagāme brāhmaṇakule nibbattitvā vayappatto takkasilāyaṃ uggahitasippo aparabhāge isipabbajjaṃ pabbajitvā ekaṃ padumasaraṃ nissāya upavasanto ekadivasaṃ saraṃ otaritvā supupphitapadumaṃ upasiṅghamāno aṭṭhāsi. Atha naṃ ekā devadhītā rukkhakkhandhavivare ṭhatvā saṃvejayamānā paṭhamaṃ gāthamāha –
115.
115.
‘‘яамзд̇ам̣ ваариж̇ам̣ бубпам̣, ад̣̇иннам̣ убасин̇гхаси;
‘‘Yametaṃ vārijaṃ pupphaṃ, adinnaṃ upasiṅghasi;
зган̇г̇амзд̇ам̣ т̇зяяаанам̣, г̇анд̇хат̇зноси маарисаа’’д̇и.
Ekaṅgametaṃ theyyānaṃ, gandhathenosi mārisā’’ti.
д̇ад̇т̇а зган̇г̇амзд̇анд̇и згагодтаасо зса.
Tattha ekaṅgametanti ekakoṭṭhāso esa.
д̇ад̇о б̣од̇хисад̇д̇о д̣̇уд̇ияам̣ г̇аат̇амааха –
Tato bodhisatto dutiyaṃ gāthamāha –
116.
116.
‘‘на хараами на бхан̃ж̇аами, аараа син̇гхаами ваариж̇ам̣;
‘‘Na harāmi na bhañjāmi, ārā siṅghāmi vārijaṃ;
ат̇а гзна ну ван̣н̣зна, г̇анд̇хат̇знод̇и вужжад̇ий’’д̇и.
Atha kena nu vaṇṇena, gandhathenoti vuccatī’’ti.
д̇ад̇т̇а аараа син̇гхаамийд̇и д̣̇уурз тид̇о гхааяаами. ван̣н̣знаад̇и гааран̣зна.
Tattha ārā siṅghāmīti dūre ṭhito ghāyāmi. Vaṇṇenāti kāraṇena.
д̇асмим̣ кан̣з зго бурисо д̇асмим̣ сарз бхисаани жзва кан̣ад̇и, бун̣д̣арийгаани жа бхан̃ж̇ад̇и . б̣од̇хисад̇д̇о д̇ам̣ д̣̇исваа ‘‘мам̣ аараа тад̇ваа убасин̇гханд̇ам̣ ‘жоро’д̇и вад̣̇аси, зд̇ам̣ бурисам̣ гасмаа на бхан̣асий’’д̇и д̇ааяа сад̣̇д̇хим̣ саллабанд̇о д̇ад̇ияам̣ г̇аат̇амааха –
Tasmiṃ khaṇe eko puriso tasmiṃ sare bhisāni ceva khaṇati, puṇḍarīkāni ca bhañjati . Bodhisatto taṃ disvā ‘‘maṃ ārā ṭhatvā upasiṅghantaṃ ‘coro’ti vadasi, etaṃ purisaṃ kasmā na bhaṇasī’’ti tāya saddhiṃ sallapanto tatiyaṃ gāthamāha –
117.
117.
‘‘яояам̣ бхисаани кан̣ад̇и, бун̣д̣арийгаани бхан̃ж̇ад̇и;
‘‘Yoyaṃ bhisāni khaṇati, puṇḍarīkāni bhañjati;
звам̣ аагин̣н̣агамманд̇о, гасмаа зсо на вужжад̇ий’’д̇и.
Evaṃ ākiṇṇakammanto, kasmā eso na vuccatī’’ti.
д̇ад̇т̇а аагин̣н̣агамманд̇од̇и гагкал̣агамманд̇о д̣̇аарун̣агамманд̇о.
Tattha ākiṇṇakammantoti kakkhaḷakammanto dāruṇakammanto.
ат̇асса аважанагааран̣ам̣ аажигканд̇ий д̣̇звад̇аа жад̇уд̇т̇абан̃жамаг̇аат̇аа абхааси –
Athassa avacanakāraṇaṃ ācikkhantī devatā catutthapañcamagāthā abhāsi –
118.
118.
‘‘аагин̣н̣алуд̣̇д̣̇о бурисо, д̇хаад̇ижзлам̣ва магкид̇о;
‘‘Ākiṇṇaluddo puriso, dhāticelaṃva makkhito;
д̇асмим̣ мз важанам̣ над̇т̇и, д̇ан̃жаарахаами вад̇д̇авз.
Tasmiṃ me vacanaṃ natthi, tañcārahāmi vattave.
119.
119.
‘‘анан̇г̇ан̣асса босасса, нижжам̣ сужиг̇авзсино;
‘‘Anaṅgaṇassa posassa, niccaṃ sucigavesino;
ваалаг̇г̇амад̇д̇ам̣ баабасса, аб̣бхаамад̇д̇ам̣ва кааяад̇ий’’д̇и.
Vālaggamattaṃ pāpassa, abbhāmattaṃva khāyatī’’ti.
д̇ад̇т̇а д̇хаад̇ижзлам̣ваад̇и кзл̣асин̇гхаан̣игамуд̇д̇аг̇уут̇амагкид̇ам̣ д̇хаад̇ид̣̇аасияаа нивад̇т̇ажзлам̣ вияа аяам̣ баабамагкид̇оязва, д̇зна гааран̣зна д̇асмим̣ мама важанам̣ над̇т̇и. д̇ан̃жаарахаамийд̇и саман̣аа бана оваад̣̇агкамаа хонд̇и бияасийлаа, д̇асмаа д̇ам̣ аббамад̇д̇агамби аяуд̇д̇ам̣ гаронд̇ам̣ вад̇д̇ум̣ арахаами саман̣аад̇и. анан̇г̇ан̣ассаад̇и нид̣̇д̣̇осасса д̇умхаад̣̇исасса. аб̣бхаамад̇д̇ам̣ва кааяад̇ийд̇и махаамзгхаббамаан̣ам̣ худ̇ваа убадтаад̇и, ид̣̇аани гасмаа зваруубам̣ д̣̇осам̣ аб̣б̣охааригам̣ гаросийд̇и.
Tattha dhāticelaṃvāti kheḷasiṅghāṇikamuttagūthamakkhitaṃ dhātidāsiyā nivatthacelaṃ viya ayaṃ pāpamakkhitoyeva, tena kāraṇena tasmiṃ mama vacanaṃ natthi. Tañcārahāmīti samaṇā pana ovādakkhamā honti piyasīlā, tasmā taṃ appamattakampi ayuttaṃ karontaṃ vattuṃ arahāmi samaṇāti. Anaṅgaṇassāti niddosassa tumhādisassa. Abbhāmattaṃva khāyatīti mahāmeghappamāṇaṃ hutvā upaṭṭhāti, idāni kasmā evarūpaṃ dosaṃ abbohārikaṃ karosīti.
д̇ааяа бана сам̣взж̇ид̇о б̣од̇хисад̇д̇о сам̣взг̇аббад̇д̇о чадтам̣ г̇аат̇амааха –
Tāya pana saṃvejito bodhisatto saṃvegappatto chaṭṭhaṃ gāthamāha –
120.
120.
‘‘ад̣̇д̇хаа мам̣ яагка ж̇аанааси, ат̇о мам̣ анугамбаси;
‘‘Addhā maṃ yakkha jānāsi, atho maṃ anukampasi;
бунаби яагка важ̇ж̇ааси, яад̣̇аа бассаси зд̣̇иса’’нд̇и.
Punapi yakkha vajjāsi, yadā passasi edisa’’nti.
д̇ад̇т̇а яагкаад̇и д̣̇звад̇ам̣ аалабад̇и. важ̇ж̇аасийд̇и вад̣̇зяяааси. яад̣̇аа бассаси зд̣̇исанд̇и яад̣̇аа мама зваруубам̣ д̣̇осам̣ бассаси, д̇ад̣̇аа звам̣ мама вад̣̇зяяаасийд̇и вад̣̇ад̇и.
Tattha yakkhāti devataṃ ālapati. Vajjāsīti vadeyyāsi. Yadā passasi edisanti yadā mama evarūpaṃ dosaṃ passasi, tadā evaṃ mama vadeyyāsīti vadati.
ат̇асса саа д̣̇звад̇хийд̇аа сад̇д̇амам̣ г̇аат̇амааха –
Athassa sā devadhītā sattamaṃ gāthamāha –
121.
121.
‘‘нзва д̇ам̣ убаж̇ийваами, наби д̇з бхад̇агаамхасз;
‘‘Neva taṃ upajīvāmi, napi te bhatakāmhase;
д̇вамзва бхигку ж̇аанзяяа, язна г̇ажчзяяа суг̇г̇ад̇и’’нд̇и.
Tvameva bhikkhu jāneyya, yena gaccheyya suggati’’nti.
д̇ад̇т̇а бхад̇агаамхасзд̇и д̇ава бхад̇ихад̇аа гаммагарааби на хома. гим̣гааран̣аа д̇ам̣ саб̣б̣агаалам̣ рагкамаанаа вижариссаамаад̇и д̣̇ийбзд̇и. язна г̇ажчзяяаад̇и бхигку язна гаммзна д̇вам̣ суг̇ад̇им̣ г̇ажчзяяааси, д̇вамзва д̇ам̣ ж̇аанзяяаасийд̇и.
Tattha bhatakāmhaseti tava bhatihatā kammakarāpi na homa. Kiṃkāraṇā taṃ sabbakālaṃ rakkhamānā vicarissāmāti dīpeti. Yena gaccheyyāti bhikkhu yena kammena tvaṃ sugatiṃ gaccheyyāsi, tvameva taṃ jāneyyāsīti.
звам̣ саа д̇асса оваад̣̇ам̣ д̣̇ад̇ваа ад̇д̇ано вимаанамзва бавидтаа. б̣од̇хисад̇д̇оби жхаанам̣ ниб̣б̣ад̇д̇зд̇ваа б̣рахмалогабарааяан̣о ахоси.
Evaṃ sā tassa ovādaṃ datvā attano vimānameva paviṭṭhā. Bodhisattopi jhānaṃ nibbattetvā brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз со бхигку сод̇аабад̇д̇ипалз бад̇идтахи.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne so bhikkhu sotāpattiphale patiṭṭhahi.
д̇ад̣̇аа д̣̇звад̇хийд̇аа уббалаван̣н̣аа ахоси, д̇аабасо бана ахамзва ахосинд̇и.
Tadā devadhītā uppalavaṇṇā ahosi, tāpaso pana ahameva ahosinti.
син̇гхабубпаж̇аад̇агаван̣н̣анаа сад̇д̇амаа.
Siṅghapupphajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 392. син̇гхабубпаж̇аад̇агам̣ • 392. Siṅghapupphajātakaṃ
