| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
9. сиббасуд̇д̇аван̣н̣анаа
9. Sippasuttavaṇṇanā
29. навамз го ну ко, аавусо, сиббам̣ ж̇аанаад̇ийд̇и, аавусо, амхзсу ид̇ха саннибад̇ид̇зсу го ну ж̇ийвид̇анимид̇д̇ам̣ сигкид̇аб̣б̣адтзна ‘‘сибба’’нд̇и лад̣̇д̇ханаамам̣ яам̣гин̃жи ааж̇ийвам̣ виж̇аанаад̇и? го гим̣ сиббам̣ сигкийд̇и го д̣̇ийгхарад̇д̇ам̣ сиббаажарияагулам̣ баяирубаасид̇ваа ааг̇амад̇о баяог̇ад̇о жа хад̇т̇исиббаад̣̇ийсу гим̣ сиббам̣ сигки? гад̇арам̣ сиббам̣ сиббаанам̣ аг̇г̇анд̇и саб̣б̣асиббаанам̣ аг̇аараяхад̇ааяа махабпалад̇ааяа агижчасид̣̇д̇хияаа жа гад̇арам̣ сиббам̣ аг̇г̇ам̣ уд̇д̇амам̣? яам̣ ниссааяа сукзна саггаа ж̇ийвид̇унд̇и ад̇хиббааяо. д̇ад̇т̇згажжзд̇и д̇зсу бхигкуусу згажжз бхигкуу. яз хад̇т̇аажарияагулаа баб̣б̣аж̇ид̇аа д̇з. звамаахам̣сууд̇и д̇з звам̣ бхан̣им̣су. ид̇о барамби ‘‘згажжз’’д̇и вуд̇д̇адтаанз зсзва наяо. хад̇т̇исиббанд̇и яам̣ хад̇т̇ийнам̣ бариг̇г̇ан̣ханад̣̇аманасааран̣арог̇ад̇игижчаад̣̇ибхзд̣̇ам̣ гад̇д̇аб̣б̣ам̣, д̇ам̣ уд̣̇д̣̇исса бавад̇д̇ам̣ саб̣б̣амби сиббам̣ ид̇ха ‘‘хад̇т̇исибба’’нд̇и ад̇хиббзд̇ам̣. ассасиббанд̇и зд̇т̇ааби зсзва наяо. рат̇асиббам̣ бана рат̇аяог̇г̇аанам̣ д̣̇аманасааран̣аад̣̇ивид̇хаанавасзна жзва рат̇асса гаран̣авасзна жа взд̣̇ид̇аб̣б̣ам̣. д̇ханусиббанд̇и иссаасасиббам̣, яо д̇хануб̣б̣зд̇ход̇и вужжад̇и. т̇арусиббанд̇и сзсааавуд̇хасиббам̣. муд̣̇д̣̇аасиббанд̇и хад̇т̇амуд̣̇д̣̇ааяа г̇ан̣анасиббам̣. г̇ан̣анасиббанд̇и ажчид̣̇д̣̇агаг̇ан̣анасиббам̣. сан̇каанасиббанд̇и сан̇галанабадуббаад̣̇анаад̣̇ивасзна бин̣д̣аг̇ан̣анасиббам̣. д̇ам̣ яасса баг̇ун̣ам̣ ход̇и, со ругкамби д̣̇исваа ‘‘зд̇д̇агаани зд̇т̇а бан̣н̣ааний’’д̇и г̇ан̣ид̇ум̣ ж̇аанаад̇и. лзкаасиббанд̇и наанаагаарзхи агкараликанасиббам̣, либин̃аан̣ам̣ ваа. гаавзяяасиббанд̇и ад̇д̇ано жинд̇аавасзна ваа барад̇о бадилад̣̇д̇хасуд̇авасзна ваа, ‘‘имасса аяамад̇т̇о, звам̣ нам̣ яож̇зссаамий’’д̇и звам̣ ад̇т̇авасзна ваа, гин̃жид̣̇зва габ̣б̣ам̣ д̣̇исваа, ‘‘д̇аббадибхааг̇ам̣ габ̣б̣ам̣ гариссаамий’’д̇и таануббад̇д̇игабадибхаанавасзна ваа жинд̇аагавиаад̣̇ийнам̣ жад̇уннам̣ гавийнам̣ габ̣б̣агаран̣асиббам̣. вуд̇д̇ан̃хзд̇ам̣ бхаг̇авад̇аа –
29. Navame ko nu kho, āvuso, sippaṃ jānātīti, āvuso, amhesu idha sannipatitesu ko nu jīvitanimittaṃ sikkhitabbaṭṭhena ‘‘sippa’’nti laddhanāmaṃ yaṃkiñci ājīvaṃ vijānāti? Ko kiṃ sippaṃ sikkhīti ko dīgharattaṃ sippācariyakulaṃ payirupāsitvā āgamato payogato ca hatthisippādīsu kiṃ sippaṃ sikkhi? Kataraṃ sippaṃ sippānaṃ agganti sabbasippānaṃ agārayhatāya mahapphalatāya akicchasiddhiyā ca kataraṃ sippaṃ aggaṃ uttamaṃ? Yaṃ nissāya sukhena sakkā jīvitunti adhippāyo. Tatthekacceti tesu bhikkhūsu ekacce bhikkhū. Ye hatthācariyakulā pabbajitā te. Evamāhaṃsūti te evaṃ bhaṇiṃsu. Ito parampi ‘‘ekacce’’ti vuttaṭṭhāne eseva nayo. Hatthisippanti yaṃ hatthīnaṃ pariggaṇhanadamanasāraṇarogatikicchādibhedaṃ kattabbaṃ, taṃ uddissa pavattaṃ sabbampi sippaṃ idha ‘‘hatthisippa’’nti adhippetaṃ. Assasippanti etthāpi eseva nayo. Rathasippaṃ pana rathayoggānaṃ damanasāraṇādividhānavasena ceva rathassa karaṇavasena ca veditabbaṃ. Dhanusippanti issāsasippaṃ, yo dhanubbedhoti vuccati. Tharusippanti sesaāvudhasippaṃ. Muddāsippanti hatthamuddāya gaṇanasippaṃ. Gaṇanasippanti acchiddakagaṇanasippaṃ. Saṅkhānasippanti saṅkalanapaṭuppādanādivasena piṇḍagaṇanasippaṃ. Taṃ yassa paguṇaṃ hoti, so rukkhampi disvā ‘‘ettakāni ettha paṇṇānī’’ti gaṇituṃ jānāti. Lekhāsippanti nānākārehi akkharalikhanasippaṃ, lipiñāṇaṃ vā. Kāveyyasippanti attano cintāvasena vā parato paṭiladdhasutavasena vā, ‘‘imassa ayamattho, evaṃ naṃ yojessāmī’’ti evaṃ atthavasena vā, kiñcideva kabbaṃ disvā, ‘‘tappaṭibhāgaṃ kabbaṃ karissāmī’’ti ṭhānuppattikapaṭibhānavasena vā cintākaviādīnaṃ catunnaṃ kavīnaṃ kabbakaraṇasippaṃ. Vuttañhetaṃ bhagavatā –
‘‘жад̇д̇ааромз, бхигкавз, гавий – жинд̇аагави, суд̇агави, ад̇т̇агави, бадибхаанагавий’’д̇и (а. ни. 4.231).
‘‘Cattārome, bhikkhave, kavī – cintākavi, sutakavi, atthakavi, paṭibhānakavī’’ti (a. ni. 4.231).
логааяад̇асиббанд̇и ‘‘гааго сзд̇о адтийнам̣ сзд̇ад̇д̇аа, б̣алаагаа рад̇д̇аа лохид̇асса рад̇д̇ад̇д̇аа’’д̇и звамаад̣̇инаяаббавад̇д̇ам̣ баралоганиб̣б̣аанаанам̣ бадисзд̇хагам̣ вид̇ан̣д̣асад̇т̇асиббам̣. кад̇д̇авиж̇ж̇аасиббанд̇и аб̣бхзяяамаасурагкаад̣̇инийд̇исад̇т̇асиббам̣. имаани гира д̣̇ваад̣̇аса махаасиббаани наама. д̇знзвааха д̇ад̇т̇а д̇ад̇т̇а ‘‘сиббаанам̣ аг̇г̇а’’нд̇и.
Lokāyatasippanti ‘‘kāko seto aṭṭhīnaṃ setattā, balākā rattā lohitassa rattattā’’ti evamādinayappavattaṃ paralokanibbānānaṃ paṭisedhakaṃ vitaṇḍasatthasippaṃ. Khattavijjāsippanti abbheyyamāsurakkhādinītisatthasippaṃ. Imāni kira dvādasa mahāsippāni nāma. Tenevāha tattha tattha ‘‘sippānaṃ agga’’nti.
зд̇амад̇т̇ам̣ вид̣̇ид̇ваад̇и зд̇ам̣ саб̣б̣асиббааяад̇анаанам̣ ж̇ийвигад̇т̇ад̇ааяа ваддад̣̇угкад̇о аниссаран̣абхаавам̣ , сийлаад̣̇ийнам̣язва бана субарисуд̣̇д̇хаанам̣ ниссаран̣абхаавам̣, д̇ам̣ саман̇г̇иноязва жа бхигкубхаавам̣ саб̣б̣аагаарад̇о вид̣̇ид̇ваа д̇ад̣̇ад̇т̇авибхааванам̣ имам̣ уд̣̇аанам̣ уд̣̇аанзси.
Etamatthaṃviditvāti etaṃ sabbasippāyatanānaṃ jīvikatthatāya vaṭṭadukkhato anissaraṇabhāvaṃ , sīlādīnaṃyeva pana suparisuddhānaṃ nissaraṇabhāvaṃ, taṃ samaṅginoyeva ca bhikkhubhāvaṃ sabbākārato viditvā tadatthavibhāvanaṃ imaṃ udānaṃ udānesi.
д̇ад̇т̇а асиббаж̇ийвийд̇и жад̇уннам̣ д̇ан̣хуббаад̣̇аанам̣ самужчзд̣̇авигкамбханзна бажжаяаасааяа висосид̇ад̇д̇аа яам̣гин̃жи сиббам̣ убаниссааяа ж̇ийвигам̣ на габбзд̇ийд̇и асиббаж̇ийвий, зд̇зна ааж̇ийвабаарисуд̣̇д̇хисийлам̣ д̣̇ассзд̇и. лахууд̇и аббагижжад̇ааяа саллахугавуд̇д̇ид̇ааяа жа лаху аб̣ахуласамбхааро, зд̇зна жад̇убажжаяасанд̇осасид̣̇д̇хам̣ субхарад̇ам̣ д̣̇ассзд̇и. ад̇т̇агаамод̇и сад̣̇звагасса логасса ад̇т̇амзва гаамзд̇ийд̇и ад̇т̇агаамо, зд̇зна сад̇д̇аанам̣ анад̇т̇абариваж̇ж̇анасса багаасид̇ад̇д̇аа баад̇имогкасам̣варасийлам̣ д̣̇ассзд̇и баан̣аад̇ибаад̇аад̣̇ианад̇т̇авираман̣абарид̣̇ийбанад̇о. яад̇инд̣̇рияод̇и жагкаад̣̇ийнам̣ чаннам̣ инд̣̇рияаанам̣ абхиж̇жхаад̣̇яаббавад̇д̇ид̇о сам̣яамзна яад̇инд̣̇рияо, зд̇зна инд̣̇рияасам̣варасийлам̣ вуд̇д̇ам̣. саб̣б̣ад̇хи виббамуд̇д̇од̇и звам̣ субарисуд̣̇д̇хасийло жад̇убажжаяасанд̇осз авадтид̇о саббажжаяам̣ наамаруубам̣ бариг̇г̇ахзд̇ваа анижжаад̣̇ивасзна сан̇каарз саммасанд̇о вибассанам̣ уссуггаабзд̇ваа д̇ад̇о барам̣ бадибаадияаа бавад̇д̇ид̇зхи жад̇уухи арияамаг̇г̇зхи сам̣яож̇анаанам̣ бахийнад̇д̇аа саб̣б̣ад̇хи саб̣б̣ад̇т̇а бхаваад̣̇ийсу виббамуд̇д̇о.
Tattha asippajīvīti catunnaṃ taṇhuppādānaṃ samucchedavikkhambhanena paccayāsāya visositattā yaṃkiñci sippaṃ upanissāya jīvikaṃ na kappetīti asippajīvī, etena ājīvapārisuddhisīlaṃ dasseti. Lahūti appakiccatāya sallahukavuttitāya ca lahu abahulasambhāro, etena catupaccayasantosasiddhaṃ subharataṃ dasseti. Atthakāmoti sadevakassa lokassa atthameva kāmetīti atthakāmo, etena sattānaṃ anatthaparivajjanassa pakāsitattā pātimokkhasaṃvarasīlaṃ dasseti pāṇātipātādianatthaviramaṇaparidīpanato. Yatindriyoti cakkhādīnaṃ channaṃ indriyānaṃ abhijjhādyappavattito saṃyamena yatindriyo, etena indriyasaṃvarasīlaṃ vuttaṃ. Sabbadhi vippamuttoti evaṃ suparisuddhasīlo catupaccayasantose avaṭṭhito sappaccayaṃ nāmarūpaṃ pariggahetvā aniccādivasena saṅkhāre sammasanto vipassanaṃ ussukkāpetvā tato paraṃ paṭipāṭiyā pavattitehi catūhi ariyamaggehi saṃyojanānaṃ pahīnattā sabbadhi sabbattha bhavādīsu vippamutto.
аногасаарий амамо нираасод̇и д̇ат̇аа саб̣б̣ад̇хи виббамуд̇д̇ад̇д̇аа зва огасан̇каад̇зсу часуби ааяад̇анзсу д̇ан̣хаабхисаран̣асса абхаавзна аногасаарий, руубаад̣̇ийсу гад̇т̇ажи маман̇гаараабхаавад̇о амамо, саб̣б̣зна саб̣б̣ам̣ анаасийсанад̇о нираасо. хид̇ваа маанам̣ згажаро са бхигкууд̇и звам̣бхууд̇о жа со арахад̇д̇амаг̇г̇аббад̇д̇исамагааламзва анавасзсам̣ маанам̣ хид̇ваа баж̇ахид̇ваа имз бхигкуу вияа г̇ан̣асан̇г̇ан̣игам̣ агад̇ваа бавивзгагаамад̇ааяа д̇ан̣хаасахааяавирахзна жа саб̣б̣ирияаабат̇зсу згажаро, со саб̣б̣асо бхиннагилзсад̇д̇аа барамад̇т̇ад̇о бхигку наама. зд̇т̇а жа ‘‘асиббаж̇ийвий’’д̇иаад̣̇инаа логияаг̇ун̣аа гат̇ид̇аа, ‘‘саб̣б̣ад̇хи виббамуд̇д̇о’’д̇иаад̣̇инаа логуд̇д̇араг̇ун̣аа гат̇ид̇аа. д̇ад̇т̇а асиббаж̇ийвийд̇иаад̣̇и ‘‘вибхавз тид̇ассзва аяам̣ д̇хаммо, на сиббам̣ ниссааяа мижчааж̇ийвзна ж̇ийвигам̣ габбзнд̇асса, д̇асмаа сиббзсу саараг̇г̇ахан̣ам̣ виссаж̇ж̇зд̇ваа ад̇хисийлаад̣̇ийсуязва д̇умхзхи сигкид̇аб̣б̣а’’нд̇и д̣̇ассзд̇и.
Anokasārīamamo nirāsoti tathā sabbadhi vippamuttattā eva okasaṅkhātesu chasupi āyatanesu taṇhābhisaraṇassa abhāvena anokasārī, rūpādīsu katthaci mamaṅkārābhāvato amamo, sabbena sabbaṃ anāsīsanato nirāso. Hitvā mānaṃ ekacaro sa bhikkhūti evaṃbhūto ca so arahattamaggappattisamakālameva anavasesaṃ mānaṃ hitvā pajahitvā ime bhikkhū viya gaṇasaṅgaṇikaṃ akatvā pavivekakāmatāya taṇhāsahāyavirahena ca sabbiriyāpathesu ekacaro, so sabbaso bhinnakilesattā paramatthato bhikkhu nāma. Ettha ca ‘‘asippajīvī’’tiādinā lokiyaguṇā kathitā, ‘‘sabbadhi vippamutto’’tiādinā lokuttaraguṇā kathitā. Tattha asippajīvītiādi ‘‘vibhave ṭhitasseva ayaṃ dhammo, na sippaṃ nissāya micchājīvena jīvikaṃ kappentassa, tasmā sippesu sāraggahaṇaṃ vissajjetvā adhisīlādīsuyeva tumhehi sikkhitabba’’nti dasseti.
навамасуд̇д̇аван̣н̣анаа нидтид̇аа.
Navamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 9. сиббасуд̇д̇ам̣ • 9. Sippasuttaṃ
