| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[284] 4. сириж̇аад̇агаван̣н̣анаа
[284] 4. Sirijātakavaṇṇanā
яам̣ уссугаа сан̇гхаранд̇ийд̇и ид̣̇ам̣ сад̇т̇аа ж̇зд̇аванз вихаранд̇о згам̣ сирижораб̣раахман̣ам̣ аараб̣бха гат̇зси. имасмим̣ ж̇аад̇агз бажжуббаннавад̇т̇у хздтаа кад̣̇иран̇г̇аараж̇аад̇агз (ж̇аа. 1.1.40) вид̇т̇аарид̇амзва. ид̇хааби бана саа анаат̇абин̣д̣игасса гхарз жад̇уд̇т̇з д̣̇ваарагодтагз васанагаа мижчаад̣̇идтид̣̇звад̇аа д̣̇ан̣д̣агаммам̣ гаронд̇ий жад̇убан̃н̃аасахиран̃н̃агодияо аахарид̇ваа годтз буурзд̇ваа сздтинаа сад̣̇д̇хим̣ сахааяигаа ахоси. ат̇а нам̣ со аад̣̇ааяа сад̇т̇у санд̇игам̣ нзси. сад̇т̇аа д̇ассаа д̇хаммам̣ д̣̇зсзси, саа д̇хаммам̣ суд̇ваа сод̇аабаннаа ахоси. д̇ад̇о бадтааяа сздтино яасо яат̇аабораан̣ова ж̇аад̇о. ат̇зго саавад̇т̇иваасий сирилагкан̣ан̃н̃уу б̣раахман̣о жинд̇зси – ‘‘анаат̇абин̣д̣иго д̣̇уг̇г̇ад̇о худ̇ваа буна иссаро ж̇аад̇о, яам̣нуунаахам̣ д̇ам̣ д̣̇адтугаамо вияа г̇ад̇ваа д̇асса гхарад̇о сирим̣ т̇знзд̇ваа ааг̇ажчзяяа’’нд̇и. со д̇асса гхарам̣ г̇анд̇ваа д̇зна гад̇асаггаарасаммаано сааран̣ийяагат̇ааяа вад̇д̇амаанааяа ‘‘гимад̇т̇ам̣ ааг̇ад̇осий’’д̇и вуд̇д̇з ‘‘гад̇т̇а ну ко сирий бад̇идтид̇аа’’д̇и ологзси. сздтино жа саб̣б̣асзд̇о д̇ход̇асан̇кабадибхааг̇о гуггудо суван̣н̣абан̃ж̇арз багкибид̇ваа табид̇о ад̇т̇и, д̇асса жуул̣ааяа сирий бад̇идтааси. б̣раахман̣о ологаяамаано сирияаа д̇ад̇т̇а бад̇идтид̇абхаавам̣ н̃ад̇ваа ааха – ‘‘ахам̣, махаасздти, бан̃жасад̇з маан̣авз манд̇з ваажзми, агааларавим̣ згам̣ гуггудам̣ ниссааяа д̇з жа маяан̃жа гиламаама, аяан̃жа гира гуггудо гааларавий, имассад̇т̇ааяа ааг̇ад̇омхи, д̣̇зхи мз зд̇ам̣ гуггуда’’нд̇и. ‘‘г̇ан̣ха, б̣раахман̣а, д̣̇зми д̇з гуггуда’’нд̇и. ‘‘д̣̇змий’’д̇и жа вуд̇д̇агкан̣зязва сирий д̇асса жуул̣ад̇о абаг̇анд̇ваа уссийсагз табид̇з ман̣игканд̇хз бад̇идтааси.
Yaṃussukā saṅgharantīti idaṃ satthā jetavane viharanto ekaṃ siricorabrāhmaṇaṃ ārabbha kathesi. Imasmiṃ jātake paccuppannavatthu heṭṭhā khadiraṅgārajātake (jā. 1.1.40) vitthāritameva. Idhāpi pana sā anāthapiṇḍikassa ghare catutthe dvārakoṭṭhake vasanakā micchādiṭṭhidevatā daṇḍakammaṃ karontī catupaññāsahiraññakoṭiyo āharitvā koṭṭhe pūretvā seṭṭhinā saddhiṃ sahāyikā ahosi. Atha naṃ so ādāya satthu santikaṃ nesi. Satthā tassā dhammaṃ desesi, sā dhammaṃ sutvā sotāpannā ahosi. Tato paṭṭhāya seṭṭhino yaso yathāporāṇova jāto. Atheko sāvatthivāsī sirilakkhaṇaññū brāhmaṇo cintesi – ‘‘anāthapiṇḍiko duggato hutvā puna issaro jāto, yaṃnūnāhaṃ taṃ daṭṭhukāmo viya gatvā tassa gharato siriṃ thenetvā āgaccheyya’’nti. So tassa gharaṃ gantvā tena katasakkārasammāno sāraṇīyakathāya vattamānāya ‘‘kimatthaṃ āgatosī’’ti vutte ‘‘kattha nu kho sirī patiṭṭhitā’’ti olokesi. Seṭṭhino ca sabbaseto dhotasaṅkhapaṭibhāgo kukkuṭo suvaṇṇapañjare pakkhipitvā ṭhapito atthi, tassa cūḷāya sirī patiṭṭhāsi. Brāhmaṇo olokayamāno siriyā tattha patiṭṭhitabhāvaṃ ñatvā āha – ‘‘ahaṃ, mahāseṭṭhi, pañcasate māṇave mante vācemi, akālaraviṃ ekaṃ kukkuṭaṃ nissāya te ca mayañca kilamāma, ayañca kira kukkuṭo kālaravī, imassatthāya āgatomhi, dehi me etaṃ kukkuṭa’’nti. ‘‘Gaṇha, brāhmaṇa, demi te kukkuṭa’’nti. ‘‘Demī’’ti ca vuttakkhaṇeyeva sirī tassa cūḷato apagantvā ussīsake ṭhapite maṇikkhandhe patiṭṭhāsi.
б̣раахман̣о сирияаа ман̣имхи бад̇идтид̇абхаавам̣ н̃ад̇ваа ман̣имби яаажи. ‘‘ман̣имби д̣̇змий’’д̇и вуд̇д̇агкан̣зязва сирий ман̣ид̇о абаг̇анд̇ваа уссийсагз табид̇ааарагкаяадтияам̣ бад̇идтааси. б̣раахман̣о сирияаа д̇ад̇т̇а бад̇идтид̇абхаавам̣ н̃ад̇ваа д̇амби яаажи. ‘‘г̇ахзд̇ваа г̇ажчаахий’’д̇и вуд̇д̇агкан̣зязва сирий яадтид̇о абаг̇анд̇ваа бун̃н̃алагкан̣ад̣̇звияаа наама сздтино аг̇г̇амахзсияаа сийсз бад̇идтааси. сирижораб̣раахман̣о д̇ад̇т̇а бад̇идтид̇абхаавам̣ н̃ад̇ваа ‘‘ависсаж̇ж̇ияабхан̣д̣ам̣ зд̇ам̣, яаажид̇умби на саггаа’’д̇и жинд̇зд̇ваа сздтим̣ зд̇ад̣̇авожа – ‘‘махаасздти, ахам̣ д̇умхаагам̣ г̇зхз ‘сирим̣ т̇знзд̇ваа г̇амиссаамий’д̇и ааг̇ажчим̣, сирий бана д̇з гуггудасса жуул̣ааяам̣ бад̇идтид̇аа ахоси, д̇асмим̣ мама д̣̇иннз д̇ад̇о абаг̇анд̇ваа ман̣имхи бад̇идтахи, ман̣имхи д̣̇иннз аарагкаяадтияам̣ бад̇идтахи, аарагкаяадтияаа д̣̇иннааяа д̇ад̇о абаг̇анд̇ваа бун̃н̃алагкан̣ад̣̇звияаа сийсз бад̇идтахи, ‘ид̣̇ам̣ ко бана ависсаж̇ж̇ияабхан̣д̣а’нд̇и имамби мз на г̇ахид̇ам̣, на саггаа д̇ава сирим̣ т̇знзд̇ум̣, д̇ава санд̇агам̣ д̇авзва ход̇уу’’д̇и удтааяаасанаа баггаами. анаат̇абин̣д̣иго ‘‘имам̣ гааран̣ам̣ сад̇т̇у гат̇зссаамий’’д̇и вихаарам̣ г̇анд̇ваа сад̇т̇аарам̣ бууж̇зд̇ваа ванд̣̇ид̇ваа згаманд̇ам̣ нисинно саб̣б̣ам̣ д̇ат̇ааг̇ад̇асса аарожзси. сад̇т̇аа д̇ам̣ суд̇ваа ‘‘на ко, г̇ахабад̇и, ид̣̇аанзва ан̃н̃зсам̣ сирий ан̃н̃ад̇т̇а г̇ажчад̇и, буб̣б̣зби аббабун̃н̃зхи уббаад̣̇ид̇асирий бана бун̃н̃аванд̇аанам̣язва баад̣̇амуулам̣ г̇ад̇аа’’д̇и вад̇ваа д̇зна яаажид̇о ад̇ийд̇ам̣ аахари.
Brāhmaṇo siriyā maṇimhi patiṭṭhitabhāvaṃ ñatvā maṇimpi yāci. ‘‘Maṇimpi demī’’ti vuttakkhaṇeyeva sirī maṇito apagantvā ussīsake ṭhapitaārakkhayaṭṭhiyaṃ patiṭṭhāsi. Brāhmaṇo siriyā tattha patiṭṭhitabhāvaṃ ñatvā tampi yāci. ‘‘Gahetvā gacchāhī’’ti vuttakkhaṇeyeva sirī yaṭṭhito apagantvā puññalakkhaṇadeviyā nāma seṭṭhino aggamahesiyā sīse patiṭṭhāsi. Siricorabrāhmaṇo tattha patiṭṭhitabhāvaṃ ñatvā ‘‘avissajjiyabhaṇḍaṃ etaṃ, yācitumpi na sakkā’’ti cintetvā seṭṭhiṃ etadavoca – ‘‘mahāseṭṭhi, ahaṃ tumhākaṃ gehe ‘siriṃ thenetvā gamissāmī’ti āgacchiṃ, sirī pana te kukkuṭassa cūḷāyaṃ patiṭṭhitā ahosi, tasmiṃ mama dinne tato apagantvā maṇimhi patiṭṭhahi, maṇimhi dinne ārakkhayaṭṭhiyaṃ patiṭṭhahi, ārakkhayaṭṭhiyā dinnāya tato apagantvā puññalakkhaṇadeviyā sīse patiṭṭhahi, ‘idaṃ kho pana avissajjiyabhaṇḍa’nti imampi me na gahitaṃ, na sakkā tava siriṃ thenetuṃ, tava santakaṃ taveva hotū’’ti uṭṭhāyāsanā pakkāmi. Anāthapiṇḍiko ‘‘imaṃ kāraṇaṃ satthu kathessāmī’’ti vihāraṃ gantvā satthāraṃ pūjetvā vanditvā ekamantaṃ nisinno sabbaṃ tathāgatassa ārocesi. Satthā taṃ sutvā ‘‘na kho, gahapati, idāneva aññesaṃ sirī aññattha gacchati, pubbepi appapuññehi uppāditasirī pana puññavantānaṃyeva pādamūlaṃ gatā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасирадтз б̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилааяам̣ сиббам̣ уг̇г̇ан̣хид̇ваа аг̇аарам̣ аж̇жхаавасанд̇о маад̇аабид̇уунам̣ гаалагирияааяа сам̣виг̇г̇о нигкамид̇ваа химаванд̇абад̣̇зсз исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа уббаад̣̇зд̇ваа д̣̇ийгхасса ад̣̇д̇хуно ажжаязна лон̣амб̣иласзванад̇т̇ааяа ж̇анабад̣̇ам̣ г̇анд̇ваа б̣аараан̣асиран̃н̃о уяяаанз васид̇ваа бунад̣̇ивасз бхигкам̣ жарамаано хад̇т̇аажарияасса гхарад̣̇ваарам̣ аг̇амааси. со д̇асса аажааравихаарз басанно бхигкам̣ д̣̇ад̇ваа уяяаанз васаабзд̇ваа нижжам̣ бадиж̇аг̇г̇и. д̇асмим̣ гаалз зго гадтахаараго аран̃н̃ад̇о д̣̇аарууни аахаранд̇о взлааяа наг̇арад̣̇ваарам̣ баабун̣ид̇ум̣ наасагки. сааяам̣ згасмим̣ д̣̇звагулз д̣̇ааругалаабам̣ уссийсагз гад̇ваа нибаж̇ж̇и, д̣̇звагулз виссадтаа б̣ахуу гуггудаа д̇асса авид̣̇уурз згасмим̣ ругкз саяим̣су. д̇зсу убарисаяид̇агуггудо бажжуусагаалз важжам̣ баад̇знд̇о хздтаасаяид̇агуггудасса сарийрз баад̇зси. ‘‘гзна мз сарийрз важжам̣ баад̇ид̇а’’нд̇и жа вуд̇д̇з ‘‘маяаа’’д̇и ааха. ‘‘гим̣гааран̣аа’’д̇и жа вуд̇д̇з ‘‘анубад̇хаарзд̇ваа’’д̇и вад̇ваа бунаби баад̇зси. д̇ад̇о убхоби ан̃н̃аман̃н̃ам̣ гуд̣̇д̇хаа ‘‘гим̣ д̇з б̣алам̣, гим̣ д̇з б̣ала’’нд̇и галахам̣ гарим̣су. ат̇а хздтаасаяид̇агуггудо ааха – ‘‘мам̣ маарзд̇ваа ан̇г̇аарз баггамам̣сам̣ каад̣̇анд̇о баад̇ова гахаабан̣асахассам̣ лабхад̇ий’’д̇и. убарисаяид̇агуггудо ааха – ‘‘амбхо, маа д̇вам̣ зд̇д̇агзна г̇аж̇ж̇и, мама т̇ууламам̣сам̣ каад̣̇анд̇о рааж̇аа ход̇и, б̣ахимам̣сам̣ каад̣̇анд̇о бурисо жз, сзнаабад̇идтаанам̣, ид̇т̇ий жз, аг̇г̇амахзсидтаанам̣ лабхад̇и. адтимам̣сам̣ бана мз каад̣̇анд̇о г̇ихий жз, бхан̣д̣ааг̇ааригадтаанам̣, баб̣б̣аж̇ид̇о жз, рааж̇агулуубагабхаавам̣ лабхад̇ий’’д̇и.
Atīte bārāṇasiyaṃ brahmadatte rajjaṃ kārente bodhisatto kāsiraṭṭhe brāhmaṇakule nibbattitvā vayappatto takkasilāyaṃ sippaṃ uggaṇhitvā agāraṃ ajjhāvasanto mātāpitūnaṃ kālakiriyāya saṃviggo nikkhamitvā himavantapadese isipabbajjaṃ pabbajitvā abhiññā ca samāpattiyo ca uppādetvā dīghassa addhuno accayena loṇambilasevanatthāya janapadaṃ gantvā bārāṇasirañño uyyāne vasitvā punadivase bhikkhaṃ caramāno hatthācariyassa gharadvāraṃ agamāsi. So tassa ācāravihāre pasanno bhikkhaṃ datvā uyyāne vasāpetvā niccaṃ paṭijaggi. Tasmiṃ kāle eko kaṭṭhahārako araññato dārūni āharanto velāya nagaradvāraṃ pāpuṇituṃ nāsakkhi. Sāyaṃ ekasmiṃ devakule dārukalāpaṃ ussīsake katvā nipajji, devakule vissaṭṭhā bahū kukkuṭā tassa avidūre ekasmiṃ rukkhe sayiṃsu. Tesu uparisayitakukkuṭo paccūsakāle vaccaṃ pātento heṭṭhāsayitakukkuṭassa sarīre pātesi. ‘‘Kena me sarīre vaccaṃ pātita’’nti ca vutte ‘‘mayā’’ti āha. ‘‘Kiṃkāraṇā’’ti ca vutte ‘‘anupadhāretvā’’ti vatvā punapi pātesi. Tato ubhopi aññamaññaṃ kuddhā ‘‘kiṃ te balaṃ, kiṃ te bala’’nti kalahaṃ kariṃsu. Atha heṭṭhāsayitakukkuṭo āha – ‘‘maṃ māretvā aṅgāre pakkamaṃsaṃ khādanto pātova kahāpaṇasahassaṃ labhatī’’ti. Uparisayitakukkuṭo āha – ‘‘ambho, mā tvaṃ ettakena gajji, mama thūlamaṃsaṃ khādanto rājā hoti, bahimaṃsaṃ khādanto puriso ce, senāpatiṭṭhānaṃ, itthī ce, aggamahesiṭṭhānaṃ labhati. Aṭṭhimaṃsaṃ pana me khādanto gihī ce, bhaṇḍāgārikaṭṭhānaṃ, pabbajito ce, rājakulūpakabhāvaṃ labhatī’’ti.
гадтахаараго д̇зсам̣ важанам̣ суд̇ваа ‘‘раж̇ж̇з бад̇д̇з сахассзна гижжам̣ над̇т̇ий’’д̇и сан̣игам̣ абхирухид̇ваа убарисаяид̇агуггудам̣ г̇ахзд̇ваа маарзд̇ваа ужчан̇г̇з гад̇ваа ‘‘рааж̇аа бхависсаамий’’д̇и г̇анд̇ваа вивадад̣̇ваарзнзва наг̇арам̣ бависид̇ваа гуггудам̣ нид̇д̇ажам̣ гад̇ваа уд̣̇арам̣ сод̇хзд̇ваа ‘‘ид̣̇ам̣ гуггудамам̣сам̣ саад̇хугам̣ самбаад̣̇зхий’’д̇и баж̇аабад̇ияаа ад̣̇ааси. саа гуггудамам̣сан̃жа бхад̇д̇ан̃жа самбаад̣̇зд̇ваа ‘‘бхун̃ж̇а, саамий’’д̇и д̇асса убанаамзси. ‘‘бхад̣̇д̣̇з, зд̇ам̣ мам̣сам̣ махаанубхаавам̣, зд̇ам̣ каад̣̇ид̇ваа ахам̣ рааж̇аа бхависсаами, д̇вам̣ аг̇г̇амахзсий бхависсаси, д̇ам̣ бхад̇д̇ан̃жа мам̣сан̃жа аад̣̇ааяа г̇ан̇г̇аад̇ийрам̣ г̇анд̇ваа нхааяид̇ваа бхун̃ж̇иссаамаа’’д̇и бхад̇д̇абхааж̇анам̣ д̇ийрз табзд̇ваа нхаанад̇т̇ааяа од̇арим̣су. д̇асмим̣ кан̣з ваад̇зна кубхид̇ам̣ уд̣̇агам̣ ааг̇анд̇ваа бхад̇д̇абхааж̇анам̣ аад̣̇ааяа аг̇амааси. д̇ам̣ над̣̇ийсод̇зна вуяхамаанам̣ хздтаанад̣̇ияам̣ хад̇т̇им̣ нхаабзнд̇о зго хад̇т̇аажарияо махаамад̇д̇о д̣̇исваа угкибаабзд̇ваа вивараабзд̇ваа ‘‘гимзд̇т̇аа’’д̇и бужчи. ‘‘бхад̇д̇ан̃жзва гуггудамам̣сан̃жа саамий’’д̇и. со д̇ам̣ бид̣̇ахаабзд̇ваа лан̃чаабзд̇ваа ‘‘яаава маяам̣ ааг̇ажчаама, д̇аавимам̣ бхад̇д̇ам̣ маа вивараа’’д̇и бхарияааяа бзсзси. соби ко гадтахаараго мукад̇о бавидтзна ваалугод̣̇агзна уд̣̇д̇хумаад̇ауд̣̇аро балааяи.
Kaṭṭhahārako tesaṃ vacanaṃ sutvā ‘‘rajje patte sahassena kiccaṃ natthī’’ti saṇikaṃ abhiruhitvā uparisayitakukkuṭaṃ gahetvā māretvā ucchaṅge katvā ‘‘rājā bhavissāmī’’ti gantvā vivaṭadvāreneva nagaraṃ pavisitvā kukkuṭaṃ nittacaṃ katvā udaraṃ sodhetvā ‘‘idaṃ kukkuṭamaṃsaṃ sādhukaṃ sampādehī’’ti pajāpatiyā adāsi. Sā kukkuṭamaṃsañca bhattañca sampādetvā ‘‘bhuñja, sāmī’’ti tassa upanāmesi. ‘‘Bhadde, etaṃ maṃsaṃ mahānubhāvaṃ, etaṃ khāditvā ahaṃ rājā bhavissāmi, tvaṃ aggamahesī bhavissasi, taṃ bhattañca maṃsañca ādāya gaṅgātīraṃ gantvā nhāyitvā bhuñjissāmā’’ti bhattabhājanaṃ tīre ṭhapetvā nhānatthāya otariṃsu. Tasmiṃ khaṇe vātena khubhitaṃ udakaṃ āgantvā bhattabhājanaṃ ādāya agamāsi. Taṃ nadīsotena vuyhamānaṃ heṭṭhānadiyaṃ hatthiṃ nhāpento eko hatthācariyo mahāmatto disvā ukkhipāpetvā vivarāpetvā ‘‘kimetthā’’ti pucchi. ‘‘Bhattañceva kukkuṭamaṃsañca sāmī’’ti. So taṃ pidahāpetvā lañchāpetvā ‘‘yāva mayaṃ āgacchāma, tāvimaṃ bhattaṃ mā vivarā’’ti bhariyāya pesesi. Sopi kho kaṭṭhahārako mukhato paviṭṭhena vālukodakena uddhumātaudaro palāyi.
ат̇зго д̇асса хад̇т̇аажарияасса гулуубаго д̣̇иб̣б̣ажагкугад̇аабасо ‘‘маяхам̣ убадтааго хад̇т̇идтаанам̣ на виж̇ахад̇и, гад̣̇аа ну ко самбад̇д̇им̣ баабун̣иссад̇ий’’д̇и д̣̇иб̣б̣ажагкунаа убад̇хаарзнд̇о д̇ам̣ бурисам̣ д̣̇исваа д̇ам̣ гааран̣ам̣ н̃ад̇ваа бурзд̇арам̣ г̇анд̇ваа хад̇т̇аажарияасса нивзсанз нисийд̣̇и. хад̇т̇аажарияо ааг̇анд̇ваа д̇ам̣ ванд̣̇ид̇ваа згаманд̇ам̣ нисинно д̇ам̣ бхад̇д̇абхааж̇анам̣ аахараабзд̇ваа ‘‘д̇аабасам̣ мам̣сод̣̇анзна баривисат̇аа’’д̇и ааха. д̇аабасо бхад̇д̇ам̣ г̇ахзд̇ваа мам̣сз д̣̇ийяамаанз аг̇г̇ахзд̇ваа ‘‘имам̣ мам̣сам̣ ахам̣ вижаарзмий’’д̇и вад̇ваа ‘‘вижаарзт̇а , бханд̇з’’д̇и вуд̇д̇з т̇ууламам̣саад̣̇ийни згзгам̣ годтаасам̣ гаарзд̇ваа т̇ууламам̣сам̣ хад̇т̇аажарияасса д̣̇аабзси, б̣ахимам̣сам̣ д̇асса бхарияааяа, адтимам̣сам̣ ад̇д̇анаа барибхун̃ж̇и. со бхад̇д̇агижжаавасаанз г̇ажчанд̇о ‘‘д̇вам̣ ид̇о д̇ад̇ияад̣̇ивасз рааж̇аа бхависсаси, аббамад̇д̇о хохий’’д̇и вад̇ваа баггаами. д̇ад̇ияад̣̇ивасз зго сааманд̇арааж̇аа ааг̇анд̇ваа б̣аараан̣асим̣ бариваарзси. б̣аараан̣асирааж̇аа хад̇т̇аажарияам̣ рааж̇авзсам̣ г̇аахаабзд̇ваа ‘‘хад̇т̇им̣ абхирухид̇ваа яуж̇жхаа’’д̇и аан̣аабзд̇ваа саяам̣ ан̃н̃аад̇агавзсзна сзнааяа вижаарзнд̇о згзна махаавзг̇зна сарзна вид̣̇д̇хо д̇ан̇кан̣ан̃н̃зва мари. д̇асса мад̇абхаавам̣ н̃ад̇ваа хад̇т̇аажарияо б̣ахуу гахаабан̣з нийхараабзд̇ваа ‘‘д̇ханад̇т̇игаа бурад̇о худ̇ваа яуж̇жханд̇уу’’д̇и бхзрим̣ жараабзси. б̣алагааяо мухуд̇д̇знзва сааманд̇арааж̇аанам̣ ж̇ийвид̇агкаяам̣ баабзси. амажжаа ран̃н̃о сарийрагижжам̣ гад̇ваа ‘‘гам̣ рааж̇аанам̣ гаромаа’’д̇и манд̇аяамаанаа ‘‘амхаагам̣ рааж̇аа ж̇ийвамаано ад̇д̇ано взсам̣ хад̇т̇аажарияасса ад̣̇ааси, аяамзва яуд̣̇д̇хам̣ гад̇ваа раж̇ж̇ам̣ г̇ан̣хи, зд̇ассзва раж̇ж̇ам̣ д̣̇ассаамаа’’д̇и д̇ам̣ раж̇ж̇зна абхисин̃жим̣су, бхарияамбисса аг̇г̇амахзсим̣ агам̣су. б̣од̇хисад̇д̇о рааж̇агулуубаго ахоси.
Atheko tassa hatthācariyassa kulūpako dibbacakkhukatāpaso ‘‘mayhaṃ upaṭṭhāko hatthiṭṭhānaṃ na vijahati, kadā nu kho sampattiṃ pāpuṇissatī’’ti dibbacakkhunā upadhārento taṃ purisaṃ disvā taṃ kāraṇaṃ ñatvā puretaraṃ gantvā hatthācariyassa nivesane nisīdi. Hatthācariyo āgantvā taṃ vanditvā ekamantaṃ nisinno taṃ bhattabhājanaṃ āharāpetvā ‘‘tāpasaṃ maṃsodanena parivisathā’’ti āha. Tāpaso bhattaṃ gahetvā maṃse dīyamāne aggahetvā ‘‘imaṃ maṃsaṃ ahaṃ vicāremī’’ti vatvā ‘‘vicāretha , bhante’’ti vutte thūlamaṃsādīni ekekaṃ koṭṭhāsaṃ kāretvā thūlamaṃsaṃ hatthācariyassa dāpesi, bahimaṃsaṃ tassa bhariyāya, aṭṭhimaṃsaṃ attanā paribhuñji. So bhattakiccāvasāne gacchanto ‘‘tvaṃ ito tatiyadivase rājā bhavissasi, appamatto hohī’’ti vatvā pakkāmi. Tatiyadivase eko sāmantarājā āgantvā bārāṇasiṃ parivāresi. Bārāṇasirājā hatthācariyaṃ rājavesaṃ gāhāpetvā ‘‘hatthiṃ abhiruhitvā yujjhā’’ti āṇāpetvā sayaṃ aññātakavesena senāya vicārento ekena mahāvegena sarena viddho taṅkhaṇaññeva mari. Tassa matabhāvaṃ ñatvā hatthācariyo bahū kahāpaṇe nīharāpetvā ‘‘dhanatthikā purato hutvā yujjhantū’’ti bheriṃ carāpesi. Balakāyo muhutteneva sāmantarājānaṃ jīvitakkhayaṃ pāpesi. Amaccā rañño sarīrakiccaṃ katvā ‘‘kaṃ rājānaṃ karomā’’ti mantayamānā ‘‘amhākaṃ rājā jīvamāno attano vesaṃ hatthācariyassa adāsi, ayameva yuddhaṃ katvā rajjaṃ gaṇhi, etasseva rajjaṃ dassāmā’’ti taṃ rajjena abhisiñciṃsu, bhariyampissa aggamahesiṃ akaṃsu. Bodhisatto rājakulūpako ahosi.
сад̇т̇аа ад̇ийд̇ам̣ аахарид̇ваа абхисамб̣уд̣̇д̇хо худ̇ваа имаа д̣̇вз г̇аат̇аа абхааси –
Satthā atītaṃ āharitvā abhisambuddho hutvā imā dve gāthā abhāsi –
100.
100.
‘‘яам̣ уссугаа сан̇гхаранд̇и, алагкигаа б̣ахум̣ д̇ханам̣;
‘‘Yaṃ ussukā saṅgharanti, alakkhikā bahuṃ dhanaṃ;
сиббаванд̇о асиббаа жа, лагкиваа д̇аани бхун̃ж̇ад̇и.
Sippavanto asippā ca, lakkhivā tāni bhuñjati.
101.
101.
‘‘саб̣б̣ад̇т̇а гад̇абун̃н̃асса, ад̇ижжан̃н̃зва баан̣ино;
‘‘Sabbattha katapuññassa, aticcaññeva pāṇino;
уббаж̇ж̇анд̇и б̣ахуу бхог̇аа, аббанааяад̇анзсубий’’д̇и.
Uppajjanti bahū bhogā, appanāyatanesupī’’ti.
д̇ад̇т̇а яам̣ уссугаад̇и яам̣ д̇ханасан̇гхаран̣з уссуггамаабаннаа чанд̣̇аж̇аад̇аа гижчзна б̣ахум̣ д̇ханам̣ сан̇гхаранд̇и.‘‘яз уссугаа’’д̇иби баато, яз бурисаа д̇ханасам̣харан̣з уссугаа хад̇т̇исиббаад̣̇ивасзна сиббаванд̇о асиббаа жа анд̇амасо взд̇анзна гаммам̣ гад̇ваа б̣ахум̣ д̇ханам̣ сан̇гхаранд̇ийд̇и ад̇т̇о. лагкиваа д̇аани бхун̃ж̇ад̇ийд̇и д̇аани ‘‘б̣ахум̣ д̇хана’’нд̇и вуд̇д̇аани д̇ханаани бун̃н̃аваа бурисо ад̇д̇ано бун̃н̃апалам̣ барибхун̃ж̇анд̇о гин̃жи гаммам̣ агад̇вааби барибхун̃ж̇ад̇и.
Tattha yaṃ ussukāti yaṃ dhanasaṅgharaṇe ussukkamāpannā chandajātā kicchena bahuṃ dhanaṃ saṅgharanti.‘‘Ye ussukā’’tipi pāṭho, ye purisā dhanasaṃharaṇe ussukā hatthisippādivasena sippavanto asippā ca antamaso vetanena kammaṃ katvā bahuṃ dhanaṃ saṅgharantīti attho. Lakkhivā tāni bhuñjatīti tāni ‘‘bahuṃ dhana’’nti vuttāni dhanāni puññavā puriso attano puññaphalaṃ paribhuñjanto kiñci kammaṃ akatvāpi paribhuñjati.
ад̇ижжан̃н̃зва баан̣инод̇и ад̇ижжа ан̃н̃з зва баан̣ино. зва-гааро буримабад̣̇зна яож̇зд̇аб̣б̣о, саб̣б̣ад̇т̇зва гад̇абун̃н̃асса ан̃н̃з агад̇абун̃н̃з сад̇д̇з ад̇иггамид̇ваад̇и ад̇т̇о. аббанааяад̇анзсубийд̇и аби анааяад̇анзсуби арад̇анаагарзсу рад̇анаани асуван̣н̣ааяад̇анаад̣̇ийсу суван̣н̣аад̣̇ийни ахад̇т̇ааяад̇анаад̣̇ийсу хад̇т̇иаад̣̇аяод̇и савин̃н̃аан̣агаавин̃н̃аан̣агаа б̣ахуу бхог̇аа уббаж̇ж̇анд̇и . д̇ад̇т̇а муд̇д̇ааман̣иаад̣̇ийнам̣ анаагарз уббад̇д̇ияам̣ д̣̇удтаг̇ааман̣иабхаяамахаарааж̇асса вад̇т̇у гат̇зд̇аб̣б̣ам̣.
Aticcaññeva pāṇinoti aticca aññe eva pāṇino. Eva-kāro purimapadena yojetabbo, sabbattheva katapuññassa aññe akatapuññe satte atikkamitvāti attho. Appanāyatanesupīti api anāyatanesupi aratanākaresu ratanāni asuvaṇṇāyatanādīsu suvaṇṇādīni ahatthāyatanādīsu hatthiādayoti saviññāṇakaaviññāṇakā bahū bhogā uppajjanti . Tattha muttāmaṇiādīnaṃ anākare uppattiyaṃ duṭṭhagāmaṇiabhayamahārājassa vatthu kathetabbaṃ.
сад̇т̇аа бана имаа г̇аат̇аа вад̇ваа ‘‘г̇ахабад̇и, имзсам̣ сад̇д̇аанам̣ бун̃н̃асад̣̇исам̣ ан̃н̃ам̣ ааяад̇анам̣ наама над̇т̇и, бун̃н̃аванд̇аанан̃хи анаагарзсу рад̇анаани уббаж̇ж̇анд̇иязваа’’д̇и вад̇ваа имам̣ д̇хаммам̣ д̣̇зсзси –
Satthā pana imā gāthā vatvā ‘‘gahapati, imesaṃ sattānaṃ puññasadisaṃ aññaṃ āyatanaṃ nāma natthi, puññavantānañhi anākaresu ratanāni uppajjantiyevā’’ti vatvā imaṃ dhammaṃ desesi –
‘‘зса д̣̇звамануссаанам̣, саб̣б̣агаамад̣̇ад̣̇о нид̇хи;
‘‘Esa devamanussānaṃ, sabbakāmadado nidhi;
яам̣ яад̣̇зваабхибад̇т̇знд̇и, саб̣б̣амзд̇зна лаб̣бхад̇и.
Yaṃ yadevābhipatthenti, sabbametena labbhati.
‘‘суван̣н̣ад̇аа сусарад̇аа, сусан̣таанаа суруубад̇аа;
‘‘Suvaṇṇatā susaratā, susaṇṭhānā surūpatā;
аад̇хибажжабаривааро, саб̣б̣амзд̇зна лаб̣бхад̇и.
Ādhipaccaparivāro, sabbametena labbhati.
‘‘бад̣̇зсараж̇ж̇ам̣ иссарияам̣, жаггавад̇д̇исукам̣ бияам̣;
‘‘Padesarajjaṃ issariyaṃ, cakkavattisukhaṃ piyaṃ;
д̣̇звараж̇ж̇амби д̣̇иб̣б̣зсу, саб̣б̣амзд̇зна лаб̣бхад̇и.
Devarajjampi dibbesu, sabbametena labbhati.
‘‘маануссигаа жа самбад̇д̇и, д̣̇звалогз жа яаа рад̇и;
‘‘Mānussikā ca sampatti, devaloke ca yā rati;
яаа жа ниб̣б̣аанасамбад̇д̇и, саб̣б̣амзд̇зна лаб̣бхад̇и.
Yā ca nibbānasampatti, sabbametena labbhati.
‘‘мид̇д̇асамбад̣̇амааг̇амма, яонисова баяун̃ж̇ад̇о;
‘‘Mittasampadamāgamma, yonisova payuñjato;
виж̇ж̇аавимуд̇д̇ивасийбхааво, саб̣б̣амзд̇зна лаб̣бхад̇и.
Vijjāvimuttivasībhāvo, sabbametena labbhati.
‘‘бадисамбхид̣̇аа вимогкаа жа, яаа жа саавагабаарамий;
‘‘Paṭisambhidā vimokkhā ca, yā ca sāvakapāramī;
бажжзгаб̣од̇хи б̣уд̣̇д̇хабхууми, саб̣б̣амзд̇зна лаб̣бхад̇и.
Paccekabodhi buddhabhūmi, sabbametena labbhati.
‘‘звам̣ махад̇т̇игаа зсаа, яад̣̇ид̣̇ам̣ бун̃н̃асамбад̣̇аа;
‘‘Evaṃ mahatthikā esā, yadidaṃ puññasampadā;
д̇асмаа д̇хийраа басам̣санд̇и, бан̣д̣ид̇аа гад̇абун̃н̃ад̇а’’нд̇и. (ку. баа. 8.10-16);
Tasmā dhīrā pasaṃsanti, paṇḍitā katapuññata’’nti. (khu. pā. 8.10-16);
ид̣̇аани язсу анаат̇абин̣д̣игасса сирий бад̇идтид̇аа, д̇аани рад̇анаани д̣̇ассзд̇ум̣ ‘‘гуггудо’’д̇иаад̣̇имааха.
Idāni yesu anāthapiṇḍikassa sirī patiṭṭhitā, tāni ratanāni dassetuṃ ‘‘kukkuṭo’’tiādimāha.
102.
102.
‘‘гуггудо ман̣аяо д̣̇ан̣д̣о, т̇ияо жа бун̃н̃алагкан̣аа;
‘‘Kukkuṭo maṇayo daṇḍo, thiyo ca puññalakkhaṇā;
уббаж̇ж̇анд̇и абаабасса, гад̇абун̃н̃асса ж̇анд̇уно’’д̇и.
Uppajjanti apāpassa, katapuññassa jantuno’’ti.
д̇ад̇т̇а д̣̇ан̣д̣од̇и аарагкаяадтим̣ санд̇хааяа вуд̇д̇ам̣, т̇ияод̇и сздтибхарияам̣ бун̃н̃алагкан̣ад̣̇звим̣. сзсамзд̇т̇а уд̇д̇аанамзва. г̇аат̇ам̣ вад̇ваа жа бана ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, гулуубагад̇аабасо бана ахамзва саммаасамб̣уд̣̇д̇хо ахоси’’нд̇и.
Tattha daṇḍoti ārakkhayaṭṭhiṃ sandhāya vuttaṃ, thiyoti seṭṭhibhariyaṃ puññalakkhaṇadeviṃ. Sesamettha uttānameva. Gāthaṃ vatvā ca pana jātakaṃ samodhānesi – ‘‘tadā rājā ānando ahosi, kulūpakatāpaso pana ahameva sammāsambuddho ahosi’’nti.
сириж̇аад̇агаван̣н̣анаа жад̇уд̇т̇аа.
Sirijātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 284. сириж̇аад̇агам̣ • 284. Sirijātakaṃ
