| Library / Tipiṭaka / д̇ибидага • Tipiṭaka / ж̇аад̇агабаал̣и • Jātakapāḷi |
382. сиригаал̣аган̣н̣иж̇аад̇агам̣ (6-1-7)
382. Sirikāḷakaṇṇijātakaṃ (6-1-7)
40.
40.
гаа ваа д̇вам̣ гасса ваа д̇хийд̇аа, гат̇ам̣ ж̇аанзму д̇ам̣ маяам̣.
Kā vā tvaṃ kassa vā dhītā, kathaṃ jānemu taṃ mayaṃ.
41.
41.
махаарааж̇ассахам̣ д̇хийд̇аа, вируубагкасса жан̣д̣ияаа;
Mahārājassahaṃ dhītā, virūpakkhassa caṇḍiyā;
ахам̣ гаал̣ий алагкигаа, гаал̣аган̣н̣ийд̇и мам̣ вид̣̇уу;
Ahaṃ kāḷī alakkhikā, kāḷakaṇṇīti maṃ vidū;
огаасам̣ яаажид̇о д̣̇зхи, васзму д̇ава санд̇игз.
Okāsaṃ yācito dehi, vasemu tava santike.
42.
42.
гим̣сийлз гим̣самаажаарз, бурисз нивисасз д̇увам̣;
Kiṃsīle kiṃsamācāre, purise nivisase tuvaṃ;
будтаа мз гаал̣и агкаахи, гат̇ам̣ 3 ж̇аанзму д̇ам̣ маяам̣.
Puṭṭhā me kāḷi akkhāhi, kathaṃ 4 jānemu taṃ mayaṃ.
43.
43.
магкий бал̣аасий саарамбхий, иссугий мажчарий сато;
Makkhī paḷāsī sārambhī, issukī maccharī saṭho;
со маяхам̣ бурисо ганд̇о, лад̣̇д̇хам̣ яасса винассад̇и.
So mayhaṃ puriso kanto, laddhaṃ yassa vinassati.
44.
44.
год̇хано убанаахий жа, бисун̣о жа вибхзд̣̇аго;
Kodhano upanāhī ca, pisuṇo ca vibhedako;
45.
45.
аж̇ж̇а сувзд̇и бурисо, сад̣̇ад̇т̇ам̣ нааваб̣уж̇жхад̇и;
Ajja suveti puriso, sadatthaṃ nāvabujjhati;
оваж̇ж̇амаано губбад̇и, сзяяам̣ со ад̇иман̃н̃ад̇и.
Ovajjamāno kuppati, seyyaṃ so atimaññati.
46.
46.
д̣̇аваббалуд̣̇д̇хо 7 бурисо, саб̣б̣амид̇д̇зхи д̇хам̣сад̇и;
Davappaluddho 8 puriso, sabbamittehi dhaṃsati;
со маяхам̣ бурисо ганд̇о, д̇асмим̣ хоми анаамаяаа.
So mayhaṃ puriso kanto, tasmiṃ homi anāmayā.
47.
47.
абзхи зд̇д̇о д̇вам̣ гаал̣и, нзд̇ам̣ амхзсу виж̇ж̇ад̇и;
Apehi etto tvaṃ kāḷi, netaṃ amhesu vijjati;
ан̃н̃ам̣ ж̇анабад̣̇ам̣ г̇ажча, ниг̇амз рааж̇ад̇хаанияо.
Aññaṃ janapadaṃ gaccha, nigame rājadhāniyo.
48.
48.
ахамби ко д̇ам̣ 9 ж̇аанаами, нзд̇ам̣ д̇умхзсу виж̇ж̇ад̇и;
Ahampi kho taṃ 10 jānāmi, netaṃ tumhesu vijjati;
санд̇и логз алагкигаа, сан̇гхаранд̇и б̣ахум̣ д̇ханам̣;
Santi loke alakkhikā, saṅgharanti bahuṃ dhanaṃ;
ахам̣ д̣̇зво жа мз бхаад̇аа, убхо нам̣ вид̇хамаамасз.
Ahaṃ devo ca me bhātā, ubho naṃ vidhamāmase.
49.
49.
гаа ну д̣̇иб̣б̣зна ван̣н̣зна, бат̇аб̣яаа субад̇идтид̇аа;
Kā nu dibbena vaṇṇena, pathabyā supatiṭṭhitā;
гаа ваа д̇вам̣ гасса ваа д̇хийд̇аа, гат̇ам̣ ж̇аанзму д̇ам̣ маяам̣.
Kā vā tvaṃ kassa vā dhītā, kathaṃ jānemu taṃ mayaṃ.
50.
50.
махаарааж̇ассахам̣ д̇хийд̇аа, д̇хад̇арадтасса сириймад̇о 11;
Mahārājassahaṃ dhītā, dhataraṭṭhassa sirīmato 12;
ахам̣ сирий жа лагкий жа, бхуурибан̃н̃аад̇и мам̣ вид̣̇уу;
Ahaṃ sirī ca lakkhī ca, bhūripaññāti maṃ vidū;
огаасам̣ яаажид̇о д̣̇зхи, васзму д̇ава санд̇игз.
Okāsaṃ yācito dehi, vasemu tava santike.
51.
51.
гим̣сийлз гим̣самаажаарз, бурисз нивисасз д̇увам̣;
Kiṃsīle kiṃsamācāre, purise nivisase tuvaṃ;
будтаа мз лагки агкаахи, гат̇ам̣ 13 ж̇аанзму д̇ам̣ маяам̣.
Puṭṭhā me lakkhi akkhāhi, kathaṃ 14 jānemu taṃ mayaṃ.
52.
52.
яо жааби сийд̇з ат̇авааби ун̣хз, ваад̇аад̇абз д̣ам̣сасарийсабз жа;
Yo cāpi sīte athavāpi uṇhe, vātātape ḍaṃsasarīsape ca;
куд̇хам̣ 15 бибаасам̣ абхибхуяяа саб̣б̣ам̣, рад̇д̇инд̇ивам̣ яо сад̇ад̇ам̣ нияуд̇д̇о;
Khudhaṃ 16 pipāsaṃ abhibhuyya sabbaṃ, rattintivaṃ yo satataṃ niyutto;
гаалааг̇ад̇ан̃жа на хаабзд̇и ад̇т̇ам̣, со мз манаабо нивисз жа д̇амхи.
Kālāgatañca na hāpeti atthaṃ, so me manāpo nivise ca tamhi.
53.
53.
аггод̇хано мид̇д̇аваа жааг̇аваа жа, сийлуубабанно асатож̇убхууд̇о 17;
Akkodhano mittavā cāgavā ca, sīlūpapanno asaṭhojubhūto 18;
сан̇г̇аахаго сакило сан̣хаваажо, махад̇д̇абад̇д̇оби ниваад̇авуд̇д̇и;
Saṅgāhako sakhilo saṇhavāco, mahattapattopi nivātavutti;
д̇асмим̣хам̣ 19 босз вибулаа бхаваами, ууми самуд̣̇д̣̇асса яат̇ааби ван̣н̣ам̣.
Tasmiṃhaṃ 20 pose vipulā bhavāmi, ūmi samuddassa yathāpi vaṇṇaṃ.
54.
54.
яо жааби мид̇д̇з ат̇аваа амид̇д̇з, сздтз саригкз ат̇а вааби хийнз;
Yo cāpi mitte athavā amitte, seṭṭhe sarikkhe atha vāpi hīne;
ад̇т̇ам̣ жаранд̇ам̣ ат̇аваа анад̇т̇ам̣, аавий рахо сан̇г̇ахамзва вад̇д̇з 21.
Atthaṃ carantaṃ athavā anatthaṃ, āvī raho saṅgahameva vatte 22.
ваажам̣ на важ̇ж̇аа парусам̣ гад̣̇аажи, мад̇асса ж̇ийвасса жа д̇асса хоми.
Vācaṃ na vajjā pharusaṃ kadāci, matassa jīvassa ca tassa homi.
55.
55.
зд̇зсам̣ яо ан̃н̃ад̇арам̣ лабхид̇ваа, ганд̇аа сирий 23 маж̇ж̇ад̇и аббабан̃н̃о;
Etesaṃ yo aññataraṃ labhitvā, kantā sirī 24 majjati appapañño;
д̇ам̣ д̣̇ид̇д̇аруубам̣ висамам̣ жаранд̇ам̣, гарийсатаанам̣ва 25 виваж̇ж̇аяаами.
Taṃ dittarūpaṃ visamaṃ carantaṃ, karīsaṭhānaṃva 26 vivajjayāmi.
56.
56.
ад̇д̇анаа гуруд̇з лагким̣, алагким̣ гуруд̇ад̇д̇анаа;
Attanā kurute lakkhiṃ, alakkhiṃ kurutattanā;
на хи лагким̣ алагким̣ ваа, ан̃н̃о ан̃н̃асса гаарагод̇и.
Na hi lakkhiṃ alakkhiṃ vā, añño aññassa kārakoti.
сиригаал̣аган̣н̣иж̇аад̇агам̣ сад̇д̇амам̣.
Sirikāḷakaṇṇijātakaṃ sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ж̇аад̇ага-адтагат̇аа • Jātaka-aṭṭhakathā / [382] 7. сиригаал̣аган̣н̣иж̇аад̇агаван̣н̣анаа • [382] 7. Sirikāḷakaṇṇijātakavaṇṇanā
