| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៣៨២. សិរិកាឡកណ្ណិជាតកំ (៦-១-៧)
382. Sirikāḷakaṇṇijātakaṃ (6-1-7)
៤០.
40.
កា វា ត្វំ កស្ស វា ធីតា, កថំ ជានេមុ តំ មយំ។
Kā vā tvaṃ kassa vā dhītā, kathaṃ jānemu taṃ mayaṃ.
៤១.
41.
មហារាជស្សហំ ធីតា, វិរូបក្ខស្ស ចណ្ឌិយា;
Mahārājassahaṃ dhītā, virūpakkhassa caṇḍiyā;
អហំ កាឡី អលក្ខិកា, កាឡកណ្ណីតិ មំ វិទូ;
Ahaṃ kāḷī alakkhikā, kāḷakaṇṇīti maṃ vidū;
ឱកាសំ យាចិតោ ទេហិ, វសេមុ តវ សន្តិកេ។
Okāsaṃ yācito dehi, vasemu tava santike.
៤២.
42.
កិំសីលេ កិំសមាចារេ, បុរិសេ និវិសសេ តុវំ;
Kiṃsīle kiṃsamācāre, purise nivisase tuvaṃ;
៤៣.
43.
មក្ខី បឡាសី សារម្ភី, ឥស្សុកី មច្ឆរី សឋោ;
Makkhī paḷāsī sārambhī, issukī maccharī saṭho;
សោ មយ្ហំ បុរិសោ កន្តោ, លទ្ធំ យស្ស វិនស្សតិ។
So mayhaṃ puriso kanto, laddhaṃ yassa vinassati.
៤៤.
44.
កោធនោ ឧបនាហី ច, បិសុណោ ច វិភេទកោ;
Kodhano upanāhī ca, pisuṇo ca vibhedako;
៤៥.
45.
អជ្ជ សុវេតិ បុរិសោ, សទត្ថំ នាវពុជ្ឈតិ;
Ajja suveti puriso, sadatthaṃ nāvabujjhati;
ឱវជ្ជមានោ កុប្បតិ, សេយ្យំ សោ អតិមញ្ញតិ។
Ovajjamāno kuppati, seyyaṃ so atimaññati.
៤៦.
46.
សោ មយ្ហំ បុរិសោ កន្តោ, តស្មិំ ហោមិ អនាមយា។
So mayhaṃ puriso kanto, tasmiṃ homi anāmayā.
៤៧.
47.
អបេហិ ឯត្តោ ត្វំ កាឡិ, នេតំ អម្ហេសុ វិជ្ជតិ;
Apehi etto tvaṃ kāḷi, netaṃ amhesu vijjati;
អញ្ញំ ជនបទំ គច្ឆ, និគមេ រាជធានិយោ។
Aññaṃ janapadaṃ gaccha, nigame rājadhāniyo.
៤៨.
48.
សន្តិ លោកេ អលក្ខិកា, សង្ឃរន្តិ ពហុំ ធនំ;
Santi loke alakkhikā, saṅgharanti bahuṃ dhanaṃ;
អហំ ទេវោ ច មេ ភាតា, ឧភោ នំ វិធមាមសេ។
Ahaṃ devo ca me bhātā, ubho naṃ vidhamāmase.
៤៩.
49.
កា នុ ទិព្ពេន វណ្ណេន, បថព្យា សុបតិដ្ឋិតា;
Kā nu dibbena vaṇṇena, pathabyā supatiṭṭhitā;
កា វា ត្វំ កស្ស វា ធីតា, កថំ ជានេមុ តំ មយំ។
Kā vā tvaṃ kassa vā dhītā, kathaṃ jānemu taṃ mayaṃ.
៥០.
50.
អហំ សិរី ច លក្ខី ច, ភូរិបញ្ញាតិ មំ វិទូ;
Ahaṃ sirī ca lakkhī ca, bhūripaññāti maṃ vidū;
ឱកាសំ យាចិតោ ទេហិ, វសេមុ តវ សន្តិកេ។
Okāsaṃ yācito dehi, vasemu tava santike.
៥១.
51.
កិំសីលេ កិំសមាចារេ, បុរិសេ និវិសសេ តុវំ;
Kiṃsīle kiṃsamācāre, purise nivisase tuvaṃ;
បុដ្ឋា មេ លក្ខិ អក្ខាហិ, កថំ 13 ជានេមុ តំ មយំ។
Puṭṭhā me lakkhi akkhāhi, kathaṃ 14 jānemu taṃ mayaṃ.
៥២.
52.
យោ ចាបិ សីតេ អថវាបិ ឧណ្ហេ, វាតាតបេ ឌំសសរីសបេ ច;
Yo cāpi sīte athavāpi uṇhe, vātātape ḍaṃsasarīsape ca;
ខុធំ 15 បិបាសំ អភិភុយ្យ សព្ពំ, រត្តិន្តិវំ យោ សតតំ និយុត្តោ;
Khudhaṃ 16 pipāsaṃ abhibhuyya sabbaṃ, rattintivaṃ yo satataṃ niyutto;
កាលាគតញ្ច ន ហាបេតិ អត្ថំ, សោ មេ មនាបោ និវិសេ ច តម្ហិ។
Kālāgatañca na hāpeti atthaṃ, so me manāpo nivise ca tamhi.
៥៣.
53.
អក្កោធនោ មិត្តវា ចាគវា ច, សីលូបបន្នោ អសឋោជុភូតោ 17;
Akkodhano mittavā cāgavā ca, sīlūpapanno asaṭhojubhūto 18;
សង្គាហកោ សខិលោ សណ្ហវាចោ, មហត្តបត្តោបិ និវាតវុត្តិ;
Saṅgāhako sakhilo saṇhavāco, mahattapattopi nivātavutti;
តស្មិំហំ 19 បោសេ វិបុលា ភវាមិ, ឩមិ សមុទ្ទស្ស យថាបិ វណ្ណំ។
Tasmiṃhaṃ 20 pose vipulā bhavāmi, ūmi samuddassa yathāpi vaṇṇaṃ.
៥៤.
54.
យោ ចាបិ មិត្តេ អថវា អមិត្តេ, សេដ្ឋេ សរិក្ខេ អថ វាបិ ហីនេ;
Yo cāpi mitte athavā amitte, seṭṭhe sarikkhe atha vāpi hīne;
អត្ថំ ចរន្តំ អថវា អនត្ថំ, អាវី រហោ សង្គហមេវ វត្តេ 21។
Atthaṃ carantaṃ athavā anatthaṃ, āvī raho saṅgahameva vatte 22.
វាចំ ន វជ្ជា ផរុសំ កទាចិ, មតស្ស ជីវស្ស ច តស្ស ហោមិ។
Vācaṃ na vajjā pharusaṃ kadāci, matassa jīvassa ca tassa homi.
៥៥.
55.
ឯតេសំ យោ អញ្ញតរំ លភិត្វា, កន្តា សិរី 23 មជ្ជតិ អប្បបញ្ញោ;
Etesaṃ yo aññataraṃ labhitvā, kantā sirī 24 majjati appapañño;
តំ ទិត្តរូបំ វិសមំ ចរន្តំ, ករីសឋានំវ 25 វិវជ្ជយាមិ។
Taṃ dittarūpaṃ visamaṃ carantaṃ, karīsaṭhānaṃva 26 vivajjayāmi.
៥៦.
56.
អត្តនា កុរុតេ លក្ខិំ, អលក្ខិំ កុរុតត្តនា;
Attanā kurute lakkhiṃ, alakkhiṃ kurutattanā;
ន ហិ លក្ខិំ អលក្ខិំ វា, អញ្ញោ អញ្ញស្ស ការកោតិ។
Na hi lakkhiṃ alakkhiṃ vā, añño aññassa kārakoti.
សិរិកាឡកណ្ណិជាតកំ សត្តមំ។
Sirikāḷakaṇṇijātakaṃ sattamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៣៨២] ៧. សិរិកាឡកណ្ណិជាតកវណ្ណនា • [382] 7. Sirikāḷakaṇṇijātakavaṇṇanā
