| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[382] 7. сиригаал̣аган̣н̣иж̇аад̇агаван̣н̣анаа
[382] 7. Sirikāḷakaṇṇijātakavaṇṇanā
гаа ну гаал̣зна ван̣н̣знаад̇и ид̣̇ам̣ сад̇т̇аа ж̇зд̇аванз вихаранд̇о анаат̇абин̣д̣игам̣ аараб̣бха гат̇зси. со хи сод̇аабад̇д̇ипалз бад̇идтид̇агаалад̇о бадтааяа акан̣д̣аани бан̃жа сийлаани рагки, бхарияаабисса буд̇д̇ад̇хийд̇ароби д̣̇аасааби бхад̇им̣ г̇ахзд̇ваа гаммам̣ гаронд̇аа гаммагарааби саб̣б̣з рагким̣суязва. ат̇згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, анаат̇абин̣д̣иго сужиязва сужибаривааро худ̇ваа жарад̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣з бораан̣агабан̣д̣ид̇ааби сужийязва сужибариваараа ахзсу’’нд̇и вад̇ваа д̇зхи яаажид̇о ад̇ийд̇ам̣ аахари.
Kānu kāḷena vaṇṇenāti idaṃ satthā jetavane viharanto anāthapiṇḍikaṃ ārabbha kathesi. So hi sotāpattiphale patiṭṭhitakālato paṭṭhāya akhaṇḍāni pañca sīlāni rakkhi, bhariyāpissa puttadhītaropi dāsāpi bhatiṃ gahetvā kammaṃ karontā kammakarāpi sabbe rakkhiṃsuyeva. Athekadivasaṃ bhikkhū dhammasabhāyaṃ kathaṃ samuṭṭhāpesuṃ ‘‘āvuso, anāthapiṇḍiko suciyeva suciparivāro hutvā caratī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbe porāṇakapaṇḍitāpi sucīyeva suciparivārā ahesu’’nti vatvā tehi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сздти худ̇ваа д̣̇аанам̣ ад̣̇ааси, сийлам̣ рагки, убосат̇агаммам̣ гари, бхарияаабисса бан̃жа сийлаани рагки, буд̇д̇ад̇хийд̇ароби д̣̇аасагаммагараборисааби бан̃жа сийлаани рагким̣су. со сужибариваарасздтид̇взва бан̃н̃ааяид̇т̇а. ат̇згад̣̇ивасам̣ со жинд̇зси ‘‘сажз маяаа сужибариваарасийло гожи ааг̇амиссад̇и, д̇асса мама нисийд̣̇анабаллан̇гам̣ ваа нибаж̇ж̇анасаяанам̣ ваа д̣̇аад̇ум̣ на яуд̇д̇ам̣, анужчидтам̣ абарибхуд̇д̇ам̣ д̣̇аад̇ум̣ ваддад̇ий’’д̇и ад̇д̇ано васанадтаанзязва згабассз абарибхуд̇д̇абаллан̇ган̃жа сзнаасанан̃жа бан̃н̃аабзси. д̇асмим̣ самаяз жаад̇умахаарааж̇игад̣̇звалогад̇о вируубагкамахаарааж̇асса д̇хийд̇аа гаал̣аган̣н̣ий жа наама д̇хад̇арадтамахаарааж̇асса д̇хийд̇аа сирий жа наамаад̇и имаа д̣̇вз б̣ахум̣ г̇анд̇хамаалам̣ аад̣̇ааяа ‘‘анод̇ад̇д̇з гийл̣иссаамаа’’д̇и анод̇ад̇д̇ад̇ид̇т̇ам̣ ааг̇ажчим̣су. д̇асмим̣ бана д̣̇ахз б̣ахууни д̇ид̇т̇аани, д̇зсу б̣уд̣̇д̇хаанам̣ д̇ид̇т̇з б̣уд̣̇д̇хааязва нхааяанд̇и, бажжзгаб̣уд̣̇д̇хаанам̣ д̇ид̇т̇з бажжзгаб̣уд̣̇д̇хаава нхааяанд̇и, бхигкуунам̣ д̇ид̇т̇з бхигкуува нхааяанд̇и, д̇аабасаанам̣ д̇ид̇т̇з д̇аабасаава нхааяанд̇и, жаад̇умахаарааж̇игаад̣̇ийсу часу гаамасаг̇г̇зсу д̣̇звабуд̇д̇аанам̣ д̇ид̇т̇з д̣̇звабуд̇д̇аава нхааяанд̇и, д̣̇звад̇хийд̇аанам̣ д̇ид̇т̇з д̣̇звад̇хийд̇аава нхааяанд̇и.
Atīte bārāṇasiyaṃ brahmadatte rajjaṃ kārente bodhisatto seṭṭhi hutvā dānaṃ adāsi, sīlaṃ rakkhi, uposathakammaṃ kari, bhariyāpissa pañca sīlāni rakkhi, puttadhītaropi dāsakammakaraporisāpi pañca sīlāni rakkhiṃsu. So suciparivāraseṭṭhitveva paññāyittha. Athekadivasaṃ so cintesi ‘‘sace mayā suciparivārasīlo koci āgamissati, tassa mama nisīdanapallaṅkaṃ vā nipajjanasayanaṃ vā dātuṃ na yuttaṃ, anucchiṭṭhaṃ aparibhuttaṃ dātuṃ vaṭṭatī’’ti attano vasanaṭṭhāneyeva ekapasse aparibhuttapallaṅkañca senāsanañca paññāpesi. Tasmiṃ samaye cātumahārājikadevalokato virūpakkhamahārājassa dhītā kāḷakaṇṇī ca nāma dhataraṭṭhamahārājassa dhītā sirī ca nāmāti imā dve bahuṃ gandhamālaṃ ādāya ‘‘anotatte kīḷissāmā’’ti anotattatitthaṃ āgacchiṃsu. Tasmiṃ pana dahe bahūni titthāni, tesu buddhānaṃ titthe buddhāyeva nhāyanti, paccekabuddhānaṃ titthe paccekabuddhāva nhāyanti, bhikkhūnaṃ titthe bhikkhūva nhāyanti, tāpasānaṃ titthe tāpasāva nhāyanti, cātumahārājikādīsu chasu kāmasaggesu devaputtānaṃ titthe devaputtāva nhāyanti, devadhītānaṃ titthe devadhītāva nhāyanti.
д̇ад̇римаа д̣̇вз ааг̇анд̇ваа ‘‘ахам̣ батамам̣ нхааяиссаами, ахам̣ батама’’нд̇и д̇ид̇т̇ааяа галахам̣ гарим̣су. гаал̣аган̣н̣ий ‘‘ахам̣ логам̣ баалзми вижаарзми, д̇асмаа батамам̣ нааяид̇ум̣ яуд̇д̇аамхий’’д̇и вад̣̇ад̇и. сирий ‘‘ахам̣ махааж̇анасса иссарияад̣̇ааяигааяа бадибад̣̇ааяа тид̇аа, д̇асмаа батамам̣ нхааяид̇ум̣ яуд̇д̇аамхий’’д̇и вад̣̇ад̇и. д̇аа ‘‘амхзсу батамам̣ нхааяид̇ум̣ яуд̇д̇аруубам̣ ваа аяуд̇д̇аруубам̣ ваа жад̇д̇ааро махаарааж̇аано ж̇ааниссанд̇ий’’д̇и д̇зсам̣ санд̇игам̣ г̇анд̇ваа ‘‘амхзсу гаа батамам̣ анод̇ад̇д̇ад̣̇ахз нхааяид̇ум̣ яуд̇д̇аруубаа’’д̇и бужчим̣су. д̇хад̇арадтавируубагкаа ‘‘на саггаа амхзхи винижчинид̇у’’нд̇и вируул̣хагавзссаван̣аанам̣ бхаарамагам̣су. д̇з ‘‘амхзби на сагкиссаама, саггасса баад̣̇амуулз бзсзссаамаа’’д̇и д̇аа саггасса санд̇игам̣ бзсзсум̣. сагго д̇аасам̣ важанам̣ суд̇ваа жинд̇зси ‘‘имаа д̣̇взби мама бурисаанан̃н̃зва д̇хийд̇аро, на саггаа маяаа имам̣ ад̣д̣ам̣ винижчинид̇у’’нд̇и. ат̇а д̇аа сагго ааха ‘‘б̣аараан̣асияам̣ сужибаривааро наама сздти ад̇т̇и, д̇асса гхарз анужчидтасаяанан̃жа бан̃н̃ад̇д̇ам̣, яаа д̇ад̇т̇а нисийд̣̇ид̇ум̣ ваа саяид̇ум̣ ваа лабхад̇и, саа батамам̣ нхааяид̇ум̣ яуд̇д̇аруубаа’’д̇и. д̇ам̣ суд̇ваа гаал̣аган̣н̣ий д̇асмим̣ кан̣зязва нийлавад̇т̇ам̣ ниваасзд̇ваа нийлавилзбанам̣ вилимбид̇ваа нийламан̣ибил̣анд̇ханам̣ бил̣анд̇хид̇ваа яанд̇абаасаан̣о вияа д̣̇звалогад̇о од̇арид̇ваа маж̇жхимаяаамасамананд̇арз сздтино баасаад̣̇асса убадтаанад̣̇ваарз саяанасса авид̣̇уурз таанз нийларасмим̣ виссаж̇ж̇зд̇ваа аагаасз адтааси. сздти ологзд̇ваа д̇ам̣ ад̣̇д̣̇аса, сахад̣̇ассанзнзвасса саа аббияаа ахоси аманаабаа. со д̇ааяа сад̣̇д̇хим̣ саллабанд̇о батамам̣ г̇аат̇амааха –
Tatrimā dve āgantvā ‘‘ahaṃ paṭhamaṃ nhāyissāmi, ahaṃ paṭhama’’nti titthāya kalahaṃ kariṃsu. Kāḷakaṇṇī ‘‘ahaṃ lokaṃ pālemi vicāremi, tasmā paṭhamaṃ nāyituṃ yuttāmhī’’ti vadati. Sirī ‘‘ahaṃ mahājanassa issariyadāyikāya paṭipadāya ṭhitā, tasmā paṭhamaṃ nhāyituṃ yuttāmhī’’ti vadati. Tā ‘‘amhesu paṭhamaṃ nhāyituṃ yuttarūpaṃ vā ayuttarūpaṃ vā cattāro mahārājāno jānissantī’’ti tesaṃ santikaṃ gantvā ‘‘amhesu kā paṭhamaṃ anotattadahe nhāyituṃ yuttarūpā’’ti pucchiṃsu. Dhataraṭṭhavirūpakkhā ‘‘na sakkā amhehi vinicchinitu’’nti virūḷhakavessavaṇānaṃ bhāramakaṃsu. Te ‘‘amhepi na sakkhissāma, sakkassa pādamūle pesessāmā’’ti tā sakkassa santikaṃ pesesuṃ. Sakko tāsaṃ vacanaṃ sutvā cintesi ‘‘imā dvepi mama purisānaññeva dhītaro, na sakkā mayā imaṃ aḍḍaṃ vinicchinitu’’nti. Atha tā sakko āha ‘‘bārāṇasiyaṃ suciparivāro nāma seṭṭhi atthi, tassa ghare anucchiṭṭhasayanañca paññattaṃ, yā tattha nisīdituṃ vā sayituṃ vā labhati, sā paṭhamaṃ nhāyituṃ yuttarūpā’’ti. Taṃ sutvā kāḷakaṇṇī tasmiṃ khaṇeyeva nīlavatthaṃ nivāsetvā nīlavilepanaṃ vilimpitvā nīlamaṇipiḷandhanaṃ piḷandhitvā yantapāsāṇo viya devalokato otaritvā majjhimayāmasamanantare seṭṭhino pāsādassa upaṭṭhānadvāre sayanassa avidūre ṭhāne nīlarasmiṃ vissajjetvā ākāse aṭṭhāsi. Seṭṭhi oloketvā taṃ addasa, sahadassanenevassa sā appiyā ahosi amanāpā. So tāya saddhiṃ sallapanto paṭhamaṃ gāthamāha –
40.
40.
‘‘гаа ну гаал̣зна ван̣н̣зна, на жааби бияад̣̇ассанаа;
‘‘Kā nu kāḷena vaṇṇena, na cāpi piyadassanā;
гаа ваа д̇вам̣ гасса ваа д̇хийд̇аа, гат̇ам̣ ж̇аанзму д̇ам̣ маяа’’нд̇и.
Kā vā tvaṃ kassa vā dhītā, kathaṃ jānemu taṃ maya’’nti.
д̇ад̇т̇а гаал̣знаад̇и нийлзна. ван̣н̣знаад̇и сарийравад̇т̇аабхаран̣аван̣н̣зна. на жааби бияад̣̇ассанаад̇и д̇хаад̇усо, бхигкавз, сад̇д̇аа сам̣санд̣̇анд̇ийд̇и вуд̇д̇ам̣, аяан̃жа д̣̇звад̇хийд̇аа анаажаараа д̣̇уссийлаа, д̇асмаа саа сахад̣̇ассанзнзвасса аббияаа ж̇аад̇аа, д̇знзвамааха. гаа ваа д̇ванд̇и ‘‘гаа жа д̇вам̣, аяамзва ваа баато.
Tattha kāḷenāti nīlena. Vaṇṇenāti sarīravatthābharaṇavaṇṇena. Na cāpi piyadassanāti dhātuso, bhikkhave, sattā saṃsandantīti vuttaṃ, ayañca devadhītā anācārā dussīlā, tasmā sā sahadassanenevassa appiyā jātā, tenevamāha. Kā vā tvanti ‘‘kā ca tvaṃ, ayameva vā pāṭho.
д̇ам̣ суд̇ваа гаал̣аган̣н̣ий д̣̇уд̇ияам̣ г̇аат̇амааха –
Taṃ sutvā kāḷakaṇṇī dutiyaṃ gāthamāha –
41.
41.
‘‘махаарааж̇ассахам̣ д̇хийд̇аа, вируубагкасса жан̣д̣ияаа;
‘‘Mahārājassahaṃ dhītā, virūpakkhassa caṇḍiyā;
ахам̣ гаал̣ий алагкигаа, гаал̣аган̣н̣ийд̇и мам̣ вид̣̇уу;
Ahaṃ kāḷī alakkhikā, kāḷakaṇṇīti maṃ vidū;
огаасам̣ яаажид̇о д̣̇зхи, васзму д̇ава санд̇игз’’д̇и.
Okāsaṃ yācito dehi, vasemu tava santike’’ti.
д̇ад̇т̇а жан̣д̣ияаад̇и год̇ханаа. год̇хабхаавзна хи маяхам̣ жан̣д̣ийд̇и наамам̣ гарим̣су. алагкигаад̇и ниббан̃н̃аа. мам̣ вид̣̇ууд̇и звам̣ мам̣ жаад̇умахаарааж̇игад̣̇звалогз ж̇аананд̇и. васзмууд̇и маяам̣ аж̇ж̇а згарад̇д̇ам̣ д̇ава санд̇игз васзяяаама, зд̇асмим̣ мз анужчидтаасанасаяанз огаасам̣ д̣̇зхийд̇и.
Tattha caṇḍiyāti kodhanā. Kodhabhāvena hi mayhaṃ caṇḍīti nāmaṃ kariṃsu. Alakkhikāti nippaññā. Maṃ vidūti evaṃ maṃ cātumahārājikadevaloke jānanti. Vasemūti mayaṃ ajja ekarattaṃ tava santike vaseyyāma, etasmiṃ me anucchiṭṭhāsanasayane okāsaṃ dehīti.
д̇ад̇о б̣од̇хисад̇д̇о д̇ад̇ияам̣ г̇аат̇амааха –
Tato bodhisatto tatiyaṃ gāthamāha –
42.
42.
‘‘гим̣сийлз гим̣самаажаарз, бурисз нивисасз д̇увам̣;
‘‘Kiṃsīle kiṃsamācāre, purise nivisase tuvaṃ;
будтаа мз гаал̣и агкаахи, гат̇ам̣ ж̇аанзму д̇ам̣ маяа’’нд̇и.
Puṭṭhā me kāḷi akkhāhi, kathaṃ jānemu taṃ maya’’nti.
д̇ад̇т̇а нивисасзд̇и д̇ава жид̇д̇зна нивисаси бад̇идтахасийд̇и.
Tattha nivisaseti tava cittena nivisasi patiṭṭhahasīti.
д̇ад̇о саа ад̇д̇ано г̇ун̣ам̣ гат̇знд̇ий жад̇уд̇т̇ам̣ г̇аат̇амааха –
Tato sā attano guṇaṃ kathentī catutthaṃ gāthamāha –
43.
43.
‘‘магкий бал̣аасий саарамбхий, иссугий мажчарий сато;
‘‘Makkhī paḷāsī sārambhī, issukī maccharī saṭho;
со маяхам̣ бурисо ганд̇о, лад̣̇д̇хам̣ яасса винассад̇ий’’д̇и.
So mayhaṃ puriso kanto, laddhaṃ yassa vinassatī’’ti.
д̇ассад̇т̇о – яо бурисо ад̇д̇ано гад̇аг̇ун̣ам̣ на ж̇аанаад̇и, г̇ун̣амагкий ход̇и, ад̇д̇ано гисмин̃жи гааран̣з гат̇ид̇з ‘‘гим̣ ахам̣ зд̇ам̣ на ж̇аанаамий’’д̇и яуг̇аг̇г̇аахам̣ г̇ан̣хаад̇и , ан̃н̃зхи гин̃жи гад̇ам̣ д̣̇исваа саарамбхавасзна гаран̣уд̇д̇аригам̣ гарод̇и, барз лаабхам̣ лабханд̇з на д̇уссад̇и, ‘‘маяхам̣ иссарияам̣ барзсам̣ маа ход̇у, маяхамзва ход̇уу’’д̇и сагасамбад̇д̇им̣ г̇обзд̇ваа барасса д̇ин̣аг̇г̇зна д̇злаб̣инд̣̇умби на д̣̇зд̇и, гзраадигалагкан̣зна саманнааг̇ад̇о худ̇ваа ад̇д̇ано санд̇агам̣ барасса ад̣̇ад̇ваа д̇зхи д̇зхи убааязхи барасанд̇агамзва каад̣̇ад̇и, яасса лад̣̇д̇хам̣ д̇хан̃н̃ам̣ ваа д̇ханам̣ ваа винассад̇и на д̇идтад̇и, сураад̇худ̇д̇о агкад̇худ̇д̇о ид̇т̇ид̇худ̇д̇о ваа худ̇ваа лад̣̇д̇хам̣ лад̣̇д̇хам̣ винаасзд̇иязва, аяам̣ зд̇зхи г̇ун̣зхи саманнааг̇ад̇о бурисо маяхам̣ ганд̇о бияо манаабо, зваруубз ахам̣ жид̇д̇зна бад̇идтахаамийд̇и.
Tassattho – yo puriso attano kataguṇaṃ na jānāti, guṇamakkhī hoti, attano kismiñci kāraṇe kathite ‘‘kiṃ ahaṃ etaṃ na jānāmī’’ti yugaggāhaṃ gaṇhāti , aññehi kiñci kataṃ disvā sārambhavasena karaṇuttarikaṃ karoti, pare lābhaṃ labhante na tussati, ‘‘mayhaṃ issariyaṃ paresaṃ mā hotu, mayhameva hotū’’ti sakasampattiṃ gopetvā parassa tiṇaggena telabindumpi na deti, kerāṭikalakkhaṇena samannāgato hutvā attano santakaṃ parassa adatvā tehi tehi upāyehi parasantakameva khādati, yassa laddhaṃ dhaññaṃ vā dhanaṃ vā vinassati na tiṭṭhati, surādhutto akkhadhutto itthidhutto vā hutvā laddhaṃ laddhaṃ vināsetiyeva, ayaṃ etehi guṇehi samannāgato puriso mayhaṃ kanto piyo manāpo, evarūpe ahaṃ cittena patiṭṭhahāmīti.
сааязва бан̃жамачадтасад̇д̇амаг̇аат̇аа абхааси –
Sāyeva pañcamachaṭṭhasattamagāthā abhāsi –
44.
44.
‘‘год̇хано убанаахий жа, бисун̣о жа вибхзд̣̇аго;
‘‘Kodhano upanāhī ca, pisuṇo ca vibhedako;
ган̣д̣агаваажо парусо, со мз ганд̇ад̇аро д̇ад̇о.
Kaṇḍakavāco pharuso, so me kantataro tato.
45.
45.
‘‘аж̇ж̇а сувзд̇и бурисо, сад̣̇ад̇т̇ам̣ нааваб̣уж̇жхад̇и;
‘‘Ajja suveti puriso, sadatthaṃ nāvabujjhati;
оваж̇ж̇амаано губбад̇и, сзяяам̣ со ад̇иман̃н̃ад̇и.
Ovajjamāno kuppati, seyyaṃ so atimaññati.
46.
46.
‘‘д̣̇аваббалуд̣̇д̇хо бурисо, саб̣б̣амид̇д̇зхи д̇хам̣сад̇и;
‘‘Davappaluddho puriso, sabbamittehi dhaṃsati;
со маяхам̣ бурисо ганд̇о, д̇асмим̣ хоми анаамаяаа’’д̇и.
So mayhaṃ puriso kanto, tasmiṃ homi anāmayā’’ti.
д̇ааби иминаава наязна вид̇т̇аарзд̇аб̣б̣аа. сан̇кзбад̇т̇о банзд̇т̇а – год̇ханод̇и аббамад̇д̇агзнааби гуж̇жханаго. убанаахийд̇и барасса абараад̇хам̣ хад̣̇аяз табзд̇ваа сужирзнаби д̇асса анад̇т̇агаараго. бисун̣од̇и бисун̣аваажо. вибхзд̣̇агод̇и аббамад̇д̇агзнаби мид̇д̇абхинд̣̇анаго. ган̣д̣агаваажод̇и сад̣̇осаваажо. парусод̇и т̇ад̣̇д̇хаваажо. ганд̇ад̇арод̇и со бурисо маяхам̣ буримааби ганд̇ад̇аро бияад̇аро. аж̇ж̇а сувзд̇и ‘‘ид̣̇ам̣ гаммам̣ аж̇ж̇а гаад̇аб̣б̣ам̣, ид̣̇ам̣ свз , ид̣̇ам̣ д̇ад̇ияад̣̇ивасаад̣̇ийсуу’’д̇и звам̣ со сад̣̇ад̇т̇ам̣ ад̇д̇ано гижжам̣ нааваб̣уж̇жхад̇и на ж̇аанаад̇и. оваж̇ж̇амаанод̇и овад̣̇ияамаано. сзяяам̣ со ад̇иман̃н̃ад̇ийд̇и ж̇аад̇иг̇од̇д̇агулаббад̣̇зсасийлаажаараг̇ун̣зхи уд̇д̇арид̇арам̣ уд̇д̇амабуг̇г̇алам̣ ‘‘д̇вам̣ маяхам̣ гим̣ бахосий’’д̇и ад̇иггамид̇ваа ман̃н̃ад̇и. д̣̇аваббалуд̣̇д̇ход̇и руубаад̣̇ийсу гаамаг̇ун̣зсу ниранд̇арад̣̇авзна балуд̣̇д̇хо абхибхууд̇о васам̣ г̇ад̇о. д̇хам̣сад̇ийд̇и ‘‘д̇аяаа маяхам̣ гим̣ гад̇а’’нд̇иаад̣̇ийни вад̇ваа саб̣б̣зхзва мид̇д̇зхи д̇хам̣сад̇и барихааяад̇и. анаамаяаад̇и аяам̣ зд̇зхи г̇ун̣зхи саманнааг̇ад̇з буг̇г̇алз нид̣̇д̣̇угкаа ниссогаа хоми, д̇ам̣ лабхид̇ваа ан̃н̃ад̇т̇а анаалаяаа худ̇ваа васаамий’’д̇и.
Tāpi imināva nayena vitthāretabbā. Saṅkhepattho panettha – kodhanoti appamattakenāpi kujjhanako. Upanāhīti parassa aparādhaṃ hadaye ṭhapetvā sucirenapi tassa anatthakārako. Pisuṇoti pisuṇavāco. Vibhedakoti appamattakenapi mittabhindanako. Kaṇḍakavācoti sadosavāco. Pharusoti thaddhavāco. Kantataroti so puriso mayhaṃ purimāpi kantataro piyataro. Ajja suveti ‘‘idaṃ kammaṃ ajja kātabbaṃ, idaṃ sve , idaṃ tatiyadivasādīsū’’ti evaṃ so sadatthaṃ attano kiccaṃ nāvabujjhati na jānāti. Ovajjamānoti ovadiyamāno. Seyyaṃ so atimaññatīti jātigottakulappadesasīlācāraguṇehi uttaritaraṃ uttamapuggalaṃ ‘‘tvaṃ mayhaṃ kiṃ pahosī’’ti atikkamitvā maññati. Davappaluddhoti rūpādīsu kāmaguṇesu nirantaradavena paluddho abhibhūto vasaṃ gato. Dhaṃsatīti ‘‘tayā mayhaṃ kiṃ kata’’ntiādīni vatvā sabbeheva mittehi dhaṃsati parihāyati. Anāmayāti ayaṃ etehi guṇehi samannāgate puggale niddukkhā nissokā homi, taṃ labhitvā aññattha anālayā hutvā vasāmī’’ti.
ат̇а нам̣ г̇араханд̇о махаасад̇д̇о адтамам̣ г̇аат̇амааха –
Atha naṃ garahanto mahāsatto aṭṭhamaṃ gāthamāha –
47.
47.
‘‘абзхи зд̇д̇о д̇вам̣ гаал̣и, нзд̇ам̣ амхзсу виж̇ж̇ад̇и;
‘‘Apehi etto tvaṃ kāḷi, netaṃ amhesu vijjati;
ан̃н̃ам̣ ж̇анабад̣̇ам̣ г̇ажча, ниг̇амз рааж̇ад̇хаанияо’’д̇и.
Aññaṃ janapadaṃ gaccha, nigame rājadhāniyo’’ti.
д̇ад̇т̇а абзхийд̇и абаг̇ажча. нзд̇ам̣ амхзсууд̇и зд̇ам̣ магкаад̣̇игам̣ д̇ава бияабхаавагаран̣ам̣ амхзсуби на виж̇ж̇ад̇и над̇т̇и. ниг̇амз рааж̇ад̇хаанияод̇и ан̃н̃з ниг̇амзби ан̃н̃аа рааж̇ад̇хаанияоби г̇ажча, яад̇т̇а маяам̣ д̇ам̣ на бассаама, д̇ад̇т̇а г̇ажчаад̇и д̣̇ийбзд̇и.
Tattha apehīti apagaccha. Netaṃ amhesūti etaṃ makkhādikaṃ tava piyabhāvakaraṇaṃ amhesupi na vijjati natthi. Nigame rājadhāniyoti aññe nigamepi aññā rājadhāniyopi gaccha, yattha mayaṃ taṃ na passāma, tattha gacchāti dīpeti.
д̇ам̣ суд̇ваа гаал̣аган̣н̣ий ад̣̇д̣̇ид̇аа худ̇ваа ананд̇араг̇аат̇амааха –
Taṃ sutvā kāḷakaṇṇī additā hutvā anantaragāthamāha –
48.
48.
‘‘ахамби ко д̇ам̣ ж̇аанаами, нзд̇ам̣ д̇умхзсу виж̇ж̇ад̇и;
‘‘Ahampi kho taṃ jānāmi, netaṃ tumhesu vijjati;
санд̇и логз алагкигаа, сан̇гхаранд̇и б̣ахум̣ д̇ханам̣;
Santi loke alakkhikā, saṅgharanti bahuṃ dhanaṃ;
ахам̣ д̣̇зво жа мз бхаад̇аа, убхо нам̣ вид̇хамаамасз’’д̇и.
Ahaṃ devo ca me bhātā, ubho naṃ vidhamāmase’’ti.
д̇ад̇т̇а нзд̇ам̣ д̇умхзсууд̇и яам̣ мама бияабхаавагаран̣ам̣ магкаад̣̇игам̣ язна ахам̣ ад̇д̇анааби саманнааг̇ад̇аа, д̇ам̣ д̇умхзсу над̇т̇ийд̇и ахамби зд̇ам̣ ж̇аанаами. санд̇и логз алагкигаад̇и ан̃н̃з бана логз ниссийлаа ниббан̃н̃аа санд̇и. сан̇гхаранд̇ийд̇и д̇з ниссийлаа ниббан̃н̃ааби самаанаа зд̇зхи магкаад̣̇ийхи б̣ахум̣ д̇ханам̣ сан̇гхаранд̇и бин̣д̣ам̣ гаронд̇и. убхо нанд̇и д̇ам̣ бана зд̇зхи сан̇гхарид̇ваа табид̇ам̣ д̇ханам̣ ахан̃жа маяхамзва бхаад̇аа д̣̇зво жа наама д̣̇звабуд̇д̇од̇и убхо згад̇о худ̇ваа вид̇хамаамасз наасзма, амхаагам̣ бана д̣̇звалогз б̣ахуу д̣̇иб̣б̣абарибхог̇аа ад̇т̇и д̣̇иб̣б̣аани саяанаани, д̇вам̣ д̣̇ад̣̇зяяааси ваа но ваа, го мз д̇аяаа ад̇т̇од̇и вад̇ваа баггаами.
Tattha netaṃ tumhesūti yaṃ mama piyabhāvakaraṇaṃ makkhādikaṃ yena ahaṃ attanāpi samannāgatā, taṃ tumhesu natthīti ahampi etaṃ jānāmi. Santi loke alakkhikāti aññe pana loke nissīlā nippaññā santi. Saṅgharantīti te nissīlā nippaññāpi samānā etehi makkhādīhi bahuṃ dhanaṃ saṅgharanti piṇḍaṃ karonti. Ubho nanti taṃ pana etehi saṅgharitvā ṭhapitaṃ dhanaṃ ahañca mayhameva bhātā devo ca nāma devaputtoti ubho ekato hutvā vidhamāmase nāsema, amhākaṃ pana devaloke bahū dibbaparibhogā atthi dibbāni sayanāni, tvaṃ dadeyyāsi vā no vā, ko me tayā atthoti vatvā pakkāmi.
д̇ассаа багганд̇агаалз сирий д̣̇звад̇хийд̇аа суван̣н̣аван̣н̣зхи вад̇т̇авилзбанзхи суван̣н̣аалан̇гаарзна ааг̇анд̇ваа убадтаанад̣̇ваарз бийд̇арасмим̣ виссаж̇ж̇зд̇ваа самзхи баад̣̇зхи самам̣ бат̇авияам̣ бад̇идтааяа саг̇аараваа адтааси. д̇ам̣ д̣̇исваа махаасад̇д̇о батамам̣ г̇аат̇амааха –
Tassā pakkantakāle sirī devadhītā suvaṇṇavaṇṇehi vatthavilepanehi suvaṇṇālaṅkārena āgantvā upaṭṭhānadvāre pītarasmiṃ vissajjetvā samehi pādehi samaṃ pathaviyaṃ patiṭṭhāya sagāravā aṭṭhāsi. Taṃ disvā mahāsatto paṭhamaṃ gāthamāha –
49.
49.
‘‘гаа ну д̣̇иб̣б̣зна ван̣н̣зна, бат̇аб̣яаа субад̇идтид̇аа;
‘‘Kā nu dibbena vaṇṇena, pathabyā supatiṭṭhitā;
гаа ваа д̇вам̣ гасса ваа д̇хийд̇аа, гат̇ам̣ ж̇аанзму д̇ам̣ маяа’’нд̇и.
Kā vā tvaṃ kassa vā dhītā, kathaṃ jānemu taṃ maya’’nti.
д̇ад̇т̇а д̣̇иб̣б̣знаад̇и висидтзна уд̇д̇амзна.
Tattha dibbenāti visiṭṭhena uttamena.
д̇ам̣ суд̇ваа сирий д̣̇уд̇ияам̣ г̇аат̇амааха –
Taṃ sutvā sirī dutiyaṃ gāthamāha –
50.
50.
‘‘махаарааж̇ассахам̣ д̇хийд̇аа, д̇хад̇арадтасса сириймад̇о;
‘‘Mahārājassahaṃ dhītā, dhataraṭṭhassa sirīmato;
ахам̣ сирий жа лагкий жа, бхуурибан̃н̃аад̇и мам̣ вид̣̇уу;
Ahaṃ sirī ca lakkhī ca, bhūripaññāti maṃ vidū;
огаасам̣ яаажид̇о д̣̇зхи, васзму д̇ава санд̇игз’’д̇и.
Okāsaṃ yācito dehi, vasemu tava santike’’ti.
д̇ад̇т̇а сирий жа лагкий жаад̇и сирийд̇и жа лагкийд̇и жа ахамзвам̣наамаа, на ан̃н̃аа. бхуурибан̃н̃аад̇и мам̣ вид̣̇ууд̇и мам̣ жаад̇умахаарааж̇игад̣̇звалогз бат̇авийсамааяа вибулааяа бан̃н̃ааяа саманнааг̇ад̇аад̇и ж̇аананд̇и. васзму д̇ава санд̇игзд̇и д̇ава анужчидтаасанз жзва анужчидтасаяанз жа згарад̇д̇им̣ васзяяаама, огаасам̣ мз д̣̇зхийд̇и.
Tattha sirī ca lakkhī cāti sirīti ca lakkhīti ca ahamevaṃnāmā, na aññā. Bhūripaññāti maṃ vidūti maṃ cātumahārājikadevaloke pathavīsamāya vipulāya paññāya samannāgatāti jānanti. Vasemu tava santiketi tava anucchiṭṭhāsane ceva anucchiṭṭhasayane ca ekarattiṃ vaseyyāma, okāsaṃ me dehīti.
д̇ад̇о барам̣ б̣од̇хисад̇д̇о ааха –
Tato paraṃ bodhisatto āha –
51.
51.
‘‘гим̣сийлз гим̣самаажаарз, бурисз нивисасз д̇увам̣;
‘‘Kiṃsīle kiṃsamācāre, purise nivisase tuvaṃ;
будтаа мз лагки агкаахи, гат̇ам̣ ж̇аанзму д̇ам̣ маяам̣.
Puṭṭhā me lakkhi akkhāhi, kathaṃ jānemu taṃ mayaṃ.
52.
52.
‘‘яо жааби сийд̇з ат̇а вааби ун̣хз, ваад̇аад̇абз д̣ам̣сасарийсабз жа;
‘‘Yo cāpi sīte atha vāpi uṇhe, vātātape ḍaṃsasarīsape ca;
куд̇хам̣ бибаасам̣ абхибхуяяа саб̣б̣ам̣, рад̇д̇инд̣̇ивам̣ яо сад̇ад̇ам̣ нияуд̇д̇о.
Khudhaṃ pipāsaṃ abhibhuyya sabbaṃ, rattindivaṃ yo satataṃ niyutto.
53.
53.
‘‘гаалааг̇ад̇ан̃жа на хаабзд̇и ад̇т̇ам̣, со мз манаабо нивисз жа д̇амхи;
‘‘Kālāgatañca na hāpeti atthaṃ, so me manāpo nivise ca tamhi;
аггод̇хано мид̇д̇аваа жааг̇аваа жа, сийлуубабанно асатож̇убхууд̇о.
Akkodhano mittavā cāgavā ca, sīlūpapanno asaṭhojubhūto.
54.
54.
‘‘сан̇г̇аахаго сакило сан̣хаваажо, махад̇д̇абад̇д̇оби ниваад̇авуд̇д̇и;
‘‘Saṅgāhako sakhilo saṇhavāco, mahattapattopi nivātavutti;
д̇асмим̣хам̣ босз вибулаа бхаваами, ууми самуд̣̇д̣̇асса яат̇ааби ван̣н̣ам̣.
Tasmiṃhaṃ pose vipulā bhavāmi, ūmi samuddassa yathāpi vaṇṇaṃ.
55.
55.
‘‘яо жааби мид̇д̇з ат̇а ваа амид̇д̇з, сздтз саригкз ат̇а вааби хийнз;
‘‘Yo cāpi mitte atha vā amitte, seṭṭhe sarikkhe atha vāpi hīne;
ад̇т̇ам̣ жаранд̇ам̣ ат̇а ваа анад̇т̇ам̣, аавий рахо сан̇г̇ахамзва вад̇д̇з.
Atthaṃ carantaṃ atha vā anatthaṃ, āvī raho saṅgahameva vatte.
56.
56.
‘‘ваажам̣ на важ̇ж̇аа парусам̣ гад̣̇аажи, мад̇асса ж̇ийвасса жа д̇асса хоми;
‘‘Vācaṃ na vajjā pharusaṃ kadāci, matassa jīvassa ca tassa homi;
зд̇зсам̣ яо ан̃н̃ад̇арам̣ лабхид̇ваа, ганд̇аа сирий маж̇ж̇ад̇и аббабан̃н̃о;
Etesaṃ yo aññataraṃ labhitvā, kantā sirī majjati appapañño;
д̇ам̣ д̣̇ид̇д̇аруубам̣ висамам̣ жаранд̇ам̣, гарийсатаанам̣ва виваж̇ж̇аяаами.
Taṃ dittarūpaṃ visamaṃ carantaṃ, karīsaṭhānaṃva vivajjayāmi.
57.
57.
‘‘ад̇д̇анаа гуруд̇з лагким̣, алагким̣ гуруд̇ад̇д̇анаа;
‘‘Attanā kurute lakkhiṃ, alakkhiṃ kurutattanā;
на хи лагким̣ алагким̣ ваа, ан̃н̃о ан̃н̃асса гаараго’’д̇и.
Na hi lakkhiṃ alakkhiṃ vā, añño aññassa kārako’’ti.
сздтисса бужчаа ход̇и, сирияаа виссаж̇ж̇анаа.
Seṭṭhissa pucchā hoti, siriyā vissajjanā.
д̇ад̇т̇а д̣ам̣сасарийсабз жаад̇и д̣ам̣саа вужжанд̇и бин̇г̇аламагкигаа, саб̣б̣ааби ваа магкигааж̇аад̇игаа ид̇ха ‘‘д̣ам̣саа’’д̇и ад̇хиббзд̇аа. сарийсабаад̇и д̣̇ийгхаж̇аад̇игаа. д̣ам̣саа жа сарийсабаа жа д̣ам̣сасарийсабаа, д̇асмим̣ д̣ам̣сасарийсабз сад̇и. ид̣̇ам̣ вуд̇д̇ам̣ ход̇и – яо махаасздти сийд̇з ваа ун̣хз ваа ваад̇аад̇абз ваа д̣ам̣сасарийсабз ваа сад̇и зд̇зхи сийд̇аад̣̇ийхи бийл̣ияамааноби зд̇аани жзва сийд̇аад̣̇ийни куд̇хан̃жа бибаасан̃жаад̇и саб̣б̣амбзд̇ам̣ бариссаяам̣ абхибхуяяа абхибхавид̇ваа д̇ин̣ам̣ вияа аг̇ан̣зд̇ваа рад̇д̇инд̣̇ивам̣ гасиван̣иж̇ж̇аад̣̇ийсу жзва д̣̇аанасийлаад̣̇ийсу жа сад̇ад̇ам̣ ад̇д̇ано гаммзсу нияуд̇д̇о ад̇д̇аанам̣ яож̇зд̇ваа вад̇д̇ад̇и.
Tattha ḍaṃsasarīsape cāti ḍaṃsā vuccanti piṅgalamakkhikā, sabbāpi vā makkhikājātikā idha ‘‘ḍaṃsā’’ti adhippetā. Sarīsapāti dīghajātikā. Ḍaṃsā ca sarīsapā ca ḍaṃsasarīsapā, tasmiṃ ḍaṃsasarīsape sati. Idaṃ vuttaṃ hoti – yo mahāseṭṭhi sīte vā uṇhe vā vātātape vā ḍaṃsasarīsape vā sati etehi sītādīhi pīḷiyamānopi etāni ceva sītādīni khudhañca pipāsañcāti sabbampetaṃ parissayaṃ abhibhuyya abhibhavitvā tiṇaṃ viya agaṇetvā rattindivaṃ kasivaṇijjādīsu ceva dānasīlādīsu ca satataṃ attano kammesu niyutto attānaṃ yojetvā vattati.
гаалааг̇ад̇ан̃жаад̇и гасигаалаад̣̇ийсу гасиаад̣̇ийни д̇ханабарижжааг̇асийларагкан̣ад̇хаммассаванаад̣̇игаалзсу жа д̇ханабарижжаж̇анаад̣̇иббабхзд̣̇ам̣ д̣̇идтад̇хаммасамбарааяз сукаавахам̣ ад̇т̇ам̣ на хаабзд̇и, яуд̇д̇аббаяуд̇д̇агаалз гарод̇иязва, со маяхам̣ манаабо д̇асмин̃жа бурисз ахам̣ нивисаамийд̇и. аггод̇ханод̇и ад̇хиваасанаканд̇ияаа саманнааг̇ад̇о. мид̇д̇аваад̇и галяаан̣амид̇д̇зна саманнааг̇ад̇о. жааг̇аваад̇и д̇ханабарижжааг̇аяуд̇д̇о.
Kālāgatañcāti kasikālādīsu kasiādīni dhanapariccāgasīlarakkhaṇadhammassavanādikālesu ca dhanapariccajanādippabhedaṃ diṭṭhadhammasamparāye sukhāvahaṃ atthaṃ na hāpeti, yuttappayuttakāle karotiyeva, so mayhaṃ manāpo tasmiñca purise ahaṃ nivisāmīti. Akkodhanoti adhivāsanakhantiyā samannāgato. Mittavāti kalyāṇamittena samannāgato. Cāgavāti dhanapariccāgayutto.
сан̇г̇аахагод̇и мид̇д̇асан̇г̇ахааамисасан̇г̇ахад̇хаммасан̇г̇ахаанам̣ гаараго. сакилод̇и муд̣̇уваажо. сан̣хаваажод̇и мад̇хураважано. махад̇д̇абад̇д̇оби ниваад̇авуд̇д̇ийд̇и маханд̇ам̣ таанам̣ вибулам̣ иссарияам̣ бад̇д̇оби яасзна ануд̣̇д̇хад̇о нийжавуд̇д̇и бан̣д̣ид̇аанам̣ оваад̣̇агаро ход̇и. д̇асмим̣хам̣ босзд̇и д̇асмим̣ ахам̣ бурисз. вибулаа бхаваамийд̇и акуд̣̇д̣̇агаа хоми. со хи махад̇ияаа сирияаа бад̣̇адтаанам̣. ууми самуд̣̇д̣̇асса яат̇ааби ван̣н̣анд̇и яат̇аа наама самуд̣̇д̣̇асса ван̣н̣ам̣ ологзнд̇аанам̣ убаруубари ааг̇ажчамаанаа ууми вибулаа вияа кааяад̇и, звамахам̣ д̇асмим̣ буг̇г̇алз вибулаа хомийд̇и д̣̇ийбзд̇и.
Saṅgāhakoti mittasaṅgahaāmisasaṅgahadhammasaṅgahānaṃ kārako. Sakhiloti muduvāco. Saṇhavācoti madhuravacano. Mahattapattopi nivātavuttīti mahantaṃ ṭhānaṃ vipulaṃ issariyaṃ pattopi yasena anuddhato nīcavutti paṇḍitānaṃ ovādakaro hoti. Tasmiṃhaṃ poseti tasmiṃ ahaṃ purise. Vipulā bhavāmīti akhuddakā homi. So hi mahatiyā siriyā padaṭṭhānaṃ. Ūmi samuddassa yathāpi vaṇṇanti yathā nāma samuddassa vaṇṇaṃ olokentānaṃ uparūpari āgacchamānā ūmi vipulā viya khāyati, evamahaṃ tasmiṃ puggale vipulā homīti dīpeti.
аавий раход̇и саммукаа жа бараммукаа жа. сан̇г̇ахамзва вад̇д̇зд̇и зд̇асмим̣ мид̇д̇аад̣̇ибхзд̣̇з буг̇г̇алз жад̇уб̣б̣ид̇хам̣ сан̇г̇ахамзва вад̇д̇зд̇и бавад̇д̇зд̇и.
Āvī rahoti sammukhā ca parammukhā ca. Saṅgahameva vatteti etasmiṃ mittādibhede puggale catubbidhaṃ saṅgahameva vatteti pavatteti.
на важ̇ж̇аад̇и яо гад̣̇аажи гисмин̃жи гаалз парусаважанам̣ на вад̣̇зяяа, мад̇хураважанова ход̇и. мад̇асса ж̇ийвасса жаад̇и д̇ассаахам̣ буг̇г̇аласса мад̇ассаби ж̇ийванд̇ассаби бхад̇д̇игаа хоми, ид̇халогзби баралогзби д̇аад̣̇исамзва бхаж̇аамийд̇и д̣̇ассзд̇и. зд̇зсам̣ яод̇и зд̇зсам̣ сийд̇аабхибхаванаад̣̇ийнам̣ хздтаа вуд̇д̇аг̇ун̣аанам̣ яо буг̇г̇ало згамби г̇ун̣ам̣ лабхид̇ваа бамаж̇ж̇ад̇и бамуссад̇и, буна наануяун̃ж̇ад̇ийд̇и ад̇т̇о. ганд̇аа сирий, ганд̇асирим̣, ганд̇ам̣ сиринд̇и д̇аяоби баатаа, д̇зсам̣ васзна аяам̣ ад̇т̇аяож̇анаа – яо буг̇г̇ало сирим̣ лабхид̇ваа ‘‘ганд̇аа мз сири яат̇аатаанз тид̇аа’’д̇и зд̇зсам̣ ан̃н̃ад̇арам̣ г̇ун̣ам̣ бамаж̇ж̇ад̇и, яо ваа буг̇г̇ало ганд̇асирим̣ бияасирим̣ ижчанд̇о зд̇зсам̣ г̇ун̣аанам̣ ан̃н̃ад̇арам̣ лабхид̇ваа бамаж̇ж̇ад̇и, яо ваа буг̇г̇ало сирим̣ лабхид̇ваа ганд̇ам̣ манаабам̣ сирим̣ зд̇зсам̣ г̇ун̣аанам̣ ан̃н̃ад̇арам̣ бамаж̇ж̇ад̇и. аббабан̃н̃од̇и ниббан̃н̃о. д̇ам̣ д̣̇ид̇д̇аруубам̣ висамам̣ жаранд̇анд̇и д̇ам̣ ахам̣ д̣̇ид̇д̇асабхаавам̣ г̇аб̣б̣ид̇асабхаавам̣ гааяад̣̇ужжарид̇аад̣̇ибхзд̣̇ам̣ висамам̣ жаранд̇ам̣ сужиж̇аад̇иго мануссо г̇уут̇агуубам̣ вияа д̣̇уурад̇о виваж̇ж̇аяаамийд̇и.
Na vajjāti yo kadāci kismiñci kāle pharusavacanaṃ na vadeyya, madhuravacanova hoti. Matassa jīvassa cāti tassāhaṃ puggalassa matassapi jīvantassapi bhattikā homi, idhalokepi paralokepi tādisameva bhajāmīti dasseti. Etesaṃ yoti etesaṃ sītābhibhavanādīnaṃ heṭṭhā vuttaguṇānaṃ yo puggalo ekampi guṇaṃ labhitvā pamajjati pamussati, puna nānuyuñjatīti attho. Kantā sirī, kantasiriṃ, kantaṃ sirinti tayopi pāṭhā, tesaṃ vasena ayaṃ atthayojanā – yo puggalo siriṃ labhitvā ‘‘kantā me siri yathāṭhāne ṭhitā’’ti etesaṃ aññataraṃ guṇaṃ pamajjati, yo vā puggalo kantasiriṃ piyasiriṃ icchanto etesaṃ guṇānaṃ aññataraṃ labhitvā pamajjati, yo vā puggalo siriṃ labhitvā kantaṃ manāpaṃ siriṃ etesaṃ guṇānaṃ aññataraṃ pamajjati. Appapaññoti nippañño. Taṃ dittarūpaṃ visamaṃ carantanti taṃ ahaṃ dittasabhāvaṃ gabbitasabhāvaṃ kāyaduccaritādibhedaṃ visamaṃ carantaṃ sucijātiko manusso gūthakūpaṃ viya dūrato vivajjayāmīti.
ан̃н̃о ан̃н̃асса гаарагод̇и звам̣ санд̇з лагким̣ ваа алагким̣ ваа ан̃н̃о бурисо ан̃н̃асса гаараго наама над̇т̇и, яо гожи ад̇д̇анаа ад̇д̇ано лагким̣ ваа алагким̣ ваа гарод̇ийд̇и.
Añño aññassa kārakoti evaṃ sante lakkhiṃ vā alakkhiṃ vā añño puriso aññassa kārako nāma natthi, yo koci attanā attano lakkhiṃ vā alakkhiṃ vā karotīti.
звам̣ махаасад̇д̇о д̣̇звияаа важанам̣ абхинанд̣̇ид̇ваа ‘‘ид̣̇ам̣ анужчидтам̣ аасанан̃жа саяанан̃жа д̇уяхам̣язва анужчавигам̣, баллан̇гз жа саяанз жа нисийд̣̇а жзва нибаж̇ж̇а жаа’’д̇и ааха. саа д̇ад̇т̇а васид̇ваа бажжуусагаалз нигкамид̇ваа жаад̇умахаарааж̇игад̣̇звалогам̣ г̇анд̇ваа анод̇ад̇д̇ад̣̇ахз батамам̣ нахааяи. д̇амби саяанам̣ сирид̣̇звад̇ааяа барибхуд̇д̇абхааваа сирисаяанам̣ наама ж̇аад̇ам̣. сирисаяанасса аяам̣ вам̣со, иминаа гааран̣зна яааваж̇ж̇ад̇анаа ‘‘сирисаяана’’нд̇и вужжад̇и.
Evaṃ mahāsatto deviyā vacanaṃ abhinanditvā ‘‘idaṃ anucchiṭṭhaṃ āsanañca sayanañca tuyhaṃyeva anucchavikaṃ, pallaṅke ca sayane ca nisīda ceva nipajja cā’’ti āha. Sā tattha vasitvā paccūsakāle nikkhamitvā cātumahārājikadevalokaṃ gantvā anotattadahe paṭhamaṃ nahāyi. Tampi sayanaṃ siridevatāya paribhuttabhāvā sirisayanaṃ nāma jātaṃ. Sirisayanassa ayaṃ vaṃso, iminā kāraṇena yāvajjatanā ‘‘sirisayana’’nti vuccati.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа сирид̣̇звий уббалаван̣н̣аа ахоси, сужибариваарасздти бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā siridevī uppalavaṇṇā ahosi, suciparivāraseṭṭhi pana ahameva ahosi’’nti.
сиригаал̣аган̣н̣иж̇аад̇агаван̣н̣анаа сад̇д̇амаа.
Sirikāḷakaṇṇijātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 382. сиригаал̣аган̣н̣иж̇аад̇агам̣ • 382. Sirikāḷakaṇṇijātakaṃ
