| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
13. сириман̣д̣ад̇т̇зраг̇аат̇ааван̣н̣анаа
13. Sirimaṇḍattheragāthāvaṇṇanā
чаннамад̇ивассад̇ийд̇иаад̣̇игаа ааяасмад̇о сириман̣д̣ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинид̇ваа имасмим̣ б̣уд̣̇д̇хуббаад̣̇з сам̣сумаараг̇ирз б̣раахман̣агулз ниб̣б̣ад̇д̇ид̇ваа сириман̣д̣од̇и лад̣̇д̇ханаамо ваяаббад̇д̇о бхзсагалааванз бхаг̇авад̇и вихаранд̇з сад̇т̇аарам̣ убасан̇гамид̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа лад̣̇д̇хуубасамбад̣̇о саман̣ад̇хаммам̣ гаронд̇о згасмим̣ убосат̇ад̣̇ивасз баад̇имогкуд̣̇д̣̇зсадтаанз нисинно нид̣̇аануд̣̇д̣̇зсасса барияосаанз ‘‘аавигад̇аа хисса паасу ход̇ий’’д̇и (махаава. 134) баал̣ияаа ад̇т̇ам̣ убад̇хаарзнд̇о аабаннам̣ аабад̇д̇им̣ анаавигад̇ваа бадижчаад̣̇знд̇о убаруубари аабад̇д̇ияо аабаж̇ж̇ад̇и, д̇знасса на паасу ход̇и, аавигад̇ваа бана яат̇аад̇хаммам̣ бадигаронд̇асса паасу ход̇ийд̇и имамад̇т̇ам̣ манаси гад̇ваа ‘‘ахо сад̇т̇у саасанам̣ сувисуд̣̇д̇ха’’нд̇и лад̣̇д̇хаббасаад̣̇о д̇ат̇аа уббаннам̣ бийд̇им̣ вигкамбхзд̇ваа вибассанам̣ вад̣дхзд̇ваа арахад̇д̇ам̣ бад̇ваа ад̇д̇ано бадибад̇д̇им̣ бажжавзгкид̇ваа басаннамаанасо бхигкуунам̣ оваад̣̇ам̣ д̣̇знд̇о –
Channamativassatītiādikā āyasmato sirimaṇḍattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinitvā imasmiṃ buddhuppāde saṃsumāragire brāhmaṇakule nibbattitvā sirimaṇḍoti laddhanāmo vayappatto bhesakalāvane bhagavati viharante satthāraṃ upasaṅkamitvā dhammaṃ sutvā paṭiladdhasaddho pabbajitvā laddhūpasampado samaṇadhammaṃ karonto ekasmiṃ uposathadivase pātimokkhuddesaṭṭhāne nisinno nidānuddesassa pariyosāne ‘‘āvikatā hissa phāsu hotī’’ti (mahāva. 134) pāḷiyā atthaṃ upadhārento āpannaṃ āpattiṃ anāvikatvā paṭicchādento uparūpari āpattiyo āpajjati, tenassa na phāsu hoti, āvikatvā pana yathādhammaṃ paṭikarontassa phāsu hotīti imamatthaṃ manasi katvā ‘‘aho satthu sāsanaṃ suvisuddha’’nti laddhappasādo tathā uppannaṃ pītiṃ vikkhambhetvā vipassanaṃ vaḍḍhetvā arahattaṃ patvā attano paṭipattiṃ paccavekkhitvā pasannamānaso bhikkhūnaṃ ovādaṃ dento –
447.
447.
‘‘чаннамад̇ивассад̇и, вивадам̣ наад̇ивассад̇и;
‘‘Channamativassati, vivaṭaṃ nātivassati;
д̇асмаа чаннам̣ виварзт̇а, звам̣ д̇ам̣ наад̇ивассад̇и.
Tasmā channaṃ vivaretha, evaṃ taṃ nātivassati.
448.
448.
‘‘мажжунааб̣бхаахад̇о лого, ж̇арааяа бариваарид̇о;
‘‘Maccunābbhāhato loko, jarāya parivārito;
д̇ан̣хаасаллзна од̇ин̣н̣о, ижчаад̇хуубааяид̇о сад̣̇аа. (сам̣. ни. 1.66);
Taṇhāsallena otiṇṇo, icchādhūpāyito sadā. (saṃ. ni. 1.66);
449.
449.
‘‘мажжунааб̣бхаахад̇о лого, баригкид̇д̇о ж̇арааяа жа;
‘‘Maccunābbhāhato loko, parikkhitto jarāya ca;
хан̃н̃ад̇и нижжамад̇д̇аан̣о, бад̇д̇ад̣̇ан̣д̣ова д̇аггаро.
Haññati niccamattāṇo, pattadaṇḍova takkaro.
450.
450.
‘‘ааг̇ажчанд̇аг̇г̇иканд̇хаава, мажжу б̣яаад̇хи ж̇араа д̇аяо;
‘‘Āgacchantaggikhandhāva, maccu byādhi jarā tayo;
бажжуг̇г̇анд̇ум̣ б̣алам̣ над̇т̇и, ж̇аво над̇т̇и балааяид̇ум̣.
Paccuggantuṃ balaṃ natthi, javo natthi palāyituṃ.
451.
451.
‘‘амогхам̣ д̣̇ивасам̣ гаяираа, аббзна б̣ахугзна ваа;
‘‘Amoghaṃ divasaṃ kayirā, appena bahukena vā;
яам̣ яам̣ виж̇ахад̇з рад̇д̇им̣, д̇ад̣̇уунам̣ д̇асса ж̇ийвид̇ам̣.
Yaṃ yaṃ vijahate rattiṃ, tadūnaṃ tassa jīvitaṃ.
452.
452.
‘‘жарад̇о д̇идтад̇о вааби, аасийнасаяанасса ваа;
‘‘Carato tiṭṭhato vāpi, āsīnasayanassa vā;
убзд̇и жаримаа рад̇д̇и, на д̇з гаало бамаж̇ж̇ид̇у’’нд̇и. –
Upeti carimā ratti, na te kālo pamajjitu’’nti. –
имаа г̇аат̇аа абхааси.
Imā gāthā abhāsi.
д̇ад̇т̇а чаннанд̇и чаад̣̇ид̇ам̣ яат̇аабхууд̇ам̣ авивадам̣ аббагаасид̇ам̣ д̣̇ужжарид̇ам̣. ад̇ивассад̇ийд̇и аабад̇д̇ивассан̃жзва гилзсавассан̃жа ад̇ивияа вассад̇и. аабад̇д̇ияаа хи чаад̣̇анам̣ алаж̇ж̇ибхааваад̣̇инаа д̇аад̣̇исова, чаад̣̇анзна д̇ад̇о ан̃н̃ат̇аава бунаби д̇ат̇ааруубам̣ д̇ад̇о ваа баабидтад̇арам̣ аабад̇д̇им̣ аабаж̇ж̇зяяаад̇и чаад̣̇анам̣ вассанасса гааран̣ам̣ вуд̇д̇ам̣. виваданд̇и багаасид̇ам̣ аббадижчаннам̣. наад̇ивассад̇ийд̇и зд̇т̇а ад̇ийд̇и убасаг̇г̇амад̇д̇ам̣, на вассад̇ийд̇и ад̇т̇о. авассанан̃жзд̇т̇а вуд̇д̇авибарияааязна взд̣̇ид̇аб̣б̣ам̣ жид̇д̇асанд̇аанасса висод̇хид̇ад̇д̇аа. д̇асмаад̇и вуд̇д̇амзвад̇т̇ам̣ гааран̣абхаавзна бажжаамасад̇и, чаннасса д̣̇ужжарид̇асса аабад̇д̇ивассаад̣̇ийнам̣ ад̇ивассанад̇о вивадасса жа авассанад̇од̇и ад̇т̇о. чаннам̣ виварзт̇аад̇и бут̇уж̇ж̇анабхаавзна чаад̣̇анаад̇хиббааяз уббаннзби д̇ам̣ ананувад̇д̇ид̇ваа виварзт̇а аавигарзяяа, яат̇аад̇хаммам̣ бадигарзяяа. званд̇и виваран̣зна яат̇аад̇хаммам̣ бадибад̇д̇ияаа. д̇анд̇и д̇ам̣ чаннам̣ д̣̇ужжарид̇ам̣. наад̇ивассад̇и аабад̇д̇ивассам̣ гилзсавассан̃жа на вассад̇и, суд̣̇д̇ханд̇з буг̇г̇алам̣ бад̇идтабзд̇ийд̇и ад̇т̇о.
Tattha channanti chāditaṃ yathābhūtaṃ avivaṭaṃ appakāsitaṃ duccaritaṃ. Ativassatīti āpattivassañceva kilesavassañca ativiya vassati. Āpattiyā hi chādanaṃ alajjibhāvādinā tādisova, chādanena tato aññathāva punapi tathārūpaṃ tato vā pāpiṭṭhataraṃ āpattiṃ āpajjeyyāti chādanaṃ vassanassa kāraṇaṃ vuttaṃ. Vivaṭanti pakāsitaṃ appaṭicchannaṃ. Nātivassatīti ettha atīti upasaggamattaṃ, na vassatīti attho. Avassanañcettha vuttavipariyāyena veditabbaṃ cittasantānassa visodhitattā. Tasmāti vuttamevatthaṃ kāraṇabhāvena paccāmasati, channassa duccaritassa āpattivassādīnaṃ ativassanato vivaṭassa ca avassanatoti attho. Channaṃ vivarethāti puthujjanabhāvena chādanādhippāye uppannepi taṃ ananuvattitvā vivaretha āvikareyya, yathādhammaṃ paṭikareyya. Evanti vivaraṇena yathādhammaṃ paṭipattiyā. Tanti taṃ channaṃ duccaritaṃ. Nātivassati āpattivassaṃ kilesavassañca na vassati, suddhante puggalaṃ patiṭṭhapetīti attho.
ид̣̇аани ‘‘згам̣сзна сийгхам̣язва жа ад̇д̇аа сод̇хзд̇аб̣б̣о, аббамаад̣̇о гаад̇аб̣б̣о’’д̇и д̇асса гааран̣ам̣ сам̣взг̇авад̇т̇ум̣ д̣̇ассзнд̇о ‘‘мажжунааб̣бхаахад̇о лого’’д̇иаад̣̇имааха. д̇ад̇т̇а мажжунааб̣бхаахад̇о логод̇и аяам̣ саб̣б̣оби сад̇д̇алого жоро вияа жорагхаад̇агзна, саб̣б̣авадданибаад̇инаа мажжунаа маран̣зна абхихад̇о, на д̇асса хад̇т̇ад̇о мужжад̇и. ж̇арааяа бариваарид̇од̇и аяам̣ лого уббаад̣̇ад̇о уд̣̇д̇хам̣ маран̣уубанаяанарасааяа ж̇арааяа бариваарид̇о аж̇жход̇т̇адо, ж̇араасан̇гхаад̇абаримуггод̇и ад̇т̇о. д̇ан̣хаасаллзна од̇ин̣н̣од̇и сарийрасса анд̇о нимуг̇г̇зна висабийд̇акураббзна вияа убаад̣̇ааналагкан̣зна д̇ан̣хаасан̇каад̇зна саллзна од̇ин̣н̣о хад̣̇аяаб̣бханд̇арз ог̇аал̣хо. д̇ан̣хаа хи бийл̣ааж̇ананад̇о анд̇о д̇уд̣̇анад̇о д̣̇уруд̣̇д̇хаарад̇о жа ‘‘салло’’д̇и вужжад̇и. ижчаад̇хуубааяид̇од̇и аарамман̣аабхибад̇т̇аналагкан̣ааяа ижчааяа санд̇аабид̇о. д̇ам̣ висаяам̣ ижчанд̇о хи буг̇г̇ало яад̣̇ижчид̇ам̣ висаяам̣ лабханд̇о ваа алабханд̇о ваа д̇ааяа зва ануд̣̇аханалагкан̣ааяа ижчааяа санд̇ад̇д̇о барил̣аахаббад̇д̇о ход̇и. сад̣̇аад̇и саб̣б̣агаалам̣, ид̣̇ан̃жа бад̣̇ам̣ саб̣б̣абад̣̇зсу яож̇зд̇аб̣б̣ам̣.
Idāni ‘‘ekaṃsena sīghaṃyeva ca attā sodhetabbo, appamādo kātabbo’’ti tassa kāraṇaṃ saṃvegavatthuṃ dassento ‘‘maccunābbhāhato loko’’tiādimāha. Tattha maccunābbhāhato lokoti ayaṃ sabbopi sattaloko coro viya coraghātakena, sabbavaṭṭanipātinā maccunā maraṇena abhihato, na tassa hatthato muccati. Jarāya parivāritoti ayaṃ loko uppādato uddhaṃ maraṇūpanayanarasāya jarāya parivārito ajjhotthaṭo, jarāsaṅghātaparimukkoti attho. Taṇhāsallena otiṇṇoti sarīrassa anto nimuggena visapītakhurappena viya upādānalakkhaṇena taṇhāsaṅkhātena sallena otiṇṇo hadayabbhantare ogāḷho. Taṇhā hi pīḷājananato anto tudanato duruddhārato ca ‘‘sallo’’ti vuccati. Icchādhūpāyitoti ārammaṇābhipatthanalakkhaṇāya icchāya santāpito. Taṃ visayaṃ icchanto hi puggalo yadicchitaṃ visayaṃ labhanto vā alabhanto vā tāya eva anudahanalakkhaṇāya icchāya santatto pariḷāhappatto hoti. Sadāti sabbakālaṃ, idañca padaṃ sabbapadesu yojetabbaṃ.
баригкид̇д̇о ж̇арааяа жаад̇и на гзвалам̣ мажжунаа аб̣бхаахад̇оязва, ат̇а ко ж̇арааяа жа баригкид̇д̇о. ж̇арааяа самаваруд̣̇д̇хо ж̇араабаагаарабаригкид̇д̇о, на д̇ам̣ самад̇иггамад̇ийд̇и ад̇т̇о. хан̃н̃ад̇и нижжамад̇д̇аан̣од̇и ад̇аан̣о асаран̣о худ̇ваа нижжагаалам̣ ж̇араамаран̣зхи хан̃н̃ад̇и виб̣аад̇хийяад̇и. яат̇аа гим̣? бад̇д̇ад̣̇ан̣д̣ова д̇аггаро яат̇аа д̇аггаро жоро гад̇аабараад̇хо важ̇жхаббад̇д̇о ад̇аан̣о рааж̇аан̣ааяа хан̃н̃ад̇и, звамаяам̣ лого ж̇араамаран̣зхийд̇и д̣̇ассзд̇и.
Parikkhitto jarāya cāti na kevalaṃ maccunā abbhāhatoyeva, atha kho jarāya ca parikkhitto. Jarāya samavaruddho jarāpākāraparikkhitto, na taṃ samatikkamatīti attho. Haññati niccamattāṇoti atāṇo asaraṇo hutvā niccakālaṃ jarāmaraṇehi haññati vibādhīyati. Yathā kiṃ? Pattadaṇḍova takkaro yathā takkaro coro katāparādho vajjhappatto atāṇo rājāṇāya haññati, evamayaṃ loko jarāmaraṇehīti dasseti.
ааг̇ажчанд̇аг̇г̇иканд̇хааваад̇и махааванз д̣аяхамаанз д̇ам̣ абхибхаванд̇аа маханд̇аа аг̇г̇игканд̇хаа вияа мажжу б̣яаад̇хи ж̇араад̇и имз д̇аяо ануд̣̇аханадтзна аг̇г̇игканд̇хаа имам̣ сад̇д̇алогам̣ абхибхаванд̇аа ааг̇ажчанд̇и , д̇зсам̣ бана бадиб̣ало худ̇ваа бажжуг̇г̇анд̇ум̣ абхибхавид̇ум̣ б̣алам̣ уссаахо над̇т̇и, имасса логасса, ж̇аво над̇т̇и балааяид̇ум̣ ж̇аванд̇зсу, аж̇жход̇т̇аранд̇зсу. яад̇т̇а д̇з наабхибхаванд̇и, бидтим̣ д̣̇ассзд̇ваа д̇ад̇о балааяид̇умби имасса логасса ж̇ан̇гхааж̇аво над̇т̇и, звам̣ ад̇д̇анаа асамад̇т̇о мааяаад̣̇ийхи убааязхи аббадигаарз д̇ивид̇хз б̣алавад̇и бажжаамид̇д̇з нижжубадтид̇з гим̣ гаад̇аб̣б̣анд̇и жз? амогхам̣ д̣̇ивасам̣ гаяираа, аббзна б̣ахугзна ваад̇и аббзна анд̇амасо г̇ад̣̇д̣̇ууханамад̇д̇амби гаалам̣ бавад̇д̇ид̇зна б̣ахугзна ваа сагалам̣ ахорад̇д̇ам̣ бавад̇д̇ид̇зна вибассанааманасигаарзна амогхам̣ аван̃жхам̣ д̣̇ивасам̣ гарзяяа, яасмаа яам̣ яам̣ виж̇ахад̇з рад̇д̇им̣, д̇ад̣̇уунам̣ д̇асса ж̇ийвид̇ам̣ аяам̣ сад̇д̇о яам̣ яам̣ рад̇д̇им̣ виж̇ахад̇и наасзд̇и кзбзд̇и, д̇ад̣̇уунам̣ д̇зна уунам̣ д̇асса сад̇д̇асса ж̇ийвид̇ам̣ ход̇и. зд̇зна рад̇д̇игкаяо наама ж̇ийвид̇агкаяо д̇асса анивад̇д̇анад̇од̇и д̣̇ассзд̇и. д̇знааха –
Āgacchantaggikhandhāvāti mahāvane ḍayhamāne taṃ abhibhavantā mahantā aggikkhandhā viya maccu byādhi jarāti ime tayo anudahanaṭṭhena aggikkhandhā imaṃ sattalokaṃ abhibhavantā āgacchanti , tesaṃ pana paṭibalo hutvā paccuggantuṃ abhibhavituṃ balaṃ ussāho natthi, imassa lokassa, javo natthi palāyituṃ javantesu, ajjhottharantesu. Yattha te nābhibhavanti, piṭṭhiṃ dassetvā tato palāyitumpi imassa lokassa jaṅghājavo natthi, evaṃ attanā asamattho māyādīhi upāyehi appaṭikāre tividhe balavati paccāmitte niccupaṭṭhite kiṃ kātabbanti ce? Amoghaṃdivasaṃ kayirā, appena bahukena vāti appena antamaso gaddūhanamattampi kālaṃ pavattitena bahukena vā sakalaṃ ahorattaṃ pavattitena vipassanāmanasikārena amoghaṃ avañjhaṃ divasaṃ kareyya, yasmā yaṃ yaṃ vijahate rattiṃ, tadūnaṃ tassa jīvitaṃ ayaṃ satto yaṃ yaṃ rattiṃ vijahati nāseti khepeti, tadūnaṃ tena ūnaṃ tassa sattassa jīvitaṃ hoti. Etena rattikkhayo nāma jīvitakkhayo tassa anivattanatoti dasseti. Tenāha –
‘‘яамзгарад̇д̇им̣ батамам̣, г̇аб̣бхз васад̇и маан̣аво;
‘‘Yamekarattiṃ paṭhamaṃ, gabbhe vasati māṇavo;
аб̣бхудтид̇ова со яаад̇и, са г̇ажчам̣ на нивад̇д̇ад̇ий’’д̇и. (ж̇аа. 1.15.363);
Abbhuṭṭhitova so yāti, sa gacchaṃ na nivattatī’’ti. (jā. 1.15.363);
на гзвалам̣ рад̇д̇ивасзнзва, ат̇а ко ирияаабат̇авасзнааби ж̇ийвид̇агкаяо убад̇хаарзд̇аб̣б̣од̇и ааха ‘‘жарад̇о’’д̇иаад̣̇и. жарад̇од̇и г̇ажчанд̇асса. д̇идтад̇од̇и тид̇ам̣ габбзнд̇асса. аасийнасаяанасса ваад̇и аасийнасса саяанасса ваа, нисиннасса нибаж̇ж̇анд̇асса ваад̇и ад̇т̇о. ‘‘аасийд̣̇ана’’нд̇иби батанд̇и, д̇ад̇т̇а саамиад̇т̇з убаяог̇аважанам̣ д̣̇адтаб̣б̣ам̣. убзд̇и жаримаа рад̇д̇ийд̇и жаримагажид̇д̇асахид̇аа рад̇д̇и убаг̇ажчад̇и, рад̇д̇иг̇г̇ахан̣ан̃жзд̇т̇а д̣̇зсанаасийсамад̇д̇ам̣. г̇аманаад̣̇ийсу язна гзнажи ирияаабат̇зна саман̇г̇ийбхууд̇асса жаримагаалоязва, д̇знзвасса ирияаабат̇агкан̣аа ж̇ийвид̇ам̣ кзбзд̇ваа зва г̇ажчанд̇и, д̇асмаа на д̇з гаало бамаж̇ж̇ид̇ум̣ нааяам̣ д̇уяхам̣ бамаад̣̇ам̣ аабаж̇ж̇ид̇ум̣ гаало ‘‘имасмим̣ наама гаалз маран̣ам̣ на ход̇ий’’д̇и авид̣̇ид̇ад̇д̇аа. вуд̇д̇ам̣ хи –
Na kevalaṃ rattivaseneva, atha kho iriyāpathavasenāpi jīvitakkhayo upadhāretabboti āha ‘‘carato’’tiādi. Caratoti gacchantassa. Tiṭṭhatoti ṭhitaṃ kappentassa. Āsīnasayanassa vāti āsīnassa sayanassa vā, nisinnassa nipajjantassa vāti attho. ‘‘Āsīdana’’ntipi paṭhanti, tattha sāmiatthe upayogavacanaṃ daṭṭhabbaṃ. Upeti carimā rattīti carimakacittasahitā ratti upagacchati, rattiggahaṇañcettha desanāsīsamattaṃ. Gamanādīsu yena kenaci iriyāpathena samaṅgībhūtassa carimakāloyeva, tenevassa iriyāpathakkhaṇā jīvitaṃ khepetvā eva gacchanti, tasmā na te kālo pamajjituṃ nāyaṃ tuyhaṃ pamādaṃ āpajjituṃ kālo ‘‘imasmiṃ nāma kāle maraṇaṃ na hotī’’ti aviditattā. Vuttaṃ hi –
‘‘анимид̇д̇аманан̃н̃аад̇ам̣, мажжаанам̣ ид̇ха ж̇ийвид̇ам̣;
‘‘Animittamanaññātaṃ, maccānaṃ idha jīvitaṃ;
гасиран̃жа барид̇д̇ан̃жа, д̇ан̃жа д̣̇угкзна сам̣яуд̇а’’нд̇и. (су. ни. 579);
Kasirañca parittañca, tañca dukkhena saṃyuta’’nti. (su. ni. 579);
д̇асмаа звам̣ ад̇д̇аанам̣ овад̣̇ид̇ваа аббамад̇д̇зна д̇ийсу сигкаасу ануяог̇о гаад̇аб̣б̣од̇и ад̇хиббааяо.
Tasmā evaṃ attānaṃ ovaditvā appamattena tīsu sikkhāsu anuyogo kātabboti adhippāyo.
сириман̣д̣ад̇т̇зраг̇аат̇ааван̣н̣анаа нидтид̇аа.
Sirimaṇḍattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 13. сириман̣д̣ад̇т̇зраг̇аат̇аа • 13. Sirimaṇḍattheragāthā
