| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. сиримад̇т̇зраг̇аат̇ааван̣н̣анаа
10. Sirimattheragāthāvaṇṇanā
барз жа нам̣ басам̣санд̇ийд̇и ааяасмад̇о сиримад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о бад̣̇умуд̇д̇арасса бхаг̇авад̇о баарамияо буурзд̇ваа д̇усид̇абхаванз тид̇агаалз б̣раахман̣агулз ниб̣б̣ад̇д̇ид̇ваа вин̃н̃уд̇ам̣ бад̇д̇о д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ сагкараббабхзд̣̇аанам̣ ид̇ихаасабан̃жамаанам̣ бад̣̇аго взяяаагаран̣о логааяад̇амахаабурисалагкан̣зсу анаваяо нзгкаммаж̇жхаасаяад̇ааяа гаамз бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа жад̇ураасийд̇исахассабаримаан̣зна д̇аабасаг̇ан̣зна баривуд̇о химаванд̇аббад̣̇зсз д̣̇звад̇аабхиниммид̇з ассамз жхаанаабхин̃н̃ааяо ниб̣б̣ад̇д̇зд̇ваа васанд̇о буримаб̣уд̣̇д̇хзсу гад̇аад̇хигаарад̇ааяа лагкан̣аманд̇зсу ааг̇ад̇анияаамзна жа б̣уд̣̇д̇хаг̇ун̣з ануссарид̇ваа ад̇ийд̇з б̣уд̣̇д̇хз уд̣̇д̣̇исса ан̃н̃ад̇арасмим̣ над̣̇ийнивад̇д̇анз булинажзд̇ияам̣ гад̇ваа бууж̇аасаггаараабхирад̇о ахоси. д̇ам̣ д̣̇исваа д̇аабасаа, ‘‘гам̣ уд̣̇д̣̇исса аяам̣ бууж̇аасаггааро гарийяад̇ий’’д̇и бужчим̣су. со д̇зсам̣ лагкан̣аманд̇з аахарид̇ваа д̇ад̇т̇а ааг̇ад̇аани махаабурисалагкан̣аани вибхаж̇ид̇ваа д̇ад̣̇анусаарзна ад̇д̇ано б̣алз тад̇ваа б̣уд̣̇д̇хаг̇ун̣з гид̇д̇зси. д̇ам̣ суд̇ваа д̇зби д̇аабасаа басаннамаанасаа д̇ад̇о бадтааяа саммаасамб̣уд̣̇д̇хам̣ уд̣̇д̣̇исса т̇уубабууж̇ам̣ гаронд̇аа вихаранд̇и.
Pare ca naṃ pasaṃsantīti āyasmato sirimattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto padumuttarassa bhagavato pāramiyo pūretvā tusitabhavane ṭhitakāle brāhmaṇakule nibbattitvā viññutaṃ patto tiṇṇaṃ vedānaṃ pāragū sanighaṇḍukeṭubhānaṃ sakkharappabhedānaṃ itihāsapañcamānaṃ padako veyyākaraṇo lokāyatamahāpurisalakkhaṇesu anavayo nekkhammajjhāsayatāya kāme pahāya tāpasapabbajjaṃ pabbajitvā caturāsītisahassaparimāṇena tāpasagaṇena parivuto himavantappadese devatābhinimmite assame jhānābhiññāyo nibbattetvā vasanto purimabuddhesu katādhikāratāya lakkhaṇamantesu āgataniyāmena ca buddhaguṇe anussaritvā atīte buddhe uddissa aññatarasmiṃ nadīnivattane pulinacetiyaṃ katvā pūjāsakkārābhirato ahosi. Taṃ disvā tāpasā, ‘‘kaṃ uddissa ayaṃ pūjāsakkāro karīyatī’’ti pucchiṃsu. So tesaṃ lakkhaṇamante āharitvā tattha āgatāni mahāpurisalakkhaṇāni vibhajitvā tadanusārena attano bale ṭhatvā buddhaguṇe kittesi. Taṃ sutvā tepi tāpasā pasannamānasā tato paṭṭhāya sammāsambuddhaṃ uddissa thūpapūjaṃ karontā viharanti.
д̇зна жа самаязна бад̣̇умуд̇д̇араб̣од̇хисад̇д̇о д̇усид̇агааяаа жавид̇ваа маад̇угужчим̣ огганд̇о ход̇и. жаримабхавз д̣̇вад̇д̇им̣са буб̣б̣анимид̇д̇аани баад̇урахзсум̣ , саб̣б̣з жа ажчарияаб̣бхууд̇ад̇хаммаа. д̇аабасо д̇аани анд̇зваасигаанам̣ д̣̇ассзд̇ваа бхияяосомад̇д̇ааяа саммаасамб̣уд̣̇д̇хзсу д̇зсам̣ басаад̣̇ам̣ вад̣дхзд̇ваа гаалам̣ гад̇ваа б̣рахмалогз ниб̣б̣ад̇д̇ид̇ваа д̇зхи ад̇д̇ано сарийрасса бууж̇ааяа гарийяамаанааяа д̣̇иссамаанаруубо ааг̇анд̇ваа, ‘‘ахам̣ д̇умхаагам̣ аажарияо б̣рахмалогз ниб̣б̣ад̇д̇о, д̇умхз аббамад̇д̇аа булинажзд̇ияабууж̇амануяун̃ж̇ат̇а, бхааванааяа жа яуд̇д̇аббаяуд̇д̇аа хот̇аа’’д̇и вад̇ваа б̣рахмалогамзва г̇ад̇о.
Tena ca samayena padumuttarabodhisatto tusitakāyā cavitvā mātukucchiṃ okkanto hoti. Carimabhave dvattiṃsa pubbanimittāni pāturahesuṃ , sabbe ca acchariyabbhūtadhammā. Tāpaso tāni antevāsikānaṃ dassetvā bhiyyosomattāya sammāsambuddhesu tesaṃ pasādaṃ vaḍḍhetvā kālaṃ katvā brahmaloke nibbattitvā tehi attano sarīrassa pūjāya karīyamānāya dissamānarūpo āgantvā, ‘‘ahaṃ tumhākaṃ ācariyo brahmaloke nibbatto, tumhe appamattā pulinacetiyapūjamanuyuñjatha, bhāvanāya ca yuttappayuttā hothā’’ti vatvā brahmalokameva gato.
звам̣ со д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ г̇ахабад̇игулз ниб̣б̣ад̇д̇и, д̇асса ж̇аад̇ад̣̇ивасад̇о бадтааяа д̇асмим̣ гулз сирисамбад̇д̇ияаа вад̣дхамаанад̇д̇аа сиримаад̇взва наамам̣ агам̣су. д̇асса бад̣̇асаа г̇аманагаалз ганидтабхаад̇аа ниб̣б̣ад̇д̇и, д̇асса ‘‘аяам̣ сирим̣ вад̣дхзнд̇о ж̇аад̇о’’д̇и сиривад̣дход̇и наамам̣ агам̣су. д̇з убхоби ж̇зд̇аванаббадиг̇г̇ахан̣з б̣уд̣̇д̇хаанубхаавам̣ д̣̇исваа бадилад̣̇д̇хасад̣̇д̇хаа баб̣б̣аж̇им̣су. д̇зсу сиривад̣дхо на д̇аава уд̇д̇аримануссад̇хаммасса лаабхий ахоси, жад̇уннам̣ бажжаяаанам̣ лаабхий, г̇ахадтабаб̣б̣аж̇ид̇аанам̣ саггад̇о г̇аругад̇о, сиримад̇т̇зро бана баб̣б̣аж̇ид̇агаалад̇о бадтааяа д̇аад̣̇исзна гаммажчид̣̇д̣̇зна аббалаабхий ахоси б̣ахуж̇анаасамбхаавид̇о, самат̇авибассанаасу гаммам̣ гаронд̇о нажирассзва чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 2.49.111-147) –
Evaṃ so devamanussesu saṃsaranto imasmiṃ buddhuppāde sāvatthiyaṃ gahapatikule nibbatti, tassa jātadivasato paṭṭhāya tasmiṃ kule sirisampattiyā vaḍḍhamānattā sirimātveva nāmaṃ akaṃsu. Tassa padasā gamanakāle kaniṭṭhabhātā nibbatti, tassa ‘‘ayaṃ siriṃ vaḍḍhento jāto’’ti sirivaḍḍhoti nāmaṃ akaṃsu. Te ubhopi jetavanappaṭiggahaṇe buddhānubhāvaṃ disvā paṭiladdhasaddhā pabbajiṃsu. Tesu sirivaḍḍho na tāva uttarimanussadhammassa lābhī ahosi, catunnaṃ paccayānaṃ lābhī, gahaṭṭhapabbajitānaṃ sakkato garukato, sirimatthero pana pabbajitakālato paṭṭhāya tādisena kammacchiddena appalābhī ahosi bahujanāsambhāvito, samathavipassanāsu kammaṃ karonto nacirasseva chaḷabhiñño ahosi. Tena vuttaṃ apadāne (apa. thera 2.49.111-147) –
‘‘баб̣б̣ад̇з химаванд̇амхи, д̣̇звало наама д̇аабасо;
‘‘Pabbate himavantamhi, devalo nāma tāpaso;
д̇ад̇т̇а мз жан̇гамо ааси, амануссзхи маабид̇о.
Tattha me caṅkamo āsi, amanussehi māpito.
‘‘ж̇адаабхаарзна бхарид̇о, гаман̣д̣алуд̇харо сад̣̇аа;
‘‘Jaṭābhārena bharito, kamaṇḍaludharo sadā;
уд̇д̇амад̇т̇ам̣ г̇авзсанд̇о, вибинаа нигкамим̣ д̇ад̣̇аа.
Uttamatthaṃ gavesanto, vipinā nikkhamiṃ tadā.
‘‘жуллаасийд̇исахассаани, сиссаа маяхам̣ убадтахум̣;
‘‘Cullāsītisahassāni, sissā mayhaṃ upaṭṭhahuṃ;
сагагаммаабхибасуд̇аа, васанд̇и вибинз д̇ад̣̇аа.
Sakakammābhipasutā, vasanti vipine tadā.
‘‘ассамаа абхинигкамма, агам̣ булинажзд̇ияам̣;
‘‘Assamā abhinikkhamma, akaṃ pulinacetiyaṃ;
наанаабубпам̣ самаанзд̇ваа, д̇ам̣ жзд̇ияамабууж̇аяим̣.
Nānāpupphaṃ samānetvā, taṃ cetiyamapūjayiṃ.
‘‘д̇ад̇т̇а жид̇д̇ам̣ басаад̣̇зд̇ваа, ассамам̣ бависаамахам̣;
‘‘Tattha cittaṃ pasādetvā, assamaṃ pavisāmahaṃ;
саб̣б̣з сиссаа самааг̇анд̇ваа, зд̇амад̇т̇ам̣ бужчим̣су мам̣.
Sabbe sissā samāgantvā, etamatthaṃ pucchiṃsu maṃ.
‘‘булинзна гад̇о т̇уубо, яам̣ д̇вам̣ д̣̇зва намассаси;
‘‘Pulinena kato thūpo, yaṃ tvaṃ deva namassasi;
маяамби н̃аад̇умижчаама, будто аажигка но д̇увам̣.
Mayampi ñātumicchāma, puṭṭho ācikkha no tuvaṃ.
‘‘нид̣̇д̣̇идтаа ну манд̇абад̣̇з, жагкуманд̇о махааяасаа;
‘‘Niddiṭṭhā nu mantapade, cakkhumanto mahāyasā;
д̇з ко ахам̣ намассаами, б̣уд̣̇д̇хасздтз махааяасз.
Te kho ahaṃ namassāmi, buddhaseṭṭhe mahāyase.
‘‘гийд̣̇исаа д̇з махаавийраа, саб̣б̣ан̃н̃уу логанааяагаа;
‘‘Kīdisā te mahāvīrā, sabbaññū lokanāyakā;
гат̇ам̣ван̣н̣аа гат̇ам̣сийлаа, гийд̣̇исаа д̇з махааяасаа.
Kathaṃvaṇṇā kathaṃsīlā, kīdisā te mahāyasā.
‘‘б̣аад̇д̇им̣салагкан̣аа б̣уд̣̇д̇хаа, жад̇д̇аалийсад̣̇иж̇ааби жа;
‘‘Bāttiṃsalakkhaṇā buddhā, cattālīsadijāpi ca;
нзд̇д̇аа г̇обакумаа д̇зсам̣, ж̇ин̃ж̇угаа паласаннибхаа.
Nettā gopakhumā tesaṃ, jiñjukā phalasannibhā.
‘‘г̇ажчамаанаа жа д̇з б̣уд̣̇д̇хаа, яуг̇амад̇д̇ан̃жа бзгкарз;
‘‘Gacchamānā ca te buddhā, yugamattañca pekkhare;
на д̇зсам̣ ж̇аан̣у над̣̇ад̇и, санд̇хисад̣̇д̣̇о на суяяад̇и.
Na tesaṃ jāṇu nadati, sandhisaddo na suyyati.
‘‘г̇ажчамаанаа жа суг̇ад̇аа, уд̣̇д̇харанд̇аава г̇ажчарз;
‘‘Gacchamānā ca sugatā, uddharantāva gacchare;
батамам̣ д̣̇агкин̣ам̣ баад̣̇ам̣, б̣уд̣̇д̇хаанам̣ зса д̇хаммад̇аа.
Paṭhamaṃ dakkhiṇaṃ pādaṃ, buddhānaṃ esa dhammatā.
‘‘асамбхийд̇аа жа д̇з б̣уд̣̇д̇хаа, миг̇арааж̇аава гзсарий;
‘‘Asambhītā ca te buddhā, migarājāva kesarī;
нзвуггам̣сзнд̇и ад̇д̇аанам̣, но жа вамбхзнд̇и баан̣инам̣.
Nevukkaṃsenti attānaṃ, no ca vambhenti pāṇinaṃ.
‘‘маанаавамаанад̇о муд̇д̇аа, самаа саб̣б̣зсу баан̣ису;
‘‘Mānāvamānato muttā, samā sabbesu pāṇisu;
анад̇д̇уггам̣сагаа б̣уд̣̇д̇хаа, б̣уд̣̇д̇хаанам̣ зса д̇хаммад̇аа.
Anattukkaṃsakā buddhā, buddhānaṃ esa dhammatā.
‘‘уббаж̇ж̇анд̇аа жа самб̣уд̣̇д̇хаа, аалогам̣ д̣̇ассаяанд̇и д̇з;
‘‘Uppajjantā ca sambuddhā, ālokaṃ dassayanti te;
чаббагаарам̣ багамбзнд̇и, гзвалам̣ васуд̇хам̣ имам̣.
Chappakāraṃ pakampenti, kevalaṃ vasudhaṃ imaṃ.
‘‘бассанд̇и нираяан̃жзд̇з, ниб̣б̣аад̇и нираяо д̇ад̣̇аа;
‘‘Passanti nirayañcete, nibbāti nirayo tadā;
бавассад̇и махаамзгхо, б̣уд̣̇д̇хаанам̣ зса д̇хаммад̇аа.
Pavassati mahāmegho, buddhānaṃ esa dhammatā.
‘‘ийд̣̇исаа д̇з махаанааг̇аа, ад̇улаа жа махааяасаа;
‘‘Īdisā te mahānāgā, atulā ca mahāyasā;
ван̣н̣ад̇о анад̇игганд̇аа, аббамзяяаа д̇ат̇ааг̇ад̇аа.
Vaṇṇato anatikkantā, appameyyā tathāgatā.
‘‘анумод̣̇им̣су мз ваагяам̣, саб̣б̣з сиссаа саг̇аараваа;
‘‘Anumodiṃsu me vākyaṃ, sabbe sissā sagāravā;
д̇ат̇аа жа бадибаж̇ж̇им̣су, яат̇аасад̇д̇и яат̇ааб̣алам̣.
Tathā ca paṭipajjiṃsu, yathāsatti yathābalaṃ.
‘‘бадибууж̇знд̇и булинам̣, сагагаммаабхилаасино;
‘‘Paṭipūjenti pulinaṃ, sakakammābhilāsino;
сад̣̇д̣̇аханд̇аа мама ваагяам̣, б̣уд̣̇д̇хасаггад̇амаанасаа.
Saddahantā mama vākyaṃ, buddhasakkatamānasā.
‘‘д̇ад̣̇аа жавид̇ваа д̇усид̇аа, д̣̇звабуд̇д̇о махааяасо;
‘‘Tadā cavitvā tusitā, devaputto mahāyaso;
уббаж̇ж̇и маад̇угужчимхи, д̣̇асасахасси гамбат̇а.
Uppajji mātukucchimhi, dasasahassi kampatha.
‘‘ассамассаавид̣̇уурамхи, жан̇гамамхи тид̇о ахам̣;
‘‘Assamassāvidūramhi, caṅkamamhi ṭhito ahaṃ;
саб̣б̣з сиссаа самааг̇анд̇ваа, ааг̇ажчум̣ мама санд̇игз.
Sabbe sissā samāgantvā, āgacchuṃ mama santike.
‘‘усабхова махий над̣̇ад̇и, миг̇арааж̇аава гууж̇ад̇и;
‘‘Usabhova mahī nadati, migarājāva kūjati;
сусумаарова сал̣ад̇и, гим̣ вибааго бхависсад̇и.
Susumārova saḷati, kiṃ vipāko bhavissati.
‘‘яам̣ багид̇д̇зми самб̣уд̣̇д̇хам̣, сигад̇аат̇уубасанд̇игз;
‘‘Yaṃ pakittemi sambuddhaṃ, sikatāthūpasantike;
со д̣̇аани бхаг̇аваа сад̇т̇аа, маад̇угужчимубааг̇ами.
So dāni bhagavā satthā, mātukucchimupāgami.
‘‘д̇зсам̣ д̇хаммагат̇ам̣ вад̇ваа, гид̇д̇аяид̇ваа махаамуним̣;
‘‘Tesaṃ dhammakathaṃ vatvā, kittayitvā mahāmuniṃ;
уяяож̇зд̇ваа сагз сиссз, баллан̇гамаабхуж̇им̣ ахам̣.
Uyyojetvā sake sisse, pallaṅkamābhujiṃ ahaṃ.
‘‘б̣алан̃жа вад̇а мз кийн̣ам̣, б̣яаад̇хинаа барамзна д̇ам̣;
‘‘Balañca vata me khīṇaṃ, byādhinā paramena taṃ;
б̣уд̣̇д̇хасздтам̣ сарид̇ваана, д̇ад̇т̇а гаалан̇гад̇о ахам̣.
Buddhaseṭṭhaṃ saritvāna, tattha kālaṅkato ahaṃ.
‘‘саб̣б̣з сиссаа самааг̇анд̇ваа, агам̣су жид̇агам̣ д̇ад̣̇аа;
‘‘Sabbe sissā samāgantvā, akaṃsu citakaṃ tadā;
гал̣зваран̃жа мз г̇аяха, жид̇агам̣ абхиробаяум̣.
Kaḷevarañca me gayha, citakaṃ abhiropayuṃ.
‘‘жид̇агам̣ бариваарзд̇ваа, сийсз гад̇ваана ан̃ж̇алим̣;
‘‘Citakaṃ parivāretvā, sīse katvāna añjaliṃ;
согасаллабарзд̇аа д̇з, вигганд̣̇им̣су самааг̇ад̇аа.
Sokasallaparetā te, vikkandiṃsu samāgatā.
‘‘д̇зсам̣ лаалаббамаанаанам̣, аг̇амам̣ жид̇агам̣ д̇ад̣̇аа;
‘‘Tesaṃ lālappamānānaṃ, agamaṃ citakaṃ tadā;
ахам̣ аажарияо д̇умхам̣, маа сожид̇т̇а сумзд̇хасаа.
Ahaṃ ācariyo tumhaṃ, mā socittha sumedhasā.
‘‘сад̣̇ад̇т̇з вааяамзяяаат̇а, рад̇д̇инд̣̇ивамад̇анд̣̇ид̇аа;
‘‘Sadatthe vāyameyyātha, rattindivamatanditā;
маа во бамад̇д̇аа ахуд̇т̇а, кан̣о во бадибаад̣̇ид̇о.
Mā vo pamattā ahuttha, khaṇo vo paṭipādito.
‘‘сагз сиссзнусаасид̇ваа, д̣̇звалогам̣ бунааг̇амим̣;
‘‘Sake sissenusāsitvā, devalokaṃ punāgamiṃ;
адтаараса жа габбаани, д̣̇звалогз рамаамахам̣.
Aṭṭhārasa ca kappāni, devaloke ramāmahaṃ.
‘‘сад̇аанам̣ бан̃жагкад̇д̇ун̃жа, жаггавад̇д̇ий ахосахам̣;
‘‘Satānaṃ pañcakkhattuñca, cakkavattī ahosahaṃ;
анзгасад̇агкад̇д̇ун̃жа, д̣̇звараж̇ж̇амагаараяим̣.
Anekasatakkhattuñca, devarajjamakārayiṃ.
‘‘авасзсзсу габбзсу, вогин̣н̣о сам̣сарим̣ ахам̣;
‘‘Avasesesu kappesu, vokiṇṇo saṃsariṃ ahaṃ;
д̣̇уг̇г̇ад̇им̣ наабхиж̇аанаами, уббаад̣̇асса ид̣̇ам̣ палам̣.
Duggatiṃ nābhijānāmi, uppādassa idaṃ phalaṃ.
‘‘яат̇аа гомуд̣̇игз маасз, б̣ахуу бубпанд̇и баад̣̇абаа;
‘‘Yathā komudike māse, bahū pupphanti pādapā;
д̇ат̇зваахамби самаяз, бубпид̇омхи махзсинаа.
Tathevāhampi samaye, pupphitomhi mahesinā.
‘‘вийрияам̣ мз д̇хурад̇хораяхам̣, яог̇агкзмаад̇хивааханам̣;
‘‘Vīriyaṃ me dhuradhorayhaṃ, yogakkhemādhivāhanaṃ;
нааг̇ова б̣анд̇ханам̣ чзд̇ваа, вихараами анаасаво.
Nāgova bandhanaṃ chetvā, viharāmi anāsavo.
‘‘сад̇асахассид̇о габбз, яам̣ б̣уд̣̇д̇хамабхигид̇д̇аяим̣;
‘‘Satasahassito kappe, yaṃ buddhamabhikittayiṃ;
д̣̇уг̇г̇ад̇им̣ наабхиж̇аанаами, гид̇д̇анааяа ид̣̇ам̣ палам̣.
Duggatiṃ nābhijānāmi, kittanāya idaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
чал̣абхин̃н̃ан̃хи самаанам̣ ааяасманд̇ам̣ сиримад̇т̇зрам̣ ‘‘арияо’’д̇и аж̇аананд̇аа бут̇уж̇ж̇анаа бхигкуу сааман̣зраа жа аббалаабхид̇ааяа логасса анабхиг̇ад̇абхаавзна асамбхаавзнд̇аа яам̣гин̃жи гат̇зд̇ваа г̇араханд̇и. сиривад̣дхад̇т̇зрам̣ бана бажжаяаанам̣ лаабхибхаавзна логасса саггад̇аг̇аругад̇абхаавад̇о самбхаавзнд̇аа басам̣санд̇и. т̇зро ‘‘аван̣н̣аарахасса наама ван̣н̣абхан̣анам̣, ван̣н̣аарахасса жа аван̣н̣абхан̣анам̣ асса бут̇уж̇ж̇анабхаавасса д̣̇осо’’д̇и бут̇уж̇ж̇анабхааван̃жа г̇араханд̇о –
Chaḷabhiññañhi samānaṃ āyasmantaṃ sirimattheraṃ ‘‘ariyo’’ti ajānantā puthujjanā bhikkhū sāmaṇerā ca appalābhitāya lokassa anabhigatabhāvena asambhāventā yaṃkiñci kathetvā garahanti. Sirivaḍḍhattheraṃ pana paccayānaṃ lābhibhāvena lokassa sakkatagarukatabhāvato sambhāventā pasaṃsanti. Thero ‘‘avaṇṇārahassa nāma vaṇṇabhaṇanaṃ, vaṇṇārahassa ca avaṇṇabhaṇanaṃ assa puthujjanabhāvassa doso’’ti puthujjanabhāvañca garahanto –
159.
159.
‘‘барз жа нам̣ басам̣санд̇и, ад̇д̇аа жз асамаахид̇о;
‘‘Pare ca naṃ pasaṃsanti, attā ce asamāhito;
могхам̣ барз басам̣санд̇и, ад̇д̇аа хи асамаахид̇о.
Moghaṃ pare pasaṃsanti, attā hi asamāhito.
160.
160.
‘‘барз жа нам̣ г̇араханд̇и, ад̇д̇аа жз сусамаахид̇о;
‘‘Pare ca naṃ garahanti, attā ce susamāhito;
могхам̣ барз г̇араханд̇и, ад̇д̇аа хи сусамаахид̇о’’д̇и.
Moghaṃ pare garahanti, attā hi susamāhito’’ti.
– г̇аат̇аад̣̇ваяамабхааси.
– Gāthādvayamabhāsi.
д̇ад̇т̇а барзд̇и ад̇д̇ад̇о ан̃н̃з барз наама, ид̇ха бана бан̣д̣ид̇зхи ан̃н̃з б̣аалаа барзд̇и ад̇хиббзд̇аа. д̇зсан̃хи аж̇аанид̇ваа абарияог̇аахзд̇ваа бхаасанад̇о г̇арахаа вияа басам̣сааби аббамаан̣абхууд̇аа. нанд̇и нам̣ буг̇г̇алам̣. басам̣санд̇ийд̇и авид̣̇д̣̇асубхаавзна д̇ан̣хаавибаннад̇ааяа ваа, ат̇а ваа абхууд̇ам̣язва буг̇г̇алам̣ ‘‘асуго бхигку жхааналаабхий, арияо’’д̇и ваа абхууд̇аг̇ун̣аробанзна гид̇д̇знд̇и абхид̇т̇аванд̇и. яо банзд̇т̇а жа-сад̣̇д̣̇о, со ад̇д̇уубанаяад̇т̇о. д̇зна барз нам̣ буг̇г̇алам̣ басам̣санд̇и жа, д̇ан̃жа ко д̇зсам̣ басам̣санамад̇д̇ам̣, на бана д̇асмим̣ басам̣сааяа вад̇т̇у ад̇т̇ийд̇и имамад̇т̇ам̣ д̣̇ассзд̇и. ад̇д̇аа жз асамаахид̇од̇и яам̣ буг̇г̇алам̣ барз басам̣санд̇и, со жз саяам̣ асамаахид̇о маг̇г̇асамаад̇хинаа паласамаад̇хинаа убажаараббанаасамаад̇химад̇д̇знзва ваа на самаахид̇о, самаад̇хаанасса бадибагкабхууд̇аанам̣ гилзсаанам̣ аббахийнад̇д̇аа вигкид̇д̇о виб̣бханд̇ажид̇д̇о ход̇и жзд̇и ад̇т̇о. ‘‘асамаахид̇о’’д̇и жа зд̇зна самаад̇хинимид̇д̇аанам̣ г̇ун̣аанам̣ абхаавам̣ д̣̇ассзд̇и. могханд̇и бхааванабум̣саганид̣̇д̣̇зсо ‘‘висамам̣ жанд̣̇имасуурияаа баривад̇д̇анд̇ий’’д̇иаад̣̇ийсу вияа. барз басам̣санд̇ийд̇и яз д̇ам̣ асамаахид̇ам̣ буг̇г̇алам̣ басам̣санд̇и, д̇з могхам̣ муд̇хаа амуулагам̣ басам̣санд̇и. гасмаа? ад̇д̇аа хи асамаахид̇о яасмаа д̇асса буг̇г̇аласса жид̇д̇ам̣ асамаахид̇ам̣, д̇асмаад̇и ад̇т̇о.
Tattha pareti attato aññe pare nāma, idha pana paṇḍitehi aññe bālā pareti adhippetā. Tesañhi ajānitvā apariyogāhetvā bhāsanato garahā viya pasaṃsāpi appamāṇabhūtā. Nanti naṃ puggalaṃ. Pasaṃsantīti aviddasubhāvena taṇhāvipannatāya vā, atha vā abhūtaṃyeva puggalaṃ ‘‘asuko bhikkhu jhānalābhī, ariyo’’ti vā abhūtaguṇaropanena kittenti abhitthavanti. Yo panettha ca-saddo, so attūpanayattho. Tena pare naṃ puggalaṃ pasaṃsanti ca, tañca kho tesaṃ pasaṃsanamattaṃ, na pana tasmiṃ pasaṃsāya vatthu atthīti imamatthaṃ dasseti. Attā ce asamāhitoti yaṃ puggalaṃ pare pasaṃsanti, so ce sayaṃ asamāhito maggasamādhinā phalasamādhinā upacārappanāsamādhimatteneva vā na samāhito, samādhānassa paṭipakkhabhūtānaṃ kilesānaṃ appahīnattā vikkhitto vibbhantacitto hoti ceti attho. ‘‘Asamāhito’’ti ca etena samādhinimittānaṃ guṇānaṃ abhāvaṃ dasseti. Moghanti bhāvanapuṃsakaniddeso ‘‘visamaṃ candimasūriyā parivattantī’’tiādīsu viya. Pare pasaṃsantīti ye taṃ asamāhitaṃ puggalaṃ pasaṃsanti, te moghaṃ mudhā amūlakaṃ pasaṃsanti. Kasmā? Attā hi asamāhito yasmā tassa puggalassa cittaṃ asamāhitaṃ, tasmāti attho.
д̣̇уд̇ияаг̇аат̇ааяам̣ г̇араханд̇ийд̇и ад̇д̇ано авид̣̇д̣̇асубхаавзна д̣̇осанд̇арааяа ваа арияам̣ жхааналаабхин̃жа самаанам̣ ‘‘асуго бхигку ж̇ааг̇арияам̣ наануяун̃ж̇ад̇и анд̇амасо г̇од̣̇уханамад̇д̇амби гаалам̣ гзвалам̣ гааяад̣̇ал̣хиб̣ахуло нид̣̇д̣̇аараамо бхассаараамо сан̇г̇ан̣игаараамо вихарад̇ий’’д̇иаад̣̇инаа аббадибаж̇ж̇амаанад̇аавибхааванзна ваа г̇ун̣абарид̇хам̣санзна ваа г̇араханд̇и нинд̣̇анд̇и, убаггосанд̇и ваад̇и ад̇т̇о. сзсам̣ батамаг̇аат̇ааяа вуд̇д̇абарияааязна взд̣̇ид̇аб̣б̣ам̣. звам̣ т̇зрзна имаахи г̇аат̇аахи ад̇д̇ано ниггилзсабхаавз сиривад̣дхасса жа сагилзсабхаавз багаасид̇з д̇ам̣ суд̇ваа сиривад̣дхо сам̣взг̇аж̇аад̇о вибассанам̣ бадтабзд̇ваа нажирассзва сад̣̇ад̇т̇ам̣ барибуурзси, г̇арахагабуг̇г̇алаа жа т̇зрам̣ камаабзсум̣.
Dutiyagāthāyaṃ garahantīti attano aviddasubhāvena dosantarāya vā ariyaṃ jhānalābhiñca samānaṃ ‘‘asuko bhikkhu jāgariyaṃ nānuyuñjati antamaso goduhanamattampi kālaṃ kevalaṃ kāyadaḷhibahulo niddārāmo bhassārāmo saṅgaṇikārāmo viharatī’’tiādinā appaṭipajjamānatāvibhāvanena vā guṇaparidhaṃsanena vā garahanti nindanti, upakkosanti vāti attho. Sesaṃ paṭhamagāthāya vuttapariyāyena veditabbaṃ. Evaṃ therena imāhi gāthāhi attano nikkilesabhāve sirivaḍḍhassa ca sakilesabhāve pakāsite taṃ sutvā sirivaḍḍho saṃvegajāto vipassanaṃ paṭṭhapetvā nacirasseva sadatthaṃ paripūresi, garahakapuggalā ca theraṃ khamāpesuṃ.
сиримад̇т̇зраг̇аат̇ааван̣н̣анаа нидтид̇аа.
Sirimattheragāthāvaṇṇanā niṭṭhitā.
д̣̇уд̇ияаваг̇г̇аван̣н̣анаа нидтид̇аа.
Dutiyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 10. сиримад̇т̇зраг̇аат̇аа • 10. Sirimattheragāthā
