| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
16. сиримаавимаанаван̣н̣анаа
16. Sirimāvimānavaṇṇanā
яуд̇д̇аа жа д̇з барамаалан̇гад̇аа хаяаад̇и сиримаавимаанам̣. д̇асса гаа уббад̇д̇и? бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна жа самаязна хздтаа ананд̇аравад̇т̇умхи вуд̇д̇аа сиримаа г̇ан̣игаа сод̇аабад̇д̇ипаласса ад̇хиг̇ад̇ад̇д̇аа виссаж̇ж̇ид̇агилидтагамманд̇аа худ̇ваа сан̇гхасса адта салаагабхад̇д̇аани бадтабзси. аад̣̇ид̇о бадтааяа ниб̣ад̣̇д̇хам̣ адта бхигкуу г̇зхам̣ ааг̇ажчанд̇и. саа ‘‘саббим̣ г̇ан̣хат̇а кийрам̣ г̇ан̣хат̇аа’’д̇иаад̣̇ийни вад̇ваа д̇зсам̣ бад̇д̇з буурзд̇и, згзна лад̣̇д̇хам̣ д̇ин̣н̣амби жад̇уннамби баход̇и, д̣̇звасигам̣ сол̣асагахаабан̣абариб̣б̣аязна бин̣д̣абаад̇о д̣̇ийяад̇и. ат̇згад̣̇ивасам̣ зго бхигку д̇ассаа г̇зхз адтагабхад̇д̇ам̣ бхун̃ж̇ид̇ваа д̇ияож̇анамад̇т̇агз згам̣ вихаарам̣ аг̇амааси. ат̇а нам̣ сааяам̣ т̇зрубадтаанз нисиннам̣ бужчим̣су, ‘‘аавусо, гахам̣ бхигкам̣ г̇ахзд̇ваа ид̇хааг̇ад̇осий’’д̇и? ‘‘сиримааяа адтагабхад̇д̇ам̣ мз бхуд̇д̇а’’нд̇и. ‘‘д̇ам̣ манаабам̣ гад̇ваа д̣̇зд̇и, аавусо’’д̇и. ‘‘на саггаа д̇ассаа бхад̇д̇ам̣ ван̣н̣зд̇ум̣, ад̇ибан̣ийд̇ам̣ гад̇ваа д̣̇зд̇и, згзна лад̣̇д̇хам̣ д̇ин̣н̣амби жад̇уннамби баход̇и, д̇ассаа бана д̣̇зяяад̇хаммад̇оби д̣̇ассанамзва уд̇д̇арид̇арам̣’’. саа хи ид̇т̇ий зваруубаа жа зваруубаа жаад̇и д̇ассаа г̇ун̣з гат̇зси.
Yuttā ca te paramaalaṅkatā hayāti sirimāvimānaṃ. Tassa kā uppatti? Bhagavā rājagahe viharati veḷuvane kalandakanivāpe. Tena ca samayena heṭṭhā anantaravatthumhi vuttā sirimā gaṇikā sotāpattiphalassa adhigatattā vissajjitakiliṭṭhakammantā hutvā saṅghassa aṭṭha salākabhattāni paṭṭhapesi. Ādito paṭṭhāya nibaddhaṃ aṭṭha bhikkhū gehaṃ āgacchanti. Sā ‘‘sappiṃ gaṇhatha khīraṃ gaṇhathā’’tiādīni vatvā tesaṃ patte pūreti, ekena laddhaṃ tiṇṇampi catunnampi pahoti, devasikaṃ soḷasakahāpaṇaparibbayena piṇḍapāto dīyati. Athekadivasaṃ eko bhikkhu tassā gehe aṭṭhakabhattaṃ bhuñjitvā tiyojanamatthake ekaṃ vihāraṃ agamāsi. Atha naṃ sāyaṃ therupaṭṭhāne nisinnaṃ pucchiṃsu, ‘‘āvuso, kahaṃ bhikkhaṃ gahetvā idhāgatosī’’ti? ‘‘Sirimāya aṭṭhakabhattaṃ me bhutta’’nti. ‘‘Taṃ manāpaṃ katvā deti, āvuso’’ti. ‘‘Na sakkā tassā bhattaṃ vaṇṇetuṃ, atipaṇītaṃ katvā deti, ekena laddhaṃ tiṇṇampi catunnampi pahoti, tassā pana deyyadhammatopi dassanameva uttaritaraṃ’’. Sā hi itthī evarūpā ca evarūpā cāti tassā guṇe kathesi.
ат̇зго бхигку д̇ассаа г̇ун̣агат̇ам̣ суд̇ваа ад̣̇исвааби саванзнзва синзхам̣ уббаад̣̇зд̇ваа ‘‘маяаа д̇ад̇т̇а г̇анд̇ваа д̇ам̣ д̣̇адтум̣ ваддад̇ий’’д̇и ад̇д̇ано вассаг̇г̇ам̣ гат̇зд̇ваа д̇ам̣ бхигкум̣ тид̇игам̣ бужчид̇ваа ‘‘свз, аавусо, д̇асмим̣ г̇зхз д̇вам̣ сан̇гхад̇т̇зро худ̇ваа адтагабхад̇д̇ам̣ лабхиссасий’’д̇и суд̇ваа д̇ан̇кан̣ан̃н̃зва бад̇д̇ажийварамаад̣̇ааяа багганд̇о баад̇ова арун̣з уг̇г̇ажчанд̇з салаагаг̇г̇ам̣ бависид̇ваа тид̇о сан̇гхад̇т̇зро худ̇ваа д̇ассаа г̇зхз адтагабхад̇д̇ам̣ лабхи. яо бана со бхигку хияяо бхун̃ж̇ид̇ваа баггаами, д̇асса г̇ад̇авзлааяамзвассаа сарийрз рог̇о уббаж̇ж̇и. д̇асмаа аабхаран̣аани омун̃жид̇ваа нибаж̇ж̇и. ат̇ассаа д̣̇аасияо адтагабхад̇д̇ам̣ лабхид̇ум̣ ааг̇ад̇з бхигкуу д̣̇исваа аарожзсум̣. саа г̇анд̇ваа сахад̇т̇аа бад̇д̇з г̇ахзд̇ум̣ ваа нисийд̣̇аабзд̇ум̣ ваа асаггонд̇ий д̣̇аасияо аан̣аабзси ‘‘аммаа бад̇д̇з г̇ахзд̇ваа аяяз нисийд̣̇аабзд̇ваа яааг̇ум̣ бааязд̇ваа каж̇ж̇агам̣ д̣̇ад̇ваа бхад̇д̇авзлааяа бад̇д̇з буурзд̇ваа д̣̇зт̇аа’’д̇и. д̇аа ‘‘саад̇ху, аяяз’’д̇и бхигкуу бавзсзд̇ваа яааг̇ум̣ бааязд̇ваа каж̇ж̇агам̣ д̣̇ад̇ваа бхад̇д̇авзлааяа бхад̇д̇асса бад̇д̇з буурзд̇ваа д̇ассаа аарожаяим̣су. саа ‘‘мам̣ бариг̇г̇ахзд̇ваа нзт̇а , аяяз ванд̣̇иссаамий’’д̇и вад̇ваа д̇аахи бариг̇г̇ахзд̇ваа бхигкуунам̣ санд̇игам̣ нийд̇аа взд̇хамаанзна сарийрзна бхигкуу ванд̣̇и. со бхигку д̇ам̣ ологзд̇ваа жинд̇зси ‘‘г̇илаанааяа д̇аава аяам̣ зд̇иссаа руубасобхаа, арог̇агаалз бана саб̣б̣аабхаран̣абадиман̣д̣ид̇ааяа имиссаа гийд̣̇исий руубасамбад̇д̇ий’’д̇и. ат̇асса анзгавассагодисаннижид̇о гилзсо самуд̣̇аажари. со ан̃н̃аан̣ий худ̇ваа бхад̇д̇ам̣ бхун̃ж̇ид̇ум̣ асаггонд̇о бад̇д̇ам̣ аад̣̇ааяа вихаарам̣ г̇анд̇ваа бад̇д̇ам̣ бид̇хааяа згаманд̇з табзд̇ваа жийвараган̣н̣ам̣ бад̇т̇арид̇ваа нибаж̇ж̇и. ат̇а нам̣ зго сахааяаго бхигку яаажанд̇оби бхож̇зд̇ум̣ наасагки, со чиннабхад̇д̇о ахоси.
Atheko bhikkhu tassā guṇakathaṃ sutvā adisvāpi savaneneva sinehaṃ uppādetvā ‘‘mayā tattha gantvā taṃ daṭṭhuṃ vaṭṭatī’’ti attano vassaggaṃ kathetvā taṃ bhikkhuṃ ṭhitikaṃ pucchitvā ‘‘sve, āvuso, tasmiṃ gehe tvaṃ saṅghatthero hutvā aṭṭhakabhattaṃ labhissasī’’ti sutvā taṅkhaṇaññeva pattacīvaramādāya pakkanto pātova aruṇe uggacchante salākaggaṃ pavisitvā ṭhito saṅghatthero hutvā tassā gehe aṭṭhakabhattaṃ labhi. Yo pana so bhikkhu hiyyo bhuñjitvā pakkāmi, tassa gatavelāyamevassā sarīre rogo uppajji. Tasmā ābharaṇāni omuñcitvā nipajji. Athassā dāsiyo aṭṭhakabhattaṃ labhituṃ āgate bhikkhū disvā ārocesuṃ. Sā gantvā sahatthā patte gahetuṃ vā nisīdāpetuṃ vā asakkontī dāsiyo āṇāpesi ‘‘ammā patte gahetvā ayye nisīdāpetvā yāguṃ pāyetvā khajjakaṃ datvā bhattavelāya patte pūretvā dethā’’ti. Tā ‘‘sādhu, ayye’’ti bhikkhū pavesetvā yāguṃ pāyetvā khajjakaṃ datvā bhattavelāya bhattassa patte pūretvā tassā ārocayiṃsu. Sā ‘‘maṃ pariggahetvā netha , ayye vandissāmī’’ti vatvā tāhi pariggahetvā bhikkhūnaṃ santikaṃ nītā vedhamānena sarīrena bhikkhū vandi. So bhikkhu taṃ oloketvā cintesi ‘‘gilānāya tāva ayaṃ etissā rūpasobhā, arogakāle pana sabbābharaṇapaṭimaṇḍitāya imissā kīdisī rūpasampattī’’ti. Athassa anekavassakoṭisannicito kileso samudācari. So aññāṇī hutvā bhattaṃ bhuñjituṃ asakkonto pattaṃ ādāya vihāraṃ gantvā pattaṃ pidhāya ekamante ṭhapetvā cīvarakaṇṇaṃ pattharitvā nipajji. Atha naṃ eko sahāyako bhikkhu yācantopi bhojetuṃ nāsakkhi, so chinnabhatto ahosi.
д̇ам̣ д̣̇ивасамзва сааяанхасамаяз сиримаа гааламагааси. рааж̇аа сад̇т̇у саасанам̣ бзсзси ‘‘бханд̇з, ж̇ийвагасса ганидтабхаг̇иний сиримаа гааламагаасий’’д̇и. сад̇т̇аа д̇ам̣ суд̇ваа ран̃н̃о саасанам̣ бахин̣и ‘‘сиримааяа сарийражхаабанагижжам̣ над̇т̇и, аамагасусаанз д̇ам̣ яат̇аа гаагаад̣̇аяо на каад̣̇анд̇и, д̇ат̇аа нибаж̇ж̇аабзд̇ваа рагкаабзт̇аа’’д̇и. рааж̇аа д̇ат̇аа агааси. бадибаадияаа д̇аяо д̣̇ивасаа ад̇игганд̇аа, жад̇уд̇т̇з д̣̇ивасз сарийрам̣ уд̣̇д̇хумааяи, навахи ван̣амукзхи бул̣авагаа баг̇гхарим̣су, сагаласарийрам̣ бхиннасаалибхад̇д̇ажаади вияа ахоси. рааж̇аа наг̇арз бхзрим̣ жараабзси ‘‘табзд̇ваа г̇зхарагкан̣агад̣̇аарагз сиримааяа д̣̇ассанад̇т̇ам̣ анааг̇ажчанд̇аанам̣ адта гахаабан̣аа д̣̇ан̣д̣о’’д̇и. сад̇т̇у санд̇иган̃жа бзсзси ‘‘б̣уд̣̇д̇хаббамуко гира сан̇гхо сиримааяа д̣̇ассанад̇т̇ам̣ ааг̇ажчад̇уу’’д̇и. сад̇т̇аа бхигкуунам̣ аарожаабзси ‘‘сиримааяа д̣̇ассанад̇т̇ам̣ г̇амиссаамаа’’д̇и.
Taṃ divasameva sāyanhasamaye sirimā kālamakāsi. Rājā satthu sāsanaṃ pesesi ‘‘bhante, jīvakassa kaniṭṭhabhaginī sirimā kālamakāsī’’ti. Satthā taṃ sutvā rañño sāsanaṃ pahiṇi ‘‘sirimāya sarīrajhāpanakiccaṃ natthi, āmakasusāne taṃ yathā kākādayo na khādanti, tathā nipajjāpetvā rakkhāpethā’’ti. Rājā tathā akāsi. Paṭipāṭiyā tayo divasā atikkantā, catutthe divase sarīraṃ uddhumāyi, navahi vaṇamukhehi puḷavakā pagghariṃsu, sakalasarīraṃ bhinnasālibhattacāṭi viya ahosi. Rājā nagare bheriṃ carāpesi ‘‘ṭhapetvā geharakkhaṇakadārake sirimāya dassanatthaṃ anāgacchantānaṃ aṭṭha kahāpaṇā daṇḍo’’ti. Satthu santikañca pesesi ‘‘buddhappamukho kira saṅgho sirimāya dassanatthaṃ āgacchatū’’ti. Satthā bhikkhūnaṃ ārocāpesi ‘‘sirimāya dassanatthaṃ gamissāmā’’ti.
соби д̣̇ахарабхигку жад̇д̇ааро д̣̇ивасз гассажи важанам̣ аг̇г̇ахзд̇ваа чиннабхад̇д̇ова нибаж̇ж̇и. бад̇д̇з бхад̇д̇ам̣ бууд̇игам̣ ж̇аад̇ам̣, бад̇д̇з маламби удтахи. ат̇а со сахааяагабхигкунаа убасан̇гамид̇ваа ‘‘аавусо сад̇т̇аа сиримааяа д̣̇ассанад̇т̇ам̣ г̇ажчад̇ий’’д̇и вужжамаано д̇ат̇аа чаад̇аж̇жхад̇д̇оби ‘‘сиримаа’’д̇и вуд̇д̇абад̣̇зязва сахасаа удтахид̇ваа ‘‘сад̇т̇аа сиримам̣ д̣̇адтум̣ г̇ажчад̇и, д̇вамби г̇амиссасий’’д̇и? ‘‘аама г̇амиссаамий’’д̇и бхад̇д̇ам̣ чад̣д̣зд̇ваа бад̇д̇ам̣ д̇ховид̇ваа т̇авигааяа багкибид̇ваа бхигкусан̇гхзна сад̣̇д̇хим̣ аг̇амааси. сад̇т̇аа бхигкусан̇гхабаривуд̇о згабассз адтааси, бхигкунисан̇гхоби рааж̇абарисааби убаасагабарисааби убаасигаабарисааби згзгабассз адтам̣су.
Sopi daharabhikkhu cattāro divase kassaci vacanaṃ aggahetvā chinnabhattova nipajji. Patte bhattaṃ pūtikaṃ jātaṃ, patte malampi uṭṭhahi. Atha so sahāyakabhikkhunā upasaṅkamitvā ‘‘āvuso satthā sirimāya dassanatthaṃ gacchatī’’ti vuccamāno tathā chātajjhattopi ‘‘sirimā’’ti vuttapadeyeva sahasā uṭṭhahitvā ‘‘satthā sirimaṃ daṭṭhuṃ gacchati, tvampi gamissasī’’ti? ‘‘Āma gamissāmī’’ti bhattaṃ chaḍḍetvā pattaṃ dhovitvā thavikāya pakkhipitvā bhikkhusaṅghena saddhiṃ agamāsi. Satthā bhikkhusaṅghaparivuto ekapasse aṭṭhāsi, bhikkhunisaṅghopi rājaparisāpi upāsakaparisāpi upāsikāparisāpi ekekapasse aṭṭhaṃsu.
сад̇т̇аа рааж̇аанам̣ бужчи ‘‘гаа зсаа, махаарааж̇аа’’д̇и? ‘‘бханд̇з, ж̇ийвагасса ганидтабхаг̇иний сиримаа наамаа’’д̇и. ‘‘сиримаа зсаа’’д̇и? ‘‘аама, бханд̇з’’д̇и. д̇зна хи наг̇арз бхзрим̣ жараабзхи ‘‘сахассам̣ д̣̇ад̇ваа сиримам̣ г̇ан̣ханд̇уу’’д̇и. рааж̇аа д̇ат̇аа гаарзси, згоби ‘‘ха’’нд̇и ваа ‘‘ху’’нд̇и ваа вад̣̇анд̇о наама наахоси. рааж̇аа сад̇т̇у аарожзси ‘‘на г̇ан̣ханд̇и бханд̇з’’д̇и, д̇зна хи махаарааж̇а аг̇гхам̣ охаабзхийд̇и. рааж̇аа ‘‘бан̃жасад̇аани д̣̇ад̇ваа г̇ан̣ханд̇уу’’д̇и бхзрим̣ жараабзд̇ваа ган̃жи г̇ан̣ханагам̣ ад̣̇исваа ‘‘ад̣дхад̇зяяасад̇аани, д̣̇взсад̇аани, сад̇ам̣, бан̃н̃аасам̣, бан̃жавийсад̇и, вийсад̇и гахаабан̣з, д̣̇аса гахаабан̣з, бан̃жа гахаабан̣з, згам̣ гахаабан̣ам̣, ад̣дхам̣, баад̣̇ам̣, маасагам̣, гааган̣игам̣ д̣̇ад̇ваа сиримам̣ г̇ан̣ханд̇уу’’д̇и бхзрим̣ жараабзд̇ваа ‘‘муд̇хааби г̇ан̣ханд̇уу’’д̇и бхзрим̣ жараабзси, д̇ат̇ааби ‘‘ха’’нд̇и ваа ‘‘ху’’нд̇и ваа вад̣̇анд̇о наама наахоси. рааж̇аа ‘‘муд̇хааби, бханд̇з, г̇ан̣ханд̇о над̇т̇ий’’д̇и ааха. сад̇т̇аа ‘‘бассат̇а, бхигкавз, махааж̇анасса бияамаад̇уг̇аамам̣, имасмим̣язва наг̇арз сахассам̣ д̣̇ад̇ваа буб̣б̣з згад̣̇ивасам̣ лабхим̣су, ид̣̇аани муд̇хааби г̇ан̣ханд̇о над̇т̇и зваруубам̣ наама руубам̣ каяаваяаббад̇д̇ам̣ аахаримзхи алан̇гаарзхи вижид̇д̇агад̇ам̣ наваннам̣ ван̣н̣амукаанам̣ васзна арубхууд̇ам̣ д̇ийхи адтисад̇зхи самуссид̇ам̣ нижжаад̇урам̣ гзвалам̣ б̣ааламахааж̇анзна б̣ахуд̇хаа сан̇габбид̇ад̇ааяа б̣ахусан̇габбам̣ ад̣̇д̇хувам̣ ад̇д̇абхаава’’нд̇и д̣̇ассзнд̇о –
Satthā rājānaṃ pucchi ‘‘kā esā, mahārājā’’ti? ‘‘Bhante, jīvakassa kaniṭṭhabhaginī sirimā nāmā’’ti. ‘‘Sirimā esā’’ti? ‘‘Āma, bhante’’ti. Tena hi nagare bheriṃ carāpehi ‘‘sahassaṃ datvā sirimaṃ gaṇhantū’’ti. Rājā tathā kāresi, ekopi ‘‘ha’’nti vā ‘‘hu’’nti vā vadanto nāma nāhosi. Rājā satthu ārocesi ‘‘na gaṇhanti bhante’’ti, tena hi mahārāja agghaṃ ohāpehīti. Rājā ‘‘pañcasatāni datvā gaṇhantū’’ti bheriṃ carāpetvā kañci gaṇhanakaṃ adisvā ‘‘aḍḍhateyyasatāni, dvesatāni, sataṃ, paññāsaṃ, pañcavīsati, vīsati kahāpaṇe, dasa kahāpaṇe, pañca kahāpaṇe, ekaṃ kahāpaṇaṃ, aḍḍhaṃ, pādaṃ, māsakaṃ, kākaṇikaṃ datvā sirimaṃ gaṇhantū’’ti bheriṃ carāpetvā ‘‘mudhāpi gaṇhantū’’ti bheriṃ carāpesi, tathāpi ‘‘ha’’nti vā ‘‘hu’’nti vā vadanto nāma nāhosi. Rājā ‘‘mudhāpi, bhante, gaṇhanto natthī’’ti āha. Satthā ‘‘passatha, bhikkhave, mahājanassa piyamātugāmaṃ, imasmiṃyeva nagare sahassaṃ datvā pubbe ekadivasaṃ labhiṃsu, idāni mudhāpi gaṇhanto natthi evarūpaṃ nāma rūpaṃ khayavayappattaṃ āharimehi alaṅkārehi vicittakataṃ navannaṃ vaṇṇamukhānaṃ vasena arubhūtaṃ tīhi aṭṭhisatehi samussitaṃ niccāturaṃ kevalaṃ bālamahājanena bahudhā saṅkappitatāya bahusaṅkappaṃ addhuvaṃ attabhāva’’nti dassento –
‘‘басса жид̇д̇агад̇ам̣ б̣имб̣ам̣, аругааяам̣ самуссид̇ам̣;
‘‘Passa cittakataṃ bimbaṃ, arukāyaṃ samussitaṃ;
аад̇урам̣ б̣ахусан̇габбам̣, яасса над̇т̇и д̇хувам̣ тид̇ий’’д̇и. (т̇зраг̇аа. 1160) –
Āturaṃ bahusaṅkappaṃ, yassa natthi dhuvaṃ ṭhitī’’ti. (theragā. 1160) –
г̇аат̇амааха. д̣̇зсанаабарияосаанз сиримааяа бадиб̣ад̣̇д̇хажид̇д̇о бхигку виг̇ад̇ачанд̣̇арааг̇о худ̇ваа вибассанам̣ вад̣дхзд̇ваа арахад̇д̇ам̣ баабун̣и, жад̇ураасийд̇ияаа баан̣асахассаанам̣ д̇хаммаабхисамаяо ахоси.
Gāthamāha. Desanāpariyosāne sirimāya paṭibaddhacitto bhikkhu vigatachandarāgo hutvā vipassanaṃ vaḍḍhetvā arahattaṃ pāpuṇi, caturāsītiyā pāṇasahassānaṃ dhammābhisamayo ahosi.
д̇зна жа самаязна сиримаа д̣̇зваган̃н̃аа ад̇д̇ано вибхавасамид̣̇д̇хим̣ ологзд̇ваа ааг̇ад̇адтаанам̣ ологзнд̇ий буримад̇д̇абхаавз ад̇д̇ано сарийрасамийбз бхигкусан̇гхабаривуд̇ам̣ бхаг̇аванд̇ам̣ тид̇ам̣ махааж̇анагааяан̃жа саннибад̇ид̇ам̣ д̣̇исваа бан̃жахи д̣̇зваган̃н̃аасад̇зхи баривуд̇аа бан̃жахи рат̇асад̇зхи д̣̇иссамаанагааяаа ааг̇анд̇ваа рат̇ад̇о од̇арид̇ваа сабариваараа бхаг̇аванд̇ам̣ ванд̣̇ид̇ваа гад̇ан̃ж̇алий адтааси. д̇зна жа самаязна ааяасмаа ван̇г̇ийсо бхаг̇авад̇о авид̣̇уурз тид̇о ход̇и. со бхаг̇аванд̇ам̣ зд̇ад̣̇авожа ‘‘бадибхаад̇и мам̣ бхаг̇аваа згам̣ бан̃хам̣ бужчид̇у’’нд̇и. ‘‘бадибхаад̇у д̇ам̣ ван̇г̇ийсаа’’д̇и бхаг̇аваа авожа. ааяасмаа ван̇г̇ийсо д̇ам̣ сиримам̣ д̣̇звад̇хийд̇арам̣ –
Tena ca samayena sirimā devakaññā attano vibhavasamiddhiṃ oloketvā āgataṭṭhānaṃ olokentī purimattabhāve attano sarīrasamīpe bhikkhusaṅghaparivutaṃ bhagavantaṃ ṭhitaṃ mahājanakāyañca sannipatitaṃ disvā pañcahi devakaññāsatehi parivutā pañcahi rathasatehi dissamānakāyā āgantvā rathato otaritvā saparivārā bhagavantaṃ vanditvā katañjalī aṭṭhāsi. Tena ca samayena āyasmā vaṅgīso bhagavato avidūre ṭhito hoti. So bhagavantaṃ etadavoca ‘‘paṭibhāti maṃ bhagavā ekaṃ pañhaṃ pucchitu’’nti. ‘‘Paṭibhātu taṃ vaṅgīsā’’ti bhagavā avoca. Āyasmā vaṅgīso taṃ sirimaṃ devadhītaraṃ –
137.
137.
‘‘яуд̇д̇аа жа д̇з барамаалан̇гад̇аа хаяаа, ад̇хомукаа агхасиг̇амаа б̣алий ж̇аваа;
‘‘Yuttā ca te paramaalaṅkatā hayā, adhomukhā aghasigamā balī javā;
абхиниммид̇аа бан̃жарат̇аасад̇аа жа д̇з, анвзнд̇и д̇ам̣ саарат̇ижод̣̇ид̇аа хаяаа.
Abhinimmitā pañcarathāsatā ca te, anventi taṃ sārathicoditā hayā.
138.
138.
‘‘саа д̇идтаси рат̇аварз алан̇гад̇аа,
‘‘Sā tiṭṭhasi rathavare alaṅkatā,
обхаасаяам̣ ж̇аламива ж̇од̇и боваго;
Obhāsayaṃ jalamiva joti povako;
бужчаами д̇ам̣ варад̇ану аномад̣̇ассанз,
Pucchāmi taṃ varatanu anomadassane,
гасмаа ну гааяаа анад̇хиварам̣ убааг̇амий’’д̇и. – бадибужчи;
Kasmā nu kāyā anadhivaraṃ upāgamī’’ti. – paṭipucchi;
137. д̇ад̇т̇а яуд̇д̇аа жа д̇з барамаалан̇гад̇аа хаяаад̇и барамам̣ ад̇ивияа висзсад̇о алан̇гад̇аа, барамзхи ваа уд̇д̇амзхи д̣̇иб̣б̣зхи ассаалан̇гаарзхи алан̇гад̇аа, барамаа ваа аг̇г̇аа сздтаа ааж̇аанийяаа саб̣б̣аалан̇гаарзхи алан̇гад̇аа хаяаа ассаа д̇з д̇ава рат̇з яож̇ид̇аа, яуд̇д̇аа ваа д̇з рат̇асса жа анужчавигаа, ан̃н̃аман̃н̃ам̣ ваа сад̣̇исад̇ааяа яуд̇д̇аа сам̣садтаад̇и ад̇т̇о. зд̇т̇а жа ‘‘барамаалан̇гад̇аа’’д̇и буримасмим̣ багкз санд̇хим̣ агад̇ваа д̣̇уд̇ияасмим̣ багкз авибхад̇д̇иганид̣̇д̣̇зсо д̣̇адтаб̣б̣о . ад̇хомукаад̇и хздтаамукаа. яад̣̇иби д̇з д̇ад̣̇аа багад̇ияаава тид̇аа, д̣̇звалогад̇о орохан̣авасзна ‘‘ад̇хомукаа’’д̇и вуд̇д̇аа. агхасиг̇амаад̇и взхаасам̣г̇амаа. б̣алийд̇и б̣алаванд̇о. ж̇аваад̇и ж̇аванагаа , б̣алаванд̇о жзва взг̇аванд̇о жаад̇и ад̇т̇о. абхиниммид̇аад̇и д̇ава бун̃н̃агаммзна ниммид̇аа ниб̣б̣ад̇д̇аа. саяам̣ ниммид̇амзва ваа санд̇хааяа ‘‘абхиниммид̇аа’’д̇и вуд̇д̇ам̣ ниммаанарад̇ибхаавад̇о сиримааяа д̣̇звад̇хийд̇ааяа. бан̃жарат̇аасад̇аад̇и г̇аат̇аасукад̇т̇ам̣ т̇агаарасса д̣̇ийгхам̣ лин̇г̇авибаллаасан̃жа гад̇ваа вуд̇д̇ам̣, вибхад̇д̇иалобо ваа д̣̇адтаб̣б̣о, бан̃жа рат̇асад̇аанийд̇и ад̇т̇о. анвзнд̇и д̇ам̣ саарат̇ижод̣̇ид̇аа хаяаад̇и саарат̇ийхи жод̣̇ид̇аа вияа рат̇зсу яуд̇д̇аа имз хаяаа бхад̣̇д̣̇з, д̣̇звад̇з, д̇ам̣ ануг̇ажчанд̇и. ‘‘саарат̇иажод̣̇ид̇аа’’д̇и гзжи батанд̇и, саарат̇ийхи ажод̣̇ид̇аа зва ануг̇ажчанд̇ийд̇и ад̇т̇о. ‘‘саарат̇ижод̣̇ид̇аа хаяаа’’д̇и згам̣язва ваа бад̣̇ам̣ г̇аат̇аасукад̇т̇ам̣ д̣̇ийгхам̣ гад̇ваа вуд̇д̇ам̣, саарат̇ижод̣̇ид̇ахаяаа бан̃жа рат̇асад̇аад̇и яож̇анаа.
137. Tattha yuttā ca te paramaalaṅkatā hayāti paramaṃ ativiya visesato alaṅkatā, paramehi vā uttamehi dibbehi assālaṅkārehi alaṅkatā, paramā vā aggā seṭṭhā ājānīyā sabbālaṅkārehi alaṅkatā hayā assā te tava rathe yojitā, yuttā vā te rathassa ca anucchavikā, aññamaññaṃ vā sadisatāya yuttā saṃsaṭṭhāti attho. Ettha ca ‘‘paramaalaṅkatā’’ti purimasmiṃ pakkhe sandhiṃ akatvā dutiyasmiṃ pakkhe avibhattikaniddeso daṭṭhabbo . Adhomukhāti heṭṭhāmukhā. Yadipi te tadā pakatiyāva ṭhitā, devalokato orohaṇavasena ‘‘adhomukhā’’ti vuttā. Aghasigamāti vehāsaṃgamā. Balīti balavanto. Javāti javanakā , balavanto ceva vegavanto cāti attho. Abhinimmitāti tava puññakammena nimmitā nibbattā. Sayaṃ nimmitameva vā sandhāya ‘‘abhinimmitā’’ti vuttaṃ nimmānaratibhāvato sirimāya devadhītāya. Pañcarathāsatāti gāthāsukhatthaṃ thakārassa dīghaṃ liṅgavipallāsañca katvā vuttaṃ, vibhattialopo vā daṭṭhabbo, pañca rathasatānīti attho. Anventi taṃ sārathicoditā hayāti sārathīhi coditā viya rathesu yuttā ime hayā bhadde, devate, taṃ anugacchanti. ‘‘Sārathiacoditā’’ti keci paṭhanti, sārathīhi acoditā eva anugacchantīti attho. ‘‘Sārathicoditā hayā’’ti ekaṃyeva vā padaṃ gāthāsukhatthaṃ dīghaṃ katvā vuttaṃ, sārathicoditahayā pañca rathasatāti yojanā.
138. саа д̇идтасийд̇и саа д̇вам̣ д̇идтаси. рат̇аварзд̇и рат̇уд̇д̇амз. алан̇гад̇аад̇и садтисагадабхаарзхи д̣̇иб̣б̣аалан̇гаарзхи алан̇гад̇асарийраа. обхаасаяам̣ ж̇аламива ж̇од̇и баавагод̇и обхаасзнд̇ий ж̇од̇ирива ж̇аланд̇ий бааваго вияа жа д̇идтаси, саманд̇ад̇о обхаасзнд̇ий ж̇аланд̇ий д̇идтасийд̇и вуд̇д̇ам̣ ход̇и. ‘‘ж̇од̇ий’’д̇и жа жанд̣̇имасуурияанагкад̇д̇ад̇аарагаруубаанам̣ саад̇хааран̣анаамам̣. варад̇анууд̇и уд̇д̇амаруубад̇харз саб̣б̣ан̇г̇асобханз. д̇ад̇о зва аномад̣̇ассанз алаамагад̣̇ассанз, д̣̇ассанийяз баасаад̣̇игзд̇и ад̇т̇о. гасмаа ну гааяаа анад̇хиварам̣ убааг̇амийд̇и гуд̇о наама д̣̇звагааяад̇о ануд̇д̇арам̣ саммаасамб̣уд̣̇д̇хам̣ баяирубаасанааяа убаг̇ан̃чи убаг̇ад̇ааси.
138.Sā tiṭṭhasīti sā tvaṃ tiṭṭhasi. Rathavareti rathuttame. Alaṅkatāti saṭṭhisakaṭabhārehi dibbālaṅkārehi alaṅkatasarīrā. Obhāsayaṃ jalamiva joti pāvakoti obhāsentī jotiriva jalantī pāvako viya ca tiṭṭhasi, samantato obhāsentī jalantī tiṭṭhasīti vuttaṃ hoti. ‘‘Jotī’’ti ca candimasūriyanakkhattatārakarūpānaṃ sādhāraṇanāmaṃ. Varatanūti uttamarūpadhare sabbaṅgasobhane. Tato eva anomadassane alāmakadassane, dassanīye pāsādiketi attho. Kasmā nu kāyā anadhivaraṃ upāgamīti kuto nāma devakāyato anuttaraṃ sammāsambuddhaṃ payirupāsanāya upagañchi upagatāsi.
звам̣ т̇зрзна бужчид̇аа саа д̣̇звад̇аа ад̇д̇аанам̣ аавигаронд̇ий –
Evaṃ therena pucchitā sā devatā attānaṃ āvikarontī –
139.
139.
‘‘гаамаг̇г̇абад̇д̇аанам̣ яамаахунуд̇д̇арам̣, ниммааяа ниммааяа раманд̇и д̣̇звад̇аа;
‘‘Kāmaggapattānaṃ yamāhunuttaraṃ, nimmāya nimmāya ramanti devatā;
д̇асмаа гааяаа ажчараа гаамаван̣н̣иний, ид̇хааг̇ад̇аа анад̇хиварам̣ намассид̇у’’нд̇и. –
Tasmā kāyā accharā kāmavaṇṇinī, idhāgatā anadhivaraṃ namassitu’’nti. –
г̇аат̇амааха.
Gāthamāha.
139. д̇ад̇т̇а гаамаг̇г̇абад̇д̇аанам̣ яамаахунуд̇д̇аранд̇и гаамуубабхог̇зхи аг̇г̇абхаавам̣ бад̇д̇аанам̣ бараниммид̇авасавад̇д̇ийнам̣ д̣̇зваанам̣ яам̣ д̣̇звагааяам̣ яасзна бхог̇аад̣̇ивасзна жа ануд̇д̇аранд̇и вад̣̇анд̇и, д̇ад̇о гааяаа. ниммааяа ниммааяа раманд̇и д̣̇звад̇аад̇и ниммаанарад̇ид̣̇звад̇аа ад̇д̇анаа яат̇ааружид̇з гаамз саяам̣ нимминид̇ваа нимминид̇ваа раманд̇и гийл̣анд̇и лал̣анд̇аа абхираманд̇и. д̇асмаа гааяаад̇и д̇асмаа ниммаанарад̇ид̣̇званигааяаа . гаамаван̣н̣инийд̇и гаамаруубад̇хараа яат̇ижчид̇аруубад̇хаариний. ид̇хааг̇ад̇аад̇и ид̇ха имасмим̣ мануссалогз, имам̣ ваа мануссалогам̣ ааг̇ад̇аа.
139. Tattha kāmaggapattānaṃ yamāhunuttaranti kāmūpabhogehi aggabhāvaṃ pattānaṃ paranimmitavasavattīnaṃ devānaṃ yaṃ devakāyaṃ yasena bhogādivasena ca anuttaranti vadanti, tato kāyā. Nimmāya nimmāya ramanti devatāti nimmānaratidevatā attanā yathārucite kāme sayaṃ nimminitvā nimminitvā ramanti kīḷanti laḷantā abhiramanti. Tasmā kāyāti tasmā nimmānaratidevanikāyā . Kāmavaṇṇinīti kāmarūpadharā yathicchitarūpadhārinī. Idhāgatāti idha imasmiṃ manussaloke, imaṃ vā manussalokaṃ āgatā.
звам̣ д̣̇звад̇ааяа ад̇д̇ано ниммаанарад̇ид̣̇звад̇аабхаавз гат̇ид̇з буна т̇зро д̇ассаа буримабхавам̣ д̇ад̇т̇а гад̇абун̃н̃агаммам̣ лад̣̇д̇хин̃жа гат̇аабзд̇угаамо –
Evaṃ devatāya attano nimmānaratidevatābhāve kathite puna thero tassā purimabhavaṃ tattha katapuññakammaṃ laddhiñca kathāpetukāmo –
140.
140.
‘‘гим̣ д̇вам̣ бурз сужарид̇амаажарийд̇ха, гзнажчаси д̇вам̣ амид̇аяасаа сукзд̇хид̇аа;
‘‘Kiṃ tvaṃ pure sucaritamācarīdha, kenacchasi tvaṃ amitayasā sukhedhitā;
ид̣̇д̇хий жа д̇з анад̇хивараа вихан̇г̇амаа, ван̣н̣о жа д̇з д̣̇аса д̣̇исаа вирожад̇и.
Iddhī ca te anadhivarā vihaṅgamā, vaṇṇo ca te dasa disā virocati.
141.
141.
‘‘д̣̇звзхи д̇вам̣ баривуд̇аа саггад̇аа жаси,
‘‘Devehi tvaṃ parivutā sakkatā casi,
гуд̇о жуд̇аа суг̇ад̇иг̇ад̇ааси д̣̇звад̇з;
Kuto cutā sugatigatāsi devate;
гасса ваа д̇вам̣ важанагараанусаасаним̣,
Kassa vā tvaṃ vacanakarānusāsaniṃ,
аажигка мз д̇вам̣ яад̣̇и б̣уд̣̇д̇хасаавигаа’’д̇и. – д̣̇вз г̇аат̇аа абхааси;
Ācikkha me tvaṃ yadi buddhasāvikā’’ti. – dve gāthā abhāsi;
140. д̇ад̇т̇а аажарийд̇и д̣̇ийгхам̣ гад̇ваа вуд̇д̇ам̣, убажинийд̇и ад̇т̇о. ид̇хаад̇и нибаад̇амад̇д̇ам̣, ид̇ха ваа имасмим̣ д̣̇звад̇д̇абхаавз. гзнажчасийд̇и гзна бун̃н̃агаммзна ассад̇т̇аа ажчаси. ‘‘гзнааси д̇ва’’нд̇и гзжи батанд̇и. амид̇аяасаад̇и на мид̇аяасаа анаббагабариваараа. сукзд̇хид̇аад̇и сукзна вад̣дхид̇аа, субариб̣руухид̇ад̣̇иб̣б̣асукаад̇и ад̇т̇о. ид̣̇д̇хийд̇и д̣̇иб̣б̣аанубхааво. анад̇хивараад̇и ад̇хигаа висидтаа ан̃н̃аа зд̇иссаа над̇т̇ийд̇и анад̇хивараа, ад̇иуд̇д̇амаад̇и ад̇т̇о. вихан̇г̇амаад̇и взхаасаг̇ааминий. д̣̇аса д̣̇исаад̇и д̣̇асаби д̣̇исаа. вирожад̇ийд̇и обхаасзд̇и.
140. Tattha ācarīti dīghaṃ katvā vuttaṃ, upacinīti attho. Idhāti nipātamattaṃ, idha vā imasmiṃ devattabhāve. Kenacchasīti kena puññakammena assatthā acchasi. ‘‘Kenāsi tva’’nti keci paṭhanti. Amitayasāti na mitayasā anappakaparivārā. Sukhedhitāti sukhena vaḍḍhitā, suparibrūhitadibbasukhāti attho. Iddhīti dibbānubhāvo. Anadhivarāti adhikā visiṭṭhā aññā etissā natthīti anadhivarā, atiuttamāti attho. Vihaṅgamāti vehāsagāminī. Dasa disāti dasapi disā. Virocatīti obhāseti.
141. баривуд̇аа саггад̇аа жасийд̇и саманд̇ад̇о бариваарид̇аа самбхаавид̇аа жа аси. гуд̇о жуд̇аа суг̇ад̇иг̇ад̇аасийд̇и бан̃жасу г̇ад̇ийсу гад̇араг̇ад̇ид̇о жуд̇аа худ̇ваа суг̇ад̇им̣ имам̣ д̣̇зваг̇ад̇им̣ бадисанд̇хивасзна убаг̇ад̇аа аси. гасса ваа д̇вам̣ важанагараанусаасанинд̇и гасса ну ваа сад̇т̇у саасанз бааважанз оваад̣̇аанусаасанисамбадижчанзна д̇вам̣ важанагараа асийд̇и яож̇анаа. гасса ваа д̇вам̣ сад̇т̇у важанагараа анусаасагасса анусидтияам̣ бад̇идтаанзнаад̇и звам̣ ваа зд̇т̇а ад̇т̇о д̣̇адтаб̣б̣о. звам̣ ануд̣̇д̣̇зсигавасзна д̇ассаа лад̣̇д̇хим̣ бужчид̇ваа буна уд̣̇д̣̇зсигавасзна ‘‘аажигка мз д̇вам̣ яад̣̇и б̣уд̣̇д̇хасаавигаа’’д̇и бужчад̇и. д̇ад̇т̇а б̣уд̣̇д̇хасаавигаад̇и саб̣б̣амби н̃зяяад̇хаммам̣ саяамбхун̃аан̣зна хад̇т̇ад̇алз аамалагам̣ вияа бажжагкад̇о б̣уд̣̇д̇хад̇д̇аа б̣уд̣̇д̇хасса бхаг̇авад̇о д̇хаммассавананд̇з ж̇аад̇аад̇и б̣уд̣̇д̇хасаавигаа.
141.Parivutāsakkatā casīti samantato parivāritā sambhāvitā ca asi. Kuto cutā sugatigatāsīti pañcasu gatīsu kataragatito cutā hutvā sugatiṃ imaṃ devagatiṃ paṭisandhivasena upagatā asi. Kassa vā tvaṃ vacanakarānusāsaninti kassa nu vā satthu sāsane pāvacane ovādānusāsanisampaṭicchanena tvaṃ vacanakarā asīti yojanā. Kassa vā tvaṃ satthu vacanakarā anusāsakassa anusiṭṭhiyaṃ patiṭṭhānenāti evaṃ vā ettha attho daṭṭhabbo. Evaṃ anuddesikavasena tassā laddhiṃ pucchitvā puna uddesikavasena ‘‘ācikkha me tvaṃ yadi buddhasāvikā’’ti pucchati. Tattha buddhasāvikāti sabbampi ñeyyadhammaṃ sayambhuñāṇena hatthatale āmalakaṃ viya paccakkhato buddhattā buddhassa bhagavato dhammassavanante jātāti buddhasāvikā.
звам̣ т̇зрзна бужчид̇амад̇т̇ам̣ гат̇знд̇ий д̣̇звад̇аа имаа г̇аат̇аа абхааси –
Evaṃ therena pucchitamatthaṃ kathentī devatā imā gāthā abhāsi –
142.
142.
‘‘наг̇анд̇арз наг̇араварз сумаабид̇з, барижааригаа рааж̇аварасса сиримад̇о;
‘‘Nagantare nagaravare sumāpite, paricārikā rājavarassa sirimato;
нажжз г̇ийд̇з барамасусигкид̇аа ахум̣, сиримаад̇и мам̣ рааж̇аг̇ахз авзд̣̇им̣су.
Nacce gīte paramasusikkhitā ahuṃ, sirimāti maṃ rājagahe avediṃsu.
143.
143.
‘‘б̣уд̣̇д̇хо жа мз исинисабхо винааяаго, ад̣̇зсаяий самуд̣̇аяад̣̇угканижжад̇ам̣;
‘‘Buddho ca me isinisabho vināyako, adesayī samudayadukkhaniccataṃ;
асан̇кад̇ам̣ д̣̇угканирод̇ха сассад̇ам̣, маг̇г̇ан̃жимам̣ агудиламан̃ж̇асам̣ сивам̣.
Asaṅkhataṃ dukkhanirodha sassataṃ, maggañcimaṃ akuṭilamañjasaṃ sivaṃ.
144.
144.
‘‘суд̇ваанахам̣ амад̇абад̣̇ам̣ асан̇кад̇ам̣, д̇ат̇ааг̇ад̇ассанад̇хиварасса саасанам̣;
‘‘Sutvānahaṃ amatapadaṃ asaṅkhataṃ, tathāgatassanadhivarassa sāsanaṃ;
сийлзсвахам̣ барамасусам̣вуд̇аа ахум̣, д̇хаммз тид̇аа наравараб̣уд̣̇д̇хад̣̇зсид̇з.
Sīlesvahaṃ paramasusaṃvutā ahuṃ, dhamme ṭhitā naravarabuddhadesite.
145.
145.
‘‘н̃ад̇ваанахам̣ вираж̇абад̣̇ам̣ асан̇кад̇ам̣, д̇ат̇ааг̇ад̇знанад̇хиварзна д̣̇зсид̇ам̣;
‘‘Ñatvānahaṃ virajapadaṃ asaṅkhataṃ, tathāgatenanadhivarena desitaṃ;
д̇ад̇т̇звахам̣ самат̇асамаад̇химаапусим̣, сааязва мз бараманияаамад̇аа аху.
Tatthevahaṃ samathasamādhimāphusiṃ, sāyeva me paramaniyāmatā ahu.
146.
146.
‘‘лад̣̇д̇хаанахам̣ амад̇аварам̣ висзсанам̣, згам̣сигаа абхисамаяз висзсияа;
‘‘Laddhānahaṃ amatavaraṃ visesanaṃ, ekaṃsikā abhisamaye visesiya;
асам̣саяаа б̣ахуж̇анабууж̇ид̇аа ахам̣, кид̣д̣аарад̇им̣ бажжанубхоманаббагам̣.
Asaṃsayā bahujanapūjitā ahaṃ, khiḍḍāratiṃ paccanubhomanappakaṃ.
147.
147.
‘‘звам̣ ахам̣ амад̇ад̣̇асамхи д̣̇звад̇аа, д̇ат̇ааг̇ад̇ассанад̇хиварасса саавигаа;
‘‘Evaṃ ahaṃ amatadasamhi devatā, tathāgatassanadhivarassa sāvikā;
д̇хаммад̣̇д̣̇асаа батамапалз бад̇идтид̇аа, сод̇аабаннаа на жа бана мад̇т̇и д̣̇уг̇г̇ад̇и.
Dhammaddasā paṭhamaphale patiṭṭhitā, sotāpannā na ca pana matthi duggati.
148.
148.
‘‘саа ванд̣̇ид̇ум̣ анад̇хиварам̣ убааг̇амим̣, баасаад̣̇игз гусаларад̇з жа бхигкаво;
‘‘Sā vandituṃ anadhivaraṃ upāgamiṃ, pāsādike kusalarate ca bhikkhavo;
намассид̇ум̣ саман̣асамааг̇амам̣ сивам̣, саг̇аараваа сиримад̇о д̇хаммарааж̇ино.
Namassituṃ samaṇasamāgamaṃ sivaṃ, sagāravā sirimato dhammarājino.
149.
149.
‘‘д̣̇исваа муним̣ муд̣̇ид̇аманамхи бийн̣ид̇аа, д̇ат̇ааг̇ад̇ам̣ нараварад̣̇аммасаарат̇им̣;
‘‘Disvā muniṃ muditamanamhi pīṇitā, tathāgataṃ naravaradammasārathiṃ;
д̇ан̣хажчид̣̇ам̣ гусаларад̇ам̣ винааяагам̣, ванд̣̇аамахам̣ барамахид̇аанугамбага’’нд̇и.
Taṇhacchidaṃ kusalarataṃ vināyakaṃ, vandāmahaṃ paramahitānukampaka’’nti.
142. д̇ад̇т̇а наг̇анд̇арзд̇и исиг̇иливзбуллавзбхаарабан̣д̣аваг̇иж̇жхагуудасан̇каад̇аанам̣ бан̃жаннам̣ баб̣б̣ад̇аанам̣ анд̇арз взмаж̇жхз, яад̇о д̇ам̣ наг̇арам̣ ‘‘г̇ириб̣б̣аж̇а’’нд̇и вужжад̇и . наг̇араварзд̇и уд̇д̇аманаг̇арз, рааж̇аг̇ахам̣ санд̇хааяааха. сумаабид̇зд̇и махааг̇овинд̣̇абан̣д̣ид̇зна вад̇т̇увиж̇ж̇аавид̇хинаа саммад̣̇зва нивзсид̇з. барижааригаад̇и сам̣г̇ийд̇абарижарияааяа убадтааяигаа. рааж̇аварассаад̇и б̣имб̣исаарамахаарааж̇асса. сиримад̇од̇и зд̇т̇а ‘‘сирийд̇и б̣уд̣̇д̇хибун̃н̃аанам̣ ад̇хиважана’’нд̇и вад̣̇анд̇и. ат̇а ваа бун̃н̃аниб̣б̣ад̇д̇аа сарийрасобхаг̇г̇аад̣̇исамбад̇д̇и гад̇абун̃н̃ам̣ ниссаяад̇и, гад̇абун̃н̃зхи ваа ниссийяад̇ийд̇и ‘‘сирий’’д̇и вужжад̇и, саа зд̇асса ад̇т̇ийд̇и сиримаа, д̇асса сиримад̇о. барамасусигкид̇аад̇и ад̇ивияа саммад̣̇зва жа сигкид̇аа. ахунд̇и ахосим̣. авзд̣̇им̣сууд̇и ан̃н̃аасум̣.
142. Tattha nagantareti isigilivepullavebhārapaṇḍavagijjhakūṭasaṅkhātānaṃ pañcannaṃ pabbatānaṃ antare vemajjhe, yato taṃ nagaraṃ ‘‘giribbaja’’nti vuccati . Nagaravareti uttamanagare, rājagahaṃ sandhāyāha. Sumāpiteti mahāgovindapaṇḍitena vatthuvijjāvidhinā sammadeva nivesite. Paricārikāti saṃgītaparicariyāya upaṭṭhāyikā. Rājavarassāti bimbisāramahārājassa. Sirimatoti ettha ‘‘sirīti buddhipuññānaṃ adhivacana’’nti vadanti. Atha vā puññanibbattā sarīrasobhaggādisampatti katapuññaṃ nissayati, katapuññehi vā nissīyatīti ‘‘sirī’’ti vuccati, sā etassa atthīti sirimā, tassa sirimato. Paramasusikkhitāti ativiya sammadeva ca sikkhitā. Ahunti ahosiṃ. Avediṃsūti aññāsuṃ.
143. исинисабход̇и г̇авасад̇аж̇здтаго усабхо, г̇авасахассаж̇здтаго васабхо, важ̇асад̇аж̇здтаго ваа усабхо, важ̇асахассаж̇здтаго васабхо, саб̣б̣аг̇авасздто саб̣б̣абариссаяасахо сзд̇о баасаад̣̇иго махаабхааравахо асанисад̇асад̣̇д̣̇зхиби асамбагамбияо нисабхо. рат̇аа со ад̇д̇ано нисабхаб̣алзна саманнааг̇ад̇о жад̇уухи баад̣̇зхи бат̇авим̣ уббийл̣зд̇ваа гзнажи бариссаязна агамбияо ажаладтаанзна д̇идтад̇и, звам̣ бхаг̇аваа д̣̇асахи д̇ат̇ааг̇ад̇аб̣алзхи саманнааг̇ад̇о жад̇уухи взсаараж̇ж̇абаад̣̇зхи адтабарисабат̇авим̣ уббийл̣зд̇ваа сад̣̇звагз логз гзнажи бажжад̇т̇игзна бажжаамид̇д̇зна агамбияо ажаладтаанзна д̇идтад̇и, д̇асмаа нисабхо вияаад̇и нисабхо. сийлаад̣̇ийнам̣ д̇хаммагканд̇хаанам̣ зсанадтзна ‘‘исий’’д̇и лад̣̇д̇хавохаарзсу сзгкаасзгкаисийсу нисабхо, исийнам̣ ваа нисабхо, иси жа со нисабхо жаад̇и ваа исинисабхо. взнзяяасад̇д̇з винзд̇ийд̇и винааяаго, нааяагавирахид̇од̇и ваа винааяаго, саяамбхууд̇и ад̇т̇о.
143.Isinisabhoti gavasatajeṭṭhako usabho, gavasahassajeṭṭhako vasabho, vajasatajeṭṭhako vā usabho, vajasahassajeṭṭhako vasabho, sabbagavaseṭṭho sabbaparissayasaho seto pāsādiko mahābhāravaho asanisatasaddehipi asampakampiyo nisabho. Rathā so attano nisabhabalena samannāgato catūhi pādehi pathaviṃ uppīḷetvā kenaci parissayena akampiyo acalaṭṭhānena tiṭṭhati, evaṃ bhagavā dasahi tathāgatabalehi samannāgato catūhi vesārajjapādehi aṭṭhaparisapathaviṃ uppīḷetvā sadevake loke kenaci paccatthikena paccāmittena akampiyo acalaṭṭhānena tiṭṭhati, tasmā nisabho viyāti nisabho. Sīlādīnaṃ dhammakkhandhānaṃ esanaṭṭhena ‘‘isī’’ti laddhavohāresu sekkhāsekkhaisīsu nisabho, isīnaṃ vā nisabho, isi ca so nisabho cāti vā isinisabho. Veneyyasatte vinetīti vināyako, nāyakavirahitoti vā vināyako, sayambhūti attho.
ад̣̇зсаяий самуд̣̇аяад̣̇угканижжад̇анд̇и самуд̣̇аяасажжасса жа д̣̇угкасажжасса жа анижжад̇ам̣ ваяад̇хаммад̇ам̣ абхааси. д̇зна ‘‘яам̣гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и ад̇д̇ано абхисамаяан̃аан̣асса бавад̇д̇иаагаарам̣ д̣̇ассзд̇и. самуд̣̇аяад̣̇угканижжад̇анд̇и ваа самуд̣̇аяасажжан̃жа д̣̇угкасажжан̃жа анижжад̇ан̃жа. д̇ад̇т̇а самуд̣̇аяасажжад̣̇угкасажжаг̇г̇ахан̣зна вибассанааяа бхуумим̣ д̣̇ассзд̇и, анижжад̇ааг̇ахан̣зна д̇ассаа бавад̇д̇иаагаарам̣ д̣̇ассзд̇и. сан̇каараанан̃хи анижжаагаарз вибхаавид̇з д̣̇угкаагааро анад̇д̇аагаароби вибхаавид̇оязва ход̇и д̇ам̣ниб̣анд̇ханад̇д̇аа д̇зсам̣. д̇знааха ‘‘яад̣̇анижжам̣, д̇ам̣ д̣̇угкам̣, яам̣ д̣̇угкам̣, д̇ад̣̇анад̇д̇аа’’д̇и (сам̣. ни. 3.15). асан̇кад̇ам̣ д̣̇угканирод̇хасассад̇анд̇и гзнажи бажжаязна на сан̇кад̇анд̇и асан̇кад̇ам̣ , саб̣б̣агаалам̣ д̇ат̇абхаавзна сассад̇ам̣, сагалаваддад̣̇угканирод̇хабхаавад̇о д̣̇угканирод̇хам̣ арияасажжан̃жа мз ад̣̇зсаяийд̇и яож̇анаа. маг̇г̇ан̃жимам̣ агудиламан̃ж̇асам̣ сиванд̇и анд̇ад̣̇ваяабариваж̇ж̇анзна гудилабхаавагараанам̣ мааяаад̣̇ийнам̣ гааяаван̇гаад̣̇ийнан̃жа бахаанзна агудилам̣, д̇ад̇о зва ан̃ж̇асам̣, асивабхаавагараанам̣ гаамарааг̇аад̣̇ийнам̣ самужчинд̣̇анзна сивам̣ ниб̣б̣аанам̣. маг̇г̇анд̇и ниб̣б̣аанад̇т̇игзхи маг̇г̇ийяад̇и, гилзсз ваа маарзнд̇о г̇ажчад̇ийд̇и ‘‘маг̇г̇о’’д̇и лад̣̇д̇ханаамам̣ ид̣̇ам̣ д̇умхааган̃жа маман̃жа бажжагкабхууд̇ам̣ д̣̇угканирод̇хаг̇ааминибадибад̣̇аасан̇каад̇ам̣ арияасажжан̃жа мз ад̣̇зсаяийд̇и яож̇анаа.
Adesayī samudayadukkhaniccatanti samudayasaccassa ca dukkhasaccassa ca aniccataṃ vayadhammataṃ abhāsi. Tena ‘‘yaṃkiñci samudayadhammaṃ, sabbaṃ taṃ nirodhadhamma’’nti attano abhisamayañāṇassa pavattiākāraṃ dasseti. Samudayadukkhaniccatanti vā samudayasaccañca dukkhasaccañca aniccatañca. Tattha samudayasaccadukkhasaccaggahaṇena vipassanāya bhūmiṃ dasseti, aniccatāgahaṇena tassā pavattiākāraṃ dasseti. Saṅkhārānañhi aniccākāre vibhāvite dukkhākāro anattākāropi vibhāvitoyeva hoti taṃnibandhanattā tesaṃ. Tenāha ‘‘yadaniccaṃ, taṃ dukkhaṃ, yaṃ dukkhaṃ, tadanattā’’ti (saṃ. ni. 3.15). Asaṅkhataṃ dukkhanirodhasassatanti kenaci paccayena na saṅkhatanti asaṅkhataṃ , sabbakālaṃ tathabhāvena sassataṃ, sakalavaṭṭadukkhanirodhabhāvato dukkhanirodhaṃ ariyasaccañca me adesayīti yojanā. Maggañcimaṃ akuṭilamañjasaṃ sivanti antadvayaparivajjanena kuṭilabhāvakarānaṃ māyādīnaṃ kāyavaṅkādīnañca pahānena akuṭilaṃ, tato eva añjasaṃ, asivabhāvakarānaṃ kāmarāgādīnaṃ samucchindanena sivaṃ nibbānaṃ. Magganti nibbānatthikehi maggīyati, kilese vā mārento gacchatīti ‘‘maggo’’ti laddhanāmaṃ idaṃ tumhākañca mamañca paccakkhabhūtaṃ dukkhanirodhagāminipaṭipadāsaṅkhātaṃ ariyasaccañca me adesayīti yojanā.
144. суд̇ваанахам̣ амад̇абад̣̇ам̣ асан̇кад̇ам̣, д̇ат̇ааг̇ад̇ассанад̇хиварасса саасананд̇и зд̇т̇а аяам̣ сан̇кзбад̇т̇о – д̇ат̇аа ааг̇аманаад̣̇иад̇т̇зна д̇ат̇ааг̇ад̇асса, сад̣̇звагз логз аг̇г̇абхаавад̇о анад̇хиварасса, саммаасамб̣уд̣̇д̇хасса амад̇абад̣̇ам̣ асан̇кад̇ам̣ ниб̣б̣аанам̣ уд̣̇д̣̇исса д̣̇зсид̇ад̇д̇аа, амад̇асса ваа ниб̣б̣аанасса бадибаж̇ж̇анубааяад̇д̇аа гзнажиби асан̇каран̣ийяад̇д̇аа жа амад̇абад̣̇ам̣ асан̇кад̇ам̣ саасанам̣ сад̣̇д̇хаммам̣ ахам̣ суд̇ваанаад̇и. сийлзсваханд̇и сийлзсу нибпаад̣̇зд̇аб̣б̣зсу ахам̣. барамасусам̣вуд̇аад̇и ад̇ивияа саммад̣̇зва сам̣вуд̇аа. ахунд̇и ахосим̣. д̇хаммз тид̇аад̇и бадибад̇д̇ид̇хаммз бад̇идтид̇аа.
144.Sutvānahaṃ amatapadaṃ asaṅkhataṃ, tathāgatassanadhivarassa sāsananti ettha ayaṃ saṅkhepattho – tathā āgamanādiatthena tathāgatassa, sadevake loke aggabhāvato anadhivarassa, sammāsambuddhassa amatapadaṃ asaṅkhataṃ nibbānaṃ uddissa desitattā, amatassa vā nibbānassa paṭipajjanupāyattā kenacipi asaṅkharaṇīyattā ca amatapadaṃ asaṅkhataṃ sāsanaṃ saddhammaṃ ahaṃ sutvānāti. Sīlesvahanti sīlesu nipphādetabbesu ahaṃ. Paramasusaṃvutāti ativiya sammadeva saṃvutā. Ahunti ahosiṃ. Dhamme ṭhitāti paṭipattidhamme patiṭṭhitā.
145. н̃ад̇ваанаад̇и сажчигирияаабхисамаяавасзна ж̇аанид̇ваа. д̇ад̇т̇зваад̇и д̇асмим̣язва кан̣з, д̇асмим̣язва ваа ад̇д̇абхаавз. самат̇асамаад̇химаапусинд̇и бажжанийгад̇хаммаанам̣ самужчзд̣̇авасзна саманад̇о вуубасаманад̇о барамад̇т̇асамат̇абхууд̇ам̣ логуд̇д̇арасамаад̇хим̣ аапусим̣ ад̇хиг̇ажчим̣. яад̣̇иби яасмим̣ кан̣з нирод̇хасса сажчигирияаабхисамаяо, д̇асмим̣язва кан̣з маг̇г̇асса бхааванаабхисамаяо, аарамман̣абадивзд̇хам̣ бана бхааванаабадивзд̇хассзва буримасид̣̇д̇хигааран̣ам̣ вияа гад̇ваа д̣̇ассзд̇ум̣ –
145.Ñatvānāti sacchikiriyābhisamayavasena jānitvā. Tatthevāti tasmiṃyeva khaṇe, tasmiṃyeva vā attabhāve. Samathasamādhimāphusinti paccanīkadhammānaṃ samucchedavasena samanato vūpasamanato paramatthasamathabhūtaṃ lokuttarasamādhiṃ āphusiṃ adhigacchiṃ. Yadipi yasmiṃ khaṇe nirodhassa sacchikiriyābhisamayo, tasmiṃyeva khaṇe maggassa bhāvanābhisamayo, ārammaṇapaṭivedhaṃ pana bhāvanāpaṭivedhasseva purimasiddhikāraṇaṃ viya katvā dassetuṃ –
‘‘н̃ад̇ваанахам̣ вираж̇абад̣̇ам̣ асан̇кад̇ам̣, д̇ат̇ааг̇ад̇знанад̇хиварзна д̣̇зсид̇ам̣’’.
‘‘Ñatvānahaṃ virajapadaṃ asaṅkhataṃ, tathāgatenanadhivarena desitaṃ’’.
д̇ад̇т̇звахам̣ ‘самат̇асамаад̇химаапуси’нд̇и вуд̇д̇ам̣ яат̇аа ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣а’’нд̇и (ма. ни. 1.400; 3.421; сам̣. ни. 4.60). н̃ад̇ваанаад̇и ваа самаанагаалавасзна вуд̇д̇анд̇и взд̣̇ид̇аб̣б̣ам̣ яат̇аа ‘‘ниханд̇ваана д̇амам̣ саб̣б̣ам̣, аад̣̇ижжо набхамуг̇г̇ад̇о’’д̇и. сааязваад̇и яаа логуд̇д̇арасамаад̇хипусанаа лад̣̇д̇хаа, сааязва. бараманияаамад̇аад̇и барамаа уд̇д̇амаа маг̇г̇анияаамад̇аа.
Tatthevahaṃ ‘samathasamādhimāphusi’nti vuttaṃ yathā ‘‘cakkhuñca paṭicca rūpe ca uppajjati cakkhuviññāṇa’’nti (ma. ni. 1.400; 3.421; saṃ. ni. 4.60). Ñatvānāti vā samānakālavasena vuttanti veditabbaṃ yathā ‘‘nihantvāna tamaṃ sabbaṃ, ādicco nabhamuggato’’ti. Sāyevāti yā lokuttarasamādhiphusanā laddhā, sāyeva. Paramaniyāmatāti paramā uttamā magganiyāmatā.
146. висзсананд̇и бут̇уж̇ж̇анзхи висзсагам̣ висидтабхаавасаад̇хагам̣. згам̣сигаад̇и ‘‘саммаасамб̣уд̣̇д̇хо бхаг̇аваа, сваагкаад̇о д̇хаммо, суббадибанно сан̇гхо’’д̇и згам̣саг̇аахавад̇ий рад̇анад̇д̇аяз ниб̣б̣ижигижчаа. абхисамаяз висзсияаад̇и сажжабадивзд̇хавасзна висзсам̣ бад̇ваа. ‘‘висзсиний’’д̇иби батанд̇и, абхисамаяахзд̇у висзсавад̇ийд̇и ад̇т̇о. асам̣саяаад̇и сол̣асавад̇т̇угааяа адтавад̇т̇угааяа жа вижигижчааяа бахийнад̇д̇аа абаг̇ад̇асам̣саяаа. ‘‘асам̣сияаа’’д̇и гзжи батанд̇и. б̣ахуж̇анабууж̇ид̇аад̇и суг̇ад̇ийхи барзхи бад̇т̇анийяаг̇ун̣аад̇и ад̇т̇о. кид̣д̣аарад̇инд̇и кид̣д̣аабхууд̇ам̣ рад̇им̣, ат̇а ваа кид̣д̣ан̃жа рад̇ин̃жа кид̣д̣аавихааран̃жа рад̇исукан̃жа.
146.Visesananti puthujjanehi visesakaṃ visiṭṭhabhāvasādhakaṃ. Ekaṃsikāti ‘‘sammāsambuddho bhagavā, svākkhāto dhammo, suppaṭipanno saṅgho’’ti ekaṃsagāhavatī ratanattaye nibbicikicchā. Abhisamaye visesiyāti saccapaṭivedhavasena visesaṃ patvā. ‘‘Visesinī’’tipi paṭhanti, abhisamayahetu visesavatīti attho. Asaṃsayāti soḷasavatthukāya aṭṭhavatthukāya ca vicikicchāya pahīnattā apagatasaṃsayā. ‘‘Asaṃsiyā’’ti keci paṭhanti. Bahujanapūjitāti sugatīhi parehi patthanīyaguṇāti attho. Khiḍḍāratinti khiḍḍābhūtaṃ ratiṃ, atha vā khiḍḍañca ratiñca khiḍḍāvihārañca ratisukhañca.
147. амад̇ад̣̇асамхийд̇и амад̇ад̣̇асаа ниб̣б̣аанад̣̇ассаавиний амхи. д̇хаммад̣̇д̣̇асаад̇и жад̇усажжад̇хаммам̣ д̣̇идтавад̇ий. сод̇аабаннаад̇и арияамаг̇г̇асод̇ам̣ аад̣̇ид̇о бад̇д̇аа. на жа бана мад̇т̇и д̣̇уг̇г̇ад̇ийд̇и на жа бана мз ад̇т̇и д̣̇уг̇г̇ад̇и авинибаад̇ад̇хаммад̇д̇аа.
147.Amatadasamhīti amatadasā nibbānadassāvinī amhi. Dhammaddasāti catusaccadhammaṃ diṭṭhavatī. Sotāpannāti ariyamaggasotaṃ ādito pattā. Na ca pana matthi duggatīti na ca pana me atthi duggati avinipātadhammattā.
148. баасаад̣̇игзд̇и басаад̣̇аавахз. гусаларад̇зд̇и гусалз анаваж̇ж̇ад̇хаммз ниб̣б̣аанз рад̇з. бхигкавод̇и бхигкуу намассид̇ум̣ убааг̇аминд̇и яож̇анаа. саман̣асамааг̇амам̣ сиванд̇и саман̣аанам̣ самид̇абаабаанам̣ б̣уд̣̇д̇хаб̣уд̣̇д̇хасаавагаанам̣ сиван̃жа д̇хаммам̣ кзмам̣ самааг̇амам̣ сан̇г̇амам̣ баяирубаасид̇ум̣ убааг̇аминд̇и самб̣анд̇хо. сиримад̇о д̇хаммарааж̇инод̇и бхуммад̇т̇з саамиважанам̣. сиримад̇и д̇хаммарааж̇инийд̇и ад̇т̇о. звамзва жа гзжи батанд̇и.
148.Pāsādiketi pasādāvahe. Kusalarateti kusale anavajjadhamme nibbāne rate. Bhikkhavoti bhikkhū namassituṃ upāgaminti yojanā. Samaṇasamāgamaṃ sivanti samaṇānaṃ samitapāpānaṃ buddhabuddhasāvakānaṃ sivañca dhammaṃ khemaṃ samāgamaṃ saṅgamaṃ payirupāsituṃ upāgaminti sambandho. Sirimato dhammarājinoti bhummatthe sāmivacanaṃ. Sirimati dhammarājinīti attho. Evameva ca keci paṭhanti.
149. муд̣̇ид̇аманамхийд̇и мод̣̇ид̇аманаа амхи. бийн̣ид̇аад̇и д̇удтаа, бийд̇ирасавасзна ваа д̇ид̇д̇аа. нараварад̣̇аммасаарат̇инд̇и нараваро жа со аг̇г̇абуг̇г̇алад̇д̇аа, д̣̇аммаанам̣ д̣̇амзд̇аб̣б̣аанам̣ взнзяяаанам̣ ниб̣б̣аанаабхимукам̣ сааран̣ад̇о д̣̇аммасаарат̇и жаад̇и нараварад̣̇аммасаарат̇и, д̇ам̣. барамахид̇аанугамбаганд̇и барамзна уд̇д̇амзна хид̇зна саб̣б̣асад̇д̇аанам̣ анугамбагам̣.
149.Muditamanamhīti moditamanā amhi. Pīṇitāti tuṭṭhā, pītirasavasena vā tittā. Naravaradammasārathinti naravaro ca so aggapuggalattā, dammānaṃ dametabbānaṃ veneyyānaṃ nibbānābhimukhaṃ sāraṇato dammasārathi cāti naravaradammasārathi, taṃ. Paramahitānukampakanti paramena uttamena hitena sabbasattānaṃ anukampakaṃ.
звам̣ сиримаа д̣̇звад̇хийд̇аа ад̇д̇ано лад̣̇д̇хибавзд̣̇анамукзна рад̇анад̇д̇аяз басаад̣̇ам̣ бавзд̣̇зд̇ваа бхаг̇аванд̇ам̣ бхигкусан̇гхан̃жа ванд̣̇ид̇ваа бад̣̇агкин̣ам̣ гад̇ваа д̣̇звалогамзва г̇ад̇аа. бхаг̇аваа д̇амзва од̇ин̣н̣авад̇т̇ум̣ адтуббад̇д̇им̣ гад̇ваа д̇хаммам̣ д̣̇зсзси, д̣̇зсанаабарияосаанз угган̣тид̇абхигку арахад̇д̇ам̣ баабун̣и, самбад̇д̇абарисааяаби саа д̇хаммад̣̇зсанаа саад̇т̇игаа ж̇аад̇аад̇и.
Evaṃ sirimā devadhītā attano laddhipavedanamukhena ratanattaye pasādaṃ pavedetvā bhagavantaṃ bhikkhusaṅghañca vanditvā padakkhiṇaṃ katvā devalokameva gatā. Bhagavā tameva otiṇṇavatthuṃ aṭṭhuppattiṃ katvā dhammaṃ desesi, desanāpariyosāne ukkaṇṭhitabhikkhu arahattaṃ pāpuṇi, sampattaparisāyapi sā dhammadesanā sātthikā jātāti.
сиримаавимаанаван̣н̣анаа нидтид̇аа.
Sirimāvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 16. сиримаавимаанавад̇т̇у • 16. Sirimāvimānavatthu
