| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. сиримид̇д̇ад̇т̇зраг̇аат̇ааван̣н̣анаа
2. Sirimittattheragāthāvaṇṇanā
аггод̇ханод̇иаад̣̇игаа ааяасмад̇о сиримид̇д̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинид̇ваа имасмим̣ б̣уд̣̇д̇хуббаад̣̇з рааж̇аг̇ахз махад̣̇д̇ханагудумб̣игасса буд̇д̇о худ̇ваа ниб̣б̣ад̇д̇и, сиримид̇д̇од̇и лад̣̇д̇ханаамо. д̇асса гира маад̇аа сириг̇уд̇д̇асса бхаг̇иний. д̇асса вад̇т̇у д̇хаммабад̣̇аван̣н̣анааяам̣ (д̇ха. ба. адта. 1.г̇арахад̣̇иннавад̇т̇у) ааг̇ад̇амзва. со сириг̇уд̇д̇асса бхааг̇инзяяо сиримид̇д̇о ваяаббад̇д̇о сад̇т̇у д̇ханабаалад̣̇аманз лад̣̇д̇хаббасаад̣̇о баб̣б̣аж̇ид̇ваа вибассанааяа гаммам̣ гаронд̇о нажирассзва арахад̇д̇ам̣ бад̇д̇о. згад̣̇ивасам̣ баад̇имогкам̣ уд̣̇д̣̇исид̇ум̣ аасанам̣ абхирухид̇ваа жид̇д̇аб̣ийж̇аним̣ г̇ахзд̇ваа нисинно бхигкуунам̣ д̇хаммам̣ гат̇зси. гат̇знд̇о жа ул̣аарад̇арз г̇ун̣з вибхаж̇ид̇ваа д̣̇ассзнд̇о –
Akkodhanotiādikā āyasmato sirimittattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinitvā imasmiṃ buddhuppāde rājagahe mahaddhanakuṭumbikassa putto hutvā nibbatti, sirimittoti laddhanāmo. Tassa kira mātā siriguttassa bhaginī. Tassa vatthu dhammapadavaṇṇanāyaṃ (dha. pa. aṭṭha. 1.garahadinnavatthu) āgatameva. So siriguttassa bhāgineyyo sirimitto vayappatto satthu dhanapāladamane laddhappasādo pabbajitvā vipassanāya kammaṃ karonto nacirasseva arahattaṃ patto. Ekadivasaṃ pātimokkhaṃ uddisituṃ āsanaṃ abhiruhitvā cittabījaniṃ gahetvā nisinno bhikkhūnaṃ dhammaṃ kathesi. Kathento ca uḷāratare guṇe vibhajitvā dassento –
502.
502.
‘‘аггод̇ханонубанаахий, амааяо рид̇д̇абзсун̣о;
‘‘Akkodhanonupanāhī, amāyo rittapesuṇo;
са вз д̇аад̣̇исаго бхигку, звам̣ бзжжа на сожад̇и.
Sa ve tādisako bhikkhu, evaṃ pecca na socati.
503.
503.
‘‘аггод̇ханонубанаахий, амааяо рид̇д̇абзсун̣о;
‘‘Akkodhanonupanāhī, amāyo rittapesuṇo;
г̇уд̇д̇ад̣̇вааро сад̣̇аа бхигку, звам̣ бзжжа на сожад̇и.
Guttadvāro sadā bhikkhu, evaṃ pecca na socati.
504.
504.
‘‘аггод̇ханонубанаахий, амааяо рид̇д̇абзсун̣о;
‘‘Akkodhanonupanāhī, amāyo rittapesuṇo;
галяаан̣асийло со бхигку, звам̣ бзжжа на сожад̇и.
Kalyāṇasīlo so bhikkhu, evaṃ pecca na socati.
505.
505.
‘‘аггод̇ханонубанаахий, амааяо рид̇д̇абзсун̣о;
‘‘Akkodhanonupanāhī, amāyo rittapesuṇo;
галяаан̣амид̇д̇о со бхигку, звам̣ бзжжа на сожад̇и.
Kalyāṇamitto so bhikkhu, evaṃ pecca na socati.
506.
506.
‘‘аггод̇ханонубанаахий, амааяо рид̇д̇абзсун̣о;
‘‘Akkodhanonupanāhī, amāyo rittapesuṇo;
галяаан̣абан̃н̃о со бхигку, звам̣ бзжжа на сожад̇и.
Kalyāṇapañño so bhikkhu, evaṃ pecca na socati.
507.
507.
‘‘яасса сад̣̇д̇хаа д̇ат̇ааг̇ад̇з, ажалаа суббад̇идтид̇аа;
‘‘Yassa saddhā tathāgate, acalā suppatiṭṭhitā;
сийлан̃жа яасса галяаан̣ам̣, арияаганд̇ам̣ басам̣сид̇ам̣.
Sīlañca yassa kalyāṇaṃ, ariyakantaṃ pasaṃsitaṃ.
508.
508.
‘‘сан̇гхз басаад̣̇о яассад̇т̇и, уж̇убхууд̇ан̃жа д̣̇ассанам̣;
‘‘Saṅghe pasādo yassatthi, ujubhūtañca dassanaṃ;
ад̣̇алид̣̇д̣̇од̇и д̇ам̣ ааху, амогхам̣ д̇асса ж̇ийвид̇ам̣.
Adaliddoti taṃ āhu, amoghaṃ tassa jīvitaṃ.
509.
509.
‘‘д̇асмаа сад̣̇д̇хан̃жа сийлан̃жа, басаад̣̇ам̣ д̇хаммад̣̇ассанам̣;
‘‘Tasmā saddhañca sīlañca, pasādaṃ dhammadassanaṃ;
ануяун̃ж̇зт̇а мзд̇хаавий, сарам̣ б̣уд̣̇д̇хаана саасана’’нд̇и. – имаа г̇аат̇аа абхааси;
Anuyuñjetha medhāvī, saraṃ buddhāna sāsana’’nti. – imā gāthā abhāsi;
д̇ад̇т̇а аггод̇ханод̇и агуж̇жханасийло. убадтид̇з хи год̇хуббад̇д̇инимид̇д̇з ад̇хиваасанаканд̇ияам̣ тад̇ваа гобасса ануббаад̣̇аго. анубанаахийд̇и на убанаахаго, барзхи гад̇ам̣ абараад̇хам̣ бадижжа ‘‘аггожчи мам̣ авад̇хи мам̣, аж̇ини мам̣ ахааси мз’’д̇иаад̣̇инаа (д̇ха. ба. 3; махаава. 464; ма. ни. 3.237) год̇хасса анубанаяханасийло. санд̇ад̣̇осабадижчаад̣̇аналагкан̣ааяа мааяааяа абхаавад̇о амааяо. бисун̣аваажаавирахид̇ад̇о рид̇д̇абзсун̣о, са вз д̇аад̣̇исаго бхигкууд̇и со д̇ат̇ааруубо д̇ат̇ааж̇аад̇иго яат̇аавуд̇д̇аг̇ун̣асаманнааг̇ад̇о бхигку . звам̣ яат̇аавуд̇д̇абадибад̇д̇ияаа бзжжа баралогз на сожад̇и соганимид̇д̇асса абхаавад̇о. жагкуд̣̇ваараад̣̇аяо гааяад̣̇ваараад̣̇аяо жа г̇уд̇д̇аа бихид̇аа сам̣вуд̇аа зд̇ассаад̇и г̇уд̇д̇ад̣̇вааро. галяаан̣асийлод̇и сунд̣̇арасийло сувисуд̣̇д̇хасийло. галяаан̣амид̇д̇од̇и –
Tattha akkodhanoti akujjhanasīlo. Upaṭṭhite hi kodhuppattinimitte adhivāsanakhantiyaṃ ṭhatvā kopassa anuppādako. Anupanāhīti na upanāhako, parehi kataṃ aparādhaṃ paṭicca ‘‘akkocchi maṃ avadhi maṃ, ajini maṃ ahāsi me’’tiādinā (dha. pa. 3; mahāva. 464; ma. ni. 3.237) kodhassa anupanayhanasīlo. Santadosapaṭicchādanalakkhaṇāya māyāya abhāvato amāyo. Pisuṇavācāvirahitato rittapesuṇo, sa ve tādisako bhikkhūti so tathārūpo tathājātiko yathāvuttaguṇasamannāgato bhikkhu . Evaṃ yathāvuttapaṭipattiyā pecca paraloke na socati sokanimittassa abhāvato. Cakkhudvārādayo kāyadvārādayo ca guttā pihitā saṃvutā etassāti guttadvāro. Kalyāṇasīloti sundarasīlo suvisuddhasīlo. Kalyāṇamittoti –
‘‘бияо г̇арубхааванияо, вад̇д̇аа жа важанагкамо;
‘‘Piyo garubhāvaniyo, vattā ca vacanakkhamo;
г̇амбхийран̃жа гат̇ам̣ гад̇д̇аа, но жадтаанз нияож̇аяз’’д̇и. (а. ни. 7.37) –
Gambhīrañca kathaṃ kattā, no caṭṭhāne niyojaye’’ti. (a. ni. 7.37) –
звам̣ вибхаавид̇алагкан̣о галяаан̣амид̇д̇о зд̇ассаад̇и галяаан̣амид̇д̇о. галяаан̣абан̃н̃од̇и сунд̣̇арабан̃н̃о. яад̣̇иби бан̃н̃аа наама асунд̣̇араа над̇т̇и, нияяаанигааяа бана бан̃н̃ааяа васзна звам̣ вуд̇д̇ам̣
Evaṃ vibhāvitalakkhaṇo kalyāṇamitto etassāti kalyāṇamitto. Kalyāṇapaññoti sundarapañño. Yadipi paññā nāma asundarā natthi, niyyānikāya pana paññāya vasena evaṃ vuttaṃ
звамзд̇т̇а год̇хаад̣̇ийнам̣ вигкамбханавасзна самужчзд̣̇авасзна жа аггод̇ханаад̣̇имукзна, буг̇г̇алаад̇хидтаанааяа г̇аат̇ааяа саммаабадибад̇д̇им̣ д̣̇ассзд̇ваа ид̣̇аани нибпад̇д̇ид̇алогуд̇д̇арасад̣̇д̇хаад̣̇игз уд̣̇д̇харид̇ваа буг̇г̇алаад̇хидтаанааяа зва г̇аат̇ааяа саммаабадибад̇д̇им̣ д̣̇ассзнд̇о ‘‘яасса сад̣̇д̇хаа’’д̇иаад̣̇имааха. д̇ассад̇т̇о – яасса буг̇г̇аласса д̇ат̇ааг̇ад̇з саммаасамб̣уд̣̇д̇хз ‘‘ид̇иби со бхаг̇аваа’’д̇иаад̣̇инаяаббавад̇д̇аа маг̇г̇знааг̇ад̇асад̣̇д̇хаа, д̇ад̇о зва ажалаа авигамбаа судту бад̇идтид̇аа. ‘‘ад̇т̇ий’’д̇и, бад̣̇ам̣ аанзд̇ваа самб̣анд̇хид̇аб̣б̣ам̣. арияаганд̇анд̇и арияаанам̣ ганд̇ам̣ бияааяид̇ам̣ бхаванд̇арзби авиж̇аханад̇о. басам̣сид̇анд̇и б̣уд̣̇д̇хаад̣̇ийхи басадтам̣, ван̣н̣ид̇ам̣ т̇омид̇ам̣ ад̇т̇ийд̇и яож̇анаа. д̇ам̣ банзд̇ам̣ сийлам̣ г̇ахадтасийлам̣ баб̣б̣аж̇ид̇асийланд̇и д̣̇увид̇хам̣. д̇ад̇т̇а г̇ахадтасийлам̣ наама бан̃жасигкаабад̣̇асийлам̣, яам̣ г̇ахадтзна рагкид̇ум̣ саггаа. баб̣б̣аж̇ид̇асийлам̣ наама д̣̇асасигкаабад̣̇асийлам̣ убаад̣̇ааяа саб̣б̣ам̣ жад̇убаарисуд̣̇д̇хисийлам̣, д̇аяид̣̇ам̣ саб̣б̣амби акан̣д̣аад̣̇ибхаавзна абараамадтад̇ааяа ‘‘галяаан̣а’’нд̇и взд̣̇ид̇аб̣б̣ам̣.
Evamettha kodhādīnaṃ vikkhambhanavasena samucchedavasena ca akkodhanādimukhena, puggalādhiṭṭhānāya gāthāya sammāpaṭipattiṃ dassetvā idāni nipphattitalokuttarasaddhādike uddharitvā puggalādhiṭṭhānāya eva gāthāya sammāpaṭipattiṃ dassento ‘‘yassa saddhā’’tiādimāha. Tassattho – yassa puggalassa tathāgate sammāsambuddhe ‘‘itipi so bhagavā’’tiādinayappavattā maggenāgatasaddhā, tato eva acalā avikampā suṭṭhu patiṭṭhitā. ‘‘Atthī’’ti, padaṃ ānetvā sambandhitabbaṃ. Ariyakantanti ariyānaṃ kantaṃ piyāyitaṃ bhavantarepi avijahanato. Pasaṃsitanti buddhādīhi pasaṭṭhaṃ, vaṇṇitaṃ thomitaṃ atthīti yojanā. Taṃ panetaṃ sīlaṃ gahaṭṭhasīlaṃ pabbajitasīlanti duvidhaṃ. Tattha gahaṭṭhasīlaṃ nāma pañcasikkhāpadasīlaṃ, yaṃ gahaṭṭhena rakkhituṃ sakkā. Pabbajitasīlaṃ nāma dasasikkhāpadasīlaṃ upādāya sabbaṃ catupārisuddhisīlaṃ, tayidaṃ sabbampi akhaṇḍādibhāvena aparāmaṭṭhatāya ‘‘kalyāṇa’’nti veditabbaṃ.
сан̇гхз басаад̣̇о яассад̇т̇ийд̇и ‘‘суббадибанно бхаг̇авад̇о саавагасан̇гхо’’д̇иаад̣̇инаа арияасан̇гхз басаад̣̇о сад̣̇д̇хаа яасса буг̇г̇аласса ад̇т̇и ажало суббад̇идтид̇од̇и аанзд̇ваа яож̇зд̇аб̣б̣ам̣. уж̇убхууд̇ан̃жа д̣̇ассананд̇и д̣̇идтиван̇гаабхаавад̇о гилзсаван̇гаабхаавад̇о жа уж̇убхууд̇ам̣. агудилам̣ аж̇имхам̣ гаммассагад̇аад̣̇ассанан̃жзва саббажжаяанаамаруубад̣̇ассанан̃жаад̇и д̣̇увид̇хамби д̣̇ассанам̣ яасса ад̇т̇и ажалам̣ суббад̇идтид̇анд̇и яож̇анаа. ад̣̇алид̣̇д̣̇од̇и д̇ам̣ ааху сад̣̇д̇хаад̇ханам̣, сийлад̇ханам̣, суд̇ад̇ханам̣, жааг̇ад̇ханам̣, бан̃н̃аад̇хананд̇и имзсам̣ сувисуд̣̇д̇хаанам̣ д̇ханаанам̣ ад̇т̇ид̇ааяа ‘‘ад̣̇алид̣̇д̣̇о’’д̇и д̇ам̣ д̇аад̣̇исам̣ буг̇г̇алам̣ б̣уд̣̇д̇хаад̣̇аяо арияаа ааху. амогхам̣ д̇асса ж̇ийвид̇ам̣ д̇асса д̇ат̇ааруубасса ж̇ийвид̇ам̣ д̣̇идтад̇хаммигаад̣̇иад̇т̇аад̇хиг̇амзна амогхам̣ аван̃жхам̣ сапаламзваад̇и аахууд̇и ад̇т̇о.
Saṅghe pasādo yassatthīti ‘‘suppaṭipanno bhagavato sāvakasaṅgho’’tiādinā ariyasaṅghe pasādo saddhā yassa puggalassa atthi acalo suppatiṭṭhitoti ānetvā yojetabbaṃ. Ujubhūtañca dassananti diṭṭhivaṅkābhāvato kilesavaṅkābhāvato ca ujubhūtaṃ. Akuṭilaṃ ajimhaṃ kammassakatādassanañceva sappaccayanāmarūpadassanañcāti duvidhampi dassanaṃ yassa atthi acalaṃ suppatiṭṭhitanti yojanā. Adaliddoti taṃ āhu saddhādhanaṃ, sīladhanaṃ, sutadhanaṃ, cāgadhanaṃ, paññādhananti imesaṃ suvisuddhānaṃ dhanānaṃ atthitāya ‘‘adaliddo’’ti taṃ tādisaṃ puggalaṃ buddhādayo ariyā āhu. Amoghaṃ tassa jīvitaṃ tassa tathārūpassa jīvitaṃ diṭṭhadhammikādiatthādhigamena amoghaṃ avañjhaṃ saphalamevāti āhūti attho.
д̇асмаад̇и , яасмаа яат̇аавуд̇д̇асад̣̇д̇хаад̣̇иг̇ун̣асаманнааг̇ад̇о буг̇г̇ало ‘‘ад̣̇алид̣̇д̣̇о амогхаж̇ийвид̇о’’д̇и вужжад̇и, д̇асмаа ахамби д̇ат̇ааруубо бхавзяяанд̇и. сад̣̇д̇хан̃жа…бз… саасананд̇и ‘‘саб̣б̣абаабасса агаран̣а’’нд̇иаад̣̇инаа (д̇ха. ба. 183; д̣̇ий. ни. 2.90) вуд̇д̇ам̣ б̣уд̣̇д̇хаанам̣ саасанам̣ ануссаранд̇о гулабуд̇д̇о вуд̇д̇аббабхзд̣̇ам̣ сад̣̇д̇хан̃жзва сийлан̃жа д̇хаммад̣̇ассанахзд̇угам̣ д̇хаммз сунижчаяаа вимогкабхууд̇ам̣ басаад̣̇ан̃жа ануяун̃ж̇зяяа вад̣дхзяяаад̇и.
Tasmāti , yasmā yathāvuttasaddhādiguṇasamannāgato puggalo ‘‘adaliddo amoghajīvito’’ti vuccati, tasmā ahampi tathārūpo bhaveyyanti. Saddhañca…pe… sāsananti ‘‘sabbapāpassa akaraṇa’’ntiādinā (dha. pa. 183; dī. ni. 2.90) vuttaṃ buddhānaṃ sāsanaṃ anussaranto kulaputto vuttappabhedaṃ saddhañceva sīlañca dhammadassanahetukaṃ dhamme sunicchayā vimokkhabhūtaṃ pasādañca anuyuñjeyya vaḍḍheyyāti.
звам̣ т̇зро бхигкуунам̣ д̇хаммад̣̇зсанаамукзна ад̇д̇ани виж̇ж̇амаанз г̇ун̣з багаасзнд̇о ан̃н̃ам̣ б̣яаагааси.
Evaṃ thero bhikkhūnaṃ dhammadesanāmukhena attani vijjamāne guṇe pakāsento aññaṃ byākāsi.
сиримид̇д̇ад̇т̇зраг̇аат̇ааван̣н̣анаа нидтид̇аа.
Sirimittattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. сиримид̇д̇ад̇т̇зраг̇аат̇аа • 2. Sirimittattheragāthā
