| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
5. бан̃жамаваг̇г̇о
5. Pañcamavaggo
1. сиривад̣дхад̇т̇зраг̇аат̇ааван̣н̣анаа
1. Sirivaḍḍhattheragāthāvaṇṇanā
вивараманубад̇анд̇и виж̇ж̇уд̇аад̇и ааяасмад̇о сиривад̣дхад̇т̇зрасса г̇аат̇аа. гаа уббад̇д̇и? соби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а виваддуубаниссаяам̣ гусалам̣ убажинанд̇о ид̇о зганавуд̇з габбз вибассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о вибассим̣ бхаг̇аванд̇ам̣ бассид̇ваа гин̇ган̣ибубпзхи бууж̇ам̣ гад̇ваа д̇зна бун̃н̃агаммзна д̣̇звалогз ниб̣б̣ад̇д̇о абараабарам̣ бун̃н̃аани гад̇ваа суг̇ад̇ийсуязва сам̣саранд̇о имасмим̣ б̣уд̣̇д̇хуббаад̣̇з рааж̇аг̇ахз вибхавасамбаннасса б̣раахман̣асса г̇зхз ниб̣б̣ад̇д̇и, сиривад̣дход̇исса наамам̣ ахоси. со ваяаббад̇д̇о б̣имб̣исаарасамааг̇амз сад̇т̇ари сад̣̇д̇хаммз жа уббаннаббасаад̣̇о хзд̇усамбаннад̇ааяа баб̣б̣аж̇и. баб̣б̣аж̇ид̇ваа жа гад̇абуб̣б̣агижжо взбхаарабан̣д̣авабаб̣б̣ад̇аанам̣ авид̣̇уурз ан̃н̃ад̇арасмим̣ аран̃н̃ааяад̇анз баб̣б̣ад̇аг̇ухааяам̣ гаммадтаанамануяуд̇д̇о вихарад̇и. д̇асмин̃жа самаяз махаа агааламзгхо удтахи. виж̇ж̇уллад̇аа баб̣б̣ад̇авиварам̣ бависанд̇ияо вияа вижаранд̇и. т̇зрасса гхаммабарил̣аахаабхибхууд̇асса саараг̇аб̣бхзхи мзгхаваад̇зхи гхаммабарил̣аахо вуубасами. уд̇усаббааяалаабхзна жид̇д̇ам̣ згаг̇г̇ам̣ ахоси. самаахид̇ажид̇д̇о вибассанам̣ уссуггаабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.21.10-14) –
Vivaramanupatantivijjutāti āyasmato sirivaḍḍhattherassa gāthā. Kā uppatti? Sopi purimabuddhesu katādhikāro tattha tattha vivaṭṭūpanissayaṃ kusalaṃ upacinanto ito ekanavute kappe vipassissa bhagavato kāle kulagehe nibbattitvā viññutaṃ patto vipassiṃ bhagavantaṃ passitvā kiṅkaṇipupphehi pūjaṃ katvā tena puññakammena devaloke nibbatto aparāparaṃ puññāni katvā sugatīsuyeva saṃsaranto imasmiṃ buddhuppāde rājagahe vibhavasampannassa brāhmaṇassa gehe nibbatti, sirivaḍḍhotissa nāmaṃ ahosi. So vayappatto bimbisārasamāgame satthari saddhamme ca uppannappasādo hetusampannatāya pabbaji. Pabbajitvā ca katapubbakicco vebhārapaṇḍavapabbatānaṃ avidūre aññatarasmiṃ araññāyatane pabbataguhāyaṃ kammaṭṭhānamanuyutto viharati. Tasmiñca samaye mahā akālamegho uṭṭhahi. Vijjullatā pabbatavivaraṃ pavisantiyo viya vicaranti. Therassa ghammapariḷāhābhibhūtassa sāragabbhehi meghavātehi ghammapariḷāho vūpasami. Utusappāyalābhena cittaṃ ekaggaṃ ahosi. Samāhitacitto vipassanaṃ ussukkāpetvā arahattaṃ pāpuṇi. Tena vuttaṃ apadāne (apa. thera 1.21.10-14) –
‘‘ган̃жанаг̇гхияасан̇гаасо, саб̣б̣ан̃н̃уу логанааяаго;
‘‘Kañcanagghiyasaṅkāso, sabbaññū lokanāyako;
од̣̇агам̣ д̣̇ахамог̇г̇аяха, синааяи аг̇г̇абуг̇г̇ало.
Odakaṃ dahamoggayha, sināyi aggapuggalo.
‘‘баг̇г̇аяха гин̇ган̣им̣ бубпам̣, вибассиссаабхиробаяим̣;
‘‘Paggayha kiṅkaṇiṃ pupphaṃ, vipassissābhiropayiṃ;
уд̣̇аг̇г̇ажид̇д̇о сумано, д̣̇вибад̣̇инд̣̇асса д̇аад̣̇ино.
Udaggacitto sumano, dvipadindassa tādino.
‘‘зганавуд̇ид̇о габбз, яам̣ бубпамабхиробаяим̣;
‘‘Ekanavutito kappe, yaṃ pupphamabhiropayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘сад̇д̇авийсад̇игаббамхи, рааж̇аа бхиймарат̇о аху;
‘‘Sattavīsatikappamhi, rājā bhīmaratho ahu;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ан̃н̃аабад̣̇зсзна ад̇д̇асанниссаяам̣ уд̣̇аанам̣ уд̣̇аанзнд̇о ‘‘вивараманубад̇анд̇и виж̇ж̇уд̇аа’’д̇и г̇аат̇ам̣ абхааси.
Arahattaṃ pana patvā aññāpadesena attasannissayaṃ udānaṃ udānento ‘‘vivaramanupatanti vijjutā’’ti gāthaṃ abhāsi.
41. д̇ад̇т̇а виваранд̇и анд̇араа взмаж̇жхам̣. анубад̇анд̇ийд̇и анулагкан̣з бад̇анд̇и бавад̇д̇анд̇и, виж̇ж̇од̇анд̇ийд̇и ад̇т̇о. виж̇ж̇од̇анамзва хи виж̇ж̇уллад̇аанам̣ бавад̇д̇и наама. ану-сад̣̇д̣̇аяог̇зна жзд̇т̇а убаяог̇аважанам̣, яат̇аа ‘‘ругкаманувиж̇ж̇од̇анд̇ий’’д̇и. виж̇ж̇уд̇аад̇и сад̇зрад̇аа. взбхаарасса жа бан̣д̣авасса жаад̇и взбхаарабаб̣б̣ад̇асса жа бан̣д̣авабаб̣б̣ад̇асса жа вивараманубад̇анд̇ийд̇и яож̇анаа. наг̇авивараг̇ад̇од̇и наг̇авиварам̣ баб̣б̣ад̇аг̇ухам̣ убаг̇ад̇о. жхааяад̇ийд̇и аарамман̣уубаниж̇жхаанзна лагкан̣уубаниж̇жхаанзна жа жхааяад̇и, самат̇авибассанам̣ уссуггаабзнд̇о бхаавзд̇и. буд̇д̇о аббадимасса д̇аад̣̇инод̇и сийлагканд̇хаад̣̇ид̇хаммагааяасамбад̇д̇ияаа руубагааяасамбад̇д̇ияаа жа анубамасса убамаарахид̇асса идтаанидтаад̣̇ийсу д̇аад̣̇илагкан̣асамбад̇д̇ияаа д̇аад̣̇ино б̣уд̣̇д̇хасса бхаг̇авад̇о орасабуд̇д̇о. буд̇д̇аважанзнзва жзд̇т̇а т̇зрзна сад̇т̇у ануж̇аад̇абхаавад̣̇ийбанзна ан̃н̃аа б̣яаагад̇аад̇и взд̣̇ид̇аб̣б̣ам̣.
41. Tattha vivaranti antarā vemajjhaṃ. Anupatantīti anulakkhaṇe patanti pavattanti, vijjotantīti attho. Vijjotanameva hi vijjullatānaṃ pavatti nāma. Anu-saddayogena cettha upayogavacanaṃ, yathā ‘‘rukkhamanuvijjotantī’’ti. Vijjutāti sateratā. Vebhārassa ca paṇḍavassa cāti vebhārapabbatassa ca paṇḍavapabbatassa ca vivaramanupatantīti yojanā. Nagavivaragatoti nagavivaraṃ pabbataguhaṃ upagato. Jhāyatīti ārammaṇūpanijjhānena lakkhaṇūpanijjhānena ca jhāyati, samathavipassanaṃ ussukkāpento bhāveti. Putto appaṭimassa tādinoti sīlakkhandhādidhammakāyasampattiyā rūpakāyasampattiyā ca anupamassa upamārahitassa iṭṭhāniṭṭhādīsu tādilakkhaṇasampattiyā tādino buddhassa bhagavato orasaputto. Puttavacaneneva cettha therena satthu anujātabhāvadīpanena aññā byākatāti veditabbaṃ.
сиривад̣дхад̇т̇зраг̇аат̇ааван̣н̣анаа нидтид̇аа.
Sirivaḍḍhattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. сиривад̣дхад̇т̇зраг̇аат̇аа • 1. Sirivaḍḍhattheragāthā
