| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೮. ಸೀಸುಪಚಾಲಾಸುತ್ತಂ
8. Sīsupacālāsuttaṃ
೧೬೯. ಸಾವತ್ಥಿನಿದಾನಂ । ಅಥ ಖೋ ಸೀಸುಪಚಾಲಾ 1 ಭಿಕ್ಖುನೀ ಪುಬ್ಬಣ್ಹಸಮಯಂ ನಿವಾಸೇತ್ವಾ …ಪೇ॰… ಅಞ್ಞತರಸ್ಮಿಂ ರುಕ್ಖಮೂಲೇ ದಿವಾವಿಹಾರಂ ನಿಸೀದಿ। ಅಥ ಖೋ ಮಾರೋ ಪಾಪಿಮಾ ಯೇನ ಸೀಸುಪಚಾಲಾ ಭಿಕ್ಖುನೀ ತೇನುಪಸಙ್ಕಮಿ; ಉಪಸಙ್ಕಮಿತ್ವಾ ಸೀಸುಪಚಾಲಂ ಭಿಕ್ಖುನಿಂ ಏತದವೋಚ – ‘‘ಕಸ್ಸ ನು ತ್ವಂ, ಭಿಕ್ಖುನಿ, ಪಾಸಣ್ಡಂ ರೋಚೇಸೀ’’ತಿ? ‘‘ನ ಖ್ವಾಹಂ, ಆವುಸೋ, ಕಸ್ಸಚಿ ಪಾಸಣ್ಡಂ ರೋಚೇಮೀ’’ತಿ।
169. Sāvatthinidānaṃ . Atha kho sīsupacālā 2 bhikkhunī pubbaṇhasamayaṃ nivāsetvā …pe… aññatarasmiṃ rukkhamūle divāvihāraṃ nisīdi. Atha kho māro pāpimā yena sīsupacālā bhikkhunī tenupasaṅkami; upasaṅkamitvā sīsupacālaṃ bhikkhuniṃ etadavoca – ‘‘kassa nu tvaṃ, bhikkhuni, pāsaṇḍaṃ rocesī’’ti? ‘‘Na khvāhaṃ, āvuso, kassaci pāsaṇḍaṃ rocemī’’ti.
‘‘ಕಂ ನು ಉದ್ದಿಸ್ಸ ಮುಣ್ಡಾಸಿ, ಸಮಣೀ ವಿಯ ದಿಸ್ಸಸಿ।
‘‘Kaṃ nu uddissa muṇḍāsi, samaṇī viya dissasi;
ನ ಚ ರೋಚೇಸಿ ಪಾಸಣ್ಡಂ, ಕಿಮಿವ ಚರಸಿ ಮೋಮೂಹಾ’’ತಿ॥
Na ca rocesi pāsaṇḍaṃ, kimiva carasi momūhā’’ti.
‘‘ಇತೋ ಬಹಿದ್ಧಾ ಪಾಸಣ್ಡಾ, ದಿಟ್ಠೀಸು ಪಸೀದನ್ತಿ ತೇ।
‘‘Ito bahiddhā pāsaṇḍā, diṭṭhīsu pasīdanti te;
ನ ತೇಸಂ ಧಮ್ಮಂ ರೋಚೇಮಿ, ತೇ ಧಮ್ಮಸ್ಸ ಅಕೋವಿದಾ॥
Na tesaṃ dhammaṃ rocemi, te dhammassa akovidā.
‘‘ಅತ್ಥ್ತ್ಥ್ಥಿ ಸಕ್ಯಕುಲೇ ಜಾತೋ, ಬುದ್ಧೋ ಅಪ್ಪಟಿಪುಗ್ಗಲೋ।
‘‘Atthtththi sakyakule jāto, buddho appaṭipuggalo;
ಸಬ್ಬಾಭಿಭೂ ಮಾರನುದೋ, ಸಬ್ಬತ್ಥಮಪರಾಜಿತೋ॥
Sabbābhibhū māranudo, sabbatthamaparājito.
‘‘ಸಬ್ಬತ್ಥ ಮುತ್ತೋ ಅಸಿತೋ, ಸಬ್ಬಂ ಪಸ್ಸತಿ ಚಕ್ಖುಮಾ।
‘‘Sabbattha mutto asito, sabbaṃ passati cakkhumā;
ಸಬ್ಬಕಮ್ಮಕ್ಖಯಂ ಪತ್ತೋ, ವಿಮುತ್ತೋ ಉಪಧಿಸಙ್ಖಯೇ।
Sabbakammakkhayaṃ patto, vimutto upadhisaṅkhaye;
ಸೋ ಮಯ್ಹಂ ಭಗವಾ ಸತ್ಥಾ, ತಸ್ಸ ರೋಚೇಮಿ ಸಾಸನ’’ನ್ತಿ॥
So mayhaṃ bhagavā satthā, tassa rocemi sāsana’’nti.
ಅಥ ಖೋ ಮಾರೋ ಪಾಪಿಮಾ ‘‘ಜಾನಾತಿ ಮಂ ಸೀಸುಪಚಾಲಾ ಭಿಕ್ಖುನೀ’’ತಿ ದುಕ್ಖೀ ದುಮ್ಮನೋ ತತ್ಥೇವನ್ತರಧಾಯೀತಿ।
Atha kho māro pāpimā ‘‘jānāti maṃ sīsupacālā bhikkhunī’’ti dukkhī dummano tatthevantaradhāyīti.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೮. ಸೀಸುಪಚಾಲಾಸುತ್ತವಣ್ಣನಾ • 8. Sīsupacālāsuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೮. ಸೀಸುಪಚಾಲಾಸುತ್ತವಣ್ಣನಾ • 8. Sīsupacālāsuttavaṇṇanā
