| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
8. ஸீஸுபசாலாஸுத்தவண்ணனா
8. Sīsupacālāsuttavaṇṇanā
169. அட்ட²மே ஸமணீ விய தி³ஸ்ஸஸீதி ஸமணிஸதி³ஸா தி³ஸ்ஸஸி. கிமிவ சரஸி மோமூஹாதி கிங் காரணா மோமூஹா விய சரஸி? இதோ ப³ஹித்³தா⁴தி இமம்ஹா ஸாஸனா ப³ஹி. பாஸங் டெ³ந்தீதி பாஸண்டா³, ஸத்தானங் சித்தேஸு தி³ட்டி²பாஸங் கி²பந்தீதி அத்தோ². ஸாஸனங் பன பாஸே மோசேதி, தஸ்மா பாஸண்டோ³தி ந வுச்சதி, இதோ ப³ஹித்³தா⁴யேவ பாஸண்டா³ ஹொந்தி. பஸீத³ந்தீதி ஸங்ஸீத³ந்தி லக்³க³ந்தி.
169. Aṭṭhame samaṇī viya dissasīti samaṇisadisā dissasi. Kimiva carasi momūhāti kiṃ kāraṇā momūhā viya carasi? Ito bahiddhāti imamhā sāsanā bahi. Pāsaṃ ḍentīti pāsaṇḍā, sattānaṃ cittesu diṭṭhipāsaṃ khipantīti attho. Sāsanaṃ pana pāse moceti, tasmā pāsaṇḍoti na vuccati, ito bahiddhāyeva pāsaṇḍā honti. Pasīdantīti saṃsīdanti lagganti.
இதா³னி ‘‘கங் நு உத்³தி³ஸ்ஸ முண்டா³ஸீ’’தி பஞ்ஹங் கதெ²ந்தீ அத்தி² ஸக்யகுலே ஜாதோதிஆதி³மாஹ. தத்த² ஸப்³பா³பி⁴பூ⁴தி ஸப்³பா³னி க²ந்தா⁴யதனதா⁴துப⁴வயோனிக³திஆதீ³னி அபி⁴ப⁴வித்வா டி²தோ. மரணமாராத³யோ நுதி³ நீஹரீதி மாரனுதோ³. ஸப்³ப³த்த²மபராஜிதோதி ஸப்³பே³ஸு ராகா³தீ³ஸு வா மாரயுத்³தே⁴ வா அஜிதோ. ஸப்³ப³த்த² முத்தோதி ஸப்³பே³ஸு க²ந்தா⁴தீ³ஸு முத்தோ. அஸிதோதி தண்ஹாதி³ட்டி²னிஸ்ஸயேன அனிஸ்ஸிதோ. ஸப்³ப³கம்மக்க²யங் பத்தோதி ஸப்³ப³கம்மக்க²யஸங்கா²தங் அரஹத்தங் பத்தோ. உபதி⁴ஸங்க²யேதி உபதி⁴ஸங்க²யஸங்கா²தே நிப்³பா³னே ஆரம்மணதோ விமுத்தோ. அட்ட²மங்.
Idāni ‘‘kaṃ nu uddissa muṇḍāsī’’ti pañhaṃ kathentī atthi sakyakule jātotiādimāha. Tattha sabbābhibhūti sabbāni khandhāyatanadhātubhavayonigatiādīni abhibhavitvā ṭhito. Maraṇamārādayo nudi nīharīti māranudo. Sabbatthamaparājitoti sabbesu rāgādīsu vā mārayuddhe vā ajito. Sabbattha muttoti sabbesu khandhādīsu mutto. Asitoti taṇhādiṭṭhinissayena anissito. Sabbakammakkhayaṃ pattoti sabbakammakkhayasaṅkhātaṃ arahattaṃ patto. Upadhisaṅkhayeti upadhisaṅkhayasaṅkhāte nibbāne ārammaṇato vimutto. Aṭṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. ஸீஸுபசாலாஸுத்தங் • 8. Sīsupacālāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. ஸீஸுபசாலாஸுத்தவண்ணனா • 8. Sīsupacālāsuttavaṇṇanā
