| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๘. สีสุปจาลาสุตฺตวณฺณนา
8. Sīsupacālāsuttavaṇṇanā
๑๖๙. อฎฺฐเม สมณี วิย ทิสฺสสีติ สมณิสทิสา ทิสฺสสิฯ กิมิว จรสิ โมมูหาติ กิํ การณา โมมูหา วิย จรสิ? อิโต พหิทฺธาติ อิมมฺหา สาสนา พหิฯ ปาสํ เฑนฺตีติ ปาสณฺฑา, สตฺตานํ จิเตฺตสุ ทิฎฺฐิปาสํ ขิปนฺตีติ อโตฺถฯ สาสนํ ปน ปาเส โมเจติ, ตสฺมา ปาสโณฺฑติ น วุจฺจติ, อิโต พหิทฺธาเยว ปาสณฺฑา โหนฺติฯ ปสีทนฺตีติ สํสีทนฺติ ลคฺคนฺติฯ
169. Aṭṭhame samaṇī viya dissasīti samaṇisadisā dissasi. Kimiva carasi momūhāti kiṃ kāraṇā momūhā viya carasi? Ito bahiddhāti imamhā sāsanā bahi. Pāsaṃ ḍentīti pāsaṇḍā, sattānaṃ cittesu diṭṭhipāsaṃ khipantīti attho. Sāsanaṃ pana pāse moceti, tasmā pāsaṇḍoti na vuccati, ito bahiddhāyeva pāsaṇḍā honti. Pasīdantīti saṃsīdanti lagganti.
อิทานิ ‘‘กํ นุ อุทฺทิสฺส มุณฺฑาสี’’ติ ปญฺหํ กเถนฺตี อตฺถิ สกฺยกุเล ชาโตติอาทิมาหฯ ตตฺถ สพฺพาภิภูติ สพฺพานิ ขนฺธายตนธาตุภวโยนิคติอาทีนิ อภิภวิตฺวา ฐิโตฯ มรณมาราทโย นุทิ นีหรีติ มารนุโทฯ สพฺพตฺถมปราชิโตติ สเพฺพสุ ราคาทีสุ วา มารยุเทฺธ วา อชิโตฯ สพฺพตฺถ มุโตฺตติ สเพฺพสุ ขนฺธาทีสุ มุโตฺตฯ อสิโตติ ตณฺหาทิฎฺฐินิสฺสเยน อนิสฺสิโตฯ สพฺพกมฺมกฺขยํ ปโตฺตติ สพฺพกมฺมกฺขยสงฺขาตํ อรหตฺตํ ปโตฺตฯ อุปธิสงฺขเยติ อุปธิสงฺขยสงฺขาเต นิพฺพาเน อารมฺมณโต วิมุโตฺตฯ อฎฺฐมํฯ
Idāni ‘‘kaṃ nu uddissa muṇḍāsī’’ti pañhaṃ kathentī atthi sakyakule jātotiādimāha. Tattha sabbābhibhūti sabbāni khandhāyatanadhātubhavayonigatiādīni abhibhavitvā ṭhito. Maraṇamārādayo nudi nīharīti māranudo. Sabbatthamaparājitoti sabbesu rāgādīsu vā mārayuddhe vā ajito. Sabbattha muttoti sabbesu khandhādīsu mutto. Asitoti taṇhādiṭṭhinissayena anissito. Sabbakammakkhayaṃ pattoti sabbakammakkhayasaṅkhātaṃ arahattaṃ patto. Upadhisaṅkhayeti upadhisaṅkhayasaṅkhāte nibbāne ārammaṇato vimutto. Aṭṭhamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. สีสุปจาลาสุตฺตํ • 8. Sīsupacālāsuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๘. สีสุปจาลาสุตฺตวณฺณนา • 8. Sīsupacālāsuttavaṇṇanā
