| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๘. สีสุปจาลาสุตฺตวณฺณนา
8. Sīsupacālāsuttavaṇṇanā
๑๖๙. สมณิสทิสาติ สมณลิงฺคสฺส ธารเณน สมณิสทิสา, กสฺสจิปิ ปาสณฺฑสฺส อรุจฺจนโต โมนมคฺคสฺส อปฺปฎิปชฺชนโต ตว สมณิภาวํ นานุปสฺสามีติ อธิปฺปาโยฯ ปาสํ เฑนฺตีติ ปาสํ สเชฺชนฺติ, ยถา ตตฺถ ทิฎฺฐิปาเส สตฺตานํ จิตฺตํ ปฎิมุกฺกํ โหติ, เอวํ สเชฺชนฺตีติ อโตฺถฯ ตถาภูตา จ เต สตฺตานํ จิเตฺต ขิตฺตา วิย โหนฺตีติ อาห ‘‘จิเตฺตสุ ทิฎฺฐิปาสํ ขิปนฺตีติ อโตฺถ’’ติฯ ปาเส โมเจตีติ ทิฎฺฐิปาเส สตฺตานํ จิตฺตสนฺตานโต นีหรติ ธมฺมสุธมฺมตายฯ ตสฺมาติ ปาสโมจนโต ปาสโณฺฑติ น วุจฺจติฯ ‘‘อิโต พหิทฺธาเยว ปาสณฺฑา โหนฺตี’’ติ วุตฺตสฺส อตฺถสฺส นิคมนํฯ เอวญฺจ กตฺวา สเพฺพปิ พาหิรกสมเย สนฺธาย จูฬสีหนาทสุเตฺต ‘‘ฉนฺนวุติ ปาสณฺฑา’’ติ วุตฺตํฯ ปสีทนฺตีติ ทิฎฺฐิปเงฺก สํสารปเงฺก จ ปกาเรหิ อคาธา โอสีทนฺติฯ
169.Samaṇisadisāti samaṇaliṅgassa dhāraṇena samaṇisadisā, kassacipi pāsaṇḍassa aruccanato monamaggassa appaṭipajjanato tava samaṇibhāvaṃ nānupassāmīti adhippāyo. Pāsaṃ ḍentīti pāsaṃ sajjenti, yathā tattha diṭṭhipāse sattānaṃ cittaṃ paṭimukkaṃ hoti, evaṃ sajjentīti attho. Tathābhūtā ca te sattānaṃ citte khittā viya hontīti āha ‘‘cittesu diṭṭhipāsaṃ khipantīti attho’’ti. Pāse mocetīti diṭṭhipāse sattānaṃ cittasantānato nīharati dhammasudhammatāya. Tasmāti pāsamocanato pāsaṇḍoti na vuccati. ‘‘Ito bahiddhāyeva pāsaṇḍā hontī’’ti vuttassa atthassa nigamanaṃ. Evañca katvā sabbepi bāhirakasamaye sandhāya cūḷasīhanādasutte ‘‘channavuti pāsaṇḍā’’ti vuttaṃ. Pasīdantīti diṭṭhipaṅke saṃsārapaṅke ca pakārehi agādhā osīdanti.
อภิภวิตฺวาติ สพฺพสํกิเลสปฺปหาเนน อภิภุยฺย อติกฺกมิตฺวาฯ อชิโตติ อชินิ อวิชยตฺตาฯ สพฺพานิ อกุสลกมฺมานิ กุสลกมฺมานิ จ ขีณานิ เอตฺถาติ สพฺพกมฺมกฺขโย, อรหตฺตํฯ อุปธโย สมฺมเทว ขียนฺติ เอตฺถาติ อุปธิสงฺขโย, นิพฺพานํฯ
Abhibhavitvāti sabbasaṃkilesappahānena abhibhuyya atikkamitvā. Ajitoti ajini avijayattā. Sabbāni akusalakammāni kusalakammāni ca khīṇāni etthāti sabbakammakkhayo, arahattaṃ. Upadhayo sammadeva khīyanti etthāti upadhisaṅkhayo, nibbānaṃ.
สีสุปจาลาสุตฺตวณฺณนา นิฎฺฐิตาฯ
Sīsupacālāsuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. สีสุปจาลาสุตฺตํ • 8. Sīsupacālāsuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๘. สีสุปจาลาสุตฺตวณฺณนา • 8. Sīsupacālāsuttavaṇṇanā
