| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਸੀਸੁਪਚਾਲਾਸੁਤ੍ਤવਣ੍ਣਨਾ
8. Sīsupacālāsuttavaṇṇanā
੧੬੯. ਸਮਣਿਸਦਿਸਾਤਿ ਸਮਣਲਿਙ੍ਗਸ੍ਸ ਧਾਰਣੇਨ ਸਮਣਿਸਦਿਸਾ, ਕਸ੍ਸਚਿਪਿ ਪਾਸਣ੍ਡਸ੍ਸ ਅਰੁਚ੍ਚਨਤੋ ਮੋਨਮਗ੍ਗਸ੍ਸ ਅਪ੍ਪਟਿਪਜ੍ਜਨਤੋ ਤવ ਸਮਣਿਭਾવਂ ਨਾਨੁਪਸ੍ਸਾਮੀਤਿ ਅਧਿਪ੍ਪਾਯੋ। ਪਾਸਂ ਡੇਨ੍ਤੀਤਿ ਪਾਸਂ ਸਜ੍ਜੇਨ੍ਤਿ, ਯਥਾ ਤਤ੍ਥ ਦਿਟ੍ਠਿਪਾਸੇ ਸਤ੍ਤਾਨਂ ਚਿਤ੍ਤਂ ਪਟਿਮੁਕ੍ਕਂ ਹੋਤਿ, ਏવਂ ਸਜ੍ਜੇਨ੍ਤੀਤਿ ਅਤ੍ਥੋ। ਤਥਾਭੂਤਾ ਚ ਤੇ ਸਤ੍ਤਾਨਂ ਚਿਤ੍ਤੇ ਖਿਤ੍ਤਾ વਿਯ ਹੋਨ੍ਤੀਤਿ ਆਹ ‘‘ਚਿਤ੍ਤੇਸੁ ਦਿਟ੍ਠਿਪਾਸਂ ਖਿਪਨ੍ਤੀਤਿ ਅਤ੍ਥੋ’’ਤਿ। ਪਾਸੇ ਮੋਚੇਤੀਤਿ ਦਿਟ੍ਠਿਪਾਸੇ ਸਤ੍ਤਾਨਂ ਚਿਤ੍ਤਸਨ੍ਤਾਨਤੋ ਨੀਹਰਤਿ ਧਮ੍ਮਸੁਧਮ੍ਮਤਾਯ। ਤਸ੍ਮਾਤਿ ਪਾਸਮੋਚਨਤੋ ਪਾਸਣ੍ਡੋਤਿ ਨ વੁਚ੍ਚਤਿ। ‘‘ਇਤੋ ਬਹਿਦ੍ਧਾਯੇવ ਪਾਸਣ੍ਡਾ ਹੋਨ੍ਤੀ’’ਤਿ વੁਤ੍ਤਸ੍ਸ ਅਤ੍ਥਸ੍ਸ ਨਿਗਮਨਂ। ਏવਞ੍ਚ ਕਤ੍વਾ ਸਬ੍ਬੇਪਿ ਬਾਹਿਰਕਸਮਯੇ ਸਨ੍ਧਾਯ ਚੂਲ਼ਸੀਹਨਾਦਸੁਤ੍ਤੇ ‘‘ਛਨ੍ਨવੁਤਿ ਪਾਸਣ੍ਡਾ’’ਤਿ વੁਤ੍ਤਂ। ਪਸੀਦਨ੍ਤੀਤਿ ਦਿਟ੍ਠਿਪਙ੍ਕੇ ਸਂਸਾਰਪਙ੍ਕੇ ਚ ਪਕਾਰੇਹਿ ਅਗਾਧਾ ਓਸੀਦਨ੍ਤਿ।
169.Samaṇisadisāti samaṇaliṅgassa dhāraṇena samaṇisadisā, kassacipi pāsaṇḍassa aruccanato monamaggassa appaṭipajjanato tava samaṇibhāvaṃ nānupassāmīti adhippāyo. Pāsaṃ ḍentīti pāsaṃ sajjenti, yathā tattha diṭṭhipāse sattānaṃ cittaṃ paṭimukkaṃ hoti, evaṃ sajjentīti attho. Tathābhūtā ca te sattānaṃ citte khittā viya hontīti āha ‘‘cittesu diṭṭhipāsaṃ khipantīti attho’’ti. Pāse mocetīti diṭṭhipāse sattānaṃ cittasantānato nīharati dhammasudhammatāya. Tasmāti pāsamocanato pāsaṇḍoti na vuccati. ‘‘Ito bahiddhāyeva pāsaṇḍā hontī’’ti vuttassa atthassa nigamanaṃ. Evañca katvā sabbepi bāhirakasamaye sandhāya cūḷasīhanādasutte ‘‘channavuti pāsaṇḍā’’ti vuttaṃ. Pasīdantīti diṭṭhipaṅke saṃsārapaṅke ca pakārehi agādhā osīdanti.
ਅਭਿਭવਿਤ੍વਾਤਿ ਸਬ੍ਬਸਂਕਿਲੇਸਪ੍ਪਹਾਨੇਨ ਅਭਿਭੁਯ੍ਯ ਅਤਿਕ੍ਕਮਿਤ੍વਾ। ਅਜਿਤੋਤਿ ਅਜਿਨਿ ਅવਿਜਯਤ੍ਤਾ। ਸਬ੍ਬਾਨਿ ਅਕੁਸਲਕਮ੍ਮਾਨਿ ਕੁਸਲਕਮ੍ਮਾਨਿ ਚ ਖੀਣਾਨਿ ਏਤ੍ਥਾਤਿ ਸਬ੍ਬਕਮ੍ਮਕ੍ਖਯੋ, ਅਰਹਤ੍ਤਂ। ਉਪਧਯੋ ਸਮ੍ਮਦੇવ ਖੀਯਨ੍ਤਿ ਏਤ੍ਥਾਤਿ ਉਪਧਿਸਙ੍ਖਯੋ, ਨਿਬ੍ਬਾਨਂ।
Abhibhavitvāti sabbasaṃkilesappahānena abhibhuyya atikkamitvā. Ajitoti ajini avijayattā. Sabbāni akusalakammāni kusalakammāni ca khīṇāni etthāti sabbakammakkhayo, arahattaṃ. Upadhayo sammadeva khīyanti etthāti upadhisaṅkhayo, nibbānaṃ.
ਸੀਸੁਪਚਾਲਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sīsupacālāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਸੀਸੁਪਚਾਲਾਸੁਤ੍ਤਂ • 8. Sīsupacālāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਸੀਸੁਪਚਾਲਾਸੁਤ੍ਤવਣ੍ਣਨਾ • 8. Sīsupacālāsuttavaṇṇanā
