| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. сийд̇аванияад̇т̇зраг̇аат̇ааван̣н̣анаа
6. Sītavaniyattheragāthāvaṇṇanā
яо сийд̇авананд̇и ааяасмад̇о самбхууд̇ад̇т̇зрасса г̇аат̇аа. гаа уббад̇д̇и? ид̇о гира адтаарасаад̇хигасса габбасад̇асса мад̇т̇агз ад̇т̇ад̣̇ассий наама самб̣уд̣̇д̇хо логз уббаж̇ж̇ид̇ваа сад̣̇звагам̣ логам̣ сам̣саарамахогхад̇о д̇аарзнд̇о згад̣̇ивасам̣ махад̇аа бхигкусан̇гхзна сад̣̇д̇хим̣ г̇ан̇г̇аад̇ийрам̣ убаг̇ажчи. д̇асмим̣ гаалз аяам̣ г̇ахабад̇игулз ниб̣б̣ад̇д̇о д̇ад̇т̇а бхаг̇аванд̇ам̣ бассид̇ваа басаннамаанасо убасан̇гамид̇ваа ванд̣̇ид̇ваа ‘‘гим̣, бханд̇з, баарам̣ г̇анд̇угаамад̇т̇аа’’д̇и бужчи. бхаг̇аваа ‘‘г̇амиссаамаа’’д̇и авожа. со д̇аавад̣̇зва нааваасан̇гхаадам̣ яож̇зд̇ваа убанзси. сад̇т̇аа д̇ам̣ анугамбанд̇о саха бхигкусан̇гхзна наавам̣ абхирухи. со саяамби абхируяха сукзнзва барад̇ийрам̣ самбаабзд̇ваа бхаг̇аванд̇ам̣ бхигкусан̇гхан̃жа д̣̇уд̇ияад̣̇ивасз махаад̣̇аанам̣ бавад̇д̇зд̇ваа ануг̇анд̇ваа басаннажид̇д̇о ванд̣̇ид̇ваа нивад̇д̇и. со д̇зна бун̃н̃агаммзна д̣̇звамануссзсу сам̣сарид̇ваа ид̇о д̇зрасаад̇хигагаббасад̇асса мад̇т̇агз кад̇д̇ияагулз ниб̣б̣ад̇д̇ид̇ваа рааж̇аа ахоси жаггавад̇д̇ий д̇хаммиго д̇хаммарааж̇аа. со сад̇д̇з суг̇ад̇имаг̇г̇з бад̇идтаабзд̇ваа д̇ад̇о жуд̇о зганавуд̇игаббз вибассисса бхаг̇авад̇о саасанз баб̣б̣аж̇ид̇ваа д̇худ̇ад̇хаммз самаад̣̇ааяа сусаанз васанд̇о саман̣ад̇хаммам̣ агааси. буна гассабасса бхаг̇авад̇о гаалзби д̇асса саасанз д̇ийхи сахааязхи сад̣̇д̇хим̣ баб̣б̣аж̇ид̇ваа вийсад̇ивассасахассаани саман̣ад̇хаммам̣ гад̇ваа згам̣ б̣уд̣̇д̇ханд̇арам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з рааж̇аг̇ахз б̣раахман̣амахаасааласса буд̇д̇о худ̇ваа ниб̣б̣ад̇д̇и. д̇асса ‘‘самбхууд̇о’’д̇и наамам̣ агам̣су. со ваяаббад̇д̇о б̣раахман̣асиббзсу нибпад̇д̇им̣ г̇ад̇о. бхуумиж̇о ж̇зяяасзно абхираад̇ханод̇и д̇ийхи сахааязхи сад̣̇д̇хим̣ бхаг̇авад̇о санд̇игам̣ г̇ад̇о д̇хаммад̣̇зсанам̣ суд̇ваа бадилад̣̇д̇хасад̣̇д̇хо баб̣б̣аж̇и. яз санд̇хааяа вуд̇д̇ам̣ –
Yo sītavananti āyasmato sambhūtattherassa gāthā. Kā uppatti? Ito kira aṭṭhārasādhikassa kappasatassa matthake atthadassī nāma sambuddho loke uppajjitvā sadevakaṃ lokaṃ saṃsāramahoghato tārento ekadivasaṃ mahatā bhikkhusaṅghena saddhiṃ gaṅgātīraṃ upagacchi. Tasmiṃ kāle ayaṃ gahapatikule nibbatto tattha bhagavantaṃ passitvā pasannamānaso upasaṅkamitvā vanditvā ‘‘kiṃ, bhante, pāraṃ gantukāmatthā’’ti pucchi. Bhagavā ‘‘gamissāmā’’ti avoca. So tāvadeva nāvāsaṅghāṭaṃ yojetvā upanesi. Satthā taṃ anukampanto saha bhikkhusaṅghena nāvaṃ abhiruhi. So sayampi abhiruyha sukheneva paratīraṃ sampāpetvā bhagavantaṃ bhikkhusaṅghañca dutiyadivase mahādānaṃ pavattetvā anugantvā pasannacitto vanditvā nivatti. So tena puññakammena devamanussesu saṃsaritvā ito terasādhikakappasatassa matthake khattiyakule nibbattitvā rājā ahosi cakkavattī dhammiko dhammarājā. So satte sugatimagge patiṭṭhāpetvā tato cuto ekanavutikappe vipassissa bhagavato sāsane pabbajitvā dhutadhamme samādāya susāne vasanto samaṇadhammaṃ akāsi. Puna kassapassa bhagavato kālepi tassa sāsane tīhi sahāyehi saddhiṃ pabbajitvā vīsativassasahassāni samaṇadhammaṃ katvā ekaṃ buddhantaraṃ devamanussesu saṃsaritvā imasmiṃ buddhuppāde rājagahe brāhmaṇamahāsālassa putto hutvā nibbatti. Tassa ‘‘sambhūto’’ti nāmaṃ akaṃsu. So vayappatto brāhmaṇasippesu nipphattiṃ gato. Bhūmijo jeyyaseno abhirādhanoti tīhi sahāyehi saddhiṃ bhagavato santikaṃ gato dhammadesanaṃ sutvā paṭiladdhasaddho pabbaji. Ye sandhāya vuttaṃ –
‘‘бхуумиж̇о ж̇зяяасзно жа, самбхууд̇о абхираад̇хано;
‘‘Bhūmijo jeyyaseno ca, sambhūto abhirādhano;
зд̇з д̇хаммам̣ абхин̃н̃аасум̣, саасанз варад̇аад̣̇ино’’д̇и.
Ete dhammaṃ abhiññāsuṃ, sāsane varatādino’’ti.
ат̇а самбхууд̇о бхаг̇авад̇о санд̇игз гааяаг̇ад̇аасад̇игаммадтаанам̣ г̇ахзд̇ваа ниб̣ад̣̇д̇хам̣ сийд̇аванз васад̇и. д̇знзвааяасмаа ‘‘сийд̇аванияо’’д̇и бан̃н̃ааяид̇т̇а. д̇зна жа самаязна взссаван̣о махаарааж̇аа гзнажид̣̇зва гаран̣ийязна ж̇амб̣уд̣̇ийбз д̣̇агкин̣ад̣̇исаабхааг̇ам̣ уд̣̇д̣̇исса аагаасзна г̇ажчанд̇о т̇зрам̣ аб̣бхогаасз нисийд̣̇ид̇ваа гаммадтаанам̣ манасигаронд̇ам̣ д̣̇исваа вимаанад̇о оруяха т̇зрам̣ ванд̣̇ид̇ваа, ‘‘яад̣̇аа т̇зро самаад̇хид̇о вудтахиссад̇и, д̇ад̣̇аа мама ааг̇аманам̣ аарожзт̇а, аарагкан̃жасса гарот̇аа’’д̇и д̣̇вз яагкз аан̣аабзд̇ваа баггаами. д̇з т̇зрасса самийбз тад̇ваа манасигаарам̣ бадисам̣харид̇ваа нисиннагаалз аарожзсум̣. д̇ам̣ суд̇ваа т̇зро ‘‘д̇умхз мама важанзна взссаван̣амахаарааж̇асса гат̇зт̇а, бхаг̇авад̇аа ад̇д̇ано саасанз тид̇аанам̣ сад̇иаарагкаа наама табид̇аа ад̇т̇и, сааязва маад̣̇исз рагкад̇и, д̇вам̣ д̇ад̇т̇а аббоссугго хохи, бхаг̇авад̇о оваад̣̇з тид̇аанам̣ зд̣̇исааяа аарагкааяа гаран̣ийяам̣ над̇т̇ий’’д̇и д̇з виссаж̇ж̇зд̇ваа д̇аавад̣̇зва вибассанам̣ вад̣дхзд̇ваа виж̇ж̇аад̇д̇аяам̣ сажчаагааси. д̇ад̇о взссаван̣о нивад̇д̇амаано т̇зрасса самийбам̣ бад̇ваа мукаагаарасаллагкан̣знзвасса гад̇агижжабхаавам̣ н̃ад̇ваа саавад̇т̇им̣ г̇анд̇ваа бхаг̇авад̇о аарожзд̇ваа сад̇т̇у саммукаа т̇зрам̣ абхид̇т̇аванд̇о –
Atha sambhūto bhagavato santike kāyagatāsatikammaṭṭhānaṃ gahetvā nibaddhaṃ sītavane vasati. Tenevāyasmā ‘‘sītavaniyo’’ti paññāyittha. Tena ca samayena vessavaṇo mahārājā kenacideva karaṇīyena jambudīpe dakkhiṇadisābhāgaṃ uddissa ākāsena gacchanto theraṃ abbhokāse nisīditvā kammaṭṭhānaṃ manasikarontaṃ disvā vimānato oruyha theraṃ vanditvā, ‘‘yadā thero samādhito vuṭṭhahissati, tadā mama āgamanaṃ ārocetha, ārakkhañcassa karothā’’ti dve yakkhe āṇāpetvā pakkāmi. Te therassa samīpe ṭhatvā manasikāraṃ paṭisaṃharitvā nisinnakāle ārocesuṃ. Taṃ sutvā thero ‘‘tumhe mama vacanena vessavaṇamahārājassa kathetha, bhagavatā attano sāsane ṭhitānaṃ satiārakkhā nāma ṭhapitā atthi, sāyeva mādise rakkhati, tvaṃ tattha appossukko hohi, bhagavato ovāde ṭhitānaṃ edisāya ārakkhāya karaṇīyaṃ natthī’’ti te vissajjetvā tāvadeva vipassanaṃ vaḍḍhetvā vijjāttayaṃ sacchākāsi. Tato vessavaṇo nivattamāno therassa samīpaṃ patvā mukhākārasallakkhaṇenevassa katakiccabhāvaṃ ñatvā sāvatthiṃ gantvā bhagavato ārocetvā satthu sammukhā theraṃ abhitthavanto –
‘‘сад̇иаарагкасамбанно, д̇хид̇имаа вийрияасамаахид̇о;
‘‘Satiārakkhasampanno, dhitimā vīriyasamāhito;
ануж̇аад̇о сад̇т̇у самбхууд̇о, д̇звиж̇ж̇о мажжубаараг̇уу’’д̇и. –
Anujāto satthu sambhūto, tevijjo maccupāragū’’ti. –
имааяа г̇аат̇ааяа т̇зрасса г̇ун̣з ван̣н̣зси. д̇зна вуд̇д̇ам̣ абад̣̇аанз (аба. т̇зра 1.21.15-20) –
Imāya gāthāya therassa guṇe vaṇṇesi. Tena vuttaṃ apadāne (apa. thera 1.21.15-20) –
‘‘ад̇т̇ад̣̇ассий д̇у бхаг̇аваа, д̣̇вибад̣̇инд̣̇о нараасабхо;
‘‘Atthadassī tu bhagavā, dvipadindo narāsabho;
бурагкад̇о саавагзхи, г̇ан̇г̇аад̇ийрамубааг̇ами.
Purakkhato sāvakehi, gaṅgātīramupāgami.
‘‘самад̇ид̇д̇и гаагабзяяаа, г̇ан̇г̇аа ааси д̣̇уруд̇д̇араа;
‘‘Samatitti kākapeyyā, gaṅgā āsi duruttarā;
уд̇д̇аараяим̣ бхигкусан̇гхам̣, б̣уд̣̇д̇хан̃жа д̣̇вибад̣̇уд̇д̇амам̣.
Uttārayiṃ bhikkhusaṅghaṃ, buddhañca dvipaduttamaṃ.
‘‘адтаарасз габбасад̇з, яам̣ гаммамагарим̣ д̇ад̣̇аа;
‘‘Aṭṭhārase kappasate, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, д̇аран̣ааяа ид̣̇ам̣ палам̣.
Duggatiṃ nābhijānāmi, taraṇāya idaṃ phalaṃ.
‘‘д̇зрасзд̇о габбасад̇з, бан̃жа саб̣б̣обхаваа ахум̣;
‘‘Teraseto kappasate, pañca sabbobhavā ahuṃ;
сад̇д̇арад̇анасамбаннаа, жаггавад̇д̇ий махаб̣б̣алаа.
Sattaratanasampannā, cakkavattī mahabbalā.
‘‘бажчимз жа бхавз асмим̣, ж̇аад̇охам̣ б̣раахман̣з гулз;
‘‘Pacchime ca bhave asmiṃ, jātohaṃ brāhmaṇe kule;
сад̣̇д̇хим̣ д̇ийхи сахааязхи, баб̣б̣аж̇им̣ сад̇т̇у саасанз.
Saddhiṃ tīhi sahāyehi, pabbajiṃ satthu sāsane.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
ат̇ааяасмаа самбхууд̇о бхаг̇аванд̇ам̣ д̣̇ассанааяа г̇ажчанд̇з бхигкуу д̣̇исваа ‘‘аавусо, мама важанзна бхаг̇авад̇о баад̣̇з сирасаа ванд̣̇ат̇а, зван̃жа вад̣̇зт̇аа’’д̇и вад̇ваа д̇хаммаад̇хигаран̣ам̣ ад̇д̇ано сад̇т̇у авихзтид̇абхаавам̣ багаасзнд̇о ‘‘яо сийд̇авана’’нд̇и г̇аат̇амааха. д̇з бхигкуу бхаг̇аванд̇ам̣ убасан̇гамид̇ваа ванд̣̇ид̇ваа самбхууд̇ад̇т̇зрасса саасанам̣ самбавзд̣̇знд̇аа, ‘‘ааяасмаа, бханд̇з, самбхууд̇о бхаг̇авад̇о баад̣̇з сирасаа ванд̣̇ад̇и, зван̃жа вад̣̇ад̇ий’’д̇и вад̇ваа д̇ам̣ г̇аат̇ам̣ аарожзсум̣, д̇ам̣ суд̇ваа бхаг̇аваа ‘‘бан̣д̣ид̇о, бхигкавз, самбхууд̇о бхигку бажжабаад̣̇и д̇хаммассаануд̇хаммам̣, на жа мам̣ д̇хаммаад̇хигаран̣ам̣ вихзтзд̇и. взссаван̣зна д̇ассад̇т̇о маяхам̣ аарожид̇аа’’д̇и ааха.
Athāyasmā sambhūto bhagavantaṃ dassanāya gacchante bhikkhū disvā ‘‘āvuso, mama vacanena bhagavato pāde sirasā vandatha, evañca vadethā’’ti vatvā dhammādhikaraṇaṃ attano satthu aviheṭhitabhāvaṃ pakāsento ‘‘yo sītavana’’nti gāthamāha. Te bhikkhū bhagavantaṃ upasaṅkamitvā vanditvā sambhūtattherassa sāsanaṃ sampavedentā, ‘‘āyasmā, bhante, sambhūto bhagavato pāde sirasā vandati, evañca vadatī’’ti vatvā taṃ gāthaṃ ārocesuṃ, taṃ sutvā bhagavā ‘‘paṇḍito, bhikkhave, sambhūto bhikkhu paccapādi dhammassānudhammaṃ, na ca maṃ dhammādhikaraṇaṃ viheṭheti. Vessavaṇena tassattho mayhaṃ ārocitā’’ti āha.
6. яам̣ бана д̇з бхигкуу самбхууд̇ад̇т̇зрзна вуд̇д̇ам̣ ‘‘яо сийд̇авана’’нд̇и г̇аат̇ам̣ сад̇т̇у нивзд̣̇зсум̣. д̇ад̇т̇а сийд̇авананд̇и звам̣наамагам̣ рааж̇аг̇ахасамийбз маханд̇ам̣ бхзравасусаанаванам̣. убаг̇аад̇и ниваасанавасзна убаг̇ажчи. зд̇зна бхаг̇авад̇аа анун̃н̃аад̇ам̣ баб̣б̣аж̇ид̇аануруубам̣ ниваасанадтаанам̣ д̣̇ассзд̇и. бхигкууд̇и сам̣саарабхаяасса игканад̇о бхиннагилзсад̇ааяа жа бхигку. згод̇и ад̣̇уд̇ияо, зд̇зна гааяавивзгам̣ д̣̇ассзд̇и. санд̇усид̇од̇и санд̇удто. зд̇зна жад̇убажжаяасанд̇осалагкан̣ам̣ арияавам̣сам̣ д̣̇ассзд̇и. самаахид̇ад̇д̇од̇и убажаараббанаабхзд̣̇зна самаад̇хинаа самаахид̇ажид̇д̇о, зд̇зна жид̇д̇авивзгабхааванаамукзна бхааванаараамам̣ арияавам̣сам̣ д̣̇ассзд̇и. виж̇ид̇аавийд̇и саасанз саммаабадибаж̇ж̇анд̇зна виж̇зд̇аб̣б̣ам̣ гилзсаг̇ан̣ам̣ виж̇ид̇ваа тид̇о, зд̇зна убад̇хививзгам̣ д̣̇ассзд̇и. бхаяахзд̇уунам̣ гилзсаанам̣ абаг̇ад̇ад̇д̇аа абзд̇аломахам̣со, зд̇зна саммаабадибад̇д̇ияаа палам̣ д̣̇ассзд̇и. рагканд̇и рагканд̇о. гааяаг̇ад̇аасад̇инд̇и гааяаарамман̣ам̣ сад̇им̣, гааяаг̇ад̇аасад̇игаммадтаанам̣ бариб̣рууханавасзна ависсаж̇ж̇знд̇о. д̇хид̇имаад̇и д̇хийро, самаахид̇ад̇д̇ам̣ виж̇ид̇аавибхаавад̇ам̣ ваа убаад̣̇ааяа бадибад̇д̇ид̣̇ассанамзд̇ам̣. аяан̃хзд̇т̇а сан̇кзбад̇т̇о – со бхигку вивзгасукаанубзгкааяа зго сийд̇аванам̣ убааг̇ами, убааг̇ад̇о жа лолабхааваабхаавад̇о санд̇удто д̇хид̇имаа гааяаг̇ад̇аасад̇игаммадтаанам̣ бхаавзнд̇о д̇ат̇аад̇хиг̇ад̇ам̣ жхаанам̣ баад̣̇агам̣ гад̇ваа аарад̣̇д̇хавибассанам̣ уссуггаабзд̇ваа ад̇хиг̇ад̇зна аг̇г̇амаг̇г̇зна самаахид̇о виж̇ид̇аавий жа худ̇ваа гад̇агижжад̇ааяа бхаяахзд̇уунам̣ саб̣б̣асо абаг̇ад̇ад̇д̇аа абзд̇аломахам̣со ж̇аад̇од̇и.
6. Yaṃ pana te bhikkhū sambhūtattherena vuttaṃ ‘‘yo sītavana’’nti gāthaṃ satthu nivedesuṃ. Tattha sītavananti evaṃnāmakaṃ rājagahasamīpe mahantaṃ bheravasusānavanaṃ. Upagāti nivāsanavasena upagacchi. Etena bhagavatā anuññātaṃ pabbajitānurūpaṃ nivāsanaṭṭhānaṃ dasseti. Bhikkhūti saṃsārabhayassa ikkhanato bhinnakilesatāya ca bhikkhu. Ekoti adutiyo, etena kāyavivekaṃ dasseti. Santusitoti santuṭṭho. Etena catupaccayasantosalakkhaṇaṃ ariyavaṃsaṃ dasseti. Samāhitattoti upacārappanābhedena samādhinā samāhitacitto, etena cittavivekabhāvanāmukhena bhāvanārāmaṃ ariyavaṃsaṃ dasseti. Vijitāvīti sāsane sammāpaṭipajjantena vijetabbaṃ kilesagaṇaṃ vijitvā ṭhito, etena upadhivivekaṃ dasseti. Bhayahetūnaṃ kilesānaṃ apagatattā apetalomahaṃso, etena sammāpaṭipattiyā phalaṃ dasseti. Rakkhanti rakkhanto. Kāyagatāsatinti kāyārammaṇaṃ satiṃ, kāyagatāsatikammaṭṭhānaṃ paribrūhanavasena avissajjento. Dhitimāti dhīro, samāhitattaṃ vijitāvibhāvataṃ vā upādāya paṭipattidassanametaṃ. Ayañhettha saṅkhepattho – so bhikkhu vivekasukhānupekkhāya eko sītavanaṃ upāgami, upāgato ca lolabhāvābhāvato santuṭṭho dhitimā kāyagatāsatikammaṭṭhānaṃ bhāvento tathādhigataṃ jhānaṃ pādakaṃ katvā āraddhavipassanaṃ ussukkāpetvā adhigatena aggamaggena samāhito vijitāvī ca hutvā katakiccatāya bhayahetūnaṃ sabbaso apagatattā apetalomahaṃso jātoti.
сийд̇аванияад̇т̇зраг̇аат̇ааван̣н̣анаа нидтид̇аа.
Sītavaniyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 6. сийд̇аванияад̇т̇зраг̇аат̇аа • 6. Sītavaniyattheragāthā
