| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
9. сийд̇иваг̇г̇о
9. Sītivaggo
1. сийд̇ибхаавасуд̇д̇аван̣н̣анаа
1. Sītibhāvasuttavaṇṇanā
85. навамасса батамз сийд̇ибхааванд̇и ниб̣б̣аанам̣, гилзсавуубасамам̣ ваа. ниг̇г̇ан̣хаад̇ийд̇и ажжаарад̣̇д̇хавийрияад̇аад̣̇ийхи уд̣̇д̇хад̇ам̣ жид̇д̇ам̣ уд̣̇д̇хажжабагкад̇о рагкан̣авасзна ниг̇г̇ан̣хаад̇и. баг̇г̇ан̣хаад̇ийд̇и ад̇исит̇илавийрияад̇аад̣̇ийхи лийнам̣ жид̇д̇ам̣ госаж̇ж̇абаад̇ад̇о рагкан̣авасзна баг̇г̇ан̣хаад̇и. самбахам̣сзд̇ийд̇и самаббавад̇д̇ажид̇д̇ам̣ д̇ат̇аабавад̇д̇ияам̣ бан̃н̃ааяа д̇осзд̇и уд̇д̇зж̇зд̇и ваа. яад̣̇аа ваа бан̃н̃аабаяог̇аманд̣̇ад̇ааяа убасамасукаанад̇хиг̇амзна ваа нирассаад̣̇ам̣ жид̇д̇ам̣ бхааванааяа на багканд̣̇ад̇и, д̇ад̣̇аа ж̇аад̇иаад̣̇ийни сам̣взг̇авад̇т̇ууни бажжавзгкид̇ваа самбахам̣сзд̇и самуд̇д̇зж̇зд̇и. аж̇жхубзгкад̇ийд̇и яад̣̇аа бана жид̇д̇ам̣ алийнам̣ ануд̣̇д̇хад̇ам̣ анирассаад̣̇ам̣ аарамман̣з самаббавад̇д̇ам̣ саммад̣̇зва бхааванаавийд̇им̣ од̇ин̣н̣ам̣ ход̇и, д̇ад̣̇аа баг̇г̇аханиг̇г̇ахасамбахам̣санзсу гин̃жи б̣яаабаарам̣ агад̇ваа самаббавад̇д̇зсу ассзсу саарат̇ий вияа аж̇жхубзгкад̇и, убзгкагова ход̇и. бан̣ийд̇аад̇химуд̇д̇игод̇и бан̣ийд̇з уд̇д̇амз маг̇г̇апалз ад̇химуд̇д̇о ниннабон̣абаб̣бхааро.
85. Navamassa paṭhame sītibhāvanti nibbānaṃ, kilesavūpasamaṃ vā. Niggaṇhātīti accāraddhavīriyatādīhi uddhataṃ cittaṃ uddhaccapakkhato rakkhaṇavasena niggaṇhāti. Paggaṇhātīti atisithilavīriyatādīhi līnaṃ cittaṃ kosajjapātato rakkhaṇavasena paggaṇhāti. Sampahaṃsetīti samappavattacittaṃ tathāpavattiyaṃ paññāya toseti uttejeti vā. Yadā vā paññāpayogamandatāya upasamasukhānadhigamena vā nirassādaṃ cittaṃ bhāvanāya na pakkhandati, tadā jātiādīni saṃvegavatthūni paccavekkhitvā sampahaṃseti samuttejeti. Ajjhupekkhatīti yadā pana cittaṃ alīnaṃ anuddhataṃ anirassādaṃ ārammaṇe samappavattaṃ sammadeva bhāvanāvītiṃ otiṇṇaṃ hoti, tadā paggahaniggahasampahaṃsanesu kiñci byāpāraṃ akatvā samappavattesu assesu sārathī viya ajjhupekkhati, upekkhakova hoti. Paṇītādhimuttikoti paṇīte uttame maggaphale adhimutto ninnapoṇapabbhāro.
сийд̇ибхаавасуд̇д̇аван̣н̣анаа нидтид̇аа.
Sītibhāvasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. сийд̇ибхаавасуд̇д̇ам̣ • 1. Sītibhāvasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. сийд̇ибхаавасуд̇д̇аван̣н̣анаа • 1. Sītibhāvasuttavaṇṇanā
