| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. сивагасааман̣зраг̇аат̇ааван̣н̣анаа
4. Sivakasāmaṇeragāthāvaṇṇanā
убаж̇жхааяод̇и сивагасса сааман̣зрасса г̇аат̇аа. гаа уббад̇д̇и? со гира ид̇о згад̇им̣сз габбз взссабхусса бхаг̇авад̇о гаалз гулаг̇зхз ниб̣б̣ад̇д̇о згад̣̇ивасам̣ гзнажид̣̇зва гаран̣ийязна аран̃н̃ам̣ бавидто д̇ад̇т̇а баб̣б̣ад̇анд̇арз нисиннам̣ взссабхум̣ бхаг̇аванд̇ам̣ д̣̇исваа басаннажид̇д̇о убасан̇гамид̇ваа ванд̣̇ид̇ваа ан̃ж̇алим̣ баг̇г̇аяха адтааси. буна д̇ад̇т̇а манохараани гаасумааригапалаани д̣̇исваа д̇аани г̇ахзд̇ваа бхаг̇авад̇о убанзси, бадиг̇г̇ахзси бхаг̇аваа анугамбам̣ убаад̣̇ааяа. со д̇зна бун̃н̃агаммзна д̣̇звамануссзсу сам̣саранд̇о гассабасса бхаг̇авад̇о саасанз маад̇улз баб̣б̣аж̇анд̇з д̇зна сад̣̇д̇хим̣ баб̣б̣аж̇ид̇ваа б̣ахум̣ виваддуубаниссаяам̣ гусалам̣ убажинид̇ваа имасмим̣ б̣уд̣̇д̇хуббаад̣̇з ванаважчад̇т̇зрасса бхааг̇инзяяо худ̇ваа ниб̣б̣ад̇д̇о, сивагод̇исса наамам̣ ахоси. д̇асса маад̇аа ад̇д̇ано ж̇здтабхаад̇игз ванаважчз саасанз баб̣б̣аж̇ид̇ваа баб̣б̣аж̇ид̇агижжам̣ мад̇т̇агам̣ баабзд̇ваа аран̃н̃з вихаранд̇з д̇ам̣ бавад̇д̇им̣ суд̇ваа буд̇д̇ам̣ ааха – ‘‘д̇аад̇а сивага, т̇зрасса санд̇игз баб̣б̣аж̇ид̇ваа т̇зрам̣ убадтаха, махаллаго д̣̇аани т̇зро’’д̇и. со маад̇у згаважанзнзва жа буб̣б̣з гад̇аад̇хигаарад̇ааяа жа маад̇улад̇т̇зрасса санд̇игам̣ г̇анд̇ваа баб̣б̣аж̇ид̇ваа д̇ам̣ убадтаханд̇о аран̃н̃з васад̇и.
Upajjhāyoti sivakassa sāmaṇerassa gāthā. Kā uppatti? So kira ito ekatiṃse kappe vessabhussa bhagavato kāle kulagehe nibbatto ekadivasaṃ kenacideva karaṇīyena araññaṃ paviṭṭho tattha pabbatantare nisinnaṃ vessabhuṃ bhagavantaṃ disvā pasannacitto upasaṅkamitvā vanditvā añjaliṃ paggayha aṭṭhāsi. Puna tattha manoharāni kāsumārikaphalāni disvā tāni gahetvā bhagavato upanesi, paṭiggahesi bhagavā anukampaṃ upādāya. So tena puññakammena devamanussesu saṃsaranto kassapassa bhagavato sāsane mātule pabbajante tena saddhiṃ pabbajitvā bahuṃ vivaṭṭūpanissayaṃ kusalaṃ upacinitvā imasmiṃ buddhuppāde vanavacchattherassa bhāgineyyo hutvā nibbatto, sivakotissa nāmaṃ ahosi. Tassa mātā attano jeṭṭhabhātike vanavacche sāsane pabbajitvā pabbajitakiccaṃ matthakaṃ pāpetvā araññe viharante taṃ pavattiṃ sutvā puttaṃ āha – ‘‘tāta sivaka, therassa santike pabbajitvā theraṃ upaṭṭhaha, mahallako dāni thero’’ti. So mātu ekavacaneneva ca pubbe katādhikāratāya ca mātulattherassa santikaṃ gantvā pabbajitvā taṃ upaṭṭhahanto araññe vasati.
д̇асса згад̣̇ивасам̣ гзнажид̣̇зва гаран̣ийязна г̇ааманд̇ам̣ г̇ад̇асса каро ааб̣аад̇хо уббаж̇ж̇и. мануссзсу бхзсаж̇ж̇ам̣ гаронд̇зсуби на бадиббассамбхи. д̇асмим̣ жирааяанд̇з т̇зро ‘‘сааман̣зро жирааяад̇и, гим̣ ну ко гааран̣а’’нд̇и д̇ад̇т̇а г̇анд̇ваа д̇ам̣ г̇илаанам̣ д̣̇исваа д̇асса д̇ам̣ д̇ам̣ гад̇д̇аб̣б̣аяуд̇д̇агам̣ гаронд̇о д̣̇ивасабхааг̇ам̣ вийд̇инаамзд̇ваа рад̇д̇ибхааг̇з б̣алавабажжуусавзлааяам̣ ааха – ‘‘сивага, на маяаа баб̣б̣аж̇ид̇агаалад̇о бадтааяа г̇аамз васид̇абуб̣б̣ам̣, ид̇о аран̃н̃амзва г̇ажчаамаа’’д̇и. д̇ам̣ суд̇ваа сиваго ‘‘яад̣̇иби мз, бханд̇з, ид̣̇аани гааяо г̇ааманд̇з тид̇о, жид̇д̇ам̣ бана аран̃н̃з, д̇асмаа саяааноби аран̃н̃амзва г̇амиссаамий’’д̇и, д̇ам̣ суд̇ваа т̇зро д̇ам̣ б̣аахааяам̣ г̇ахзд̇ваа аран̃н̃амзва нзд̇ваа оваад̣̇ам̣ ад̣̇ааси. со т̇зрасса оваад̣̇з тад̇ваа вибассид̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.38.53-58) –
Tassa ekadivasaṃ kenacideva karaṇīyena gāmantaṃ gatassa kharo ābādho uppajji. Manussesu bhesajjaṃ karontesupi na paṭippassambhi. Tasmiṃ cirāyante thero ‘‘sāmaṇero cirāyati, kiṃ nu kho kāraṇa’’nti tattha gantvā taṃ gilānaṃ disvā tassa taṃ taṃ kattabbayuttakaṃ karonto divasabhāgaṃ vītināmetvā rattibhāge balavapaccūsavelāyaṃ āha – ‘‘sivaka, na mayā pabbajitakālato paṭṭhāya gāme vasitapubbaṃ, ito araññameva gacchāmā’’ti. Taṃ sutvā sivako ‘‘yadipi me, bhante, idāni kāyo gāmante ṭhito, cittaṃ pana araññe, tasmā sayānopi araññameva gamissāmī’’ti, taṃ sutvā thero taṃ bāhāyaṃ gahetvā araññameva netvā ovādaṃ adāsi. So therassa ovāde ṭhatvā vipassitvā arahattaṃ pāpuṇi. Tena vuttaṃ apadāne (apa. thera 1.38.53-58) –
‘‘ган̣игаарам̣ва ж̇од̇анд̇ам̣, нисиннам̣ баб̣б̣ад̇анд̇арз;
‘‘Kaṇikāraṃva jotantaṃ, nisinnaṃ pabbatantare;
ад̣̇д̣̇асам̣ вираж̇ам̣ б̣уд̣̇д̇хам̣, логаж̇здтам̣ нараасабхам̣.
Addasaṃ virajaṃ buddhaṃ, lokajeṭṭhaṃ narāsabhaṃ.
‘‘басаннажид̇д̇о сумано, гирз гад̇ваана ан̃ж̇алим̣;
‘‘Pasannacitto sumano, kire katvāna añjaliṃ;
гаасумааригамаад̣̇ааяа, б̣уд̣̇д̇хасздтассад̣̇аасахам̣.
Kāsumārikamādāya, buddhaseṭṭhassadāsahaṃ.
‘‘згад̇им̣сз ид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Ekatiṃse ito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
со арахад̇д̇ам̣ бад̇ваа убаж̇жхааязна ад̇д̇анаа жа вуд̇д̇амад̇т̇ам̣ сам̣санд̣̇ид̇ваа ад̇д̇ано вивзгаабхирад̇игад̇ам̣ гад̇агижжад̇ан̃жа бавзд̣̇знд̇о ‘‘убаж̇жхааяо мам̣ аважаа’’д̇и г̇аат̇ам̣ абхааси.
So arahattaṃ patvā upajjhāyena attanā ca vuttamatthaṃ saṃsanditvā attano vivekābhiratikataṃ katakiccatañca pavedento ‘‘upajjhāyo maṃ avacā’’ti gāthaṃ abhāsi.
14. д̇ад̇т̇а убаж̇жхааяод̇и важ̇ж̇ааваж̇ж̇ам̣ убаниж̇жхааяад̇и хид̇зсид̇ам̣ бажжубадтабзд̇ваа н̃аан̣ажагкунаа бзгкад̇ийд̇и убаж̇жхааяо. манд̇и ад̇д̇аанам̣ вад̣̇ад̇и. аважаад̇и абхааси. ид̇о г̇ажчаама сийвагаад̇и вуд̇д̇аагаарад̣̇ассанам̣, сивага, ид̇о г̇ааманд̇ад̇о аран̃н̃адтаанамзва зхи г̇ажчаама, д̇ад̣̇зва амхаагам̣ васанаяог̇г̇анд̇и ад̇хиббааяо. звам̣ бана убаж̇жхааязна вуд̇д̇о сиваго бхад̣̇ро ассааж̇аанийяо вияа гасаабхихад̇о сан̃ж̇аад̇асам̣взг̇о худ̇ваа аран̃н̃амзва г̇анд̇угаамад̇ам̣ бавзд̣̇знд̇о –
14. Tattha upajjhāyoti vajjāvajjaṃ upanijjhāyati hitesitaṃ paccupaṭṭhapetvā ñāṇacakkhunā pekkhatīti upajjhāyo. Manti attānaṃ vadati. Avacāti abhāsi. Ito gacchāma sīvakāti vuttākāradassanaṃ, sivaka, ito gāmantato araññaṭṭhānameva ehi gacchāma, tadeva amhākaṃ vasanayogganti adhippāyo. Evaṃ pana upajjhāyena vutto sivako bhadro assājānīyo viya kasābhihato sañjātasaṃvego hutvā araññameva gantukāmataṃ pavedento –
‘‘г̇аамз мз васад̇и гааяо, аран̃н̃ам̣ мз г̇ад̇ам̣ мано;
‘‘Gāme me vasati kāyo, araññaṃ me gataṃ mano;
сзмаанагоби г̇ажчаами, над̇т̇и сан̇г̇о виж̇аанад̇а’’нд̇и. –ааха;
Semānakopi gacchāmi, natthi saṅgo vijānata’’nti. –āha;
д̇ассад̇т̇о – яасмаа ид̣̇аани яад̣̇иби мз ид̣̇ам̣ сарийрам̣ г̇ааманд̇з тид̇ам̣, аж̇жхаасаяо бана аран̃н̃амзва г̇ад̇о, д̇асмаа сзмаанагоби г̇ажчаами г̇злан̃н̃зна таананисаж̇ж̇ааг̇аманзсу асамад̇т̇ад̇ааяа саяааноби иминаа саяид̇аагаарзна сарийсабо вияа сарийсабанд̇о, зт̇а, бханд̇з, аран̃н̃амзва г̇ажчаама, гасмаа? над̇т̇и сан̇г̇о виж̇аанад̇анд̇и, яасмаа д̇хаммасабхааваа гаамзсу сам̣саарз жа аад̣̇ийнавам̣, нзгкаммз ниб̣б̣аанз жа аанисам̣сам̣ яаат̇аавад̇о ж̇аананд̇асса на гад̇т̇ажи сан̇г̇о, д̇асмаа згабад̣̇знзва убаж̇жхааяасса аан̣аа анутид̇аад̇и, д̇ад̣̇абад̣̇зсзна ан̃н̃ам̣ б̣яаагааси.
Tassattho – yasmā idāni yadipi me idaṃ sarīraṃ gāmante ṭhitaṃ, ajjhāsayo pana araññameva gato, tasmā semānakopi gacchāmi gelaññena ṭhānanisajjāgamanesu asamatthatāya sayānopi iminā sayitākārena sarīsapo viya sarīsapanto, etha, bhante, araññameva gacchāma, kasmā? Natthi saṅgo vijānatanti, yasmā dhammasabhāvā kāmesu saṃsāre ca ādīnavaṃ, nekkhamme nibbāne ca ānisaṃsaṃ yāthāvato jānantassa na katthaci saṅgo, tasmā ekapadeneva upajjhāyassa āṇā anuṭhitāti, tadapadesena aññaṃ byākāsi.
сивагасааман̣зраг̇аат̇ааван̣н̣анаа нидтид̇аа.
Sivakasāmaṇeragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. сивагасааман̣зраг̇аат̇аа • 4. Sivakasāmaṇeragāthā
