| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. адтасад̇абарияааяаваг̇г̇о
3. Aṭṭhasatapariyāyavaggo
1. сийвагасуд̇д̇ам̣
1. Sīvakasuttaṃ
269. згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. ат̇а ко мол̣ияасийваго бариб̣б̣ааж̇аго язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко мол̣ияасийваго бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘санд̇и, бхо г̇од̇ама, згз саман̣аб̣раахман̣аа звам̣ваад̣̇ино звам̣д̣̇идтино – ‘яам̣ гин̃жааяам̣ бурисабуг̇г̇ало бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа саб̣б̣ам̣ д̇ам̣ буб̣б̣згад̇ахзд̇уу’д̇и. ид̇ха 1 бхавам̣ г̇од̇амо гимаахаа’’д̇и?
269. Ekaṃ samayaṃ bhagavā rājagahe viharati veḷuvane kalandakanivāpe. Atha kho moḷiyasīvako paribbājako yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho moḷiyasīvako paribbājako bhagavantaṃ etadavoca – ‘‘santi, bho gotama, eke samaṇabrāhmaṇā evaṃvādino evaṃdiṭṭhino – ‘yaṃ kiñcāyaṃ purisapuggalo paṭisaṃvedeti sukhaṃ vā dukkhaṃ vā adukkhamasukhaṃ vā sabbaṃ taṃ pubbekatahetū’ti. Idha 2 bhavaṃ gotamo kimāhā’’ti?
‘‘бид̇д̇асамудтаанааниби ко, сийвага, ид̇хзгажжаани взд̣̇аяид̇аани уббаж̇ж̇анд̇и. саамамби ко зд̇ам̣, сийвага, взд̣̇ид̇аб̣б̣ам̣ 3 яат̇аа бид̇д̇асамудтаанааниби ид̇хзгажжаани взд̣̇аяид̇аани уббаж̇ж̇анд̇и; логассаби ко зд̇ам̣, сийвага, сажжасаммад̇ам̣ яат̇аа бид̇д̇асамудтаанааниби ид̇хзгажжаани взд̣̇аяид̇аани уббаж̇ж̇анд̇и. д̇ад̇ра, сийвага, яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘яам̣ гин̃жааяам̣ бурисабуг̇г̇ало бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа саб̣б̣ам̣ д̇ам̣ буб̣б̣згад̇ахзд̇уу’д̇и. яан̃жа саамам̣ н̃аад̇ам̣ д̇ан̃жа ад̇ид̇хааванд̇и, яан̃жа логз сажжасаммад̇ам̣ д̇ан̃жа ад̇ид̇хааванд̇и. д̇асмаа д̇зсам̣ саман̣аб̣раахман̣аанам̣ мижчаад̇и вад̣̇аами.
‘‘Pittasamuṭṭhānānipi kho, sīvaka, idhekaccāni vedayitāni uppajjanti. Sāmampi kho etaṃ, sīvaka, veditabbaṃ 4 yathā pittasamuṭṭhānānipi idhekaccāni vedayitāni uppajjanti; lokassapi kho etaṃ, sīvaka, saccasammataṃ yathā pittasamuṭṭhānānipi idhekaccāni vedayitāni uppajjanti. Tatra, sīvaka, ye te samaṇabrāhmaṇā evaṃvādino evaṃdiṭṭhino – ‘yaṃ kiñcāyaṃ purisapuggalo paṭisaṃvedeti sukhaṃ vā dukkhaṃ vā adukkhamasukhaṃ vā sabbaṃ taṃ pubbekatahetū’ti. Yañca sāmaṃ ñātaṃ tañca atidhāvanti, yañca loke saccasammataṃ tañca atidhāvanti. Tasmā tesaṃ samaṇabrāhmaṇānaṃ micchāti vadāmi.
‘‘сзмхасамудтаанааниби ко, сийвага…бз… ваад̇асамудтаанааниби ко, сийвага…бз… саннибаад̇игааниби ко, сийвага…бз… уд̇убарин̣аамаж̇ааниби ко, сийвага…бз… висамабарихаараж̇ааниби ко, сийвага…бз… обаггамигааниби ко, сийвага…бз… гаммавибаагаж̇ааниби ко, сийвага, ид̇хзгажжаани взд̣̇аяид̇аани уббаж̇ж̇анд̇и. саамамби ко зд̇ам̣, сийвага, взд̣̇ид̇аб̣б̣ам̣. яат̇аа гаммавибаагаж̇ааниби ид̇хзгажжаани взд̣̇аяид̇аани уббаж̇ж̇анд̇и; логассаби ко зд̇ам̣, сийвага, сажжасаммад̇ам̣. яат̇аа гаммавибаагаж̇ааниби ид̇хзгажжаани взд̣̇аяид̇аани уббаж̇ж̇анд̇и; д̇ад̇ра, сийвага, яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘яам̣ гин̃жааяам̣ бурисабуг̇г̇ало бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа саб̣б̣ам̣ д̇ам̣ буб̣б̣згад̇ахзд̇уу’д̇и. яан̃жа саамам̣ н̃аад̇ам̣ д̇ан̃жа ад̇ид̇хааванд̇и яан̃жа логз сажжасаммад̇ам̣ д̇ан̃жа ад̇ид̇хааванд̇и. д̇асмаа д̇зсам̣ саман̣аб̣раахман̣аанам̣ мижчаад̇и вад̣̇аамийд̇и. звам̣ вуд̇д̇з, мол̣ияасийваго бариб̣б̣ааж̇аго бхаг̇аванд̇ам̣ зд̇ад̣̇авожа – ‘абхигганд̇ам̣, бхо г̇од̇ама, абхигганд̇ам̣, бхо г̇од̇ама …бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’’нд̇и.
‘‘Semhasamuṭṭhānānipi kho, sīvaka…pe… vātasamuṭṭhānānipi kho, sīvaka…pe… sannipātikānipi kho, sīvaka…pe… utupariṇāmajānipi kho, sīvaka…pe… visamaparihārajānipi kho, sīvaka…pe… opakkamikānipi kho, sīvaka…pe… kammavipākajānipi kho, sīvaka, idhekaccāni vedayitāni uppajjanti. Sāmampi kho etaṃ, sīvaka, veditabbaṃ. Yathā kammavipākajānipi idhekaccāni vedayitāni uppajjanti; lokassapi kho etaṃ, sīvaka, saccasammataṃ. Yathā kammavipākajānipi idhekaccāni vedayitāni uppajjanti; tatra, sīvaka, ye te samaṇabrāhmaṇā evaṃvādino evaṃdiṭṭhino – ‘yaṃ kiñcāyaṃ purisapuggalo paṭisaṃvedeti sukhaṃ vā dukkhaṃ vā adukkhamasukhaṃ vā sabbaṃ taṃ pubbekatahetū’ti. Yañca sāmaṃ ñātaṃ tañca atidhāvanti yañca loke saccasammataṃ tañca atidhāvanti. Tasmā tesaṃ samaṇabrāhmaṇānaṃ micchāti vadāmīti. Evaṃ vutte, moḷiyasīvako paribbājako bhagavantaṃ etadavoca – ‘abhikkantaṃ, bho gotama, abhikkantaṃ, bho gotama …pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’’nti.
‘‘бид̇д̇ам̣ сзмхан̃жа ваад̇о жа, саннибаад̇аа уд̇ууни жа;
‘‘Pittaṃ semhañca vāto ca, sannipātā utūni ca;
висамам̣ обаггамигам̣, гаммавибаагзна адтамий’’д̇и. батамам̣;
Visamaṃ opakkamikaṃ, kammavipākena aṭṭhamī’’ti. paṭhamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. сийвагасуд̇д̇аван̣н̣анаа • 1. Sīvakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. сийвагасуд̇д̇аван̣н̣анаа • 1. Sīvakasuttavaṇṇanā
