| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. адтасад̇абарияааяаваг̇г̇о
3. Aṭṭhasatapariyāyavaggo
1. сийвагасуд̇д̇аван̣н̣анаа
1. Sīvakasuttavaṇṇanā
269. жуул̣аа бана асса махад̇ий ад̇т̇и сависзсаа, д̇асмаа ‘‘мол̣ияасийваго’’д̇и вужжад̇и. чаннабариб̣б̣ааж̇агод̇и гамб̣алаад̣̇инаа гобийнабадижчаад̣̇агабариб̣б̣ааж̇аго. бид̇д̇абажжаяаанийд̇и бид̇д̇ахзд̇угаани . ‘‘д̇иссо взд̣̇анаа’’д̇и вад̇ваа д̇аасам̣ самбхавам̣ д̣̇ассзд̇ум̣ ‘‘гат̇а’’нд̇иаад̣̇и вуд̇д̇ам̣. гусалавзд̣̇анаа уббаж̇ж̇ад̇и бид̇д̇абажжаяаа. бид̇д̇абхзсаж̇ж̇ам̣ гариссаамийд̇и бхзсаж̇ж̇асамбхаран̣ад̇т̇ан̃жзва д̇ад̣̇ад̇т̇ам̣ аамисагин̃ж̇агкасамбхаран̣ад̇т̇ан̃жа баан̣ам̣ ханад̇ийд̇и яож̇анаа. маж̇жхад̇д̇о бхзсаж̇ж̇агаран̣з уд̣̇аасийно.
269. Cūḷā pana assa mahatī atthi savisesā, tasmā ‘‘moḷiyasīvako’’ti vuccati. Channaparibbājakoti kambalādinā kopīnapaṭicchādakaparibbājako. Pittapaccayānīti pittahetukāni . ‘‘Tisso vedanā’’ti vatvā tāsaṃ sambhavaṃ dassetuṃ ‘‘katha’’ntiādi vuttaṃ. Kusalavedanā uppajjati pittapaccayā. Pittabhesajjaṃ karissāmīti bhesajjasambharaṇatthañceva tadatthaṃ āmisakiñjakkhasambharaṇatthañca pāṇaṃ hanatīti yojanā. Majjhatto bhesajjakaraṇe udāsīno.
д̇асмаад̇и яасмаа бид̇д̇аад̣̇ибажжаяахзд̇уганд̇и ад̇д̇ано жа логасса жа бажжагкам̣ ад̇ид̇хааванд̇и яз саман̣аа ваа б̣раахман̣аа ваа, д̇асмаа д̇зсам̣ мижчаа. бид̇д̇аад̣̇ийнам̣ д̇ин̣н̣амби самод̇хаанасаннибаад̇з ж̇аад̇аани саннибаад̇игаани. буримауд̇уно висад̣̇исо уд̇увибарин̣аамод̇и ааха ‘‘висабхааг̇ауд̇уд̇о ж̇аад̇ааний’’д̇и . ануд̣̇аго т̇ад̣̇д̇халуукабхуумивибхааг̇о ж̇ан̇г̇алад̣̇зсо, вуд̇д̇авибарияааязна анубад̣̇зсо взд̣̇ид̇аб̣б̣о. малаяам̣ химасийд̇аб̣ахуло, ид̇аро ун̣хаб̣ахуло.
Tasmāti yasmā pittādipaccayahetukanti attano ca lokassa ca paccakkhaṃ atidhāvanti ye samaṇā vā brāhmaṇā vā, tasmā tesaṃ micchā. Pittādīnaṃ tiṇṇampi samodhānasannipāte jātāni sannipātikāni. Purimautuno visadiso utuvipariṇāmoti āha ‘‘visabhāgaututo jātānī’’ti . Anudako thaddhalūkhabhūmivibhāgo jaṅgaladeso, vuttavipariyāyena anupadeso veditabbo. Malayaṃ himasītabahulo, itaro uṇhabahulo.
ад̇д̇ано багад̇ижарияаанам̣ висамам̣ гааяасса барихаран̣авасзна, ж̇аад̇аани бана асаяхасаханаад̣̇зсаагаалажаран̣аад̣̇инаа взд̣̇ид̇аб̣б̣аанийд̇и ааха ‘‘махаабхаараваханаа’’д̇иаад̣̇и. барасса убаггамад̇о ниб̣б̣ад̇д̇аани обаггамигаанийд̇и ааха – ‘‘аяам̣ жоро ваа’’д̇иаад̣̇и. гзваланд̇и б̣аахирабажжаяам̣ анабзгкид̇ваа гзвалам̣ д̇знзва. д̇знааха ‘‘гаммавибаагад̇ова ж̇аад̇ааний’’д̇и. саггаа бадиб̣аахид̇ум̣ бад̇ийгаарзна. логавохааро наама гат̇ид̇о бид̇д̇асамудтаанаад̣̇исаман̃н̃ааяа логасид̣̇д̇хад̇д̇аа. гаамам̣ сарийрасанниссид̇аа взд̣̇анаа гамманиб̣б̣ад̇д̇аава, д̇ассаа бана бажжуббаннабажжаяавасзна звамаяам̣ логавохаарод̇и вуд̇д̇ан̃жзва г̇ахзд̇ваа бараваад̣̇абадисзд̇хо гад̇од̇и д̣̇адтаб̣б̣ам̣.
Attano pakaticariyānaṃ visamaṃ kāyassa pariharaṇavasena, jātāni pana asayhasahanaadesaakālacaraṇādinā veditabbānīti āha ‘‘mahābhāravahanā’’tiādi. Parassa upakkamato nibbattāni opakkamikānīti āha – ‘‘ayaṃ coro vā’’tiādi. Kevalanti bāhirapaccayaṃ anapekkhitvā kevalaṃ teneva. Tenāha ‘‘kammavipākatova jātānī’’ti. Sakkā paṭibāhituṃ patīkārena. Lokavohāro nāma kathito pittasamuṭṭhānādisamaññāya lokasiddhattā. Kāmaṃ sarīrasannissitā vedanā kammanibbattāva, tassā pana paccuppannapaccayavasena evamayaṃ lokavohāroti vuttañceva gahetvā paravādapaṭisedho katoti daṭṭhabbaṃ.
сийвагасуд̇д̇аван̣н̣анаа нидтид̇аа.
Sīvakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. сийвагасуд̇д̇ам̣ • 1. Sīvakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. сийвагасуд̇д̇аван̣н̣анаа • 1. Sīvakasuttavaṇṇanā
