| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਅਟ੍ਠਸਤਪਰਿਯਾਯવਗ੍ਗੋ
3. Aṭṭhasatapariyāyavaggo
੧. ਸੀવਕਸੁਤ੍ਤવਣ੍ਣਨਾ
1. Sīvakasuttavaṇṇanā
੨੬੯. ਚੂਲ਼ਾ ਪਨ ਅਸ੍ਸ ਮਹਤੀ ਅਤ੍ਥਿ ਸવਿਸੇਸਾ, ਤਸ੍ਮਾ ‘‘ਮੋਲ਼ਿਯਸੀવਕੋ’’ਤਿ વੁਚ੍ਚਤਿ। ਛਨ੍ਨਪਰਿਬ੍ਬਾਜਕੋਤਿ ਕਮ੍ਬਲਾਦਿਨਾ ਕੋਪੀਨਪਟਿਚ੍ਛਾਦਕਪਰਿਬ੍ਬਾਜਕੋ। ਪਿਤ੍ਤਪਚ੍ਚਯਾਨੀਤਿ ਪਿਤ੍ਤਹੇਤੁਕਾਨਿ । ‘‘ਤਿਸ੍ਸੋ વੇਦਨਾ’’ਤਿ વਤ੍વਾ ਤਾਸਂ ਸਮ੍ਭવਂ ਦਸ੍ਸੇਤੁਂ ‘‘ਕਥ’’ਨ੍ਤਿਆਦਿ વੁਤ੍ਤਂ। ਕੁਸਲવੇਦਨਾ ਉਪ੍ਪਜ੍ਜਤਿ ਪਿਤ੍ਤਪਚ੍ਚਯਾ। ਪਿਤ੍ਤਭੇਸਜ੍ਜਂ ਕਰਿਸ੍ਸਾਮੀਤਿ ਭੇਸਜ੍ਜਸਮ੍ਭਰਣਤ੍ਥਞ੍ਚੇવ ਤਦਤ੍ਥਂ ਆਮਿਸਕਿਞ੍ਜਕ੍ਖਸਮ੍ਭਰਣਤ੍ਥਞ੍ਚ ਪਾਣਂ ਹਨਤੀਤਿ ਯੋਜਨਾ। ਮਜ੍ਝਤ੍ਤੋ ਭੇਸਜ੍ਜਕਰਣੇ ਉਦਾਸੀਨੋ।
269. Cūḷā pana assa mahatī atthi savisesā, tasmā ‘‘moḷiyasīvako’’ti vuccati. Channaparibbājakoti kambalādinā kopīnapaṭicchādakaparibbājako. Pittapaccayānīti pittahetukāni . ‘‘Tisso vedanā’’ti vatvā tāsaṃ sambhavaṃ dassetuṃ ‘‘katha’’ntiādi vuttaṃ. Kusalavedanā uppajjati pittapaccayā. Pittabhesajjaṃ karissāmīti bhesajjasambharaṇatthañceva tadatthaṃ āmisakiñjakkhasambharaṇatthañca pāṇaṃ hanatīti yojanā. Majjhatto bhesajjakaraṇe udāsīno.
ਤਸ੍ਮਾਤਿ ਯਸ੍ਮਾ ਪਿਤ੍ਤਾਦਿਪਚ੍ਚਯਹੇਤੁਕਨ੍ਤਿ ਅਤ੍ਤਨੋ ਚ ਲੋਕਸ੍ਸ ਚ ਪਚ੍ਚਕ੍ਖਂ ਅਤਿਧਾવਨ੍ਤਿ ਯੇ ਸਮਣਾ વਾ ਬ੍ਰਾਹ੍ਮਣਾ વਾ, ਤਸ੍ਮਾ ਤੇਸਂ ਮਿਚ੍ਛਾ। ਪਿਤ੍ਤਾਦੀਨਂ ਤਿਣ੍ਣਮ੍ਪਿ ਸਮੋਧਾਨਸਨ੍ਨਿਪਾਤੇ ਜਾਤਾਨਿ ਸਨ੍ਨਿਪਾਤਿਕਾਨਿ। ਪੁਰਿਮਉਤੁਨੋ વਿਸਦਿਸੋ ਉਤੁવਿਪਰਿਣਾਮੋਤਿ ਆਹ ‘‘વਿਸਭਾਗਉਤੁਤੋ ਜਾਤਾਨੀ’’ਤਿ । ਅਨੁਦਕੋ ਥਦ੍ਧਲੂਖਭੂਮਿવਿਭਾਗੋ ਜਙ੍ਗਲਦੇਸੋ, વੁਤ੍ਤવਿਪਰਿਯਾਯੇਨ ਅਨੁਪਦੇਸੋ વੇਦਿਤਬ੍ਬੋ। ਮਲਯਂ ਹਿਮਸੀਤਬਹੁਲੋ, ਇਤਰੋ ਉਣ੍ਹਬਹੁਲੋ।
Tasmāti yasmā pittādipaccayahetukanti attano ca lokassa ca paccakkhaṃ atidhāvanti ye samaṇā vā brāhmaṇā vā, tasmā tesaṃ micchā. Pittādīnaṃ tiṇṇampi samodhānasannipāte jātāni sannipātikāni. Purimautuno visadiso utuvipariṇāmoti āha ‘‘visabhāgaututo jātānī’’ti . Anudako thaddhalūkhabhūmivibhāgo jaṅgaladeso, vuttavipariyāyena anupadeso veditabbo. Malayaṃ himasītabahulo, itaro uṇhabahulo.
ਅਤ੍ਤਨੋ ਪਕਤਿਚਰਿਯਾਨਂ વਿਸਮਂ ਕਾਯਸ੍ਸ ਪਰਿਹਰਣવਸੇਨ, ਜਾਤਾਨਿ ਪਨ ਅਸਯ੍ਹਸਹਨਅਦੇਸਅਕਾਲਚਰਣਾਦਿਨਾ વੇਦਿਤਬ੍ਬਾਨੀਤਿ ਆਹ ‘‘ਮਹਾਭਾਰવਹਨਾ’’ਤਿਆਦਿ। ਪਰਸ੍ਸ ਉਪਕ੍ਕਮਤੋ ਨਿਬ੍ਬਤ੍ਤਾਨਿ ਓਪਕ੍ਕਮਿਕਾਨੀਤਿ ਆਹ – ‘‘ਅਯਂ ਚੋਰੋ વਾ’’ਤਿਆਦਿ। ਕੇવਲਨ੍ਤਿ ਬਾਹਿਰਪਚ੍ਚਯਂ ਅਨਪੇਕ੍ਖਿਤ੍વਾ ਕੇવਲਂ ਤੇਨੇવ। ਤੇਨਾਹ ‘‘ਕਮ੍ਮવਿਪਾਕਤੋવ ਜਾਤਾਨੀ’’ਤਿ। ਸਕ੍ਕਾ ਪਟਿਬਾਹਿਤੁਂ ਪਤੀਕਾਰੇਨ। ਲੋਕવੋਹਾਰੋ ਨਾਮ ਕਥਿਤੋ ਪਿਤ੍ਤਸਮੁਟ੍ਠਾਨਾਦਿਸਮਞ੍ਞਾਯ ਲੋਕਸਿਦ੍ਧਤ੍ਤਾ। ਕਾਮਂ ਸਰੀਰਸਨ੍ਨਿਸ੍ਸਿਤਾ વੇਦਨਾ ਕਮ੍ਮਨਿਬ੍ਬਤ੍ਤਾવ, ਤਸ੍ਸਾ ਪਨ ਪਚ੍ਚੁਪ੍ਪਨ੍ਨਪਚ੍ਚਯવਸੇਨ ਏવਮਯਂ ਲੋਕવੋਹਾਰੋਤਿ વੁਤ੍ਤਞ੍ਚੇવ ਗਹੇਤ੍વਾ ਪਰવਾਦਪਟਿਸੇਧੋ ਕਤੋਤਿ ਦਟ੍ਠਬ੍ਬਂ।
Attano pakaticariyānaṃ visamaṃ kāyassa pariharaṇavasena, jātāni pana asayhasahanaadesaakālacaraṇādinā veditabbānīti āha ‘‘mahābhāravahanā’’tiādi. Parassa upakkamato nibbattāni opakkamikānīti āha – ‘‘ayaṃ coro vā’’tiādi. Kevalanti bāhirapaccayaṃ anapekkhitvā kevalaṃ teneva. Tenāha ‘‘kammavipākatova jātānī’’ti. Sakkā paṭibāhituṃ patīkārena. Lokavohāro nāma kathito pittasamuṭṭhānādisamaññāya lokasiddhattā. Kāmaṃ sarīrasannissitā vedanā kammanibbattāva, tassā pana paccuppannapaccayavasena evamayaṃ lokavohāroti vuttañceva gahetvā paravādapaṭisedho katoti daṭṭhabbaṃ.
ਸੀવਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sīvakasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਸੀવਕਸੁਤ੍ਤਂ • 1. Sīvakasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਸੀવਕਸੁਤ੍ਤવਣ੍ਣਨਾ • 1. Sīvakasuttavaṇṇanā
