| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
9. ஸிவகத்தே²ரஅபதா³னவண்ணனா
9. Sivakattheraapadānavaṇṇanā
நவமாபதா³னே ஏஸனாய சரந்தஸ்ஸாதிஆதி³கங் ஆயஸ்மதோ ஸிவகத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ விபஸ்ஸிஸ்ஸ ப⁴க³வதோ காலே குலகே³ஹே நிப்³ப³த்தித்வா விஞ்ஞுதங் பத்தோ ஏகதி³வஸங் ப⁴க³வந்தங் பிண்டா³ய சரந்தங் தி³ஸ்வா பஸன்னமானஸோ பத்தங் ஆதா³ய கும்மாஸஸ்ஸ பூரெத்வா அதா³ஸி. ஸோ தேன புஞ்ஞகம்மேன தே³வமனுஸ்ஸேஸு ஸங்ஸரந்தோ இமஸ்மிங் பு³த்³து⁴ப்பாதே³ ராஜக³ஹே ப்³ராஹ்மணகுலகே³ஹே நிப்³ப³த்தித்வா ஸிவகோதிஸ்ஸ நாமங் அஹோஸி. ஸோ வயப்பத்தோ விஜ்ஜாஸிப்பேஸு நிப்ப²த்திங் க³தோ நெக்க²ம்மஜ்ஜா²ஸயதாய காமே பஹாய தாபஸபப்³ப³ஜ்ஜங் பப்³ப³ஜித்வா விசரந்தோ ஸத்தா²ரங் உபஸங்கமித்வா த⁴ம்மங் ஸுத்வா படிலத்³த⁴ஸத்³தோ⁴ பப்³ப³ஜித்வா விபஸ்ஸனாய கம்மங் கரொந்தோ நசிரஸ்ஸேவ அரஹத்தங் பாபுணி.
Navamāpadāne esanāya carantassātiādikaṃ āyasmato sivakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle kulagehe nibbattitvā viññutaṃ patto ekadivasaṃ bhagavantaṃ piṇḍāya carantaṃ disvā pasannamānaso pattaṃ ādāya kummāsassa pūretvā adāsi. So tena puññakammena devamanussesu saṃsaranto imasmiṃ buddhuppāde rājagahe brāhmaṇakulagehe nibbattitvā sivakotissa nāmaṃ ahosi. So vayappatto vijjāsippesu nipphattiṃ gato nekkhammajjhāsayatāya kāme pahāya tāpasapabbajjaṃ pabbajitvā vicaranto satthāraṃ upasaṅkamitvā dhammaṃ sutvā paṭiladdhasaddho pabbajitvā vipassanāya kammaṃ karonto nacirasseva arahattaṃ pāpuṇi.
117. அரஹத்தங் பத்வா ஸோமனஸ்ஸஜாதோ அத்தனோ புப்³ப³சரிதாபதா³னங் பகாஸெந்தோ ஏஸனாய சரந்தஸ்ஸாதிஆதி³மாஹ. தங் ஸப்³ப³ங் ஸுவிஞ்ஞெய்யமேவாதி.
117. Arahattaṃ patvā somanassajāto attano pubbacaritāpadānaṃ pakāsento esanāya carantassātiādimāha. Taṃ sabbaṃ suviññeyyamevāti.
ஸிவகத்தே²ரஅபதா³னவண்ணனா ஸமத்தா.
Sivakattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 9. ஸிவகத்தே²ரஅபதா³னங் • 9. Sivakattheraapadānaṃ
