| Library / Tipiṭaka / තිපිටක • Tipiṭaka / අපදාන-අට්‌ඨකථා • Apadāna-aṭṭhakathā |
9. සිවකත්‌ථෙරඅපදානවණ්‌ණනා
9. Sivakattheraapadānavaṇṇanā
නවමාපදානෙ එසනාය චරන්‌තස්‌සාතිආදිකං ආයස්‌මතො සිවකත්‌ථෙරස්‌ස අපදානං. අයම්‌පි පුරිමබුද්‌ධෙසු කතාධිකාරො තත්‌ථ තත්‌ථ භවෙ විවට්‌ටූපනිස්‌සයානි පුඤ්‌ඤානි උපචිනන්‌තො විපස්‌සිස්‌ස භගවතො කාලෙ කුලගෙහෙ නිබ්‌බත්‌තිත්‌වා විඤ්‌ඤුතං පත්‌තො එකදිවසං භගවන්‌තං පිණ්‌ඩාය චරන්‌තං දිස්‌වා පසන්‌නමානසො පත්‌තං ආදාය කුම්‌මාසස්‌ස පූරෙත්‌වා අදාසි. සො තෙන පුඤ්‌ඤකම්‌මෙන දෙවමනුස්‌සෙසු සංසරන්‌තො ඉමස්‌මිං බුද්‌ධුප්‌පාදෙ රාජගහෙ බ්‍රාහ්‌මණකුලගෙහෙ නිබ්‌බත්‌තිත්‌වා සිවකොතිස්‌ස නාමං අහොසි. සො වයප්‌පත්‌තො විජ්‌ජාසිප්‌පෙසු නිප්‌ඵත්‌තිං ගතො නෙක්‌ඛම්‌මජ්‌ඣාසයතාය කාමෙ පහාය තාපසපබ්‌බජ්‌ජං පබ්‌බජිත්‌වා විචරන්‌තො සත්‌ථාරං උපසඞ්‌කමිත්‌වා ධම්‌මං සුත්‌වා පටිලද්‌ධසද්‌ධො පබ්‌බජිත්‌වා විපස්‌සනාය කම්‌මං කරොන්‌තො නචිරස්‌සෙව අරහත්‌තං පාපුණි.
Navamāpadāne esanāya carantassātiādikaṃ āyasmato sivakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle kulagehe nibbattitvā viññutaṃ patto ekadivasaṃ bhagavantaṃ piṇḍāya carantaṃ disvā pasannamānaso pattaṃ ādāya kummāsassa pūretvā adāsi. So tena puññakammena devamanussesu saṃsaranto imasmiṃ buddhuppāde rājagahe brāhmaṇakulagehe nibbattitvā sivakotissa nāmaṃ ahosi. So vayappatto vijjāsippesu nipphattiṃ gato nekkhammajjhāsayatāya kāme pahāya tāpasapabbajjaṃ pabbajitvā vicaranto satthāraṃ upasaṅkamitvā dhammaṃ sutvā paṭiladdhasaddho pabbajitvā vipassanāya kammaṃ karonto nacirasseva arahattaṃ pāpuṇi.
117. අරහත්‌තං පත්‌වා සොමනස්‌සජාතො අත්‌තනො පුබ්‌බචරිතාපදානං පකාසෙන්‌තො එසනාය චරන්‌තස්‌සාතිආදිමාහ. තං සබ්‌බං සුවිඤ්‌ඤෙය්‍යමෙවාති.
117. Arahattaṃ patvā somanassajāto attano pubbacaritāpadānaṃ pakāsento esanāya carantassātiādimāha. Taṃ sabbaṃ suviññeyyamevāti.
සිවකත්‌ථෙරඅපදානවණ්‌ණනා සමත්‌තා.
Sivakattheraapadānavaṇṇanā samattā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / අපදානපාළි • Apadānapāḷi / 9. සිවකත්‌ථෙරඅපදානං • 9. Sivakattheraapadānaṃ
