| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. сивагад̇т̇зраг̇аат̇ааван̣н̣анаа
2. Sivakattheragāthāvaṇṇanā
анижжаани г̇ахагаанийд̇и ааяасмад̇о сивагад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о вибассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ бхаг̇аванд̇ам̣ бин̣д̣ааяа жаранд̇ам̣ бассид̇ваа басаннамаанасо бад̇д̇ам̣ аад̣̇ааяа гуммаасасса буурзд̇ваа ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з рааж̇аг̇ахз б̣раахман̣агулз ниб̣б̣ад̇д̇и, сивагод̇исса наамам̣ ахоси. со ваяаббад̇д̇о виж̇ж̇аасиббзсу нибпад̇д̇им̣ г̇ад̇о нзгкаммаж̇жхаасаяад̇ааяа гаамз бахааяа бариб̣б̣ааж̇агабаб̣б̣аж̇ж̇ам̣ баб̣б̣аж̇ид̇ваа вижаранд̇о сад̇т̇аарам̣ убасан̇гамид̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанааяа гаммам̣ гаронд̇о нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.56.117-121) –
Aniccānigahakānīti āyasmato sivakattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto vipassissa bhagavato kāle kulagehe nibbattitvā viññutaṃ patto ekadivasaṃ bhagavantaṃ piṇḍāya carantaṃ passitvā pasannamānaso pattaṃ ādāya kummāsassa pūretvā adāsi. So tena puññakammena devamanussesu saṃsaranto imasmiṃ buddhuppāde rājagahe brāhmaṇakule nibbatti, sivakotissa nāmaṃ ahosi. So vayappatto vijjāsippesu nipphattiṃ gato nekkhammajjhāsayatāya kāme pahāya paribbājakapabbajjaṃ pabbajitvā vicaranto satthāraṃ upasaṅkamitvā dhammaṃ sutvā paṭiladdhasaddho pabbajitvā vipassanāya kammaṃ karonto nacirasseva arahattaṃ pāpuṇi. Tena vuttaṃ apadāne (apa. thera 2.56.117-121) –
‘‘зсанааяа жаранд̇асса, вибассисса махзсино;
‘‘Esanāya carantassa, vipassissa mahesino;
рид̇д̇агам̣ бад̇д̇ам̣ д̣̇исваана, гуммаасам̣ буураяим̣ ахам̣.
Rittakaṃ pattaṃ disvāna, kummāsaṃ pūrayiṃ ahaṃ.
‘‘зганавуд̇ид̇о габбз, яам̣ бхигкамад̣̇ад̣̇им̣ д̇ад̣̇аа;
‘‘Ekanavutito kappe, yaṃ bhikkhamadadiṃ tadā;
д̣̇уг̇г̇ад̇им̣ наабхиж̇аанаами, гуммаасасса ид̣̇ам̣ палам̣.
Duggatiṃ nābhijānāmi, kummāsassa idaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ан̃н̃ам̣ б̣яаагаронд̇о –
Arahattaṃ pana patvā aññaṃ byākaronto –
183.
183.
‘‘анижжаани г̇ахагаани, д̇ад̇т̇а д̇ад̇т̇а бунаббунам̣;
‘‘Aniccāni gahakāni, tattha tattha punappunaṃ;
г̇ахагаарам̣ г̇авзсанд̇о, д̣̇угкаа ж̇аад̇и бунаббунам̣.
Gahakāraṃ gavesanto, dukkhā jāti punappunaṃ.
184.
184.
‘‘г̇ахагаарага д̣̇идтоси, буна г̇зхам̣ на гаахаси;
‘‘Gahakāraka diṭṭhosi, puna gehaṃ na kāhasi;
саб̣б̣аа д̇з паасугаа бхаг̇г̇аа, т̇уун̣игаа жа вид̣̇аалид̇аа;
Sabbā te phāsukā bhaggā, thūṇikā ca vidālitā;
вимарияаад̣̇игад̇ам̣ жид̇д̇ам̣, ид̇хзва вид̇хамиссад̇ий’’д̇и. – г̇аат̇аад̣̇ваяам̣ абхааси;
Vimariyādikataṃ cittaṃ, idheva vidhamissatī’’ti. – gāthādvayaṃ abhāsi;
д̇ад̇т̇а анижжаани г̇ахагаани, д̇ад̇т̇а д̇ад̇т̇а бунаббунанд̇и д̇асмим̣ д̇асмим̣ бхавз бунаббунам̣ ниб̣б̣ад̇д̇амаанаани г̇ахагаани ад̇д̇абхааваг̇зхаани на ниб̣б̣аани анавадтид̇аани ид̇д̇араани барид̇д̇агаалаани. г̇ахагаарам̣ г̇авзсанд̇од̇и имасса ад̇д̇абхааваг̇зхасса гаарагам̣ д̇ан̣хаавад̣дхагим̣ бариязсанд̇о зд̇д̇агам̣ гаалам̣ анувижаринд̇и ад̇хиббааяо. д̣̇угкаа ж̇аад̇и бунаббунанд̇и ид̣̇ам̣ г̇ахагаарагаг̇авзсанасса гааран̣аважанам̣ . яасмаа ж̇арааб̣яаад̇химаран̣амиссад̇ааяа ж̇аад̇и наамзсаа бунаббунам̣ убаг̇анд̇ум̣ д̣̇угкаа, на жа саа д̇асмим̣ ад̣̇идтз нивад̇д̇ад̇и, д̇асмаа д̇ам̣ г̇авзсанд̇о вижаринд̇и ад̇т̇о.
Tattha aniccāni gahakāni, tattha tattha punappunanti tasmiṃ tasmiṃ bhave punappunaṃ nibbattamānāni gahakāni attabhāvagehāni na nibbāni anavaṭṭhitāni ittarāni parittakālāni. Gahakāraṃ gavesantoti imassa attabhāvagehassa kārakaṃ taṇhāvaḍḍhakiṃ pariyesanto ettakaṃ kālaṃ anuvicarinti adhippāyo. Dukkhā jāti punappunanti idaṃ gahakārakagavesanassa kāraṇavacanaṃ . Yasmā jarābyādhimaraṇamissatāya jāti nāmesā punappunaṃ upagantuṃ dukkhā, na ca sā tasmiṃ adiṭṭhe nivattati, tasmā taṃ gavesanto vicarinti attho.
г̇ахагаарага д̣̇идтосийд̇и ид̣̇аани бана язна со саггаа д̣̇адтум̣, д̇зна арияамаг̇г̇ан̃аан̣ажагкунаа г̇ахагаарага д̣̇идто аси. буна г̇зханд̇и буна имасмим̣ сам̣саараваддз ад̇д̇абхаавасан̇каад̇ам̣ мама г̇зхам̣ на гаахаси на гариссаси. саб̣б̣аа д̇з паасугаа бхаг̇г̇аад̇и д̇ава саб̣б̣аа анавасзсагилзсапаасугаа маяаа бхаг̇г̇аа. т̇уун̣игаа жа вид̣̇аалид̇аад̇и ид̣̇аани д̇аяаа гаад̇аб̣б̣асса ад̇д̇абхааваг̇зхасса авиж̇ж̇аасан̇каад̇аа ган̣н̣игаа жа бхиннаа. вимарияаад̣̇игад̇ам̣ жид̇д̇анд̇и мама жид̇д̇ам̣ виг̇ад̇анд̇ам̣ гад̇ам̣, ааяад̇им̣ ануббад̇д̇ид̇хаммад̇ам̣ аабаад̣̇ид̇ам̣. д̇ад̇о зва ид̇хзва вид̇хамиссад̇и имасмим̣язва бхавз вид̣̇д̇хам̣сиссад̇и, жаримагажид̇д̇анирод̇хзна нируж̇жхиссад̇ийд̇и ад̇т̇о.
Gahakārakadiṭṭhosīti idāni pana yena so sakkā daṭṭhuṃ, tena ariyamaggañāṇacakkhunā gahakāraka diṭṭho asi. Puna gehanti puna imasmiṃ saṃsāravaṭṭe attabhāvasaṅkhātaṃ mama gehaṃ na kāhasi na karissasi. Sabbā te phāsukā bhaggāti tava sabbā anavasesakilesaphāsukā mayā bhaggā. Thūṇikā ca vidālitāti idāni tayā kātabbassa attabhāvagehassa avijjāsaṅkhātā kaṇṇikā ca bhinnā. Vimariyādikataṃ cittanti mama cittaṃ vigatantaṃ kataṃ, āyatiṃ anuppattidhammataṃ āpāditaṃ. Tato eva idheva vidhamissati imasmiṃyeva bhave viddhaṃsissati, carimakacittanirodhena nirujjhissatīti attho.
сивагад̇т̇зраг̇аат̇ааван̣н̣анаа нидтид̇аа.
Sivakattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. сивагад̇т̇зраг̇аат̇аа • 2. Sivakattheragāthā
