| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
3. сийвалид̇т̇зраабад̣̇аанам̣
3. Sīvalittheraapadānaṃ
54.
54.
‘‘бад̣̇умуд̇д̇аро наама ж̇ино, саб̣б̣ад̇хаммзсу жагкумаа;
‘‘Padumuttaro nāma jino, sabbadhammesu cakkhumā;
ид̇о сад̇асахассамхи, габбз уббаж̇ж̇и нааяаго.
Ito satasahassamhi, kappe uppajji nāyako.
55.
55.
‘‘сийлам̣ д̇асса асан̇кзяяам̣, самаад̇хи важ̇ируубамо;
‘‘Sīlaṃ tassa asaṅkheyyaṃ, samādhi vajirūpamo;
асан̇кзяяам̣ н̃аан̣аварам̣, вимуд̇д̇и жа анобамаа.
Asaṅkheyyaṃ ñāṇavaraṃ, vimutti ca anopamā.
56.
56.
‘‘мануж̇аамаранааг̇аанам̣, б̣рахмаанан̃жа самааг̇амз;
‘‘Manujāmaranāgānaṃ, brahmānañca samāgame;
саман̣аб̣раахман̣аагин̣н̣з, д̇хаммам̣ д̣̇зсзси нааяаго.
Samaṇabrāhmaṇākiṇṇe, dhammaṃ desesi nāyako.
57.
57.
‘‘сасаавагам̣ махаалаабхим̣, бун̃н̃аванд̇ам̣ ж̇уд̇инд̇харам̣;
‘‘Sasāvakaṃ mahālābhiṃ, puññavantaṃ jutindharaṃ;
табзси зд̇ад̣̇аг̇г̇амхи, барисаасу висаарад̣̇о.
Ṭhapesi etadaggamhi, parisāsu visārado.
58.
58.
‘‘д̇ад̣̇аахам̣ кад̇д̇ияо аасим̣, наг̇арз хам̣сасавхаяз;
‘‘Tadāhaṃ khattiyo āsiṃ, nagare haṃsasavhaye;
суд̇ваа ж̇инасса д̇ам̣ ваагяам̣, саавагасса г̇ун̣ам̣ б̣ахум̣.
Sutvā jinassa taṃ vākyaṃ, sāvakassa guṇaṃ bahuṃ.
59.
59.
‘‘ниманд̇аяид̇ваа сад̇д̇аахам̣, бхож̇аяид̇ваа сасаавагам̣;
‘‘Nimantayitvā sattāhaṃ, bhojayitvā sasāvakaṃ;
махаад̣̇аанам̣ д̣̇ад̣̇ид̇ваана, д̇ам̣ таанамабхибад̇т̇аяим̣.
Mahādānaṃ daditvāna, taṃ ṭhānamabhipatthayiṃ.
60.
60.
‘‘д̇ад̣̇аа мам̣ винад̇ам̣ баад̣̇з, д̣̇исваана бурисаасабхо;
‘‘Tadā maṃ vinataṃ pāde, disvāna purisāsabho;
61.
61.
‘‘‘д̇ад̇о ж̇инасса важанам̣, сод̇угаамаа махааж̇анаа;
‘‘‘Tato jinassa vacanaṃ, sotukāmā mahājanā;
д̣̇звад̣̇аанаваг̇анд̇хаб̣б̣аа, б̣рахмаано жа махид̣̇д̇хигаа’.
Devadānavagandhabbā, brahmāno ca mahiddhikā’.
62.
62.
‘‘саман̣аб̣раахман̣аа жзва, намассим̣су гад̇ан̃ж̇алий;
‘‘Samaṇabrāhmaṇā ceva, namassiṃsu katañjalī;
‘намо д̇з бурисааж̇ан̃н̃а, намо д̇з бурисуд̇д̇ама.
‘Namo te purisājañña, namo te purisuttama.
63.
63.
‘‘‘кад̇д̇иязна махаад̣̇аанам̣, д̣̇иннам̣ сад̇д̇аахигамби во 3;
‘‘‘Khattiyena mahādānaṃ, dinnaṃ sattāhikampi vo 4;
сод̇угаамаа палам̣ д̇асса, б̣яаагарохи махаамунз’.
Sotukāmā phalaṃ tassa, byākarohi mahāmune’.
64.
64.
‘‘д̇ад̇о авожа бхаг̇аваа, ‘сун̣аат̇а мама бхаасид̇ам̣;
‘‘Tato avoca bhagavā, ‘suṇātha mama bhāsitaṃ;
аббамзяяамхи б̣уд̣̇д̇хамхи, сасан̇гхамхи бад̇идтид̇аа 5.
Appameyyamhi buddhamhi, sasaṅghamhi patiṭṭhitā 6.
65.
65.
‘‘‘д̣̇агкин̣аа д̇ааяа 7 го вад̇д̇аа, аббамзяяапалаа хи саа;
‘‘‘Dakkhiṇā tāya 8 ko vattā, appameyyaphalā hi sā;
аби жз са махаабхог̇о, таанам̣ бад̇т̇зд̇и уд̇д̇амам̣.
Api ce sa mahābhogo, ṭhānaṃ pattheti uttamaṃ.
66.
66.
‘‘‘лаабхий вибулалаабхаанам̣, яат̇аа бхигку суд̣̇ассано;
‘‘‘Lābhī vipulalābhānaṃ, yathā bhikkhu sudassano;
д̇ат̇аахамби бхавзяяанд̇и, лажчасз д̇ам̣ анааг̇ад̇з.
Tathāhampi bhaveyyanti, lacchase taṃ anāgate.
67.
67.
‘‘‘сад̇асахассид̇о габбз, оггаагагуласамбхаво;
‘‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
68.
68.
‘‘‘д̇асса д̇хаммзсу д̣̇ааяаад̣̇о, орасо д̇хамманиммид̇о;
‘‘‘Tassa dhammesu dāyādo, oraso dhammanimmito;
сийвали наама наамзна, хзссад̇и сад̇т̇у сааваго’.
Sīvali nāma nāmena, hessati satthu sāvako’.
69.
69.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣суубаг̇о ахам̣.
Jahitvā mānusaṃ dehaṃ, tāvatiṃsūpago ahaṃ.
70.
70.
‘‘зганавуд̇ид̇о габбз, вибассий логанааяаго;
‘‘Ekanavutito kappe, vipassī lokanāyako;
уббаж̇ж̇и жааруд̣̇ассано, саб̣б̣ад̇хаммавибассаго.
Uppajji cārudassano, sabbadhammavipassako.
71.
71.
‘‘д̇ад̣̇аахам̣ б̣анд̇хумад̇ияам̣, гулассан̃н̃ад̇арасса жа;
‘‘Tadāhaṃ bandhumatiyaṃ, kulassaññatarassa ca;
72.
72.
‘‘д̇ад̣̇аа ан̃н̃ад̇аро бууг̇о, вибассисса махзсино;
‘‘Tadā aññataro pūgo, vipassissa mahesino;
баривзсам̣ агаараяи, маханд̇амад̇ивиссуд̇ам̣.
Parivesaṃ akārayi, mahantamativissutaṃ.
73.
73.
‘‘нидтид̇з жа махаад̣̇аанз, д̣̇ад̣̇ум̣ каж̇ж̇агасан̃хид̇ам̣;
‘‘Niṭṭhite ca mahādāne, daduṃ khajjakasañhitaṃ;
навам̣ д̣̇ад̇хим̣ мад̇хун̃жзва, вижинам̣ нзва ад̣̇д̣̇асум̣.
Navaṃ dadhiṃ madhuñceva, vicinaṃ neva addasuṃ.
74.
74.
‘‘д̇ад̣̇аахам̣ д̇ам̣ г̇ахзд̇ваана, навам̣ д̣̇ад̇хим̣ мад̇хумби жа;
‘‘Tadāhaṃ taṃ gahetvāna, navaṃ dadhiṃ madhumpi ca;
гаммассаамигхарам̣ г̇ажчим̣, д̇амзсанд̇аа мамад̣̇д̣̇асум̣.
Kammassāmigharaṃ gacchiṃ, tamesantā mamaddasuṃ.
75.
75.
‘‘сахассамаби д̣̇ад̇ваана, наалабхим̣су жа д̇ам̣ д̣̇ваяам̣;
‘‘Sahassamapi datvāna, nālabhiṃsu ca taṃ dvayaṃ;
д̇ад̇охам̣ звам̣ жинд̇зсим̣, ‘нзд̇ам̣ хзссад̇и орагам̣.
Tatohaṃ evaṃ cintesiṃ, ‘netaṃ hessati orakaṃ.
76.
76.
‘‘‘яат̇аа имз ж̇анаа саб̣б̣з, саггаронд̇и д̇ат̇ааг̇ад̇ам̣;
‘‘‘Yathā ime janā sabbe, sakkaronti tathāgataṃ;
ахамби гаарам̣ гассаами, сасан̇гхз логанааяагз’.
Ahampi kāraṃ kassāmi, sasaṅghe lokanāyake’.
77.
77.
‘‘д̇ад̣̇аахамзвам̣ жинд̇зд̇ваа, д̣̇ад̇хим̣ мад̇хун̃жа згад̇о;
‘‘Tadāhamevaṃ cintetvā, dadhiṃ madhuñca ekato;
мад̣̇д̣̇ид̇ваа логанаат̇асса, сасан̇гхасса ад̣̇аасахам̣.
Madditvā lokanāthassa, sasaṅghassa adāsahaṃ.
78.
78.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
79.
79.
‘‘бунаахам̣ б̣аараан̣асияам̣, рааж̇аа худ̇ваа махааяасо;
‘‘Punāhaṃ bārāṇasiyaṃ, rājā hutvā mahāyaso;
сад̇д̇угасса д̇ад̣̇аа д̣̇удто, д̣̇ваарарод̇хамагаараяим̣.
Sattukassa tadā duṭṭho, dvārarodhamakārayiṃ.
80.
80.
‘‘д̇ад̣̇аа д̇абассино руд̣̇д̇хаа, згаахам̣ рагкид̇аа ахум̣;
‘‘Tadā tapassino ruddhā, ekāhaṃ rakkhitā ahuṃ;
д̇ад̇о д̇асса вибаагзна, баабад̇им̣ 11 нираяам̣ бхусам̣.
Tato tassa vipākena, pāpatiṃ 12 nirayaṃ bhusaṃ.
81.
81.
‘‘бажчимз жа бхавз д̣̇аани, ж̇аад̇охам̣ голияз бурз;
‘‘Pacchime ca bhave dāni, jātohaṃ koliye pure;
суббаваасаа жа мз маад̇аа, махаали лижчавий бид̇аа.
Suppavāsā ca me mātā, mahāli licchavī pitā.
82.
82.
‘‘кад̇д̇ияз бун̃н̃агаммзна, д̣̇ваарарод̇хасса ваахасаа;
‘‘Khattiye puññakammena, dvārarodhassa vāhasā;
сад̇д̇а вассаани нивасим̣, маад̇угужчимхи д̣̇угкид̇о.
Satta vassāni nivasiṃ, mātukucchimhi dukkhito.
83.
83.
‘‘сад̇д̇аахам̣ д̣̇ваарамуул̣хохам̣, махаад̣̇угкасамаббид̇о;
‘‘Sattāhaṃ dvāramūḷhohaṃ, mahādukkhasamappito;
маад̇аа мз чанд̣̇ад̣̇аанзна, звам̣ ааси суд̣̇угкид̇аа.
Mātā me chandadānena, evaṃ āsi sudukkhitā.
84.
84.
‘‘сувад̇т̇ид̇охам̣ нигканд̇о, б̣уд̣̇д̇хзна анугамбид̇о;
‘‘Suvatthitohaṃ nikkhanto, buddhena anukampito;
нигканд̇ад̣̇ивасзязва, баб̣б̣аж̇им̣ анаг̇аарияам̣.
Nikkhantadivaseyeva, pabbajiṃ anagāriyaṃ.
85.
85.
‘‘убаж̇жхаа саарибуд̇д̇о мз, мог̇г̇аллаано махид̣̇д̇хиго;
‘‘Upajjhā sāriputto me, moggallāno mahiddhiko;
гзсз оробаяанд̇о мз, анусааси махаамад̇и.
Kese oropayanto me, anusāsi mahāmati.
86.
86.
‘‘гзсзсу чиж̇ж̇амаанзсу, арахад̇д̇амабаабун̣им̣;
‘‘Kesesu chijjamānesu, arahattamapāpuṇiṃ;
д̣̇зваа нааг̇аа мануссаа жа, бажжаяз убанзнд̇и мз.
Devā nāgā manussā ca, paccaye upanenti me.
87.
87.
‘‘бад̣̇умуд̇д̇аранаат̇ан̃жа, вибассин̃жа винааяагам̣;
‘‘Padumuttaranāthañca, vipassiñca vināyakaṃ;
яам̣ бууж̇аяим̣ бамуд̣̇ид̇о, бажжаязхи висзсад̇о.
Yaṃ pūjayiṃ pamudito, paccayehi visesato.
88.
88.
‘‘д̇ад̇о д̇зсам̣ висзсзна, гаммаанам̣ вибулуд̇д̇амам̣;
‘‘Tato tesaṃ visesena, kammānaṃ vipuluttamaṃ;
лаабхам̣ лабхаами саб̣б̣ад̇т̇а, ванз г̇аамз ж̇алз т̇алз.
Lābhaṃ labhāmi sabbattha, vane gāme jale thale.
89.
89.
‘‘рзвад̇ам̣ д̣̇ассанад̇т̇ааяа, яад̣̇аа яаад̇и винааяаго;
‘‘Revataṃ dassanatthāya, yadā yāti vināyako;
д̇им̣сабхигкусахассзхи, саха логаг̇г̇анааяаго.
Tiṃsabhikkhusahassehi, saha lokagganāyako.
90.
90.
‘‘д̇ад̣̇аа д̣̇звобан̣ийд̇зхи, мамад̇т̇ааяа махаамад̇и;
‘‘Tadā devopaṇītehi, mamatthāya mahāmati;
бажжаязхи махаавийро, сасан̇гхо логанааяаго.
Paccayehi mahāvīro, sasaṅgho lokanāyako.
91.
91.
‘‘убадтид̇о маяаа б̣уд̣̇д̇хо, г̇анд̇ваа рзвад̇амад̣̇д̣̇аса;
‘‘Upaṭṭhito mayā buddho, gantvā revatamaddasa;
д̇ад̇о ж̇зд̇аванам̣ г̇анд̇ваа, зд̇ад̣̇аг̇г̇з табзси мам̣.
Tato jetavanaṃ gantvā, etadagge ṭhapesi maṃ.
92.
92.
‘‘‘лаабхийнам̣ сийвали аг̇г̇о, мама сиссзсу бхигкаво’;
‘‘‘Lābhīnaṃ sīvali aggo, mama sissesu bhikkhavo’;
саб̣б̣алогахид̇о сад̇т̇аа, гид̇д̇аяий барисаасу мам̣.
Sabbalokahito satthā, kittayī parisāsu maṃ.
93.
93.
‘‘гилзсаа жхаабид̇аа маяхам̣…бз… вихараами анаасаво.
‘‘Kilesā jhāpitā mayhaṃ…pe… viharāmi anāsavo.
94.
94.
‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata me āsi…pe… kataṃ buddhassa sāsanaṃ.
95.
95.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа сийвалит̇зро имаа г̇аат̇ааяо
Itthaṃ sudaṃ āyasmā sīvalithero imā gāthāyo
абхаасид̇т̇аад̇и.
Abhāsitthāti.
сийвалид̇т̇зрассаабад̣̇аанам̣ д̇ад̇ияам̣.
Sīvalittherassāpadānaṃ tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 3. сийвалид̇т̇зраабад̣̇аанаван̣н̣анаа • 3. Sīvalittheraapadānavaṇṇanā
