| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
3. сийвалид̇т̇зраабад̣̇аанаван̣н̣анаа
3. Sīvalittheraapadānavaṇṇanā
д̇ад̇ияаабад̣̇аанз бад̣̇умуд̇д̇аро наама ж̇инод̇иаад̣̇игам̣ ааяасмад̇о сийвалид̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇о хздтаа вуд̇д̇анаязна вихаарам̣ г̇анд̇ваа барисааяа барияанд̇з тид̇о д̇хаммам̣ сун̣анд̇о сад̇т̇аарам̣ згам̣ бхигкум̣ лаабхийнам̣ аг̇г̇адтаанз табзнд̇ам̣ д̣̇исваа ‘‘маяааби анааг̇ад̇з зваруубзна бхавид̇ум̣ ваддад̇ий’’д̇и д̣̇асаб̣алам̣ ниманд̇зд̇ваа сад̇д̇аахам̣ б̣уд̣̇д̇хаббамукасса бхигкасан̇гхасса махаад̣̇аанам̣ д̣̇ад̇ваа, ‘‘бханд̇з, иминаа ад̇хигаарагаммзна на ан̃н̃ам̣ самбад̇д̇им̣ бад̇т̇зми, анааг̇ад̇з бана згасса б̣уд̣̇д̇хасса саасанз ахамби д̇умхзхи со зд̇ад̣̇аг̇г̇з табид̇абхигку вияа лаабхийнам̣ аг̇г̇о бхавзяяа’’нд̇и бад̇т̇анам̣ агааси. сад̇т̇аа д̇асса ананд̇арааяад̇ам̣ д̣̇исваа ‘‘аяам̣ д̇з бад̇т̇анаа анааг̇ад̇з г̇од̇амасса б̣уд̣̇д̇хасса санд̇игз самиж̇жхиссад̇ий’’д̇и б̣яаагарид̇ваа баггаами. со гулабуд̇д̇о яааваж̇ийвам̣ гусалам̣ гад̇ваа д̣̇звамануссзсу убхаяасамбад̇д̇ияо анубхавид̇ваа вибассисса бхаг̇авад̇о гаалз б̣анд̇хумад̇ийнаг̇арад̇о авид̣̇уурз згасмим̣ г̇аамагз ниб̣б̣ад̇д̇и, д̇асмим̣ самаяз б̣анд̇хумад̇ийнаг̇араваасино ран̃н̃аа сад̣̇д̇хим̣ саагажчид̇ваа д̣̇асаб̣аласса д̣̇аанам̣ ад̣̇ам̣су.
Tatiyāpadāne padumuttaro nāma jinotiādikaṃ āyasmato sīvalittherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle kulagehe nibbatto heṭṭhā vuttanayena vihāraṃ gantvā parisāya pariyante ṭhito dhammaṃ suṇanto satthāraṃ ekaṃ bhikkhuṃ lābhīnaṃ aggaṭṭhāne ṭhapentaṃ disvā ‘‘mayāpi anāgate evarūpena bhavituṃ vaṭṭatī’’ti dasabalaṃ nimantetvā sattāhaṃ buddhappamukhassa bhikkhasaṅghassa mahādānaṃ datvā, ‘‘bhante, iminā adhikārakammena na aññaṃ sampattiṃ patthemi, anāgate pana ekassa buddhassa sāsane ahampi tumhehi so etadagge ṭhapitabhikkhu viya lābhīnaṃ aggo bhaveyya’’nti patthanaṃ akāsi. Satthā tassa anantarāyataṃ disvā ‘‘ayaṃ te patthanā anāgate gotamassa buddhassa santike samijjhissatī’’ti byākaritvā pakkāmi. So kulaputto yāvajīvaṃ kusalaṃ katvā devamanussesu ubhayasampattiyo anubhavitvā vipassissa bhagavato kāle bandhumatīnagarato avidūre ekasmiṃ gāmake nibbatti, tasmiṃ samaye bandhumatīnagaravāsino raññā saddhiṃ sākacchitvā dasabalassa dānaṃ adaṃsu.
згад̣̇ивасам̣ саб̣б̣з згад̇о худ̇ваа д̣̇аанам̣ д̣̇знд̇аа ‘‘гим̣ ну ко амхаагам̣ д̣̇аанаг̇г̇з над̇т̇ий’’д̇и (а. ни. адта. 1.1.207; т̇зраг̇аа. адта. 1.59 сийвалид̇т̇зраг̇аат̇ааван̣н̣анаа) ологзнд̇аа мад̇хун̃жа г̇ул̣ад̣̇ад̇хин̃жа наад̣̇д̣̇асам̣су. д̇з ‘‘яад̇о гуд̇ожи аахариссаамаа’’д̇и ж̇анабад̣̇ад̇о наг̇арабависанамаг̇г̇зсу бурисз табзсум̣. д̇ад̣̇аа зса гулабуд̇д̇о ад̇д̇ано г̇аамад̇о г̇ул̣ад̣̇ад̇хиваарагам̣ г̇ахзд̇ваа ‘‘гин̃жид̣̇зва аахариссаамий’’д̇и наг̇арам̣ г̇ажчанд̇о ‘‘мукам̣ д̇ховид̇ваа д̇ход̇ахад̇т̇абаад̣̇о бависиссаамий’’д̇и паасугадтаанам̣ ологзнд̇о нан̇г̇аласийсаббамаан̣ам̣ ниммагкигад̣̇ан̣д̣агамад̇хум̣ д̣̇исваа ‘‘бун̃н̃зна мз ид̣̇ам̣ уббанна’’нд̇и г̇ахзд̇ваа наг̇арам̣ баависи. нааг̇арзхи табид̇абурисо д̇ам̣ д̣̇исваа, ‘‘маариса, гасса имам̣ харасий’’д̇и бужчи. ‘‘на гассажи, саами, виггааяигам̣ мз ид̣̇а’’нд̇и. ‘‘д̇зна хи имам̣ гахаабан̣ам̣ г̇ахзд̇ваа зд̇ам̣ мад̇хун̃жа г̇ул̣ад̣̇ад̇хин̃жа д̣̇зхий’’д̇и.
Ekadivasaṃ sabbe ekato hutvā dānaṃ dentā ‘‘kiṃ nu kho amhākaṃ dānagge natthī’’ti (a. ni. aṭṭha. 1.1.207; theragā. aṭṭha. 1.59 sīvalittheragāthāvaṇṇanā) olokentā madhuñca guḷadadhiñca nāddasaṃsu. Te ‘‘yato kutoci āharissāmā’’ti janapadato nagarapavisanamaggesu purise ṭhapesuṃ. Tadā esa kulaputto attano gāmato guḷadadhivārakaṃ gahetvā ‘‘kiñcideva āharissāmī’’ti nagaraṃ gacchanto ‘‘mukhaṃ dhovitvā dhotahatthapādo pavisissāmī’’ti phāsukaṭṭhānaṃ olokento naṅgalasīsappamāṇaṃ nimmakkhikadaṇḍakamadhuṃ disvā ‘‘puññena me idaṃ uppanna’’nti gahetvā nagaraṃ pāvisi. Nāgarehi ṭhapitapuriso taṃ disvā, ‘‘mārisa, kassa imaṃ harasī’’ti pucchi. ‘‘Na kassaci, sāmi, vikkāyikaṃ me ida’’nti. ‘‘Tena hi imaṃ kahāpaṇaṃ gahetvā etaṃ madhuñca guḷadadhiñca dehī’’ti.
со жинд̇зси – ‘‘ид̣̇ам̣ мз на б̣ахум̣ аг̇гхад̇и, аяан̃жа згаббахаарзнзва б̣ахум̣ д̣̇зд̇и, виймам̣сиссаамий’’д̇и. д̇ад̇о нам̣ ааха – ‘‘наахам̣ згагахаабан̣зна д̣̇змий’’д̇и. ‘‘яад̣̇и звам̣ д̣̇вз гахаабан̣з г̇ахзд̇ваа д̣̇зхий’’д̇и. ‘‘д̣̇вийхиби на д̣̇змий’’д̇и. зд̇знубааязна вад̣дхзд̇ваа яаава сахассам̣ баабун̣и, со жинд̇зси – ‘‘ад̇иан̃чид̇ум̣ на ваддад̇и, ход̇у д̇аава иминаа гад̇д̇аб̣б̣агаммам̣ бужчиссаамий’’д̇и . ат̇а нам̣ ааха – ‘‘на ид̣̇ам̣ б̣ахуаг̇гханагам̣, д̇вам̣ бана б̣ахум̣ д̣̇зси, гзна гаммзна ид̣̇ам̣ г̇ан̣хасий’’д̇и. ‘‘ид̇ха, бхо, наг̇араваасино ран̃н̃аа сад̣̇д̇хим̣ бадивируж̇жхид̇ваа вибассисаммаасамб̣уд̣̇д̇хасса д̣̇аанам̣ д̣̇знд̇аа ид̣̇ам̣ д̣̇ваяам̣ д̣̇аанаг̇г̇з абассанд̇аа мам̣ бариязсаабзнд̇и. сажз ид̣̇ам̣ д̣̇ваяам̣ на лабхиссанд̇и, нааг̇араанам̣ барааж̇аяо бхависсад̇и. д̇асмаа сахассам̣ д̣̇ад̇ваа г̇ан̣хаамий’’д̇и. ‘‘гим̣ банзд̇ам̣ нааг̇араанам̣ зва ваддад̇и, уд̣̇ааху ан̃н̃зсамби д̣̇аад̇ум̣ ваддад̇ий’’д̇и? ‘‘яасса гассажи д̣̇аад̇ум̣ аваарид̇амзд̇а’’нд̇и. ‘‘ад̇т̇и бана гожи нааг̇араанам̣ д̣̇аанз згад̣̇ивасам̣ сахассам̣ д̣̇аад̇аа’’д̇и? ‘‘над̇т̇и, саммаа’’д̇и. ‘‘имзсам̣ мз д̣̇виннам̣ сахассаг̇гханагабхаавам̣ ж̇аанаасий’’д̇и? ‘‘аама, ж̇аанаамий’’д̇и. ‘‘д̇зна хи г̇ажча, нааг̇араанам̣ аарожзхи – ‘зго бурисо имаани д̣̇вз муулзна на д̣̇зд̇и, д̇умхзхи сад̣̇д̇хим̣ сахад̇т̇знзва д̣̇аад̇угаамо, д̇умхз имзсам̣ д̣̇виннам̣ гааран̣аа ниб̣б̣ид̇аггаа хот̇аа’’д̇и. ‘‘д̇вам̣ имасмим̣ д̣̇аанз ж̇здтагабхааг̇асса гааяасагкий хохий’’д̇и вад̇ваа г̇ад̇о. со бана гулабуд̇д̇о г̇аамад̇о бариб̣б̣аяад̇т̇ам̣ г̇ахид̇агахаабан̣зна бан̃жагадугам̣ г̇ахзд̇ваа жун̣н̣ам̣ гад̇ваа д̣̇ад̇хид̇о ган̃жияам̣ ваахзд̇ваа д̇ад̇т̇а мад̇хубадалам̣ бийл̣зд̇ваа бан̃жагадугажун̣н̣зна яож̇зд̇ваа бад̣̇уминибад̇д̇з багкибид̇ваа д̇ам̣ сам̣вид̣̇ахид̇ваа аад̣̇ааяа д̣̇асаб̣аласса авид̣̇уурз нисийд̣̇и. махааж̇анзхи аахарияамаанасса саггаарасса анд̇арз ад̇д̇ано бад̇д̇аваарам̣ ологзнд̇о огаасам̣ н̃ад̇ваа сад̇т̇у санд̇игам̣ г̇анд̇ваа, ‘‘бханд̇з, аяам̣ мз д̣̇уг̇г̇ад̇асаггааро, имам̣ мз анугамбам̣ бадижжа бадиг̇г̇ан̣хат̇аа’’д̇и. сад̇т̇аа д̇ассаанугамбам̣ бадижжа жад̇умахаарааж̇зхи д̣̇ад̇д̇иязна сзламаяабад̇д̇зна д̇ам̣ бадиг̇г̇ахзд̇ваа яат̇аа адтасадтияаа бхигкусад̇асахассасса д̣̇ияяамаанам̣ на кийяад̇и, звам̣ ад̇хидтааси.
So cintesi – ‘‘idaṃ me na bahuṃ agghati, ayañca ekappahāreneva bahuṃ deti, vīmaṃsissāmī’’ti. Tato naṃ āha – ‘‘nāhaṃ ekakahāpaṇena demī’’ti. ‘‘Yadi evaṃ dve kahāpaṇe gahetvā dehī’’ti. ‘‘Dvīhipi na demī’’ti. Etenupāyena vaḍḍhetvā yāva sahassaṃ pāpuṇi, so cintesi – ‘‘atiañchituṃ na vaṭṭati, hotu tāva iminā kattabbakammaṃ pucchissāmī’’ti . Atha naṃ āha – ‘‘na idaṃ bahuagghanakaṃ, tvaṃ pana bahuṃ desi, kena kammena idaṃ gaṇhasī’’ti. ‘‘Idha, bho, nagaravāsino raññā saddhiṃ paṭivirujjhitvā vipassisammāsambuddhassa dānaṃ dentā idaṃ dvayaṃ dānagge apassantā maṃ pariyesāpenti. Sace idaṃ dvayaṃ na labhissanti, nāgarānaṃ parājayo bhavissati. Tasmā sahassaṃ datvā gaṇhāmī’’ti. ‘‘Kiṃ panetaṃ nāgarānaṃ eva vaṭṭati, udāhu aññesampi dātuṃ vaṭṭatī’’ti? ‘‘Yassa kassaci dātuṃ avāritameta’’nti. ‘‘Atthi pana koci nāgarānaṃ dāne ekadivasaṃ sahassaṃ dātā’’ti? ‘‘Natthi, sammā’’ti. ‘‘Imesaṃ me dvinnaṃ sahassagghanakabhāvaṃ jānāsī’’ti? ‘‘Āma, jānāmī’’ti. ‘‘Tena hi gaccha, nāgarānaṃ ārocehi – ‘eko puriso imāni dve mūlena na deti, tumhehi saddhiṃ sahattheneva dātukāmo, tumhe imesaṃ dvinnaṃ kāraṇā nibbitakkā hothā’’ti. ‘‘Tvaṃ imasmiṃ dāne jeṭṭhakabhāgassa kāyasakkhī hohī’’ti vatvā gato. So pana kulaputto gāmato paribbayatthaṃ gahitakahāpaṇena pañcakaṭukaṃ gahetvā cuṇṇaṃ katvā dadhito kañciyaṃ vāhetvā tattha madhupaṭalaṃ pīḷetvā pañcakaṭukacuṇṇena yojetvā paduminipatte pakkhipitvā taṃ saṃvidahitvā ādāya dasabalassa avidūre nisīdi. Mahājanehi āhariyamānassa sakkārassa antare attano pattavāraṃ olokento okāsaṃ ñatvā satthu santikaṃ gantvā, ‘‘bhante, ayaṃ me duggatasakkāro, imaṃ me anukampaṃ paṭicca paṭiggaṇhathā’’ti. Satthā tassānukampaṃ paṭicca catumahārājehi dattiyena selamayapattena taṃ paṭiggahetvā yathā aṭṭhasaṭṭhiyā bhikkhusatasahassassa diyyamānaṃ na khīyati, evaṃ adhiṭṭhāsi.
со гулабуд̇д̇о нидтид̇абхад̇д̇агижжам̣ бхаг̇аванд̇ам̣ ванд̣̇ид̇ваа згаманд̇ам̣ нисинно ааха – ‘‘д̣̇идто мз, бханд̇з бхаг̇аваа, аж̇ж̇а б̣анд̇хумад̇ийнаг̇араваасийхи д̇умхаагам̣ саггааро аахарияамаано, ахамби имасса ниссанд̣̇зна ниб̣б̣ад̇д̇аниб̣б̣ад̇д̇абхавз лаабхаг̇г̇аяасаг̇г̇аббад̇д̇о бхавзяяа’’нд̇и. сад̇т̇аа ‘‘звам̣ ход̇у гулабуд̇д̇аа’’д̇и вад̇ваа д̇асса жа наг̇араваасийнан̃жа бхад̇д̇аанумод̣̇анам̣ гад̇ваа баггаами. со гулабуд̇д̇о яааваж̇ийвам̣ гусалам̣ гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з суббаваасааяа рааж̇ад̇хийд̇уяаа гужчимхи бадисанд̇хим̣ г̇ан̣хи. д̇асса бадисанд̇хиг̇г̇ахан̣агаалад̇о бадтааяа сааяам̣ баад̇ан̃жа бан̃жабан̣н̣аагаарасад̇аани суббаваасааяа убанийяанд̇и. ат̇асса саа бун̃н̃авиймам̣санад̇т̇ам̣ хад̇т̇зна б̣ийж̇абажчим̣ пусаабзнд̇ий адтааси. згзгаб̣ийж̇ад̇о салаагасад̇ам̣ салаагасахассамби ниг̇г̇ажчад̇и, згзгагарийсакзд̇д̇ад̇о бан̣н̣аасамби садтиби сагадабамаан̣аани уббаж̇ж̇анд̇и. годтабууран̣агаалзбиссаа годтад̣̇ваарам̣ хад̇т̇зна пусанд̇ияаа рааж̇ад̇хийд̇ааяа бун̃н̃зна г̇ан̣ханд̇аанам̣ г̇ахид̇аг̇ахид̇ам̣ буна буурад̇и. барибун̣н̣абхад̇д̇агумбхид̇оби ‘‘рааж̇ад̇хийд̇ааяа бун̃н̃а’’нд̇и вад̇ваа яасса гассажи д̣̇знд̇аа нам̣ яаава на уггад̣дханд̇и, на д̇аава бхад̇д̇ам̣ кийяад̇и. д̣̇аарагз гужчиг̇ад̇зязва сад̇д̇а вассаани ад̇иггамим̣су.
So kulaputto niṭṭhitabhattakiccaṃ bhagavantaṃ vanditvā ekamantaṃ nisinno āha – ‘‘diṭṭho me, bhante bhagavā, ajja bandhumatīnagaravāsīhi tumhākaṃ sakkāro āhariyamāno, ahampi imassa nissandena nibbattanibbattabhave lābhaggayasaggappatto bhaveyya’’nti. Satthā ‘‘evaṃ hotu kulaputtā’’ti vatvā tassa ca nagaravāsīnañca bhattānumodanaṃ katvā pakkāmi. So kulaputto yāvajīvaṃ kusalaṃ katvā devamanussesu saṃsaranto imasmiṃ buddhuppāde suppavāsāya rājadhītuyā kucchimhi paṭisandhiṃ gaṇhi. Tassa paṭisandhiggahaṇakālato paṭṭhāya sāyaṃ pātañca pañcapaṇṇākārasatāni suppavāsāya upanīyanti. Athassa sā puññavīmaṃsanatthaṃ hatthena bījapacchiṃ phusāpentī aṭṭhāsi. Ekekabījato salākasataṃ salākasahassampi niggacchati, ekekakarīsakhettato paṇṇāsampi saṭṭhipi sakaṭapamāṇāni uppajjanti. Koṭṭhapūraṇakālepissā koṭṭhadvāraṃ hatthena phusantiyā rājadhītāya puññena gaṇhantānaṃ gahitagahitaṃ puna pūrati. Paripuṇṇabhattakumbhitopi ‘‘rājadhītāya puñña’’nti vatvā yassa kassaci dentā naṃ yāva na ukkaḍḍhanti, na tāva bhattaṃ khīyati. Dārake kucchigateyeva satta vassāni atikkamiṃsu.
г̇аб̣бхз бана барибаггз сад̇д̇аахам̣ махаад̣̇угкам̣ анубхоси. саа саамигам̣ ааманд̇зд̇ваа – ‘‘бурз маран̣аа ж̇ийвамаанаа д̣̇аанам̣ д̣̇ассаамий’’д̇и сад̇т̇у санд̇игам̣ бзсзси – ‘‘г̇ажча, саами, имам̣ бавад̇д̇им̣ сад̇т̇у аарожзд̇ваа сад̇т̇аарам̣ ниманд̇зхи, яан̃жа сад̇т̇аа вад̣̇ад̇и, д̇ам̣ саад̇хугам̣ убалагкзд̇ваа ааг̇анд̇ваа маяхам̣ гат̇зхий’’д̇и. со г̇анд̇ваа д̇ассаа саасанам̣ сад̇т̇у аарожзси – ‘‘сад̇т̇у бханд̇з, гол̣ияад̇хийд̇аа баад̣̇з ванд̣̇ад̇ий’’д̇и. сад̇т̇аа д̇ассаа анугамбам̣ бадижжа – ‘‘сукиний ход̇у суббаваасаа гол̣ияад̇хийд̇аа арог̇аа, арог̇ам̣ буд̇д̇ам̣ виж̇ааяад̇уу’’д̇и ааха. со д̇ам̣ суд̇ваа бхаг̇аванд̇ам̣ ванд̣̇ид̇ваа ад̇д̇ано г̇аамаабхимуко бааяааси. д̇асса бурз ааг̇аманааязва суббаваасааяа гужчид̇о д̇хаммагаран̣ад̇о уд̣̇агам̣ вияа г̇аб̣бхо нигками, бариваарзд̇ваа нисиннаж̇ано ассумуко род̣̇ид̇ум̣ аарад̣̇д̇хо хадтад̇удтова д̇ассаа саамигасса д̇удтисаасанам̣ аарожзд̇ум̣ аг̇амааси. со д̇зсам̣ ин̇г̇ид̇ам̣ д̣̇исваа – ‘‘д̣̇асаб̣алзна гат̇ид̇агат̇аа нибпаннаа бхависсад̇и ман̃н̃з’’д̇и жинд̇зси. со ааг̇анд̇ваа сад̇т̇у гат̇ам̣ рааж̇ад̇хийд̇ааяа гат̇зси. рааж̇ад̇хийд̇аа д̇аяаа ниманд̇ид̇ам̣ ж̇ийвабхад̇д̇амзва ман̇г̇алабхад̇д̇ам̣ бхависсад̇и, г̇ажча сад̇д̇аахам̣ д̣̇асаб̣алам̣ ниманд̇зхийд̇и. со д̇ат̇аа агааси. сад̇д̇аахам̣ б̣уд̣̇д̇хаббамукасса бхигкусан̇гхасса махаад̣̇аанам̣ бавад̇д̇аяим̣су. со д̣̇аараго н̃аад̇ийнам̣ санд̇ад̇д̇ажид̇д̇ам̣ ниб̣б̣аабзнд̇о сийд̇алабхаавам̣ гурумаано ж̇аад̇од̇и, сийвалид̇взва наамам̣ гарим̣су. со сад̇д̇а вассаани г̇аб̣бхз васид̇ад̇д̇аа ж̇аад̇агаалад̇о бадтааяа саб̣б̣агаммагкамо ахоси. д̇хаммасзнаабад̇и саарибуд̇д̇ад̇т̇зро сад̇д̇амз д̣̇ивасз д̇зна сад̣̇д̇хим̣ гат̇аасаллаабамагааси. сад̇т̇ааби имам̣ г̇аат̇ам̣ абхааси –
Gabbhe pana paripakke sattāhaṃ mahādukkhaṃ anubhosi. Sā sāmikaṃ āmantetvā – ‘‘pure maraṇā jīvamānā dānaṃ dassāmī’’ti satthu santikaṃ pesesi – ‘‘gaccha, sāmi, imaṃ pavattiṃ satthu ārocetvā satthāraṃ nimantehi, yañca satthā vadati, taṃ sādhukaṃ upalakkhetvā āgantvā mayhaṃ kathehī’’ti. So gantvā tassā sāsanaṃ satthu ārocesi – ‘‘satthu bhante, koḷiyadhītā pāde vandatī’’ti. Satthā tassā anukampaṃ paṭicca – ‘‘sukhinī hotu suppavāsā koḷiyadhītā arogā, arogaṃ puttaṃ vijāyatū’’ti āha. So taṃ sutvā bhagavantaṃ vanditvā attano gāmābhimukho pāyāsi. Tassa pure āgamanāyeva suppavāsāya kucchito dhammakaraṇato udakaṃ viya gabbho nikkhami, parivāretvā nisinnajano assumukho rodituṃ āraddho haṭṭhatuṭṭhova tassā sāmikassa tuṭṭhisāsanaṃ ārocetuṃ agamāsi. So tesaṃ iṅgitaṃ disvā – ‘‘dasabalena kathitakathā nipphannā bhavissati maññe’’ti cintesi. So āgantvā satthu kathaṃ rājadhītāya kathesi. Rājadhītā tayā nimantitaṃ jīvabhattameva maṅgalabhattaṃ bhavissati, gaccha sattāhaṃ dasabalaṃ nimantehīti. So tathā akāsi. Sattāhaṃ buddhappamukhassa bhikkhusaṅghassa mahādānaṃ pavattayiṃsu. So dārako ñātīnaṃ santattacittaṃ nibbāpento sītalabhāvaṃ kurumāno jātoti, sīvalitveva nāmaṃ kariṃsu. So satta vassāni gabbhe vasitattā jātakālato paṭṭhāya sabbakammakkhamo ahosi. Dhammasenāpati sāriputtatthero sattame divase tena saddhiṃ kathāsallāpamakāsi. Satthāpi imaṃ gāthaṃ abhāsi –
‘‘яомам̣ балибат̇ам̣ д̣̇уг̇г̇ам̣, сам̣саарам̣ мохамажжаг̇аа;
‘‘Yomaṃ palipathaṃ duggaṃ, saṃsāraṃ mohamaccagā;
д̇ин̣н̣о бааран̇г̇ад̇о жхааяий, анзж̇о агат̇ам̣гат̇ий;
Tiṇṇo pāraṅgato jhāyī, anejo akathaṃkathī;
анубаад̣̇ааяа ниб̣б̣уд̇о, д̇амахам̣ б̣рууми б̣раахман̣а’’нд̇и. (д̇ха. ба. 414; су. ни. 643);
Anupādāya nibbuto, tamahaṃ brūmi brāhmaṇa’’nti. (dha. pa. 414; su. ni. 643);
ат̇а нам̣ т̇зро звамааха – ‘‘гим̣ бана д̇аяаа зваруубам̣ д̣̇угкам̣ анубхавид̇ваа баб̣б̣аж̇ид̇ум̣ на ваддад̇ий’’д̇и? ‘‘лабханд̇о баб̣б̣аж̇зяяам̣, бханд̇з’’д̇и. суббаваасаа д̇ам̣ т̇зрзна сад̣̇д̇хим̣ гат̇знд̇ам̣ д̣̇исваа – ‘‘гим̣ ну ко мз буд̇д̇о д̇хаммасзнаабад̇инаа гат̇зд̇ий’’д̇и т̇зрам̣ убасан̇гамид̇ваа бужчи – ‘‘маяхам̣ буд̇д̇о д̇умхзхи сад̣̇д̇хим̣ гим̣ гат̇зд̇и, бханд̇з’’д̇и? ад̇д̇анаа анубхуд̇д̇аг̇аб̣бхаваасад̣̇угкам̣ гат̇зд̇ваа – ‘‘д̇умхзхи анун̃н̃аад̇о баб̣б̣аж̇иссаамий’’д̇и вад̣̇ад̇ийд̇и. ‘‘саад̇ху бханд̇з, баб̣б̣ааж̇зт̇а на’’нд̇и. т̇зро д̇ам̣ вихаарам̣ нзд̇ваа д̇ажабан̃жагагаммадтаанам̣ д̣̇ад̇ваа баб̣б̣ааж̇знд̇о, ‘‘сийвали , д̇уяхам̣ ан̃н̃зна оваад̣̇зна гаммам̣ над̇т̇и, д̇аяаа сад̇д̇а вассаани анубхуд̇д̇ад̣̇угкамзва бажжавзгкаахий’’д̇и. ‘‘бханд̇з, баб̣б̣аж̇ж̇ааязва д̇умхаагам̣ бхааро, яам̣ бана маяаа саггаа гаад̇ум̣, д̇амахам̣ ж̇ааниссаамий’’д̇и. со бана батамагзсаваддияаа оробид̇агкан̣зязва сод̇аабад̇д̇ипалз бад̇идтааси, д̣̇уд̇ияааяа оробид̇агкан̣з сагад̣̇ааг̇аамипалз, д̇ад̇ияааяа анааг̇аамипалз бад̇идтааси. саб̣б̣зсам̣язва гзсаанам̣ оробанан̃жа арахад̇д̇апаласажчигирияаа жа абурз абажчаа ахоси.
Atha naṃ thero evamāha – ‘‘kiṃ pana tayā evarūpaṃ dukkhaṃ anubhavitvā pabbajituṃ na vaṭṭatī’’ti? ‘‘Labhanto pabbajeyyaṃ, bhante’’ti. Suppavāsā taṃ therena saddhiṃ kathentaṃ disvā – ‘‘kiṃ nu kho me putto dhammasenāpatinā kathetī’’ti theraṃ upasaṅkamitvā pucchi – ‘‘mayhaṃ putto tumhehi saddhiṃ kiṃ katheti, bhante’’ti? Attanā anubhuttagabbhavāsadukkhaṃ kathetvā – ‘‘tumhehi anuññāto pabbajissāmī’’ti vadatīti. ‘‘Sādhu bhante, pabbājetha na’’nti. Thero taṃ vihāraṃ netvā tacapañcakakammaṭṭhānaṃ datvā pabbājento, ‘‘sīvali , tuyhaṃ aññena ovādena kammaṃ natthi, tayā satta vassāni anubhuttadukkhameva paccavekkhāhī’’ti. ‘‘Bhante, pabbajjāyeva tumhākaṃ bhāro, yaṃ pana mayā sakkā kātuṃ, tamahaṃ jānissāmī’’ti. So pana paṭhamakesavaṭṭiyā oropitakkhaṇeyeva sotāpattiphale patiṭṭhāsi, dutiyāya oropitakkhaṇe sakadāgāmiphale, tatiyāya anāgāmiphale patiṭṭhāsi. Sabbesaṃyeva kesānaṃ oropanañca arahattaphalasacchikiriyā ca apure apacchā ahosi.
ат̇а бхигкусан̇гхз гат̇аа уд̣̇абаад̣̇и – ‘‘ахо звам̣ бун̃н̃авааби т̇зро сад̇д̇амаасаад̇хигаани сад̇д̇а сам̣важчараани маад̇уг̇аб̣бхз васид̇ваа сад̇д̇а д̣̇ивасаани муул̣хаг̇аб̣бхз васий’’д̇и. сад̇т̇аа ааг̇анд̇ваа – ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа – ‘‘имааяа наамаа’’д̇и вуд̇д̇з – ‘‘на, бхигкавз, иминаа гулабуд̇д̇зна имааяа ж̇аад̇ияаа гад̇агамма’’нд̇и вад̇ваа ад̇ийд̇ам̣ аахарид̇ваа ад̇ийд̇з, бхигкавз, б̣уд̣̇д̇хуббаад̣̇ад̇о бурзд̇арамзва зса гулабуд̇д̇о б̣аараан̣асияам̣ рааж̇агулз ниб̣б̣ад̇д̇о, бид̇у ажжаязна раж̇ж̇з бад̇идтааяа вибхавасамбанно баагадо ахоси. д̇ад̣̇аа зго бажжанд̇арааж̇аа ‘‘раж̇ж̇ам̣ г̇ан̣хиссаамий’’д̇и ааг̇анд̇ваа наг̇арам̣ убарунд̇хид̇ваа канд̇хааваарам̣ гаарзд̇ваа вихааси. ат̇а рааж̇аа маад̇уяаа сад̣̇д̇хим̣ самаанажчанд̣̇о худ̇ваа сад̇д̇аахам̣ канд̇хаавааранаг̇арз жад̇уусу д̣̇исаасу д̣̇ваарам̣ бид̇хаабзси, нигкаманд̇аанам̣ бависанд̇аанан̃жа д̣̇ваарамуул̣хам̣ ахоси. ат̇а миг̇ад̣̇ааяавихаарз бажжзгаб̣уд̣̇д̇хаа уг̇гхосзсум̣. рааж̇аа суд̇ваа д̣̇ваарам̣ вивараабзсийд̇и. бажжанд̇арааж̇ааби балааяи. со д̇зна гаммавибаагзна нарагаад̣̇ийсу д̣̇угкаманубхавид̇ваа имасмим̣ б̣уд̣̇д̇хуббаад̣̇з рааж̇агулз ниб̣б̣ад̇д̇оби маад̇уяаа сад̣̇д̇хим̣ имам̣ зваруубам̣ д̣̇угкаманубхави. д̇асса бана баб̣б̣аж̇ид̇агаалад̇о бадтааяа бхигкусан̇гхасса жад̇д̇ааро бажжаяаа яад̣̇ижчагам̣ уббаж̇ж̇анд̇и. звам̣ зд̇т̇а вад̇т̇у самудтид̇ам̣.
Atha bhikkhusaṅghe kathā udapādi – ‘‘aho evaṃ puññavāpi thero sattamāsādhikāni satta saṃvaccharāni mātugabbhe vasitvā satta divasāni mūḷhagabbhe vasī’’ti. Satthā āgantvā – ‘‘kāya nuttha, bhikkhave, etarahi kathāya sannisinnā’’ti pucchitvā – ‘‘imāya nāmā’’ti vutte – ‘‘na, bhikkhave, iminā kulaputtena imāya jātiyā katakamma’’nti vatvā atītaṃ āharitvā atīte, bhikkhave, buddhuppādato puretarameva esa kulaputto bārāṇasiyaṃ rājakule nibbatto, pitu accayena rajje patiṭṭhāya vibhavasampanno pākaṭo ahosi. Tadā eko paccantarājā ‘‘rajjaṃ gaṇhissāmī’’ti āgantvā nagaraṃ uparundhitvā khandhāvāraṃ kāretvā vihāsi. Atha rājā mātuyā saddhiṃ samānacchando hutvā sattāhaṃ khandhāvāranagare catūsu disāsu dvāraṃ pidhāpesi, nikkhamantānaṃ pavisantānañca dvāramūḷhaṃ ahosi. Atha migadāyavihāre paccekabuddhā ugghosesuṃ. Rājā sutvā dvāraṃ vivarāpesīti. Paccantarājāpi palāyi. So tena kammavipākena narakādīsu dukkhamanubhavitvā imasmiṃ buddhuppāde rājakule nibbattopi mātuyā saddhiṃ imaṃ evarūpaṃ dukkhamanubhavi. Tassa pana pabbajitakālato paṭṭhāya bhikkhusaṅghassa cattāro paccayā yadicchakaṃ uppajjanti. Evaṃ ettha vatthu samuṭṭhitaṃ.
абарабхааг̇з сад̇т̇аа саавад̇т̇им̣ аг̇амааси. т̇зро бхаг̇аванд̇ам̣ абхиваад̣̇зд̇ваа, ‘‘бханд̇з, маяхам̣ бун̃н̃аб̣алам̣ виймам̣сиссаами, бан̃жабхигкусад̇аани д̣̇зт̇аа’’д̇и. ‘‘г̇ан̣ха, сийвалий’’д̇и. со бан̃жасад̇з бхигкуу г̇ахзд̇ваа химаванд̇аабхимукам̣ г̇ажчанд̇о адавимаг̇г̇ам̣ г̇ажчад̇и. д̇асса батамам̣ д̣̇идтаниг̇род̇хз ад̇хивад̇т̇аа д̣̇звад̇аа сад̇д̇а д̣̇ивасаани д̣̇аанам̣ ад̣̇ааси. ид̇и со –
Aparabhāge satthā sāvatthiṃ agamāsi. Thero bhagavantaṃ abhivādetvā, ‘‘bhante, mayhaṃ puññabalaṃ vīmaṃsissāmi, pañcabhikkhusatāni dethā’’ti. ‘‘Gaṇha, sīvalī’’ti. So pañcasate bhikkhū gahetvā himavantābhimukhaṃ gacchanto aṭavimaggaṃ gacchati. Tassa paṭhamaṃ diṭṭhanigrodhe adhivatthā devatā satta divasāni dānaṃ adāsi. Iti so –
‘‘ниг̇род̇хам̣ батамам̣ басси, д̣̇уд̇ияам̣ бан̣д̣авабаб̣б̣ад̇ам̣;
‘‘Nigrodhaṃ paṭhamaṃ passi, dutiyaṃ paṇḍavapabbataṃ;
д̇ад̇ияам̣ ажиравад̇ияам̣, жад̇уд̇т̇ам̣ варасааг̇арам̣.
Tatiyaṃ aciravatiyaṃ, catutthaṃ varasāgaraṃ.
‘‘бан̃жамам̣ химаванд̇ам̣ со, чадтам̣ чад̣̇д̣̇анд̇убааг̇ами;
‘‘Pañcamaṃ himavantaṃ so, chaṭṭhaṃ chaddantupāgami;
сад̇д̇амам̣ г̇анд̇хамаад̣̇анам̣, адтамам̣ ат̇а рзвад̇а’’нд̇и. (а. ни. адта. 1.1.207; т̇зраг̇аа. адта. 1.59 сийвалид̇т̇зраг̇аат̇ааван̣н̣анаа) –
Sattamaṃ gandhamādanaṃ, aṭṭhamaṃ atha revata’’nti. (a. ni. aṭṭha. 1.1.207; theragā. aṭṭha. 1.59 sīvalittheragāthāvaṇṇanā) –
саб̣б̣адтаанзсу сад̇д̇а сад̇д̇а д̣̇ивасаанзва д̣̇аанам̣ ад̣̇ам̣су. г̇анд̇хамаад̣̇анабаб̣б̣ад̇з бана нааг̇ад̣̇ад̇д̇ад̣̇зварааж̇аа сад̇д̇асу д̣̇ивасзсу згад̣̇ивасам̣ кийрабин̣д̣абаад̇ам̣ ад̣̇ааси, згад̣̇ивасам̣ саббибин̣д̣абаад̇ам̣ ад̣̇ааси. ат̇а нам̣ бхигкусан̇гхо ааха – ‘‘аавусо, имасса д̣̇зваран̃н̃о нзва д̇хзнуяо д̣̇уяхамаанаа бан̃н̃ааяанд̇и, на д̣̇ад̇хиниммат̇анам̣, гуд̇о д̇з, д̣̇зварааж̇а, ид̣̇ам̣ уббаж̇ж̇ад̇ий’’д̇и? ‘‘бханд̇з, гассабад̣̇асаб̣аласса гаалз кийрасалаагабхад̇д̇ад̣̇аанассзд̇ам̣ пала’’нд̇и д̣̇зварааж̇аа ааха.
Sabbaṭṭhānesu satta satta divasāneva dānaṃ adaṃsu. Gandhamādanapabbate pana nāgadattadevarājā sattasu divasesu ekadivasaṃ khīrapiṇḍapātaṃ adāsi, ekadivasaṃ sappipiṇḍapātaṃ adāsi. Atha naṃ bhikkhusaṅgho āha – ‘‘āvuso, imassa devarañño neva dhenuyo duyhamānā paññāyanti, na dadhinimmathanaṃ, kuto te, devarāja, idaṃ uppajjatī’’ti? ‘‘Bhante, kassapadasabalassa kāle khīrasalākabhattadānassetaṃ phala’’nti devarājā āha.
абарабхааг̇з сад̇т̇аа кад̣̇ираванияарзвад̇ад̇т̇зрасса бажжуг̇г̇аманам̣ агааси. гат̇ам̣? ат̇ааяасмаа саарибуд̇д̇о сад̇т̇аарам̣ ааха – ‘‘бханд̇з, маяхам̣ гира ганидтабхаад̇аа рзвад̇о баб̣б̣аж̇ид̇о, со абхирамзяяа ваа на ваа, г̇анд̇ваа нам̣ бассиссаамий’’д̇и. бхаг̇аваа рзвад̇асса аарад̣̇д̇хавибассагабхаавам̣ н̃ад̇ваа д̣̇вз ваарз бадигкибид̇ваа д̇ад̇ияаваарз яаажид̇о арахад̇д̇аббад̇д̇абхаавам̣ н̃ад̇ваа – саарибуд̇д̇а, ахамби г̇амиссаами бхигкуунам̣ аарожзхийд̇и. т̇зро бхигкуу саннибаад̇аабзд̇ваа – ‘‘аавусо, сад̇т̇аа жааригам̣ жарид̇угаамо, г̇анд̇угаамаа ааг̇ажчанд̇уу’’д̇и саб̣б̣зсам̣язва аарожзси. д̣̇асаб̣аласса жааригад̇т̇ааяа г̇аманагаалз охияяамаанагабхигкуу наама аббагаа хонд̇и, ‘‘сад̇т̇у суван̣н̣аван̣н̣ам̣ сарийрам̣ бассиссаама, мад̇хурад̇хаммагат̇ам̣ ваа сун̣иссаамаа’’д̇и язбхуяязна г̇анд̇угаамаа б̣ахуд̇араава хонд̇и. ид̇и сад̇т̇аа махаабхигкусан̇гхабаривааро ‘‘рзвад̇ам̣ бассиссаамаа’’д̇и нигканд̇о.
Aparabhāge satthā khadiravaniyarevatattherassa paccuggamanaṃ akāsi. Kathaṃ? Athāyasmā sāriputto satthāraṃ āha – ‘‘bhante, mayhaṃ kira kaniṭṭhabhātā revato pabbajito, so abhirameyya vā na vā, gantvā naṃ passissāmī’’ti. Bhagavā revatassa āraddhavipassakabhāvaṃ ñatvā dve vāre paṭikkhipitvā tatiyavāre yācito arahattappattabhāvaṃ ñatvā – sāriputta, ahampi gamissāmi bhikkhūnaṃ ārocehīti. Thero bhikkhū sannipātāpetvā – ‘‘āvuso, satthā cārikaṃ caritukāmo, gantukāmā āgacchantū’’ti sabbesaṃyeva ārocesi. Dasabalassa cārikatthāya gamanakāle ohiyyamānakabhikkhū nāma appakā honti, ‘‘satthu suvaṇṇavaṇṇaṃ sarīraṃ passissāma, madhuradhammakathaṃ vā suṇissāmā’’ti yebhuyyena gantukāmā bahutarāva honti. Iti satthā mahābhikkhusaṅghaparivāro ‘‘revataṃ passissāmā’’ti nikkhanto.
ат̇згасмим̣ бад̣̇зсз аананд̣̇ад̇т̇зро д̣̇взд̇хаабат̇ам̣ бад̇ваа бхаг̇аванд̇ам̣ бужчи – ‘‘бханд̇з, имасмим̣ таанз д̣̇взд̇хаабат̇о, гад̇арамаг̇г̇зна бхигкусан̇гхо г̇ажчад̇уу’’д̇и? ‘‘гад̇арамаг̇г̇о, аананд̣̇а, уж̇уго’’д̇и? ‘‘бханд̇з, уж̇умаг̇г̇о д̇им̣саяож̇аниго амануссабат̇о. барихаарамаг̇г̇о бана садтияож̇аниго кзмо субхигко’’д̇и. ‘‘аананд̣̇а, сийвали, амхзхи сад̣̇д̇хим̣ ааг̇ад̇о’’д̇и? ‘‘аама, бханд̇з, ааг̇ад̇о’’д̇и. ‘‘д̇зна хи сан̇гхо уж̇умаг̇г̇амзва г̇ажчад̇у, сийвалисса бун̃н̃ам̣ виймам̣сиссаамаа’’д̇и. сад̇т̇аа бхигкусан̇гхабаривааро сийвалид̇т̇зрасса бун̃н̃авиймам̣санад̇т̇ам̣ д̇им̣саяож̇анамаг̇г̇ам̣ абхирухи (а. ни. адта. 1.1.203).
Athekasmiṃ padese ānandatthero dvedhāpathaṃ patvā bhagavantaṃ pucchi – ‘‘bhante, imasmiṃ ṭhāne dvedhāpatho, kataramaggena bhikkhusaṅgho gacchatū’’ti? ‘‘Kataramaggo, ānanda, ujuko’’ti? ‘‘Bhante, ujumaggo tiṃsayojaniko amanussapatho. Parihāramaggo pana saṭṭhiyojaniko khemo subhikkho’’ti. ‘‘Ānanda, sīvali, amhehi saddhiṃ āgato’’ti? ‘‘Āma, bhante, āgato’’ti. ‘‘Tena hi saṅgho ujumaggameva gacchatu, sīvalissa puññaṃ vīmaṃsissāmā’’ti. Satthā bhikkhusaṅghaparivāro sīvalittherassa puññavīmaṃsanatthaṃ tiṃsayojanamaggaṃ abhiruhi (a. ni. aṭṭha. 1.1.203).
маг̇г̇ам̣ абхируханадтаанад̇о бадтааяа д̣̇звасан̇гхо яож̇анз яож̇анз таанз наг̇арам̣ маабзд̇ваа б̣уд̣̇д̇хаббамукасса бхигкусан̇гхасса васанад̇т̇ааяа вихаарз бадияаад̣̇зси. д̣̇звабуд̇д̇аа ран̃н̃аа бзсид̇агаммагаараа вияа худ̇ваа яааг̇укаж̇ж̇агаад̣̇ийни г̇ахзд̇ваа – ‘‘гахам̣, аяяо сийвалий’’д̇и бужчанд̇аа г̇ажчанд̇и. т̇зро саггаарасаммаанам̣ г̇аахаабзд̇ваа сад̇т̇у санд̇игам̣ г̇ажчад̇и. сад̇т̇аа бхигкусан̇гхзна сад̣̇д̇хим̣ барибхун̃ж̇и. иминаава нияаамзна сад̇т̇аа саггаарам̣ анубхаванд̇о д̣̇звасигам̣ яож̇анабарамам̣ г̇анд̇ваа д̇им̣саяож̇анигам̣ ганд̇аарам̣ ад̇иггамма кад̣̇ираванияарзвад̇ад̇т̇зрасса васанадтаанам̣ бад̇д̇о, т̇зро сад̇т̇у ааг̇аманам̣ н̃ад̇ваа ад̇д̇ано васанадтаанз б̣уд̣̇д̇хаббамукасса бхигкусан̇гхасса бахонагавихаарз д̣̇асаб̣аласса г̇анд̇хагудим̣ рад̇д̇идтаанад̣̇иваадтаанаани жа ид̣̇д̇хияаа маабзд̇ваа д̇ат̇ааг̇ад̇асса бажжуг̇г̇аманам̣ г̇ад̇о. сад̇т̇аа алан̇гад̇абадияад̇д̇зна маг̇г̇зна вихаарам̣ баависи. ат̇а д̇ат̇ааг̇ад̇з г̇анд̇хагудим̣ бавидтз бхигкуу вассаг̇г̇зна бад̇д̇асзнаасанаани бависим̣су. д̣̇звад̇аа ‘‘агаало аахаарассаа’’д̇и адтавид̇хам̣ баанагам̣ аахарим̣су. сад̇т̇аа сан̇гхзна сад̣̇д̇хим̣ баанагам̣ биви. иминаа нияаамзнзва д̇ат̇ааг̇ад̇асса саггаарасаммаанам̣ анубхаванд̇ассзва ад̣̇д̇хамаасо ад̇игганд̇о.
Maggaṃ abhiruhanaṭṭhānato paṭṭhāya devasaṅgho yojane yojane ṭhāne nagaraṃ māpetvā buddhappamukhassa bhikkhusaṅghassa vasanatthāya vihāre paṭiyādesi. Devaputtā raññā pesitakammakārā viya hutvā yāgukhajjakādīni gahetvā – ‘‘kahaṃ, ayyo sīvalī’’ti pucchantā gacchanti. Thero sakkārasammānaṃ gāhāpetvā satthu santikaṃ gacchati. Satthā bhikkhusaṅghena saddhiṃ paribhuñji. Imināva niyāmena satthā sakkāraṃ anubhavanto devasikaṃ yojanaparamaṃ gantvā tiṃsayojanikaṃ kantāraṃ atikkamma khadiravaniyarevatattherassa vasanaṭṭhānaṃ patto, thero satthu āgamanaṃ ñatvā attano vasanaṭṭhāne buddhappamukhassa bhikkhusaṅghassa pahonakavihāre dasabalassa gandhakuṭiṃ rattiṭṭhānadivāṭṭhānāni ca iddhiyā māpetvā tathāgatassa paccuggamanaṃ gato. Satthā alaṅkatapaṭiyattena maggena vihāraṃ pāvisi. Atha tathāgate gandhakuṭiṃ paviṭṭhe bhikkhū vassaggena pattasenāsanāni pavisiṃsu. Devatā ‘‘akālo āhārassā’’ti aṭṭhavidhaṃ pānakaṃ āhariṃsu. Satthā saṅghena saddhiṃ pānakaṃ pivi. Iminā niyāmeneva tathāgatassa sakkārasammānaṃ anubhavantasseva addhamāso atikkanto.
ат̇згажжз угган̣тид̇абхигкуу згасмим̣ таанз нисийд̣̇ид̇ваа гат̇ам̣ уббаад̣̇аяим̣су – ‘‘д̣̇асаб̣ало ‘маяхам̣ аг̇г̇асаавагасса ганидтабхаад̇аа’д̇и вад̇ваа зваруубам̣ навагаммигам̣ бхигкум̣ бассид̇ум̣ ааг̇ад̇о, имасса вихаарасса санд̇игз ж̇зд̇аванавихааро ваа взл̣уванавихаараад̣̇аяо ваа гим̣ гариссанд̇и? аяамби бхигку зваруубасса навагаммасса гаараго, гим̣ наама саман̣ад̇хаммам̣ гариссад̇ий’’д̇и? ат̇а сад̇т̇аа жинд̇зси – ‘‘маяи ид̇ха жирам̣ васанд̇з ид̣̇ам̣ таанам̣ аагин̣н̣ам̣ бхависсад̇и, ааран̃н̃агаа наама бхигкуу бавивзгад̇т̇игаа хонд̇и, рзвад̇асса паасувихааро на бхависсад̇ий’’д̇и. д̇ад̇о т̇зрасса д̣̇иваадтаанам̣ г̇ад̇о. т̇зроби згагова жан̇гаманагодияам̣ ааламб̣анапалагам̣ ниссааяа баасаан̣апалагз нисинно сад̇т̇аарам̣ д̣̇уурад̇ова ааг̇ажчанд̇ам̣ д̣̇исваа бажжуг̇г̇анд̇ваа ванд̣̇и.
Athekacce ukkaṇṭhitabhikkhū ekasmiṃ ṭhāne nisīditvā kathaṃ uppādayiṃsu – ‘‘dasabalo ‘mayhaṃ aggasāvakassa kaniṭṭhabhātā’ti vatvā evarūpaṃ navakammikaṃ bhikkhuṃ passituṃ āgato, imassa vihārassa santike jetavanavihāro vā veḷuvanavihārādayo vā kiṃ karissanti? Ayampi bhikkhu evarūpassa navakammassa kārako, kiṃ nāma samaṇadhammaṃ karissatī’’ti? Atha satthā cintesi – ‘‘mayi idha ciraṃ vasante idaṃ ṭhānaṃ ākiṇṇaṃ bhavissati, āraññakā nāma bhikkhū pavivekatthikā honti, revatassa phāsuvihāro na bhavissatī’’ti. Tato therassa divāṭṭhānaṃ gato. Theropi ekakova caṅkamanakoṭiyaṃ ālambanaphalakaṃ nissāya pāsāṇaphalake nisinno satthāraṃ dūratova āgacchantaṃ disvā paccuggantvā vandi.
ат̇а нам̣ сад̇т̇аа бужчи – ‘‘рзвад̇а, ид̣̇ам̣ ваал̣амиг̇адтаанам̣, жан̣д̣аанам̣ хад̇т̇иассаад̣̇ийнам̣ сад̣̇д̣̇ам̣ суд̇ваа гим̣ гаросий’’д̇и? ‘‘д̇зсам̣ мз, бханд̇з, сад̣̇д̣̇ам̣ сун̣ад̇о аран̃н̃абийд̇и наама уббаннаа’’д̇и. сад̇т̇аа имасмим̣ таанз рзвад̇ад̇т̇зрасса бан̃жахи г̇аат̇аасад̇зхи аран̃н̃аанисам̣сам̣ наама гат̇зд̇ваа бунад̣̇ивасз авид̣̇уурадтаанз бин̣д̣ааяа жарид̇ваа рзвад̇ад̇т̇зрам̣ ааманд̇зд̇ваа язхи бхигкуухи т̇зрасса аван̣н̣о гат̇ид̇о, д̇зсам̣ гад̇д̇араяадтиубааханад̇зланаал̣ичад̇д̇аанам̣ бамуссанабхаавамагааси. д̇з ад̇д̇ано баригкаарад̇т̇ааяа нивад̇д̇аа ааг̇ад̇амаг̇г̇знзва г̇ажчанд̇ааби д̇ам̣ таанам̣ саллагкзд̇ум̣ на саггонд̇и. батаман̃хи д̇з алан̇гад̇абадияад̇д̇зна маг̇г̇зна г̇анд̇ваа, д̇ам̣д̣̇ивасам̣ бана висамамаг̇г̇зна г̇ажчанд̇аа д̇асмим̣ д̇асмим̣ таанз уггудигам̣ нисийд̣̇анд̇аа ж̇ан̣н̣угзхи г̇ажчанд̇и. д̇з г̇умб̣з жа г̇ажчз жа ган̣д̣агз жа мад̣̇д̣̇анд̇аа ад̇д̇анаа васид̇асабхааг̇адтаанам̣ г̇анд̇ваа д̇асмим̣ д̇асмим̣ кад̣̇иракаан̣угз лаг̇г̇ид̇ам̣ ад̇д̇ано чад̇д̇ам̣ сан̃ж̇аананд̇и, убааханам̣ гад̇д̇араяадтим̣ д̇зланаал̣ин̃жа сан̃ж̇аананд̇и. д̇з д̇асмим̣ самаяз ‘‘ид̣̇д̇химаа аяам̣ бхигкуу’’д̇и н̃ад̇ваа ад̇д̇ано баригкаарамаад̣̇ааяа ‘‘д̣̇асаб̣аласса бадияад̇д̇асаггааро наама зваруубо ход̇ий’’д̇и вад̣̇анд̇аа аг̇амам̣су.
Atha naṃ satthā pucchi – ‘‘revata, idaṃ vāḷamigaṭṭhānaṃ, caṇḍānaṃ hatthiassādīnaṃ saddaṃ sutvā kiṃ karosī’’ti? ‘‘Tesaṃ me, bhante, saddaṃ suṇato araññapīti nāma uppannā’’ti. Satthā imasmiṃ ṭhāne revatattherassa pañcahi gāthāsatehi araññānisaṃsaṃ nāma kathetvā punadivase avidūraṭṭhāne piṇḍāya caritvā revatattheraṃ āmantetvā yehi bhikkhūhi therassa avaṇṇo kathito, tesaṃ kattarayaṭṭhiupāhanatelanāḷichattānaṃ pamussanabhāvamakāsi. Te attano parikkhāratthāya nivattā āgatamaggeneva gacchantāpi taṃ ṭhānaṃ sallakkhetuṃ na sakkonti. Paṭhamañhi te alaṅkatapaṭiyattena maggena gantvā, taṃdivasaṃ pana visamamaggena gacchantā tasmiṃ tasmiṃ ṭhāne ukkuṭikaṃ nisīdantā jaṇṇukehi gacchanti. Te gumbe ca gacche ca kaṇḍake ca maddantā attanā vasitasabhāgaṭṭhānaṃ gantvā tasmiṃ tasmiṃ khadirakhāṇuke laggitaṃ attano chattaṃ sañjānanti, upāhanaṃ kattarayaṭṭhiṃ telanāḷiñca sañjānanti. Te tasmiṃ samaye ‘‘iddhimā ayaṃ bhikkhū’’ti ñatvā attano parikkhāramādāya ‘‘dasabalassa paṭiyattasakkāro nāma evarūpo hotī’’ti vadantā agamaṃsu.
бурад̇о ааг̇ад̇з бхигкуу, висаакаа убаасигаа, ад̇д̇ано г̇зхз нисиннагаалз бужчи – ‘‘манаабам̣ ну ко, бханд̇з, рзвад̇асса васанадтаана’’нд̇и? ‘‘манаабам̣, убаасигз, нанд̣̇аванажид̇д̇алад̇ааванабадибхааг̇ам̣ д̇ам̣ сзнаасана’’нд̇и. ат̇а д̇зсам̣ бажчад̇о ааг̇ад̇з бхигкуу бужчи – ‘‘манаабам̣, аяяаа, рзвад̇асса васанадтаана’’нд̇и? ‘‘маа бужча, убаасигз, гат̇зд̇ум̣ аяуд̇д̇адтаанам̣, зд̇ам̣ уж̇ж̇ан̇г̇аласагкарабаасаан̣ависамакад̣̇ираванам̣ зва, д̇ад̇т̇а со бхигку васад̇ий’’д̇и.
Purato āgate bhikkhū, visākhā upāsikā, attano gehe nisinnakāle pucchi – ‘‘manāpaṃ nu kho, bhante, revatassa vasanaṭṭhāna’’nti? ‘‘Manāpaṃ, upāsike, nandavanacittalatāvanapaṭibhāgaṃ taṃ senāsana’’nti. Atha tesaṃ pacchato āgate bhikkhū pucchi – ‘‘manāpaṃ, ayyā, revatassa vasanaṭṭhāna’’nti? ‘‘Mā puccha, upāsike, kathetuṃ ayuttaṭṭhānaṃ, etaṃ ujjaṅgalasakkharapāsāṇavisamakhadiravanaṃ eva, tattha so bhikkhu vasatī’’ti.
висаакаа буримаанам̣ бажчимаанан̃жа бхигкуунам̣ гат̇ам̣ суд̇ваа, ‘‘гзсам̣ ну ко гат̇аа сажжаа’’д̇и бажчаабхад̇д̇ам̣ г̇анд̇хамаалам̣ аад̣̇ааяа д̣̇асаб̣аласса убадтаанам̣ г̇анд̇ваа ванд̣̇ид̇ваа згаманд̇ам̣ нисиннаа сад̇т̇аарам̣ бужчи – ‘‘бханд̇з, рзвад̇ад̇т̇зрасса васанадтаанам̣ згажжз аяяаа ван̣н̣знд̇и, згажжз нинд̣̇анд̇и, гимзд̇ам̣, бханд̇з’’д̇и? ‘‘висаакз, раман̣ияам̣ ваа ход̇у маа ваа, яасмим̣ таанз арияаанам̣ жид̇д̇ам̣ рамад̇и, д̇ад̣̇зва таанам̣ раман̣ияам̣ наамаа’’д̇и вад̇ваа имам̣ г̇аат̇амааха –
Visākhā purimānaṃ pacchimānañca bhikkhūnaṃ kathaṃ sutvā, ‘‘kesaṃ nu kho kathā saccā’’ti pacchābhattaṃ gandhamālaṃ ādāya dasabalassa upaṭṭhānaṃ gantvā vanditvā ekamantaṃ nisinnā satthāraṃ pucchi – ‘‘bhante, revatattherassa vasanaṭṭhānaṃ ekacce ayyā vaṇṇenti, ekacce nindanti, kimetaṃ, bhante’’ti? ‘‘Visākhe, ramaṇiyaṃ vā hotu mā vā, yasmiṃ ṭhāne ariyānaṃ cittaṃ ramati, tadeva ṭhānaṃ ramaṇiyaṃ nāmā’’ti vatvā imaṃ gāthamāha –
‘‘г̇аамз ваа яад̣̇и вааран̃н̃з, ниннз ваа яад̣̇и ваа т̇алз;
‘‘Gāme vā yadi vāraññe, ninne vā yadi vā thale;
яад̇т̇а араханд̇о вихаранд̇и, д̇ам̣ бхуумирааман̣зяяага’’нд̇и. (д̇ха. ба. 98; т̇зраг̇аа. 991; сам̣. ни. 1.261);
Yattha arahanto viharanti, taṃ bhūmirāmaṇeyyaka’’nti. (dha. pa. 98; theragā. 991; saṃ. ni. 1.261);
абарабхааг̇з бхаг̇аваа арияаг̇ан̣амаж̇жхз нисинно т̇зрам̣ ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ лаабхийнам̣ яад̣̇ид̣̇ам̣, сийвалий’’д̇и (а. ни. 1.198, 207) зд̇ад̣̇аг̇г̇з табзси.
Aparabhāge bhagavā ariyagaṇamajjhe nisinno theraṃ ‘‘etadaggaṃ, bhikkhave, mama sāvakānaṃ bhikkhūnaṃ lābhīnaṃ yadidaṃ, sīvalī’’ti (a. ni. 1.198, 207) etadagge ṭhapesi.
54. ат̇ааяасмаа сийвалид̇т̇зро арахад̇д̇ам̣ бад̇ваа бад̇д̇азд̇ад̣̇аг̇г̇адтаано ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о бад̣̇умуд̇д̇аро наама ж̇инод̇иаад̣̇имааха. ануд̇д̇аанад̇т̇абад̣̇аван̣н̣анамзва гариссаама.
54. Athāyasmā sīvalitthero arahattaṃ patvā pattaetadaggaṭṭhāno attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādimāha. Anuttānatthapadavaṇṇanameva karissāma.
55. сийлам̣ д̇асса асан̇кзяяанд̇и д̇асса бад̣̇умуд̇д̇арасса бхаг̇авад̇о сийлам̣ асан̇кзяяам̣.
55.Sīlaṃ tassa asaṅkheyyanti tassa padumuttarassa bhagavato sīlaṃ asaṅkheyyaṃ.
‘‘нава годисахассаани, асийд̇исад̇агодияо;
‘‘Nava koṭisahassāni, asītisatakoṭiyo;
бан̃н̃аасасад̇асахассаани, чад̇д̇им̣саа жа бунаабарз.
Paññāsasatasahassāni, chattiṃsā ca punāpare.
‘‘зд̇з сам̣варавинаяаа, самб̣уд̣̇д̇хзна багаасид̇аа;
‘‘Ete saṃvaravinayā, sambuddhena pakāsitā;
бзяяааламукзна нид̣̇д̣̇идтаа, сигкаавинаяасам̣варз’’д̇и. (висуд̣̇д̇хи. 1.20; бади. ма. адта. 1.1.37) –
Peyyālamukhena niddiṭṭhā, sikkhāvinayasaṃvare’’ti. (visuddhi. 1.20; paṭi. ma. aṭṭha. 1.1.37) –
звам̣ вуд̇д̇асигкаабад̣̇аани бхигкуунам̣ саавагабан̃н̃ад̇д̇ивасзна вуд̇д̇аани. бхаг̇авад̇о бана сийлам̣ асан̇кзяяамзва сам̣каад̇ум̣ г̇ан̣зд̇ум̣ асаггун̣зяяанд̇и ад̇т̇о. самаад̇хиваж̇ируубамо яат̇аа важ̇ирам̣ инд̣̇анийламан̣ивзл̣урияаман̣ипалигамасаараг̇аллаад̣̇ийни рад̇анаани виж̇жхад̇и чид̣̇д̣̇аавачид̣̇д̣̇ам̣ гарод̇и, звамзва бад̣̇умуд̇д̇арасса бхаг̇авад̇о логуд̇д̇арамаг̇г̇асамаад̇хи бадибагкабажжанийгад̇хаммз виж̇жхад̇и бхинд̣̇ад̇и самужчинд̣̇ад̇ийд̇и ад̇т̇о. асан̇кзяяам̣ н̃аан̣аварам̣ д̇асса б̣уд̣̇д̇хасса жад̇д̇аари сажжаани сад̇д̇ад̇им̣саб̣од̇хибагкияад̇хаммз сан̇кад̇аасан̇кад̇ад̇хаммз жа ж̇аанид̇ум̣ бадивиж̇жхид̇ум̣ самад̇т̇ам̣ саяамбхуун̃аан̣асаб̣б̣ан̃н̃уд̇ан̃н̃аан̣аад̣̇ин̃аан̣асамуухам̣ асан̇кзяяам̣, ад̇ийд̇аанааг̇ад̇абажжуббаннаад̣̇ибхзд̣̇зна сам̣каавирахид̇анд̇и ад̇т̇о. вимуд̇д̇и жа анобамаад̇и сам̣гилзсзхи вимуд̇д̇ад̇д̇аа сод̇аабад̇д̇ипалаад̣̇игаа жад̇ассо вимуд̇д̇ияо анубамаа убамаарахид̇аа ‘‘имаа вияа бхууд̇аа’’д̇и убамзд̇ум̣ на саггаад̇и ад̇т̇о. сзсам̣ уд̇д̇аанад̇т̇амзваад̇и.
Evaṃ vuttasikkhāpadāni bhikkhūnaṃ sāvakapaññattivasena vuttāni. Bhagavato pana sīlaṃ asaṅkheyyameva saṃkhātuṃ gaṇetuṃ asakkuṇeyyanti attho. Samādhivajirūpamo yathā vajiraṃ indanīlamaṇiveḷuriyamaṇiphalikamasāragallādīni ratanāni vijjhati chiddāvachiddaṃ karoti, evameva padumuttarassa bhagavato lokuttaramaggasamādhi paṭipakkhapaccanīkadhamme vijjhati bhindati samucchindatīti attho. Asaṅkheyyaṃ ñāṇavaraṃ tassa buddhassa cattāri saccāni sattatiṃsabodhipakkhiyadhamme saṅkhatāsaṅkhatadhamme ca jānituṃ paṭivijjhituṃ samatthaṃ sayambhūñāṇasabbaññutaññāṇādiñāṇasamūhaṃ asaṅkheyyaṃ, atītānāgatapaccuppannādibhedena saṃkhāvirahitanti attho. Vimutti ca anopamāti saṃkilesehi vimuttattā sotāpattiphalādikā catasso vimuttiyo anupamā upamārahitā ‘‘imā viya bhūtā’’ti upametuṃ na sakkāti attho. Sesaṃ uttānatthamevāti.
сийвалид̇т̇зраабад̣̇аанаван̣н̣анаа самад̇д̇аа.
Sīvalittheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 3. сийвалид̇т̇зраабад̣̇аанам̣ • 3. Sīvalittheraapadānaṃ
