| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. сийвалид̇т̇зраг̇аат̇ааван̣н̣анаа
10. Sīvalittheragāthāvaṇṇanā
д̇з мз иж̇жхим̣су сан̇габбаад̇и ааяасмад̇о сийвалид̇т̇зрасса г̇аат̇аа. гаа уббад̇д̇и? аяамби бад̣̇умуд̇д̇арасса бхаг̇авад̇о гаалз хздтаа вуд̇д̇анаязна вихаарам̣ г̇анд̇ваа барисабарияанд̇з тид̇о д̇хаммам̣ сун̣анд̇о сад̇т̇аарам̣ згам̣ бхигкум̣ лаабхийнам̣ аг̇г̇адтаанз табзнд̇ам̣ д̣̇исваа ‘‘маяааби анааг̇ад̇з зваруубзна бхавид̇ум̣ ваддад̇ий’’д̇и д̣̇асаб̣алам̣ ниманд̇зд̇ваа сад̇д̇аахам̣ сад̇т̇у бхигкусан̇гхасса жа махаад̣̇аанам̣ д̣̇ад̇ваа ‘‘бхаг̇аваа ахам̣ иминаа ад̇хигаарагаммзна ан̃н̃ам̣ самбад̇д̇им̣ на бад̇т̇зми, анааг̇ад̇з бана згаб̣уд̣̇д̇хасса саасанз ахамби д̇умхзхи со зд̇ад̣̇аг̇г̇з табид̇абхигку вияа лаабхийнам̣ аг̇г̇о бхавзяяа’’нд̇и бад̇т̇анам̣ агааси. сад̇т̇аа ананд̇арааяам̣ д̣̇исваа – ‘‘аяам̣ д̇з бад̇т̇анаа анааг̇ад̇з г̇од̇амаб̣уд̣̇д̇хасса санд̇игз самиж̇жхиссад̇ий’’д̇и б̣яаагарид̇ваа баггаами. соби гулабуд̇д̇о яааваж̇ийвам̣ гусалам̣ гад̇ваа д̣̇звамануссзсу сам̣саранд̇о вибассийб̣уд̣̇д̇хагаалз б̣анд̇хумад̇ийнаг̇арад̇о авид̣̇уурз згасмим̣ г̇аамагз бадисанд̇хим̣ г̇ан̣хи. д̇асмим̣ самаяз б̣анд̇хумад̇ийнаг̇араваасино ран̃н̃аа сад̣̇д̇хим̣ саагажчид̇ваа д̣̇асаб̣аласса д̣̇аанам̣ д̣̇знд̇и. д̇з згад̣̇ивасам̣ саб̣б̣зва згад̇о худ̇ваа д̣̇аанам̣ д̣̇знд̇аа ‘‘гим̣ ну ко амхаагам̣ д̣̇аанамукз над̇т̇ий’’д̇и (а. ни. адта. 1.1.207) мад̇хун̃жа г̇ул̣ад̣̇ад̇хин̃жа на ад̣̇д̣̇асам̣су. д̇з ‘‘яад̇о гуд̇ожи аахариссаамаа’’д̇и ж̇анабад̣̇ад̇о наг̇арабависанамаг̇г̇з бурисам̣ табзсум̣. д̇ад̣̇аа зса гулабуд̇д̇о ад̇д̇ано г̇аамад̇о г̇ул̣ад̣̇ад̇хиваарагам̣ г̇ахзд̇ваа, ‘‘гин̃жид̣̇зва аахариссаамий’’д̇и наг̇арам̣ г̇ажчанд̇о, ‘‘мукам̣ д̇ховид̇ваа д̇ход̇ахад̇т̇абаад̣̇о бависиссаамий’’д̇и паасугадтаанам̣ ологзнд̇о нан̇г̇аласийсамад̇д̇ам̣ ниммагкигам̣ д̣̇ан̣д̣агамад̇хум̣ д̣̇исваа ‘‘бун̃н̃зна мз ид̣̇ам̣ уббанна’’нд̇и г̇ахзд̇ваа наг̇арам̣ баависи. нааг̇арзхи табид̇абурисо д̇ам̣ д̣̇исваа, ‘‘бхо буриса, гассимам̣ аахарасий’’д̇и бужчи. ‘‘на гассажи, саами, виггин̣ид̇ум̣ бана мз ид̣̇ам̣ аабхад̇а’’нд̇и. ‘‘д̇зна хи, бхо, ид̣̇ам̣ гахаабан̣ам̣ г̇ахзд̇ваа зд̇ам̣ мад̇хун̃жа г̇ул̣ад̣̇ад̇хин̃жа д̣̇зхий’’д̇и. со жинд̇зси – ‘‘ид̣̇ам̣ на б̣ахумуулам̣, аяан̃жа згаббахаарзнзва б̣ахум̣ д̣̇зд̇и, виймам̣сид̇ум̣ ваддад̇ий’’д̇и. д̇ад̇о нам̣ ‘‘наахам̣ згзна гахаабан̣зна д̣̇змий’’д̇и ааха. ‘‘яад̣̇и звам̣ д̣̇вз г̇ахзд̇ваа д̣̇зхий’’д̇и. ‘‘д̣̇вийхиби на д̣̇змий’’д̇и. зд̇знубааязна вад̣дхзд̇ваа сахассам̣ баабун̣и.
Teme ijjhiṃsu saṅkappāti āyasmato sīvalittherassa gāthā. Kā uppatti? Ayampi padumuttarassa bhagavato kāle heṭṭhā vuttanayena vihāraṃ gantvā parisapariyante ṭhito dhammaṃ suṇanto satthāraṃ ekaṃ bhikkhuṃ lābhīnaṃ aggaṭṭhāne ṭhapentaṃ disvā ‘‘mayāpi anāgate evarūpena bhavituṃ vaṭṭatī’’ti dasabalaṃ nimantetvā sattāhaṃ satthu bhikkhusaṅghassa ca mahādānaṃ datvā ‘‘bhagavā ahaṃ iminā adhikārakammena aññaṃ sampattiṃ na patthemi, anāgate pana ekabuddhassa sāsane ahampi tumhehi so etadagge ṭhapitabhikkhu viya lābhīnaṃ aggo bhaveyya’’nti patthanaṃ akāsi. Satthā anantarāyaṃ disvā – ‘‘ayaṃ te patthanā anāgate gotamabuddhassa santike samijjhissatī’’ti byākaritvā pakkāmi. Sopi kulaputto yāvajīvaṃ kusalaṃ katvā devamanussesu saṃsaranto vipassībuddhakāle bandhumatīnagarato avidūre ekasmiṃ gāmake paṭisandhiṃ gaṇhi. Tasmiṃ samaye bandhumatīnagaravāsino raññā saddhiṃ sākacchitvā dasabalassa dānaṃ denti. Te ekadivasaṃ sabbeva ekato hutvā dānaṃ dentā ‘‘kiṃ nu kho amhākaṃ dānamukhe natthī’’ti (a. ni. aṭṭha. 1.1.207) madhuñca guḷadadhiñca na addasaṃsu. Te ‘‘yato kutoci āharissāmā’’ti janapadato nagarapavisanamagge purisaṃ ṭhapesuṃ. Tadā esa kulaputto attano gāmato guḷadadhivārakaṃ gahetvā, ‘‘kiñcideva āharissāmī’’ti nagaraṃ gacchanto, ‘‘mukhaṃ dhovitvā dhotahatthapādo pavisissāmī’’ti phāsukaṭṭhānaṃ olokento naṅgalasīsamattaṃ nimmakkhikaṃ daṇḍakamadhuṃ disvā ‘‘puññena me idaṃ uppanna’’nti gahetvā nagaraṃ pāvisi. Nāgarehi ṭhapitapuriso taṃ disvā, ‘‘bho purisa, kassimaṃ āharasī’’ti pucchi. ‘‘Na kassaci, sāmi, vikkiṇituṃ pana me idaṃ ābhata’’nti. ‘‘Tena hi, bho, idaṃ kahāpaṇaṃ gahetvā etaṃ madhuñca guḷadadhiñca dehī’’ti. So cintesi – ‘‘idaṃ na bahumūlaṃ, ayañca ekappahāreneva bahuṃ deti, vīmaṃsituṃ vaṭṭatī’’ti. Tato naṃ ‘‘nāhaṃ ekena kahāpaṇena demī’’ti āha. ‘‘Yadi evaṃ dve gahetvā dehī’’ti. ‘‘Dvīhipi na demī’’ti. Etenupāyena vaḍḍhetvā sahassaṃ pāpuṇi.
со жинд̇зси – ‘‘ад̇ивад̣дхид̇ум̣ на ваддад̇и, ход̇у д̇аава иминаа гад̇д̇аб̣б̣агижжам̣ бужчиссаамий’’д̇и. ат̇а нам̣ ааха – ‘‘ид̣̇ам̣ на б̣ахум̣ аг̇гханагам̣, д̇ван̃жа б̣ахум̣ д̣̇зси, гзна гаммзна ид̣̇ам̣ г̇ан̣хаасий’’д̇и. ‘‘ид̇ха, бхо, наг̇араваасино ран̃н̃аа сад̣̇д̇хим̣ бадивируж̇жхид̇ваа вибассийд̣̇асаб̣аласса д̣̇аанам̣ д̣̇знд̇аа ид̣̇ам̣ д̣̇ваяам̣ д̣̇аанамукз абассанд̇аа бариязсанд̇и, сажз ид̣̇ам̣ д̣̇ваяам̣ на лабхиссанд̇и, нааг̇араанам̣ барааж̇аяо бхависсад̇и, д̇асмаа сахассам̣ гад̇ваа г̇ан̣хаамий’’д̇и. ‘‘гим̣ банзд̇ам̣ нааг̇араанамзва ваддад̇и, ан̃н̃зсам̣ д̣̇аад̇ум̣ на ваддад̇ий’’д̇и. ‘‘яасса гассажи д̣̇аад̇ум̣ аваарид̇амзд̇а’’нд̇и. ‘‘ад̇т̇и бана гожи нааг̇араанам̣ д̣̇аанз згад̣̇ивасам̣ сахассам̣ д̣̇аад̇аа’’д̇и? ‘‘над̇т̇и, саммаа’’д̇и. ‘‘имзсам̣ бана д̣̇виннам̣ сахассаг̇гханагабхаавам̣ ж̇аанаасий’’д̇и? ‘‘аама, ж̇аанаамий’’д̇и. ‘‘д̇зна хи г̇ажча, нааг̇араанам̣ аажигка ‘зго бурисо имаани д̣̇вз муулзна на д̣̇зд̇и сахад̇т̇знзва д̣̇аад̇угаамо, д̇умхз имзсам̣ д̣̇виннам̣ гааран̣аа ниб̣б̣ид̇аггаа хот̇аа’д̇и, д̇вам̣ бана мз имасмим̣ д̣̇аанамукз ж̇здтагабхаавасса гааяасагкий хохий’’д̇и. со бариб̣б̣аяад̇т̇ам̣ г̇ахид̇амаасагзна бан̃жагадугам̣ г̇ахзд̇ваа жун̣н̣ам̣ гад̇ваа д̣̇ад̇хид̇о ган̃ж̇ияам̣ г̇ахзд̇ваа д̇ад̇т̇а мад̇хубадалам̣ бийл̣зд̇ваа бан̃жагадугажун̣н̣зна яож̇зд̇ваа згасмим̣ бад̣̇уминибад̇д̇з багкибид̇ваа д̇ам̣ сам̣вид̣̇ахид̇ваа аад̣̇ааяа д̣̇асаб̣аласса авид̣̇уурадтаанз нисийд̣̇и махааж̇анзна аахарияамаанасса саггаарасса авид̣̇уурз ад̇д̇ано бад̇д̇аваарам̣ ологаяамаано, со огаасам̣ н̃ад̇ваа сад̇т̇у санд̇игам̣ г̇анд̇ваа бхаг̇аваа аяам̣ уббаннад̣̇уг̇г̇ад̇абан̣н̣аагааро, имам̣ мз анугамбам̣ бадижжа бадиг̇г̇ан̣хат̇аад̇и. сад̇т̇аа д̇асса анугамбам̣ бадижжа жад̇умахаарааж̇ад̣̇ад̇д̇иязна сзламаяабад̇д̇зна д̇ам̣ бадиг̇г̇ахзд̇ваа яат̇аа адтасадтияаа бхигкусад̇асахассасса д̣̇ияяамаанам̣ на кийяад̇и, звам̣ ад̇хидтааси. со гулабуд̇д̇о нидтид̇абхад̇д̇агижжам̣ бхаг̇аванд̇ам̣ абхиваад̣̇зд̇ваа згаманд̇ам̣ тид̇о ааха – ‘‘д̣̇идто мз, бхаг̇аваа, аж̇ж̇а б̣анд̇хумад̇ийнаг̇араваасигзхи д̇умхаагам̣ саггааро аахарияамаано, ахамби имасса гаммасса ниссанд̣̇зна ниб̣б̣ад̇д̇аниб̣б̣ад̇д̇абхавз лаабхаг̇г̇аяасаг̇г̇аббад̇д̇о бхавзяяа’’нд̇и (а. ни. адта. 1.1.207). сад̇т̇аа, ‘‘звам̣ ход̇у, гулабуд̇д̇аа’’д̇и вад̇ваа д̇асса жа наг̇араваасийнан̃жа бхад̇д̇аанумод̣̇анам̣ гад̇ваа баггаами.
So cintesi – ‘‘ativaḍḍhituṃ na vaṭṭati, hotu tāva iminā kattabbakiccaṃ pucchissāmī’’ti. Atha naṃ āha – ‘‘idaṃ na bahuṃ agghanakaṃ, tvañca bahuṃ desi, kena kammena idaṃ gaṇhāsī’’ti. ‘‘Idha, bho, nagaravāsino raññā saddhiṃ paṭivirujjhitvā vipassīdasabalassa dānaṃ dentā idaṃ dvayaṃ dānamukhe apassantā pariyesanti, sace idaṃ dvayaṃ na labhissanti, nāgarānaṃ parājayo bhavissati, tasmā sahassaṃ katvā gaṇhāmī’’ti. ‘‘Kiṃ panetaṃ nāgarānameva vaṭṭati, aññesaṃ dātuṃ na vaṭṭatī’’ti. ‘‘Yassa kassaci dātuṃ avāritameta’’nti. ‘‘Atthi pana koci nāgarānaṃ dāne ekadivasaṃ sahassaṃ dātā’’ti? ‘‘Natthi, sammā’’ti. ‘‘Imesaṃ pana dvinnaṃ sahassagghanakabhāvaṃ jānāsī’’ti? ‘‘Āma, jānāmī’’ti. ‘‘Tena hi gaccha, nāgarānaṃ ācikkha ‘eko puriso imāni dve mūlena na deti sahattheneva dātukāmo, tumhe imesaṃ dvinnaṃ kāraṇā nibbitakkā hothā’ti, tvaṃ pana me imasmiṃ dānamukhe jeṭṭhakabhāvassa kāyasakkhī hohī’’ti. So paribbayatthaṃ gahitamāsakena pañcakaṭukaṃ gahetvā cuṇṇaṃ katvā dadhito kañjiyaṃ gahetvā tattha madhupaṭalaṃ pīḷetvā pañcakaṭukacuṇṇena yojetvā ekasmiṃ paduminipatte pakkhipitvā taṃ saṃvidahitvā ādāya dasabalassa avidūraṭṭhāne nisīdi mahājanena āhariyamānassa sakkārassa avidūre attano pattavāraṃ olokayamāno, so okāsaṃ ñatvā satthu santikaṃ gantvā bhagavā ayaṃ uppannaduggatapaṇṇākāro, imaṃ me anukampaṃ paṭicca paṭiggaṇhathāti. Satthā tassa anukampaṃ paṭicca catumahārājadattiyena selamayapattena taṃ paṭiggahetvā yathā aṭṭhasaṭṭhiyā bhikkhusatasahassassa diyyamānaṃ na khīyati, evaṃ adhiṭṭhāsi. So kulaputto niṭṭhitabhattakiccaṃ bhagavantaṃ abhivādetvā ekamantaṃ ṭhito āha – ‘‘diṭṭho me, bhagavā, ajja bandhumatīnagaravāsikehi tumhākaṃ sakkāro āhariyamāno, ahampi imassa kammassa nissandena nibbattanibbattabhave lābhaggayasaggappatto bhaveyya’’nti (a. ni. aṭṭha. 1.1.207). Satthā, ‘‘evaṃ hotu, kulaputtā’’ti vatvā tassa ca nagaravāsīnañca bhattānumodanaṃ katvā pakkāmi.
соби гулабуд̇д̇о яааваж̇ийвам̣ гусалам̣ гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з суббаваасааяа рааж̇ад̇хийд̇ааяа гужчимхи бадисанд̇хим̣ г̇ан̣хи. бадисанд̇хиг̇г̇ахан̣ад̇о бадтааяа сааяам̣ баад̇ан̃жа бан̣н̣аагаарасад̇аани сагадзнаад̣̇ааяа суббаваасааяа убанийяанд̇и. ат̇а нам̣ бун̃н̃авиймам̣санад̇т̇ам̣ хад̇т̇зна б̣ийж̇абажчим̣ пусаабзнд̇и. згзгаб̣ийж̇ад̇о салаагасад̇амби салаагасахассамби ниг̇г̇ажчад̇и. згзгагарийсакзд̇д̇з бан̣н̣аасамби садтиби сагадаббамаан̣аани уббаж̇ж̇анд̇и. годтз бууран̣агаалзби годтад̣̇ваарам̣ хад̇т̇зна пусаабзнд̇и. рааж̇ад̇хийд̇ааяа бун̃н̃зна г̇ан̣ханд̇аанам̣ г̇ахид̇аг̇ахид̇адтаанам̣ буна буурад̇и. барибун̣н̣абхад̇д̇абхааж̇анад̇оби ‘‘рааж̇ад̇хийд̇ааяа бун̃н̃а’’нд̇и вад̇ваа яасса гассажи д̣̇знд̇аанам̣ яаава на уггад̣дханд̇и, на д̇аава бхад̇д̇ам̣ кийяад̇и, д̣̇аарагз гужчиг̇ад̇зязва сад̇д̇авассаани ад̇иггамим̣су.
Sopi kulaputto yāvajīvaṃ kusalaṃ katvā devamanussesu saṃsaranto imasmiṃ buddhuppāde suppavāsāya rājadhītāya kucchimhi paṭisandhiṃ gaṇhi. Paṭisandhiggahaṇato paṭṭhāya sāyaṃ pātañca paṇṇākārasatāni sakaṭenādāya suppavāsāya upanīyanti. Atha naṃ puññavīmaṃsanatthaṃ hatthena bījapacchiṃ phusāpenti. Ekekabījato salākasatampi salākasahassampi niggacchati. Ekekakarīsakhette paṇṇāsampi saṭṭhipi sakaṭappamāṇāni uppajjanti. Koṭṭhe pūraṇakālepi koṭṭhadvāraṃ hatthena phusāpenti. Rājadhītāya puññena gaṇhantānaṃ gahitagahitaṭṭhānaṃ puna pūrati. Paripuṇṇabhattabhājanatopi ‘‘rājadhītāya puñña’’nti vatvā yassa kassaci dentānaṃ yāva na ukkaḍḍhanti, na tāva bhattaṃ khīyati, dārake kucchigateyeva sattavassāni atikkamiṃsu.
г̇аб̣бхз бана барибаггз сад̇д̇аахам̣ махаад̣̇угкам̣ анубхоси. саа саамигам̣ ааманд̇зд̇ваа, ‘‘бурз маран̣аа ж̇ийвамаанаава д̣̇аанам̣ д̣̇ассаамий’’д̇и сад̇т̇у санд̇игам̣ бзсзси – ‘‘г̇ажча, имам̣ бавад̇д̇им̣ сад̇т̇у аарожзд̇ваа сад̇т̇аарам̣ ниманд̇зхи, яан̃жа сад̇т̇аа вад̣̇зд̇и, д̇ам̣ саад̇хугам̣ убалагкзд̇ваа ааг̇анд̇ваа маяхам̣ гат̇зхий’’д̇и. со г̇анд̇ваа д̇ассаа саасанам̣ бхаг̇авад̇о аарожзси. сад̇т̇аа, ‘‘сукиний ход̇у суббаваасаа голияад̇хийд̇аа арог̇аа, арог̇ам̣ буд̇д̇ам̣ виж̇ааяад̇уу’’д̇и (уд̣̇аа. 18) ааха. рааж̇аа д̇ам̣ суд̇ваа бхаг̇аванд̇ам̣ абхиваад̣̇зд̇ваа ад̇д̇ано г̇аамаабхимуко бааяааси. д̇асса бурз ааг̇аманааязва суббаваасааяа гужчид̇о д̇хамагаран̣аа уд̣̇агам̣ вияа г̇аб̣бхо нигками, бариваарзд̇ваа нисиннаж̇ано ассумукова хасид̇ум̣ аарад̣̇д̇хо д̇удтабахадто махааж̇ано ран̃н̃о саасанам̣ аарожзд̇ум̣ аг̇амааси.
Gabbhe pana paripakke sattāhaṃ mahādukkhaṃ anubhosi. Sā sāmikaṃ āmantetvā, ‘‘pure maraṇā jīvamānāva dānaṃ dassāmī’’ti satthu santikaṃ pesesi – ‘‘gaccha, imaṃ pavattiṃ satthu ārocetvā satthāraṃ nimantehi, yañca satthā vadeti, taṃ sādhukaṃ upalakkhetvā āgantvā mayhaṃ kathehī’’ti. So gantvā tassā sāsanaṃ bhagavato ārocesi. Satthā, ‘‘sukhinī hotu suppavāsā koliyadhītā arogā, arogaṃ puttaṃ vijāyatū’’ti (udā. 18) āha. Rājā taṃ sutvā bhagavantaṃ abhivādetvā attano gāmābhimukho pāyāsi. Tassa pure āgamanāyeva suppavāsāya kucchito dhamakaraṇā udakaṃ viya gabbho nikkhami, parivāretvā nisinnajano assumukhova hasituṃ āraddho tuṭṭhapahaṭṭho mahājano rañño sāsanaṃ ārocetuṃ agamāsi.
рааж̇аа д̇зсам̣ ааг̇аманам̣ д̣̇исваава, ‘‘д̣̇асаб̣алзна гат̇ид̇агат̇аа нибпаннаа бхависсад̇и ман̃н̃з’’д̇и жинд̇зси. со ааг̇анд̇ваа сад̇т̇у саасанам̣ рааж̇ад̇хийд̇ааяа аарожзси. рааж̇ад̇хийд̇аа д̇аяаа ниманд̇ид̇ам̣ ж̇ийвид̇абхад̇д̇амзва ман̇г̇алабхад̇д̇ам̣ бхависсад̇и, г̇ажча сад̇д̇аахам̣ д̣̇асаб̣алам̣ ниманд̇зхийд̇и. рааж̇аа д̇ат̇аа агааси. сад̇д̇аахам̣ б̣уд̣̇д̇хаббамукасса сан̇гхасса махаад̣̇аанам̣ бавад̇д̇аяим̣су. д̣̇аараго саб̣б̣зсам̣ н̃аад̇ийнам̣ санд̇ад̇д̇ам̣ жид̇д̇ам̣ ниб̣б̣аабзнд̇о ж̇аад̇од̇и сийвалид̣̇аарагод̇взвасса наамам̣ агам̣су. со сад̇д̇авассаани г̇аб̣бхз васид̇ад̇д̇аа ж̇аад̇агаалад̇о бадтааяа саб̣б̣агаммагкамо ахоси. д̇хаммасзнаабад̇и саарибуд̇д̇о сад̇д̇амз д̣̇ивасз д̇зна сад̣̇д̇хим̣ гат̇аасаллаабам̣ агааси. сад̇т̇ааби д̇хаммабад̣̇з г̇аат̇ам̣ абхааси –
Rājā tesaṃ āgamanaṃ disvāva, ‘‘dasabalena kathitakathā nipphannā bhavissati maññe’’ti cintesi. So āgantvā satthu sāsanaṃ rājadhītāya ārocesi. Rājadhītā tayā nimantitaṃ jīvitabhattameva maṅgalabhattaṃ bhavissati, gaccha sattāhaṃ dasabalaṃ nimantehīti. Rājā tathā akāsi. Sattāhaṃ buddhappamukhassa saṅghassa mahādānaṃ pavattayiṃsu. Dārako sabbesaṃ ñātīnaṃ santattaṃ cittaṃ nibbāpento jātoti sīvalidārakotvevassa nāmaṃ akaṃsu. So sattavassāni gabbhe vasitattā jātakālato paṭṭhāya sabbakammakkhamo ahosi. Dhammasenāpati sāriputto sattame divase tena saddhiṃ kathāsallāpaṃ akāsi. Satthāpi dhammapade gāthaṃ abhāsi –
‘‘яомам̣ балибат̇ам̣ д̣̇уг̇г̇ам̣, сам̣саарам̣ мохамажжаг̇аа;
‘‘Yomaṃ palipathaṃ duggaṃ, saṃsāraṃ mohamaccagā;
д̇ин̣н̣о бааран̇г̇ад̇о жхааяий, анзж̇о агат̇ам̣гат̇ий;
Tiṇṇo pāraṅgato jhāyī, anejo akathaṃkathī;
анубаад̣̇ааяа ниб̣б̣уд̇о, д̇амахам̣ б̣рууми б̣раахман̣а’’нд̇и. (д̇ха. ба. 414);
Anupādāya nibbuto, tamahaṃ brūmi brāhmaṇa’’nti. (dha. pa. 414);
ат̇а нам̣ т̇зро звамааха – ‘‘гим̣ бана д̇аяаа зваруубам̣ д̣̇угкараасим̣ анубхавид̇ваа баб̣б̣аж̇ид̇ум̣ на ваддад̇ий’’д̇и? ‘‘лабхамаано баб̣б̣аж̇зяяам̣, бханд̇з’’д̇и. суббаваасаа нам̣ д̣̇аарагам̣ т̇зрзна сад̣̇д̇хим̣ гат̇знд̇ам̣ д̣̇исваа ‘‘гим̣ ну ко мз буд̇д̇о д̇хаммасзнаабад̇инаа сад̣̇д̇хим̣ гат̇зд̇ий’’д̇и т̇зрам̣ убасан̇гамид̇ваа бужчи – ‘‘маяхам̣ буд̇д̇о д̇умхзхи сад̣̇д̇хим̣ гим̣ гат̇зд̇и, бханд̇з’’д̇и? ‘‘ад̇д̇анаа анубхууд̇ам̣ г̇аб̣бхаваасад̣̇угкам̣ гат̇зд̇ваа, ‘д̇умхзхи анун̃н̃аад̇о баб̣б̣аж̇иссаамий’д̇и вад̣̇ад̇ий’’д̇и. ‘‘саад̇ху , бханд̇з, баб̣б̣ааж̇зт̇а на’’нд̇и. т̇зро д̇ам̣ вихаарам̣ нзд̇ваа д̇ажабан̃жагагаммадтаанам̣ д̣̇ад̇ваа баб̣б̣ааж̇знд̇о ‘‘сийвали, на д̇уяхам̣ ан̃н̃зна оваад̣̇зна гаммам̣ ад̇т̇и, д̇аяаа сад̇д̇а вассаани анубхууд̇ад̣̇угкамзва бажжавзгкаахий’’д̇и. ‘‘бханд̇з, баб̣б̣ааж̇анамзва д̇умхаагам̣ бхааро, яам̣ бана маяаа гаад̇ум̣ саггаа, д̇амахам̣ ж̇ааниссаамий’’д̇и. со бана батамагзсаваддияаа охааран̣агкан̣зязва сод̇аабад̇д̇ипалз бад̇идтааси, д̣̇уд̇ияааяа охааран̣агкан̣з сагад̣̇ааг̇аамипалз, д̇ад̇ияааяа анааг̇аамипалз саб̣б̣зсам̣язва бана гзсаанам̣ оробанан̃жа арахад̇д̇асажчигирияаа жа абажчаа абуримаа ахоси. д̇асса баб̣б̣аж̇ид̇ад̣̇ивасад̇о бадтааяа бхигкусан̇гхасса жад̇д̇ааро бажжаяаа яаавад̇ижчагам̣ уббаж̇ж̇анд̇и. звам̣ зд̇т̇а вад̇т̇у самудтид̇ам̣.
Atha naṃ thero evamāha – ‘‘kiṃ pana tayā evarūpaṃ dukkharāsiṃ anubhavitvā pabbajituṃ na vaṭṭatī’’ti? ‘‘Labhamāno pabbajeyyaṃ, bhante’’ti. Suppavāsā naṃ dārakaṃ therena saddhiṃ kathentaṃ disvā ‘‘kiṃ nu kho me putto dhammasenāpatinā saddhiṃ kathetī’’ti theraṃ upasaṅkamitvā pucchi – ‘‘mayhaṃ putto tumhehi saddhiṃ kiṃ katheti, bhante’’ti? ‘‘Attanā anubhūtaṃ gabbhavāsadukkhaṃ kathetvā, ‘tumhehi anuññāto pabbajissāmī’ti vadatī’’ti. ‘‘Sādhu , bhante, pabbājetha na’’nti. Thero taṃ vihāraṃ netvā tacapañcakakammaṭṭhānaṃ datvā pabbājento ‘‘sīvali, na tuyhaṃ aññena ovādena kammaṃ atthi, tayā satta vassāni anubhūtadukkhameva paccavekkhāhī’’ti. ‘‘Bhante, pabbājanameva tumhākaṃ bhāro, yaṃ pana mayā kātuṃ sakkā, tamahaṃ jānissāmī’’ti. So pana paṭhamakesavaṭṭiyā ohāraṇakkhaṇeyeva sotāpattiphale patiṭṭhāsi, dutiyāya ohāraṇakkhaṇe sakadāgāmiphale, tatiyāya anāgāmiphale sabbesaṃyeva pana kesānaṃ oropanañca arahattasacchikiriyā ca apacchā apurimā ahosi. Tassa pabbajitadivasato paṭṭhāya bhikkhusaṅghassa cattāro paccayā yāvaticchakaṃ uppajjanti. Evaṃ ettha vatthu samuṭṭhitaṃ.
абарабхааг̇з сад̇т̇аа саавад̇т̇им̣ аг̇амааси. т̇зро сад̇т̇аарам̣ абхиваад̣̇зд̇ваа, ‘‘бханд̇з, маяхам̣ бун̃н̃ам̣ виймам̣сиссаами, бан̃жа мз бхигкусад̇аани д̣̇зт̇аа’’д̇и ааха. ‘‘г̇ан̣ха сийвалий’’д̇и. со бан̃жасад̇з бхигкуу г̇ахзд̇ваа химаванд̇аабхимукам̣ г̇ажчанд̇о адавимаг̇г̇ам̣ г̇ажчад̇и, д̇асса батамам̣ д̣̇идтаниг̇род̇хз ад̇хивад̇т̇аа д̣̇звад̇аа сад̇д̇ад̣̇ивасаани д̣̇аанам̣ ад̣̇ааси. ид̇и со –
Aparabhāge satthā sāvatthiṃ agamāsi. Thero satthāraṃ abhivādetvā, ‘‘bhante, mayhaṃ puññaṃ vīmaṃsissāmi, pañca me bhikkhusatāni dethā’’ti āha. ‘‘Gaṇha sīvalī’’ti. So pañcasate bhikkhū gahetvā himavantābhimukhaṃ gacchanto aṭavimaggaṃ gacchati, tassa paṭhamaṃ diṭṭhanigrodhe adhivatthā devatā sattadivasāni dānaṃ adāsi. Iti so –
‘‘ниг̇род̇хам̣ батамам̣ басси, д̣̇уд̇ияам̣ бан̣д̣авабаб̣б̣ад̇ам̣;
‘‘Nigrodhaṃ paṭhamaṃ passi, dutiyaṃ paṇḍavapabbataṃ;
д̇ад̇ияам̣ ажиравад̇ияам̣, жад̇уд̇т̇ам̣ варасааг̇арам̣.
Tatiyaṃ aciravatiyaṃ, catutthaṃ varasāgaraṃ.
‘‘бан̃жамам̣ химаванд̇ам̣ со, чадтам̣ чад̣̇д̣̇анд̇убааг̇ами;
‘‘Pañcamaṃ himavantaṃ so, chaṭṭhaṃ chaddantupāgami;
сад̇д̇амам̣ г̇анд̇хамаад̣̇анам̣, адтамам̣ ат̇а рзвад̇а’’нд̇и.
Sattamaṃ gandhamādanaṃ, aṭṭhamaṃ atha revata’’nti.
саб̣б̣адтаанзсу сад̇д̇а сад̇д̇а д̣̇ивасаанзва д̣̇аанам̣ ад̣̇ам̣су. г̇анд̇хамаад̣̇анабаб̣б̣ад̇з бана нааг̇ад̣̇ад̇д̇ад̣̇зварааж̇аа наама сад̇д̇асу д̣̇ивасзсу згад̣̇ивасз кийрабин̣д̣абаад̇ам̣ ад̣̇ааси, згад̣̇ивасз саббибин̣д̣абаад̇ам̣. бхигкусан̇гхо ааха – ‘‘имасса д̣̇зваран̃н̃о нзва д̇хзнуяо д̣̇уяхамаанаа бан̃н̃ааяанд̇и, на д̣̇ад̇хиниммат̇анам̣ , гуд̇о д̇з д̣̇зварааж̇а ид̣̇ам̣ уббаж̇ж̇ад̇ий’’д̇и. ‘‘бханд̇з гассабад̣̇асаб̣аласса гаалз кийрасалаагабхад̇д̇ад̣̇аанассзд̇ам̣ пала’’нд̇и д̣̇зварааж̇аа ааха. абарабхааг̇з сад̇т̇аа кад̣̇ираванияарзвад̇асса бажжуг̇г̇аманам̣ адтуббад̇д̇им̣ гад̇ваа т̇зрам̣ ад̇д̇ано саасанз лаабхаг̇г̇аяасаг̇г̇аббад̇д̇аанам̣ аг̇г̇адтаанз табзси.
Sabbaṭṭhānesu satta satta divasāneva dānaṃ adaṃsu. Gandhamādanapabbate pana nāgadattadevarājā nāma sattasu divasesu ekadivase khīrapiṇḍapātaṃ adāsi, ekadivase sappipiṇḍapātaṃ. Bhikkhusaṅgho āha – ‘‘imassa devarañño neva dhenuyo duyhamānā paññāyanti, na dadhinimmathanaṃ , kuto te devarāja idaṃ uppajjatī’’ti. ‘‘Bhante kassapadasabalassa kāle khīrasalākabhattadānassetaṃ phala’’nti devarājā āha. Aparabhāge satthā khadiravaniyarevatassa paccuggamanaṃ aṭṭhuppattiṃ katvā theraṃ attano sāsane lābhaggayasaggappattānaṃ aggaṭṭhāne ṭhapesi.
звам̣ лаабхаг̇г̇аяасаг̇г̇аббад̇д̇асса бана имасса т̇зрасса арахад̇д̇аббад̇д̇им̣ згажжз аажарияаа звам̣ вад̣̇анд̇и – ‘‘хздтаа вуд̇д̇анаязна д̇хаммасзнаабад̇инаа оваад̣̇з д̣̇иннз яам̣ маяаа гаад̇ум̣ саггаа, д̇амахам̣ ж̇ааниссаамийд̇и баб̣б̣аж̇ид̇ваа вибассанаагаммадтаанам̣ г̇ахзд̇ваа д̇ам̣ д̣̇ивасам̣язва ан̃н̃ад̇арам̣ вивид̇д̇ам̣ гудигам̣ д̣̇исваа д̇ам̣ бависид̇ваа маад̇угужчисмим̣ сад̇д̇а вассаани ад̇д̇анаа анубхууд̇ам̣ д̣̇угкам̣ ануссарид̇ваа д̇ад̣̇анусаарзна ад̇ийд̇аанааг̇ад̇з д̇асса авзгканд̇асса аад̣̇ид̇д̇аа вияа д̇аяо бхаваа убадтахим̣су. н̃аан̣асса барибаагам̣ г̇ад̇ад̇д̇аа вибассанаавийт̇им̣ од̇ари, д̇аавад̣̇зва маг̇г̇аббадибаадияаа саб̣б̣зби аасавз кзбзнд̇о арахад̇д̇ам̣ баабун̣ий’’д̇и. убхаяат̇ааби т̇зрасса арахад̇д̇аббад̇д̇иязва багаасид̇аа. т̇зро бана бабхиннабадисамбхид̣̇о чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 1.12.31-39) –
Evaṃ lābhaggayasaggappattassa pana imassa therassa arahattappattiṃ ekacce ācariyā evaṃ vadanti – ‘‘heṭṭhā vuttanayena dhammasenāpatinā ovāde dinne yaṃ mayā kātuṃ sakkā, tamahaṃ jānissāmīti pabbajitvā vipassanākammaṭṭhānaṃ gahetvā taṃ divasaṃyeva aññataraṃ vivittaṃ kuṭikaṃ disvā taṃ pavisitvā mātukucchismiṃ satta vassāni attanā anubhūtaṃ dukkhaṃ anussaritvā tadanusārena atītānāgate tassa avekkhantassa ādittā viya tayo bhavā upaṭṭhahiṃsu. Ñāṇassa paripākaṃ gatattā vipassanāvīthiṃ otari, tāvadeva maggappaṭipāṭiyā sabbepi āsave khepento arahattaṃ pāpuṇī’’ti. Ubhayathāpi therassa arahattappattiyeva pakāsitā. Thero pana pabhinnapaṭisambhido chaḷabhiñño ahosi. Tena vuttaṃ apadāne (apa. thera 1.12.31-39) –
‘‘варун̣о наама наамзна, д̣̇зварааж̇аа ахам̣ д̇ад̣̇аа;
‘‘Varuṇo nāma nāmena, devarājā ahaṃ tadā;
убадтахзсим̣ самб̣уд̣̇д̇хам̣, саяог̇г̇аб̣алаваахано.
Upaṭṭhahesiṃ sambuddhaṃ, sayoggabalavāhano.
‘‘ниб̣б̣уд̇з логанаат̇амхи, ад̇т̇ад̣̇ассийнаруд̇д̇амз;
‘‘Nibbute lokanāthamhi, atthadassīnaruttame;
д̇уурияам̣ саб̣б̣амаад̣̇ааяа, аг̇амам̣ б̣од̇химуд̇д̇амам̣.
Tūriyaṃ sabbamādāya, agamaṃ bodhimuttamaṃ.
‘‘ваад̣̇ид̇зна жа нажжзна, саммад̇аал̣асамаахид̇о;
‘‘Vāditena ca naccena, sammatāḷasamāhito;
саммукаа вияа самб̣уд̣̇д̇хам̣, убадтим̣ б̣од̇химуд̇д̇амам̣.
Sammukhā viya sambuddhaṃ, upaṭṭhiṃ bodhimuttamaṃ.
‘‘убадтахид̇ваа д̇ам̣ б̣од̇хим̣, д̇харан̣ийрухабаад̣̇абам̣;
‘‘Upaṭṭhahitvā taṃ bodhiṃ, dharaṇīruhapādapaṃ;
баллан̇гам̣ аабхуж̇ид̇ваана, д̇ад̇т̇а гаалан̇гад̇о ахам̣.
Pallaṅkaṃ ābhujitvāna, tattha kālaṅkato ahaṃ.
‘‘сагагаммаабхирад̣̇д̇хохам̣, басанно б̣од̇химуд̇д̇амз;
‘‘Sakakammābhiraddhohaṃ, pasanno bodhimuttame;
д̇зна жид̇д̇аббасаад̣̇зна, ниммаанам̣ убабаж̇ж̇ахам̣.
Tena cittappasādena, nimmānaṃ upapajjahaṃ.
‘‘садтид̇уурияасахассаани, бариваарзнд̇и мам̣ сад̣̇аа;
‘‘Saṭṭhitūriyasahassāni, parivārenti maṃ sadā;
мануссзсу жа д̣̇звзсу, вад̇д̇амаанам̣ бхаваабхавз.
Manussesu ca devesu, vattamānaṃ bhavābhave.
‘‘д̇ивид̇хаг̇г̇ий ниб̣б̣уд̇аа маяхам̣, бхаваа саб̣б̣з самуухад̇аа;
‘‘Tividhaggī nibbutā mayhaṃ, bhavā sabbe samūhatā;
д̇хаарзми анд̇имам̣ д̣̇зхам̣, саммаасамб̣уд̣̇д̇хасаасанз.
Dhāremi antimaṃ dehaṃ, sammāsambuddhasāsane.
‘‘суб̣аахуу наама наамзна, жад̇уд̇д̇им̣саасу кад̇д̇ияаа;
‘‘Subāhū nāma nāmena, catuttiṃsāsu khattiyā;
сад̇д̇арад̇анасамбаннаа, бан̃жагаббасад̇з ид̇о.
Sattaratanasampannā, pañcakappasate ito.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа вимуд̇д̇исукабадисам̣взд̣̇анзна бийд̇ивзг̇зна уд̣̇аанзнд̇о ‘‘д̇з мз иж̇жхим̣су сан̇габбаа’’д̇и г̇аат̇ам̣ абхааси.
Arahattaṃ pana patvā vimuttisukhapaṭisaṃvedanena pītivegena udānento ‘‘te me ijjhiṃsu saṅkappā’’ti gāthaṃ abhāsi.
60. д̇ад̇т̇а д̇з мз иж̇жхим̣су сан̇габбаа, яад̣̇ад̇т̇о баависим̣ гудим̣, виж̇ж̇аавимуд̇д̇им̣ бажжзсанд̇и яз буб̣б̣з маяаа гаамасан̇габбаад̣̇ийнам̣ самужчзд̣̇агараа нзгкаммасан̇габбаад̣̇аяо абхибад̇т̇ид̇ааязва ‘‘гад̣̇аа ну кваахам̣ д̇ад̣̇ааяад̇анам̣ убасамбаж̇ж̇а вихариссаами, яад̣̇арияаа зд̇арахи убасамбаж̇ж̇а вихаранд̇ий’’д̇и, вимуд̇д̇аад̇хиббааяасан̃н̃ид̇аа вимуд̇д̇им̣ уд̣̇д̣̇исса сан̇габбаа манорат̇аа абхин̣хасо аббамад̇д̇аа яад̣̇ад̇т̇о яам̣баяож̇ано язсам̣ нибпаад̣̇анад̇т̇ам̣ гудим̣ сун̃н̃ааг̇аарам̣ вибассид̇ум̣ баависим̣ д̇иссо виж̇ж̇аа палавимуд̇д̇ин̃жа бажжзсанд̇о, г̇авзсанд̇о д̇з мз иж̇жхим̣су д̇з саб̣б̣зва ид̣̇аани маяхам̣ иж̇жхим̣су самиж̇жхим̣су, нибпаннагусаласан̇габбо барибун̣н̣аманорат̇о ж̇аад̇од̇и ад̇т̇о. д̇зсам̣ самид̣̇д̇хабхаавам̣ д̣̇ассзд̇ум̣ ‘‘маанаанусаяамуж̇ж̇аха’’нд̇и вуд̇д̇ам̣. яасмаа маанаанусаяамуж̇ж̇ахам̣ баж̇ахим̣ самужчинд̣̇им̣, д̇асмаа д̇з мз сан̇габбаа иж̇жхим̣сууд̇и яож̇анаа. маанаанусаяз хи бахийнз аббахийно наама анусаяо над̇т̇и, арахад̇д̇ан̃жа ад̇хиг̇ад̇амзва ход̇ийд̇и маанаанусаяаббахаанам̣ яат̇аавуд̇д̇асан̇габбасамид̣̇д̇хияаа гааран̣ам̣ гад̇ваа вуд̇д̇ам̣.
60. Tattha te me ijjhiṃsu saṅkappā, yadattho pāvisiṃ kuṭiṃ, vijjāvimuttiṃ paccesanti ye pubbe mayā kāmasaṅkappādīnaṃ samucchedakarā nekkhammasaṅkappādayo abhipatthitāyeva ‘‘kadā nu khvāhaṃ tadāyatanaṃ upasampajja viharissāmi, yadariyā etarahi upasampajja viharantī’’ti, vimuttādhippāyasaññitā vimuttiṃ uddissa saṅkappā manorathā abhiṇhaso appamattā yadattho yaṃpayojano yesaṃ nipphādanatthaṃ kuṭiṃ suññāgāraṃ vipassituṃ pāvisiṃ tisso vijjā phalavimuttiñca paccesanto, gavesanto te me ijjhiṃsu te sabbeva idāni mayhaṃ ijjhiṃsu samijjhiṃsu, nipphannakusalasaṅkappo paripuṇṇamanoratho jātoti attho. Tesaṃ samiddhabhāvaṃ dassetuṃ ‘‘mānānusayamujjaha’’nti vuttaṃ. Yasmā mānānusayamujjahaṃ pajahiṃ samucchindiṃ, tasmā te me saṅkappā ijjhiṃsūti yojanā. Mānānusaye hi pahīne appahīno nāma anusayo natthi, arahattañca adhigatameva hotīti mānānusayappahānaṃ yathāvuttasaṅkappasamiddhiyā kāraṇaṃ katvā vuttaṃ.
сийвалид̇т̇зраг̇аат̇ааван̣н̣анаа нидтид̇аа.
Sīvalittheragāthāvaṇṇanā niṭṭhitā.
чадтаваг̇г̇аван̣н̣анаа нидтид̇аа.
Chaṭṭhavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 10. сийвалид̇т̇зраг̇аат̇аа • 10. Sīvalittheragāthā
