| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. сиват̇игасуд̇д̇ам̣
9. Sivathikasuttaṃ
249. ‘‘бан̃жимз, бхигкавз, аад̣̇ийнаваа сиват̇игааяа 1. гад̇амз бан̃жа? асужи, д̣̇уг̇г̇анд̇хаа, саббадибхаяаа, ваал̣аанам̣ амануссаанам̣ ааваасо, б̣ахуно ж̇анасса аарод̣̇анаа – имз ко, бхигкавз, бан̃жа аад̣̇ийнаваа сиват̇игааяа.
249. ‘‘Pañcime, bhikkhave, ādīnavā sivathikāya 2. Katame pañca? Asuci, duggandhā, sappaṭibhayā, vāḷānaṃ amanussānaṃ āvāso, bahuno janassa ārodanā – ime kho, bhikkhave, pañca ādīnavā sivathikāya.
‘‘звамзвам̣ ко, бхигкавз, бан̃жимз аад̣̇ийнаваа сиват̇игуубамз буг̇г̇алз. гад̇амз бан̃жа? ид̇ха , бхигкавз, згажжо буг̇г̇ало асужинаа гааяагаммзна саманнааг̇ад̇о ход̇и; асужинаа важийгаммзна саманнааг̇ад̇о ход̇и; асужинаа маногаммзна саманнааг̇ад̇о ход̇и. ид̣̇амасса асужид̇ааяа вад̣̇аами. сзяяат̇ааби саа, бхигкавз, сиват̇игаа асужи; д̇ат̇уубамаахам̣, бхигкавз, имам̣ буг̇г̇алам̣ вад̣̇аами.
‘‘Evamevaṃ kho, bhikkhave, pañcime ādīnavā sivathikūpame puggale. Katame pañca? Idha , bhikkhave, ekacco puggalo asucinā kāyakammena samannāgato hoti; asucinā vacīkammena samannāgato hoti; asucinā manokammena samannāgato hoti. Idamassa asucitāya vadāmi. Seyyathāpi sā, bhikkhave, sivathikā asuci; tathūpamāhaṃ, bhikkhave, imaṃ puggalaṃ vadāmi.
‘‘д̇асса асужинаа гааяагаммзна саманнааг̇ад̇асса, асужинаа важийгаммзна саманнааг̇ад̇асса, асужинаа маногаммзна саманнааг̇ад̇асса баабаго гид̇д̇исад̣̇д̣̇о аб̣бхуг̇г̇ажчад̇и. ид̣̇амасса д̣̇уг̇г̇анд̇хад̇ааяа вад̣̇аами. сзяяат̇ааби саа, бхигкавз, сиват̇игаа д̣̇уг̇г̇анд̇хаа; д̇ат̇уубамаахам̣, бхигкавз, имам̣ буг̇г̇алам̣ вад̣̇аами.
‘‘Tassa asucinā kāyakammena samannāgatassa, asucinā vacīkammena samannāgatassa, asucinā manokammena samannāgatassa pāpako kittisaddo abbhuggacchati. Idamassa duggandhatāya vadāmi. Seyyathāpi sā, bhikkhave, sivathikā duggandhā; tathūpamāhaṃ, bhikkhave, imaṃ puggalaṃ vadāmi.
‘‘д̇амзнам̣ асужинаа гааяагаммзна саманнааг̇ад̇ам̣, асужинаа важийгаммзна саманнааг̇ад̇ам̣, асужинаа маногаммзна саманнааг̇ад̇ам̣ бзсалаа саб̣рахмажаарий аарагаа бариваж̇ж̇анд̇и. ид̣̇амасса саббадибхаяасмим̣ вад̣̇аами. сзяяат̇ааби саа, бхигкавз, сиват̇игаа саббадибхаяаа; д̇ат̇уубамаахам̣, бхигкавз, имам̣ буг̇г̇алам̣ вад̣̇аами.
‘‘Tamenaṃ asucinā kāyakammena samannāgataṃ, asucinā vacīkammena samannāgataṃ, asucinā manokammena samannāgataṃ pesalā sabrahmacārī ārakā parivajjanti. Idamassa sappaṭibhayasmiṃ vadāmi. Seyyathāpi sā, bhikkhave, sivathikā sappaṭibhayā; tathūpamāhaṃ, bhikkhave, imaṃ puggalaṃ vadāmi.
‘‘со асужинаа гааяагаммзна саманнааг̇ад̇о, асужинаа важийгаммзна саманнааг̇ад̇о , асужинаа маногаммзна саманнааг̇ад̇о сабхааг̇зхи буг̇г̇алзхи сад̣̇д̇хим̣ сам̣васад̇и. ид̣̇амасса ваал̣ааваасасмим̣ вад̣̇аами. сзяяат̇ааби саа , бхигкавз, сиват̇игаа ваал̣аанам̣ амануссаанам̣ ааваасо; д̇ат̇уубамаахам̣, бхигкавз, имам̣ буг̇г̇алам̣ вад̣̇аами.
‘‘So asucinā kāyakammena samannāgato, asucinā vacīkammena samannāgato , asucinā manokammena samannāgato sabhāgehi puggalehi saddhiṃ saṃvasati. Idamassa vāḷāvāsasmiṃ vadāmi. Seyyathāpi sā , bhikkhave, sivathikā vāḷānaṃ amanussānaṃ āvāso; tathūpamāhaṃ, bhikkhave, imaṃ puggalaṃ vadāmi.
‘‘д̇амзнам̣ асужинаа гааяагаммзна саманнааг̇ад̇ам̣, асужинаа важийгаммзна саманнааг̇ад̇ам̣, асужинаа маногаммзна саманнааг̇ад̇ам̣ бзсалаа саб̣рахмажаарий д̣̇исваа кийяад̇хаммам̣ 3 аабаж̇ж̇анд̇и – ‘ахо вад̇а но д̣̇угкам̣ яз маяам̣ зваруубзхи буг̇г̇алзхи сад̣̇д̇хим̣ сам̣васаамаа’д̇и! ид̣̇амасса аарод̣̇анааяа вад̣̇аами. сзяяат̇ааби саа, бхигкавз, сиват̇игаа б̣ахуно ж̇анасса аарод̣̇анаа; д̇ат̇уубамаахам̣, бхигкавз, имам̣ буг̇г̇алам̣ вад̣̇аами. имз ко, бхигкавз, бан̃жа аад̣̇ийнаваа сиват̇игуубамз буг̇г̇алз’’д̇и. навамам̣.
‘‘Tamenaṃ asucinā kāyakammena samannāgataṃ, asucinā vacīkammena samannāgataṃ, asucinā manokammena samannāgataṃ pesalā sabrahmacārī disvā khīyadhammaṃ 4 āpajjanti – ‘aho vata no dukkhaṃ ye mayaṃ evarūpehi puggalehi saddhiṃ saṃvasāmā’ti! Idamassa ārodanāya vadāmi. Seyyathāpi sā, bhikkhave, sivathikā bahuno janassa ārodanā; tathūpamāhaṃ, bhikkhave, imaṃ puggalaṃ vadāmi. Ime kho, bhikkhave, pañca ādīnavā sivathikūpame puggale’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. сиват̇игасуд̇д̇аван̣н̣анаа • 9. Sivathikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. батамад̣̇ийгхажааригасуд̇д̇аад̣̇иван̣н̣анаа • 1-10. Paṭhamadīghacārikasuttādivaṇṇanā
