| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੯. ਸਿવਥਿਕਸੁਤ੍ਤਂ
9. Sivathikasuttaṃ
੨੪੯. ‘‘ਪਞ੍ਚਿਮੇ, ਭਿਕ੍ਖવੇ, ਆਦੀਨવਾ ਸਿવਥਿਕਾਯ 1। ਕਤਮੇ ਪਞ੍ਚ? ਅਸੁਚਿ, ਦੁਗ੍ਗਨ੍ਧਾ, ਸਪ੍ਪਟਿਭਯਾ, વਾਲ਼ਾਨਂ ਅਮਨੁਸ੍ਸਾਨਂ ਆવਾਸੋ, ਬਹੁਨੋ ਜਨਸ੍ਸ ਆਰੋਦਨਾ – ਇਮੇ ਖੋ, ਭਿਕ੍ਖવੇ, ਪਞ੍ਚ ਆਦੀਨવਾ ਸਿવਥਿਕਾਯ।
249. ‘‘Pañcime, bhikkhave, ādīnavā sivathikāya 2. Katame pañca? Asuci, duggandhā, sappaṭibhayā, vāḷānaṃ amanussānaṃ āvāso, bahuno janassa ārodanā – ime kho, bhikkhave, pañca ādīnavā sivathikāya.
‘‘ਏવਮੇવਂ ਖੋ, ਭਿਕ੍ਖવੇ, ਪਞ੍ਚਿਮੇ ਆਦੀਨવਾ ਸਿવਥਿਕੂਪਮੇ ਪੁਗ੍ਗਲੇ। ਕਤਮੇ ਪਞ੍ਚ? ਇਧ , ਭਿਕ੍ਖવੇ, ਏਕਚ੍ਚੋ ਪੁਗ੍ਗਲੋ ਅਸੁਚਿਨਾ ਕਾਯਕਮ੍ਮੇਨ ਸਮਨ੍ਨਾਗਤੋ ਹੋਤਿ; ਅਸੁਚਿਨਾ વਚੀਕਮ੍ਮੇਨ ਸਮਨ੍ਨਾਗਤੋ ਹੋਤਿ; ਅਸੁਚਿਨਾ ਮਨੋਕਮ੍ਮੇਨ ਸਮਨ੍ਨਾਗਤੋ ਹੋਤਿ। ਇਦਮਸ੍ਸ ਅਸੁਚਿਤਾਯ વਦਾਮਿ। ਸੇਯ੍ਯਥਾਪਿ ਸਾ, ਭਿਕ੍ਖવੇ, ਸਿવਥਿਕਾ ਅਸੁਚਿ; ਤਥੂਪਮਾਹਂ, ਭਿਕ੍ਖવੇ, ਇਮਂ ਪੁਗ੍ਗਲਂ વਦਾਮਿ।
‘‘Evamevaṃ kho, bhikkhave, pañcime ādīnavā sivathikūpame puggale. Katame pañca? Idha , bhikkhave, ekacco puggalo asucinā kāyakammena samannāgato hoti; asucinā vacīkammena samannāgato hoti; asucinā manokammena samannāgato hoti. Idamassa asucitāya vadāmi. Seyyathāpi sā, bhikkhave, sivathikā asuci; tathūpamāhaṃ, bhikkhave, imaṃ puggalaṃ vadāmi.
‘‘ਤਸ੍ਸ ਅਸੁਚਿਨਾ ਕਾਯਕਮ੍ਮੇਨ ਸਮਨ੍ਨਾਗਤਸ੍ਸ, ਅਸੁਚਿਨਾ વਚੀਕਮ੍ਮੇਨ ਸਮਨ੍ਨਾਗਤਸ੍ਸ, ਅਸੁਚਿਨਾ ਮਨੋਕਮ੍ਮੇਨ ਸਮਨ੍ਨਾਗਤਸ੍ਸ ਪਾਪਕੋ ਕਿਤ੍ਤਿਸਦ੍ਦੋ ਅਬ੍ਭੁਗ੍ਗਚ੍ਛਤਿ। ਇਦਮਸ੍ਸ ਦੁਗ੍ਗਨ੍ਧਤਾਯ વਦਾਮਿ। ਸੇਯ੍ਯਥਾਪਿ ਸਾ, ਭਿਕ੍ਖવੇ, ਸਿવਥਿਕਾ ਦੁਗ੍ਗਨ੍ਧਾ; ਤਥੂਪਮਾਹਂ, ਭਿਕ੍ਖવੇ, ਇਮਂ ਪੁਗ੍ਗਲਂ વਦਾਮਿ।
‘‘Tassa asucinā kāyakammena samannāgatassa, asucinā vacīkammena samannāgatassa, asucinā manokammena samannāgatassa pāpako kittisaddo abbhuggacchati. Idamassa duggandhatāya vadāmi. Seyyathāpi sā, bhikkhave, sivathikā duggandhā; tathūpamāhaṃ, bhikkhave, imaṃ puggalaṃ vadāmi.
‘‘ਤਮੇਨਂ ਅਸੁਚਿਨਾ ਕਾਯਕਮ੍ਮੇਨ ਸਮਨ੍ਨਾਗਤਂ, ਅਸੁਚਿਨਾ વਚੀਕਮ੍ਮੇਨ ਸਮਨ੍ਨਾਗਤਂ, ਅਸੁਚਿਨਾ ਮਨੋਕਮ੍ਮੇਨ ਸਮਨ੍ਨਾਗਤਂ ਪੇਸਲਾ ਸਬ੍ਰਹ੍ਮਚਾਰੀ ਆਰਕਾ ਪਰਿવਜ੍ਜਨ੍ਤਿ। ਇਦਮਸ੍ਸ ਸਪ੍ਪਟਿਭਯਸ੍ਮਿਂ વਦਾਮਿ। ਸੇਯ੍ਯਥਾਪਿ ਸਾ, ਭਿਕ੍ਖવੇ, ਸਿવਥਿਕਾ ਸਪ੍ਪਟਿਭਯਾ; ਤਥੂਪਮਾਹਂ, ਭਿਕ੍ਖવੇ, ਇਮਂ ਪੁਗ੍ਗਲਂ વਦਾਮਿ।
‘‘Tamenaṃ asucinā kāyakammena samannāgataṃ, asucinā vacīkammena samannāgataṃ, asucinā manokammena samannāgataṃ pesalā sabrahmacārī ārakā parivajjanti. Idamassa sappaṭibhayasmiṃ vadāmi. Seyyathāpi sā, bhikkhave, sivathikā sappaṭibhayā; tathūpamāhaṃ, bhikkhave, imaṃ puggalaṃ vadāmi.
‘‘ਸੋ ਅਸੁਚਿਨਾ ਕਾਯਕਮ੍ਮੇਨ ਸਮਨ੍ਨਾਗਤੋ, ਅਸੁਚਿਨਾ વਚੀਕਮ੍ਮੇਨ ਸਮਨ੍ਨਾਗਤੋ , ਅਸੁਚਿਨਾ ਮਨੋਕਮ੍ਮੇਨ ਸਮਨ੍ਨਾਗਤੋ ਸਭਾਗੇਹਿ ਪੁਗ੍ਗਲੇਹਿ ਸਦ੍ਧਿਂ ਸਂવਸਤਿ। ਇਦਮਸ੍ਸ વਾਲ਼ਾવਾਸਸ੍ਮਿਂ વਦਾਮਿ। ਸੇਯ੍ਯਥਾਪਿ ਸਾ , ਭਿਕ੍ਖવੇ, ਸਿવਥਿਕਾ વਾਲ਼ਾਨਂ ਅਮਨੁਸ੍ਸਾਨਂ ਆવਾਸੋ; ਤਥੂਪਮਾਹਂ, ਭਿਕ੍ਖવੇ, ਇਮਂ ਪੁਗ੍ਗਲਂ વਦਾਮਿ।
‘‘So asucinā kāyakammena samannāgato, asucinā vacīkammena samannāgato , asucinā manokammena samannāgato sabhāgehi puggalehi saddhiṃ saṃvasati. Idamassa vāḷāvāsasmiṃ vadāmi. Seyyathāpi sā , bhikkhave, sivathikā vāḷānaṃ amanussānaṃ āvāso; tathūpamāhaṃ, bhikkhave, imaṃ puggalaṃ vadāmi.
‘‘ਤਮੇਨਂ ਅਸੁਚਿਨਾ ਕਾਯਕਮ੍ਮੇਨ ਸਮਨ੍ਨਾਗਤਂ, ਅਸੁਚਿਨਾ વਚੀਕਮ੍ਮੇਨ ਸਮਨ੍ਨਾਗਤਂ, ਅਸੁਚਿਨਾ ਮਨੋਕਮ੍ਮੇਨ ਸਮਨ੍ਨਾਗਤਂ ਪੇਸਲਾ ਸਬ੍ਰਹ੍ਮਚਾਰੀ ਦਿਸ੍વਾ ਖੀਯਧਮ੍ਮਂ 3 ਆਪਜ੍ਜਨ੍ਤਿ – ‘ਅਹੋ વਤ ਨੋ ਦੁਕ੍ਖਂ ਯੇ ਮਯਂ ਏવਰੂਪੇਹਿ ਪੁਗ੍ਗਲੇਹਿ ਸਦ੍ਧਿਂ ਸਂવਸਾਮਾ’ਤਿ! ਇਦਮਸ੍ਸ ਆਰੋਦਨਾਯ વਦਾਮਿ। ਸੇਯ੍ਯਥਾਪਿ ਸਾ, ਭਿਕ੍ਖવੇ, ਸਿવਥਿਕਾ ਬਹੁਨੋ ਜਨਸ੍ਸ ਆਰੋਦਨਾ; ਤਥੂਪਮਾਹਂ, ਭਿਕ੍ਖવੇ, ਇਮਂ ਪੁਗ੍ਗਲਂ વਦਾਮਿ। ਇਮੇ ਖੋ, ਭਿਕ੍ਖવੇ, ਪਞ੍ਚ ਆਦੀਨવਾ ਸਿવਥਿਕੂਪਮੇ ਪੁਗ੍ਗਲੇ’’ਤਿ। ਨવਮਂ।
‘‘Tamenaṃ asucinā kāyakammena samannāgataṃ, asucinā vacīkammena samannāgataṃ, asucinā manokammena samannāgataṃ pesalā sabrahmacārī disvā khīyadhammaṃ 4 āpajjanti – ‘aho vata no dukkhaṃ ye mayaṃ evarūpehi puggalehi saddhiṃ saṃvasāmā’ti! Idamassa ārodanāya vadāmi. Seyyathāpi sā, bhikkhave, sivathikā bahuno janassa ārodanā; tathūpamāhaṃ, bhikkhave, imaṃ puggalaṃ vadāmi. Ime kho, bhikkhave, pañca ādīnavā sivathikūpame puggale’’ti. Navamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੯. ਸਿવਥਿਕਸੁਤ੍ਤવਣ੍ਣਨਾ • 9. Sivathikasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੧੦. ਪਠਮਦੀਘਚਾਰਿਕਸੁਤ੍ਤਾਦਿવਣ੍ਣਨਾ • 1-10. Paṭhamadīghacārikasuttādivaṇṇanā
