| Library / Tipiṭaka / তিপিটক • Tipiṭaka / মহাৰগ্গপাল়ি • Mahāvaggapāḷi |
২০৮. সিৰেয্যকদুস্সযুগকথা
208. Siveyyakadussayugakathā
৩৩৫. তেন খো পন সমযেন রঞ্ঞো পজ্জোতস্স সিৰেয্যকং দুস্সযুগং উপ্পন্নং হোতি – বহূনং 1 দুস্সানং বহূনং দুস্সযুগানং বহূনং দুস্সযুগসতানং বহূনং দুস্সযুগসহস্সানং বহূনং দুস্সযুগসতসহস্সানং অগ্গঞ্চ সেট্ঠঞ্চ মোক্খঞ্চ উত্তমঞ্চ পৰরঞ্চ। অথ খো রাজা পজ্জোতো তং সিৰেয্যকং দুস্সযুগং জীৰকস্স কোমারভচ্চস্স পাহেসি। অথ খো জীৰকস্স কোমারভচ্চস্স এতদহোসি – ‘‘ইদং খো মে সিৰেয্যকং দুস্সযুগং রঞ্ঞা পজ্জোতেন পহিতং – বহূনং দুস্সানং বহূনং দুস্সযুগানং বহূনং দুস্সযুগসতানং বহূনং দুস্সযুগসহস্সানং বহূনং দুস্সযুগসতসহস্সানং অগ্গঞ্চ সেট্ঠঞ্চ মোক্খঞ্চ উত্তমঞ্চ পৰরঞ্চ। নযিদং অঞ্ঞো কোচি পচ্চারহতি অঞ্ঞত্র তেন ভগৰতা অরহতা সম্মাসম্বুদ্ধেন, রঞ্ঞা ৰা মাগধেন সেনিযেন বিম্বিসারেনা’’তি।
335. Tena kho pana samayena rañño pajjotassa siveyyakaṃ dussayugaṃ uppannaṃ hoti – bahūnaṃ 2 dussānaṃ bahūnaṃ dussayugānaṃ bahūnaṃ dussayugasatānaṃ bahūnaṃ dussayugasahassānaṃ bahūnaṃ dussayugasatasahassānaṃ aggañca seṭṭhañca mokkhañca uttamañca pavarañca. Atha kho rājā pajjoto taṃ siveyyakaṃ dussayugaṃ jīvakassa komārabhaccassa pāhesi. Atha kho jīvakassa komārabhaccassa etadahosi – ‘‘idaṃ kho me siveyyakaṃ dussayugaṃ raññā pajjotena pahitaṃ – bahūnaṃ dussānaṃ bahūnaṃ dussayugānaṃ bahūnaṃ dussayugasatānaṃ bahūnaṃ dussayugasahassānaṃ bahūnaṃ dussayugasatasahassānaṃ aggañca seṭṭhañca mokkhañca uttamañca pavarañca. Nayidaṃ añño koci paccārahati aññatra tena bhagavatā arahatā sammāsambuddhena, raññā vā māgadhena seniyena bimbisārenā’’ti.
সিৰেয্যকদুস্সযুগকথা নিট্ঠিতা।
Siveyyakadussayugakathā niṭṭhitā.
Footnotes:
Related texts:
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / সিৰেয্যকদুস্সযুগকথা • Siveyyakadussayugakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / পজ্জোতরাজৰত্থুকথাদিৰণ্ণনা • Pajjotarājavatthukathādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ২০৮. সিৰেয্যকদুস্সযুগকথা • 208. Siveyyakadussayugakathā
