| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੦੮. ਸਿવੇਯ੍ਯਕਦੁਸ੍ਸਯੁਗਕਥਾ
208. Siveyyakadussayugakathā
੩੩੫. ਤੇਨ ਖੋ ਪਨ ਸਮਯੇਨ ਰਞ੍ਞੋ ਪਜ੍ਜੋਤਸ੍ਸ ਸਿવੇਯ੍ਯਕਂ ਦੁਸ੍ਸਯੁਗਂ ਉਪ੍ਪਨ੍ਨਂ ਹੋਤਿ – ਬਹੂਨਂ 1 ਦੁਸ੍ਸਾਨਂ ਬਹੂਨਂ ਦੁਸ੍ਸਯੁਗਾਨਂ ਬਹੂਨਂ ਦੁਸ੍ਸਯੁਗਸਤਾਨਂ ਬਹੂਨਂ ਦੁਸ੍ਸਯੁਗਸਹਸ੍ਸਾਨਂ ਬਹੂਨਂ ਦੁਸ੍ਸਯੁਗਸਤਸਹਸ੍ਸਾਨਂ ਅਗ੍ਗਞ੍ਚ ਸੇਟ੍ਠਞ੍ਚ ਮੋਕ੍ਖਞ੍ਚ ਉਤ੍ਤਮਞ੍ਚ ਪવਰਞ੍ਚ। ਅਥ ਖੋ ਰਾਜਾ ਪਜ੍ਜੋਤੋ ਤਂ ਸਿવੇਯ੍ਯਕਂ ਦੁਸ੍ਸਯੁਗਂ ਜੀવਕਸ੍ਸ ਕੋਮਾਰਭਚ੍ਚਸ੍ਸ ਪਾਹੇਸਿ। ਅਥ ਖੋ ਜੀવਕਸ੍ਸ ਕੋਮਾਰਭਚ੍ਚਸ੍ਸ ਏਤਦਹੋਸਿ – ‘‘ਇਦਂ ਖੋ ਮੇ ਸਿવੇਯ੍ਯਕਂ ਦੁਸ੍ਸਯੁਗਂ ਰਞ੍ਞਾ ਪਜ੍ਜੋਤੇਨ ਪਹਿਤਂ – ਬਹੂਨਂ ਦੁਸ੍ਸਾਨਂ ਬਹੂਨਂ ਦੁਸ੍ਸਯੁਗਾਨਂ ਬਹੂਨਂ ਦੁਸ੍ਸਯੁਗਸਤਾਨਂ ਬਹੂਨਂ ਦੁਸ੍ਸਯੁਗਸਹਸ੍ਸਾਨਂ ਬਹੂਨਂ ਦੁਸ੍ਸਯੁਗਸਤਸਹਸ੍ਸਾਨਂ ਅਗ੍ਗਞ੍ਚ ਸੇਟ੍ਠਞ੍ਚ ਮੋਕ੍ਖਞ੍ਚ ਉਤ੍ਤਮਞ੍ਚ ਪવਰਞ੍ਚ। ਨਯਿਦਂ ਅਞ੍ਞੋ ਕੋਚਿ ਪਚ੍ਚਾਰਹਤਿ ਅਞ੍ਞਤ੍ਰ ਤੇਨ ਭਗવਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ, ਰਞ੍ਞਾ વਾ ਮਾਗਧੇਨ ਸੇਨਿਯੇਨ ਬਿਮ੍ਬਿਸਾਰੇਨਾ’’ਤਿ।
335. Tena kho pana samayena rañño pajjotassa siveyyakaṃ dussayugaṃ uppannaṃ hoti – bahūnaṃ 2 dussānaṃ bahūnaṃ dussayugānaṃ bahūnaṃ dussayugasatānaṃ bahūnaṃ dussayugasahassānaṃ bahūnaṃ dussayugasatasahassānaṃ aggañca seṭṭhañca mokkhañca uttamañca pavarañca. Atha kho rājā pajjoto taṃ siveyyakaṃ dussayugaṃ jīvakassa komārabhaccassa pāhesi. Atha kho jīvakassa komārabhaccassa etadahosi – ‘‘idaṃ kho me siveyyakaṃ dussayugaṃ raññā pajjotena pahitaṃ – bahūnaṃ dussānaṃ bahūnaṃ dussayugānaṃ bahūnaṃ dussayugasatānaṃ bahūnaṃ dussayugasahassānaṃ bahūnaṃ dussayugasatasahassānaṃ aggañca seṭṭhañca mokkhañca uttamañca pavarañca. Nayidaṃ añño koci paccārahati aññatra tena bhagavatā arahatā sammāsambuddhena, raññā vā māgadhena seniyena bimbisārenā’’ti.
ਸਿવੇਯ੍ਯਕਦੁਸ੍ਸਯੁਗਕਥਾ ਨਿਟ੍ਠਿਤਾ।
Siveyyakadussayugakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਸਿવੇਯ੍ਯਕਦੁਸ੍ਸਯੁਗਕਥਾ • Siveyyakadussayugakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਜ੍ਜੋਤਰਾਜવਤ੍ਥੁਕਥਾਦਿવਣ੍ਣਨਾ • Pajjotarājavatthukathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੦੮. ਸਿવੇਯ੍ਯਕਦੁਸ੍ਸਯੁਗਕਥਾ • 208. Siveyyakadussayugakathā
