| Library / Tipiṭaka / തിപിടക • Tipiṭaka / മഹാവഗ്ഗപാളി • Mahāvaggapāḷi |
൨൦൮. സിവേയ്യകദുസ്സയുഗകഥാ
208. Siveyyakadussayugakathā
൩൩൫. തേന ഖോ പന സമയേന രഞ്ഞോ പജ്ജോതസ്സ സിവേയ്യകം ദുസ്സയുഗം ഉപ്പന്നം ഹോതി – ബഹൂനം 1 ദുസ്സാനം ബഹൂനം ദുസ്സയുഗാനം ബഹൂനം ദുസ്സയുഗസതാനം ബഹൂനം ദുസ്സയുഗസഹസ്സാനം ബഹൂനം ദുസ്സയുഗസതസഹസ്സാനം അഗ്ഗഞ്ച സേട്ഠഞ്ച മോക്ഖഞ്ച ഉത്തമഞ്ച പവരഞ്ച. അഥ ഖോ രാജാ പജ്ജോതോ തം സിവേയ്യകം ദുസ്സയുഗം ജീവകസ്സ കോമാരഭച്ചസ്സ പാഹേസി. അഥ ഖോ ജീവകസ്സ കോമാരഭച്ചസ്സ ഏതദഹോസി – ‘‘ഇദം ഖോ മേ സിവേയ്യകം ദുസ്സയുഗം രഞ്ഞാ പജ്ജോതേന പഹിതം – ബഹൂനം ദുസ്സാനം ബഹൂനം ദുസ്സയുഗാനം ബഹൂനം ദുസ്സയുഗസതാനം ബഹൂനം ദുസ്സയുഗസഹസ്സാനം ബഹൂനം ദുസ്സയുഗസതസഹസ്സാനം അഗ്ഗഞ്ച സേട്ഠഞ്ച മോക്ഖഞ്ച ഉത്തമഞ്ച പവരഞ്ച. നയിദം അഞ്ഞോ കോചി പച്ചാരഹതി അഞ്ഞത്ര തേന ഭഗവതാ അരഹതാ സമ്മാസമ്ബുദ്ധേന, രഞ്ഞാ വാ മാഗധേന സേനിയേന ബിമ്ബിസാരേനാ’’തി.
335. Tena kho pana samayena rañño pajjotassa siveyyakaṃ dussayugaṃ uppannaṃ hoti – bahūnaṃ 2 dussānaṃ bahūnaṃ dussayugānaṃ bahūnaṃ dussayugasatānaṃ bahūnaṃ dussayugasahassānaṃ bahūnaṃ dussayugasatasahassānaṃ aggañca seṭṭhañca mokkhañca uttamañca pavarañca. Atha kho rājā pajjoto taṃ siveyyakaṃ dussayugaṃ jīvakassa komārabhaccassa pāhesi. Atha kho jīvakassa komārabhaccassa etadahosi – ‘‘idaṃ kho me siveyyakaṃ dussayugaṃ raññā pajjotena pahitaṃ – bahūnaṃ dussānaṃ bahūnaṃ dussayugānaṃ bahūnaṃ dussayugasatānaṃ bahūnaṃ dussayugasahassānaṃ bahūnaṃ dussayugasatasahassānaṃ aggañca seṭṭhañca mokkhañca uttamañca pavarañca. Nayidaṃ añño koci paccārahati aññatra tena bhagavatā arahatā sammāsambuddhena, raññā vā māgadhena seniyena bimbisārenā’’ti.
സിവേയ്യകദുസ്സയുഗകഥാ നിട്ഠിതാ.
Siveyyakadussayugakathā niṭṭhitā.
Footnotes:
Related texts:
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവഗ്ഗ-അട്ഠകഥാ • Mahāvagga-aṭṭhakathā / സിവേയ്യകദുസ്സയുഗകഥാ • Siveyyakadussayugakathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / പജ്ജോതരാജവത്ഥുകഥാദിവണ്ണനാ • Pajjotarājavatthukathādivaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൨൦൮. സിവേയ്യകദുസ്സയുഗകഥാ • 208. Siveyyakadussayugakathā
