| Library / Tipiṭaka / д̇ибидага • Tipiṭaka / ж̇аад̇агабаал̣и • Jātakapāḷi |
499. сивиж̇аад̇агам̣ (3)
499. Sivijātakaṃ (3)
52.
52.
д̣̇уурз абассам̣ т̇зрова, жагкум̣ яаажид̇умааг̇ад̇о;
Dūre apassaṃ therova, cakkhuṃ yācitumāgato;
зганзд̇д̇аа бхависсаама, жагкум̣ мз д̣̇зхи яаажид̇о.
Ekanettā bhavissāma, cakkhuṃ me dehi yācito.
53.
53.
гзнаанусидто ид̇ха мааг̇ад̇оси, ваниб̣б̣ага 1 жагкубат̇аани яаажид̇ум̣;
Kenānusiṭṭho idha māgatosi, vanibbaka 2 cakkhupathāni yācituṃ;
суд̣̇ужжаж̇ам̣ яаажаси уд̇д̇аман̇г̇ам̣, яамааху нзд̇д̇ам̣ бурисзна д̣̇ужжаж̇ам̣.
Suduccajaṃ yācasi uttamaṅgaṃ, yamāhu nettaṃ purisena duccajaṃ.
54.
54.
яамааху д̣̇звзсу суж̇амбад̇ийд̇и, магхаваад̇и нам̣ ааху мануссалогз;
Yamāhu devesu sujampatīti, maghavāti naṃ āhu manussaloke;
д̇знаанусидто ид̇ха мааг̇ад̇осми, ваниб̣б̣аго жагкубат̇аани яаажид̇ум̣.
Tenānusiṭṭho idha māgatosmi, vanibbako cakkhupathāni yācituṃ.
55.
55.
д̣̇ад̣̇аахи мз жагкубат̇ам̣ ануд̇д̇арам̣, яамааху нзд̇д̇ам̣ бурисзна д̣̇ужжаж̇ам̣.
Dadāhi me cakkhupathaṃ anuttaraṃ, yamāhu nettaṃ purisena duccajaṃ.
56.
56.
язна ад̇т̇зна ааг̇ажчи 7, яамад̇т̇амабхибад̇т̇аяам̣;
Yena atthena āgacchi 8, yamatthamabhipatthayaṃ;
д̇з д̇з иж̇жханд̇у сан̇габбаа, лабха жагкууни б̣раахман̣а.
Te te ijjhantu saṅkappā, labha cakkhūni brāhmaṇa.
57.
57.
згам̣ д̇з яаажамаанасса, убхаяаани д̣̇ад̣̇аамахам̣;
Ekaṃ te yācamānassa, ubhayāni dadāmahaṃ;
са жагкумаа г̇ажча ж̇анасса бзгкад̇о, яад̣̇ижчасз д̇вам̣ д̇ад̣̇ад̇з самиж̇жхад̇у.
Sa cakkhumā gaccha janassa pekkhato, yadicchase tvaṃ tadate samijjhatu.
58.
58.
маа но д̣̇зва ад̣̇аа жагкум̣, маа но саб̣б̣з бараагари 9;
Mā no deva adā cakkhuṃ, mā no sabbe parākari 10;
д̇ханам̣ д̣̇зхи махаарааж̇а, муд̇д̇аа взл̣урияаа б̣ахуу.
Dhanaṃ dehi mahārāja, muttā veḷuriyā bahū.
59.
59.
яуд̇д̇з д̣̇зва рат̇з д̣̇зхи, ааж̇аанийяз жалан̇гад̇з;
Yutte deva rathe dehi, ājānīye calaṅkate;
нааг̇з д̣̇зхи махаарааж̇а, хзмагаббанаваасасз.
Nāge dehi mahārāja, hemakappanavāsase.
60.
60.
яат̇аа д̇ам̣ сиваяо 11 саб̣б̣з, саяог̇г̇аа сарат̇аа сад̣̇аа;
Yathā taṃ sivayo 12 sabbe, sayoggā sarathā sadā;
61.
61.
яо вз д̣̇ассанд̇и вад̇ваана, ад̣̇аанз гуруд̇з мано;
Yo ve dassanti vatvāna, adāne kurute mano;
бхуумяам̣ 15 со бад̇ид̇ам̣ баасам̣, г̇ийвааяам̣ бадимун̃жад̇и.
Bhūmyaṃ 16 so patitaṃ pāsaṃ, gīvāyaṃ paṭimuñcati.
62.
62.
яо вз д̣̇ассанд̇и вад̇ваана, ад̣̇аанз гуруд̇з мано;
Yo ve dassanti vatvāna, adāne kurute mano;
баабаа баабад̇аро ход̇и, самбад̇д̇о яамасаад̇ханам̣.
Pāpā pāpataro hoti, sampatto yamasādhanaṃ.
63.
63.
яан̃хи яаажз д̇ан̃хи д̣̇ад̣̇з, яам̣ на яаажз на д̇ам̣ д̣̇ад̣̇з;
Yañhi yāce tañhi dade, yaṃ na yāce na taṃ dade;
сваахам̣ д̇амзва д̣̇ассаами, яам̣ мам̣ яаажад̇и б̣раахман̣о.
Svāhaṃ tameva dassāmi, yaṃ maṃ yācati brāhmaṇo.
64.
64.
ааяум̣ ну ван̣н̣ам̣ ну сукам̣ б̣алам̣ ну, гим̣ бад̇т̇аяаано ну ж̇анинд̣̇а д̣̇зси;
Āyuṃ nu vaṇṇaṃ nu sukhaṃ balaṃ nu, kiṃ patthayāno nu janinda desi;
гат̇ан̃хи рааж̇аа сивинам̣ ануд̇д̇аро, жагкууни д̣̇аж̇ж̇аа баралогахзд̇у.
Kathañhi rājā sivinaṃ anuttaro, cakkhūni dajjā paralokahetu.
65.
65.
на ваахамзд̇ам̣ яасасаа д̣̇ад̣̇аами, на буд̇д̇амижчз на д̇ханам̣ на радтам̣;
Na vāhametaṃ yasasā dadāmi, na puttamicche na dhanaṃ na raṭṭhaṃ;
сад̇ан̃жа д̇хаммо жарид̇о бураан̣о, ижжзва д̣̇аанз рамад̇з мано мама 17.
Satañca dhammo carito purāṇo, icceva dāne ramate mano mama 18.
66.
66.
сакаа жа мид̇д̇о жа мамааси сийвига 19, сусигкид̇о саад̇ху гарохи мз важо;
Sakhā ca mitto ca mamāsi sīvika 20, susikkhito sādhu karohi me vaco;
67.
67.
жод̣̇ид̇о сивирааж̇зна, сивиго важанан̇гаро;
Codito sivirājena, siviko vacanaṅkaro;
ран̃н̃о жагкуунуд̣̇д̇харид̇ваа 25, б̣раахман̣ассуубанаамаяи;
Rañño cakkhūnuddharitvā 26, brāhmaṇassūpanāmayi;
сажагку б̣раахман̣о ааси, анд̇хо рааж̇аа убаависи.
Sacakkhu brāhmaṇo āsi, andho rājā upāvisi.
68.
68.
д̇ад̇о со гад̇ибаахасса, убаруул̣хзсу жагкусу;
Tato so katipāhassa, uparūḷhesu cakkhusu;
сууд̇ам̣ ааманд̇аяий рааж̇аа, сивийнам̣ радтавад̣дхано.
Sūtaṃ āmantayī rājā, sivīnaṃ raṭṭhavaḍḍhano.
69.
69.
яож̇зхи саарат̇и яаанам̣, яуд̇д̇ан̃жа бадивзд̣̇аяа;
Yojehi sārathi yānaṃ, yuttañca paṭivedaya;
уяяаанабхуумим̣ г̇ажчаама, богкаран̃н̃о ванаани жа.
Uyyānabhūmiṃ gacchāma, pokkharañño vanāni ca.
70.
70.
д̇асса сагго баад̇ураху, д̣̇зварааж̇аа суж̇амбад̇и.
Tassa sakko pāturahu, devarājā sujampati.
71.
71.
саггохамасми д̣̇звинд̣̇о, ааг̇ад̇осми д̇аванд̇игз;
Sakkohamasmi devindo, āgatosmi tavantike;
варам̣ варассу рааж̇ийси, яам̣ гин̃жи манасижчаси.
Varaṃ varassu rājīsi, yaṃ kiñci manasicchasi.
72.
72.
бахууд̇ам̣ мз д̇ханам̣ сагга, б̣алам̣ госо жанаббаго;
Pahūtaṃ me dhanaṃ sakka, balaṃ koso canappako;
анд̇хасса мз сад̇о д̣̇аани, маран̣ан̃н̃зва ружжад̇и.
Andhassa me sato dāni, maraṇaññeva ruccati.
73.
73.
яаани сажжаани д̣̇вибад̣̇инд̣̇а, д̇аани бхаасассу кад̇д̇ияа;
Yāni saccāni dvipadinda, tāni bhāsassu khattiya;
сажжам̣ д̇з бхан̣амаанасса, буна жагку бхависсад̇и.
Saccaṃ te bhaṇamānassa, puna cakkhu bhavissati.
74.
74.
яз мам̣ яаажид̇умааяанд̇и, наанааг̇од̇д̇аа ваниб̣б̣агаа;
Ye maṃ yācitumāyanti, nānāgottā vanibbakā;
яоби мам̣ яаажад̇з д̇ад̇т̇а, соби мз манасо бияо;
Yopi maṃ yācate tattha, sopi me manaso piyo;
зд̇зна сажжаваж̇ж̇зна, жагку мз убабаж̇ж̇ат̇а.
Etena saccavajjena, cakkhu me upapajjatha.
75.
75.
яам̣ мам̣ со яаажид̇ум̣ ааг̇аа, д̣̇зхи жагкунд̇и б̣раахман̣о;
Yaṃ maṃ so yācituṃ āgā, dehi cakkhunti brāhmaṇo;
д̇асса жагкууни баад̣̇аасим̣, б̣раахман̣асса ваниб̣б̣ад̇о 29.
Tassa cakkhūni pādāsiṃ, brāhmaṇassa vanibbato 30.
76.
76.
бхияяо мам̣ аависий бийд̇и, соманассан̃жанаббагам̣;
Bhiyyo maṃ āvisī pīti, somanassañcanappakaṃ;
зд̇зна сажжаваж̇ж̇зна, д̣̇уд̇ияам̣ мз убабаж̇ж̇ат̇а.
Etena saccavajjena, dutiyaṃ me upapajjatha.
77.
77.
д̇хаммзна бхаасид̇аа г̇аат̇аа, сивийнам̣ радтавад̣дхана;
Dhammena bhāsitā gāthā, sivīnaṃ raṭṭhavaḍḍhana;
зд̇аани д̇ава нзд̇д̇аани, д̣̇иб̣б̣аани бадид̣̇иссарз.
Etāni tava nettāni, dibbāni paṭidissare.
78.
78.
д̇ирогуддам̣ д̇иросзлам̣, самад̇иг̇г̇аяха баб̣б̣ад̇ам̣;
Tirokuṭṭaṃ tiroselaṃ, samatiggayha pabbataṃ;
саманд̇аа яож̇анасад̇ам̣, д̣̇ассанам̣ анубхонд̇у д̇з.
Samantā yojanasataṃ, dassanaṃ anubhontu te.
79.
79.
го нийд̇ха вид̇д̇ам̣ на д̣̇ад̣̇зяяа яаажид̇о, аби висидтам̣ субияамби ад̇д̇ано;
Ko nīdha vittaṃ na dadeyya yācito, api visiṭṭhaṃ supiyampi attano;
д̇ад̣̇ин̇гха саб̣б̣з сиваяо самааг̇ад̇аа, д̣̇иб̣б̣аани нзд̇д̇аани мамаж̇ж̇а бассат̇а.
Tadiṅgha sabbe sivayo samāgatā, dibbāni nettāni mamajja passatha.
80.
80.
д̇ирогуддам̣ д̇иросзлам̣, самад̇иг̇г̇аяха баб̣б̣ад̇ам̣;
Tirokuṭṭaṃ tiroselaṃ, samatiggayha pabbataṃ;
саманд̇аа яож̇анасад̇ам̣, д̣̇ассанам̣ анубхонд̇и мз.
Samantā yojanasataṃ, dassanaṃ anubhonti me.
81.
81.
на жааг̇амад̇д̇аа барамад̇т̇и гин̃жи, мажжаанам̣ ид̇ха ж̇ийвид̇з;
Na cāgamattā paramatthi kiñci, maccānaṃ idha jīvite;
82.
82.
зд̇амби д̣̇исваа сиваяо, д̣̇зт̇а д̣̇аанаани бхун̃ж̇ат̇а;
Etampi disvā sivayo, detha dānāni bhuñjatha;
д̣̇ад̇ваа жа бхуд̇ваа жа яат̇аанубхаавам̣, анинд̣̇ид̇аа саг̇г̇амубзт̇а таананд̇и.
Datvā ca bhutvā ca yathānubhāvaṃ, aninditā saggamupetha ṭhānanti.
сивиж̇аад̇агам̣ д̇ад̇ияам̣.
Sivijātakaṃ tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ж̇аад̇ага-адтагат̇аа • Jātaka-aṭṭhakathā / [499] 3. сивиж̇аад̇агаван̣н̣анаа • [499] 3. Sivijātakavaṇṇanā
