| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
७. सोभनसुत्तवण्णना
7. Sobhanasuttavaṇṇanā
७. सत्तमे पञ्ञावेय्यत्तियेनाति सच्चसम्पटिवेधादिपञ्ञावेय्यत्तियेन। विनयं उपेताति तदङ्गादिवसेन किलेसानं विनयं उपेता। वेसारज्जेनाति सारज्जकरानं दिट्ठिविचिकिच्छादिपापधम्मानं विगमनतो वेसारज्जेन, सारज्जरहितेनाति अत्थो। तेपिटकवसेन बहु सुतं एतेसन्ति बहुस्सुता। तमेव परियत्तिधम्मं धारेन्ति सुवण्णभाजने पक्खित्तसीहवसं विय विनस्सन्तं अकत्वा सुप्पगुणसुप्पवत्तिभावेन हदये ठपेन्तीति धम्मधरा। एदिसा च अत्तना सुतस्स धम्मस्स आधारभूता नाम होन्तीति आह ‘‘सुतधम्मानं आधारभूता’’ति।
7. Sattame paññāveyyattiyenāti saccasampaṭivedhādipaññāveyyattiyena. Vinayaṃ upetāti tadaṅgādivasena kilesānaṃ vinayaṃ upetā. Vesārajjenāti sārajjakarānaṃ diṭṭhivicikicchādipāpadhammānaṃ vigamanato vesārajjena, sārajjarahitenāti attho. Tepiṭakavasena bahu sutaṃ etesanti bahussutā. Tameva pariyattidhammaṃ dhārenti suvaṇṇabhājane pakkhittasīhavasaṃ viya vinassantaṃ akatvā suppaguṇasuppavattibhāvena hadaye ṭhapentīti dhammadharā. Edisā ca attanā sutassa dhammassa ādhārabhūtā nāma hontīti āha ‘‘sutadhammānaṃ ādhārabhūtā’’ti.
सोभनसुत्तवण्णना निट्ठिता।
Sobhanasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ७. सोभनसुत्तं • 7. Sobhanasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ७. सोभनसुत्तवण्णना • 7. Sobhanasuttavaṇṇanā
