| Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā |
8. собхид̇аб̣уд̣̇д̇хавам̣саван̣н̣анаа
8. Sobhitabuddhavaṃsavaṇṇanā
д̇асса бана абарабхааг̇з д̇асса саасанзби анд̇арахид̇з собхид̇о наама б̣од̇хисад̇д̇о габбасад̇асахассаад̇хигаани жад̇д̇аари асан̇кязяяаани баарамияо буурзд̇ваа д̇усид̇абурз ниб̣б̣ад̇д̇ид̇ваа д̇ад̇т̇а яаавад̇ааяугам̣ тад̇ваа д̣̇звзхи ааяаажид̇о д̇усид̇абурад̇о жавид̇ваа суд̇хамманаг̇арз суд̇хаммарааж̇асса гулз суд̇хаммааяа наама д̣̇звияаа гужчисмим̣ бадисанд̇хим̣ аг̇г̇ахзси. со д̣̇асаннам̣ маасаанам̣ ажжаязна суд̇хаммуяяаанз маад̇угужчид̇о барисуд̣̇д̇хавирааж̇ид̇агханамзгхабадалад̇о бун̣н̣ажанд̣̇о вияа нигками. д̇асса бадисанд̇хияам̣ ж̇аад̇ияан̃жа баадихаарияаани буб̣б̣з вуд̇д̇аббагаараани.
Tassa pana aparabhāge tassa sāsanepi antarahite sobhito nāma bodhisatto kappasatasahassādhikāni cattāri asaṅkhyeyyāni pāramiyo pūretvā tusitapure nibbattitvā tattha yāvatāyukaṃ ṭhatvā devehi āyācito tusitapurato cavitvā sudhammanagare sudhammarājassa kule sudhammāya nāma deviyā kucchismiṃ paṭisandhiṃ aggahesi. So dasannaṃ māsānaṃ accayena sudhammuyyāne mātukucchito parisuddhavirājitaghanameghapaṭalato puṇṇacando viya nikkhami. Tassa paṭisandhiyaṃ jātiyañca pāṭihāriyāni pubbe vuttappakārāni.
со д̣̇асавассасахассаани аг̇аарам̣ аж̇жхаавасид̇ваа сад̇д̇ад̇д̇им̣санаадагид̇т̇исахассаанам̣ аг̇г̇ааяа аг̇г̇амахзсияаа макилад̣̇звияаа гужчисмим̣ сийхагумаарз наама буд̇д̇з уббаннз жад̇д̇аари нимид̇д̇аани д̣̇исваа сан̃ж̇аад̇асам̣взг̇о баасаад̣̇зязва баб̣б̣аж̇ид̇ваа д̇ад̇т̇зва аанаабаанассад̇исамаад̇хим̣ бхаавзд̇ваа жад̇д̇аари жхаанаани бадилабхид̇ваа сад̇д̇аахам̣ д̇ад̇т̇зва бад̇хаанажарияамажари. д̇ад̇о макиламахаад̣̇звияаа д̣̇иннам̣ барамамад̇хурам̣ мад̇хубааяаасам̣ барибхун̃ж̇ид̇ваа абхинигкаманад̇т̇ааяа жид̇д̇амуббаад̣̇зси – ‘‘аяам̣ баасаад̣̇о алан̇гад̇абадияад̇д̇о махааж̇анасса бассанд̇ассзва аагаасзна г̇анд̇ваа б̣од̇хиругкам̣ маж̇жхзгад̇ваа бат̇авияам̣ од̇арад̇у, имаа жа ид̇т̇ияо маяи б̣од̇химуулз нисиннз авуд̇д̇аа саяамзва баасаад̣̇ад̇о нигкаманд̇уу’’д̇и. сахажид̇д̇уббаад̣̇аа баасаад̣̇о жа суд̇хаммарааж̇абхаванад̇о уббад̇ид̇ваа асид̇ан̃ж̇анасан̇гаасамаагаасамаб̣бхуг̇г̇ан̃чи. со самосарид̇асурабхигусумад̣̇аамасамалан̇гад̇абаасаад̣̇ад̇ало сагаламби г̇аг̇анад̇алам̣ самалан̇гурумаано вияа ганагарасад̇хаараасад̣̇исаружирагаранигаро д̣̇ивасагаро вияа жа сарад̣̇асамаяараж̇анигаро вияа жа вирожамаано виламб̣амаанавивид̇хавижид̇д̇агин̇гин̣игаж̇аало яасса гира ваад̇зрид̇асса сугусалаж̇анаваад̣̇ид̇асса бан̃жан̇г̇игасса д̇урияасса вияа сад̣̇д̣̇о ваг̇г̇у жа раж̇анийяо жа гаманийяо жа ахоси.
So dasavassasahassāni agāraṃ ajjhāvasitvā sattattiṃsanāṭakitthisahassānaṃ aggāya aggamahesiyā makhiladeviyā kucchismiṃ sīhakumāre nāma putte uppanne cattāri nimittāni disvā sañjātasaṃvego pāsādeyeva pabbajitvā tattheva ānāpānassatisamādhiṃ bhāvetvā cattāri jhānāni paṭilabhitvā sattāhaṃ tattheva padhānacariyamacari. Tato makhilamahādeviyā dinnaṃ paramamadhuraṃ madhupāyāsaṃ paribhuñjitvā abhinikkhamanatthāya cittamuppādesi – ‘‘ayaṃ pāsādo alaṅkatapaṭiyatto mahājanassa passantasseva ākāsena gantvā bodhirukkhaṃ majjhekatvā pathaviyaṃ otaratu, imā ca itthiyo mayi bodhimūle nisinne avuttā sayameva pāsādato nikkhamantū’’ti. Sahacittuppādā pāsādo ca sudhammarājabhavanato uppatitvā asitañjanasaṅkāsamākāsamabbhuggañchi. So samosaritasurabhikusumadāmasamalaṅkatapāsādatalo sakalampi gaganatalaṃ samalaṅkurumāno viya kanakarasadhārāsadisarucirakaranikaro divasakaro viya ca saradasamayarajanikaro viya ca virocamāno vilambamānavividhavicittakiṅkiṇikajālo yassa kira vāteritassa sukusalajanavāditassa pañcaṅgikassa turiyassa viya saddo vaggu ca rajanīyo ca kamanīyo ca ahosi.
д̣̇уурад̇о бадтааяа суяяамаанзна мад̇хурзна сарзна сад̇д̇аанам̣ сод̇аани од̣̇ахамаано гхаражажжаражад̇уггавийт̇иаад̣̇ийсу тад̇ваа бавад̇д̇ид̇агат̇аасаллаабзсу мануссзсу наад̇инийжзна наад̇иужжзна д̇арувараванамад̇т̇агаавид̣̇уурзнаагаасзна балобхаяамаано вияа д̇аруварасаакаанаанаарад̇анаж̇уд̇ивисарасамуж̇ж̇алзна ван̣н̣зна ж̇ананаяанаани аагад̣дхзнд̇о вияа жа бун̃н̃аанубхаавам̣ самуг̇гхосаяанд̇о вияа жа г̇аг̇анад̇алам̣ бадибаж̇ж̇и. д̇ад̇т̇а наадагид̇т̇ияоби бан̃жан̇г̇игасса варад̇урияасса мад̇хурзна сарзна убаг̇ааяим̣су жзва вилабим̣су жа. жад̇уран̇г̇иний гирасса сзнааби алан̇гаара-гааяаабхаран̣а-ж̇уд̇и-самуд̣̇аяа-самуж̇ж̇од̇анаанаавирааг̇а-сурабхигусумавасанаабхаран̣асобхид̇аа амараварасзнаа вияа барамаружирад̣̇ассанаа д̇харан̣ий вияа г̇аг̇анад̇алзна баасаад̣̇ам̣ бариваарзд̇ваа аг̇амааси.
Dūrato paṭṭhāya suyyamānena madhurena sarena sattānaṃ sotāni odahamāno gharacaccaracatukkavīthiādīsu ṭhatvā pavattitakathāsallāpesu manussesu nātinīcena nātiuccena taruvaravanamatthakāvidūrenākāsena palobhayamāno viya taruvarasākhānānāratanajutivisarasamujjalena vaṇṇena jananayanāni ākaḍḍhento viya ca puññānubhāvaṃ samugghosayanto viya ca gaganatalaṃ paṭipajji. Tattha nāṭakitthiyopi pañcaṅgikassa varaturiyassa madhurena sarena upagāyiṃsu ceva vilapiṃsu ca. Caturaṅginī kirassa senāpi alaṅkāra-kāyābharaṇa-juti-samudaya-samujjotanānāvirāga-surabhikusumavasanābharaṇasobhitā amaravarasenā viya paramaruciradassanā dharaṇī viya gaganatalena pāsādaṃ parivāretvā agamāsi.
д̇ад̇о баасаад̣̇о г̇анд̇ваа адтаасийд̇ихад̇т̇уб̣б̣зд̇хам̣ уж̇увибулаваддагканд̇хам̣ гусумабаллавамагуласамалан̇гад̇ам̣ нааг̇аругкам̣ маж̇жхзгад̇ваа од̇арид̇ваа бхуумияам̣ бад̇идтахи. наадагид̇т̇ияо жа гзнажи авуд̇д̇аава д̇ад̇о баасаад̣̇ад̇о од̇арид̇ваа баггамим̣су. анзгаг̇ун̣асобхид̇о гира собхид̇оби махаабурисо махааж̇анагад̇абариваароязва рад̇д̇ияаа д̇ийсу яаамзсу д̇иссо виж̇ж̇ааяо уббаад̣̇зси. маараб̣алам̣ банасса д̇хаммад̇ааб̣алзнзва яат̇ааг̇ад̇амаг̇амааси. баасаад̣̇о бана д̇ад̇т̇зва адтааси. собхид̇о бана бхаг̇авад̇аа самб̣од̇хим̣ бад̇ваа – ‘‘анзгаж̇аад̇исам̣саарам̣…бз… д̇ан̣хаанам̣ каяамаж̇жхаг̇аа’’д̇и уд̣̇аанам̣ уд̣̇аанзд̇ваа б̣од̇хисамийбзязва сад̇д̇асад̇д̇аахам̣ вийд̇инаамзд̇ваа б̣рахмуно д̇хаммаж̇жхзсанам̣ бадиж̇аанид̇ваа – ‘‘гасса ну ко батамам̣ д̇хаммам̣ д̣̇зсзяяа’’нд̇и б̣уд̣̇д̇хажагкунаа ологзнд̇о ад̇д̇ано взмаад̇игз ганидтабхаад̇игз асамагумааран̃жа сунзд̇д̇агумааран̃жа д̣̇исваа – ‘‘имз д̣̇вз гумаараа убаниссаяасамбаннаа г̇амбхийрам̣ нибун̣ам̣ д̇хаммам̣ бадивиж̇жхид̇ум̣ самад̇т̇аа, ханд̣̇аахам̣ имзсам̣ д̇хаммам̣ д̣̇зсзяяа’’нд̇и аагаасзнааг̇анд̇ваа суд̇хаммуяяаанз од̇арид̇ваа д̣̇взби гумаарз уяяаанабаалзна баггосаабзд̇ваа д̇зхи сабариваарзхи баривуд̇о махааж̇анамаж̇жхз д̇хаммажаггам̣ бавад̇д̇зси. д̇зна вуд̇д̇ам̣ –
Tato pāsādo gantvā aṭṭhāsītihatthubbedhaṃ ujuvipulavaṭṭakkhandhaṃ kusumapallavamakulasamalaṅkataṃ nāgarukkhaṃ majjhekatvā otaritvā bhūmiyaṃ patiṭṭhahi. Nāṭakitthiyo ca kenaci avuttāva tato pāsādato otaritvā pakkamiṃsu. Anekaguṇasobhito kira sobhitopi mahāpuriso mahājanakataparivāroyeva rattiyā tīsu yāmesu tisso vijjāyo uppādesi. Mārabalaṃ panassa dhammatābaleneva yathāgatamagamāsi. Pāsādo pana tattheva aṭṭhāsi. Sobhito pana bhagavatā sambodhiṃ patvā – ‘‘anekajātisaṃsāraṃ…pe… taṇhānaṃ khayamajjhagā’’ti udānaṃ udānetvā bodhisamīpeyeva sattasattāhaṃ vītināmetvā brahmuno dhammajjhesanaṃ paṭijānitvā – ‘‘kassa nu kho paṭhamaṃ dhammaṃ deseyya’’nti buddhacakkhunā olokento attano vemātike kaniṭṭhabhātike asamakumārañca sunettakumārañca disvā – ‘‘ime dve kumārā upanissayasampannā gambhīraṃ nipuṇaṃ dhammaṃ paṭivijjhituṃ samatthā, handāhaṃ imesaṃ dhammaṃ deseyya’’nti ākāsenāgantvā sudhammuyyāne otaritvā dvepi kumāre uyyānapālena pakkosāpetvā tehi saparivārehi parivuto mahājanamajjhe dhammacakkaṃ pavattesi. Tena vuttaṃ –
1.
1.
‘‘рзвад̇асса абарзна, собхид̇о наама нааяаго;
‘‘Revatassa aparena, sobhito nāma nāyako;
самаахид̇о санд̇ажид̇д̇о, асамо аббадибуг̇г̇ало.
Samāhito santacitto, asamo appaṭipuggalo.
2.
2.
‘‘со ж̇ино сагаг̇зхамхи, маанасам̣ винивад̇д̇аяи;
‘‘So jino sakagehamhi, mānasaṃ vinivattayi;
бад̇ваана гзвалам̣ б̣од̇хим̣, д̇хаммажаггам̣ бавад̇д̇аяи.
Patvāna kevalaṃ bodhiṃ, dhammacakkaṃ pavattayi.
3.
3.
‘‘яаава хздтаа авийжид̇о, бхаваг̇г̇аа жааби уд̣̇д̇хад̇о;
‘‘Yāva heṭṭhā avīcito, bhavaggā cāpi uddhato;
зд̇т̇анд̇арз згабарисаа, ахоси д̇хаммад̣̇зсанз.
Etthantare ekaparisā, ahosi dhammadesane.
4.
4.
‘‘д̇ааяа барисааяа самб̣уд̣̇д̇хо, д̇хаммажаггам̣ бавад̇д̇аяи;
‘‘Tāya parisāya sambuddho, dhammacakkaṃ pavattayi;
г̇ан̣анааяа на вад̇д̇аб̣б̣о, батамаабхисамаяо ахуу’’д̇и.
Gaṇanāya na vattabbo, paṭhamābhisamayo ahū’’ti.
д̇ад̇т̇а сагаг̇зхамхийд̇и ад̇д̇ано бхаванзязва, анд̇обаасаад̣̇ад̇алзязваад̇и ад̇т̇о. маанасам̣ винивад̇д̇аяийд̇и жид̇д̇ам̣ баривад̇д̇зси, сагаг̇зхз тад̇ваа сад̇д̇ад̣̇ивасаб̣бханд̇арзязва бут̇уж̇ж̇анабхаавад̇о жид̇д̇ам̣ винивад̇д̇зд̇ваа б̣уд̣̇д̇хад̇д̇ам̣ баабун̣ийд̇и ад̇т̇о. хздтаад̇и хздтад̇о. бхаваг̇г̇аад̇и аганидтабхаванад̇о. д̇ааяа барисааяаад̇и д̇ассаа барисааяа маж̇жхз. г̇ан̣анааяа на вад̇д̇аб̣б̣од̇и г̇ан̣анабат̇амад̇ийд̇аад̇и ад̇т̇о. батамаабхисамаяод̇и батамо д̇хаммаабхисамаяо. ахууд̇и г̇ан̣анааяа на вад̇д̇аб̣б̣аа барисаа ахосийд̇и ад̇т̇о. ‘‘батамз абхисамим̣суязваа’’д̇иби баато, д̇асса батамад̇хаммад̣̇зсанз абхисамим̣су яз ж̇анаа, д̇з г̇ан̣анааяа на вад̇д̇аб̣б̣аад̇и ад̇т̇о.
Tattha sakagehamhīti attano bhavaneyeva, antopāsādataleyevāti attho. Mānasaṃ vinivattayīti cittaṃ parivattesi, sakagehe ṭhatvā sattadivasabbhantareyeva puthujjanabhāvato cittaṃ vinivattetvā buddhattaṃ pāpuṇīti attho. Heṭṭhāti heṭṭhato. Bhavaggāti akaniṭṭhabhavanato. Tāya parisāyāti tassā parisāya majjhe. Gaṇanāya na vattabboti gaṇanapathamatītāti attho. Paṭhamābhisamayoti paṭhamo dhammābhisamayo. Ahūti gaṇanāya na vattabbā parisā ahosīti attho. ‘‘Paṭhame abhisamiṃsuyevā’’tipi pāṭho, tassa paṭhamadhammadesane abhisamiṃsu ye janā, te gaṇanāya na vattabbāti attho.
ат̇аабарзна самаязна суд̣̇ассананаг̇арад̣̇ваарз жид̇д̇абаадалияаа муулз яамагабаадихаарияам̣ гад̇ваа наваганагаман̣имаяабхаванз д̇аавад̇им̣сабхаванз баарижчад̇д̇агамуулз бан̣д̣угамб̣аласилаад̇алз нисийд̣̇ид̇ваа абхид̇хаммам̣ д̣̇зсзси. д̣̇зсанаабарияосаанз навуд̇игодисахассаанам̣ д̇хаммаабхисамаяо ахоси. аяам̣ д̣̇уд̇ияо абхисамаяо ахоси. д̇зна вуд̇д̇ам̣ –
Athāparena samayena sudassananagaradvāre cittapāṭaliyā mūle yamakapāṭihāriyaṃ katvā navakanakamaṇimayabhavane tāvatiṃsabhavane pāricchattakamūle paṇḍukambalasilātale nisīditvā abhidhammaṃ desesi. Desanāpariyosāne navutikoṭisahassānaṃ dhammābhisamayo ahosi. Ayaṃ dutiyo abhisamayo ahosi. Tena vuttaṃ –
5.
5.
‘‘д̇ад̇о барамби д̣̇зсзнд̇з, маруунан̃жа самааг̇амз;
‘‘Tato parampi desente, marūnañca samāgame;
навуд̇игодисахассаанам̣, д̣̇уд̇ияаабхисамаяо ахуу’’д̇и.
Navutikoṭisahassānaṃ, dutiyābhisamayo ahū’’ti.
ат̇аабарзна самаязна суд̣̇ассананаг̇арз ж̇аяасзно наама рааж̇агумааро яож̇анаббамаан̣ам̣ вихаарам̣ гаарзд̇ваа асогассаган̣н̣ажамбаганааг̇абуннааг̇авагуласурабхижууд̇абанасаасанасаалагунд̣̇а- сахагаарагаравийраад̣̇ид̇арувараниранд̇арам̣ аараамам̣ робзд̇ваа б̣уд̣̇д̇хаббамукасса бхигкусан̇гхасса нияяаад̇зси. д̣̇аанаанумод̣̇анам̣ гад̇ваа яааг̇ам̣ ван̣н̣зд̇ваа бхаг̇аваа д̇хаммам̣ д̣̇зсзси. д̇ад̣̇аа годисад̇асахассасад̇д̇анигааяасса д̇хаммаабхисамаяо ахоси. аяам̣ д̇ад̇ияаабхисамаяо ахоси. д̇зна вуд̇д̇ам̣ –
Athāparena samayena sudassananagare jayaseno nāma rājakumāro yojanappamāṇaṃ vihāraṃ kāretvā asokassakaṇṇacampakanāgapunnāgavakulasurabhicūtapanasāsanasālakunda- sahakārakaravīrāditaruvaranirantaraṃ ārāmaṃ ropetvā buddhappamukhassa bhikkhusaṅghassa niyyātesi. Dānānumodanaṃ katvā yāgaṃ vaṇṇetvā bhagavā dhammaṃ desesi. Tadā koṭisatasahassasattanikāyassa dhammābhisamayo ahosi. Ayaṃ tatiyābhisamayo ahosi. Tena vuttaṃ –
6.
6.
‘‘бунаабарам̣ рааж̇абуд̇д̇о, ж̇аяасзно наама кад̇д̇ияо;
‘‘Punāparaṃ rājaputto, jayaseno nāma khattiyo;
аараамам̣ робаяид̇ваана, б̣уд̣̇д̇хз нияяаад̇аяий д̇ад̣̇аа.
Ārāmaṃ ropayitvāna, buddhe niyyātayī tadā.
7.
7.
‘‘д̇асса яааг̇ам̣ багид̇д̇знд̇о, д̇хаммам̣ д̣̇зсзси жагкумаа;
‘‘Tassa yāgaṃ pakittento, dhammaṃ desesi cakkhumā;
д̇ад̣̇аа годисахассаанам̣, д̇ад̇ияаабхисамаяо ахуу’’д̇и.
Tadā koṭisahassānaṃ, tatiyābhisamayo ahū’’ti.
буна уг̇г̇ад̇о наама рааж̇аа сунанд̣̇анаг̇арз сунанд̣̇ам̣ наама вихаарам̣ гаарзд̇ваа б̣уд̣̇д̇хаббамукасса бхигкусан̇гхасса ад̣̇ааси. д̇асмим̣ д̣̇аанз зхибхигкубаб̣б̣аж̇ж̇ааяа баб̣б̣аж̇ид̇аанам̣ годисад̇ам̣ араханд̇аанам̣ саннибаад̇о , д̇зсам̣ маж̇жхз собхид̇о бхаг̇аваа баад̇имогкам̣ уд̣̇д̣̇иси. аяам̣ батамо саннибаад̇о ахоси. буна мзкалаанаг̇арз д̇хаммаг̇ан̣о д̇хаммаг̇ан̣аараамам̣ наама бавараараамам̣ махаавихаарам̣ гаарзд̇ваа б̣уд̣̇д̇хаббамукасса бхигкусан̇гхасса д̣̇ад̇ваа саха саб̣б̣абаригкаарзхи д̣̇аанам̣ ад̣̇ааси. д̇асмим̣ самааг̇амз зхибхигкубхаавзна баб̣б̣аж̇ид̇аанам̣ навуд̇ияаа араханд̇агодийнам̣ саннибаад̇з баад̇имогкам̣ уд̣̇д̣̇иси. аяам̣ д̣̇уд̇ияо саннибаад̇о ахоси. яад̣̇аа бана бхаг̇аваа д̣̇асасад̇анаяанабурз вассам̣ васид̇ваа бавааран̣ааяа сураварабаривуд̇о од̇ари, д̇ад̣̇аа асийд̇ияаа араханд̇агодийхи сад̣̇д̇хим̣ жад̇уран̇г̇игз саннибаад̇з баваарзси. аяам̣ д̇ад̇ияо саннибаад̇о ахоси. д̇зна вуд̇д̇ам̣ –
Puna uggato nāma rājā sunandanagare sunandaṃ nāma vihāraṃ kāretvā buddhappamukhassa bhikkhusaṅghassa adāsi. Tasmiṃ dāne ehibhikkhupabbajjāya pabbajitānaṃ koṭisataṃ arahantānaṃ sannipāto , tesaṃ majjhe sobhito bhagavā pātimokkhaṃ uddisi. Ayaṃ paṭhamo sannipāto ahosi. Puna mekhalānagare dhammagaṇo dhammagaṇārāmaṃ nāma pavarārāmaṃ mahāvihāraṃ kāretvā buddhappamukhassa bhikkhusaṅghassa datvā saha sabbaparikkhārehi dānaṃ adāsi. Tasmiṃ samāgame ehibhikkhubhāvena pabbajitānaṃ navutiyā arahantakoṭīnaṃ sannipāte pātimokkhaṃ uddisi. Ayaṃ dutiyo sannipāto ahosi. Yadā pana bhagavā dasasatanayanapure vassaṃ vasitvā pavāraṇāya suravaraparivuto otari, tadā asītiyā arahantakoṭīhi saddhiṃ caturaṅgike sannipāte pavāresi. Ayaṃ tatiyo sannipāto ahosi. Tena vuttaṃ –
8.
8.
‘‘саннибаад̇аа д̇аяо аасум̣, собхид̇асса махзсино;
‘‘Sannipātā tayo āsuṃ, sobhitassa mahesino;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
9.
9.
‘‘уг̇г̇ад̇о наама со рааж̇аа, д̣̇аанам̣ д̣̇зд̇и наруд̇д̇амз;
‘‘Uggato nāma so rājā, dānaṃ deti naruttame;
д̇амхи д̣̇аанз самааг̇ан̃чум̣, араханд̇аа сад̇агодияо.
Tamhi dāne samāgañchuṃ, arahantā satakoṭiyo.
10.
10.
‘‘бунаабарам̣ бураг̇ан̣о, д̣̇зд̇и д̣̇аанам̣ наруд̇д̇амз;
‘‘Punāparaṃ puragaṇo, deti dānaṃ naruttame;
д̇ад̣̇аа навуд̇игодийнам̣, д̣̇уд̇ияо ааси самааг̇амо.
Tadā navutikoṭīnaṃ, dutiyo āsi samāgamo.
11.
11.
‘‘д̣̇звалогз васид̇ваана, яад̣̇аа орохад̇ий ж̇ино;
‘‘Devaloke vasitvāna, yadā orohatī jino;
д̇ад̣̇аа асийд̇игодийнам̣, д̇ад̇ияо ааси самааг̇амо’’д̇и.
Tadā asītikoṭīnaṃ, tatiyo āsi samāgamo’’ti.
д̇ад̣̇аа гира амхаагам̣ б̣од̇хисад̇д̇о раммавад̇ийнаг̇арз убхад̇о суж̇аад̇о ‘суж̇аад̇о’ наама б̣раахман̣о худ̇ваа собхид̇асса бхаг̇авад̇о д̇хаммад̣̇зсанам̣ суд̇ваа саран̣зсу бад̇идтааяа б̣уд̣̇д̇хаббамукасса бхигкусан̇гхасса д̇змаасам̣ махаад̣̇аанамад̣̇ааси. соби нам̣ ‘‘анааг̇ад̇з г̇од̇амо наама б̣уд̣̇д̇хо бхависсад̇ий’’д̇и б̣яаагааси. д̇зна вуд̇д̇ам̣ –
Tadā kira amhākaṃ bodhisatto rammavatīnagare ubhato sujāto ‘sujāto’ nāma brāhmaṇo hutvā sobhitassa bhagavato dhammadesanaṃ sutvā saraṇesu patiṭṭhāya buddhappamukhassa bhikkhusaṅghassa temāsaṃ mahādānamadāsi. Sopi naṃ ‘‘anāgate gotamo nāma buddho bhavissatī’’ti byākāsi. Tena vuttaṃ –
12.
12.
‘‘ахам̣ д̇зна самаязна, суж̇аад̇о наама б̣раахман̣о;
‘‘Ahaṃ tena samayena, sujāto nāma brāhmaṇo;
д̇ад̣̇аа сасаавагам̣ б̣уд̣̇д̇хам̣, аннабаанзна д̇аббаяим̣.
Tadā sasāvakaṃ buddhaṃ, annapānena tappayiṃ.
13.
13.
‘‘соби мам̣ б̣уд̣̇д̇хо б̣яаагааси, собхид̇о логанааяаго;
‘‘Sopi maṃ buddho byākāsi, sobhito lokanāyako;
абаримзяяид̇о габбз, аяам̣ б̣уд̣̇д̇хо бхависсад̇и.
Aparimeyyito kappe, ayaṃ buddho bhavissati.
14.
14.
‘‘бад̇хаанам̣ бад̣̇ахид̇ваана…бз… хзссаама саммукаа имам̣.
‘‘Padhānaṃ padahitvāna…pe… hessāma sammukhā imaṃ.
15.
15.
‘‘д̇ассааби важанам̣ суд̇ваа, хадто сам̣виг̇г̇амаанасо;
‘‘Tassāpi vacanaṃ sutvā, haṭṭho saṃviggamānaso;
д̇амзвад̇т̇амануббад̇д̇ияаа, уг̇г̇ам̣ д̇хид̇имагаасаха’’нд̇и.
Tamevatthamanuppattiyā, uggaṃ dhitimakāsaha’’nti.
д̇ад̇т̇а д̇амзвад̇т̇амануббад̇д̇ияаад̇и д̇асса б̣уд̣̇д̇хад̇д̇асса ануббад̇д̇иад̇т̇ам̣, д̇асса бана собхид̇аб̣уд̣̇д̇хасса – ‘‘анааг̇ад̇з аяам̣ г̇од̇амо наама б̣уд̣̇д̇хо бхависсад̇ий’’д̇и важанам̣ суд̇ваа ‘‘авид̇ат̇аважанаа хи б̣уд̣̇д̇хаа’’д̇и б̣уд̣̇д̇хад̇д̇аббад̇д̇иад̇т̇анд̇и ад̇т̇о. уг̇г̇анд̇и д̇иб̣б̣ам̣ гхорам̣. д̇хид̇инд̇и вийрияам̣. агаасаханд̇и агаасим̣ ахам̣.
Tattha tamevatthamanuppattiyāti tassa buddhattassa anuppattiatthaṃ, tassa pana sobhitabuddhassa – ‘‘anāgate ayaṃ gotamo nāma buddho bhavissatī’’ti vacanaṃ sutvā ‘‘avitathavacanā hi buddhā’’ti buddhattappattiatthanti attho. Ugganti tibbaṃ ghoraṃ. Dhitinti vīriyaṃ. Akāsahanti akāsiṃ ahaṃ.
д̇асса бана собхид̇асса бхаг̇авад̇о суд̇хаммам̣ наама наг̇арам̣ ахоси, бид̇аа суд̇хаммо наама рааж̇аа, маад̇аа суд̇хаммаа наама д̣̇звий, асамо жа сунзд̇д̇о жа д̣̇вз аг̇г̇асаавагаа, аномо наамубадтааго, нагулаа жа суж̇аад̇аа жа д̣̇вз аг̇г̇асаавигаа, нааг̇аругко б̣од̇хи, адтабан̣н̣аасахад̇т̇уб̣б̣зд̇хам̣ сарийрам̣ ахоси, навуд̇ивассасахассаани ааяуббамаан̣ам̣, макилаа наамасса махаад̣̇звий, сийхагумааро наама ад̇раж̇о, наадагид̇т̇ийнам̣ сад̇д̇ад̇д̇им̣сасахассаани нававассасахассаани аг̇аарам̣ аж̇жхааваси. баасаад̣̇зна абхинигками. ж̇аяасзно наама рааж̇аа убадтааго. сзд̇аараамз гира васийд̇и. д̇зна вуд̇д̇ам̣ –
Tassa pana sobhitassa bhagavato sudhammaṃ nāma nagaraṃ ahosi, pitā sudhammo nāma rājā, mātā sudhammā nāma devī, asamo ca sunetto ca dve aggasāvakā, anomo nāmupaṭṭhāko, nakulā ca sujātā ca dve aggasāvikā, nāgarukkho bodhi, aṭṭhapaṇṇāsahatthubbedhaṃ sarīraṃ ahosi, navutivassasahassāni āyuppamāṇaṃ, makhilā nāmassa mahādevī, sīhakumāro nāma atrajo, nāṭakitthīnaṃ sattattiṃsasahassāni navavassasahassāni agāraṃ ajjhāvasi. Pāsādena abhinikkhami. Jayaseno nāma rājā upaṭṭhāko. Setārāme kira vasīti. Tena vuttaṃ –
16.
16.
‘‘суд̇хаммам̣ наама наг̇арам̣, суд̇хаммо наама кад̇д̇ияо;
‘‘Sudhammaṃ nāma nagaraṃ, sudhammo nāma khattiyo;
суд̇хаммаа наама ж̇анигаа, собхид̇асса махзсино.
Sudhammā nāma janikā, sobhitassa mahesino.
21.
21.
‘‘асамо жа сунзд̇д̇о жа, ахзсум̣ аг̇г̇асаавагаа;
‘‘Asamo ca sunetto ca, ahesuṃ aggasāvakā;
аномо наамубадтааго, собхид̇асса махзсино.
Anomo nāmupaṭṭhāko, sobhitassa mahesino.
22.
22.
‘‘нагулаа жа суж̇аад̇аа жа, ахзсум̣ аг̇г̇асаавигаа;
‘‘Nakulā ca sujātā ca, ahesuṃ aggasāvikā;
б̣уж̇жхамаано жа со б̣уд̣̇д̇хо, нааг̇амуулз аб̣уж̇жхат̇а.
Bujjhamāno ca so buddho, nāgamūle abujjhatha.
24.
24.
‘‘адтабан̣н̣аасарад̇анам̣ , ажжуг̇г̇ад̇о махаамуни;
‘‘Aṭṭhapaṇṇāsaratanaṃ , accuggato mahāmuni;
обхаасзд̇и д̣̇исаа саб̣б̣аа, сад̇арам̣сийва уг̇г̇ад̇о.
Obhāseti disā sabbā, sataraṃsīva uggato.
25.
25.
‘‘д̇ат̇аа супуллам̣ баванам̣, наанааг̇анд̇хзхи д̇хуубид̇ам̣;
‘‘Tathā suphullaṃ pavanaṃ, nānāgandhehi dhūpitaṃ;
д̇ат̇зва д̇асса бааважанам̣, сийлаг̇анд̇хзхи д̇хуубид̇ам̣.
Tatheva tassa pāvacanaṃ, sīlagandhehi dhūpitaṃ.
26.
26.
‘‘яат̇ааби сааг̇аро наама, д̣̇ассанзна ад̇аббияо;
‘‘Yathāpi sāgaro nāma, dassanena atappiyo;
д̇ат̇зва д̇асса бааважанам̣, саванзна ад̇аббияам̣.
Tatheva tassa pāvacanaṃ, savanena atappiyaṃ.
27.
27.
‘‘навуд̇ивассасахассаани , ааяу виж̇ж̇ад̇и д̇аавад̣̇з;
‘‘Navutivassasahassāni , āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
28.
28.
‘‘оваад̣̇ам̣ анусидтин̃жа, д̣̇ад̇ваана сзсагз ж̇анз;
‘‘Ovādaṃ anusiṭṭhiñca, datvāna sesake jane;
худ̇аасанова д̇аабзд̇ваа, ниб̣б̣уд̇о со сасааваго.
Hutāsanova tāpetvā, nibbuto so sasāvako.
29.
29.
‘‘со жа б̣уд̣̇д̇хо асамасамо, д̇зби саавагаа б̣алаббад̇д̇аа;
‘‘So ca buddho asamasamo, tepi sāvakā balappattā;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа’’д̇и.
Sabbaṃ tamantarahitaṃ, nanu rittā sabbasaṅkhārā’’ti.
д̇ад̇т̇а сад̇арам̣сийваад̇иаад̣̇ижжо вияа, саб̣б̣аа д̣̇исаа обхаасзд̇ийд̇и ад̇т̇о. бавананд̇и махааванам̣. д̇хуубид̇анд̇и ваасид̇ам̣ г̇анд̇хид̇ам̣. ад̇аббияод̇и ад̇ид̇д̇игаро, ад̇ид̇д̇иж̇анано ваа. д̇аавад̣̇зд̇и д̇асмим̣ гаалз, д̇аавад̇агам̣ гааланд̇и ад̇т̇о. д̇аарзсийд̇и д̇аараяий. оваад̣̇анд̇и сагим̣ ваад̣̇о оваад̣̇о наама. анусидтинд̇и бунаббунам̣ важанам̣ анусидти наама. сзсагз ж̇анзд̇и сажжаббадивзд̇хам̣ аббад̇д̇асса сзсаж̇анасса, саамиад̇т̇з бхуммаважанам̣. худ̇аасанова д̇аабзд̇ваад̇и аг̇г̇и вияа д̇аббзд̇ваа. аяамзва ваа баато, убаад̣̇аанагкаяаа бхаг̇аваа бариниб̣б̣уд̇од̇и ад̇т̇о. сзсаг̇аат̇аасу саб̣б̣ад̇т̇а уд̇д̇аанамзваад̇и.
Tattha sataraṃsīvātiādicco viya, sabbā disā obhāsetīti attho. Pavananti mahāvanaṃ. Dhūpitanti vāsitaṃ gandhitaṃ. Atappiyoti atittikaro, atittijanano vā. Tāvadeti tasmiṃ kāle, tāvatakaṃ kālanti attho. Tāresīti tārayī. Ovādanti sakiṃ vādo ovādo nāma. Anusiṭṭhinti punappunaṃ vacanaṃ anusiṭṭhi nāma. Sesake janeti saccappaṭivedhaṃ appattassa sesajanassa, sāmiatthe bhummavacanaṃ. Hutāsanova tāpetvāti aggi viya tappetvā. Ayameva vā pāṭho, upādānakkhayā bhagavā parinibbutoti attho. Sesagāthāsu sabbattha uttānamevāti.
собхид̇аб̣уд̣̇д̇хавам̣саван̣н̣анаа нидтид̇аа.
Sobhitabuddhavaṃsavaṇṇanā niṭṭhitā.
нидтид̇о чадто б̣уд̣̇д̇хавам̣со.
Niṭṭhito chaṭṭho buddhavaṃso.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 8. собхид̇аб̣уд̣̇д̇хавам̣со • 8. Sobhitabuddhavaṃso
