| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
14. ஸோபி⁴தவக்³கோ³
14. Sobhitavaggo
1. ஸோபி⁴தத்தே²ரஅபதா³னவண்ணனா
1. Sobhitattheraapadānavaṇṇanā
பது³முத்தரோ நாம ஜினோதிஆதி³கங் ஆயஸ்மதோ ஸோபி⁴தத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ பது³முத்தரஸ்ஸ ப⁴க³வதோ காலே ஏகஸ்மிங் குலகே³ஹே நிப்³ப³த்தோ விஞ்ஞுதங் பத்தோ க⁴ராவாஸங் ஸண்ட²பெத்வா ஏகதி³வஸங் ஸத்தா²ரா த⁴ம்மே தே³ஸியமானே ஸோமனஸ்ஸேன பஸன்னமானஸோ நானப்பகாரேஹி தோ²மேஸி. ஸோ தேனேவ ஸோமனஸ்ஸேன காலங் கத்வா தே³வேஸு நிப்³ப³த்தோ தத்த² தி³ப்³ப³ஸுக²ங் அனுப⁴வித்வா மனுஸ்ஸேஸு ச மனுஸ்ஸஸுக²ங் அனுப⁴வித்வா இமஸ்மிங் பு³த்³து⁴ப்பாதே³ ஸாவத்தி²யங் குலகே³ஹே நிப்³ப³த்தோ ஸத்தவஸ்ஸிகோவ பப்³ப³ஜித்வா நசிரஸ்ஸேவ ச²ளபி⁴ஞ்ஞோ அரஹா அஹோஸி.
Padumuttaronāma jinotiādikaṃ āyasmato sobhitattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle ekasmiṃ kulagehe nibbatto viññutaṃ patto gharāvāsaṃ saṇṭhapetvā ekadivasaṃ satthārā dhamme desiyamāne somanassena pasannamānaso nānappakārehi thomesi. So teneva somanassena kālaṃ katvā devesu nibbatto tattha dibbasukhaṃ anubhavitvā manussesu ca manussasukhaṃ anubhavitvā imasmiṃ buddhuppāde sāvatthiyaṃ kulagehe nibbatto sattavassikova pabbajitvā nacirasseva chaḷabhiñño arahā ahosi.
1. ஸோ அபரபா⁴கே³ அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ பது³முத்தரோ நாம ஜினோதிஆதி³மாஹ. தங் ஸப்³ப³ங் ஹெட்டா² வுத்தனயத்தா ஸுவிஞ்ஞெய்யமேவாதி.
1. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādimāha. Taṃ sabbaṃ heṭṭhā vuttanayattā suviññeyyamevāti.
ஸோபி⁴தத்தே²ரஅபதா³னவண்ணனா ஸமத்தா.
Sobhitattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 1. ஸோபி⁴தத்தே²ரஅபதா³னங் • 1. Sobhitattheraapadānaṃ
