| Library / Tipiṭaka / තිපිටක • Tipiṭaka / අපදාන-අට්‌ඨකථා • Apadāna-aṭṭhakathā |
14. සොභිතවග්‌ගො
14. Sobhitavaggo
1. සොභිතත්‌ථෙරඅපදානවණ්‌ණනා
1. Sobhitattheraapadānavaṇṇanā
පදුමුත්‌තරො නාම ජිනොතිආදිකං ආයස්‌මතො සොභිතත්‌ථෙරස්‌ස අපදානං. අයම්‌පි පුරිමබුද්‌ධෙසු කතාධිකාරො තත්‌ථ තත්‌ථ භවෙ විවට්‌ටූපනිස්‌සයානි පුඤ්‌ඤානි උපචිනන්‌තො පදුමුත්‌තරස්‌ස භගවතො කාලෙ එකස්‌මිං කුලගෙහෙ නිබ්‌බත්‌තො විඤ්‌ඤුතං පත්‌තො ඝරාවාසං සණ්‌ඨපෙත්‌වා එකදිවසං සත්‌ථාරා ධම්‌මෙ දෙසියමානෙ සොමනස්‌සෙන පසන්‌නමානසො නානප්‌පකාරෙහි ථොමෙසි. සො තෙනෙව සොමනස්‌සෙන කාලං කත්‌වා දෙවෙසු නිබ්‌බත්‌තො තත්‌ථ දිබ්‌බසුඛං අනුභවිත්‌වා මනුස්‌සෙසු ච මනුස්‌සසුඛං අනුභවිත්‌වා ඉමස්‌මිං බුද්‌ධුප්‌පාදෙ සාවත්‌ථියං කුලගෙහෙ නිබ්‌බත්‌තො සත්‌තවස්‌සිකොව පබ්‌බජිත්‌වා නචිරස්‌සෙව ඡළභිඤ්‌ඤො අරහා අහොසි.
Padumuttaronāma jinotiādikaṃ āyasmato sobhitattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle ekasmiṃ kulagehe nibbatto viññutaṃ patto gharāvāsaṃ saṇṭhapetvā ekadivasaṃ satthārā dhamme desiyamāne somanassena pasannamānaso nānappakārehi thomesi. So teneva somanassena kālaṃ katvā devesu nibbatto tattha dibbasukhaṃ anubhavitvā manussesu ca manussasukhaṃ anubhavitvā imasmiṃ buddhuppāde sāvatthiyaṃ kulagehe nibbatto sattavassikova pabbajitvā nacirasseva chaḷabhiñño arahā ahosi.
1. සො අපරභාගෙ අත්‌තනො පුබ්‌බකම්‌මං සරිත්‌වා සොමනස්‌සජාතො පුබ්‌බචරිතාපදානං පකාසෙන්‌තො පදුමුත්‌තරො නාම ජිනොතිආදිමාහ. තං සබ්‌බං හෙට්‌ඨා වුත්‌තනයත්‌තා සුවිඤ්‌ඤෙය්‍යමෙවාති.
1. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādimāha. Taṃ sabbaṃ heṭṭhā vuttanayattā suviññeyyamevāti.
සොභිතත්‌ථෙරඅපදානවණ්‌ණනා සමත්‌තා.
Sobhitattheraapadānavaṇṇanā samattā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / අපදානපාළි • Apadānapāḷi / 1. සොභිතත්‌ථෙරඅපදානං • 1. Sobhitattheraapadānaṃ
