| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. собхид̇ад̇т̇зраг̇аат̇ааван̣н̣анаа
3. Sobhitattheragāthāvaṇṇanā
сад̇имаа бан̃н̃аваад̇и ааяасмад̇о собхид̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа ваяаббад̇д̇о сад̇т̇у д̇хаммад̣̇зсанам̣ сун̣анд̇о сад̇т̇аарам̣ згам̣ бхигкум̣ буб̣б̣зниваасан̃аан̣алаабхийнам̣ бхигкуунам̣ аг̇г̇адтаанз табзнд̇ам̣ д̣̇исваа саяамби д̇ам̣ таананд̇арам̣ уд̣̇д̣̇исса бад̇т̇анам̣ гад̇ваа бун̃н̃аани гад̇ваа суг̇ад̇ийсуязва сам̣саранд̇о сумзд̇хасса бхаг̇авад̇о гаалз б̣раахман̣агулз ниб̣б̣ад̇д̇ид̇ваа вин̃н̃уд̇ам̣ бад̇д̇о б̣раахман̣аанам̣ виж̇ж̇аасиббзсу нибпад̇д̇им̣ г̇анд̇ваа нзгкаммаад̇химуд̇д̇о гхарааваасам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа химаванд̇асса самийбз аран̃н̃ааяад̇анз ассамам̣ гаарзд̇ваа ванамуулапалаапалзна яаабзнд̇о б̣уд̣̇д̇хуббаад̣̇ам̣ суд̇ваа саб̣б̣ад̇т̇а згарад̇д̇иваасзнзва бхад̣̇д̣̇авад̇ийнаг̇арз сад̇т̇аарам̣ убасан̇гамид̇ваа басаннамаанасо ‘‘д̇увам̣ сад̇т̇аа жа гзд̇у жаа’’д̇иаад̣̇ийхи чахи г̇аат̇аахи абхид̇т̇ави , сад̇т̇аа жасса бхаавиним̣ самбад̇д̇им̣ багаасзси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇и. собхид̇од̇исса наамам̣ агам̣су. со абарзна самаязна сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанам̣ вад̣дхзд̇ваа чал̣абхин̃н̃о ахоси. буб̣б̣зниваасан̃аан̣з жин̣н̣авасий жа ахоси. д̇зна вуд̇д̇ам̣ абад̣̇аанз (аба. т̇зра 2.49.46-74) –
Satimā paññavāti āyasmato sobhitattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto padumuttarassa bhagavato kāle haṃsavatīnagare kulagehe nibbattitvā vayappatto satthu dhammadesanaṃ suṇanto satthāraṃ ekaṃ bhikkhuṃ pubbenivāsañāṇalābhīnaṃ bhikkhūnaṃ aggaṭṭhāne ṭhapentaṃ disvā sayampi taṃ ṭhānantaraṃ uddissa patthanaṃ katvā puññāni katvā sugatīsuyeva saṃsaranto sumedhassa bhagavato kāle brāhmaṇakule nibbattitvā viññutaṃ patto brāhmaṇānaṃ vijjāsippesu nipphattiṃ gantvā nekkhammādhimutto gharāvāsaṃ pahāya tāpasapabbajjaṃ pabbajitvā himavantassa samīpe araññāyatane assamaṃ kāretvā vanamūlaphalāphalena yāpento buddhuppādaṃ sutvā sabbattha ekarattivāseneva bhaddavatīnagare satthāraṃ upasaṅkamitvā pasannamānaso ‘‘tuvaṃ satthā ca ketu cā’’tiādīhi chahi gāthāhi abhitthavi , satthā cassa bhāviniṃ sampattiṃ pakāsesi. So tena puññakammena devamanussesu saṃsaranto imasmiṃ buddhuppāde sāvatthiyaṃ brāhmaṇakule nibbatti. Sobhitotissa nāmaṃ akaṃsu. So aparena samayena satthu dhammadesanaṃ sutvā paṭiladdhasaddho pabbajitvā vipassanaṃ vaḍḍhetvā chaḷabhiñño ahosi. Pubbenivāsañāṇe ciṇṇavasī ca ahosi. Tena vuttaṃ apadāne (apa. thera 2.49.46-74) –
‘‘д̣̇агкин̣з химаванд̇асса, сугад̇о ассамо мама;
‘‘Dakkhiṇe himavantassa, sukato assamo mama;
уд̇д̇амад̇т̇ам̣ г̇авзсанд̇о, васаами вибинз д̇ад̣̇аа.
Uttamatthaṃ gavesanto, vasāmi vipine tadā.
‘‘лаабхаалаабхзна санд̇удто, муулзна жа палзна жа;
‘‘Lābhālābhena santuṭṭho, mūlena ca phalena ca;
анвзсанд̇о аажарияам̣, васаами згаго ахам̣.
Anvesanto ācariyaṃ, vasāmi ekako ahaṃ.
‘‘сумзд̇хо наама самб̣уд̣̇д̇хо, логз уббаж̇ж̇и д̇аавад̣̇з;
‘‘Sumedho nāma sambuddho, loke uppajji tāvade;
жад̇усажжам̣ багаасзд̇и, уд̣̇д̇харанд̇о махааж̇анам̣.
Catusaccaṃ pakāseti, uddharanto mahājanaṃ.
‘‘наахам̣ сун̣оми самб̣уд̣̇д̇хам̣, наби мз гожи сам̣сад̇и;
‘‘Nāhaṃ suṇomi sambuddhaṃ, napi me koci saṃsati;
адтавассз ад̇игганд̇з, ассосим̣ логанааяагам̣.
Aṭṭhavasse atikkante, assosiṃ lokanāyakaṃ.
‘‘аг̇г̇ид̣̇аарум̣ нийхарид̇ваа, саммаж̇ж̇ид̇ваана ассамам̣;
‘‘Aggidāruṃ nīharitvā, sammajjitvāna assamaṃ;
каарибхаарам̣ г̇ахзд̇ваана, нигкамим̣ вибинаа ахам̣.
Khāribhāraṃ gahetvāna, nikkhamiṃ vipinā ahaṃ.
‘‘згарад̇д̇им̣ васанд̇охам̣, г̇аамзсу ниг̇амзсу жа;
‘‘Ekarattiṃ vasantohaṃ, gāmesu nigamesu ca;
анубуб̣б̣зна жанд̣̇авад̇им̣, д̇ад̣̇аахам̣ убасан̇гамим̣.
Anupubbena candavatiṃ, tadāhaṃ upasaṅkamiṃ.
‘‘бхаг̇аваа д̇амхи самаяз, сумзд̇хо логанааяаго;
‘‘Bhagavā tamhi samaye, sumedho lokanāyako;
уд̣̇д̇харанд̇о б̣ахуу сад̇д̇з, д̣̇зсзд̇и амад̇ам̣ бад̣̇ам̣.
Uddharanto bahū satte, deseti amataṃ padaṃ.
‘‘ж̇анагааяамад̇иггамма, ванд̣̇ид̇ваа ж̇инасааг̇арам̣;
‘‘Janakāyamatikkamma, vanditvā jinasāgaraṃ;
згам̣сам̣ аж̇инам̣ гад̇ваа, сант̇авим̣ логанааяагам̣.
Ekaṃsaṃ ajinaṃ katvā, santhaviṃ lokanāyakaṃ.
‘‘д̇увам̣ сад̇т̇аа жа гзд̇у жа, д̇хаж̇о яуубо жа баан̣инам̣;
‘‘Tuvaṃ satthā ca ketu ca, dhajo yūpo ca pāṇinaṃ;
барааяано бад̇идтаа жа, д̣̇ийбо жа д̣̇вибад̣̇уд̇д̇амо.
Parāyano patiṭṭhā ca, dīpo ca dvipaduttamo.
‘‘нзбун̃н̃о д̣̇ассанз вийро, д̇аарзси ж̇анад̇ам̣ д̇увам̣;
‘‘Nepuñño dassane vīro, tāresi janataṃ tuvaṃ;
над̇т̇ан̃н̃о д̇аараго логз, д̇авуд̇д̇арид̇аро мунз.
Natthañño tārako loke, tavuttaritaro mune.
‘‘саггаа т̇звз гусаг̇г̇зна, бамзд̇ум̣ сааг̇аруд̇д̇амз;
‘‘Sakkā theve kusaggena, pametuṃ sāgaruttame;
на д̇взва д̇ава саб̣б̣ан̃н̃у, н̃аан̣ам̣ саггаа бамзд̇авз.
Na tveva tava sabbaññu, ñāṇaṃ sakkā pametave.
‘‘д̇улад̣̇ан̣д̣з табзд̇ваана, махим̣ саггаа д̇харзд̇авз;
‘‘Tuladaṇḍe ṭhapetvāna, mahiṃ sakkā dharetave;
над̇взва д̇ава бан̃н̃ааяа, бамаан̣амад̇т̇и жагкума.
Natveva tava paññāya, pamāṇamatthi cakkhuma.
‘‘аагаасо минид̇ум̣ саггаа, раж̇ж̇уяаа ан̇г̇улзна ваа;
‘‘Ākāso minituṃ sakkā, rajjuyā aṅgulena vā;
над̇взва д̇ава саб̣б̣ан̃н̃у, сийлам̣ саггаа бамзд̇авз.
Natveva tava sabbaññu, sīlaṃ sakkā pametave.
‘‘махаасамуд̣̇д̣̇з уд̣̇агам̣, аагаасо жа васунд̇хараа;
‘‘Mahāsamudde udakaṃ, ākāso ca vasundharā;
баримзяяаани зд̇аани, аббамзяяоси жагкума.
Parimeyyāni etāni, appameyyosi cakkhuma.
‘‘чахи г̇аат̇аахи саб̣б̣ан̃н̃ум̣, гид̇д̇аяид̇ваа махааяасам̣;
‘‘Chahi gāthāhi sabbaññuṃ, kittayitvā mahāyasaṃ;
ан̃ж̇алим̣ баг̇г̇ахзд̇ваана, д̇ун̣хий адтаасахам̣ д̇ад̣̇аа.
Añjaliṃ paggahetvāna, tuṇhī aṭṭhāsahaṃ tadā.
‘‘яам̣ вад̣̇анд̇и сумзд̇ход̇и, бхуурибан̃н̃ам̣ сумзд̇хасам̣;
‘‘Yaṃ vadanti sumedhoti, bhūripaññaṃ sumedhasaṃ;
бхигкусан̇гхз нисийд̣̇ид̇ваа, имаа г̇аат̇аа абхаасат̇а.
Bhikkhusaṅghe nisīditvā, imā gāthā abhāsatha.
‘‘яо мз н̃аан̣ам̣ багид̇д̇зси, виббасаннзна жзд̇асаа;
‘‘Yo me ñāṇaṃ pakittesi, vippasannena cetasā;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
‘‘сад̇д̇асад̇д̇ад̇и габбаани, д̣̇звалогз рамиссад̇и;
‘‘Sattasattati kappāni, devaloke ramissati;
сахассагкад̇д̇ум̣ д̣̇звинд̣̇о, д̣̇звараж̇ж̇ам̣ гариссад̇и.
Sahassakkhattuṃ devindo, devarajjaṃ karissati.
‘‘анзгасад̇агкад̇д̇ун̃жа, жаггавад̇д̇ий бхависсад̇и;
‘‘Anekasatakkhattuñca, cakkavattī bhavissati;
бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣.
Padesarajjaṃ vipulaṃ, gaṇanāto asaṅkhiyaṃ.
‘‘д̣̇звабхууд̇о мануссо ваа, бун̃н̃агаммасамаахид̇о;
‘‘Devabhūto manusso vā, puññakammasamāhito;
ануунаманасан̇габбо, д̇игкабан̃н̃о бхависсад̇и.
Anūnamanasaṅkappo, tikkhapañño bhavissati.
‘‘д̇им̣сагаббасахассамхи, оггаагагуласамбхаво;
‘‘Tiṃsakappasahassamhi, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘аг̇аараа абхинигкамма, баб̣б̣аж̇иссад̇игин̃жано;
‘‘Agārā abhinikkhamma, pabbajissatikiñcano;
ж̇аад̇ияаа сад̇д̇авассзна, арахад̇д̇ам̣ пусиссад̇и.
Jātiyā sattavassena, arahattaṃ phusissati.
‘‘яад̇о сараами ад̇д̇аанам̣, яад̇о бад̇д̇осми саасанам̣;
‘‘Yato sarāmi attānaṃ, yato pattosmi sāsanaṃ;
зд̇т̇анд̇арз на ж̇аанаами, жзд̇анам̣ аманорамам̣.
Etthantare na jānāmi, cetanaṃ amanoramaṃ.
‘‘сам̣сарид̇ваа бхавз саб̣б̣з, самбад̇д̇аанубхавим̣ ахам̣;
‘‘Saṃsaritvā bhave sabbe, sampattānubhaviṃ ahaṃ;
бхог̇з мз уунад̇аа над̇т̇и, палам̣ н̃аан̣асса т̇оманз.
Bhoge me ūnatā natthi, phalaṃ ñāṇassa thomane.
‘‘д̇ияаг̇г̇ий ниб̣б̣уд̇аа маяхам̣, бхаваа саб̣б̣з самуухад̇аа;
‘‘Tiyaggī nibbutā mayhaṃ, bhavā sabbe samūhatā;
саб̣б̣аасаваа баригкийн̣аа, над̇т̇и д̣̇аани бунаб̣бхаво.
Sabbāsavā parikkhīṇā, natthi dāni punabbhavo.
‘‘д̇им̣сагаббасахассамхи, яам̣ н̃аан̣амат̇авим̣ ахам̣;
‘‘Tiṃsakappasahassamhi, yaṃ ñāṇamathaviṃ ahaṃ;
д̣̇уг̇г̇ад̇им̣ наабхиж̇аанаами, палам̣ н̃аан̣асса т̇оманз.
Duggatiṃ nābhijānāmi, phalaṃ ñāṇassa thomane.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
со арахад̇д̇ам̣ бана бад̇ваа ад̇д̇ано буб̣б̣зниваасам̣ анубадибаадияаа ануссаранд̇о яаава асан̃н̃абхавз ажид̇д̇агабадисанд̇хи, д̇аава ад̣̇д̣̇аса. д̇ад̇о бан̃жа габбасад̇аани жид̇д̇аббавад̇д̇им̣ ад̣̇исваа авасаанзва д̣̇исваа ‘‘гимзд̇а’’нд̇и ааваж̇ж̇знд̇о наяавасзна ‘‘асан̃н̃абхаво бхависсад̇ий’’д̇и нидтам̣ аг̇амааси. д̇знааха бхаг̇аваа – ‘‘ад̇т̇и, бхигкавз, асан̃н̃асад̇д̇аа наама д̣̇ийгхааяугаа д̣̇зваа, д̇ад̇о жуд̇о собхид̇о ид̇хуубабанно, со зд̇ам̣ бхавам̣ ж̇аанаад̇и, собхид̇о ануссарад̇ий’’д̇и (баараа. 232 ад̇т̇ад̇о самаанам̣). звам̣ наяавасзна ануссаранд̇асса ануссаран̣агосаллам̣ д̣̇исваа сад̇т̇аа т̇зрам̣ буб̣б̣зниваасам̣ ануссаранд̇аанам̣ аг̇г̇адтаанз табзси. д̇ад̇о зва жааяам̣ ааяасмаа сависзсам̣ ад̇д̇ано буб̣б̣зниваасаануссад̇ин̃аан̣ам̣ д̇асса жа бажжаяабхууд̇ам̣ бадибад̇д̇им̣ бажжавзгкид̇ваа соманассаж̇аад̇о д̇ад̣̇ад̇т̇ад̣̇ийбанам̣ уд̣̇аанам̣ уд̣̇аанзнд̇о –
So arahattaṃ pana patvā attano pubbenivāsaṃ anupaṭipāṭiyā anussaranto yāva asaññabhave acittakapaṭisandhi, tāva addasa. Tato pañca kappasatāni cittappavattiṃ adisvā avasāneva disvā ‘‘kimeta’’nti āvajjento nayavasena ‘‘asaññabhavo bhavissatī’’ti niṭṭhaṃ agamāsi. Tenāha bhagavā – ‘‘atthi, bhikkhave, asaññasattā nāma dīghāyukā devā, tato cuto sobhito idhūpapanno, so etaṃ bhavaṃ jānāti, sobhito anussaratī’’ti (pārā. 232 atthato samānaṃ). Evaṃ nayavasena anussarantassa anussaraṇakosallaṃ disvā satthā theraṃ pubbenivāsaṃ anussarantānaṃ aggaṭṭhāne ṭhapesi. Tato eva cāyaṃ āyasmā savisesaṃ attano pubbenivāsānussatiñāṇaṃ tassa ca paccayabhūtaṃ paṭipattiṃ paccavekkhitvā somanassajāto tadatthadīpanaṃ udānaṃ udānento –
165.
165.
‘‘сад̇имаа бан̃н̃аваа бхигку, аарад̣̇д̇хаб̣алавийрияо;
‘‘Satimā paññavā bhikkhu, āraddhabalavīriyo;
бан̃жа габбасад̇аанаахам̣, згарад̇д̇им̣ ануссарим̣.
Pañca kappasatānāhaṃ, ekarattiṃ anussariṃ.
166.
166.
‘‘жад̇д̇ааро сад̇ибадтаанз, сад̇д̇а адта жа бхааваяам̣;
‘‘Cattāro satipaṭṭhāne, satta aṭṭha ca bhāvayaṃ;
бан̃жа габбасад̇аанаахам̣, згарад̇д̇им̣ ануссари’’нд̇и. – г̇аат̇аад̣̇ваяам̣ абхааси;
Pañca kappasatānāhaṃ, ekarattiṃ anussari’’nti. – gāthādvayaṃ abhāsi;
д̇ад̇т̇а сад̇имаад̇и саяам̣ самуд̣̇ааг̇аманасамбаннааяа сад̇ибадтаанабхааванаабаарибуурияаа сад̇ивзбуллаббад̇д̇ияаа жа сад̇имаа. бан̃н̃аваад̇и чал̣абхин̃н̃аабаарибуурияаа бан̃н̃аавзбуллаббад̇д̇ияаа жа бан̃н̃аваа. бхиннагилзсад̇ааяа бхигку. сад̣̇д̇хаад̣̇иб̣алаанан̃жзва жад̇уб̣б̣ид̇хасаммаббад̇хаанавийрияасса жа сам̣сид̣̇д̇хибаарибуурияаа аарад̣̇д̇хаб̣алавийрияо. сад̣̇д̇хаад̣̇ийнан̃хзд̇т̇а б̣алаг̇г̇ахан̣зна г̇ахан̣ам̣ сад̇иби сад̇иаад̣̇ийнам̣ б̣алабхаавз, яат̇аа ‘‘г̇об̣алиб̣ад̣̇д̇хаа бун̃н̃ан̃аан̣асамбхаараа’’д̇и. бан̃жа габбасад̇аанаахам̣, згарад̇д̇им̣ ануссаринд̇и згарад̇д̇им̣ вияа ануссарим̣. вияа-сад̣̇д̣̇о хи ид̇ха луд̇д̇анид̣̇д̣̇идто, зд̇зна буб̣б̣зниваасаануссад̇ин̃аан̣з ад̇д̇ано н̃аан̣авасийбхаавам̣ д̣̇ийбзд̇и.
Tattha satimāti sayaṃ samudāgamanasampannāya satipaṭṭhānabhāvanāpāripūriyā sativepullappattiyā ca satimā. Paññavāti chaḷabhiññāpāripūriyā paññāvepullappattiyā ca paññavā. Bhinnakilesatāya bhikkhu. Saddhādibalānañceva catubbidhasammappadhānavīriyassa ca saṃsiddhipāripūriyā āraddhabalavīriyo. Saddhādīnañhettha balaggahaṇena gahaṇaṃ satipi satiādīnaṃ balabhāve, yathā ‘‘gobalibaddhā puññañāṇasambhārā’’ti. Pañca kappasatānāhaṃ, ekarattiṃ anussarinti ekarattiṃ viya anussariṃ. Viya-saddo hi idha luttaniddiṭṭho, etena pubbenivāsānussatiñāṇe attano ñāṇavasībhāvaṃ dīpeti.
ид̣̇аани яааяа бадибад̇д̇ияаа ад̇д̇ано сад̇иманд̇аад̣̇ибхааво саад̇исаяам̣ буб̣б̣зниваасан̃аан̣ан̃жа сид̣̇д̇хам̣, д̇ам̣ д̣̇ассзд̇ум̣ ‘‘жад̇д̇ааро’’д̇иаад̣̇инаа д̣̇уд̇ияам̣ г̇аат̇амааха. д̇ад̇т̇а жад̇д̇ааро сад̇ибадтаанзд̇и гааяаанубассанаад̣̇игз ад̇д̇ано висаяабхзд̣̇зна жад̇уб̣б̣ид̇хз логияалогуд̇д̇арамиссагз сад̇исан̇каад̇з сад̇ибадтаанз. сад̇д̇аад̇и сад̇д̇а б̣ож̇жхан̇г̇з. адтаад̇и адта маг̇г̇ан̇г̇аани. сад̇ибадтаанзсу хи суббад̇идтид̇ажид̇д̇асса сад̇д̇а б̣ож̇жхан̇г̇аа бхааванаабаарибуурим̣ г̇ад̇аа зва хонд̇и, д̇ат̇аа арияо адтан̇г̇иго маг̇г̇о. д̇знааха д̇хаммасзнаабад̇и – ‘‘жад̇уусу сад̇ибадтаанзсу суббад̇идтид̇ажид̇д̇аа сад̇д̇а б̣ож̇жхан̇г̇з яат̇аабхууд̇ам̣ бхаавзд̇ваа’’д̇иаад̣̇ийхи (д̣̇ий. ни. 3.143) сад̇д̇агодтаасигзсу сад̇д̇ад̇им̣сааяа б̣од̇хибагкияад̇хаммзсу згасмим̣ годтаасз бхааванаабаарибуурим̣ г̇ажчанд̇з ид̇арз аг̇ажчанд̇аа наама над̇т̇ийд̇и. бхааваяанд̇и бхааванаахзд̇у. сзсам̣ вуд̇д̇анаяамзва.
Idāni yāya paṭipattiyā attano satimantādibhāvo sātisayaṃ pubbenivāsañāṇañca siddhaṃ, taṃ dassetuṃ ‘‘cattāro’’tiādinā dutiyaṃ gāthamāha. Tattha cattāro satipaṭṭhāneti kāyānupassanādike attano visayabhedena catubbidhe lokiyalokuttaramissake satisaṅkhāte satipaṭṭhāne. Sattāti satta bojjhaṅge. Aṭṭhāti aṭṭha maggaṅgāni. Satipaṭṭhānesu hi suppatiṭṭhitacittassa satta bojjhaṅgā bhāvanāpāripūriṃ gatā eva honti, tathā ariyo aṭṭhaṅgiko maggo. Tenāha dhammasenāpati – ‘‘catūsu satipaṭṭhānesu suppatiṭṭhitacittā satta bojjhaṅge yathābhūtaṃ bhāvetvā’’tiādīhi (dī. ni. 3.143) sattakoṭṭhāsikesu sattatiṃsāya bodhipakkhiyadhammesu ekasmiṃ koṭṭhāse bhāvanāpāripūriṃ gacchante itare agacchantā nāma natthīti. Bhāvayanti bhāvanāhetu. Sesaṃ vuttanayameva.
собхид̇ад̇т̇зраг̇аат̇ааван̣н̣анаа нидтид̇аа.
Sobhitattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 3. собхид̇ад̇т̇зраг̇аат̇аа • 3. Sobhitattheragāthā
