| Library / Tipiṭaka / ਤਿਪਿਟਕ • Tipiṭaka / ਨੇਤ੍ਤਿਪ੍ਪਕਰਣ-ਅਟ੍ਠਕਥਾ • Nettippakaraṇa-aṭṭhakathā |
੧੩. ਸੋਧਨਹਾਰવਿਭਙ੍ਗવਣ੍ਣਨਾ
13. Sodhanahāravibhaṅgavaṇṇanā
੪੫. ਤਤ੍ਥ ਕਤਮੋ ਸੋਧਨੋ ਹਾਰੋਤਿ ਸੋਧਨਹਾਰવਿਭਙ੍ਗੋ। ਤਤ੍ਥ ਭਗવਾ ਪਦਂ ਸੋਧੇਤੀਤਿ ‘‘ਅવਿਜ੍ਜਾਯ ਨਿવੁਤੋ ਲੋਕੋ’’ਤਿ (ਸੁ॰ ਨਿ॰ ੧੦੩੯; ਚੂਲ਼ਨਿ॰ ਅਜਿਤਮਾਣવਪੁਚ੍ਛਾ ੫੮, ਅਜਿਤਮਾਣવਪੁਚ੍ਛਾਨਿਦ੍ਦੇਸ ੨) વਦਨ੍ਤੋ ਭਗવਾ – ‘‘ਕੇਨਸ੍ਸੁ ਨਿવੁਤੋ ਲੋਕੋ’’ਤਿ (ਸੁ॰ ਨਿ॰ ੧੦੩੮; ਚੂਲ਼ਨਿ॰ ਅਜਿਤਮਾਣવਪੁਚ੍ਛਾ ੫੭, ਅਜਿਤਮਾਣવਪੁਚ੍ਛਾਨਿਦ੍ਦੇਸ ੧) ਆਯਸ੍ਮਤਾ ਅਜਿਤੇਨ ਪੁਚ੍ਛਾવਸੇਨ વੁਤ੍ਤਂ ਪਦਂ ਸੋਧੇਤਿ ਨਾਮ, ਤਦਤ੍ਥਸ੍ਸ વਿਸ੍ਸਜ੍ਜਨਤੋ। ਨੋ ਚ ਆਰਮ੍ਭਨ੍ਤਿ ਨ ਤਾવ ਆਰਮ੍ਭਂ ਸੋਧੇਤਿ, ਞਾਤੁਂ ਇਚ੍ਛਿਤਸ੍ਸ ਅਤ੍ਥਸ੍ਸ ਅਪਰਿਯੋਸਿਤਤ੍ਤਾ। ਸੁਦ੍ਧੋ ਆਰਮ੍ਭੋਤਿ ਞਾਤੁਂ ਇਚ੍ਛਿਤਸ੍ਸ ਅਤ੍ਥਸ੍ਸ ਪਬੋਧਿਤਤ੍ਤਾ ਸੋਧਿਤੋ ਆਰਮ੍ਭੋਤਿ ਅਤ੍ਥੋ। ਅਞ੍ਞਾਣਪਕ੍ਖਨ੍ਦਾਨਂ ਦ੍વੇਲ਼੍ਹਕਜਾਤਾਨਂ વਾ ਪੁਚ੍ਛਨਕਾਲੇ ਪੁਚ੍ਛਿਤਾਨਂ ਪੁਚ੍ਛਾવਿਸਯੋ ਅવਿਜਟਂ ਮਹਾਗਹਨਂ વਿਯ ਮਹਾਦੁਗ੍ਗਂ વਿਯ ਚ ਅਨ੍ਧਕਾਰਂ ਅવਿਭੂਤਂ ਹੋਤਿ। ਯਦਾ ਚ ਭਗવਤਾ ਪਣ੍ਡਿਤੇਹਿ વਾ ਭਗવਤੋ ਸਾવਕੇਹਿ ਅਪਦੇ ਪਦਂ ਦਸ੍ਸੇਨ੍ਤੇਹਿ ਨਿਜ੍ਜਟਂ ਨਿਗੁਮ੍ਬਂ ਕਤ੍વਾ ਪਞ੍ਹੇ વਿਸ੍ਸਜ੍ਜਿਤੇ ਮਹਤਾ ਗਨ੍ਧਹਤ੍ਥਿਨਾ ਅਭਿਭવਿਤ੍વਾ ਓਭਗ੍ਗਪਦਾਲਿਤੋ ਗਹਨਪ੍ਪਦੇਸੋ વਿਯ વਿਗਤਨ੍ਧਕਾਰੋ વਿਭੂਤੋ ਉਪਟ੍ਠਹਮਾਨੋ વਿਸੋਧਿਤੋ ਨਾਮ ਹੋਤਿ।
45.Tattha katamo sodhano hāroti sodhanahāravibhaṅgo. Tattha bhagavā padaṃ sodhetīti ‘‘avijjāya nivuto loko’’ti (su. ni. 1039; cūḷani. ajitamāṇavapucchā 58, ajitamāṇavapucchāniddesa 2) vadanto bhagavā – ‘‘kenassu nivuto loko’’ti (su. ni. 1038; cūḷani. ajitamāṇavapucchā 57, ajitamāṇavapucchāniddesa 1) āyasmatā ajitena pucchāvasena vuttaṃ padaṃ sodheti nāma, tadatthassa vissajjanato. No ca ārambhanti na tāva ārambhaṃ sodheti, ñātuṃ icchitassa atthassa apariyositattā. Suddho ārambhoti ñātuṃ icchitassa atthassa pabodhitattā sodhito ārambhoti attho. Aññāṇapakkhandānaṃ dveḷhakajātānaṃ vā pucchanakāle pucchitānaṃ pucchāvisayo avijaṭaṃ mahāgahanaṃ viya mahāduggaṃ viya ca andhakāraṃ avibhūtaṃ hoti. Yadā ca bhagavatā paṇḍitehi vā bhagavato sāvakehi apade padaṃ dassentehi nijjaṭaṃ nigumbaṃ katvā pañhe vissajjite mahatā gandhahatthinā abhibhavitvā obhaggapadālito gahanappadeso viya vigatandhakāro vibhūto upaṭṭhahamāno visodhito nāma hoti.
ਸੋਧਨਹਾਰવਿਭਙ੍ਗવਣ੍ਣਨਾ ਨਿਟ੍ਠਿਤਾ।
Sodhanahāravibhaṅgavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਨੇਤ੍ਤਿਪ੍ਪਕਰਣਪਾਲ਼ਿ • Nettippakaraṇapāḷi / ੧੩. ਸੋਧਨਹਾਰવਿਭਙ੍ਗੋ • 13. Sodhanahāravibhaṅgo
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਖੁਦ੍ਦਕਨਿਕਾਯ (ਟੀਕਾ) • Khuddakanikāya (ṭīkā) / ਨੇਤ੍ਤਿਪ੍ਪਕਰਣ-ਟੀਕਾ • Nettippakaraṇa-ṭīkā / ੧੩. ਸੋਧਨਹਾਰવਿਭਙ੍ਗવਣ੍ਣਨਾ • 13. Sodhanahāravibhaṅgavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਖੁਦ੍ਦਕਨਿਕਾਯ (ਟੀਕਾ) • Khuddakanikāya (ṭīkā) / ਨੇਤ੍ਤਿવਿਭਾવਿਨੀ • Nettivibhāvinī / ੧੩. ਸੋਧਨਹਾਰવਿਭਙ੍ਗવਿਭਾવਨਾ • 13. Sodhanahāravibhaṅgavibhāvanā
