| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੬. ਸੋਖੁਮ੍ਮਸੁਤ੍ਤਂ
6. Sokhummasuttaṃ
੧੬. ‘‘ਚਤ੍ਤਾਰਿਮਾਨਿ, ਭਿਕ੍ਖવੇ, ਸੋਖੁਮ੍ਮਾਨਿ। ਕਤਮਾਨਿ ਚਤ੍ਤਾਰਿ? ਇਧ, ਭਿਕ੍ਖવੇ, ਭਿਕ੍ਖੁ ਰੂਪਸੋਖੁਮ੍ਮੇਨ ਸਮਨ੍ਨਾਗਤੋ ਹੋਤਿ ਪਰਮੇਨ; ਤੇਨ ਚ ਰੂਪਸੋਖੁਮ੍ਮੇਨ ਅਞ੍ਞਂ ਰੂਪਸੋਖੁਮ੍ਮਂ ਉਤ੍ਤਰਿਤਰਂ વਾ ਪਣੀਤਤਰਂ વਾ ਨ ਸਮਨੁਪਸ੍ਸਤਿ; ਤੇਨ ਚ ਰੂਪਸੋਖੁਮ੍ਮੇਨ ਅਞ੍ਞਂ ਰੂਪਸੋਖੁਮ੍ਮਂ ਉਤ੍ਤਰਿਤਰਂ વਾ ਪਣੀਤਤਰਂ વਾ ਨ ਪਤ੍ਥੇਤਿ। વੇਦਨਾਸੋਖੁਮ੍ਮੇਨ ਸਮਨ੍ਨਾਗਤੋ ਹੋਤਿ ਪਰਮੇਨ; ਤੇਨ ਚ વੇਦਨਾਸੋਖੁਮ੍ਮੇਨ ਅਞ੍ਞਂ વੇਦਨਾਸੋਖੁਮ੍ਮਂ ਉਤ੍ਤਰਿਤਰਂ વਾ ਪਣੀਤਤਰਂ વਾ ਨ ਸਮਨੁਪਸ੍ਸਤਿ; ਤੇਨ ਚ વੇਦਨਾਸੋਖੁਮ੍ਮੇਨ ਅਞ੍ਞਂ વੇਦਨਾਸੋਖੁਮ੍ਮਂ ਉਤ੍ਤਰਿਤਰਂ વਾ ਪਣੀਤਤਰਂ વਾ ਨ ਪਤ੍ਥੇਤਿ। ਸਞ੍ਞਾਸੋਖੁਮ੍ਮੇਨ ਸਮਨ੍ਨਾਗਤੋ ਹੋਤਿ ਪਰਮੇਨ; ਤੇਨ ਚ ਸਞ੍ਞਾਸੋਖੁਮ੍ਮੇਨ ਅਞ੍ਞਂ ਸਞ੍ਞਾਸੋਖੁਮ੍ਮਂ ਉਤ੍ਤਰਿਤਰਂ વਾ ਪਣੀਤਤਰਂ વਾ ਨ ਸਮਨੁਪਸ੍ਸਤਿ; ਤੇਨ ਚ ਸਞ੍ਞਾਸੋਖੁਮ੍ਮੇਨ ਅਞ੍ਞਂ ਸਞ੍ਞਾਸੋਖੁਮ੍ਮਂ ਉਤ੍ਤਰਿਤਰਂ વਾ ਪਣੀਤਤਰਂ વਾ ਨ ਪਤ੍ਥੇਤਿ। ਸਙ੍ਖਾਰਸੋਖੁਮ੍ਮੇਨ ਸਮਨ੍ਨਾਗਤੋ ਹੋਤਿ ਪਰਮੇਨ; ਤੇਨ ਚ ਸਙ੍ਖਾਰਸੋਖੁਮ੍ਮੇਨ ਅਞ੍ਞਂ ਸਙ੍ਖਾਰਸੋਖੁਮ੍ਮਂ ਉਤ੍ਤਰਿਤਰਂ વਾ ਪਣੀਤਤਰਂ વਾ ਨ ਸਮਨੁਪਸ੍ਸਤਿ; ਤੇਨ ਚ ਸਙ੍ਖਾਰਸੋਖੁਮ੍ਮੇਨ ਅਞ੍ਞਂ ਸਙ੍ਖਾਰਸੋਖੁਮ੍ਮਂ ਉਤ੍ਤਰਿਤਰਂ વਾ ਪਣੀਤਤਰਂ વਾ ਨ ਪਤ੍ਥੇਤਿ। ਇਮਾਨਿ ਖੋ, ਭਿਕ੍ਖવੇ, ਚਤ੍ਤਾਰਿ ਸੋਖੁਮ੍ਮਾਨੀ’’ਤਿ।
16. ‘‘Cattārimāni, bhikkhave, sokhummāni. Katamāni cattāri? Idha, bhikkhave, bhikkhu rūpasokhummena samannāgato hoti paramena; tena ca rūpasokhummena aññaṃ rūpasokhummaṃ uttaritaraṃ vā paṇītataraṃ vā na samanupassati; tena ca rūpasokhummena aññaṃ rūpasokhummaṃ uttaritaraṃ vā paṇītataraṃ vā na pattheti. Vedanāsokhummena samannāgato hoti paramena; tena ca vedanāsokhummena aññaṃ vedanāsokhummaṃ uttaritaraṃ vā paṇītataraṃ vā na samanupassati; tena ca vedanāsokhummena aññaṃ vedanāsokhummaṃ uttaritaraṃ vā paṇītataraṃ vā na pattheti. Saññāsokhummena samannāgato hoti paramena; tena ca saññāsokhummena aññaṃ saññāsokhummaṃ uttaritaraṃ vā paṇītataraṃ vā na samanupassati; tena ca saññāsokhummena aññaṃ saññāsokhummaṃ uttaritaraṃ vā paṇītataraṃ vā na pattheti. Saṅkhārasokhummena samannāgato hoti paramena; tena ca saṅkhārasokhummena aññaṃ saṅkhārasokhummaṃ uttaritaraṃ vā paṇītataraṃ vā na samanupassati; tena ca saṅkhārasokhummena aññaṃ saṅkhārasokhummaṃ uttaritaraṃ vā paṇītataraṃ vā na pattheti. Imāni kho, bhikkhave, cattāri sokhummānī’’ti.
‘‘ਰੂਪਸੋਖੁਮ੍ਮਤਂ ਞਤ੍વਾ, વੇਦਨਾਨਞ੍ਚ ਸਮ੍ਭવਂ।
‘‘Rūpasokhummataṃ ñatvā, vedanānañca sambhavaṃ;
ਸਞ੍ਞਾ ਯਤੋ ਸਮੁਦੇਤਿ, ਅਤ੍ਥਂ ਗਚ੍ਛਤਿ ਯਤ੍ਥ ਚ।
Saññā yato samudeti, atthaṃ gacchati yattha ca;
ਸਙ੍ਖਾਰੇ ਪਰਤੋ ਞਤ੍વਾ, ਦੁਕ੍ਖਤੋ ਨੋ ਚ ਅਤ੍ਤਤੋ॥
Saṅkhāre parato ñatvā, dukkhato no ca attato.
‘‘ਸ વੇ ਸਮ੍ਮਦ੍ਦਸੋ ਭਿਕ੍ਖੁ, ਸਨ੍ਤੋ ਸਨ੍ਤਿਪਦੇ ਰਤੋ।
‘‘Sa ve sammaddaso bhikkhu, santo santipade rato;
ਧਾਰੇਤਿ ਅਨ੍ਤਿਮਂ ਦੇਹਂ, ਜੇਤ੍વਾ ਮਾਰਂ ਸવਾਹਿਨਿ’’ਨ੍ਤਿ॥ ਛਟ੍ਠਂ।
Dhāreti antimaṃ dehaṃ, jetvā māraṃ savāhini’’nti. chaṭṭhaṃ;
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੬. ਸੋਖੁਮ੍ਮਸੁਤ੍ਤવਣ੍ਣਨਾ • 6. Sokhummasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਸੋਖੁਮ੍ਮਸੁਤ੍ਤવਣ੍ਣਨਾ • 6. Sokhummasuttavaṇṇanā
