| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. сокуммасуд̇д̇аван̣н̣анаа
6. Sokhummasuttavaṇṇanā
16. чадтз сокуммаанийд̇и сукумалагкан̣абадивиж̇жханагаани н̃аан̣аани. руубасокуммзна саманнааг̇ад̇о ход̇ийд̇и руубз сан̣хасукумалагкан̣абариг̇г̇аахагзна н̃аан̣зна саманнааг̇ад̇о ход̇и. барамзнаад̇и уд̇д̇амзна. д̇зна жа руубасокуммзнаад̇и д̇зна яаава ануломабхаавам̣ бад̇д̇зна сукумалагкан̣абариг̇г̇аахаган̃аан̣зна. на саманубассад̇ийд̇и над̇т̇ибхаавзнзва на бассад̇и. на бад̇т̇зд̇ийд̇и над̇т̇ибхаавзнзва на бад̇т̇зд̇и. взд̣̇анаасокуммаад̣̇ийсуби зсзва наяо.
16. Chaṭṭhe sokhummānīti sukhumalakkhaṇapaṭivijjhanakāni ñāṇāni. Rūpasokhummena samannāgato hotīti rūpe saṇhasukhumalakkhaṇapariggāhakena ñāṇena samannāgato hoti. Paramenāti uttamena. Tena ca rūpasokhummenāti tena yāva anulomabhāvaṃ pattena sukhumalakkhaṇapariggāhakañāṇena. Na samanupassatīti natthibhāveneva na passati. Na patthetīti natthibhāveneva na pattheti. Vedanāsokhummādīsupi eseva nayo.
руубасокуммад̇ам̣ н̃ад̇ваад̇и руубагканд̇хасса сан̣хасукумалагкан̣абариг̇г̇аахагзна н̃аан̣зна сукумад̇ам̣ ж̇аанид̇ваа. взд̣̇анаанан̃жа самбхаванд̇и взд̣̇анаагканд̇хасса жа бабхавам̣ ж̇аанид̇ваа. сан̃н̃аа яад̇о самуд̣̇зд̇ийд̇и яасмаа гааран̣аа сан̃н̃аагканд̇хо самуд̣̇зд̇и ниб̣б̣ад̇д̇ад̇и, д̇ан̃жа ж̇аанид̇ваа. ад̇т̇ам̣ г̇ажчад̇и яад̇т̇а жаад̇и яасмим̣ таанз нируж̇жхад̇и, д̇ан̃жа ж̇аанид̇ваа. сан̇каарз барад̇о н̃ад̇ваад̇и сан̇каарагканд̇хам̣ анижжад̇ааяа луж̇ж̇анабхаавзна барад̇о ж̇аанид̇ваа. иминаа хи бад̣̇зна анижжаанубассанаа гат̇ид̇аа. д̣̇угкад̇о но жа ад̇д̇ад̇од̇и иминаа д̣̇угкаанад̇д̇аанубассанаа. санд̇од̇и гилзсасанд̇ад̇ааяа санд̇о. санд̇ибад̣̇з рад̇од̇и ниб̣б̣аанз рад̇о. ид̇и суд̇д̇анд̇з жад̇уусу таанзсу вибассанаава гат̇ид̇аа, г̇аат̇аасу логуд̇д̇арад̇хаммобийд̇и.
Rūpasokhummataṃ ñatvāti rūpakkhandhassa saṇhasukhumalakkhaṇapariggāhakena ñāṇena sukhumataṃ jānitvā. Vedanānañca sambhavanti vedanākkhandhassa ca pabhavaṃ jānitvā. Saññā yato samudetīti yasmā kāraṇā saññākkhandho samudeti nibbattati, tañca jānitvā. Atthaṃgacchati yattha cāti yasmiṃ ṭhāne nirujjhati, tañca jānitvā. Saṅkhāre parato ñatvāti saṅkhārakkhandhaṃ aniccatāya lujjanabhāvena parato jānitvā. Iminā hi padena aniccānupassanā kathitā. Dukkhato no ca attatoti iminā dukkhānattānupassanā. Santoti kilesasantatāya santo. Santipade ratoti nibbāne rato. Iti suttante catūsu ṭhānesu vipassanāva kathitā, gāthāsu lokuttaradhammopīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. сокуммасуд̇д̇ам̣ • 6. Sokhummasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. сокуммасуд̇д̇аван̣н̣анаа • 6. Sokhummasuttavaṇṇanā
