| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਸੋਖੁਮ੍ਮਸੁਤ੍ਤવਣ੍ਣਨਾ
6. Sokhummasuttavaṇṇanā
੧੬. ਛਟ੍ਠੇ ਸੋਖੁਮ੍ਮਾਨੀਤਿ ਸੁਖੁਮਲਕ੍ਖਣਪਟਿવਿਜ੍ਝਨਕਾਨਿ ਞਾਣਾਨਿ। ਰੂਪਸੋਖੁਮ੍ਮੇਨ ਸਮਨ੍ਨਾਗਤੋ ਹੋਤੀਤਿ ਰੂਪੇ ਸਣ੍ਹਸੁਖੁਮਲਕ੍ਖਣਪਰਿਗ੍ਗਾਹਕੇਨ ਞਾਣੇਨ ਸਮਨ੍ਨਾਗਤੋ ਹੋਤਿ। ਪਰਮੇਨਾਤਿ ਉਤ੍ਤਮੇਨ। ਤੇਨ ਚ ਰੂਪਸੋਖੁਮ੍ਮੇਨਾਤਿ ਤੇਨ ਯਾવ ਅਨੁਲੋਮਭਾવਂ ਪਤ੍ਤੇਨ ਸੁਖੁਮਲਕ੍ਖਣਪਰਿਗ੍ਗਾਹਕਞਾਣੇਨ। ਨ ਸਮਨੁਪਸ੍ਸਤੀਤਿ ਨਤ੍ਥਿਭਾવੇਨੇવ ਨ ਪਸ੍ਸਤਿ। ਨ ਪਤ੍ਥੇਤੀਤਿ ਨਤ੍ਥਿਭਾવੇਨੇવ ਨ ਪਤ੍ਥੇਤਿ। વੇਦਨਾਸੋਖੁਮ੍ਮਾਦੀਸੁਪਿ ਏਸੇવ ਨਯੋ।
16. Chaṭṭhe sokhummānīti sukhumalakkhaṇapaṭivijjhanakāni ñāṇāni. Rūpasokhummena samannāgato hotīti rūpe saṇhasukhumalakkhaṇapariggāhakena ñāṇena samannāgato hoti. Paramenāti uttamena. Tena ca rūpasokhummenāti tena yāva anulomabhāvaṃ pattena sukhumalakkhaṇapariggāhakañāṇena. Na samanupassatīti natthibhāveneva na passati. Na patthetīti natthibhāveneva na pattheti. Vedanāsokhummādīsupi eseva nayo.
ਰੂਪਸੋਖੁਮ੍ਮਤਂ ਞਤ੍વਾਤਿ ਰੂਪਕ੍ਖਨ੍ਧਸ੍ਸ ਸਣ੍ਹਸੁਖੁਮਲਕ੍ਖਣਪਰਿਗ੍ਗਾਹਕੇਨ ਞਾਣੇਨ ਸੁਖੁਮਤਂ ਜਾਨਿਤ੍વਾ। વੇਦਨਾਨਞ੍ਚ ਸਮ੍ਭવਨ੍ਤਿ વੇਦਨਾਕ੍ਖਨ੍ਧਸ੍ਸ ਚ ਪਭવਂ ਜਾਨਿਤ੍વਾ। ਸਞ੍ਞਾ ਯਤੋ ਸਮੁਦੇਤੀਤਿ ਯਸ੍ਮਾ ਕਾਰਣਾ ਸਞ੍ਞਾਕ੍ਖਨ੍ਧੋ ਸਮੁਦੇਤਿ ਨਿਬ੍ਬਤ੍ਤਤਿ, ਤਞ੍ਚ ਜਾਨਿਤ੍વਾ। ਅਤ੍ਥਂ ਗਚ੍ਛਤਿ ਯਤ੍ਥ ਚਾਤਿ ਯਸ੍ਮਿਂ ਠਾਨੇ ਨਿਰੁਜ੍ਝਤਿ, ਤਞ੍ਚ ਜਾਨਿਤ੍વਾ। ਸਙ੍ਖਾਰੇ ਪਰਤੋ ਞਤ੍વਾਤਿ ਸਙ੍ਖਾਰਕ੍ਖਨ੍ਧਂ ਅਨਿਚ੍ਚਤਾਯ ਲੁਜ੍ਜਨਭਾવੇਨ ਪਰਤੋ ਜਾਨਿਤ੍વਾ। ਇਮਿਨਾ ਹਿ ਪਦੇਨ ਅਨਿਚ੍ਚਾਨੁਪਸ੍ਸਨਾ ਕਥਿਤਾ। ਦੁਕ੍ਖਤੋ ਨੋ ਚ ਅਤ੍ਤਤੋਤਿ ਇਮਿਨਾ ਦੁਕ੍ਖਾਨਤ੍ਤਾਨੁਪਸ੍ਸਨਾ। ਸਨ੍ਤੋਤਿ ਕਿਲੇਸਸਨ੍ਤਤਾਯ ਸਨ੍ਤੋ। ਸਨ੍ਤਿਪਦੇ ਰਤੋਤਿ ਨਿਬ੍ਬਾਨੇ ਰਤੋ। ਇਤਿ ਸੁਤ੍ਤਨ੍ਤੇ ਚਤੂਸੁ ਠਾਨੇਸੁ વਿਪਸ੍ਸਨਾવ ਕਥਿਤਾ, ਗਾਥਾਸੁ ਲੋਕੁਤ੍ਤਰਧਮ੍ਮੋਪੀਤਿ।
Rūpasokhummataṃ ñatvāti rūpakkhandhassa saṇhasukhumalakkhaṇapariggāhakena ñāṇena sukhumataṃ jānitvā. Vedanānañca sambhavanti vedanākkhandhassa ca pabhavaṃ jānitvā. Saññā yato samudetīti yasmā kāraṇā saññākkhandho samudeti nibbattati, tañca jānitvā. Atthaṃgacchati yattha cāti yasmiṃ ṭhāne nirujjhati, tañca jānitvā. Saṅkhāre parato ñatvāti saṅkhārakkhandhaṃ aniccatāya lujjanabhāvena parato jānitvā. Iminā hi padena aniccānupassanā kathitā. Dukkhato no ca attatoti iminā dukkhānattānupassanā. Santoti kilesasantatāya santo. Santipade ratoti nibbāne rato. Iti suttante catūsu ṭhānesu vipassanāva kathitā, gāthāsu lokuttaradhammopīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਸੋਖੁਮ੍ਮਸੁਤ੍ਤਂ • 6. Sokhummasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਸੋਖੁਮ੍ਮਸੁਤ੍ਤવਣ੍ਣਨਾ • 6. Sokhummasuttavaṇṇanā
