| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
2. сол̣асан̃аан̣анид̣̇д̣̇зсаван̣н̣анаа
2. Soḷasañāṇaniddesavaṇṇanā
153. сол̣асахи аагаарзхийд̇и убхаяабагкавасзна вуд̇д̇зхи сол̣асахи н̃аан̣агодтаасзхи. уд̣̇ужид̇ам̣ жид̇д̇ам̣ самуд̣̇ужид̇анд̇и убажаарабхуумияам̣ жид̇д̇ам̣ уд̣̇д̇хам̣ ужид̇ам̣, саммаа уд̣̇д̇хам̣ ужид̇ам̣, убаруубари гад̇абарижаяам̣ саммаа убаруубари гад̇абарижаяанд̇и ад̇т̇о. уд̣̇уж̇ид̇ам̣ жид̇д̇ам̣ самуд̣̇уж̇ид̇анд̇иби баато. убарибхаавааяа ж̇ид̇ам̣, убарибхаавагарзхи ваа н̃аан̣зхи ж̇ид̇ам̣ уд̣̇уж̇ид̇ам̣. самуд̣̇уж̇ид̇анд̇и самаа убарибхаавааяа, убарибхаавагарзхи ваа н̃аан̣зхи ж̇ид̇ам̣. самаад̇и жзд̇т̇а висамабхаавабадигкзбо. имасмим̣ баатз у, д̣̇у-ид̇и д̣̇вз д̣̇вз убасаг̇г̇аа хонд̇и. урууж̇ид̇ам̣ жид̇д̇ам̣ саммаарууж̇ид̇анд̇иби баато. зд̇т̇ааби ж̇ид̇ад̇т̇оязва. уруу арууд̇и ид̣̇ам̣ бана нибаад̇амад̇д̇амзваад̇и вад̣̇анд̇и. вийн̣обамадтагат̇ааяа д̇аж̇ж̇ид̇ам̣ суд̇аж̇ж̇ид̇анд̇и жа ад̇т̇о вуд̇д̇о, со ид̇ха на яуж̇ж̇ад̇и. згад̇д̇з санд̇идтад̇ийд̇и убажаарабхуумияам̣ д̇аава наанаарамман̣авигкзбаабхаавзна згад̇д̇з бад̇идтаад̇и. нияяаанааваран̣адтзна нийваран̣аад̇и зд̇т̇а арад̇иби саб̣б̣зби агусалаа ааваран̣адтзна нийваран̣аад̇и вуд̇д̇аа. нияяаанааваран̣адтзнаад̇и нияяаанаанам̣ ааг̇аманамаг̇г̇абид̣̇аханадтзна. нияяаанавааран̣адтзнаад̇иби баато, нияяаанаанам̣ бадигкзбанадтзнаад̇и ад̇т̇о. нзгкаммам̣ арияаанам̣ нияяаананд̇и маг̇г̇адтаанам̣ арияаанам̣ нияяаанасан̇каад̇асса арияамаг̇г̇асса хзд̇уд̇д̇аа палуубажаарзна арияаанам̣ нияяаанам̣. д̇зна жа хзд̇убхууд̇зна маг̇г̇агкан̣з арияаа нияяанд̇и ниг̇ажчанд̇и. гзжи бана ‘‘нияяаананд̇и маг̇г̇о’’д̇и вад̣̇анд̇и. ид̇ха убажаарасса ад̇хиббзд̇ад̇д̇аа маг̇г̇агкан̣з жа аалогасан̃н̃ааяа саб̣б̣агусалад̇хаммаанан̃жа абхааваа д̇ам̣ на яуж̇ж̇ад̇и. нивуд̇ад̇д̇аад̇и бадижчаннад̇д̇аа. наббаж̇аанаад̇ийд̇и буг̇г̇алавасзна вуд̇д̇ам̣.
153.Soḷasahiākārehīti ubhayapakkhavasena vuttehi soḷasahi ñāṇakoṭṭhāsehi. Uducitaṃ cittaṃ samuducitanti upacārabhūmiyaṃ cittaṃ uddhaṃ ucitaṃ, sammā uddhaṃ ucitaṃ, uparūpari kataparicayaṃ sammā uparūpari kataparicayanti attho. Udujitaṃ cittaṃ samudujitantipi pāṭho. Uparibhāvāya jitaṃ, uparibhāvakarehi vā ñāṇehi jitaṃ udujitaṃ. Samudujitanti samā uparibhāvāya, uparibhāvakarehi vā ñāṇehi jitaṃ. Samāti cettha visamabhāvapaṭikkhepo. Imasmiṃ pāṭhe u, du-iti dve dve upasaggā honti. Urūjitaṃ cittaṃ sammārūjitantipi pāṭho. Etthāpi jitatthoyeva. Urū arūti idaṃ pana nipātamattamevāti vadanti. Vīṇopamaṭṭhakathāya tajjitaṃ sutajjitanti ca attho vutto, so idha na yujjati. Ekatte santiṭṭhatīti upacārabhūmiyaṃ tāva nānārammaṇavikkhepābhāvena ekatte patiṭṭhāti. Niyyānāvaraṇaṭṭhena nīvaraṇāti ettha aratipi sabbepi akusalā āvaraṇaṭṭhena nīvaraṇāti vuttā. Niyyānāvaraṇaṭṭhenāti niyyānānaṃ āgamanamaggapidahanaṭṭhena. Niyyānavāraṇaṭṭhenātipi pāṭho, niyyānānaṃ paṭikkhepanaṭṭhenāti attho. Nekkhammaṃ ariyānaṃ niyyānanti maggaṭṭhānaṃ ariyānaṃ niyyānasaṅkhātassa ariyamaggassa hetuttā phalūpacārena ariyānaṃ niyyānaṃ. Tena ca hetubhūtena maggakkhaṇe ariyā niyyanti nigacchanti. Keci pana ‘‘niyyānanti maggo’’ti vadanti. Idha upacārassa adhippetattā maggakkhaṇe ca ālokasaññāya sabbakusaladhammānañca abhāvā taṃ na yujjati. Nivutattāti paṭicchannattā. Nappajānātīti puggalavasena vuttaṃ.
висуд̣̇д̇хажид̇д̇ассаад̇и убажаарабхуумияам̣язва. кан̣игасамод̇хаанаад̇и жид̇д̇агкан̣з жид̇д̇агкан̣з уббаж̇ж̇анад̇о кан̣о зд̇зсам̣ ад̇т̇ийд̇и кан̣игаа, убаггилзсаа, кан̣игаанам̣ самод̇хаано самааг̇амо баб̣анд̇хо кан̣игасамод̇хаано. д̇асмаа кан̣игасамод̇хаанаа, уббаж̇ж̇амаанаа убаггилзсаа кан̣игаббаб̣анд̇хавасзна кан̣игабарамбараавасзна уббаж̇ж̇анд̇и, на згажид̇д̇агкан̣авасзнаад̇и вуд̇д̇ам̣ ход̇и.
Visuddhacittassāti upacārabhūmiyaṃyeva. Khaṇikasamodhānāti cittakkhaṇe cittakkhaṇe uppajjanato khaṇo etesaṃ atthīti khaṇikā, upakkilesā, khaṇikānaṃ samodhāno samāgamo pabandho khaṇikasamodhāno. Tasmā khaṇikasamodhānā, uppajjamānā upakkilesā khaṇikappabandhavasena khaṇikaparamparāvasena uppajjanti, na ekacittakkhaṇavasenāti vuttaṃ hoti.
сол̣асан̃аан̣анид̣̇д̣̇зсаван̣н̣анаа нидтид̇аа.
Soḷasañāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 2. сол̣асан̃аан̣анид̣̇д̣̇зсо • 2. Soḷasañāṇaniddeso
