| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
1. сол̣асабан̃н̃аанид̣̇д̣̇зсаван̣н̣анаа
1. Soḷasapaññāniddesavaṇṇanā
4. суд̇д̇анд̇анид̣̇д̣̇зсз чаннам̣ абхин̃н̃аан̃аан̣аананд̇и ид̣̇д̇хивид̇хад̣̇иб̣б̣асод̇ажзд̇обарияабуб̣б̣зниваасад̣̇иб̣б̣ажагкуаасаваанам̣ каяан̃аан̣аанам̣. д̇зсад̇д̇ад̇ийнам̣ н̃аан̣аананд̇и н̃аан̣агат̇ааяа нид̣̇д̣̇идтаанам̣ саавагасаад̇хааран̣аанам̣ н̃аан̣аанам̣. сад̇д̇асад̇д̇ад̇ийнам̣ н̃аан̣аананд̇и зд̇т̇а –
4. Suttantaniddese channaṃ abhiññāñāṇānanti iddhividhadibbasotacetopariyapubbenivāsadibbacakkhuāsavānaṃ khayañāṇānaṃ. Tesattatīnaṃ ñāṇānanti ñāṇakathāya niddiṭṭhānaṃ sāvakasādhāraṇānaṃ ñāṇānaṃ. Sattasattatīnaṃ ñāṇānanti ettha –
‘‘сад̇д̇асад̇д̇ари во, бхигкавз, н̃аан̣авад̇т̇ууни д̣̇зсзссаами, д̇ам̣ сун̣аат̇а саад̇хугам̣ манаси гарот̇а, бхаасиссаамийд̇и. гад̇амаани, бхигкавз, сад̇д̇асад̇д̇ари н̃аан̣авад̇т̇ууни? ж̇аад̇ибажжаяаа ж̇араамаран̣анд̇и н̃аан̣ам̣, асад̇и ж̇аад̇ияаа над̇т̇и ж̇араамаран̣анд̇и н̃аан̣ам̣. ад̇ийд̇амби ад̣̇д̇хаанам̣ ж̇аад̇ибажжаяаа ж̇араамаран̣анд̇и н̃аан̣ам̣, асад̇и ж̇аад̇ияаа над̇т̇и ж̇араамаран̣анд̇и н̃аан̣ам̣, анааг̇ад̇амби ад̣̇д̇хаанам̣ ж̇аад̇ибажжаяаа ж̇араамаран̣анд̇и н̃аан̣ам̣, асад̇и ж̇аад̇ияаа над̇т̇и ж̇араамаран̣анд̇и н̃аан̣ам̣. яамбисса д̇ам̣ д̇хаммадтид̇ин̃аан̣ам̣, д̇амби каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хамманд̇и н̃аан̣ам̣. бхавабажжаяаа ж̇аад̇ийд̇и н̃аан̣ам̣…бз… убаад̣̇аанабажжаяаа бхавод̇и н̃аан̣ам̣… д̇ан̣хаабажжаяаа убаад̣̇аананд̇и н̃аан̣ам̣… взд̣̇анаабажжаяаа д̇ан̣хаад̇и н̃аан̣ам̣… пассабажжаяаа взд̣̇анаад̇и н̃аан̣ам̣… сал̣ааяад̇анабажжаяаа пассод̇и н̃аан̣ам̣… наамаруубабажжаяаа сал̣ааяад̇ананд̇и н̃аан̣ам̣… вин̃н̃аан̣абажжаяаа наамаруубанд̇и н̃аан̣ам̣… сан̇каарабажжаяаа вин̃н̃аан̣анд̇и н̃аан̣ам̣… авиж̇ж̇аабажжаяаа сан̇каараад̇и н̃аан̣ам̣, асад̇и авиж̇ж̇ааяа над̇т̇и сан̇каараад̇и н̃аан̣ам̣. ад̇ийд̇амби ад̣̇д̇хаанам̣ авиж̇ж̇аабажжаяаа сан̇каараад̇и н̃аан̣ам̣, асад̇и авиж̇ж̇ааяа над̇т̇и сан̇каараад̇и н̃аан̣ам̣, анааг̇ад̇амби ад̣̇д̇хаанам̣ авиж̇ж̇аабажжаяаа сан̇каараад̇и н̃аан̣ам̣, асад̇и авиж̇ж̇ааяа над̇т̇и сан̇каараад̇и н̃аан̣ам̣. яамбисса д̇ам̣ д̇хаммадтид̇ин̃аан̣ам̣, д̇амби каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хамманд̇и н̃аан̣ам̣. имаани вужжанд̇и, бхигкавз, сад̇д̇асад̇д̇ари н̃аан̣авад̇т̇ууний’’д̇и (сам̣. ни. 2.34) –
‘‘Sattasattari vo, bhikkhave, ñāṇavatthūni desessāmi, taṃ suṇātha sādhukaṃ manasi karotha, bhāsissāmīti. Katamāni, bhikkhave, sattasattari ñāṇavatthūni? Jātipaccayā jarāmaraṇanti ñāṇaṃ, asati jātiyā natthi jarāmaraṇanti ñāṇaṃ. Atītampi addhānaṃ jātipaccayā jarāmaraṇanti ñāṇaṃ, asati jātiyā natthi jarāmaraṇanti ñāṇaṃ, anāgatampi addhānaṃ jātipaccayā jarāmaraṇanti ñāṇaṃ, asati jātiyā natthi jarāmaraṇanti ñāṇaṃ. Yampissa taṃ dhammaṭṭhitiñāṇaṃ, tampi khayadhammaṃ vayadhammaṃ virāgadhammaṃ nirodhadhammanti ñāṇaṃ. Bhavapaccayā jātīti ñāṇaṃ…pe… upādānapaccayā bhavoti ñāṇaṃ… taṇhāpaccayā upādānanti ñāṇaṃ… vedanāpaccayā taṇhāti ñāṇaṃ… phassapaccayā vedanāti ñāṇaṃ… saḷāyatanapaccayā phassoti ñāṇaṃ… nāmarūpapaccayā saḷāyatananti ñāṇaṃ… viññāṇapaccayā nāmarūpanti ñāṇaṃ… saṅkhārapaccayā viññāṇanti ñāṇaṃ… avijjāpaccayā saṅkhārāti ñāṇaṃ, asati avijjāya natthi saṅkhārāti ñāṇaṃ. Atītampi addhānaṃ avijjāpaccayā saṅkhārāti ñāṇaṃ, asati avijjāya natthi saṅkhārāti ñāṇaṃ, anāgatampi addhānaṃ avijjāpaccayā saṅkhārāti ñāṇaṃ, asati avijjāya natthi saṅkhārāti ñāṇaṃ. Yampissa taṃ dhammaṭṭhitiñāṇaṃ, tampi khayadhammaṃ vayadhammaṃ virāgadhammaṃ nirodhadhammanti ñāṇaṃ. Imāni vuccanti, bhikkhave, sattasattari ñāṇavatthūnī’’ti (saṃ. ni. 2.34) –
звам̣ бхаг̇авад̇аа нид̣̇аанаваг̇г̇з вуд̇д̇аани сад̇д̇асад̇д̇ад̇и н̃аан̣аани. ‘‘ж̇араамаран̣з н̃аан̣ам̣, ж̇араамаран̣асамуд̣̇аяз н̃аан̣ам̣, ж̇араамаран̣анирод̇хз н̃аан̣ам̣, ж̇араамаран̣анирод̇хаг̇ааминияаа бадибад̣̇ааяа н̃аан̣а’’нд̇и (сам̣. ни. 2.33) иминаа наязна згаад̣̇асасу ан̇г̇зсу жад̇д̇аари жад̇д̇аари гад̇ваа вуд̇д̇аани жад̇ужад̇д̇аарийса н̃аан̣авад̇т̇ууни бана ид̇ха на г̇ахид̇аани. убхаяад̇т̇а жа н̃аан̣ааниязва хид̇асукасса вад̇т̇уунийд̇и н̃аан̣авад̇т̇ууни. лаабход̇иаад̣̇ийсу лаабхоязва убасаг̇г̇зна висзсзд̇ваа бадилаабход̇и вуд̇д̇о. буна д̇ассзва ад̇т̇авиваран̣авасзна бад̇д̇и самбад̇д̇ийд̇и вуд̇д̇ам̣. пассанаад̇и ад̇хиг̇амавасзна пусанаа. сажчигирияаад̇и бадилаабхасажчигирияаа. убасамбад̣̇аад̇и нибпаад̣̇анаа.
Evaṃ bhagavatā nidānavagge vuttāni sattasattati ñāṇāni. ‘‘Jarāmaraṇe ñāṇaṃ, jarāmaraṇasamudaye ñāṇaṃ, jarāmaraṇanirodhe ñāṇaṃ, jarāmaraṇanirodhagāminiyā paṭipadāya ñāṇa’’nti (saṃ. ni. 2.33) iminā nayena ekādasasu aṅgesu cattāri cattāri katvā vuttāni catucattārīsa ñāṇavatthūni pana idha na gahitāni. Ubhayattha ca ñāṇāniyeva hitasukhassa vatthūnīti ñāṇavatthūni. Lābhotiādīsu lābhoyeva upasaggena visesetvā paṭilābhoti vutto. Puna tasseva atthavivaraṇavasena patti sampattīti vuttaṃ. Phassanāti adhigamavasena phusanā. Sacchikiriyāti paṭilābhasacchikiriyā. Upasampadāti nipphādanā.
сад̇д̇аннан̃жа сзгкаананд̇и д̇иссо сигкаа сигканд̇ийд̇и сзгкасан̃н̃ид̇аанам̣ сод̇аабад̇д̇имаг̇г̇адтаад̣̇ийнам̣ сад̇д̇аннам̣. бут̇уж̇ж̇анагаляаан̣агасса жаад̇и ниб̣б̣аанаг̇ааминияаа бадибад̣̇ааяа яуд̇д̇ад̇д̇аа сунд̣̇арадтзна галяаан̣асан̃н̃ид̇асса бут̇уж̇ж̇анасса. вад̣дхид̇ам̣ вад̣дханам̣ зд̇ааяаад̇и вад̣дхид̇авад̣дханаа. яат̇аавуд̇д̇аанам̣ адтаннамби бан̃н̃аанам̣ васзна висзсад̇о жа арахад̇о бан̃н̃аавасзна бан̃н̃аавуд̣̇д̇хияаа. д̇ат̇аа бан̃н̃аавзбуллааяа. маханд̇з ад̇т̇з бариг̇г̇ан̣хаад̇ийд̇иаад̣̇ийсу бадисамбхид̣̇аббад̇д̇о арияасааваго ад̇т̇аад̣̇аяо аарамман̣агаран̣зна бариг̇г̇ан̣хаад̇и. саб̣б̣ааби махаабан̃н̃аа арияасаавагаанам̣язва. д̇ассаа жа бан̃н̃ааяа висаяаа хздтаа вуд̇д̇ад̇т̇аа зва.
Sattannañca sekkhānanti tisso sikkhā sikkhantīti sekkhasaññitānaṃ sotāpattimaggaṭṭhādīnaṃ sattannaṃ. Puthujjanakalyāṇakassa cāti nibbānagāminiyā paṭipadāya yuttattā sundaraṭṭhena kalyāṇasaññitassa puthujjanassa. Vaḍḍhitaṃ vaḍḍhanaṃ etāyāti vaḍḍhitavaḍḍhanā. Yathāvuttānaṃ aṭṭhannampi paññānaṃ vasena visesato ca arahato paññāvasena paññāvuddhiyā. Tathā paññāvepullāya. Mahanteatthe pariggaṇhātītiādīsu paṭisambhidappatto ariyasāvako atthādayo ārammaṇakaraṇena pariggaṇhāti. Sabbāpi mahāpaññā ariyasāvakānaṃyeva. Tassā ca paññāya visayā heṭṭhā vuttatthā eva.
бут̇унаанааканд̇хзсууд̇иаад̣̇ийсу наанаасад̣̇д̣̇о бут̇усад̣̇д̣̇асса ад̇т̇аважанам̣. н̃аан̣ам̣ бавад̇д̇ад̇ийд̇и бут̇убан̃н̃аад̇и д̇зсу д̇ат̇аавуд̇д̇зсу канд̇хаад̣̇ийсу н̃аан̣ам̣ бавад̇д̇ад̇ийд̇и гад̇ваа д̇ам̣ н̃аан̣ам̣ бут̇убан̃н̃аа наамаад̇и ад̇т̇о. наанаабадижжасамуббаад̣̇зсууд̇и бадижжасамуббаннаанам̣ д̇хаммаанам̣ васзна бажжаяаб̣ахуд̇д̇аа вуд̇д̇ам̣. наанаасун̃н̃ад̇аманубалаб̣бхзсууд̇и убалаб̣бханам̣ убалаб̣бхо, г̇ахан̣анд̇и ад̇т̇о. на убалаб̣бхо анубалаб̣бхо, анубалаб̣бхаанам̣ б̣ахуд̇д̇аа б̣ахуважанзна анубалаб̣бхаа, бан̃жавийсад̇исун̃н̃ад̇аавасзна ваа наанаасун̃н̃ад̇аасу ад̇д̇ад̇д̇анияаад̣̇ийнам̣ анубалаб̣бхаа наанаасун̃н̃ад̇аанубалаб̣бхаа, д̇зсу. ‘‘наанаасун̃н̃ад̇аанубалаб̣бхзсуу’’д̇и вад̇д̇аб̣б̣з ‘‘ад̣̇угкамасукаа’’д̇иаад̣̇ийсу (д̇ха. са. д̇игамаад̇игаа 2) вияа ма-гааро бад̣̇асанд̇хивасзна вуд̇д̇о. имаа бан̃жа бан̃н̃аа галяаан̣абут̇уж̇ж̇анзхи саад̇хааран̣аа, наанааад̇т̇аад̣̇ийсу бан̃н̃аа арияаанам̣язва. бут̇уж̇ж̇анасаад̇хааран̣з д̇хаммзд̇и логияад̇хаммз. иминаа авасаанабарияааязна логияад̇о бут̇убхууд̇аниб̣б̣аанаарамман̣ад̇д̇аа бут̇убхууд̇аа висум̣бхууд̇аа бан̃н̃аад̇и бут̇убан̃н̃аа наамаад̇и вуд̇д̇ам̣ ход̇и.
Puthunānākhandhesūtiādīsu nānāsaddo puthusaddassa atthavacanaṃ. Ñāṇaṃ pavattatīti puthupaññāti tesu tathāvuttesu khandhādīsu ñāṇaṃ pavattatīti katvā taṃ ñāṇaṃ puthupaññā nāmāti attho. Nānāpaṭiccasamuppādesūti paṭiccasamuppannānaṃ dhammānaṃ vasena paccayabahuttā vuttaṃ. Nānāsuññatamanupalabbhesūti upalabbhanaṃ upalabbho, gahaṇanti attho. Na upalabbho anupalabbho, anupalabbhānaṃ bahuttā bahuvacanena anupalabbhā, pañcavīsatisuññatāvasena vā nānāsuññatāsu attattaniyādīnaṃ anupalabbhā nānāsuññatānupalabbhā, tesu. ‘‘Nānāsuññatānupalabbhesū’’ti vattabbe ‘‘adukkhamasukhā’’tiādīsu (dha. sa. tikamātikā 2) viya ma-kāro padasandhivasena vutto. Imā pañca paññā kalyāṇaputhujjanehi sādhāraṇā, nānāatthādīsu paññā ariyānaṃyeva. Puthujjanasādhāraṇe dhammeti lokiyadhamme. Iminā avasānapariyāyena lokiyato puthubhūtanibbānārammaṇattā puthubhūtā visuṃbhūtā paññāti puthupaññā nāmāti vuttaṃ hoti.
вибулабан̃н̃аа махаабан̃н̃аанаязна взд̣̇ид̇аб̣б̣аа. яат̇аавуд̇д̇з д̇хаммз бариг̇г̇ан̣ханд̇асса г̇ун̣амаханд̇ад̇ааяа д̇зсам̣ д̇хаммаанам̣ бариг̇г̇аахигааяа жа бан̃н̃ааяа маханд̇ад̇аа, д̇зсам̣ д̇хаммаанам̣ саяамзва маханд̇ад̇д̇аа ул̣аарад̇д̇аа д̇хаммаанан̃жа бан̃н̃ааяа жа вибулад̇аа взд̣̇ид̇аб̣б̣аа. г̇амбхийрабан̃н̃аа бут̇убан̃н̃аанаязна взд̣̇ид̇аб̣б̣аа. д̇з жа д̇хаммаа д̇з жа анубалаб̣бхаа саа жа бан̃н̃аа багад̇иж̇анзна алаб̣бханзяяабад̇идтад̇д̇аа г̇амбхийраа.
Vipulapaññā mahāpaññānayena veditabbā. Yathāvutte dhamme pariggaṇhantassa guṇamahantatāya tesaṃ dhammānaṃ pariggāhikāya ca paññāya mahantatā, tesaṃ dhammānaṃ sayameva mahantattā uḷārattā dhammānañca paññāya ca vipulatā veditabbā. Gambhīrapaññā puthupaññānayena veditabbā. Te ca dhammā te ca anupalabbhā sā ca paññā pakatijanena alabbhaneyyapatiṭṭhattā gambhīrā.
яасса буг̇г̇алассаад̇и арияабуг̇г̇алассзва. ан̃н̃о гожийд̇и бут̇уж̇ж̇ано. абхисамбхавид̇унд̇и самбаабун̣ид̇ум̣. анабхисамбхаванийяод̇и самбаабун̣ид̇ум̣ асаггун̣зяяо. ан̃н̃зхийд̇и бут̇уж̇ж̇анзхзва. адтамагассаад̇и арахад̇д̇апаладтад̇о бадтааяа г̇ан̣ияамаанз адтамабхууд̇асса сод̇аабад̇д̇имаг̇г̇адтасса. д̣̇уурзд̇и виббагадтз. вид̣̇уурзд̇и висзсзна виббагадтз. сувид̣̇уурзд̇и судту висзсзна виббагадтз. на санд̇игзд̇и на самийбз. на сааманд̇аад̇и на самийбабхааг̇з. имаани д̣̇вз бадисзд̇хасахид̇аани важанаани д̣̇уурабхаавассзва нияаманаани. убаад̣̇ааяаад̇и бадижжа. сод̇аабаннассаад̇и сод̇аабад̇д̇ипаладтасса. зд̇знзва д̇ам̣д̇ам̣маг̇г̇абан̃н̃аа д̇ам̣д̇ам̣палабан̃н̃ааяа д̣̇уурзд̇и вуд̇д̇ам̣ ход̇и. бажжзгасамб̣уд̣̇д̇ход̇и убасаг̇г̇зна висзсид̇ам̣. ид̇арад̣̇ваяам̣ бана суд̣̇д̇хамзва ааг̇ад̇ам̣.
Yassa puggalassāti ariyapuggalasseva. Añño kocīti puthujjano. Abhisambhavitunti sampāpuṇituṃ. Anabhisambhavanīyoti sampāpuṇituṃ asakkuṇeyyo. Aññehīti puthujjaneheva. Aṭṭhamakassāti arahattaphalaṭṭhato paṭṭhāya gaṇiyamāne aṭṭhamabhūtassa sotāpattimaggaṭṭhassa. Dūreti vippakaṭṭhe. Vidūreti visesena vippakaṭṭhe. Suvidūreti suṭṭhu visesena vippakaṭṭhe. Na santiketi na samīpe. Na sāmantāti na samīpabhāge. Imāni dve paṭisedhasahitāni vacanāni dūrabhāvasseva niyamanāni. Upādāyāti paṭicca. Sotāpannassāti sotāpattiphalaṭṭhassa. Eteneva taṃtaṃmaggapaññā taṃtaṃphalapaññāya dūreti vuttaṃ hoti. Paccekasambuddhoti upasaggena visesitaṃ. Itaradvayaṃ pana suddhameva āgataṃ.
5. ‘‘бажжзгаб̣уд̣̇д̇хасса сад̣̇звагасса жа логасса бан̃н̃аа д̇ат̇ааг̇ад̇асса бан̃н̃ааяа д̣̇уурз’’д̇иаад̣̇ийни вад̇ваа д̇амзва д̣̇уурадтам̣ анзгаббагаарад̇о д̣̇ассзд̇угаамо бан̃н̃аабабхзд̣̇агусалод̇иаад̣̇имааха . д̇ад̇т̇а бан̃н̃аабабхзд̣̇агусалод̇и ад̇д̇ано ананд̇авигаббз бан̃н̃аабабхзд̣̇з чзго. бабхиннан̃аан̣од̇и ананд̇аббабхзд̣̇абад̇д̇ан̃аан̣о. зд̇зна бан̃н̃аабабхзд̣̇агусалад̇д̇зби сад̇и д̇аасам̣ бан̃н̃аанам̣ ананд̇абхзд̣̇ад̇д̇ам̣ д̣̇ассзд̇и. ад̇хиг̇ад̇абадисамбхид̣̇од̇и бадилад̣̇д̇хааг̇г̇ажад̇убадисамбхид̣̇аан̃аан̣о. жад̇увзсаараж̇ж̇аббад̇д̇од̇и жад̇д̇аари висаарад̣̇абхаавасан̇каад̇аани н̃аан̣аани бад̇д̇о. яат̇ааха –
5. ‘‘Paccekabuddhassa sadevakassa ca lokassa paññā tathāgatassa paññāya dūre’’tiādīni vatvā tameva dūraṭṭhaṃ anekappakārato dassetukāmo paññāpabhedakusalotiādimāha . Tattha paññāpabhedakusaloti attano anantavikappe paññāpabhede cheko. Pabhinnañāṇoti anantappabhedapattañāṇo. Etena paññāpabhedakusalattepi sati tāsaṃ paññānaṃ anantabhedattaṃ dasseti. Adhigatapaṭisambhidoti paṭiladdhaaggacatupaṭisambhidāñāṇo. Catuvesārajjappattoti cattāri visāradabhāvasaṅkhātāni ñāṇāni patto. Yathāha –
‘‘саммаасамб̣уд̣̇д̇хасса д̇з бадиж̇аанад̇о ‘имз д̇хаммаа анабхисамб̣уд̣̇д̇хаа’д̇и, д̇ад̇ра вад̇а мам̣ саман̣о ваа б̣раахман̣о ваа д̣̇зво ваа мааро ваа б̣рахмаа ваа гожи ваа логасмим̣ саха д̇хаммзна бадижод̣̇зссад̇ийд̇и нимид̇д̇амзд̇ам̣, бхигкавз, на саманубассаами, зд̇амахам̣, бхигкавз, нимид̇д̇ам̣ асаманубассанд̇о кзмаббад̇д̇о абхаяаббад̇д̇о взсаараж̇ж̇аббад̇д̇о вихараами. кийн̣аасавасса д̇з бадиж̇аанад̇о ‘имз аасаваа абаригкийн̣аа’д̇и, ‘яз ко бана д̇з анд̇арааяигаа д̇хаммаа вуд̇д̇аа, д̇з бадисзвад̇о наалам̣ анд̇арааяааяаа’д̇и, ‘яасса ко бана д̇з ад̇т̇ааяа д̇хаммо д̣̇зсид̇о, со на нияяаад̇и д̇аггарасса саммаа д̣̇угкагкаяааяаа’д̇и, д̇ад̇ра вад̇а мам̣ саман̣о ваа б̣раахман̣о ваа д̣̇зво ваа мааро ваа б̣рахмаа ваа гожи ваа логасмим̣ саха д̇хаммзна бадижод̣̇зссад̇ийд̇и нимид̇д̇амзд̇ам̣, бхигкавз, на саманубассаами, зд̇амахам̣, бхигкавз, нимид̇д̇ам̣ асаманубассанд̇о кзмаббад̇д̇о абхаяаббад̇д̇о взсаараж̇ж̇аббад̇д̇о вихараамий’’д̇и (а. ни. 4.8; ма. ни. 1.150).
‘‘Sammāsambuddhassa te paṭijānato ‘ime dhammā anabhisambuddhā’ti, tatra vata maṃ samaṇo vā brāhmaṇo vā devo vā māro vā brahmā vā koci vā lokasmiṃ saha dhammena paṭicodessatīti nimittametaṃ, bhikkhave, na samanupassāmi, etamahaṃ, bhikkhave, nimittaṃ asamanupassanto khemappatto abhayappatto vesārajjappatto viharāmi. Khīṇāsavassa te paṭijānato ‘ime āsavā aparikkhīṇā’ti, ‘ye kho pana te antarāyikā dhammā vuttā, te paṭisevato nālaṃ antarāyāyā’ti, ‘yassa kho pana te atthāya dhammo desito, so na niyyāti takkarassa sammā dukkhakkhayāyā’ti, tatra vata maṃ samaṇo vā brāhmaṇo vā devo vā māro vā brahmā vā koci vā lokasmiṃ saha dhammena paṭicodessatīti nimittametaṃ, bhikkhave, na samanupassāmi, etamahaṃ, bhikkhave, nimittaṃ asamanupassanto khemappatto abhayappatto vesārajjappatto viharāmī’’ti (a. ni. 4.8; ma. ni. 1.150).
д̣̇асаб̣алаб̣алад̇хаарийд̇и д̣̇аса б̣алаани зд̇зсанд̇и д̣̇асаб̣алаа, д̣̇асаб̣алаанам̣ б̣алаани д̣̇асаб̣алаб̣алаани, д̇аани д̣̇асаб̣алаб̣алаани д̇хаараяад̇ийд̇и д̣̇асаб̣алаб̣алад̇хаарий, д̣̇асаб̣алан̃аан̣аб̣алад̇хаарийд̇и ад̇т̇о. зд̇зхи д̇ийхи важанзхи ананд̇аббабхзд̣̇аанам̣ нзяяаанам̣ бабхзд̣̇амукамад̇д̇ам̣ д̣̇ассид̇ам̣. соязва бан̃н̃аабаяог̇авасзна абхиман̇г̇аласаммад̇адтзна бурисаасабхо. асанд̇аасадтзна бурисасийхо. маханд̇адтзна бурисанааг̇о. баж̇аананадтзна бурисааж̇ан̃н̃о. логагижжад̇хураваханадтзна бурисад̇хораяхо.
Dasabalabaladhārīti dasa balāni etesanti dasabalā, dasabalānaṃ balāni dasabalabalāni, tāni dasabalabalāni dhārayatīti dasabalabaladhārī, dasabalañāṇabaladhārīti attho. Etehi tīhi vacanehi anantappabhedānaṃ neyyānaṃ pabhedamukhamattaṃ dassitaṃ. Soyeva paññāpayogavasena abhimaṅgalasammataṭṭhena purisāsabho. Asantāsaṭṭhena purisasīho. Mahantaṭṭhena purisanāgo. Pajānanaṭṭhena purisājañño. Lokakiccadhuravahanaṭṭhena purisadhorayho.
ат̇а д̇зж̇аад̣̇игам̣ ананд̇ан̃аан̣ад̇о лад̣̇д̇хам̣ г̇ун̣ависзсам̣ д̣̇ассзд̇угаамо д̇зсам̣ д̇зж̇аад̣̇ийнам̣ ананд̇ан̃аан̣амуулагабхаавам̣ д̣̇ассзнд̇о ананд̇ан̃аан̣од̇и вад̇ваа ананд̇ад̇зж̇од̇иаад̣̇имааха. д̇ад̇т̇а ананд̇ан̃аан̣од̇и г̇ан̣анавасзна жа бабхаававасзна жа анд̇авирахид̇ан̃аан̣о. ананд̇ад̇зж̇од̇и взнзяяасанд̇аанз мохад̇амавид̇хаманзна ананд̇ан̃аан̣ад̇зж̇о. ананд̇аяасод̇и бан̃н̃ааг̇ун̣зхзва логад̇д̇аяавид̇т̇ад̇аананд̇агид̇д̇игхосо. ад̣дход̇и бан̃н̃аад̇ханасамид̣̇д̇хияаа самид̣̇д̇хо. махад̣̇д̇ханод̇и бан̃н̃аад̇ханавад̣дхад̇д̇зби бабхаавамахад̇д̇зна маханд̇ам̣ бан̃н̃аад̇ханамассаад̇и махад̣̇д̇хано . махаад̇ханод̇иби баато. д̇ханаваад̇и басам̣сид̇аб̣б̣абан̃н̃аад̇ханавад̇д̇аа нижжаяуд̇д̇абан̃н̃аад̇ханавад̇д̇аа ад̇исаяабхууд̇абан̃н̃аад̇ханавад̇д̇аа д̇ханаваа. зд̇зсуби хи д̇ийсу ад̇т̇зсу ид̣̇ам̣ важанам̣ сад̣̇д̣̇авид̣̇уу ижчанд̇и.
Atha tejādikaṃ anantañāṇato laddhaṃ guṇavisesaṃ dassetukāmo tesaṃ tejādīnaṃ anantañāṇamūlakabhāvaṃ dassento anantañāṇoti vatvā anantatejotiādimāha. Tattha anantañāṇoti gaṇanavasena ca pabhāvavasena ca antavirahitañāṇo. Anantatejoti veneyyasantāne mohatamavidhamanena anantañāṇatejo. Anantayasoti paññāguṇeheva lokattayavitthatānantakittighoso. Aḍḍhoti paññādhanasamiddhiyā samiddho. Mahaddhanoti paññādhanavaḍḍhattepi pabhāvamahattena mahantaṃ paññādhanamassāti mahaddhano . Mahādhanotipi pāṭho. Dhanavāti pasaṃsitabbapaññādhanavattā niccayuttapaññādhanavattā atisayabhūtapaññādhanavattā dhanavā. Etesupi hi tīsu atthesu idaṃ vacanaṃ saddavidū icchanti.
звам̣ бан̃н̃ааг̇ун̣зна бхаг̇авад̇о ад̇д̇асамбад̇д̇исид̣̇д̇хим̣ д̣̇ассзд̇ваа буна бан̃н̃ааг̇ун̣знзва логахид̇асамбад̇д̇исид̣̇д̇хим̣ д̣̇ассзнд̇о нзд̇аад̇иаад̣̇имааха. д̇ад̇т̇а взнзяяз сам̣саарасан̇каад̇абхаяадтаанад̇о ниб̣б̣аанасан̇каад̇акзмадтаанам̣ нзд̇аа. д̇ад̇т̇а наяанагаалз зва сам̣варавинаяабахаанавинаяавасзна взнзяяз винзд̇аа. д̇хаммад̣̇зсанаагаалз зва сам̣саяажчзд̣̇анзна анунзд̇аа. сам̣саяам̣ чинд̣̇ид̇ваа бан̃н̃аабзд̇аб̣б̣ам̣ ад̇т̇ам̣ бан̃н̃аабзд̇аа. д̇ат̇аа бан̃н̃аабид̇аанам̣ нижчаяагаран̣зна ниж̇жхаабзд̇аа. д̇ат̇аа ниж̇жхааяид̇асса ад̇т̇асса бадибад̇д̇ибаяож̇анавасзна бзгкзд̇аа. д̇ат̇аабадибаннз бадибад̇д̇ипалзна басаад̣̇зд̇аа. со хи бхаг̇аваад̇и зд̇т̇а хи-гааро ананд̇арам̣ вуд̇д̇асса ад̇т̇асса гааран̣обад̣̇зсз нибаад̇о. ануббаннасса маг̇г̇асса уббаад̣̇зд̇аад̇и сагасанд̇аанз на уббаннабуб̣б̣асса чаасаад̇хааран̣ан̃аан̣ахзд̇убхууд̇асса арияамаг̇г̇асса б̣од̇химуулз логахид̇ад̇т̇ам̣ сагасанд̇аанз уббаад̣̇зд̇аа. асан̃ж̇аад̇асса маг̇г̇асса сан̃ж̇анзд̇аад̇и взнзяяасанд̇аанз асан̃ж̇аад̇абуб̣б̣асса саавагабаарамин̃аан̣ахзд̇убхууд̇асса арияамаг̇г̇асса д̇хаммажаггаббавад̇д̇анад̇о бабхуд̇и яааваж̇ж̇агаалаа взнзяяасанд̇аанз сан̃ж̇анзд̇аа. саавагавзнзяяаанамби хи санд̇аанз бхаг̇авад̇о вуд̇д̇аважанзнзва арияамаг̇г̇асса сан̃ж̇ананад̇о бхаг̇аваа сан̃ж̇анзд̇аа наама ход̇и. анагкаад̇асса маг̇г̇асса агкаад̇аад̇и адтад̇хаммасаманнааг̇ад̇аанам̣ б̣уд̣̇д̇хабхаавааяа гад̇аабхинийхаараанам̣ б̣од̇хисад̇д̇аанам̣ б̣уд̣̇д̇хабхаавааяа б̣яаагаран̣ам̣ д̣̇ад̇ваа анагкаад̇абуб̣б̣асса баарамид̇аамаг̇г̇асса, ‘‘б̣уд̣̇д̇хо бхависсад̇ий’’д̇и б̣яаагаран̣амад̇д̇знзва ваа б̣од̇химуулз уббаж̇ж̇ид̇аб̣б̣асса арияамаг̇г̇асса агкаад̇аа. аяам̣ наяо бажжзгаб̣од̇хисад̇д̇аб̣яаагаран̣зби лаб̣бхад̇иязва.
Evaṃ paññāguṇena bhagavato attasampattisiddhiṃ dassetvā puna paññāguṇeneva lokahitasampattisiddhiṃ dassento netātiādimāha. Tattha veneyye saṃsārasaṅkhātabhayaṭṭhānato nibbānasaṅkhātakhemaṭṭhānaṃ netā. Tattha nayanakāle eva saṃvaravinayapahānavinayavasena veneyye vinetā. Dhammadesanākāle eva saṃsayacchedanena anunetā. Saṃsayaṃ chinditvā paññāpetabbaṃ atthaṃ paññāpetā. Tathā paññāpitānaṃ nicchayakaraṇena nijjhāpetā. Tathā nijjhāyitassa atthassa paṭipattipayojanavasena pekkhetā. Tathāpaṭipanne paṭipattiphalena pasādetā. So hi bhagavāti ettha hi-kāro anantaraṃ vuttassa atthassa kāraṇopadese nipāto. Anuppannassa maggassa uppādetāti sakasantāne na uppannapubbassa chaasādhāraṇañāṇahetubhūtassa ariyamaggassa bodhimūle lokahitatthaṃ sakasantāne uppādetā. Asañjātassa maggassa sañjanetāti veneyyasantāne asañjātapubbassa sāvakapāramiñāṇahetubhūtassa ariyamaggassa dhammacakkappavattanato pabhuti yāvajjakālā veneyyasantāne sañjanetā. Sāvakaveneyyānampi hi santāne bhagavato vuttavacaneneva ariyamaggassa sañjananato bhagavā sañjanetā nāma hoti. Anakkhātassa maggassa akkhātāti aṭṭhadhammasamannāgatānaṃ buddhabhāvāya katābhinīhārānaṃ bodhisattānaṃ buddhabhāvāya byākaraṇaṃ datvā anakkhātapubbassa pāramitāmaggassa, ‘‘buddho bhavissatī’’ti byākaraṇamatteneva vā bodhimūle uppajjitabbassa ariyamaggassa akkhātā. Ayaṃ nayo paccekabodhisattabyākaraṇepi labbhatiyeva.
маг̇г̇ан̃н̃ууд̇и бажжавзгкан̣аавасзна ад̇д̇анаа уббаад̣̇ид̇аарияамаг̇г̇асса н̃аад̇аа. маг̇г̇авид̣̇ууд̇и взнзяяасанд̇аанз ж̇анзд̇аб̣б̣асса арияамаг̇г̇асса гусало. маг̇г̇аговид̣̇од̇и б̣од̇хисад̇д̇аанам̣ агкаад̇аб̣б̣амаг̇г̇з вижагкан̣о. ат̇а ваа абхисамб̣од̇хибадибад̇д̇имаг̇г̇ан̃н̃уу, бажжзгаб̣од̇хибадибад̇д̇имаг̇г̇авид̣̇уу, саавагаб̣од̇хибадибад̇д̇имаг̇г̇аговид̣̇о. ат̇а ваа ‘‘зд̇зна маг̇г̇зна ад̇ам̣су буб̣б̣з, д̇ариссанд̇иязва д̇аранд̇и огха’’нд̇и (сам̣. ни. 5.409) важанад̇о яат̇ааяог̇ам̣ ад̇ийд̇аанааг̇ад̇абажжуббаннаб̣уд̣̇д̇хабажжзгаб̣уд̣̇д̇хасаавагаанам̣ маг̇г̇авасзна жа сун̃н̃ад̇аанимид̇д̇ааббан̣ихид̇амаг̇г̇авасзна жа уг̇гхадид̇ан̃н̃уувибан̃жид̇ан̃н̃уунзяяабуг̇г̇алаанам̣ маг̇г̇авасзна жа яат̇ааггамзнад̇т̇аяож̇анам̣ гаронд̇и. маг̇г̇аануг̇аамий жа банаад̇и бхаг̇авад̇аа г̇ад̇амаг̇г̇аануг̇аамино худ̇ваа . зд̇т̇а жа-сад̣̇д̣̇о хзд̇уад̇т̇з нибаад̇о. зд̇зна жа бхаг̇авад̇о маг̇г̇уббаад̣̇анаад̣̇иг̇ун̣аад̇хиг̇амааяа хзд̇у вуд̇д̇о ход̇и. бана-сад̣̇д̣̇о гад̇ад̇т̇з нибаад̇о. д̇зна бхаг̇авад̇аа гад̇амаг̇г̇агаран̣ам̣ вуд̇д̇ам̣ ход̇и. бажчаа саманнааг̇ад̇аад̇и батамам̣ г̇ад̇асса бхаг̇авад̇о бажчааг̇ад̇асийлаад̣̇иг̇ун̣зна саманнааг̇ад̇аа. ид̇и т̇зро ‘‘ануббаннасса маг̇г̇асса уббаад̣̇зд̇аа’’д̇иаад̣̇ийхи яасмаа саб̣б̣зби бхаг̇авад̇о сийлаад̣̇аяо г̇ун̣аа арахад̇д̇амаг̇г̇амзва ниссааяа ааг̇ад̇аа, д̇асмаа арахад̇д̇амаг̇г̇амзва ниссааяа г̇ун̣ам̣ гат̇зси.
Maggaññūti paccavekkhaṇāvasena attanā uppāditaariyamaggassa ñātā. Maggavidūti veneyyasantāne janetabbassa ariyamaggassa kusalo. Maggakovidoti bodhisattānaṃ akkhātabbamagge vicakkhaṇo. Atha vā abhisambodhipaṭipattimaggaññū, paccekabodhipaṭipattimaggavidū, sāvakabodhipaṭipattimaggakovido. Atha vā ‘‘etena maggena ataṃsu pubbe, tarissantiyeva taranti ogha’’nti (saṃ. ni. 5.409) vacanato yathāyogaṃ atītānāgatapaccuppannabuddhapaccekabuddhasāvakānaṃ maggavasena ca suññatānimittaappaṇihitamaggavasena ca ugghaṭitaññūvipañcitaññūneyyapuggalānaṃ maggavasena ca yathākkamenatthayojanaṃ karonti. Maggānugāmī ca panāti bhagavatā gatamaggānugāmino hutvā . Ettha ca-saddo hetuatthe nipāto. Etena ca bhagavato magguppādanādiguṇādhigamāya hetu vutto hoti. Pana-saddo katatthe nipāto. Tena bhagavatā katamaggakaraṇaṃ vuttaṃ hoti. Pacchā samannāgatāti paṭhamaṃ gatassa bhagavato pacchāgatasīlādiguṇena samannāgatā. Iti thero ‘‘anuppannassa maggassa uppādetā’’tiādīhi yasmā sabbepi bhagavato sīlādayo guṇā arahattamaggameva nissāya āgatā, tasmā arahattamaggameva nissāya guṇaṃ kathesi.
ж̇аанам̣ ж̇аанаад̇ийд̇и ж̇аанид̇аб̣б̣ам̣ ж̇аанаад̇и, саб̣б̣ан̃н̃уд̇ааяа яам̣гин̃жи бан̃н̃ааяа ж̇аанид̇аб̣б̣ам̣ наама ад̇т̇и, д̇ам̣ саб̣б̣ам̣ бан̃жанзяяабат̇абхууд̇ам̣ бан̃н̃ааяа ж̇аанаад̇ийд̇и ад̇т̇о. бассам̣ бассад̇ийд̇и бассид̇аб̣б̣ам̣ бассад̇и, саб̣б̣ад̣̇ассаавид̇ааяа д̇ам̣язва нзяяабат̇ам̣ жагкунаа д̣̇идтам̣ вияа гаронд̇о бан̃н̃аажагкунаа бассад̇ийд̇и ад̇т̇о. яат̇аа ваа згажжо вибарийд̇ам̣ г̇ан̣ханд̇о ж̇аананд̇оби на ж̇аанаад̇и, бассанд̇оби на бассад̇и, на звам̣ бхаг̇аваа. бхаг̇аваа бана яат̇аасабхаавам̣ г̇ан̣ханд̇о ж̇аананд̇о ж̇аанаад̇иязва, бассанд̇о бассад̇иязва. свааяам̣ д̣̇ассанабарин̣ааяагадтзна жагкубхууд̇о. вид̣̇ид̇ад̇аад̣̇иад̇т̇зна н̃аан̣абхууд̇о. авибарийд̇асабхаавадтзна ваа барияад̇д̇ид̇хаммабавад̇д̇анад̇о хад̣̇аязна жинд̇зд̇ваа ваажааяа нижчаарид̇ад̇хаммамаяод̇и ваа д̇хаммабхууд̇о. сздтадтзна б̣рахмабхууд̇о. ат̇а ваа жагку вияа бхууд̇од̇и жагкубхууд̇о. н̃аан̣ам̣ вияа бхууд̇од̇и н̃аан̣абхууд̇о. д̇хаммо вияа бхууд̇од̇и д̇хаммабхууд̇о. б̣рахмаа вияа бхууд̇од̇и б̣рахмабхууд̇о. свааяам̣ д̇хаммасса важанад̇о, вад̇д̇анад̇о ваа вад̇д̇аа. наанаббагаарзхи важанад̇о, вад̇д̇анад̇о ваа бавад̇д̇аа. ад̇т̇ам̣ нийхарид̇ваа нийхарид̇ваа наяанад̇о ад̇т̇асса ниннзд̇аа. амад̇аад̇хиг̇амааяа бадибад̇д̇ид̣̇зсанад̇о, амад̇аббагаасанааяа ваа д̇хаммад̣̇зсанааяа амад̇асса ад̇хиг̇амаабанад̇о амад̇асса д̣̇аад̇аа. логуд̇д̇арад̇хаммасса уббаад̣̇ид̇ад̇д̇аа взнзяяаануруубзна яат̇аасукам̣ логуд̇д̇арад̇хаммасса д̣̇аанзна жа, д̇хаммзсу жа иссарод̇и д̇хаммассаамий. д̇ат̇ааг̇ад̇абад̣̇ам̣ хздтаа вуд̇д̇ад̇т̇ам̣.
Jānaṃ jānātīti jānitabbaṃ jānāti, sabbaññutāya yaṃkiñci paññāya jānitabbaṃ nāma atthi, taṃ sabbaṃ pañcaneyyapathabhūtaṃ paññāya jānātīti attho. Passaṃ passatīti passitabbaṃ passati, sabbadassāvitāya taṃyeva neyyapathaṃ cakkhunā diṭṭhaṃ viya karonto paññācakkhunā passatīti attho. Yathā vā ekacco viparītaṃ gaṇhanto jānantopi na jānāti, passantopi na passati, na evaṃ bhagavā. Bhagavā pana yathāsabhāvaṃ gaṇhanto jānanto jānātiyeva, passanto passatiyeva. Svāyaṃ dassanapariṇāyakaṭṭhena cakkhubhūto. Viditatādiatthena ñāṇabhūto. Aviparītasabhāvaṭṭhena vā pariyattidhammapavattanato hadayena cintetvā vācāya nicchāritadhammamayoti vā dhammabhūto. Seṭṭhaṭṭhena brahmabhūto. Atha vā cakkhu viya bhūtoti cakkhubhūto. Ñāṇaṃ viya bhūtoti ñāṇabhūto. Dhammo viya bhūtoti dhammabhūto. Brahmā viya bhūtoti brahmabhūto. Svāyaṃ dhammassa vacanato, vattanato vā vattā. Nānappakārehi vacanato, vattanato vā pavattā. Atthaṃ nīharitvā nīharitvā nayanato atthassa ninnetā. Amatādhigamāya paṭipattidesanato, amatappakāsanāya vā dhammadesanāya amatassa adhigamāpanato amatassa dātā. Lokuttaradhammassa uppāditattā veneyyānurūpena yathāsukhaṃ lokuttaradhammassa dānena ca, dhammesu ca issaroti dhammassāmī. Tathāgatapadaṃ heṭṭhā vuttatthaṃ.
ид̣̇аани ‘‘ж̇аанам̣ ж̇аанаад̇ий’’д̇иаад̣̇ийхи вуд̇д̇ам̣ г̇ун̣ам̣ саб̣б̣ан̃н̃уд̇ааяа висзсзд̇ваа д̣̇ассзд̇угаамо саб̣б̣ан̃н̃уд̇ам̣ саад̇хзнд̇о над̇т̇ийд̇иаад̣̇имааха. звам̣бхууд̇асса хи д̇асса бхаг̇авад̇о баарамид̇аабун̃н̃аб̣алаббабхааванибпаннзна арахад̇д̇амаг̇г̇ан̃аан̣зна саб̣б̣ад̇хаммзсу саваасанасса саммохасса вихад̇ад̇д̇аа асажчигад̇ам̣ наама над̇т̇и. асаммохад̇о саб̣б̣ад̇хаммаанам̣ н̃аад̇ад̇д̇аа ан̃н̃аад̇ам̣ наама над̇т̇и. д̇ат̇зва жа саб̣б̣ад̇хаммаанам̣ жагкунаа вияа н̃аан̣ажагкунаа д̣̇идтад̇д̇аа ад̣̇идтам̣ наама над̇т̇и. н̃аан̣зна бана бад̇д̇ад̇д̇аа авид̣̇ид̇ам̣ наама над̇т̇и. асаммохасажчигирияааяа сажчигад̇ад̇д̇аа асажчигад̇ам̣ наама над̇т̇и. асаммохабан̃н̃ааяа пудтад̇д̇аа бан̃н̃ааяа апассид̇ам̣ наама над̇т̇и. бажжуббаннанд̇и бажжуббаннам̣ гаалам̣ ваа д̇хаммам̣ ваа. убаад̣̇ааяаад̇и аад̣̇ааяа, анд̇огад̇ваад̇и ад̇т̇о. ‘‘убаад̣̇ааяаа’’д̇и важанзнзва гаалавинимуд̇д̇ам̣ ниб̣б̣аанамби г̇ахид̇амзва ход̇и. ‘‘ад̇ийд̇аа’’д̣̇иважанаани жа ‘‘над̇т̇ий’’д̇иаад̣̇иважанзнзва гхадийяанд̇и, ‘‘саб̣б̣з’’д̇иаад̣̇иважанзна ваа. саб̣б̣з д̇хаммаад̇и саб̣б̣асан̇кад̇аасан̇кад̇ад̇хаммабарияаад̣̇аанам̣. саб̣б̣аагаарзнаад̇и саб̣б̣ад̇хаммзсу згзгассзва д̇хаммасса анижжаагаараад̣̇исаб̣б̣аагаарабарияаад̣̇аанам̣ . н̃аан̣амукзд̇и н̃аан̣аабхимукз. аабаат̇ам̣ ааг̇ажчанд̇ийд̇и осаран̣ам̣ убзнд̇и. ‘‘ж̇аанид̇аб̣б̣а’’нд̇ибад̣̇ам̣ ‘‘нзяяа’’нд̇ибад̣̇асса ад̇т̇авиваран̣ад̇т̇ам̣ вуд̇д̇ам̣.
Idāni ‘‘jānaṃ jānātī’’tiādīhi vuttaṃ guṇaṃ sabbaññutāya visesetvā dassetukāmo sabbaññutaṃ sādhento natthītiādimāha. Evaṃbhūtassa hi tassa bhagavato pāramitāpuññabalappabhāvanipphannena arahattamaggañāṇena sabbadhammesu savāsanassa sammohassa vihatattā asacchikataṃ nāma natthi. Asammohato sabbadhammānaṃ ñātattā aññātaṃ nāma natthi. Tatheva ca sabbadhammānaṃ cakkhunā viya ñāṇacakkhunā diṭṭhattā adiṭṭhaṃ nāma natthi. Ñāṇena pana pattattā aviditaṃ nāma natthi. Asammohasacchikiriyāya sacchikatattā asacchikataṃ nāma natthi. Asammohapaññāya phuṭṭhattā paññāya aphassitaṃ nāma natthi. Paccuppannanti paccuppannaṃ kālaṃ vā dhammaṃ vā. Upādāyāti ādāya, antokatvāti attho. ‘‘Upādāyā’’ti vacaneneva kālavinimuttaṃ nibbānampi gahitameva hoti. ‘‘Atītā’’divacanāni ca ‘‘natthī’’tiādivacaneneva ghaṭīyanti, ‘‘sabbe’’tiādivacanena vā. Sabbe dhammāti sabbasaṅkhatāsaṅkhatadhammapariyādānaṃ. Sabbākārenāti sabbadhammesu ekekasseva dhammassa aniccākārādisabbākārapariyādānaṃ . Ñāṇamukheti ñāṇābhimukhe. Āpāthaṃ āgacchantīti osaraṇaṃ upenti. ‘‘Jānitabba’’ntipadaṃ ‘‘neyya’’ntipadassa atthavivaraṇatthaṃ vuttaṃ.
ад̇д̇ад̇т̇о ваад̇иаад̣̇ийсу ваа-сад̣̇д̣̇о самужжаяад̇т̇о. ад̇д̇ад̇т̇од̇и ад̇д̇ано ад̇т̇о. барад̇т̇од̇и барзсам̣ д̇ин̣н̣ам̣ логаанам̣ ад̇т̇о. убхаяад̇т̇од̇и ад̇д̇ано жа барзсан̃жаад̇и сагим̣язва убхиннам̣ ад̇т̇о. д̣̇идтад̇хаммигод̇и д̣̇идтад̇хаммз нияуд̇д̇о, д̣̇идтад̇хаммаббаяож̇ано ваа ад̇т̇о. самбарааяз нияуд̇д̇о, самбарааяаббаяож̇ано ваа самбарааяиго. уд̇д̇аанод̇иаад̣̇ийсу вохааравасзна вад̇д̇аб̣б̣о сукабад̇идтад̇д̇аа уд̇д̇аано. вохаарам̣ ад̇иггамид̇ваа вад̇д̇аб̣б̣о сун̃н̃ад̇аабадисам̣яуд̇д̇о д̣̇угкабад̇идтад̇д̇аа г̇амбхийро. логуд̇д̇аро ажжанд̇ад̇ирогкад̇д̇аа г̇уул̣хо. анижжад̇аад̣̇иго гханаад̣̇ийхи бадижчаннад̇д̇аа бадижчанно. аббажуравохаарзна вад̇д̇аб̣б̣о яат̇ааруд̇ам̣ аг̇г̇ахзд̇ваа ад̇хиббааяасса нзд̇аб̣б̣ад̇д̇аа нзяяо. бажуравохаарзна вад̇д̇аб̣б̣о важанамад̇д̇зна ад̇хиббааяасса нийд̇ад̇д̇аа нийд̇о. субарисуд̣̇д̇хасийласамаад̇хивибассанад̇т̇о д̇ад̣̇ан̇г̇авигкамбханавасзна важ̇ж̇авирахид̇ад̇д̇аа анаваж̇ж̇о. гилзсасамужчзд̣̇анад̇о арияамаг̇г̇ад̇т̇о ниггилзсо. гилзсабадиббассад̣̇д̇хад̇д̇аа арияапалад̇т̇о вод̣̇аано. сан̇кад̇аасан̇кад̇зсу аг̇г̇ад̇хаммад̇д̇аа ниб̣б̣аанам̣ барамад̇т̇о. баривад̇д̇ад̇ийд̇и б̣уд̣̇д̇хан̃аан̣асса висаяабхаавад̇о аб̣ахибхууд̇ад̇д̇аа анд̇об̣уд̣̇д̇хан̃аан̣з б̣яаабид̇ваа ваа саманд̇аа ваа аалин̇г̇ид̇ваа ваа висзсзна ваа вад̇д̇ад̇и.
Attattho vātiādīsu vā-saddo samuccayattho. Attatthoti attano attho. Paratthoti paresaṃ tiṇṇaṃ lokānaṃ attho. Ubhayatthoti attano ca paresañcāti sakiṃyeva ubhinnaṃ attho. Diṭṭhadhammikoti diṭṭhadhamme niyutto, diṭṭhadhammappayojano vā attho. Samparāye niyutto, samparāyappayojano vā samparāyiko. Uttānotiādīsu vohāravasena vattabbo sukhapatiṭṭhattā uttāno. Vohāraṃ atikkamitvā vattabbo suññatāpaṭisaṃyutto dukkhapatiṭṭhattā gambhīro. Lokuttaro accantatirokkhattā gūḷho. Aniccatādiko ghanādīhi paṭicchannattā paṭicchanno. Appacuravohārena vattabbo yathārutaṃ aggahetvā adhippāyassa netabbattā neyyo. Pacuravohārena vattabbo vacanamattena adhippāyassa nītattā nīto. Suparisuddhasīlasamādhivipassanattho tadaṅgavikkhambhanavasena vajjavirahitattā anavajjo. Kilesasamucchedanato ariyamaggattho nikkileso. Kilesapaṭippassaddhattā ariyaphalattho vodāno. Saṅkhatāsaṅkhatesu aggadhammattā nibbānaṃ paramattho. Parivattatīti buddhañāṇassa visayabhāvato abahibhūtattā antobuddhañāṇe byāpitvā vā samantā vā āliṅgitvā vā visesena vā vattati.
саб̣б̣ам̣ гааяагамманд̇иаад̣̇ийхи бхаг̇авад̇о н̃аан̣амаяад̇ам̣ д̣̇ассзд̇и. н̃аан̣аанубаривад̇д̇ад̇ийд̇и н̃аан̣ам̣ анубаривад̇д̇ад̇и, н̃аан̣авирахид̇ам̣ на ход̇ийд̇и ад̇т̇о. аббадихад̇анд̇и нирааваран̣ад̇ам̣ д̣̇ассзд̇и. буна саб̣б̣ан̃н̃уд̇ам̣ убамааяа саад̇хзд̇угаамо яаавад̇аганд̇иаад̣̇имааха. д̇ад̇т̇а ж̇аанид̇аб̣б̣анд̇и нзяяам̣, нзяяабарияанд̇о нзяяаавасаанамасса ад̇т̇ийд̇и нзяяабарияанд̇игам̣. асаб̣б̣ан̃н̃уунам̣ бана нзяяаавасаанамзва над̇т̇и. н̃аан̣абарияанд̇игзби зсзва наяо. буримаяамагз вуд̇д̇ад̇т̇амзва иминаа яамагзна висзсзд̇ваа д̣̇ассзд̇и, д̇ад̇ияаяамагзна бадисзд̇хавасзна нияамид̇ваа д̣̇ассзд̇и . зд̇т̇а жа нзяяам̣ н̃аан̣асса бат̇ад̇д̇аа нзяяабат̇о. ан̃н̃аман̃н̃абарияанд̇адтааяинод̇и нзяяан̃жа н̃аан̣ан̃жа кзбзд̇ваа таанад̇о ан̃н̃аман̃н̃асса барияанд̇з таанасийлаа. ааваж̇ж̇анаббадиб̣ад̣̇д̇хаад̇и манод̣̇ваарааваж̇ж̇анааяад̇д̇аа, ааваж̇ж̇ид̇аананд̇арамзва ж̇аанаад̇ийд̇и ад̇т̇о. ааган̇каббадиб̣ад̣̇д̇хаад̇и ружиааяад̇д̇аа, ааваж̇ж̇анаананд̇арам̣ ж̇аванан̃аан̣зна ж̇аанаад̇ийд̇и ад̇т̇о. ид̇араани д̣̇вз бад̣̇аани имзсам̣ д̣̇виннам̣ бад̣̇аанам̣ яат̇ааггамзна ад̇т̇аббагаасанад̇т̇ам̣ вуд̇д̇аани. б̣уд̣̇д̇хо аасаяам̣ ж̇аанаад̇ийд̇иаад̣̇ийни н̃аан̣агат̇ааяам̣ ван̣н̣ид̇аани. махаанид̣̇д̣̇зсз бана ‘‘бхаг̇аваа аасаяам̣ ж̇аанаад̇ий’’д̇и (махаани. 69) ааг̇ад̇ам̣. д̇ад̇т̇а ‘‘б̣уд̣̇д̇хасса бхаг̇авад̇о’’д̇и (махаани. 69) ааг̇ад̇адтаанз жа ид̇ха гад̇т̇ажи ‘‘б̣уд̣̇д̇хассаа’’д̇и ааг̇ад̇ам̣.
Sabbaṃ kāyakammantiādīhi bhagavato ñāṇamayataṃ dasseti. Ñāṇānuparivattatīti ñāṇaṃ anuparivattati, ñāṇavirahitaṃ na hotīti attho. Appaṭihatanti nirāvaraṇataṃ dasseti. Puna sabbaññutaṃ upamāya sādhetukāmo yāvatakantiādimāha. Tattha jānitabbanti neyyaṃ, neyyapariyanto neyyāvasānamassa atthīti neyyapariyantikaṃ. Asabbaññūnaṃ pana neyyāvasānameva natthi. Ñāṇapariyantikepi eseva nayo. Purimayamake vuttatthameva iminā yamakena visesetvā dasseti, tatiyayamakena paṭisedhavasena niyamitvā dasseti . Ettha ca neyyaṃ ñāṇassa pathattā neyyapatho. Aññamaññapariyantaṭṭhāyinoti neyyañca ñāṇañca khepetvā ṭhānato aññamaññassa pariyante ṭhānasīlā. Āvajjanappaṭibaddhāti manodvārāvajjanāyattā, āvajjitānantarameva jānātīti attho. Ākaṅkhappaṭibaddhāti ruciāyattā, āvajjanānantaraṃ javanañāṇena jānātīti attho. Itarāni dve padāni imesaṃ dvinnaṃ padānaṃ yathākkamena atthappakāsanatthaṃ vuttāni. Buddho āsayaṃ jānātītiādīni ñāṇakathāyaṃ vaṇṇitāni. Mahāniddese pana ‘‘bhagavā āsayaṃ jānātī’’ti (mahāni. 69) āgataṃ. Tattha ‘‘buddhassa bhagavato’’ti (mahāni. 69) āgataṭṭhāne ca idha katthaci ‘‘buddhassā’’ti āgataṃ.
анд̇амасод̇и убариманд̇зна. д̇имид̇имин̇г̇аланд̇и зд̇т̇а д̇ими наама згаа мажчаж̇аад̇и, д̇имим̣ г̇илид̇ум̣ самад̇т̇аа д̇ад̇о маханд̇асарийраа д̇имин̇г̇алаа наама згаа мажчаж̇аад̇и, д̇имин̇г̇аламби г̇илид̇ум̣ самад̇т̇аа бан̃жаяож̇анасад̇игасарийраа д̇имид̇имин̇г̇алаа наама згаа мажчаж̇аад̇и. ид̇ха ж̇аад̇иг̇г̇ахан̣зна згаважанам̣ гад̇анд̇и взд̣̇ид̇аб̣б̣ам̣. г̇арул̣ам̣ взнад̇зяяанд̇и зд̇т̇а г̇арул̣од̇и ж̇аад̇ивасзна наамам̣, взнад̇зяяод̇и г̇од̇д̇авасзна. бад̣̇зсзд̇и згад̣̇зсз. саарибуд̇д̇асамаад̇и саб̣б̣аб̣уд̣̇д̇хаанам̣ д̇хаммасзнаабад̇ид̇т̇зрз г̇ахзд̇ваа вуд̇д̇анд̇и взд̣̇ид̇аб̣б̣ам̣. сзсасаавагаа хи бан̃н̃ааяа д̇хаммасзнаабад̇ид̇т̇зрзна самаа наама над̇т̇и. яат̇ааха – ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ махаабан̃н̃аанам̣ яад̣̇ид̣̇ам̣ саарибуд̇д̇о’’д̇и (а. ни. 1.188-189). адтагат̇ааяан̃жа вуд̇д̇ам̣ –
Antamasoti uparimantena. Timitimiṅgalanti ettha timi nāma ekā macchajāti, timiṃ gilituṃ samatthā tato mahantasarīrā timiṅgalā nāma ekā macchajāti, timiṅgalampi gilituṃ samatthā pañcayojanasatikasarīrā timitimiṅgalā nāma ekā macchajāti. Idha jātiggahaṇena ekavacanaṃ katanti veditabbaṃ. Garuḷaṃ venateyyanti ettha garuḷoti jātivasena nāmaṃ, venateyyoti gottavasena. Padeseti ekadese. Sāriputtasamāti sabbabuddhānaṃ dhammasenāpatitthere gahetvā vuttanti veditabbaṃ. Sesasāvakā hi paññāya dhammasenāpatittherena samā nāma natthi. Yathāha – ‘‘etadaggaṃ, bhikkhave, mama sāvakānaṃ bhikkhūnaṃ mahāpaññānaṃ yadidaṃ sāriputto’’ti (a. ni. 1.188-189). Aṭṭhakathāyañca vuttaṃ –
‘‘логанаат̇ам̣ табзд̇ваана, яз жан̃н̃з санд̇и баан̣ино;
‘‘Lokanāthaṃ ṭhapetvāna, ye caññe santi pāṇino;
бан̃н̃ааяа саарибуд̇д̇асса, галам̣ нааг̇гханд̇и сол̣аси’’нд̇и. (висуд̣̇д̇хи. 1.171);
Paññāya sāriputtassa, kalaṃ nāgghanti soḷasi’’nti. (visuddhi. 1.171);
парид̇ваад̇и б̣уд̣̇д̇хан̃аан̣ам̣ саб̣б̣ад̣̇звамануссаанамби бан̃н̃ам̣ баабун̣ид̇ваа таанад̇о д̇зсам̣ бан̃н̃ам̣ парид̇ваа б̣яаабид̇ваа д̇идтад̇и. ад̇игхам̣сид̇ваад̇и б̣уд̣̇д̇хан̃аан̣ам̣ саб̣б̣ад̣̇звамануссаанамби бан̃н̃ам̣ ад̇иггамид̇ваа д̇зсам̣ ависаяабхууд̇амби саб̣б̣ам̣ нзяяам̣ гхам̣сид̇ваа бхан̃ж̇ид̇ваа д̇идтад̇и. махаанид̣̇д̣̇зсз бана (махаани. 69) ‘‘абхибхавид̇ваа’’д̇и баато, мад̣̇д̣̇ид̇ваад̇иби ад̇т̇о. язби д̇зд̇иаад̣̇ийхи звам̣ парид̇ваа ад̇игхам̣сид̇ваа таанасса бажжагкагааран̣ам̣ д̣̇ассзд̇и. д̇ад̇т̇а бан̣д̣ид̇аад̇и бан̣д̣ижжзна саманнааг̇ад̇аа. нибун̣аад̇и сан̣хасукумаб̣уд̣̇д̇хино сукумз ад̇т̇анд̇арз бадивиж̇жханасамад̇т̇аа. гад̇абараббаваад̣̇аад̇и н̃аад̇абараббаваад̣̇аа жзва барзхи сад̣̇д̇хим̣ гад̇аваад̣̇абарижаяаа жа. ваалавзд̇хируубаад̇и ваалавзд̇хид̇хануг̇г̇ахасад̣̇исаа. вобхинд̣̇анд̇аа ман̃н̃з жаранд̇и бан̃н̃ааг̇ад̇зна д̣̇идтиг̇ад̇аанийд̇и ваалавзд̇хий вияа ваалам̣ сукумааниби барзсам̣ д̣̇идтиг̇аманаани ад̇д̇ано бан̃н̃ааг̇аманзна бхинд̣̇анд̇аа вияа жаранд̇ийд̇и ад̇т̇о. ат̇а ваа ‘‘г̇уут̇аг̇ад̇ам̣ муд̇д̇аг̇ад̇а’’нд̇иаад̣̇ийсу (а. ни. 9.11) вияа бан̃н̃аа зва бан̃н̃ааг̇ад̇аани, д̣̇идтияо зва д̣̇идтиг̇ад̇аани.
Pharitvāti buddhañāṇaṃ sabbadevamanussānampi paññaṃ pāpuṇitvā ṭhānato tesaṃ paññaṃ pharitvā byāpitvā tiṭṭhati. Atighaṃsitvāti buddhañāṇaṃ sabbadevamanussānampi paññaṃ atikkamitvā tesaṃ avisayabhūtampi sabbaṃ neyyaṃ ghaṃsitvā bhañjitvā tiṭṭhati. Mahāniddese pana (mahāni. 69) ‘‘abhibhavitvā’’ti pāṭho, madditvātipi attho. Yepi tetiādīhi evaṃ pharitvā atighaṃsitvā ṭhānassa paccakkhakāraṇaṃ dasseti. Tattha paṇḍitāti paṇḍiccena samannāgatā. Nipuṇāti saṇhasukhumabuddhino sukhume atthantare paṭivijjhanasamatthā. Kataparappavādāti ñātaparappavādā ceva parehi saddhiṃ katavādaparicayā ca. Vālavedhirūpāti vālavedhidhanuggahasadisā. Vobhindantā maññe caranti paññāgatena diṭṭhigatānīti vālavedhī viya vālaṃ sukhumānipi paresaṃ diṭṭhigamanāni attano paññāgamanena bhindantā viya carantīti attho. Atha vā ‘‘gūthagataṃ muttagata’’ntiādīsu (a. ni. 9.11) viya paññā eva paññāgatāni, diṭṭhiyo eva diṭṭhigatāni.
бан̃хам̣ абхисан̇карид̇ваад̇и д̣̇вибад̣̇амби д̇ибад̣̇амби жад̇уббад̣̇амби бужчам̣ ражаяид̇ваа. д̇зсам̣ бан̃хаанам̣ ад̇иб̣ахугад̇д̇аа саб̣б̣асан̇г̇ахад̇т̇ам̣ д̣̇вигкад̇д̇ум̣ вуд̇д̇ам̣. г̇уул̣хаани жа бадижчаннаани ад̇т̇аж̇аад̇аанийд̇и баатасзсо. д̇зсам̣ д̇ат̇аа винаяам̣ д̣̇исваа ‘‘ад̇д̇анаа абхисан̇кад̇абан̃хам̣ бужчад̇уу’’д̇и звам̣ бхаг̇авад̇аа ад̇хиббзд̇ад̇д̇аа бан̃хам̣ бужчанд̇и. ан̃н̃зсам̣ бана бужчааяа огаасамзва ад̣̇ад̇ваа бхаг̇аваа убасан̇гаманд̇аанам̣ д̇хаммам̣ д̣̇зсзд̇и. яат̇ааха –
Pañhaṃ abhisaṅkharitvāti dvipadampi tipadampi catuppadampi pucchaṃ racayitvā. Tesaṃ pañhānaṃ atibahukattā sabbasaṅgahatthaṃ dvikkhattuṃ vuttaṃ. Gūḷhāni ca paṭicchannāni atthajātānīti pāṭhaseso. Tesaṃ tathā vinayaṃ disvā ‘‘attanā abhisaṅkhatapañhaṃ pucchatū’’ti evaṃ bhagavatā adhippetattā pañhaṃ pucchanti. Aññesaṃ pana pucchāya okāsameva adatvā bhagavā upasaṅkamantānaṃ dhammaṃ deseti. Yathāha –
‘‘д̇з бан̃хам̣ абхисан̇каронд̇и ‘имам̣ маяам̣ бан̃хам̣ саман̣ам̣ г̇од̇амам̣ убасан̇гамид̇ваа бужчиссаама, сажз но саман̣о г̇од̇амо звам̣ будто звам̣ б̣яаагариссад̇и, звамасса маяам̣ ваад̣̇ам̣ ааробзссаама. звам̣ жзби но будто звам̣ б̣яаагариссад̇и, звам̣бисса маяам̣ ваад̣̇ам̣ ааробзссаамаа’д̇и. д̇з язна саман̣о г̇од̇амо, д̇знубасан̇гаманд̇и, д̇з саман̣о г̇од̇амо д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и. д̇з саман̣зна г̇од̇амзна д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа на жзва саман̣ам̣ г̇од̇амам̣ бан̃хам̣ бужчанд̇и, гуд̇осса ваад̣̇ам̣ ааробзссанд̇и? ан̃н̃ад̣̇ад̇т̇у саман̣ассзва г̇од̇амасса саавагаа самбаж̇ж̇анд̇ий’’д̇и (ма. ни. 1.289).
‘‘Te pañhaṃ abhisaṅkharonti ‘imaṃ mayaṃ pañhaṃ samaṇaṃ gotamaṃ upasaṅkamitvā pucchissāma, sace no samaṇo gotamo evaṃ puṭṭho evaṃ byākarissati, evamassa mayaṃ vādaṃ āropessāma. Evaṃ cepi no puṭṭho evaṃ byākarissati, evaṃpissa mayaṃ vādaṃ āropessāmā’ti. Te yena samaṇo gotamo, tenupasaṅkamanti, te samaṇo gotamo dhammiyā kathāya sandasseti samādapeti samuttejeti sampahaṃseti. Te samaṇena gotamena dhammiyā kathāya sandassitā samādapitā samuttejitā sampahaṃsitā na ceva samaṇaṃ gotamaṃ pañhaṃ pucchanti, kutossa vādaṃ āropessanti? Aññadatthu samaṇasseva gotamassa sāvakā sampajjantī’’ti (ma. ni. 1.289).
гасмаа бан̃хам̣ на бужчанд̇ийд̇и жз? бхаг̇аваа гира барисамаж̇жхз д̇хаммам̣ д̣̇зсзнд̇о барисааяа аж̇жхаасаяам̣ ологзд̇и. д̇ад̇о бассад̇и ‘‘имз бан̣д̣ид̇аа г̇уул̣хам̣ рахассам̣ бан̃хам̣ оваддигасаарам̣ гад̇ваа ааг̇ад̇аа’’д̇и. со д̇зхи абудтоязва ‘‘бан̃хабужчааяа зд̇д̇агаа д̣̇осаа, виссаж̇ж̇анз зд̇д̇агаа, ад̇т̇з бад̣̇з агкарз зд̇д̇агаад̇и имз бан̃хз бужчанд̇о звам̣ бужчзяяа, виссаж̇ж̇знд̇о звам̣ виссаж̇ж̇зяяаа’’д̇и ид̇и оваддигасаарам̣ гад̇ваа аанийд̇з бан̃хз д̇хаммагат̇ааяа анд̇арз багкибид̇ваа вид̣̇ам̣сзд̇и. д̇з бан̣д̣ид̇аа ‘‘сзяяаа вад̇а но, яз маяам̣ имз бан̃хз на бужчимха. сажзби маяам̣ бужчзяяаама, аббад̇идтид̇з но гад̇ваа саман̣о г̇од̇амо кибзяяаа’’д̇и ад̇д̇аманаа бхаванд̇и. абижа б̣уд̣̇д̇хаа наама д̇хаммам̣ д̣̇зсзнд̇аа барисам̣ мзд̇д̇ааяа паранд̇и. мзд̇д̇ааяа жа паран̣зна д̣̇асаб̣алзсу махааж̇анасса жид̇д̇ам̣ басийд̣̇ад̇и. б̣уд̣̇д̇хаа наама руубаг̇г̇аббад̇д̇аа хонд̇и д̣̇ассанасамбаннаа мад̇хурассараа муд̣̇уж̇ивхаа супусид̇ад̣̇анд̇ааваран̣аа амад̇зна хад̣̇аяам̣ син̃жанд̇аа вияа д̇хаммам̣ гат̇знд̇и. д̇ад̇ра нзсам̣ мзд̇д̇аапаран̣зна басаннажид̇д̇аанам̣ звам̣ ход̇и – зваруубам̣ ад̣̇взж̇жхагат̇ам̣ амогхагат̇ам̣ нияяаанигагат̇ам̣ гат̇знд̇зна бхаг̇авад̇аа сад̣̇д̇хим̣ на сагкиссаама бажжанийгаг̇г̇аахам̣ г̇ан̣хид̇унд̇и ад̇д̇ано басаннабхаавзнзва бан̃хам̣ на бужчанд̇ийд̇и.
Kasmā pañhaṃ na pucchantīti ce? Bhagavā kira parisamajjhe dhammaṃ desento parisāya ajjhāsayaṃ oloketi. Tato passati ‘‘ime paṇḍitā gūḷhaṃ rahassaṃ pañhaṃ ovaṭṭikasāraṃ katvā āgatā’’ti. So tehi apuṭṭhoyeva ‘‘pañhapucchāya ettakā dosā, vissajjane ettakā, atthe pade akkhare ettakāti ime pañhe pucchanto evaṃ puccheyya, vissajjento evaṃ vissajjeyyā’’ti iti ovaṭṭikasāraṃ katvā ānīte pañhe dhammakathāya antare pakkhipitvā vidaṃseti. Te paṇḍitā ‘‘seyyā vata no, ye mayaṃ ime pañhe na pucchimha. Sacepi mayaṃ puccheyyāma, appatiṭṭhite no katvā samaṇo gotamo khipeyyā’’ti attamanā bhavanti. Apica buddhā nāma dhammaṃ desentā parisaṃ mettāya pharanti. Mettāya ca pharaṇena dasabalesu mahājanassa cittaṃ pasīdati. Buddhā nāma rūpaggappattā honti dassanasampannā madhurassarā mudujivhā suphusitadantāvaraṇā amatena hadayaṃ siñcantā viya dhammaṃ kathenti. Tatra nesaṃ mettāpharaṇena pasannacittānaṃ evaṃ hoti – evarūpaṃ advejjhakathaṃ amoghakathaṃ niyyānikakathaṃ kathentena bhagavatā saddhiṃ na sakkhissāma paccanīkaggāhaṃ gaṇhitunti attano pasannabhāveneva pañhaṃ na pucchantīti.
гат̇ид̇аа висаж̇ж̇ид̇аа жаад̇и звам̣ д̇умхз бужчат̇аад̇и бужчид̇абан̃хаанам̣ ужжааран̣зна д̇з бан̃хаа бхаг̇авад̇аа гат̇ид̇аа зва хонд̇и. яат̇аа жа д̇з висаж̇ж̇зд̇аб̣б̣аа, д̇ат̇аа висаж̇ж̇ид̇аа зва хонд̇и. нид̣̇д̣̇идтагааран̣аад̇и иминаа гааран̣зна иминаа хзд̇унаа звам̣ ход̇ийд̇и звам̣ сахзд̇угам̣ гад̇ваа висаж̇ж̇анзна бхаг̇авад̇аа нид̣̇д̣̇идтагааран̣аа зва хонд̇и д̇з бан̃хаа. убагкид̇д̇агаа жа д̇з бхаг̇авад̇о самбаж̇ж̇анд̇ийд̇и д̇з кад̇д̇ияабан̣д̣ид̇аад̣̇аяо бхаг̇авад̇о бан̃хависаж̇ж̇анзнзва бхаг̇авад̇о самийбз кид̇д̇агаа баад̣̇акид̇д̇агаа самбаж̇ж̇анд̇и, саавагаа ваа самбаж̇ж̇анд̇и убаасагаа ваад̇и ад̇т̇о, саавагасамбад̇д̇им̣ ваа баабун̣анд̇и убаасагасамбад̇д̇им̣ ваад̇и вуд̇д̇ам̣ ход̇и. ат̇аад̇и ананд̇арад̇т̇з, д̇зсам̣ убагкид̇д̇агасамбад̇д̇исамананд̇арамзваад̇и ад̇т̇о . д̇ад̇т̇аад̇и д̇асмим̣ таанз, д̇асмим̣ ад̇хигаарз ваа. ад̇ирожад̇ийд̇и ад̇ивияа ж̇од̇зд̇и багаасад̇и. яад̣̇ид̣̇ам̣ бан̃н̃ааяаад̇и яааяам̣ бхаг̇авад̇о бан̃н̃аа, д̇ааяа бан̃н̃ааяа бхаг̇аваава ад̇ирожад̇ийд̇и ад̇т̇о. ид̇исад̣̇д̣̇о гааран̣ад̇т̇з, иминаа гааран̣зна аг̇г̇о асааманд̇абан̃н̃од̇и ад̇т̇о.
Kathitā visajjitā cāti evaṃ tumhe pucchathāti pucchitapañhānaṃ uccāraṇena te pañhā bhagavatā kathitā eva honti. Yathā ca te visajjetabbā, tathā visajjitā eva honti. Niddiṭṭhakāraṇāti iminā kāraṇena iminā hetunā evaṃ hotīti evaṃ sahetukaṃ katvā visajjanena bhagavatā niddiṭṭhakāraṇā eva honti te pañhā. Upakkhittakā ca te bhagavato sampajjantīti te khattiyapaṇḍitādayo bhagavato pañhavisajjaneneva bhagavato samīpe khittakā pādakhittakā sampajjanti, sāvakā vā sampajjanti upāsakā vāti attho, sāvakasampattiṃ vā pāpuṇanti upāsakasampattiṃ vāti vuttaṃ hoti. Athāti anantaratthe, tesaṃ upakkhittakasampattisamanantaramevāti attho . Tatthāti tasmiṃ ṭhāne, tasmiṃ adhikāre vā. Atirocatīti ativiya joteti pakāsati. Yadidaṃ paññāyāti yāyaṃ bhagavato paññā, tāya paññāya bhagavāva atirocatīti attho. Itisaddo kāraṇatthe, iminā kāraṇena aggo asāmantapaññoti attho.
6. рааг̇ам̣ абхибхуяяад̇ийд̇и бхуурибан̃н̃аад̇и саа саа маг̇г̇абан̃н̃аа ад̇д̇анаа важ̇жхам̣ рааг̇ам̣ абхибхуяяад̇и абхибхавад̇и мад̣̇д̣̇ад̇ийд̇и бхуурибан̃н̃аа. бхуурийд̇и хи пудадто висад̣̇ад̇т̇о . яаа жа пудаа, саа бадибагкам̣ абхибхавад̇и на апудаа, д̇асмаа бхуурибан̃н̃ааяа абхибхаванад̇т̇о вуд̇д̇о. абхибхавид̇аад̇и саа саа палабан̃н̃аа д̇ам̣ д̇ам̣ рааг̇ам̣ абхибхавид̇авад̇ий мад̣̇д̣̇ид̇авад̇ийд̇и бхуурибан̃н̃аа. абхибхавад̇аад̇и ваа баато. сзсзсуби зсзва наяо. рааг̇аад̣̇ийсу бана раж̇ж̇аналагкан̣о рааг̇о. д̣̇уссаналагкан̣о д̣̇осо. муяханалагкан̣о мохо. гуж̇жханалагкан̣о год̇хо. убананд̇ханалагкан̣о убанаахо. буб̣б̣агаалам̣ год̇хо, абарагаалам̣ убанаахо. бараг̇ун̣амагканалагкан̣о магко. яуг̇аг̇г̇аахалагкан̣о бал̣аасо. барасамбад̇д̇икийяаналагкан̣аа иссаа. ад̇д̇ано самбад̇д̇иниг̇уухан̣алагкан̣ам̣ мажчарияам̣. ад̇д̇анаа гад̇абаабабадижчаад̣̇аналагкан̣аа мааяаа. ад̇д̇ано авиж̇ж̇амаанаг̇ун̣аббагаасаналагкан̣ам̣ саатзяяам̣. жид̇д̇асса уд̣̇д̇хумаад̇абхаавалагкан̣о т̇амбхо. гаран̣уд̇д̇арияалагкан̣о саарамбхо. уннад̇илагкан̣о маано. аб̣бхуннад̇илагкан̣о ад̇имаано. мад̇д̇абхаавалагкан̣о мад̣̇о. бан̃жасу гаамаг̇ун̣зсу жид̇д̇авосаг̇г̇алагкан̣о бамаад̣̇о.
6.Rāgaṃ abhibhuyyatīti bhūripaññāti sā sā maggapaññā attanā vajjhaṃ rāgaṃ abhibhuyyati abhibhavati maddatīti bhūripaññā. Bhūrīti hi phuṭaṭṭho visadattho . Yā ca phuṭā, sā paṭipakkhaṃ abhibhavati na aphuṭā, tasmā bhūripaññāya abhibhavanattho vutto. Abhibhavitāti sā sā phalapaññā taṃ taṃ rāgaṃ abhibhavitavatī madditavatīti bhūripaññā. Abhibhavatāti vā pāṭho. Sesesupi eseva nayo. Rāgādīsu pana rajjanalakkhaṇo rāgo. Dussanalakkhaṇo doso. Muyhanalakkhaṇo moho. Kujjhanalakkhaṇo kodho. Upanandhanalakkhaṇo upanāho. Pubbakālaṃ kodho, aparakālaṃ upanāho. Paraguṇamakkhanalakkhaṇo makkho. Yugaggāhalakkhaṇo paḷāso. Parasampattikhīyanalakkhaṇā issā. Attano sampattinigūhaṇalakkhaṇaṃ macchariyaṃ. Attanā katapāpapaṭicchādanalakkhaṇā māyā. Attano avijjamānaguṇappakāsanalakkhaṇaṃ sāṭheyyaṃ. Cittassa uddhumātabhāvalakkhaṇo thambho. Karaṇuttariyalakkhaṇo sārambho. Unnatilakkhaṇo māno. Abbhunnatilakkhaṇo atimāno. Mattabhāvalakkhaṇo mado. Pañcasu kāmaguṇesu cittavosaggalakkhaṇo pamādo.
рааг̇о ари, д̇ам̣ арим̣ мад̣̇д̣̇анибан̃н̃аад̇иаад̣̇ийхи гим̣ вуд̇д̇ам̣ ход̇и? рааг̇аад̣̇иго гилзсо жид̇д̇асанд̇аанз бхууд̇о арийд̇и бхуу-ари, бад̣̇асанд̇хивасзна а-гаара лобам̣ гад̇ваа бхуурийд̇и вуд̇д̇о. д̇асса бхуурисса мад̣̇д̣̇аний бан̃н̃аа бхууримад̣̇д̣̇анибан̃н̃аад̇и вад̇д̇аб̣б̣з мад̣̇д̣̇ани сад̣̇д̣̇а лобам̣ гад̇ваа ‘‘бхуурибан̃н̃аа’’д̇и вуд̇д̇анд̇и взд̣̇ид̇аб̣б̣ам̣. д̇ам̣ арим̣ мад̣̇д̣̇анийд̇и жа д̇зсам̣ арийнам̣ мад̣̇д̣̇анийд̇и бад̣̇ажчзд̣̇о гаад̇аб̣б̣о. бат̇авийсамааяаад̇и вид̇т̇ад̇авибуладтзнзва бат̇авийсамааяа. вид̇т̇ад̇ааяаад̇и баж̇аанид̇аб̣б̣з висаяз бад̇т̇адааяа, на згад̣̇зсз вад̇д̇амаанааяа. вибулааяаад̇и ол̣ааригабхууд̇ааяа. махаанид̣̇д̣̇зсз бана ‘‘вибулааяа вид̇т̇ад̇ааяаа’’д̇и (махаани. 27) ааг̇ад̇ам̣. саманнааг̇ад̇од̇и буг̇г̇ало. ид̇исад̣̇д̣̇о гааран̣ад̇т̇з, иминаа гааран̣зна буг̇г̇аласса бхуурибан̃н̃ааяа саманнааг̇ад̇ад̇д̇аа д̇асса бан̃н̃аа бхуурибан̃н̃аа наамаад̇и бхууд̇з ад̇т̇з рамад̇ийд̇и ад̇т̇о. бхуурибан̃н̃асса бан̃н̃аа бхуурибан̃н̃абан̃н̃аад̇и вад̇д̇аб̣б̣з згасса бан̃н̃аасад̣̇д̣̇асса лобам̣ гад̇ваа ‘‘бхуурибан̃н̃аа’’д̇и вуд̇д̇ам̣. бхуурисамаа бан̃н̃аад̇и ваа бхуурибан̃н̃аа. абижаад̇и ан̃н̃абарияааяад̣̇ассанад̇т̇ам̣ вуд̇д̇ам̣. бан̃н̃ааяамзд̇анд̇и бан̃н̃ааяа зд̇ам̣. ад̇хиважананд̇и ад̇хигаважанам̣. бхуурийд̇и бхууд̇з ад̇т̇з рамад̇ийд̇и бхуури. мзд̇хаад̇и асани вияа силужжаяз гилзсз мзд̇хад̇и хим̣сад̇ийд̇и мзд̇хаа, киббам̣ г̇ахан̣ад̇хааран̣адтзна ваа мзд̇хаа. барин̣ааяигаад̇и яассуббаж̇ж̇ад̇и, д̇ам̣ сад̇д̇ам̣ хид̇абадибад̇д̇ияам̣ самбаяуд̇д̇ад̇хаммз жа яаат̇аавалагкан̣абадивзд̇хз жа баринзд̇ийд̇и барин̣ааяигаа. имзхзва ан̃н̃ааниби бан̃н̃аабарияааяаважанаани вуд̇д̇аани хонд̇и.
Rāgo ari, taṃ ariṃ maddanipaññātiādīhi kiṃ vuttaṃ hoti? Rāgādiko kileso cittasantāne bhūto arīti bhū-ari, padasandhivasena a-kāra lopaṃ katvā bhūrīti vutto. Tassa bhūrissa maddanī paññā bhūrimaddanipaññāti vattabbe maddani sadda lopaṃ katvā ‘‘bhūripaññā’’ti vuttanti veditabbaṃ. Taṃ ariṃ maddanīti ca tesaṃ arīnaṃ maddanīti padacchedo kātabbo. Pathavīsamāyāti vitthatavipulaṭṭheneva pathavīsamāya. Vitthatāyāti pajānitabbe visaye patthaṭāya, na ekadese vattamānāya. Vipulāyāti oḷārikabhūtāya. Mahāniddese pana ‘‘vipulāya vitthatāyā’’ti (mahāni. 27) āgataṃ. Samannāgatoti puggalo. Itisaddo kāraṇatthe, iminā kāraṇena puggalassa bhūripaññāya samannāgatattā tassa paññā bhūripaññā nāmāti bhūte atthe ramatīti attho. Bhūripaññassa paññā bhūripaññapaññāti vattabbe ekassa paññāsaddassa lopaṃ katvā ‘‘bhūripaññā’’ti vuttaṃ. Bhūrisamā paññāti vā bhūripaññā. Apicāti aññapariyāyadassanatthaṃ vuttaṃ. Paññāyametanti paññāya etaṃ. Adhivacananti adhikavacanaṃ. Bhūrīti bhūte atthe ramatīti bhūri. Medhāti asani viya siluccaye kilese medhati hiṃsatīti medhā, khippaṃ gahaṇadhāraṇaṭṭhena vā medhā. Pariṇāyikāti yassuppajjati, taṃ sattaṃ hitapaṭipattiyaṃ sampayuttadhamme ca yāthāvalakkhaṇapaṭivedhe ca parinetīti pariṇāyikā. Imeheva aññānipi paññāpariyāyavacanāni vuttāni honti.
бан̃н̃ааб̣аахулланд̇и бан̃н̃аа б̣ахулаа ассаад̇и бан̃н̃ааб̣ахуло, д̇асса бхааво бан̃н̃ааб̣аахуллам̣. д̇ан̃жа б̣ахулам̣ бавад̇д̇амаанаа бан̃н̃аа зва. ид̇хзгажжод̇иаад̣̇ийсу бут̇уж̇ж̇анагаляаан̣аго ваа арияо ваа. бан̃н̃аа г̇аругаа ассаад̇и бан̃н̃ааг̇аруго. бан̃н̃аа жарид̇ам̣ бавад̇д̇ам̣ ассаад̇и бан̃н̃аажарид̇о. бан̃н̃аа аасаяо ассаад̇и бан̃н̃аасаяо. бан̃н̃ааяа ад̇химуд̇д̇од̇и бан̃н̃аад̇химуд̇д̇о. бан̃н̃аа зва д̇хаж̇абхууд̇аа ассаад̇и бан̃н̃аад̇хаж̇о. бан̃н̃аа зва гзд̇убхууд̇аа ассаад̇и бан̃н̃аагзд̇у. бан̃н̃аа зва ад̇хибад̇и бан̃н̃аад̇хибад̇и, бан̃н̃аад̇хибад̇ид̇о ааг̇ад̇ад̇д̇аа бан̃н̃аад̇хибад̇зяяо. д̇хаммасабхаававижинанам̣ б̣ахуламассаад̇и вижаяаб̣ахуло. наанаббагаарзна д̇хаммасабхаававижинанам̣ б̣ахуламассаад̇и бавижаяаб̣ахуло. бан̃н̃ааяа ог̇аахзд̇ваа д̇асса д̇асса д̇хаммасса кааяанам̣ баагадагаран̣ам̣ огкааяанам̣, огкааяанам̣ б̣ахуламассаад̇и огкааяанаб̣ахуло. бан̃н̃ааяа д̇асса д̇асса д̇хаммасса саммаа бзгкан̣аа самбзгкаа, самбзгкааяа аяанам̣ бавад̇д̇анам̣ самбзгкааяанам̣, самбзгкааяанам̣ д̇хаммо багад̇и ассаад̇и самбзгкааяанад̇хаммо. д̇ам̣ д̇ам̣ д̇хаммам̣ вибхууд̇ам̣ баагадам̣ гад̇ваа вихарад̇ийд̇и вибхууд̇авихаарий, вибхууд̇о вихааро ваа асса ад̇т̇ийд̇и вибхууд̇авихаарий. саа бан̃н̃аа жарид̇ам̣, г̇аругаа, б̣ахулаа ассаад̇и д̇ажжарид̇о д̇аг̇г̇аруго д̇аб̣б̣ахуло. д̇ассам̣ бан̃н̃ааяам̣ нинно, бон̣о, баб̣бхааро, ад̇химуд̇д̇од̇и д̇аннинно д̇аббон̣о д̇аббаб̣бхааро д̇ад̣̇ад̇химуд̇д̇о. саа бан̃н̃аа ад̇хибад̇и д̇ад̣̇ад̇хибад̇и, д̇ад̇о ааг̇ад̇о д̇ад̣̇ад̇хибад̇зяяо. ‘‘бан̃н̃ааг̇аруго’’д̇иаад̣̇ийни ‘‘гаамам̣ сзванд̇ам̣язва ж̇аанаад̇и аяам̣ буг̇г̇ало гаамаг̇аруго’’д̇иаад̣̇ийсу (бади. ма. 1.113) вияа буримаж̇аад̇ид̇о бабхуд̇и вуд̇д̇аани. ‘‘д̇ажжарид̇о’’д̇иаад̣̇ийни имиссаа ж̇аад̇ияаа вуд̇д̇аани.
Paññābāhullanti paññā bahulā assāti paññābahulo, tassa bhāvo paññābāhullaṃ. Tañca bahulaṃ pavattamānā paññā eva. Idhekaccotiādīsu puthujjanakalyāṇako vā ariyo vā. Paññā garukā assāti paññāgaruko. Paññā caritaṃ pavattaṃ assāti paññācarito. Paññā āsayo assāti paññāsayo. Paññāya adhimuttoti paññādhimutto. Paññā eva dhajabhūtā assāti paññādhajo. Paññā eva ketubhūtā assāti paññāketu. Paññā eva adhipati paññādhipati, paññādhipatito āgatattā paññādhipateyyo. Dhammasabhāvavicinanaṃ bahulamassāti vicayabahulo. Nānappakārena dhammasabhāvavicinanaṃ bahulamassāti pavicayabahulo. Paññāya ogāhetvā tassa tassa dhammassa khāyanaṃ pākaṭakaraṇaṃ okkhāyanaṃ, okkhāyanaṃ bahulamassāti okkhāyanabahulo. Paññāya tassa tassa dhammassa sammā pekkhaṇā sampekkhā, sampekkhāya ayanaṃ pavattanaṃ sampekkhāyanaṃ, sampekkhāyanaṃ dhammo pakati assāti sampekkhāyanadhammo. Taṃ taṃ dhammaṃ vibhūtaṃ pākaṭaṃ katvā viharatīti vibhūtavihārī, vibhūto vihāro vā assa atthīti vibhūtavihārī. Sā paññā caritaṃ, garukā, bahulā assāti taccarito taggaruko tabbahulo. Tassaṃ paññāyaṃ ninno, poṇo, pabbhāro, adhimuttoti tanninno tappoṇo tappabbhāro tadadhimutto. Sā paññā adhipati tadadhipati, tato āgato tadadhipateyyo. ‘‘Paññāgaruko’’tiādīni ‘‘kāmaṃ sevantaṃyeva jānāti ayaṃ puggalo kāmagaruko’’tiādīsu (paṭi. ma. 1.113) viya purimajātito pabhuti vuttāni. ‘‘Taccarito’’tiādīni imissā jātiyā vuttāni.
сийгхабан̃н̃аа жа лахубан̃н̃аа жа хаасабан̃н̃аа жа ж̇аванабан̃н̃аа жа логияалогуд̇д̇арамиссагаа. киббадтзна сийгхабан̃н̃аа. лахугадтзна лахубан̃н̃аа. хаасаб̣ахуладтзна хаасабан̃н̃аа. вибассануубаг̇асан̇каарзсу жа висан̇каарз жа ж̇аванадтзна ж̇аванабан̃н̃аа. сийгхам̣ сийгханд̇и б̣ахуннам̣ сийлаад̣̇ийнам̣ сан̇г̇ахад̇т̇ам̣ д̣̇вигкад̇д̇ум̣ вуд̇д̇ам̣. сийлаанийд̇и жаарид̇д̇аваарид̇д̇авасзна бан̃н̃ад̇д̇аани баад̇имогкасам̣варасийлаани. инд̣̇рияасам̣варанд̇и жагкаад̣̇ийнам̣ чаннам̣ инд̣̇рияаанам̣ рааг̇абадигхаббавзсам̣ агад̇ваа сад̇игаваадзна вааран̣ам̣ т̇аганам̣. бхож̇анз мад̇д̇ан̃н̃уд̇анд̇и бажжавзгкид̇абарибхог̇авасзна бхож̇анз бамаан̣ан̃н̃убхаавам̣. ж̇ааг̇арияаануяог̇анд̇и д̣̇ивасасса д̇ийсу годтаасзсу, рад̇д̇ияаа батамабажчимагодтаасзсу жа ж̇ааг̇арад̇и на нид̣̇д̣̇ааяад̇и, саман̣ад̇хаммамзва жа гарод̇ийд̇и ж̇ааг̇аро, ж̇ааг̇арасса бхааво, гаммам̣ ваа ж̇ааг̇арияам̣, ж̇ааг̇арияасса ануяог̇о ж̇ааг̇арияаануяог̇о. д̇ам̣ ж̇ааг̇арияаануяог̇ам̣. сийлагканд̇ханд̇и сзгкам̣ асзгкам̣ ваа сийлагканд̇хам̣. звамид̇арзби канд̇хаа взд̣̇ид̇аб̣б̣аа. бан̃н̃аагканд̇ханд̇и маг̇г̇абан̃н̃ан̃жа сзгкаасзгкаанам̣ логияабан̃н̃ан̃жа. вимуд̇д̇игканд̇ханд̇и палавимуд̇д̇им̣. вимуд̇д̇ин̃аан̣ад̣̇ассанагканд̇ханд̇и бажжавзгкан̣ан̃аан̣ам̣.
Sīghapaññā ca lahupaññā ca hāsapaññā ca javanapaññā ca lokiyalokuttaramissakā. Khippaṭṭhena sīghapaññā. Lahukaṭṭhena lahupaññā. Hāsabahulaṭṭhena hāsapaññā. Vipassanūpagasaṅkhāresu ca visaṅkhāre ca javanaṭṭhena javanapaññā. Sīghaṃ sīghanti bahunnaṃ sīlādīnaṃ saṅgahatthaṃ dvikkhattuṃ vuttaṃ. Sīlānīti cārittavārittavasena paññattāni pātimokkhasaṃvarasīlāni. Indriyasaṃvaranti cakkhādīnaṃ channaṃ indriyānaṃ rāgapaṭighappavesaṃ akatvā satikavāṭena vāraṇaṃ thakanaṃ. Bhojane mattaññutanti paccavekkhitaparibhogavasena bhojane pamāṇaññubhāvaṃ. Jāgariyānuyoganti divasassa tīsu koṭṭhāsesu, rattiyā paṭhamapacchimakoṭṭhāsesu ca jāgarati na niddāyati, samaṇadhammameva ca karotīti jāgaro, jāgarassa bhāvo, kammaṃ vā jāgariyaṃ, jāgariyassa anuyogo jāgariyānuyogo. Taṃ jāgariyānuyogaṃ. Sīlakkhandhanti sekkhaṃ asekkhaṃ vā sīlakkhandhaṃ. Evamitarepi khandhā veditabbā. Paññākkhandhanti maggapaññañca sekkhāsekkhānaṃ lokiyapaññañca. Vimuttikkhandhanti phalavimuttiṃ. Vimuttiñāṇadassanakkhandhanti paccavekkhaṇañāṇaṃ.
хаасаб̣ахулод̇и муулабад̣̇ам̣. взд̣̇аб̣ахулод̇и д̇ассаа зва бийд̇ияаа самбаяуд̇д̇асоманассавзд̣̇анаавасзна нид̣̇д̣̇зсабад̣̇ам̣. д̇удтиб̣ахулод̇и наад̇иб̣алавабийд̇ияаа д̇удтаагааравасзна. баамож̇ж̇аб̣ахулод̇и б̣алавабийд̇ияаа бамуд̣̇ид̇абхаававасзна.
Hāsabahuloti mūlapadaṃ. Vedabahuloti tassā eva pītiyā sampayuttasomanassavedanāvasena niddesapadaṃ. Tuṭṭhibahuloti nātibalavapītiyā tuṭṭhākāravasena. Pāmojjabahuloti balavapītiyā pamuditabhāvavasena.
7. яам̣ гин̃жи руубанд̇иаад̣̇и саммасанан̃аан̣анид̣̇д̣̇зсз вуд̇д̇ад̇т̇ам̣. д̇улаяид̇ваад̇и галаабасаммасанавасзна д̇улзд̇ваа. д̇ийраяид̇ваад̇и уд̣̇аяаб̣б̣аяаанубассанаавасзна д̇ийраяид̇ваа. вибхааваяид̇ваад̇и бхан̇г̇аанубассанаад̣̇ивасзна баагадам̣ гад̇ваа. вибхууд̇ам̣ гад̇ваад̇и сан̇каарубзгкаануломавасзна пудам̣ гад̇ваа. д̇игкабан̃н̃аа логуд̇д̇араа зва. уббаннанд̇и самат̇авибассанаавасзна вигкамбханад̇ад̣̇ан̇г̇авасзна бахийнамби арияамаг̇г̇зна асамуухад̇ад̇д̇аа уббад̇д̇ид̇хаммад̇ам̣ анад̇ийд̇ад̇ааяа асамуухад̇уббаннанд̇и вужжад̇и, д̇ам̣ ид̇ха ад̇хиббзд̇ам̣. наад̇хиваасзд̇ийд̇и санд̇аанам̣ ааробзд̇ваа на ваасзд̇и. баж̇ахад̇ийд̇и самужчзд̣̇авасзна баж̇ахад̇и. винод̣̇зд̇ийд̇и кибад̇и. б̣яанд̇ийгарод̇ийд̇и виг̇ад̇анд̇ам̣ гарод̇и. анабхаавам̣ г̇амзд̇ийд̇и ану абхаавам̣ г̇амзд̇и, вибассанаануггамзна арияамаг̇г̇ам̣ бад̇ваа самужчзд̣̇авасзнзва абхаавам̣ г̇амаяад̇ийд̇и ад̇т̇о. зд̇т̇а жа гаамабадисам̣яуд̇д̇о вид̇агго гаамавид̇агго. ‘‘имз сад̇д̇аа маранд̇уу’’д̇и барзсам̣ маран̣абадисам̣яуд̇д̇о вид̇агго б̣яаабаад̣̇авид̇агго. ‘‘имз сад̇д̇аа вихим̣сийяанд̇уу’’д̇и барзсам̣ вихим̣саабадисам̣яуд̇д̇о вид̇агго вихим̣саавид̇агго. баабагзд̇и лаамагз. агусалз д̇хаммзд̇и агосалласамбхууд̇з д̇хаммз.
7.Yaṃ kiñci rūpantiādi sammasanañāṇaniddese vuttatthaṃ. Tulayitvāti kalāpasammasanavasena tuletvā. Tīrayitvāti udayabbayānupassanāvasena tīrayitvā. Vibhāvayitvāti bhaṅgānupassanādivasena pākaṭaṃ katvā. Vibhūtaṃ katvāti saṅkhārupekkhānulomavasena phuṭaṃ katvā. Tikkhapaññā lokuttarā eva. Uppannanti samathavipassanāvasena vikkhambhanatadaṅgavasena pahīnampi ariyamaggena asamūhatattā uppattidhammataṃ anatītatāya asamūhatuppannanti vuccati, taṃ idha adhippetaṃ. Nādhivāsetīti santānaṃ āropetvā na vāseti. Pajahatīti samucchedavasena pajahati. Vinodetīti khipati. Byantīkarotīti vigatantaṃ karoti. Anabhāvaṃ gametīti anu abhāvaṃ gameti, vipassanānukkamena ariyamaggaṃ patvā samucchedavaseneva abhāvaṃ gamayatīti attho. Ettha ca kāmapaṭisaṃyutto vitakko kāmavitakko. ‘‘Ime sattā marantū’’ti paresaṃ maraṇapaṭisaṃyutto vitakko byāpādavitakko. ‘‘Ime sattā vihiṃsīyantū’’ti paresaṃ vihiṃsāpaṭisaṃyutto vitakko vihiṃsāvitakko. Pāpaketi lāmake. Akusale dhammeti akosallasambhūte dhamme.
ниб̣б̣зд̇хигабан̃н̃аад̇и ниб̣б̣ид̣̇ааб̣ахуласса буг̇г̇аласса уббаннамаг̇г̇абан̃н̃аа зва. уб̣б̣зг̇аб̣ахулод̇и н̃аан̣абхаяавасзна бхаяаб̣ахуло. уд̇д̇аасаб̣ахулод̇и б̣алавабхаяаб̣ахуло . ид̣̇ам̣ буримассзва ад̇т̇авиваран̣ам̣. угган̣танаб̣ахулод̇и сан̇каарад̇о уд̣̇д̇хам̣ висан̇каараабхимукад̇ааяа угган̣танаб̣ахуло. анабхирад̇иб̣ахулод̇и угган̣танавасзнзва абхирад̇иабхаавам̣ д̣̇ийбзд̇и. ид̣̇ааниби д̇амад̇т̇ам̣ д̣̇вийхи важанзхи виварад̇и. д̇ад̇т̇а б̣ахимукод̇и сан̇каарад̇о б̣ахибхууд̇аниб̣б̣аанаабхимуко. на рамад̇ийд̇и наабхирамад̇и. аниб̣б̣ид̣̇д̇хабуб̣б̣анд̇и анамад̇аг̇г̇з сам̣саарз анд̇ам̣ баабзд̇ваа аниб̣б̣ид̣̇д̇хабуб̣б̣ам̣. аббад̣̇аалид̇абуб̣б̣анд̇и д̇ассзва ад̇т̇аважанам̣, анд̇агаран̣знзва абад̣̇аалид̇абуб̣б̣анд̇и ад̇т̇о. лобхагканд̇ханд̇и лобхараасим̣, лобхагодтаасам̣ ваа. имаахи сол̣асахи бан̃н̃аахи саманнааг̇ад̇од̇и уггадтабарижчзд̣̇зна арахааязва вуд̇д̇о. убари ‘‘зго сзгкабадисамбхид̣̇аббад̇д̇о’’д̇и (бади. ма. 3.8) вуд̇д̇ад̇д̇аа сод̇аабаннасагад̣̇ааг̇аамианааг̇ааминоби лаб̣бханд̇иязва.
Nibbedhikapaññāti nibbidābahulassa puggalassa uppannamaggapaññā eva. Ubbegabahuloti ñāṇabhayavasena bhayabahulo. Uttāsabahuloti balavabhayabahulo . Idaṃ purimasseva atthavivaraṇaṃ. Ukkaṇṭhanabahuloti saṅkhārato uddhaṃ visaṅkhārābhimukhatāya ukkaṇṭhanabahulo. Anabhiratibahuloti ukkaṇṭhanavaseneva abhiratiabhāvaṃ dīpeti. Idānipi tamatthaṃ dvīhi vacanehi vivarati. Tattha bahimukhoti saṅkhārato bahibhūtanibbānābhimukho. Na ramatīti nābhiramati. Anibbiddhapubbanti anamatagge saṃsāre antaṃ pāpetvā anibbiddhapubbaṃ. Appadālitapubbanti tasseva atthavacanaṃ, antakaraṇeneva apadālitapubbanti attho. Lobhakkhandhanti lobharāsiṃ, lobhakoṭṭhāsaṃ vā. Imāhi soḷasahi paññāhi samannāgatoti ukkaṭṭhaparicchedena arahāyeva vutto. Upari ‘‘eko sekkhapaṭisambhidappatto’’ti (paṭi. ma. 3.8) vuttattā sotāpannasakadāgāmianāgāminopi labbhantiyeva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 1. сол̣асабан̃н̃аанид̣̇д̣̇зсо • 1. Soḷasapaññāniddeso
