| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
1. сол̣асабан̃н̃аанид̣̇д̣̇зсо
1. Soḷasapaññāniddeso
4. бан̃н̃аабадилаабхааяа сам̣вад̇д̇анд̇ийд̇и гад̇амо бан̃н̃аабадилаабхо? жад̇уннам̣ маг̇г̇ан̃аан̣аанам̣, жад̇уннам̣ палан̃аан̣аанам̣, жад̇уннам̣ бадисамбхид̣̇аан̃аан̣аанам̣, чаннам̣ абхин̃н̃аан̃аан̣аанам̣, д̇зсад̇д̇ад̇ийнам̣ н̃аан̣аанам̣, сад̇д̇асад̇д̇ад̇ийнам̣ н̃аан̣аанам̣ лаабхо бадилаабхо бад̇д̇и самбад̇д̇и пассанаа 1 сажчигирияаа убасамбад̣̇аа. бан̃н̃аабадилаабхааяа сам̣вад̇д̇анд̇ийд̇и – аяам̣ бан̃н̃аа бадилаабхо.
4.Paññāpaṭilābhāya saṃvattantīti katamo paññāpaṭilābho? Catunnaṃ maggañāṇānaṃ, catunnaṃ phalañāṇānaṃ, catunnaṃ paṭisambhidāñāṇānaṃ, channaṃ abhiññāñāṇānaṃ, tesattatīnaṃ ñāṇānaṃ, sattasattatīnaṃ ñāṇānaṃ lābho paṭilābho patti sampatti phassanā 2 sacchikiriyā upasampadā. Paññāpaṭilābhāya saṃvattantīti – ayaṃ paññā paṭilābho.
бан̃н̃ааб̣уд̣̇д̇хияаа сам̣вад̇д̇анд̇ийд̇и гад̇амаа бан̃н̃ааб̣уд̣̇д̇хи? сад̇д̇аннан̃жа сзгкаанам̣ бут̇уж̇ж̇анагаляаан̣агасса жа бан̃н̃аа вад̣дхад̇и, арахад̇о бан̃н̃аа вад̣дхад̇и. вад̣дхид̇авад̣дханаа бан̃н̃ааб̣уд̣̇д̇хияаа сам̣вад̇д̇анд̇ийд̇и – аяам̣ бан̃н̃ааб̣уд̣̇д̇хи.
Paññābuddhiyāsaṃvattantīti katamā paññābuddhi? Sattannañca sekkhānaṃ puthujjanakalyāṇakassa ca paññā vaḍḍhati, arahato paññā vaḍḍhati. Vaḍḍhitavaḍḍhanā paññābuddhiyā saṃvattantīti – ayaṃ paññābuddhi.
бан̃н̃аавзбуллааяа сам̣вад̇д̇анд̇ийд̇и гад̇амам̣ бан̃н̃аавзбуллам̣? сад̇д̇аннам̣ сзгкаанам̣ бут̇уж̇ж̇анагаляаан̣агасса жа бан̃н̃аавзбуллам̣ г̇ажчад̇и. арахад̇о бан̃н̃аа взбуллаг̇ад̇аа бан̃н̃аавзбуллааяа сам̣вад̇д̇анд̇ийд̇и – ид̣̇ам̣ бан̃н̃аавзбуллам̣.
Paññāvepullāya saṃvattantīti katamaṃ paññāvepullaṃ? Sattannaṃ sekkhānaṃ puthujjanakalyāṇakassa ca paññāvepullaṃ gacchati. Arahato paññā vepullagatā paññāvepullāya saṃvattantīti – idaṃ paññāvepullaṃ.
махаабан̃н̃ад̇ааяа сам̣вад̇д̇анд̇ийд̇и гад̇амаа махаабан̃н̃аа? маханд̇з ад̇т̇з бариг̇г̇ан̣хаад̇ийд̇и – махаабан̃н̃аа. маханд̇з д̇хаммз бариг̇г̇ан̣хаад̇ийд̇и – махаабан̃н̃аа. маханд̇аа нируд̇д̇ияо бариг̇г̇ан̣хаад̇ийд̇и – махаабан̃н̃аа. маханд̇аани бадибхаанаани бариг̇г̇ан̣хаад̇ийд̇и – махаабан̃н̃аа. маханд̇з сийлагканд̇хз бариг̇г̇ан̣хаад̇ийд̇и – махаабан̃н̃аа. маханд̇з самаад̇хигканд̇хз бариг̇г̇ан̣хаад̇ийд̇и – махаабан̃н̃аа. маханд̇з бан̃н̃аагканд̇хз бариг̇г̇ан̣хаад̇ийд̇и – махаабан̃н̃аа. маханд̇з вимуд̇д̇игканд̇хз бариг̇г̇ан̣хаад̇ийд̇и – махаабан̃н̃аа . маханд̇з вимуд̇д̇ин̃аан̣ад̣̇ассанагканд̇хз бариг̇г̇ан̣хаад̇ийд̇и – махаабан̃н̃аа. маханд̇аани таанаадтаанаани бариг̇г̇ан̣хаад̇ийд̇и – махаабан̃н̃аа. маханд̇аа вихаарасамаабад̇д̇ияо бариг̇г̇ан̣хаад̇ийд̇и – махаабан̃н̃аа. маханд̇аани арияасажжаани бариг̇г̇ан̣хаад̇ийд̇и – махаабан̃н̃аа. маханд̇з сад̇ибадтаанз бариг̇г̇ан̣хаад̇ийд̇и – махаабан̃н̃аа. маханд̇з саммаббад̇хаанз бариг̇г̇ан̣хаад̇ийд̇и – махаабан̃н̃аа. маханд̇з ид̣̇д̇хибаад̣̇з бариг̇г̇ан̣хаад̇ийд̇и – махаабан̃н̃аа. маханд̇аани инд̣̇рияаани бариг̇г̇ан̣хаад̇ийд̇и – махаабан̃н̃аа. маханд̇аани б̣алаани бариг̇г̇ан̣хаад̇ийд̇и – махаабан̃н̃аа. маханд̇з б̣ож̇жхан̇г̇з бариг̇г̇ан̣хаад̇ийд̇и – махаабан̃н̃аа. маханд̇ам̣ арияамаг̇г̇ам̣ 3 бариг̇г̇ан̣хаад̇ийд̇и – махаабан̃н̃аа. маханд̇аани сааман̃н̃апалаани бариг̇г̇ан̣хаад̇ийд̇и – махаабан̃н̃аа. маханд̇аа абхин̃н̃ааяо 4 бариг̇г̇ан̣хаад̇ийд̇и – махаабан̃н̃аа. маханд̇ам̣ барамад̇т̇ам̣ ниб̣б̣аанам̣ бариг̇г̇ан̣хаад̇ийд̇и – махаабан̃н̃аа. махаабан̃н̃ад̇ааяа сам̣вад̇д̇анд̇ийд̇и – аяам̣ махаабан̃н̃аа.
Mahāpaññatāya saṃvattantīti katamā mahāpaññā? Mahante atthe pariggaṇhātīti – mahāpaññā. Mahante dhamme pariggaṇhātīti – mahāpaññā. Mahantā niruttiyo pariggaṇhātīti – mahāpaññā. Mahantāni paṭibhānāni pariggaṇhātīti – mahāpaññā. Mahante sīlakkhandhe pariggaṇhātīti – mahāpaññā. Mahante samādhikkhandhe pariggaṇhātīti – mahāpaññā. Mahante paññākkhandhe pariggaṇhātīti – mahāpaññā. Mahante vimuttikkhandhe pariggaṇhātīti – mahāpaññā . Mahante vimuttiñāṇadassanakkhandhe pariggaṇhātīti – mahāpaññā. Mahantāni ṭhānāṭṭhānāni pariggaṇhātīti – mahāpaññā. Mahantā vihārasamāpattiyo pariggaṇhātīti – mahāpaññā. Mahantāni ariyasaccāni pariggaṇhātīti – mahāpaññā. Mahante satipaṭṭhāne pariggaṇhātīti – mahāpaññā. Mahante sammappadhāne pariggaṇhātīti – mahāpaññā. Mahante iddhipāde pariggaṇhātīti – mahāpaññā. Mahantāni indriyāni pariggaṇhātīti – mahāpaññā. Mahantāni balāni pariggaṇhātīti – mahāpaññā. Mahante bojjhaṅge pariggaṇhātīti – mahāpaññā. Mahantaṃ ariyamaggaṃ 5 pariggaṇhātīti – mahāpaññā. Mahantāni sāmaññaphalāni pariggaṇhātīti – mahāpaññā. Mahantā abhiññāyo 6 pariggaṇhātīti – mahāpaññā. Mahantaṃ paramatthaṃ nibbānaṃ pariggaṇhātīti – mahāpaññā. Mahāpaññatāya saṃvattantīti – ayaṃ mahāpaññā.
бут̇убан̃н̃ад̇ааяа сам̣вад̇д̇анд̇ийд̇и гад̇амаа бут̇убан̃н̃аа? бут̇унаанааканд̇хзсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанаад̇хаад̇уусу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанааааяад̇анзсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанаабадижжасамуббаад̣̇зсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанаасун̃н̃ад̇аманубалаб̣бхзсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанааад̇т̇зсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанаад̇хаммзсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанаанируд̇д̇ийсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанаабадибхаанзсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанаасийлагканд̇хзсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанаасамаад̇хигканд̇хзсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанаабан̃н̃аагканд̇хзсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанаавимуд̇д̇игканд̇хзсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанаавимуд̇д̇ин̃аан̣ад̣̇ассанагканд̇хзсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанаатаанаадтаанзсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанаавихаарасамаабад̇д̇ийсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанааарияасажжзсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанаасад̇ибадтаанзсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанаасаммаббад̇хаанзсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанааид̣̇д̇хибаад̣̇зсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанааинд̣̇риязсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанааб̣алзсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанааб̣ож̇жхан̇г̇зсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанааарияамаг̇г̇зсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанаасааман̃н̃апалзсу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇унаанааабхин̃н̃аасу н̃аан̣ам̣ бавад̇д̇ад̇ийд̇и – бут̇убан̃н̃аа. бут̇уж̇ж̇анасаад̇хааран̣з д̇хаммз ад̇иггамма 7 барамад̇т̇з ниб̣б̣аанз н̃аан̣ам̣ бавад̇д̇ад̇ийд̇и – бут̇убан̃н̃аа. бут̇убан̃н̃ад̇ааяа сам̣вад̇д̇анд̇ийд̇и – аяам̣ бут̇убан̃н̃аа.
Puthupaññatāya saṃvattantīti katamā puthupaññā? Puthunānākhandhesu ñāṇaṃ pavattatīti – puthupaññā. Puthunānādhātūsu ñāṇaṃ pavattatīti – puthupaññā. Puthunānāāyatanesu ñāṇaṃ pavattatīti – puthupaññā. Puthunānāpaṭiccasamuppādesu ñāṇaṃ pavattatīti – puthupaññā. Puthunānāsuññatamanupalabbhesu ñāṇaṃ pavattatīti – puthupaññā. Puthunānāatthesu ñāṇaṃ pavattatīti – puthupaññā. Puthunānādhammesu ñāṇaṃ pavattatīti – puthupaññā. Puthunānāniruttīsu ñāṇaṃ pavattatīti – puthupaññā. Puthunānāpaṭibhānesu ñāṇaṃ pavattatīti – puthupaññā. Puthunānāsīlakkhandhesu ñāṇaṃ pavattatīti – puthupaññā. Puthunānāsamādhikkhandhesu ñāṇaṃ pavattatīti – puthupaññā. Puthunānāpaññākkhandhesu ñāṇaṃ pavattatīti – puthupaññā. Puthunānāvimuttikkhandhesu ñāṇaṃ pavattatīti – puthupaññā. Puthunānāvimuttiñāṇadassanakkhandhesu ñāṇaṃ pavattatīti – puthupaññā. Puthunānāṭhānāṭṭhānesu ñāṇaṃ pavattatīti – puthupaññā. Puthunānāvihārasamāpattīsu ñāṇaṃ pavattatīti – puthupaññā. Puthunānāariyasaccesu ñāṇaṃ pavattatīti – puthupaññā. Puthunānāsatipaṭṭhānesu ñāṇaṃ pavattatīti – puthupaññā. Puthunānāsammappadhānesu ñāṇaṃ pavattatīti – puthupaññā. Puthunānāiddhipādesu ñāṇaṃ pavattatīti – puthupaññā. Puthunānāindriyesu ñāṇaṃ pavattatīti – puthupaññā. Puthunānābalesu ñāṇaṃ pavattatīti – puthupaññā. Puthunānābojjhaṅgesu ñāṇaṃ pavattatīti – puthupaññā. Puthunānāariyamaggesu ñāṇaṃ pavattatīti – puthupaññā. Puthunānāsāmaññaphalesu ñāṇaṃ pavattatīti – puthupaññā. Puthunānāabhiññāsu ñāṇaṃ pavattatīti – puthupaññā. Puthujjanasādhāraṇe dhamme atikkamma 8 paramatthe nibbāne ñāṇaṃ pavattatīti – puthupaññā. Puthupaññatāya saṃvattantīti – ayaṃ puthupaññā.
вибулабан̃н̃ад̇ааяа сам̣вад̇д̇анд̇ийд̇и гад̇амаа вибулабан̃н̃аа? вибулз ад̇т̇з бариг̇г̇ан̣хаад̇ийд̇и – вибулабан̃н̃аа. вибулз д̇хаммз бариг̇г̇ан̣хаад̇ийд̇и – вибулабан̃н̃аа. вибулаа нируд̇д̇ияо бариг̇г̇ан̣хаад̇ийд̇и – вибулабан̃н̃аа. вибулаани бадибхаанаани бариг̇г̇ан̣хаад̇ийд̇и – вибулабан̃н̃аа. вибулз сийлагканд̇хз бариг̇г̇ан̣хаад̇ийд̇и – вибулабан̃н̃аа. вибулз самаад̇хигканд̇хз бариг̇г̇ан̣хаад̇ийд̇и – вибулабан̃н̃аа. вибулз бан̃н̃аагканд̇хз бариг̇г̇ан̣хаад̇ийд̇и – вибулабан̃н̃аа. вибулз вимуд̇д̇игканд̇хз бариг̇г̇ан̣хаад̇ийд̇и – вибулабан̃н̃аа. вибулз вимуд̇д̇ин̃аан̣ад̣̇ассанагканд̇хз бариг̇г̇ан̣хаад̇ийд̇и – вибулабан̃н̃аа. вибулаани таанаадтаанаани бариг̇г̇ан̣хаад̇ийд̇и – вибулабан̃н̃аа. вибулаа вихаарасамаабад̇д̇ияо бариг̇г̇ан̣хаад̇ийд̇и – вибулабан̃н̃аа. вибулаани арияасажжаани бариг̇г̇ан̣хаад̇ийд̇и – вибулабан̃н̃аа. вибулз сад̇ибадтаанз бариг̇г̇ан̣хаад̇ийд̇и – вибулабан̃н̃аа. вибулз саммаббад̇хаанз бариг̇г̇ан̣хаад̇ийд̇и – вибулабан̃н̃аа. вибулз ид̣̇д̇хибаад̣̇з бариг̇г̇ан̣хаад̇ийд̇и – вибулабан̃н̃аа. вибулаани инд̣̇рияаани бариг̇г̇ан̣хаад̇ийд̇и – вибулабан̃н̃аа. вибулаани б̣алаани бариг̇г̇ан̣хаад̇ийд̇и – вибулабан̃н̃аа. вибулз б̣ож̇жхан̇г̇з бариг̇г̇ан̣хаад̇ийд̇и – вибулабан̃н̃аа. вибулз арияамаг̇г̇з бариг̇г̇ан̣хаад̇ийд̇и – вибулабан̃н̃аа. вибулаани сааман̃н̃апалаани бариг̇г̇ан̣хаад̇ийд̇и – вибулабан̃н̃аа. вибулаа абхин̃н̃ааяо бариг̇г̇ан̣хаад̇ийд̇и – вибулабан̃н̃аа. вибулам̣ барамад̇т̇ам̣ ниб̣б̣аанам̣ бариг̇г̇ан̣хаад̇ийд̇и – вибулабан̃н̃аа. вибулабан̃н̃ад̇ааяа сам̣вад̇д̇анд̇ийд̇и – аяам̣ вибулабан̃н̃аа.
Vipulapaññatāyasaṃvattantīti katamā vipulapaññā? Vipule atthe pariggaṇhātīti – vipulapaññā. Vipule dhamme pariggaṇhātīti – vipulapaññā. Vipulā niruttiyo pariggaṇhātīti – vipulapaññā. Vipulāni paṭibhānāni pariggaṇhātīti – vipulapaññā. Vipule sīlakkhandhe pariggaṇhātīti – vipulapaññā. Vipule samādhikkhandhe pariggaṇhātīti – vipulapaññā. Vipule paññākkhandhe pariggaṇhātīti – vipulapaññā. Vipule vimuttikkhandhe pariggaṇhātīti – vipulapaññā. Vipule vimuttiñāṇadassanakkhandhe pariggaṇhātīti – vipulapaññā. Vipulāni ṭhānāṭṭhānāni pariggaṇhātīti – vipulapaññā. Vipulā vihārasamāpattiyo pariggaṇhātīti – vipulapaññā. Vipulāni ariyasaccāni pariggaṇhātīti – vipulapaññā. Vipule satipaṭṭhāne pariggaṇhātīti – vipulapaññā. Vipule sammappadhāne pariggaṇhātīti – vipulapaññā. Vipule iddhipāde pariggaṇhātīti – vipulapaññā. Vipulāni indriyāni pariggaṇhātīti – vipulapaññā. Vipulāni balāni pariggaṇhātīti – vipulapaññā. Vipule bojjhaṅge pariggaṇhātīti – vipulapaññā. Vipule ariyamagge pariggaṇhātīti – vipulapaññā. Vipulāni sāmaññaphalāni pariggaṇhātīti – vipulapaññā. Vipulā abhiññāyo pariggaṇhātīti – vipulapaññā. Vipulaṃ paramatthaṃ nibbānaṃ pariggaṇhātīti – vipulapaññā. Vipulapaññatāya saṃvattantīti – ayaṃ vipulapaññā.
г̇амбхийрабан̃н̃ад̇ааяа сам̣вад̇д̇анд̇ийд̇и гад̇амаа г̇амбхийрабан̃н̃аа? г̇амбхийрзсу канд̇хзсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийраасу д̇хаад̇уусу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу ааяад̇анзсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу бадижжасамуббаад̣̇зсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу сун̃н̃ад̇аманубалаб̣бхзсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу ад̇т̇зсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу д̇хаммзсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийраасу нируд̇д̇ийсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу бадибхаанзсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу сийлагканд̇хзсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу самаад̇хигканд̇хзсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа . г̇амбхийрзсу бан̃н̃аагканд̇хзсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу вимуд̇д̇игканд̇хзсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу вимуд̇д̇ин̃аан̣ад̣̇ассанагканд̇хзсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу таанаадтаанзсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийраасу вихаарасамаабад̇д̇ийсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу арияасажжзсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу сад̇ибадтаанзсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу саммаббад̇хаанзсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу ид̣̇д̇хибаад̣̇зсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу инд̣̇риязсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу б̣алзсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу б̣ож̇жхан̇г̇зсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу арияамаг̇г̇зсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрзсу сааман̃н̃апалзсу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийраасу абхин̃н̃аасу н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрз барамад̇т̇з ниб̣б̣аанз н̃аан̣ам̣ бавад̇д̇ад̇ийд̇и – г̇амбхийрабан̃н̃аа. г̇амбхийрабан̃н̃ад̇ааяа сам̣вад̇д̇анд̇ийд̇и – аяам̣ г̇амбхийрабан̃н̃аа.
Gambhīrapaññatāya saṃvattantīti katamā gambhīrapaññā? Gambhīresu khandhesu ñāṇaṃ pavattatīti – gambhīrapaññā. Gambhīrāsu dhātūsu ñāṇaṃ pavattatīti – gambhīrapaññā. Gambhīresu āyatanesu ñāṇaṃ pavattatīti – gambhīrapaññā. Gambhīresu paṭiccasamuppādesu ñāṇaṃ pavattatīti – gambhīrapaññā. Gambhīresu suññatamanupalabbhesu ñāṇaṃ pavattatīti – gambhīrapaññā. Gambhīresu atthesu ñāṇaṃ pavattatīti – gambhīrapaññā. Gambhīresu dhammesu ñāṇaṃ pavattatīti – gambhīrapaññā. Gambhīrāsu niruttīsu ñāṇaṃ pavattatīti – gambhīrapaññā. Gambhīresu paṭibhānesu ñāṇaṃ pavattatīti – gambhīrapaññā. Gambhīresu sīlakkhandhesu ñāṇaṃ pavattatīti – gambhīrapaññā. Gambhīresu samādhikkhandhesu ñāṇaṃ pavattatīti – gambhīrapaññā . Gambhīresu paññākkhandhesu ñāṇaṃ pavattatīti – gambhīrapaññā. Gambhīresu vimuttikkhandhesu ñāṇaṃ pavattatīti – gambhīrapaññā. Gambhīresu vimuttiñāṇadassanakkhandhesu ñāṇaṃ pavattatīti – gambhīrapaññā. Gambhīresu ṭhānāṭṭhānesu ñāṇaṃ pavattatīti – gambhīrapaññā. Gambhīrāsu vihārasamāpattīsu ñāṇaṃ pavattatīti – gambhīrapaññā. Gambhīresu ariyasaccesu ñāṇaṃ pavattatīti – gambhīrapaññā. Gambhīresu satipaṭṭhānesu ñāṇaṃ pavattatīti – gambhīrapaññā. Gambhīresu sammappadhānesu ñāṇaṃ pavattatīti – gambhīrapaññā. Gambhīresu iddhipādesu ñāṇaṃ pavattatīti – gambhīrapaññā. Gambhīresu indriyesu ñāṇaṃ pavattatīti – gambhīrapaññā. Gambhīresu balesu ñāṇaṃ pavattatīti – gambhīrapaññā. Gambhīresu bojjhaṅgesu ñāṇaṃ pavattatīti – gambhīrapaññā. Gambhīresu ariyamaggesu ñāṇaṃ pavattatīti – gambhīrapaññā. Gambhīresu sāmaññaphalesu ñāṇaṃ pavattatīti – gambhīrapaññā. Gambhīrāsu abhiññāsu ñāṇaṃ pavattatīti – gambhīrapaññā. Gambhīre paramatthe nibbāne ñāṇaṃ pavattatīti – gambhīrapaññā. Gambhīrapaññatāya saṃvattantīti – ayaṃ gambhīrapaññā.
асааманд̇абан̃н̃ад̇ааяа сам̣вад̇д̇анд̇ийд̇и гад̇амаа асааманд̇абан̃н̃аа? яасса буг̇г̇аласса ад̇т̇ававад̇т̇аанад̇о ад̇т̇абадисамбхид̣̇аа ад̇хиг̇ад̇аа ход̇и сажчигад̇аа пассид̇аа бан̃н̃ааяа, д̇хаммававад̇т̇аанад̇о д̇хаммабадисамбхид̣̇аа ад̇хиг̇ад̇аа ход̇и сажчигад̇аа пассид̇аа бан̃н̃ааяа, нируд̇д̇ивавад̇т̇аанад̇о нируд̇д̇ибадисамбхид̣̇аа ад̇хиг̇ад̇аа ход̇и сажчигад̇аа пассид̇аа бан̃н̃ааяа, бадибхаанававад̇т̇аанад̇о бадибхаанабадисамбхид̣̇аа ад̇хиг̇ад̇аа ход̇и сажчигад̇аа пассид̇аа бан̃н̃ааяа, д̇асса ад̇т̇з жа д̇хаммз жа нируд̇д̇ияаа жа бадибхаанз жа на ан̃н̃о гожи саггод̇и абхисамбхавид̇ум̣. анабхисамбхаванийяо жа со ан̃н̃зхийд̇и – асааманд̇абан̃н̃о.
Asāmantapaññatāya saṃvattantīti katamā asāmantapaññā? Yassa puggalassa atthavavatthānato atthapaṭisambhidā adhigatā hoti sacchikatā phassitā paññāya, dhammavavatthānato dhammapaṭisambhidā adhigatā hoti sacchikatā phassitā paññāya, niruttivavatthānato niruttipaṭisambhidā adhigatā hoti sacchikatā phassitā paññāya, paṭibhānavavatthānato paṭibhānapaṭisambhidā adhigatā hoti sacchikatā phassitā paññāya, tassa atthe ca dhamme ca niruttiyā ca paṭibhāne ca na añño koci sakkoti abhisambhavituṃ. Anabhisambhavanīyo ca so aññehīti – asāmantapañño.
бут̇уж̇ж̇анагаляаан̣агасса бан̃н̃аа адтамагасса бан̃н̃ааяа д̣̇уурз вид̣̇уурз сувид̣̇уурз на санд̇игз на сааманд̇аа. бут̇уж̇ж̇анагаляаан̣агам̣ убаад̣̇ааяа адтамаго асааманд̇абан̃н̃о. адтамагасса бан̃н̃аа сод̇аабаннасса бан̃н̃ааяа д̣̇уурз вид̣̇уурз сувид̣̇уурз на санд̇игз на сааманд̇аа. адтамагам̣ убаад̣̇ааяа сод̇аабанно асааманд̇абан̃н̃о. сод̇аабаннасса бан̃н̃аа сагад̣̇ааг̇аамисса бан̃н̃ааяа д̣̇уурз вид̣̇уурз сувид̣̇уурз на санд̇игз на сааманд̇аа. сод̇аабаннам̣ убаад̣̇ааяа сагад̣̇ааг̇аами асааманд̇абан̃н̃о. сагад̣̇ааг̇аамисса бан̃н̃аа анааг̇аамисса бан̃н̃ааяа д̣̇уурз вид̣̇уурз сувид̣̇уурз на санд̇игз на сааманд̇аа. сагад̣̇ааг̇аамим̣ убаад̣̇ааяа анааг̇аамий асааманд̇абан̃н̃о. анааг̇аамисса бан̃н̃аа арахад̇о бан̃н̃ааяа д̣̇уурз вид̣̇уурз сувид̣̇уурз на санд̇игз на сааманд̇аа. анааг̇аамим̣ убаад̣̇ааяа арахаа асааманд̇абан̃н̃о. арахад̇о бан̃н̃аа бажжзгасамб̣уд̣̇д̇хасса 9 бан̃н̃ааяа д̣̇уурз вид̣̇уурз сувид̣̇уурз на санд̇игз на сааманд̇аа. араханд̇ам̣ убаад̣̇ааяа бажжзгаб̣уд̣̇д̇хо асааманд̇абан̃н̃о. бажжзгаб̣уд̣̇д̇хан̃жа сад̣̇зваган̃жа логам̣ убаад̣̇ааяа д̇ат̇ааг̇ад̇о арахам̣ саммаасамб̣уд̣̇д̇хо аг̇г̇о асааманд̇абан̃н̃о.
Puthujjanakalyāṇakassa paññā aṭṭhamakassa paññāya dūre vidūre suvidūre na santike na sāmantā. Puthujjanakalyāṇakaṃ upādāya aṭṭhamako asāmantapañño. Aṭṭhamakassa paññā sotāpannassa paññāya dūre vidūre suvidūre na santike na sāmantā. Aṭṭhamakaṃ upādāya sotāpanno asāmantapañño. Sotāpannassa paññā sakadāgāmissa paññāya dūre vidūre suvidūre na santike na sāmantā. Sotāpannaṃ upādāya sakadāgāmi asāmantapañño. Sakadāgāmissa paññā anāgāmissa paññāya dūre vidūre suvidūre na santike na sāmantā. Sakadāgāmiṃ upādāya anāgāmī asāmantapañño. Anāgāmissa paññā arahato paññāya dūre vidūre suvidūre na santike na sāmantā. Anāgāmiṃ upādāya arahā asāmantapañño. Arahato paññā paccekasambuddhassa 10 paññāya dūre vidūre suvidūre na santike na sāmantā. Arahantaṃ upādāya paccekabuddho asāmantapañño. Paccekabuddhañca sadevakañca lokaṃ upādāya tathāgato arahaṃ sammāsambuddho aggo asāmantapañño.
5. бан̃н̃аабабхзд̣̇агусало бабхиннан̃аан̣о ад̇хиг̇ад̇аббадисамбхид̣̇о жад̇увзсаараж̇ж̇аббад̇д̇о д̣̇асаб̣алад̇хаарий бурисаасабхо бурисасийхо бурисанааг̇о бурисааж̇ан̃н̃о бурисад̇хораяхо ананд̇ан̃аан̣о ананд̇ад̇зж̇о ананд̇аяасо ад̣дхо махад̣̇д̇хано д̇ханаваа нзд̇аа винзд̇аа анунзд̇аа бан̃н̃аабзд̇аа ниж̇жхаабзд̇аа бзгкзд̇аа басаад̣̇зд̇аа. со хи бхаг̇аваа ануббаннасса маг̇г̇асса уббаад̣̇зд̇аа, асан̃ж̇аад̇асса маг̇г̇асса сан̃ж̇анзд̇аа 11, анагкаад̇асса маг̇г̇асса агкаад̇аа, маг̇г̇ан̃н̃уу маг̇г̇авид̣̇уу маг̇г̇аговид̣̇о маг̇г̇аануг̇аамий 12 жа банасса зд̇арахи саавагаа вихаранд̇и бажчаа саманнааг̇ад̇аа.
5. Paññāpabhedakusalo pabhinnañāṇo adhigatappaṭisambhido catuvesārajjappatto dasabaladhārī purisāsabho purisasīho purisanāgo purisājañño purisadhorayho anantañāṇo anantatejo anantayaso aḍḍho mahaddhano dhanavā netā vinetā anunetā paññāpetā nijjhāpetā pekkhetā pasādetā. So hi bhagavā anuppannassa maggassa uppādetā, asañjātassa maggassa sañjanetā 13, anakkhātassa maggassa akkhātā, maggaññū maggavidū maggakovido maggānugāmī 14 ca panassa etarahi sāvakā viharanti pacchā samannāgatā.
со хи бхаг̇аваа ж̇аанам̣ ж̇аанаад̇и, бассам̣ бассад̇и, жагкубхууд̇о н̃аан̣абхууд̇о д̇хаммабхууд̇о б̣рахмабхууд̇о вад̇д̇аа бавад̇д̇аа ад̇т̇асса ниннзд̇аа амад̇асса д̣̇аад̇аа д̇хаммассаамий д̇ат̇ааг̇ад̇о. над̇т̇и д̇асса бхаг̇авад̇о ан̃н̃аад̇ам̣ ад̣̇идтам̣ авид̣̇ид̇ам̣ асажчигад̇ам̣ апассид̇ам̣ бан̃н̃ааяа. ад̇ийд̇ам̣ анааг̇ад̇ам̣ бажжуббаннам̣ 15 убаад̣̇ааяа саб̣б̣з д̇хаммаа саб̣б̣аагаарзна б̣уд̣̇д̇хасса бхаг̇авад̇о н̃аан̣амукз аабаат̇ам̣ ааг̇ажчанд̇и. яам̣ гин̃жи нзяяам̣ наама ад̇т̇и д̇ам̣ саб̣б̣ам̣ ж̇аанид̇аб̣б̣ам̣ 16. ад̇д̇ад̇т̇о ваа барад̇т̇о ваа убхаяад̇т̇о ваа д̣̇идтад̇хаммиго ваа ад̇т̇о самбарааяиго ваа ад̇т̇о уд̇д̇аано ваа ад̇т̇о г̇амбхийро ваа ад̇т̇о г̇уул̣хо ваа ад̇т̇о бадижчанно ваа ад̇т̇о нзяяо ваа ад̇т̇о нийд̇о ваа ад̇т̇о анаваж̇ж̇о ваа ад̇т̇о ниггилзсо ваа ад̇т̇о вод̣̇аано ваа ад̇т̇о барамад̇т̇о ваа ад̇т̇о, саб̣б̣ам̣ д̇ам̣ анд̇об̣уд̣̇д̇хан̃аан̣з баривад̇д̇ад̇и.
So hi bhagavā jānaṃ jānāti, passaṃ passati, cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato. Natthi tassa bhagavato aññātaṃ adiṭṭhaṃ aviditaṃ asacchikataṃ aphassitaṃ paññāya. Atītaṃ anāgataṃ paccuppannaṃ 17 upādāya sabbe dhammā sabbākārena buddhassa bhagavato ñāṇamukhe āpāthaṃ āgacchanti. Yaṃ kiñci neyyaṃ nāma atthi taṃ sabbaṃ jānitabbaṃ 18. Attattho vā parattho vā ubhayattho vā diṭṭhadhammiko vā attho samparāyiko vā attho uttāno vā attho gambhīro vā attho gūḷho vā attho paṭicchanno vā attho neyyo vā attho nīto vā attho anavajjo vā attho nikkileso vā attho vodāno vā attho paramattho vā attho, sabbaṃ taṃ antobuddhañāṇe parivattati.
саб̣б̣ам̣ гааяагаммам̣ б̣уд̣̇д̇хасса бхаг̇авад̇о н̃аан̣аанубаривад̇д̇и . саб̣б̣ам̣ важийгаммам̣ б̣уд̣̇д̇хасса бхаг̇авад̇о н̃аан̣аанубаривад̇д̇и. саб̣б̣ам̣ маногаммам̣ б̣уд̣̇д̇хасса бхаг̇авад̇о н̃аан̣аанубаривад̇д̇и. ад̇ийд̇з б̣уд̣̇д̇хасса бхаг̇авад̇о аббадихад̇ам̣ н̃аан̣ам̣. анааг̇ад̇з б̣уд̣̇д̇хасса бхаг̇авад̇о аббадихад̇ам̣ н̃аан̣ам̣. бажжуббаннз б̣уд̣̇д̇хасса бхаг̇авад̇о аббадихад̇ам̣ н̃аан̣ам̣. яаавад̇агам̣ нзяяам̣ д̇аавад̇агам̣ н̃аан̣ам̣, яаавад̇агам̣ н̃аан̣ам̣ д̇аавад̇агам̣ нзяяам̣. нзяяабарияанд̇игам̣ н̃аан̣ам̣, н̃аан̣абарияанд̇игам̣ нзяяам̣. нзяяам̣ ад̇иггамид̇ваа н̃аан̣ам̣ наббавад̇д̇ад̇и. н̃аан̣ам̣ ад̇иггамид̇ваа нзяяабат̇о над̇т̇и. ан̃н̃аман̃н̃абарияанд̇адтааяино д̇з д̇хаммаа. яат̇аа д̣̇виннам̣ самуг̇г̇абадалаанам̣ саммаа пусид̇аанам̣ 19 хздтимам̣ самуг̇г̇абадалам̣ убаримам̣ наад̇ивад̇д̇ад̇и, убаримам̣ самуг̇г̇абадалам̣ хздтимам̣ наад̇ивад̇д̇ад̇и, ан̃н̃аман̃н̃абарияанд̇адтааяино; звамзва б̣уд̣̇д̇хасса бхаг̇авад̇о нзяяан̃жа н̃аан̣ан̃жа ан̃н̃аман̃н̃абарияанд̇адтааяино. яаавад̇агам̣ нзяяам̣ д̇аавад̇агам̣ н̃аан̣ам̣, яаавад̇агам̣ н̃аан̣ам̣ д̇аавад̇агам̣ нзяяам̣. нзяяабарияанд̇игам̣ н̃аан̣ам̣, н̃аан̣абарияанд̇игам̣ нзяяам̣. нзяяам̣ ад̇иггамид̇ваа н̃аан̣ам̣ наббавад̇д̇ад̇и. н̃аан̣ам̣ ад̇иггамид̇ваа нзяяабат̇о над̇т̇и. ан̃н̃аман̃н̃абарияанд̇адтааяино д̇з д̇хаммаа. саб̣б̣ад̇хаммзсу б̣уд̣̇д̇хасса бхаг̇авад̇о н̃аан̣ам̣ бавад̇д̇ад̇и.
Sabbaṃ kāyakammaṃ buddhassa bhagavato ñāṇānuparivatti . Sabbaṃ vacīkammaṃ buddhassa bhagavato ñāṇānuparivatti. Sabbaṃ manokammaṃ buddhassa bhagavato ñāṇānuparivatti. Atīte buddhassa bhagavato appaṭihataṃ ñāṇaṃ. Anāgate buddhassa bhagavato appaṭihataṃ ñāṇaṃ. Paccuppanne buddhassa bhagavato appaṭihataṃ ñāṇaṃ. Yāvatakaṃ neyyaṃ tāvatakaṃ ñāṇaṃ, yāvatakaṃ ñāṇaṃ tāvatakaṃ neyyaṃ. Neyyapariyantikaṃ ñāṇaṃ, ñāṇapariyantikaṃ neyyaṃ. Neyyaṃ atikkamitvā ñāṇaṃ nappavattati. Ñāṇaṃ atikkamitvā neyyapatho natthi. Aññamaññapariyantaṭṭhāyino te dhammā. Yathā dvinnaṃ samuggapaṭalānaṃ sammā phusitānaṃ 20 heṭṭhimaṃ samuggapaṭalaṃ uparimaṃ nātivattati, uparimaṃ samuggapaṭalaṃ heṭṭhimaṃ nātivattati, aññamaññapariyantaṭṭhāyino; evameva buddhassa bhagavato neyyañca ñāṇañca aññamaññapariyantaṭṭhāyino. Yāvatakaṃ neyyaṃ tāvatakaṃ ñāṇaṃ, yāvatakaṃ ñāṇaṃ tāvatakaṃ neyyaṃ. Neyyapariyantikaṃ ñāṇaṃ, ñāṇapariyantikaṃ neyyaṃ. Neyyaṃ atikkamitvā ñāṇaṃ nappavattati. Ñāṇaṃ atikkamitvā neyyapatho natthi. Aññamaññapariyantaṭṭhāyino te dhammā. Sabbadhammesu buddhassa bhagavato ñāṇaṃ pavattati.
саб̣б̣з д̇хаммаа б̣уд̣̇д̇хасса бхаг̇авад̇о ааваж̇ж̇анаббадиб̣ад̣̇д̇хаа ааган̇каббадиб̣ад̣̇д̇хаа манасигаараббадиб̣ад̣̇д̇хаа жид̇д̇уббаад̣̇аббадиб̣ад̣̇д̇хаа. саб̣б̣асад̇д̇зсу б̣уд̣̇д̇хасса бхаг̇авад̇о н̃аан̣ам̣ бавад̇д̇ад̇и. саб̣б̣зсам̣ сад̇д̇аанам̣ б̣уд̣̇д̇хо аасаяам̣ ж̇аанаад̇и, анусаяам̣ ж̇аанаад̇и, жарид̇ам̣ 21 ж̇аанаад̇и, ад̇химуд̇д̇им̣ ж̇аанаад̇и . аббараж̇агкз махаараж̇агкз д̇игкинд̣̇рияз муд̣̇инд̣̇рияз сваагаарз д̣̇ваагаарз сувин̃н̃аабаяз д̣̇увин̃н̃аабаяз бхаб̣б̣аабхаб̣б̣з сад̇д̇з баж̇аанаад̇и. сад̣̇зваго лого самаараго саб̣рахмаго сассаман̣аб̣раахман̣ий баж̇аа сад̣̇звамануссаа анд̇об̣уд̣̇д̇хан̃аан̣з баривад̇д̇ад̇и.
Sabbe dhammā buddhassa bhagavato āvajjanappaṭibaddhā ākaṅkhappaṭibaddhā manasikārappaṭibaddhā cittuppādappaṭibaddhā. Sabbasattesu buddhassa bhagavato ñāṇaṃ pavattati. Sabbesaṃ sattānaṃ buddho āsayaṃ jānāti, anusayaṃ jānāti, caritaṃ 22 jānāti, adhimuttiṃ jānāti . Apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye bhabbābhabbe satte pajānāti. Sadevako loko samārako sabrahmako sassamaṇabrāhmaṇī pajā sadevamanussā antobuddhañāṇe parivattati.
яат̇аа яз гзжи мажчагажчабаа, анд̇амасо д̇имид̇имин̇г̇алам̣ убаад̣̇ааяа, анд̇омахаасамуд̣̇д̣̇з баривад̇д̇анд̇и, звамзвам̣ сад̣̇зваго лого самаараго саб̣рахмаго сассаман̣аб̣раахман̣ий баж̇аа сад̣̇звамануссаа анд̇об̣уд̣̇д̇хан̃аан̣з баривад̇д̇ад̇и. яат̇аа яз гзжи багкино, анд̇амасо г̇арул̣ам̣ взнад̇зяяам̣ убаад̣̇ааяа, аагаасасса бад̣̇зсз баривад̇д̇анд̇и; звамзва язби д̇з саарибуд̇д̇асамаа бан̃н̃ааяа д̇зби б̣уд̣̇д̇хан̃аан̣асса бад̣̇зсз баривад̇д̇анд̇и. б̣уд̣̇д̇хан̃аан̣ам̣ д̣̇звамануссаанам̣ бан̃н̃ам̣ парид̇ваа ад̇игхам̣сид̇ваа д̇идтад̇и. язби д̇з кад̇д̇ияабан̣д̣ид̇аа б̣раахман̣абан̣д̣ид̇аа г̇ахабад̇ибан̣д̣ид̇аа саман̣абан̣д̣ид̇аа нибун̣аа гад̇абараббаваад̣̇аа ваалавзд̇хируубаа вобхинд̣̇анд̇аа 23 ман̃н̃з жаранд̇и бан̃н̃ааг̇ад̇зна д̣̇идтиг̇ад̇аани, д̇з бан̃хам̣ абхисан̇карид̇ваа абхисан̇карид̇ваа д̇ат̇ааг̇ад̇ам̣ убасан̇гамид̇ваа бужчанд̇и г̇уул̣хаани жа бадижчаннаани жа, гат̇ид̇аа висаж̇ж̇ид̇аа жа д̇з бан̃хаа бхаг̇авад̇аа хонд̇и нид̣̇д̣̇идтагааран̣аа 24. убагкид̇д̇агаа жа д̇з бхаг̇авад̇о самбаж̇ж̇анд̇и. ат̇а ко бхаг̇аваа д̇ад̇т̇а ад̇ирожад̇и яад̣̇ид̣̇ам̣ бан̃н̃ааяаад̇и. аг̇г̇о асааманд̇абан̃н̃о, асааманд̇абан̃н̃ад̇ааяа сам̣вад̇д̇анд̇ийд̇и – аяам̣ асааманд̇абан̃н̃аа.
Yathā ye keci macchakacchapā, antamaso timitimiṅgalaṃ upādāya, antomahāsamudde parivattanti, evamevaṃ sadevako loko samārako sabrahmako sassamaṇabrāhmaṇī pajā sadevamanussā antobuddhañāṇe parivattati. Yathā ye keci pakkhino, antamaso garuḷaṃ venateyyaṃ upādāya, ākāsassa padese parivattanti; evameva yepi te sāriputtasamā paññāya tepi buddhañāṇassa padese parivattanti. Buddhañāṇaṃ devamanussānaṃ paññaṃ pharitvā atighaṃsitvā tiṭṭhati. Yepi te khattiyapaṇḍitā brāhmaṇapaṇḍitā gahapatipaṇḍitā samaṇapaṇḍitā nipuṇā kataparappavādā vālavedhirūpā vobhindantā 25 maññe caranti paññāgatena diṭṭhigatāni, te pañhaṃ abhisaṅkharitvā abhisaṅkharitvā tathāgataṃ upasaṅkamitvā pucchanti gūḷhāni ca paṭicchannāni ca, kathitā visajjitā ca te pañhā bhagavatā honti niddiṭṭhakāraṇā 26. Upakkhittakā ca te bhagavato sampajjanti. Atha kho bhagavā tattha atirocati yadidaṃ paññāyāti. Aggo asāmantapañño, asāmantapaññatāya saṃvattantīti – ayaṃ asāmantapaññā.
6. бхуурибан̃н̃ад̇ааяа сам̣вад̇д̇анд̇ийд̇и гад̇амаа бхуурибан̃н̃аа? рааг̇ам̣ абхибхуяяад̇ийд̇и – бхуурибан̃н̃аа. абхибхавид̇аад̇и – бхуурибан̃н̃аа. д̣̇осам̣ абхибхуяяад̇ийд̇и – бхуурибан̃н̃аа. абхибхавид̇аад̇и – бхуурибан̃н̃аа. мохам̣ абхибхуяяад̇ийд̇и – бхуурибан̃н̃аа. абхибхавид̇аад̇и – бхуурибан̃н̃аа. год̇хам̣…бз… убанаахам̣ … магкам̣… бал̣аасам̣… иссам̣… мажчарияам̣… мааяам̣… саатзяяам̣… т̇амбхам̣… саарамбхам̣… маанам̣… ад̇имаанам̣… мад̣̇ам̣… бамаад̣̇ам̣… саб̣б̣з гилзсз… саб̣б̣з д̣̇ужжарид̇з… саб̣б̣з абхисан̇каарз…бз… саб̣б̣з бхаваг̇аамигаммз абхибхуяяад̇ийд̇и – бхуурибан̃н̃аа. абхибхавид̇аад̇и – бхуурибан̃н̃аа. рааг̇о ари. д̇ам̣ арим̣ мад̣̇д̣̇анибан̃н̃аад̇и – бхуурибан̃н̃аа. д̣̇осо ари. д̇ам̣ арим̣ мад̣̇д̣̇анибан̃н̃аад̇и – бхуурибан̃н̃аа. мохо ари. д̇ам̣ арим̣ мад̣̇д̣̇анибан̃н̃аад̇и – бхуурибан̃н̃аа. год̇хо…бз… убанаахо… магко… бал̣аасо… иссаа… мажчарияам̣… мааяаа… саатзяяам̣… т̇амбхо… саарамбхо… маано… ад̇имаано… мад̣̇о… бамаад̣̇о… саб̣б̣з гилзсаа… саб̣б̣з д̣̇ужжарид̇аа… саб̣б̣з абхисан̇каараа…бз… саб̣б̣з бхаваг̇аамигаммаа ари. д̇ам̣ арим̣ мад̣̇д̣̇анибан̃н̃аад̇и – бхуурибан̃н̃аа. бхуури вужжад̇и бат̇авий 27. д̇ааяа бат̇ависамааяа вид̇т̇ад̇ааяа вибулааяа бан̃н̃ааяа саманнааг̇ад̇од̇и – бхуурибан̃н̃аа. аби жа, бан̃н̃ааяа мзд̇ам̣ ад̇хиважанам̣. бхуури мзд̇хаа барин̣ааяигаад̇и – бхуурибан̃н̃аа. бхуурибан̃н̃ад̇ааяа сам̣вад̇д̇анд̇ийд̇и – аяам̣ бхуурибан̃н̃аа.
6.Bhūripaññatāyasaṃvattantīti katamā bhūripaññā? Rāgaṃ abhibhuyyatīti – bhūripaññā. Abhibhavitāti – bhūripaññā. Dosaṃ abhibhuyyatīti – bhūripaññā. Abhibhavitāti – bhūripaññā. Mohaṃ abhibhuyyatīti – bhūripaññā. Abhibhavitāti – bhūripaññā. Kodhaṃ…pe… upanāhaṃ … makkhaṃ… paḷāsaṃ… issaṃ… macchariyaṃ… māyaṃ… sāṭheyyaṃ… thambhaṃ… sārambhaṃ… mānaṃ… atimānaṃ… madaṃ… pamādaṃ… sabbe kilese… sabbe duccarite… sabbe abhisaṅkhāre…pe… sabbe bhavagāmikamme abhibhuyyatīti – bhūripaññā. Abhibhavitāti – bhūripaññā. Rāgo ari. Taṃ ariṃ maddanipaññāti – bhūripaññā. Doso ari. Taṃ ariṃ maddanipaññāti – bhūripaññā. Moho ari. Taṃ ariṃ maddanipaññāti – bhūripaññā. Kodho…pe… upanāho… makkho… paḷāso… issā… macchariyaṃ… māyā… sāṭheyyaṃ… thambho… sārambho… māno… atimāno… mado… pamādo… sabbe kilesā… sabbe duccaritā… sabbe abhisaṅkhārā…pe… sabbe bhavagāmikammā ari. Taṃ ariṃ maddanipaññāti – bhūripaññā. Bhūri vuccati pathavī 28. Tāya pathavisamāya vitthatāya vipulāya paññāya samannāgatoti – bhūripaññā. Api ca, paññāya metaṃ adhivacanaṃ. Bhūri medhā pariṇāyikāti – bhūripaññā. Bhūripaññatāya saṃvattantīti – ayaṃ bhūripaññā.
бан̃н̃ааб̣аахуллааяа сам̣вад̇д̇анд̇ийд̇и гад̇амам̣ бан̃н̃ааб̣аахуллам̣? ид̇хзгажжо бан̃н̃ааг̇аруго ход̇и бан̃н̃аажарид̇о бан̃н̃аасаяо бан̃н̃аад̇химуд̇д̇о бан̃н̃аад̇хаж̇о бан̃н̃аагзд̇у бан̃н̃аад̇хибад̇зяяо вижаяаб̣ахуло бавижаяаб̣ахуло огкааяанаб̣ахуло самогкааяанаб̣ахуло 29 самбзгкааяанад̇хаммо вибхууд̇авихаарий д̇ажжарид̇о д̇аг̇г̇аруго д̇аб̣б̣ахуло д̇аннинно д̇аббон̣о д̇аббаб̣бхааро д̇ад̣̇ад̇химуд̇д̇о д̇ад̣̇ад̇хибад̇зяяо. яат̇аа г̇ан̣аг̇аруго вужжад̇и ‘‘г̇ан̣аб̣аахулиго’’д̇и, жийвараг̇аруго вужжад̇и ‘‘жийвараб̣аахулиго’’д̇и, бад̇д̇аг̇аруго вужжад̇и ‘‘бад̇д̇аб̣аахулиго’’д̇и, сзнаасанаг̇аруго вужжад̇и ‘‘сзнаасанаб̣аахулиго’’д̇и; звамзвам̣ ид̇хзгажжо бан̃н̃аа г̇аруго ход̇и бан̃н̃аажарид̇о бан̃н̃аасаяо бан̃н̃аад̇химуд̇д̇о бан̃н̃аад̇хаж̇о бан̃н̃аагзд̇у бан̃н̃аад̇хибад̇зяяо вижаяаб̣ахуло бавижаяаб̣ахуло огкааяанаб̣ахуло самогкааяанаб̣ахуло самбзгкааяанад̇хаммо вибхууд̇авихаарий д̇ажжарид̇о д̇аг̇г̇аруго д̇аб̣б̣ахуло д̇аннинно д̇аббон̣о д̇аббаб̣бхааро д̇ад̣̇ад̇химуд̇д̇о д̇ад̣̇ад̇хибад̇зяяо. бан̃н̃ааб̣аахуллааяа сам̣вад̇д̇анд̇ийд̇и – ид̣̇ам̣ бан̃н̃ааб̣аахуллам̣.
Paññābāhullāyasaṃvattantīti katamaṃ paññābāhullaṃ? Idhekacco paññāgaruko hoti paññācarito paññāsayo paññādhimutto paññādhajo paññāketu paññādhipateyyo vicayabahulo pavicayabahulo okkhāyanabahulo samokkhāyanabahulo 30 sampekkhāyanadhammo vibhūtavihārī taccarito taggaruko tabbahulo tanninno tappoṇo tappabbhāro tadadhimutto tadadhipateyyo. Yathā gaṇagaruko vuccati ‘‘gaṇabāhuliko’’ti, cīvaragaruko vuccati ‘‘cīvarabāhuliko’’ti, pattagaruko vuccati ‘‘pattabāhuliko’’ti, senāsanagaruko vuccati ‘‘senāsanabāhuliko’’ti; evamevaṃ idhekacco paññā garuko hoti paññācarito paññāsayo paññādhimutto paññādhajo paññāketu paññādhipateyyo vicayabahulo pavicayabahulo okkhāyanabahulo samokkhāyanabahulo sampekkhāyanadhammo vibhūtavihārī taccarito taggaruko tabbahulo tanninno tappoṇo tappabbhāro tadadhimutto tadadhipateyyo. Paññābāhullāya saṃvattantīti – idaṃ paññābāhullaṃ.
сийгхабан̃н̃ад̇ааяа сам̣вад̇д̇анд̇ийд̇и гад̇амаа сийгхабан̃н̃аа? сийгхам̣ сийгхам̣ сийлаани барибуурзд̇ийд̇и – сийгхабан̃н̃аа. сийгхам̣ сийгхам̣ инд̣̇рияасам̣варам̣ барибуурзд̇ийд̇и – сийгхабан̃н̃аа. сийгхам̣ сийгхам̣ бхож̇анз мад̇д̇ан̃н̃уд̇ам̣ барибуурзд̇ийд̇и – сийгхабан̃н̃аа. сийгхам̣ сийгхам̣ ж̇ааг̇арияаануяог̇ам̣ барибуурзд̇ийд̇и – сийгхабан̃н̃аа. сийгхам̣ сийгхам̣ сийлагканд̇хам̣ барибуурзд̇ийд̇и – сийгхабан̃н̃аа. сийгхам̣ сийгхам̣ самаад̇хигканд̇хам̣ барибуурзд̇ийд̇и – сийгхабан̃н̃аа. сийгхам̣ сийгхам̣ бан̃н̃аагканд̇хам̣ барибуурзд̇ийд̇и – сийгхабан̃н̃аа . сийгхам̣ сийгхам̣ вимуд̇д̇игканд̇хам̣ барибуурзд̇ийд̇и – сийгхабан̃н̃аа. сийгхам̣ сийгхам̣ вимуд̇д̇ин̃аан̣ад̣̇ассанагканд̇хам̣ барибуурзд̇ийд̇и – сийгхабан̃н̃аа. сийгхам̣ сийгхам̣ таанаадтаанаани бадивиж̇жхад̇ийд̇и – сийгхабан̃н̃аа. сийгхам̣ сийгхам̣ вихаарасамаабад̇д̇ияо барибуурзд̇ийд̇и – сийгхабан̃н̃аа. сийгхам̣ сийгхам̣ арияасажжаани бадивиж̇жхад̇ийд̇и – сийгхабан̃н̃аа. сийгхам̣ сийгхам̣ сад̇ибадтаанз бхаавзд̇ийд̇и – сийгхабан̃н̃аа. сийгхам̣ сийгхам̣ саммаббад̇хаанз бхаавзд̇ийд̇и – сийгхабан̃н̃аа. сийгхам̣ сийгхам̣ ид̣̇д̇хибаад̣̇з бхаавзд̇ийд̇и – сийгхабан̃н̃аа. сийгхам̣ сийгхам̣ инд̣̇рияаани бхаавзд̇ийд̇и – сийгхабан̃н̃аа. сийгхам̣ сийгхам̣ б̣алаани бхаавзд̇ийд̇и – сийгхабан̃н̃аа. сийгхам̣ сийгхам̣ б̣ож̇жхан̇г̇з бхаавзд̇ийд̇и – сийгхабан̃н̃аа. сийгхам̣ сийгхам̣ арияамаг̇г̇ам̣ бхаавзд̇ийд̇и – сийгхабан̃н̃аа. сийгхам̣ сийгхам̣ сааман̃н̃апалаани сажчигарод̇ийд̇и – сийгхабан̃н̃аа. сийгхам̣ сийгхам̣ абхин̃н̃ааяо бадивиж̇жхад̇ийд̇и – сийгхабан̃н̃аа. сийгхам̣ сийгхам̣ барамад̇т̇ам̣ ниб̣б̣аанам̣ сажчигарод̇ийд̇и – сийгхабан̃н̃аа. сийгхабан̃н̃ад̇ааяа сам̣вад̇д̇анд̇ийд̇и – аяам̣ сийгхабан̃н̃аа.
Sīghapaññatāya saṃvattantīti katamā sīghapaññā? Sīghaṃ sīghaṃ sīlāni paripūretīti – sīghapaññā. Sīghaṃ sīghaṃ indriyasaṃvaraṃ paripūretīti – sīghapaññā. Sīghaṃ sīghaṃ bhojane mattaññutaṃ paripūretīti – sīghapaññā. Sīghaṃ sīghaṃ jāgariyānuyogaṃ paripūretīti – sīghapaññā. Sīghaṃ sīghaṃ sīlakkhandhaṃ paripūretīti – sīghapaññā. Sīghaṃ sīghaṃ samādhikkhandhaṃ paripūretīti – sīghapaññā. Sīghaṃ sīghaṃ paññākkhandhaṃ paripūretīti – sīghapaññā . Sīghaṃ sīghaṃ vimuttikkhandhaṃ paripūretīti – sīghapaññā. Sīghaṃ sīghaṃ vimuttiñāṇadassanakkhandhaṃ paripūretīti – sīghapaññā. Sīghaṃ sīghaṃ ṭhānāṭṭhānāni paṭivijjhatīti – sīghapaññā. Sīghaṃ sīghaṃ vihārasamāpattiyo paripūretīti – sīghapaññā. Sīghaṃ sīghaṃ ariyasaccāni paṭivijjhatīti – sīghapaññā. Sīghaṃ sīghaṃ satipaṭṭhāne bhāvetīti – sīghapaññā. Sīghaṃ sīghaṃ sammappadhāne bhāvetīti – sīghapaññā. Sīghaṃ sīghaṃ iddhipāde bhāvetīti – sīghapaññā. Sīghaṃ sīghaṃ indriyāni bhāvetīti – sīghapaññā. Sīghaṃ sīghaṃ balāni bhāvetīti – sīghapaññā. Sīghaṃ sīghaṃ bojjhaṅge bhāvetīti – sīghapaññā. Sīghaṃ sīghaṃ ariyamaggaṃ bhāvetīti – sīghapaññā. Sīghaṃ sīghaṃ sāmaññaphalāni sacchikarotīti – sīghapaññā. Sīghaṃ sīghaṃ abhiññāyo paṭivijjhatīti – sīghapaññā. Sīghaṃ sīghaṃ paramatthaṃ nibbānaṃ sacchikarotīti – sīghapaññā. Sīghapaññatāya saṃvattantīti – ayaṃ sīghapaññā.
лахубан̃н̃ад̇ааяа сам̣вад̇д̇анд̇ийд̇и гад̇амаа лахубан̃н̃аа? лахум̣ лахум̣ сийлаани барибуурзд̇ийд̇и – лахубан̃н̃аа. лахум̣ лахум̣ инд̣̇рияасам̣варам̣ барибуурзд̇ийд̇и – лахубан̃н̃аа. лахум̣ лахум̣ бхож̇анз мад̇д̇ан̃н̃уд̇ам̣ барибуурзд̇ийд̇и – лахубан̃н̃аа. лахум̣ лахум̣ ж̇ааг̇арияаануяог̇ам̣ барибуурзд̇ийд̇и – лахубан̃н̃аа. лахум̣ лахум̣ сийлагканд̇хам̣ …бз… самаад̇хигканд̇хам̣ … бан̃н̃аагканд̇хам̣… вимуд̇д̇игканд̇хам̣… вимуд̇д̇ин̃аан̣ад̣̇ассанагканд̇хам̣ барибуурзд̇ийд̇и – лахубан̃н̃аа. лахум̣ лахум̣ таанаадтаанаани бадивиж̇жхад̇ийд̇и – лахубан̃н̃аа. лахум̣ лахум̣ вихаарасамаабад̇д̇ияо барибуурзд̇ийд̇и – лахубан̃н̃аа. лахум̣ лахум̣ арияасажжаани бадивиж̇жхад̇ийд̇и – лахубан̃н̃аа. лахум̣ лахум̣ сад̇ибадтаанз бхаавзд̇ийд̇и – лахубан̃н̃аа. лахум̣ лахум̣ саммаббад̇хаанз бхаавзд̇ийд̇и – лахубан̃н̃аа. лахум̣ лахум̣ ид̣̇д̇хибаад̣̇з бхаавзд̇ийд̇и – лахубан̃н̃аа. лахум̣ лахум̣ инд̣̇рияаани бхаавзд̇ийд̇и – лахубан̃н̃аа. лахум̣ лахум̣ б̣алаани бхаавзд̇ийд̇и – лахубан̃н̃аа. лахум̣ лахум̣ б̣ож̇жхан̇г̇з бхаавзд̇ийд̇и – лахубан̃н̃аа. лахум̣ лахум̣ арияамаг̇г̇ам̣ бхаавзд̇ийд̇и – лахубан̃н̃аа. лахум̣ лахум̣ сааман̃н̃апалаани сажчигарод̇ийд̇и – лахубан̃н̃аа. лахум̣ лахум̣ абхин̃н̃ааяо бадивиж̇жхад̇ийд̇и – лахубан̃н̃аа. лахум̣ лахум̣ барамад̇т̇ам̣ ниб̣б̣аанам̣ сажчигарод̇ийд̇и – лахубан̃н̃аа. лахубан̃н̃ад̇ааяа сам̣вад̇д̇анд̇ийд̇и – аяам̣ лахубан̃н̃аа.
Lahupaññatāya saṃvattantīti katamā lahupaññā? Lahuṃ lahuṃ sīlāni paripūretīti – lahupaññā. Lahuṃ lahuṃ indriyasaṃvaraṃ paripūretīti – lahupaññā. Lahuṃ lahuṃ bhojane mattaññutaṃ paripūretīti – lahupaññā. Lahuṃ lahuṃ jāgariyānuyogaṃ paripūretīti – lahupaññā. Lahuṃ lahuṃ sīlakkhandhaṃ …pe… samādhikkhandhaṃ … paññākkhandhaṃ… vimuttikkhandhaṃ… vimuttiñāṇadassanakkhandhaṃ paripūretīti – lahupaññā. Lahuṃ lahuṃ ṭhānāṭṭhānāni paṭivijjhatīti – lahupaññā. Lahuṃ lahuṃ vihārasamāpattiyo paripūretīti – lahupaññā. Lahuṃ lahuṃ ariyasaccāni paṭivijjhatīti – lahupaññā. Lahuṃ lahuṃ satipaṭṭhāne bhāvetīti – lahupaññā. Lahuṃ lahuṃ sammappadhāne bhāvetīti – lahupaññā. Lahuṃ lahuṃ iddhipāde bhāvetīti – lahupaññā. Lahuṃ lahuṃ indriyāni bhāvetīti – lahupaññā. Lahuṃ lahuṃ balāni bhāvetīti – lahupaññā. Lahuṃ lahuṃ bojjhaṅge bhāvetīti – lahupaññā. Lahuṃ lahuṃ ariyamaggaṃ bhāvetīti – lahupaññā. Lahuṃ lahuṃ sāmaññaphalāni sacchikarotīti – lahupaññā. Lahuṃ lahuṃ abhiññāyo paṭivijjhatīti – lahupaññā. Lahuṃ lahuṃ paramatthaṃ nibbānaṃ sacchikarotīti – lahupaññā. Lahupaññatāya saṃvattantīti – ayaṃ lahupaññā.
хаасабан̃н̃ад̇ааяа сам̣вад̇д̇анд̇ийд̇и гад̇амаа хаасабан̃н̃аа? ид̇хзгажжо хаасаб̣ахуло взд̣̇аб̣ахуло д̇удтиб̣ахуло баамож̇ж̇аб̣ахуло сийлаани барибуурзд̇ийд̇и – хаасабан̃н̃аа. хаасаб̣ахуло взд̣̇аб̣ахуло д̇удтиб̣ахуло баамож̇ж̇аб̣ахуло инд̣̇рияасам̣варам̣ барибуурзд̇ийд̇и – хаасабан̃н̃аа. хаасаб̣ахуло взд̣̇аб̣ахуло д̇удтиб̣ахуло баамож̇ж̇аб̣ахуло бхож̇анз мад̇д̇ан̃н̃уд̇ам̣ барибуурзд̇ийд̇и – хаасабан̃н̃аа. хаасаб̣ахуло взд̣̇аб̣ахуло д̇удтиб̣ахуло баамож̇ж̇аб̣ахуло ж̇ааг̇арияаануяог̇ам̣ барибуурзд̇ийд̇и – хаасабан̃н̃аа. хаасаб̣ахуло взд̣̇аб̣ахуло д̇удтиб̣ахуло баамож̇ж̇аб̣ахуло сийлагканд̇хам̣…бз… самаад̇хигканд̇хам̣… бан̃н̃аагканд̇хам̣… вимуд̇д̇игканд̇хам̣… вимуд̇д̇ин̃аан̣ад̣̇ассанагканд̇хам̣ барибуурзд̇ийд̇и…бз… таанаадтаанаани бадивиж̇жхад̇ийд̇и… вихаарасамаабад̇д̇ияо барибуурзд̇ийд̇и … арияасажжаани бадивиж̇жхад̇ийд̇и… сад̇ибадтаанз бхаавзд̇ийд̇и… саммаббад̇хаанз бхаавзд̇ийд̇и… ид̣̇д̇хибаад̣̇з бхаавзд̇ийд̇и… инд̣̇рияаани бхаавзд̇ийд̇и… б̣алаани бхаавзд̇ийд̇и… б̣ож̇жхан̇г̇з бхаавзд̇ийд̇и … арияамаг̇г̇ам̣ бхаавзд̇ийд̇и…бз… сааман̃н̃апалаани сажчигарод̇ийд̇и – хаасабан̃н̃аа. хаасаб̣ахуло взд̣̇аб̣ахуло д̇удтиб̣ахуло баамож̇ж̇аб̣ахуло абхин̃н̃ааяо бадивиж̇жхад̇ийд̇и – хаасабан̃н̃аа. хаасаб̣ахуло взд̣̇аб̣ахуло д̇удтиб̣ахуло баамож̇ж̇аб̣ахуло барамад̇т̇ам̣ ниб̣б̣аанам̣ сажчигарод̇ийд̇и – хаасабан̃н̃аа. хаасабан̃н̃ад̇ааяа сам̣вад̇д̇анд̇ийд̇и – аяам̣ хаасабан̃н̃аа.
Hāsapaññatāya saṃvattantīti katamā hāsapaññā? Idhekacco hāsabahulo vedabahulo tuṭṭhibahulo pāmojjabahulo sīlāni paripūretīti – hāsapaññā. Hāsabahulo vedabahulo tuṭṭhibahulo pāmojjabahulo indriyasaṃvaraṃ paripūretīti – hāsapaññā. Hāsabahulo vedabahulo tuṭṭhibahulo pāmojjabahulo bhojane mattaññutaṃ paripūretīti – hāsapaññā. Hāsabahulo vedabahulo tuṭṭhibahulo pāmojjabahulo jāgariyānuyogaṃ paripūretīti – hāsapaññā. Hāsabahulo vedabahulo tuṭṭhibahulo pāmojjabahulo sīlakkhandhaṃ…pe… samādhikkhandhaṃ… paññākkhandhaṃ… vimuttikkhandhaṃ… vimuttiñāṇadassanakkhandhaṃ paripūretīti…pe… ṭhānāṭṭhānāni paṭivijjhatīti… vihārasamāpattiyo paripūretīti … ariyasaccāni paṭivijjhatīti… satipaṭṭhāne bhāvetīti… sammappadhāne bhāvetīti… iddhipāde bhāvetīti… indriyāni bhāvetīti… balāni bhāvetīti… bojjhaṅge bhāvetīti … ariyamaggaṃ bhāvetīti…pe… sāmaññaphalāni sacchikarotīti – hāsapaññā. Hāsabahulo vedabahulo tuṭṭhibahulo pāmojjabahulo abhiññāyo paṭivijjhatīti – hāsapaññā. Hāsabahulo vedabahulo tuṭṭhibahulo pāmojjabahulo paramatthaṃ nibbānaṃ sacchikarotīti – hāsapaññā. Hāsapaññatāya saṃvattantīti – ayaṃ hāsapaññā.
7. ж̇аванабан̃н̃ад̇ааяа сам̣вад̇д̇анд̇ийд̇и гад̇амаа ж̇аванабан̃н̃аа? яам̣ гин̃жи руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ руубам̣ анижжад̇о киббам̣ ж̇авад̇ийд̇и – ж̇аванабан̃н̃аа. д̣̇угкад̇о киббам̣ ж̇авад̇ийд̇и – ж̇аванабан̃н̃аа. анад̇д̇ад̇о киббам̣ ж̇авад̇ийд̇и – ж̇аванабан̃н̃аа. яаа гаажи взд̣̇анаа…бз… яаа гаажи сан̃н̃аа… яз гзжи сан̇каараа… яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ вин̃н̃аан̣ам̣ анижжад̇о киббам̣ ж̇авад̇ийд̇и – ж̇аванабан̃н̃аа. д̣̇угкад̇о киббам̣ ж̇авад̇ийд̇и – ж̇аванабан̃н̃аа. анад̇д̇ад̇о киббам̣ ж̇авад̇ийд̇и – ж̇аванабан̃н̃аа. жагку…бз… ж̇араамаран̣ам̣ ад̇ийд̇аанааг̇ад̇абажжуббаннам̣ анижжад̇о киббам̣ ж̇авад̇ийд̇и – ж̇аванабан̃н̃аа. д̣̇угкад̇о киббам̣ ж̇авад̇ийд̇и – ж̇аванабан̃н̃аа . анад̇д̇ад̇о киббам̣ ж̇авад̇ийд̇и – ж̇аванабан̃н̃аа.
7.Javanapaññatāya saṃvattantīti katamā javanapaññā? Yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ rūpaṃ aniccato khippaṃ javatīti – javanapaññā. Dukkhato khippaṃ javatīti – javanapaññā. Anattato khippaṃ javatīti – javanapaññā. Yā kāci vedanā…pe… yā kāci saññā… ye keci saṅkhārā… yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ viññāṇaṃ aniccato khippaṃ javatīti – javanapaññā. Dukkhato khippaṃ javatīti – javanapaññā. Anattato khippaṃ javatīti – javanapaññā. Cakkhu…pe… jarāmaraṇaṃ atītānāgatapaccuppannaṃ aniccato khippaṃ javatīti – javanapaññā. Dukkhato khippaṃ javatīti – javanapaññā . Anattato khippaṃ javatīti – javanapaññā.
руубам̣ ад̇ийд̇аанааг̇ад̇абажжуббаннам̣ анижжам̣ каяадтзна д̣̇угкам̣ бхаяадтзна анад̇д̇аа асаарагадтзнаад̇и д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа руубанирод̇хз ниб̣б̣аанз киббам̣ ж̇авад̇ийд̇и – ж̇аванабан̃н̃аа. взд̣̇анаа…бз… сан̃н̃аа… сан̇каараа… вин̃н̃аан̣ам̣… жагку…бз… ж̇араамаран̣ам̣ ад̇ийд̇аанааг̇ад̇абажжуббаннам̣ анижжам̣ каяадтзна д̣̇угкам̣ бхаяадтзна анад̇д̇аа асаарагадтзнаад̇и д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа ж̇араамаран̣анирод̇хз 31 ниб̣б̣аанз киббам̣ ж̇авад̇ийд̇и – ж̇аванабан̃н̃аа.
Rūpaṃ atītānāgatapaccuppannaṃ aniccaṃ khayaṭṭhena dukkhaṃ bhayaṭṭhena anattā asārakaṭṭhenāti tulayitvā tīrayitvā vibhāvayitvā vibhūtaṃ katvā rūpanirodhe nibbāne khippaṃ javatīti – javanapaññā. Vedanā…pe… saññā… saṅkhārā… viññāṇaṃ… cakkhu…pe… jarāmaraṇaṃ atītānāgatapaccuppannaṃ aniccaṃ khayaṭṭhena dukkhaṃ bhayaṭṭhena anattā asārakaṭṭhenāti tulayitvā tīrayitvā vibhāvayitvā vibhūtaṃ katvā jarāmaraṇanirodhe 32 nibbāne khippaṃ javatīti – javanapaññā.
руубам̣ ад̇ийд̇аанааг̇ад̇абажжуббаннам̣ анижжам̣ сан̇кад̇ам̣ бадижжасамуббаннам̣ каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хамманд̇и д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа руубанирод̇хз ниб̣б̣аанз киббам̣ ж̇авад̇ийд̇и – ж̇аванабан̃н̃аа. взд̣̇анаа…бз… сан̃н̃аа… сан̇каараа… вин̃н̃аан̣ам̣… жагку…бз… ж̇араамаран̣ам̣ ад̇ийд̇аанааг̇ад̇абажжуббаннам̣ анижжам̣ сан̇кад̇ам̣ бадижжасамуббаннам̣ каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хамманд̇и д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа ж̇араамаран̣анирод̇хз ниб̣б̣аанз киббам̣ ж̇авад̇ийд̇и – ж̇аванабан̃н̃аа. ж̇аванабан̃н̃ад̇ааяа сам̣вад̇д̇анд̇ийд̇и – аяам̣ ж̇аванабан̃н̃аа.
Rūpaṃ atītānāgatapaccuppannaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammanti tulayitvā tīrayitvā vibhāvayitvā vibhūtaṃ katvā rūpanirodhe nibbāne khippaṃ javatīti – javanapaññā. Vedanā…pe… saññā… saṅkhārā… viññāṇaṃ… cakkhu…pe… jarāmaraṇaṃ atītānāgatapaccuppannaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammanti tulayitvā tīrayitvā vibhāvayitvā vibhūtaṃ katvā jarāmaraṇanirodhe nibbāne khippaṃ javatīti – javanapaññā. Javanapaññatāya saṃvattantīti – ayaṃ javanapaññā.
д̇игкабан̃н̃ад̇ааяа сам̣вад̇д̇анд̇ийд̇и гад̇амаа д̇игкабан̃н̃аа? киббам̣ гилзсз чинд̣̇ад̇ийд̇и – д̇игкабан̃н̃аа. уббаннам̣ гаамавид̇аггам̣ наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и 33 анабхаавам̣ г̇амзд̇ийд̇и – д̇игкабан̃н̃аа. уббаннам̣ б̣яаабаад̣̇авид̇аггам̣ наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇ийд̇и – д̇игкабан̃н̃аа. уббаннам̣ вихим̣саавид̇аггам̣ наад̇хиваасзд̇и…бз… уббаннуббаннз баабагз агусалз д̇хаммз наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇ийд̇и – д̇игкабан̃н̃аа. уббаннам̣ рааг̇ам̣ наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇ийд̇и – д̇игкабан̃н̃аа. уббаннам̣ д̣̇осам̣…бз… уббаннам̣ мохам̣ … уббаннам̣ год̇хам̣… уббаннам̣ убанаахам̣… магкам̣… бал̣аасам̣… иссам̣… мажчарияам̣… мааяам̣… саатзяяам̣… т̇амбхам̣… саарамбхам̣… маанам̣… ад̇имаанам̣… мад̣̇ам̣… бамаад̣̇ам̣… саб̣б̣з гилзсз… саб̣б̣з д̣̇ужжарид̇з… саб̣б̣з абхисан̇каарз…бз… саб̣б̣з бхаваг̇аамигаммз наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇ийд̇и – д̇игкабан̃н̃аа. згасмим̣ аасанз жад̇д̇ааро жа арияамаг̇г̇аа жад̇д̇аари жа сааман̃н̃апалаани жад̇ассо бадисамбхид̣̇ааяо ча абхин̃н̃ааяо ад̇хиг̇ад̇аа хонд̇и сажчигад̇аа пассид̇аа бан̃н̃ааяаад̇и – д̇игкабан̃н̃аа. д̇игкабан̃н̃ад̇ааяа сам̣вад̇д̇анд̇ийд̇и – аяам̣ д̇игкабан̃н̃аа.
Tikkhapaññatāya saṃvattantīti katamā tikkhapaññā? Khippaṃ kilese chindatīti – tikkhapaññā. Uppannaṃ kāmavitakkaṃ nādhivāseti pajahati vinodeti byantīkaroti 34 anabhāvaṃ gametīti – tikkhapaññā. Uppannaṃ byāpādavitakkaṃ nādhivāseti pajahati vinodeti byantīkaroti anabhāvaṃ gametīti – tikkhapaññā. Uppannaṃ vihiṃsāvitakkaṃ nādhivāseti…pe… uppannuppanne pāpake akusale dhamme nādhivāseti pajahati vinodeti byantīkaroti anabhāvaṃ gametīti – tikkhapaññā. Uppannaṃ rāgaṃ nādhivāseti pajahati vinodeti byantīkaroti anabhāvaṃ gametīti – tikkhapaññā. Uppannaṃ dosaṃ…pe… uppannaṃ mohaṃ … uppannaṃ kodhaṃ… uppannaṃ upanāhaṃ… makkhaṃ… paḷāsaṃ… issaṃ… macchariyaṃ… māyaṃ… sāṭheyyaṃ… thambhaṃ… sārambhaṃ… mānaṃ… atimānaṃ… madaṃ… pamādaṃ… sabbe kilese… sabbe duccarite… sabbe abhisaṅkhāre…pe… sabbe bhavagāmikamme nādhivāseti pajahati vinodeti byantīkaroti anabhāvaṃ gametīti – tikkhapaññā. Ekasmiṃ āsane cattāro ca ariyamaggā cattāri ca sāmaññaphalāni catasso paṭisambhidāyo cha abhiññāyo adhigatā honti sacchikatā phassitā paññāyāti – tikkhapaññā. Tikkhapaññatāya saṃvattantīti – ayaṃ tikkhapaññā.
ниб̣б̣зд̇хигабан̃н̃ад̇ааяа сам̣вад̇д̇анд̇ийд̇и гад̇амаа ниб̣б̣зд̇хигабан̃н̃аа? ид̇хзгажжо саб̣б̣асан̇каарзсу уб̣б̣зг̇аб̣ахуло ход̇и уд̇д̇аасаб̣ахуло угган̣танаб̣ахуло арад̇иб̣ахуло анабхирад̇иб̣ахуло. б̣ахимуко на рамад̇и саб̣б̣асан̇каарзсу. аниб̣б̣ид̣̇д̇хабуб̣б̣ам̣ аббад̣̇аалид̇абуб̣б̣ам̣ лобхагканд̇хам̣ ниб̣б̣иж̇жхад̇и бад̣̇аалзд̇ийд̇и – ниб̣б̣зд̇хигабан̃н̃аа. аниб̣б̣ид̣̇д̇хабуб̣б̣ам̣ аббад̣̇аалид̇абуб̣б̣ам̣ д̣̇осагканд̇хам̣ ниб̣б̣иж̇жхад̇и бад̣̇аалзд̇ийд̇и – ниб̣б̣зд̇хигабан̃н̃аа. аниб̣б̣ид̣̇д̇хабуб̣б̣ам̣ аббад̣̇аалид̇абуб̣б̣ам̣ мохагканд̇хам̣ ниб̣б̣иж̇жхад̇и бад̣̇аалзд̇ийд̇и – ниб̣б̣зд̇хигабан̃н̃аа . аниб̣б̣ид̣̇д̇хабуб̣б̣ам̣ аббад̣̇аалид̇абуб̣б̣ам̣ год̇хам̣…бз… убанаахам̣… магкам̣… бал̣аасам̣… иссам̣… мажчарияам̣… мааяам̣… саатзяяам̣… т̇амбхам̣… саарамбхам̣… маанам̣… ад̇имаанам̣… мад̣̇ам̣… бамаад̣̇ам̣… саб̣б̣з гилзсз… саб̣б̣з д̣̇ужжарид̇з… саб̣б̣з абхисан̇каарз…бз… саб̣б̣з бхаваг̇аамигаммз ниб̣б̣иж̇жхад̇и бад̣̇аалзд̇ийд̇и – ниб̣б̣зд̇хигабан̃н̃аа. ниб̣б̣зд̇хигабан̃н̃ад̇ааяа сам̣вад̇д̇анд̇ийд̇и – аяам̣ ниб̣б̣зд̇хигабан̃н̃аа.
Nibbedhikapaññatāya saṃvattantīti katamā nibbedhikapaññā? Idhekacco sabbasaṅkhāresu ubbegabahulo hoti uttāsabahulo ukkaṇṭhanabahulo aratibahulo anabhiratibahulo. Bahimukho na ramati sabbasaṅkhāresu. Anibbiddhapubbaṃ appadālitapubbaṃ lobhakkhandhaṃ nibbijjhati padāletīti – nibbedhikapaññā. Anibbiddhapubbaṃ appadālitapubbaṃ dosakkhandhaṃ nibbijjhati padāletīti – nibbedhikapaññā. Anibbiddhapubbaṃ appadālitapubbaṃ mohakkhandhaṃ nibbijjhati padāletīti – nibbedhikapaññā . Anibbiddhapubbaṃ appadālitapubbaṃ kodhaṃ…pe… upanāhaṃ… makkhaṃ… paḷāsaṃ… issaṃ… macchariyaṃ… māyaṃ… sāṭheyyaṃ… thambhaṃ… sārambhaṃ… mānaṃ… atimānaṃ… madaṃ… pamādaṃ… sabbe kilese… sabbe duccarite… sabbe abhisaṅkhāre…pe… sabbe bhavagāmikamme nibbijjhati padāletīti – nibbedhikapaññā. Nibbedhikapaññatāya saṃvattantīti – ayaṃ nibbedhikapaññā.
имаа сол̣аса бан̃н̃ааяо. имаахи сол̣асахи бан̃н̃аахи саманнааг̇ад̇о буг̇г̇ало бадисамбхид̣̇аббад̇д̇о.
Imā soḷasa paññāyo. Imāhi soḷasahi paññāhi samannāgato puggalo paṭisambhidappatto.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 1. сол̣асабан̃н̃аанид̣̇д̣̇зсаван̣н̣анаа • 1. Soḷasapaññāniddesavaṇṇanā
